اس حالت میں کئی گھنٹوں یا پورے دن آرام کے باوجود بھی تھکاوٹ کا احساس کم نہیں ہوتا ہے۔

دائمی تھکاوٹ سنڈروم

PNS SHIFA

Online Consultation

سید انتصار حسین

جائزہ

دائمی تھکاوٹ کا سنڈروم (سی ایف ایس ) سے مراد ایک ایسی بے اعتدالی ہے جس کی وجہ سے کسی بھی فرد کی چلنے پھرنے یا کام کرنے کی صلاحیت بے پناہ تھکن کے سبب محدود ہو جاتی ہے۔ یہ عام طور پر ہونے والی تھکن سے کافی مختلف ہوتی ہے۔ لفظ دائمی سے مراد اس تھکن کے دورانیہ کی ہے جو کہ کئی مہینوں یا سال تک ہو سکتا ہے۔ 
ہر ایک کی زندگی میں ایک یا دو دن ایسے ہوتے ہیں جب کہ وہ ہر وقت تھکاوٹ محسوس کر رہے ہوتے ہیں ۔ سوچیں اگر کسی انسان کو یہ احساس مہینوں تک رہے تو کیسا لگے ۔ درحقیقت اسی کو دائمی تھکاوٹ سنڈروم کہتے ہیں ۔ یہ ایک بہت پیچیدہ حالت ہے ۔اس حالت میں کئی گھنٹوں یا پورے دن آرام کے باوجود بھی تھکاوٹ کا احساس کم نہیں ہوتا ہے۔ اس کو مائلیجک انسائیفالومائیلیٹس (ایم ای ) یا سسٹمک ایگزرشن ان ٹولیرنس ڈزیز (ایس ای آئی ڈی ) بھی کہتے ہیں۔<a href="#accordion">[2]</a> 
&nbsp;

اس سنڈروم کا پھیلاؤ پاکستان میں زيادہ نہیں ہے، تاہم امریکہ کی آبادی اور تمام نسلوں میں اس کا تناسب سال2015 کے ایک جائزے کے مطابق&nbsp; ہر 2.5ملین افراد میں سے836,000 افراد اس بیماری کا شکار ہیں ۔ اس مسئلے کے حوالے سے خطرناک صورتحال یہ بھی ہے کہ امریکہ میں صحت کے بہترین ترین نظام کے باوجود صرف 20٪ افراد میں دائمی تھکاوٹ سنڈروم کی تشخیص ہو سکی ۔ ایک اور جائزے کے مطابق خواتین اس بیماری کا شکار مردوں سے 4 گنا زيادہ ہوتا ہے.<a href="#accordion">[11]</a>

سال 2011 میں کی جانے والی ایک تحقیق کے مطابق دائمی تھکاوٹ سنڈروم کا پھیلاؤ&nbsp; نسلی اقلیتی گروہ میں زيادہ ہے۔ یہ بھی انکشاف کیا گیا ہے کہ سفید فام لوگوں میں اس کاپھیلاؤ 0.8% جب کہ پاکستانیوں میں اس کی شرح 3.5% تک ہے.<a href="#accordion">[4]</a> 
&nbsp;

علامات

اس بیماری کی علامات ہر فرد کےحساب سے مختلف ہو سکتی ہیں،بلکہ حقیقت یہ ہے کہ یہ علامات ایک شخص میں بھی ہمیشہ یکساں نہیں ہوتی ہیں، جس کی وجوہات اب تک معلوم نہیں ہو سکی ہیں ۔ تاہم ایسے بہت سارے عوامل ہیں جو اس بیماری پر اثر انداز ہو سکتے ہیں ۔ 
&nbsp;

یہ علامات کچھ اس طرح سے ہو سکتی ہیں؛&nbsp;

<ul dir="rtl">
	<li>مناسب نیند لینے کے باوجود غنودگی اور تھکاوٹ کا احساس&nbsp;</li>
	<li>روشنی سے حساسیت&nbsp;</li>
	<li>سر درد</li>
	<li>دائمی بے خوابی&nbsp;</li>
	<li>پٹھوں اور جوڑوں میں درد&nbsp;</li>
	<li>کمزوری&nbsp;</li>
	<li>ارتکاز میں کمی&nbsp;</li>
	<li>الجھن&nbsp;</li>
	<li>بخار&nbsp;</li>
	<li><a href="https://merisehat.pk/ur/disease/depression">ڈپریشن&nbsp;</a></li>
	<li>گلے میں خراش</li>
	<li>لمف نوڈز میں&nbsp; سوزش&nbsp;</li>
</ul>

<h5 dir="rtl"> 
علامات کی شدت کی سطح&nbsp;</h5>

ہلکا دائمی تھکن سنڈروم: اس کی علامات معمولی نوعیت کی ہوتی ہیں ، یعنی اس کے ساتھ آپ اپنے روز مرہ کے افعال بھی انجام دینے کے قابل ہوتے ہیں ۔ تاہم اس حالت میں انسان اپنے فارغ وقت کے مشاغل ترک کر دیتا ہے کیوں کہ ان کی تکمیل کے لئے کافی توانائی کی ضرورت ہوتی ہے۔

درمیانی دائمی تھکن سنڈروم: اس حالت میں خاص طور پر انسان کو چلنے پھرنے اور روزمرہ کے افعال انجام دینے میں دشواری کا سامنا کرنا پڑ سکتا ہےاور ذرا ذرا سے کام کے بعد اس کو وقفہ اور آرام کی ضرورت ہوتی ہے۔ جس سے انسان کی تعلیم ، نوکری سب کچھ متاثر ہو سکتا ہے۔&nbsp; 
&nbsp;

شدید دائمی تھکن سنڈروم:یہ کسی بھی فرد کی کارکردگی میں رکاوٹ کا سبب ہوتی ہے۔ اس حالت کا شکار فرد روزمرہ کے افعال انجام دینے کے قابل نہیں رہتا ہےیہان تک کہ دانت تک صاف نہیں کر سکتا ہے۔ ایسی حالت میں مبتلا لوگ بستر تک محدود ہو جاتے ہیںاور گھر سے باہر نہیں نکل سکتے ہیں۔ یہاں تک کہ ایک کمرے سے دوسرے کمرے تک جانے کے لئے ان کو وہیل چئیر کی ضرورت پڑتی ہے۔&nbsp;

شدید دائمی سنڈروم&nbsp; &nbsp;میں متاثر شخص پلنگ تک محدود ہو جاتا ہے اور اس کو ہر وقت کسی&nbsp; نہ کسی دیکھ بھال کرنے والے فرد کی ضرورت ہوتی ہے۔ ایسے افراد نہ تو کھانا خود کھا سکتے ہیں اور نہ ہی حوائج ضروریہ سے بغیر کسی کی مدد کے فارغ ہو سکتے ہیں ۔&nbsp; 
&nbsp;

اسباب

اس بے اعتدالی کو بنیادی طور پر پیچیدہ سمجھا جاتا ہے کیوں کہ اب تک اس بیماری&nbsp; کی وجہ نامعلوم ہے۔&nbsp;تاہم کئی ایسے عوامل ضرور موجود ہیں جو اس بیماری کے پھیلاؤ پر اثر انداز ہوتے ہیں جو کچھ اس طرح سے ہیں ؛&nbsp; 
&nbsp;

<ul>
	<li dir="rtl" style="text-align:right">ہارمونل عدم توازن: ہارمون ہمارے جسم میں کئی مسائل کا خاموش سبب ہو سکتے ہیں جس میں سے دائمی تھکن سنڈروم بھی ایک ہے ۔ جس کا سبب جسم میں موجود گلینڈز سےپیدا کئے ہوئے ہارمون کے لیول میں عدم توازن بھی ہو سکتا ہے۔ تاہم اب تک مختلف ہارمون اور ان کے لیول کے حوالے سے غیر یقینی پائی جاتی ہے، اورا ب تک اس بات کی شناخت نہیں ہو سکی کہ کس ہارمون کے لیول کم یا زيادہ ہونے سے دائمی تھکن سنڈروم ہو سکتا ہے<a href="#accordion">[6]</a> 
	&nbsp;</li>
	<li dir="rtl" style="text-align:right">کمزور قوت مدافعت: یہ تمام مسائل کی جڑ ہے، کمزور قوت مدافعت ایک فرد کے روزمرہ کے کاموں کی صلاحیت کو محدود کر دیتی ہے۔ دائمی تھکاوٹ سنڈروم کا شکار ہونے والے لوگ بظاہر کمزور قوت مدافعت کے مسئلے سے بھی دوچار نظر آتے ہیں۔ اور فورا کسی بھی بیماری کا شکار ہو جاتے ہیں ، مگر دوسرے عوامل کی طرح دائمی تھکاوٹ سنڈروم کا کمزور قوت مدافعت سے براہ راست تعلق اب تک سامنے نہیں آسکا ہے۔&nbsp; 
	&nbsp;</li>
	<li dir="rtl" style="text-align:right">وائرل یا بیکٹیریل انفیکشن: دائمی تھکاوٹ سنڈروم میں مبتلا زيادہ تر افراد ماضی قریب میں شدید نوعیت کے وائرل انفیکشن کا شکار ہو چکے ہوتے ہیں ۔ مگر اب تک کسی خاص انفیکشن کا تعلق اس سنڈروم سے سامنے نہیں آسکاہے ۔کچھ مریضوں کی پرانی رپورٹوں کے مطابق دائمی تھکاوٹ سنڈروم میں مبتلا ہونے سے قبل&nbsp; ان کو ایپسٹائن بار وائرس ، ہیومن ہرپس وائرس 6،روز ریور وائرس یا روبیلا وائرس میں سے کسی سے انفیکشن ہو چکا تھا ۔ جب کہ بیکٹیریل انفیکشن جو ان بیکٹیریا کے سبب تھا، کوکسلا برنیٹی اور مائيو پلازما نمونیا&nbsp; سے ہونے والے انفیکشن&nbsp;شامل تھے ۔ ماہرین کا اس حوالے سے یہ ماننا ہے کہ اگرکوئی فرد ان انفیکشن سے شدید حد تک متاثر ہو تو اس کے دائمی تھکن سنڈروم کا شکار ہونے کا امکان بڑھ جاتا ہے<a href="#accordion">[3]</a> 
	&nbsp;</li>
	<li dir="rtl" style="text-align:right">تناؤ اور صدمہ:کافی لوگ جو کسی تناؤ یا صدمے کا شکار ہوں ان میں بھی دائمی تھکن سنڈروم کے ہونے کا امکان بڑھ جاتا ہے۔&nbsp; 
	&nbsp;</li>
</ul>

اب تک ایسا کوئی مستند اور قابل بھروسہ اسکریننگ ٹیسٹ موجود نہیں ہے جو کہ دائمی تھکن سنڈروم کی پیشن گوئی وقت سے قبل کر سکے۔ کچھ ٹیسٹ جو موجود بھی ہیں وہ صرف ایک صحت مند انسان اور دائمی تھکن سنڈروم کے شکار افراد میں فرق کر سکتا ہے مگر یہ بھی مستند قرار نہیں دیا جاتا ہے اور نہ ہی لوگ اس کو تسلیم کرتے ہیں ۔&nbsp; 
&nbsp;

تشخیص

نیشنل انسٹیٹیوٹ برائے صحت اوردیکھ بھال(ایس آئی سی ای) کے مطابق دائمی تھکن سنڈروم پر اسی وقت غور کیا جاتا ہے جب کہ مریض کی حالت کی ذمہ دارکسی ممکنہ بیماری کا تعین نہ ہو سکے<a href="#accordion">[8]</a>

یونائٹڈ اسٹیٹ انسٹی ٹیوٹ آف میڈيسن نےدائمی تھکن سنڈروم&nbsp; کو بیان کرنے کے لئے کچھ رہنما نکات بیان کئے ہیں جن کو چیک کر کے لوگ دائمی تھکن سنڈروم&nbsp; میں مبتلا ہونے کےامکانات کے بارے میں جان سکتے ہیں۔<a href="#accordion">[7]</a>جو کچھ اس طرح سے ہیں ؛

<ul>
	<li dir="rtl" style="text-align: right;">شدید تھکن اور تھکن کا احساس،جو روز مرہ کےافعال میں رکاوٹ کا سبب بن جائے&nbsp;</li>
	<li dir="rtl" style="text-align: right;">تھکاوٹ کا مسئلہ طویل عرصے سے موجود ہو، بھلے یہ مستقل ہو یا کبھی کبھار ہو&nbsp;</li>
	<li dir="rtl" style="text-align: right;">کسی بھی جسمانی یا ذہنی دباؤ کے سبب حالت کا بگڑ جانا&nbsp;</li>
	<li dir="rtl" style="text-align: right;">چیزوں کو یاد رکھنے یا کسی طرف توجہ مرکوز کرنے میں دشواری&nbsp;</li>
	<li dir="rtl" style="text-align: right;">چکر آنا اور بیٹھنےاور کھڑے ہونے کے قابل نہ رہنا&nbsp; 
	&nbsp;</li>
</ul>

علاج

اس بیماری کا مکمل علاج کرنے کے بجائے اس کی علامات کی شدت کو کم کرنے کا علاج کیا جاتا ہے۔علامات کی بنیاد پر یا جن حالات اورعلامات کا سامنا کیا جا رہا ہے اس کے حساب سے مختلف ادویات تجویز کی جاتی ہیں ۔ مگر یہ سنڈروم ادویات کے استعمال سےبہتر نہیں ہوتا ہے۔ بلکہ اس کے لئے طرز زندگی میں تبدیلی ضروری ہوتی ہے۔&nbsp;

دائمی تھکن سنڈروم کا انتظام یا علاج ہر فرد کے حساب سے مختلف ہوتا ہے۔ جس کو ہر فرد کو اپنی علامات کے مطابق متعین کرنا ہوتا ہےاور یہ جاننےکی کوشش کرنی ہوتی ہے کہ اس کے لئے کون سے کام بہتر ہیں ۔اس کے لئے صحت کی سہولیات فراہم کرنے والےماہرین مریض کی مدد کر سکتے ہیں اور جلد صحت یاب ہونے کے لئےطرز زندگی میں کی جانے والی تبدیلیوں کے حوالے سے رہنمائی کر سکتے ہیں، مگر اس حقیقت کو یاد رکھنا ضروری ہے کہ یہ سنڈروم طویل عرصے تک رہتا ہے اوراس کا علاج بھی ایک طویل اور صبر آزما کام ہے۔&nbsp; 
&nbsp;

اس کے علاج کے کچھ خاص طریقے اس طرح سے ہو سکتے ہیں:

کانجینیٹو بی ہیورل تھراپی:یہ بہت عام طریقہ علاج ہےجس میں آپ کی سوچ اور روئیے کو اپ کے ماحول کے حساب سے تبدیل کرنے کی کوشش کی جاتی ہے۔ اس میں بات چیت کے ذریعے نفسیاتی علاج کیا جاتا ہے تاہم یہ صرف ہلکے اور درمیانی لیول کے لئے ہی موثر&nbsp; ہوتا ہے۔&nbsp; 
&nbsp;

ادویات:جیسا کہ پہلے بتایا جا چکا ہے، کہ اس بیماری کا کوئی براہ راست علاج موجود&nbsp; نہیں ہے ۔ دائمی تھکاوٹ&nbsp; سنڈروم صرف دائمی تھکن تک محدود نہیں رہتا بلکہ کئی کیسز میں یہ ڈپریشن میں بھی تبدیل ہو جاتا ہے۔اورتھوسٹیٹک عدم برداشت&nbsp; بھی ایک اور عام عنصر ہے۔ اس حالت میں جب کوئی شخص کھڑا ہوتا ہے تو اس کو چکر آنے لگتے ہیں۔اس علامت کے لئے بھی موثر ادویات موجود ہیں<a href="#accordion">[7]</a> 
&nbsp;

توانائی کا انتظام: دائمی تھکاوٹ سنڈروم میں مبتلا شخص کے پاس چلنے پھرنے کے مواقع محدود ہو جاتے ہیں۔ ایسی صورتحال میں اپنے جسم میں موجود توانائی کا بہترین استعمال بڑھانا بہت ضروری ہے۔ اس طریقہ علاج میں&nbsp; متاثرہ شخص کے افعال اور ان کے توانائی کے لیول پر نظر رکھی جاتی ہےاور اس فرد&nbsp; کی&nbsp; خوراک اور ورزش کا ایک باقاعدہ پلان بنایا جاتا ہے تاکہ اس کی جسمانی کارکردگی اور توانائی کے لیول کو بہتر بنایا جا سکے.<a href="#accordion">[8]</a> 
&nbsp;

بعد از مشقت بے چینی:اس سنڈروم&nbsp; سے متاثر افراد کو ذہنی ، جسمانی اور جزباتی دباؤ کا سامنا کرنا پڑتا ہے ۔ یہ دباؤ اور علامات اس وقت بدترین ہو جاتی ہیں جب کہ وہ کوئی بھی توانائی کےاستعمال والا کام کرتے ہیں ۔ اور اس وجہ سےورزش اور جسمانی افعال کے ذریعےاس سنڈروم کا علاج ایک بڑی رکاوٹ کا سبب ہو سکتا ہے۔

اس مسئلے سے بچنے کے لئےآپ کا یہ جاننا ضروری ہے کہ کب آپ کو&nbsp; جسمانی طور پر خود کو ایک بریک دینے کی ضرورت ہے اور کب جدوجہد کی ضرورت ہے<a href="#accordion">[8]</a> 
&nbsp;

تکسیدی دباؤ:ایسے افراد جو دائمی تھکاوٹ سنڈروم کا شکار ہوتے ہیں ان میں تکسیدی دباؤ میں اضافہ دیکھا گیا&nbsp; ہے ۔ جس کی وجہ سے جسم میں اینٹی آکسیڈنٹ&nbsp; جیسے کہ گلوٹو تھیون کی کمی واقع ہو جاتی ہے۔&nbsp;

تکسیدی دباؤ کے سبب پیدا ہونےوالا ایک بڑا مسئلہ خلیات کو پہنچنے والا نقصان ہے کیوں کہ زيادہ تر کیسز میں آکسیجن خلیہ کے مائی ٹوکونڈریا کو متاثرکرتی ہے اوراس کی توانائی پیدا کرنے، غذائيت فراہم کرنے اور خلیہ کے بنیادی افعال میں رکاوٹ کا سبب ۔بنتی ہے 
&nbsp;

اعصابی محرک میں اضافہ: اس سے مراد یہ ہے کہ سنڈروم اعصاب کو کیسے متاثر کرتا ہے اعصاب کی حساسیت میں اضافے کے سبب ایک فرد کسی بھی صحت مند فرد کے مقابلے میں معمولی سا درد بھی زيادہ شدت کے ساتھ محسوس کرتا ہے.جس سے یہ ثابت ہوتا ہے کہ یہ سنڈروم اعصابی نظام کو متاثر کرتا ہے اور کئی محرکات کے بننےکاسبب بنتا ہے۔<a href="#accordion">[12]</a> 
&nbsp;

اس سنڈروم کے بننے کے اسباب کے بارے میں اب تک ہم بہت کچھ نہیں جانتے ہیں ،&nbsp; اور نہ ہی یہ جانتے ہیں کہ یہ ہمارا جسم اس میں کیسے مبتلا ہوا یہی وجہ ہے کہ دائمی تھکاوٹ سنڈروم کے سبب جسم میں ہونے والی تبدیلیاں اب تک شناخت نہیں ہو سکی ہیں اس وجہ سے اس کے خطرے کے عوامل میں بھی ابہام پایا&nbsp; جاتا ہے: 
&nbsp;

<ul>
	<li dir="rtl" style="text-align: right;">عمر:یہ سنڈروم کسی بھی عمر میں ہو سکتا ہےمگر عام طور پر40 سے60 سال کی عمر کےافراد میں اس کے شواہد زيادہ دیکھنے میں&nbsp; آئے ہیں۔<a href="#accordion">[10]</a> 
	&nbsp;</li>
	<li dir="rtl" style="text-align: right;">صنف: تحقیقات کےمطابق،خواتین&nbsp;مردوں کی نسبت4گنا زيادہ&nbsp; اس مرض میں مبتلا رپورٹ کی گئی ہیں۔ یہاں تک کہ کم عمر لوگوں میں جن کا تناسب اس سنڈروم کا شکار ہونےمیں بہت کم ہے ان میں بھی خواتین کی شرح مردوں سے زيادہ ہے 
	&nbsp;</li>
	<li dir="rtl" style="text-align: right;">جین:اگر آپ کے خاندان میں دائمی تھکاوٹ&nbsp;سنڈروم کی ہسٹری موجود ہےتواس صورت میں آپ کےاس بیماری میں مبتلا ہونے کا امکان دوسرے افراد سے زيادہ ہے۔&nbsp; 
	&nbsp;</li>
	<li dir="rtl" style="text-align: right;">دیگر بیماریاں:کچھ بیماریاں جیسےآنتوں&nbsp;میں زخم ہونا، فائبرومائلیجیا، ٹیمپورومینڈیبلر سنڈروم، پوسٹ کنکیوژن سنڈروم ، ٹینشن کےسبب ہونے والا سردرد، پیلوک، پروسٹیٹ کے مسائل&nbsp;اس بیماری کا خطرہ بڑھا دیتے ہیں&nbsp;مگراس بیماریوں کا براہ&nbsp;راست کوئی تعلق سامنے نہیں آیا.<a href="#accordion">[1]</a> 
	&nbsp;</li>
</ul>

جیسا کہ اس بیماری کو&nbsp; کا کوئی علاج اب تک دریافت نہیں ہو سکا اسی طرح&nbsp; سے ایسے کچھ اقدامات بھی موجود نہیں ہیں جن کو اپنا کر اس بیماری سے بچا جا سکے ہلکی علامات ہونے کی صورت میں تو لوگ نوٹس کرنے کے بجائے اس کو نارمل ہی سمجھتے ہیں، یہ نتائج درمیانے اور شدید نوعیت کی علامات کی صورت میں کافی تکلیف دہ ہو سکتے ہیں۔ جس کا واحد حل علامات کی شدت کو کم یا ہلکا کرنے کے لئے ان کو مطابق ادویات کا استعمال ہوتا ہے۔<a href="#accordion">[10]</a> 
&nbsp;

اوٹاگو کی یونی ورسٹی میں سائنسدانوں کی جانب سے کی جانے والی تحقیقات کے مطابق انہوں نے ایک ایسا وائرس دریافت کیا جو کئی لوگوں میں دائمی تھکاوٹ سنڈروم کا محرک بنا ۔اسی طرح جن افراد میں کوویڈ7سے14 دن سے زيادہ طویل ہوتا ہے ان میں بھی تھکاوٹ کے سنڈروم کے ہونے کے شواہد دیکھے گئے ہیں ۔یہ وائرس جسم میں ایسی تبدیلیوں کا سبب اور اعصابی محرکات کا باعث بنتا ہے جو دائمی تھکاوٹ کے سنڈروم میں دیکھے جاتے رہے ہیں۔<a href="#accordion">[13]</a>

ڈی پال یونیورسٹی نے نوجوان آبادی پر دائمی تھکاوٹ سنڈروم کے&nbsp; پھیلاؤ کے حوالے سے تحقیقات کیں ۔ اس تحقیق میں میں نوجوانوں کے&nbsp; دائمی تھکاوٹ سنڈروم میں مبتلا ہونےکے امکانات کے حوالے سے تحقیق کی ۔ اس تحقیق سے یہ بات سامنے آئی کہ صرف 5٪نوجوان لوگ نے دائمی تھکاوٹ سنڈروم کو رپورٹ کیا۔ جب کہ سفید فام لوگوں کے مقابلے میں سیاہ فام افراد لوگ اس&nbsp; بیماری کی رپورٹ انتہائی کم کرتے ہیں ۔<a href="#accordion">[5]</a> 
&nbsp;

اہم نکات

<ul dir="rtl">
	<li>دائمی تھکاوٹ سنڈروم&nbsp; ایک انتہائی پیچیدہ خرابی ہےجس کی وجہ سے انسان شدید تھکن کے باعث اپنے روز مرہ کے افعال انجام دینے کے قابل نہیں رہتا ۔&nbsp;</li>
	<li>اس سنڈروم کا بنیادی سبب اب تک معلوم نہیں ہو سکا اس وجہ سے اس کا علاج بھی اس کی علامات کی شدت کو کم کرنے پر منحصر ہوتا ہے۔ اور مکمل علاج اب تک دریافت نہیں ہو سکا۔&nbsp;</li>
	<li>ایسے افراد جو اس سنڈروم کی شدید علامات&nbsp;میں مبتلا ہوں ان کو روزمرہ کےافعال&nbsp;کی انجام دہی کے لئے کسی مددگار کی ضرورت ہوتی ہے&nbsp;</li>
	<li>خواتین اس بیماری میں&nbsp;مردوں کی نسبت چار گنا زيادہ مبتلا ہوتی ہیں ۔</li>
	<li>جن افراد کی عمریں40 سے60 سال کےدرمیان ہوتی ہیں ان کے اس بیماری میں مبتلا ہونے کےامکانات زیادہ ہوتےہیں ۔&nbsp;</li>
	<li>ایپس ٹین بار وائرس، ہیومن ہرپس&nbsp;وائرس وغیرہ&nbsp;کو بھی اس سنڈروم کے&nbsp;محرکات کےطور پر سمجھا جاتا ہے۔ جدید تحقیق کے مطابق طویل عرصے تک کوویڈ بھی اعصابی نظام کو اسی طرح متاثر کرتا ہے جس طرح دائمی تھکاوٹ سنڈروم میں ہوتا ہے۔&nbsp;</li>
</ul>

[1] Arefa Cassoobhoy, M. M., 2020. What Makes Chronic Fatigue Syndrome More Likely?. [Online]  Available at: [Accessed 11 Aug 2022].

[2] Healthline, 2020. CFS (Chronic Fatigue Syndrome). [Online]  Available at:[Accessed 11 Aug 2022].

[3] Healthline, 2020. CFS (Chronic Fatigue Syndrome). [Online]  Available at:  [Accessed 10 Aug 2022].

[4] Kamaldeep S Bhui, S. D. D. A. J. N. S. W. a. P. D. W., 2011. Chronic fatigue syndrome in an ethnically diverse population: the influence of psychosocial adversity and physical inactivity. BMC Med, 9(26).

[5] Leonard A. Jason, B. Z. K. M. S. C. T. J. C. S. B., 2020. The Prevalence of Pediatric Myalgic Encephalomyelitis/Chronic Fatigue Syndrome in a Community-Based Sample. Child & Youth Care Forum, Volume 49, p. pages563–579.

[6] Mayo Clinic, 2022. Chronic fatigue syndrome. [Online]  Available at: [Accessed 10 Aug 2022].

[7] Mayo Clinic, 2022. Chronic fatigue syndrome. [Online]  Available at: [Accessed 11 Aug 2022].

[8] NHS, 2021. Diagnosis - Myalgic encephalomyelitis or chronic fatigue syndrome (ME/CFS). [Online]  Available at: [Accessed 11 Aug 2022].

[9] Poole, J., n.d. Prevention and outlook for chronic fatigue syndrome. [Online]  Available at:[Accessed 11 Aug 2022].

[10] Poole, J., n.d. What are the risk factors and complications of chronic fatigue syndrome?. [Online]  Available at:[Accessed 11 Aug 2022].

[11] Prevention, C. f. D. C. a., 2021. Myalgic Encephalomyelitis/Chronic Fatigue Syndrome. [Online]  Available at: [Accessed 10 Aug 2022].

[12] Sapra, A. & Bhandari., P., 2022. Chronic Fatigue Syndrome. StatPearls.

[13] Warren Tate, M. W. E. S. A. H. K. P. C. E. A. B. A. C., 2022. Molecular Mechanisms of Neuroinflammation in ME/CFS and Long COVID to Sustain Disease and Promote Relapses. Frontiers in Neurology, 2022, Volume 13, p. DOI: 10.3389/fneur.2022.877772.