زہریلے مادّوں کے اثرات کا سنڈروم(ٹی ایس ایس)

A. JABBAR DENTAL CLINIC KARACHI

Sadia Khan

جائزہ

زہریلے مادّوں کے اثرات کا سنڈروم(ٹی ایس ایس)" اسٹیفائیلو کوکَس آریئس (ایس۔ آریئس)" اور "اسٹریپٹو کوکَس پائیو جینز (ایس۔ پائیوجینز)" نامی بیکٹیریا کے ذریعے ہونے والے&nbsp; شدید اثرات کو کہا جاتا ہے۔اگرچہ یہ بیماری شاذ و نادر ہی ہوتی ہے تاہم یہ انتہائی مہلک بیماری ہے ۔ امریکہ میں ٹی ایس ایس کے کیسز کی شرح 0.8سے 3.4 افراد فی 100000افراد ہے [2]۔ یہ بیماری پہلی بار 1978 میں اس وقت ظاہر ہوئی جب بہت&nbsp; سے&nbsp; بچوں میں تیز بخار،خارش ، اوران کے کئی اعضاء کی ناکامی پیدا ہوئی[1]۔ بعد میں، 1980 کی دہائی میں، عورتوں کی جانب سے انتہائی جاذب ٹیمپون/ ماہواری کے انجذاب کی ایک پراڈکٹ کے استعمال کی وجہ سے ٹی ایس ایس کا مرض لاحق ہُوا۔ ان انتہائی جاذب ٹیمپون کا استعمال ترک کردینے کے بعد سے ، ٹیمپون سے وابستہ ٹی ایس ایس کے کیسز&nbsp; کی تعداد میں نمایاں کمی آئی ہے[2]۔ تاہم، ٹیمپون کا استعمال ہی واحد خطرے کا عنصر نہیں ہے۔ اس کے علاوہ&nbsp; یہ صرف نوجوان عورتوں تک ہی محدود&nbsp; نہیں ہے؛ کسی بھی عمر کے مرد اور بچے بھی ٹی ایس ایس&nbsp; سے متاثر ہوتے ہیں۔ تقریباً 25فیصدغیرماہواری صورتوںمیں،ٹی ایس ایس کے واقعات مردوں میں ہوتے ہیں[3]۔<div> </div>

ٹی ایس ایس کی درجہ بندی اس کا سبب بننے والے خوردبینی عناصر کی بنیاد پر کی جاتی ہے[2]: <ol><li>اسٹریپٹوکو کَس کی بنیاد پر ہونے والا ٹی ایس ایس: جیسا کہ اس کے نام سے ظاہر ہے ، اس بیماری کا سبب "اسٹریپٹو کوکَس" ہے ۔ اس کا تعلق ٹیمپون کے استعمال سے نہیں ہے۔&nbsp;</li><li>غیر اسٹریپٹوکو کَس کی بنیاد پر ہونے والا ٹی ایس ایس: یہ نام "ایس آریئس" سے ہونے والے انفیکشن کے حوالے سے استعمال کیا جاتا ہے ۔ </li></ol>ٹی ایس ایس کی درجہ بندی کی ایک اور بنیاد ، ماہواری کی موجودگی ہے[2]: <ol><li>ماہواری کی بنیاد پر ٹی ایس ایس:&nbsp; یہ کیسز ماہواری والی عورتوں کے ساتھ پیش آتے ہیں اور ان کا عام طور پر تعلق ٹیمپون کے استعمال سے ہوتا ہے ۔ تاہم، ڈایا فرام، ماہواری کے کَپ، ماہواری کے اسفنج کے استعمال کا بھی تعلق، ٹی ایس ایس سے پایا گیا ہے ۔&nbsp;</li><li>غیر ماہواری کی صورت میں ٹی ایس ایس:تقریباً 50 فیصد کیسز غیر ماہواری کی صورت میں پیش آتے ہیں جب کہ بیکٹریا جسم میں داخل ہوجاتے ہیں[3]۔سرجری کے بعد کے انفیکشن، جل جانا، نرم عضلات کا انفیکشن، اور غیر جسمانی اشیاء کا جسم میں رکھنا مثلاً ڈایالائسس کا کیتھیٹر وغیری سے ٹی ایس ایس لاحق ہوسکتا ہے ۔</li></ol><div> </div>

علامات

ٹی ایس ایس کی علامات اور نشانیوں میں درج ذیل شامل ہیں: <ul><li>تیز بخار، اکثر اوقات ٹھنڈ کے ساتھ</li><li>دھوپ سے جلنے جیسے نشانات زیادہ تر پیر کے تلووں اور ہتھیلیوں پر نظر آتے ہیں، جن سے بعد میں کھال اتر جاتی ہے</li><li>بلڈ پریشر میں کمی</li><li>الٹی ہونا</li><li>اسہال ہونا</li><li>سر درد ہونا</li><li>گلے میں خراش، کھانسی&nbsp;</li><li>دورے پڑنا</li><li>بے آرامی</li><li>اُلجھن</li><li>عضلات میں درد ہونا </li></ul>

اسباب

ایس&nbsp; آریئس اور ایس ہائیوجینز نامی&nbsp; بیکٹیریا ،قدرتی طور پرعورتوں&nbsp; کی تولیدی نالی، ہماری جِلد اور میوکس جھلیوں میں موجود ہوتے ہیں۔ تاہم، بعض اوقات، یہ بیکٹیریا بڑھ کر زہریلا مواد پیدا کر سکتے ہیں۔ کلوسٹرائی ڈیم&nbsp; سورڈے لیلی جو عام طور پر فرج/اندام نہانی&nbsp; میں موجود ہوتا ہے، یہ بھی ٹی ایس ایس&nbsp; کا سبب بن سکتا ہے۔ ایس&nbsp; آریئس کے ذریعہ تیار کردہ بیرونی زہریلے مادّے، مثلاً&nbsp; &nbsp;ٹی ایس ایا ٹاکسن ٹائپ-1(ٹی ایس ایس ٹی -1) اور اسٹیفائی لو کوکَس کے داخلی زہریلے مادّے "بی" ، عام طور پر زہریلےؐادّوں کے اثرات کے&nbsp; سنڈروم کا سبب بنتے ہیں۔ یہ زہریلے مادّے ، ٹی سیلز کو متحرک کرتے ہیں اور سائٹوکائن تلاطم کا باعث بنتے ہیں، جو ملٹی سسٹم کی بیماری لاتا ہے۔ تاہم، یہ واضح نہیں ہے کہ ٹیمپون ٹی ایس ایس کا سبب کیسے بنتے ہیں۔ تحقیق کار&nbsp; تجویز کرتے ہیں کہ ٹیمپون&nbsp; میں بیکٹیریا پھنس جاتے ہیں جہاں&nbsp; انہیں نشوونما کے لئے&nbsp; موزوں ماحول حاصل ہوجاتا ہے ، خاص طور پر اگر ٹیمپون انتہائی جاذب ہوں اور کافی وقت&nbsp; تک اپنی جگہ پر لگے رہیں۔ ایک اور نظریہ ہے جس میں کہا گیا ہے کہ ٹیمپون فرج&nbsp; کی دیوار میں ہلکے کٹاؤ پیدا کر سکتا ہے، جس سے بیکٹیریا خون کے دھارے میں داخل ہو جاتے ہیں۔ اس صورت میں، ٹیمپون واحد کارگر عنصر نہیں ہے۔ بیکٹیریا کٹاؤاور کھلے زخموں کے ذریعے بھی خون کے دھارے میں داخل ہو سکتے ہیں، مثلاً سرجری کے دوران۔ یہاں تک کہ ناک کی پیکنگ، جیسا کہ ناک سے خون بہنے&nbsp; کو روکنے کے لئے&nbsp; کیا جاتا ہے، بیکٹیریا کی افزائش کا سبب بن سکتا ہے۔ مزید یہ کہ ،ٹی ایس ٹی ایس&nbsp; براہ راست رابطے کے ذریعے&nbsp; بھی ایک شخص سے دوسرے شخص میں پھیل سکتا ہے۔

فی الوقت ، ٹی ایس ایس کی اسکریننگ کے لئے کوئی ٹیسٹ دستیاب&nbsp; نہیں ہے۔

تشخیص

یو ایس سینٹرز فار ڈیزیز کنٹرول اینڈ پریوینشن (سی ڈی سی) نے، ٹی ایس ایس&nbsp; کی تشخیص کے لیے درج ذیل طبی معیارات تجویز کئے&nbsp; ہیں[4]: <ul><li>بلڈ پریشر میں کمی: بالغان کے لئے ،سسٹولک بلڈ پریشر 90 ملی میٹر ایچ جی&nbsp; کے مساوی یا اس سے سے کم ۔</li><li>متعدد اعضاء کی ناکامی: یہ صورت حال درج ذیل میں سے کسی دَو یا اس سے زائد عوامل کے ساتھ ظاہر ہوتی ہے :</li></ul> <ol><li>گردوں کی خرابی:&nbsp; یعنی کری ایٹی نائن لیول 2 ملی گرام / ڈیسی لیٹر کے مساوی یا اس سے زائد، اس کے علاوہ ،گردوں کی بیماری پہلے سے تھی۔</li><li>خون جمنے کے امراض:&nbsp; پلیٹی لیٹس کی تعداد 100000/ مکعب ملی لیٹر کے مساوی یا اس کم یا خون کی نالیوں میں پھیلا ہُوا خون کا جماؤ۔</li><li>جگر کی بیماری : یعنی جگر کی اینزائمز (مثلاً&nbsp; الانائن امائنوٹرانس فیریز، ایسپار ٹیٹ امائنوٹرانس فیریز، یا کُل بائلی رُبین)کی مقدار بڑھ جانا ۔</li><li>سانس کی شدید بے آرامی کا سنڈروم: اس میں آکسیجن کی کمی،&nbsp; جسم میں عمومی سوجن،&nbsp; اور سانس کی نالیوں کے اندر کثافتیں پائی جاتی ہیں۔</li><li>جِلد پر سُرخی : جو بعد میں چھلکے کی طرح اُتر جاتی ہے ۔</li><li>نرم عضلات کا مرجانا </li></ol>اس کے علاوہ، ٹی ایس ایس کے لئے لیباریٹری کے پیمانے درج ذیل ہیں: <ul><li>امکانی طور پر: یہ علامات کسی اور بیماری کی علامات جیسی نہیں ہوتیں اور یہ کلینیکل کیس کی تعریف پر بھی پورے اترتے ہیں ۔ اس کے علاوہ، غیر اسٹیرائل جگہ سے بیکٹیریا حاصل کئے جاتے ہیں۔</li><li>تصدیق شدہ:کلینیکل کیس کی تعریف پر پورا اترنے کے ساتھ ، اسٹیرائل جگہ (سیریبرل اسپائینو فلوئڈ یا خون) سے ایس پائیوجینز کا حصول ۔ </li></ul>خود ٹی ایس ایس&nbsp; کے لئے&nbsp; کوئی مخصوص ٹیسٹ نہیں ہے۔ اس کے بجائے، ڈاکٹر ایس آریئس یا&nbsp; ایس پائیو جینز&nbsp; کی جانچ کرنے کے لیے خون اور پیشاب کے ٹیسٹ کرواتے ہیں۔ مزید یہ کہ تجزیہ کے لئے&nbsp; ناک، گلے، فرج&nbsp; اور بچہ دانی کے منہ سے نمونے لئے&nbsp; جاتے ہیں۔ ملٹی سسٹم کی شمولیت کی وجہ سے، کسی بھی پیچیدگی کا اندازہ لگانے کے لئے&nbsp; سی ٹی اسکین، سینے کا ایکس رے، یا لمبر پنکچر بھی کرایا جا سکتا ہے۔<div> </div>

علاج

چونکہ ٹی ایس ایس بیکٹیریا کی وجہ سے&nbsp; ہوتا ہے ، اس لئے&nbsp; اینٹی بائیوٹک تھیراپی اکثر اوقات&nbsp; علاج کا اوّلین انتخاب ہوتی ہے ۔ تیز اثر کرنے والی اینٹی بائیوٹکس&nbsp; نَس کے ذریعے&nbsp; جلد از جلد دی جاتی ہیں۔ لہٰذا، اینٹی بائیوٹکس اور معاون علاج کے لئے&nbsp; ہسپتال میں داخل ہونا ضروری ہے۔ پینی سیلین&nbsp; اور کلائنڈا مائی سین&nbsp; اکثر صورتوں میں پہلا انتخاب ہوتے ہیں اور ان کا ایک ساتھ انتظام کیا جاتا ہے۔ اینٹی بائیوٹکس کے علاوہ، علاج میں بلڈ پریشر کو مستحکم کرنے کے لئے ادویات ، پانی کی کمی&nbsp; کو ختم کرنے کے لئے الیکٹرولائٹس، اور مدافعتی نظام کو بڑھانے کے لیے گاما گلوبلین کے انجیکشن شامل ہو سکتے ہیں۔ متعدد اعضاء کی ناکامی، خاص طور پر گردوں کی شمولیت متعلقہ اعضاء کی پیوند کاری اور/یا ڈایا لائسس کے بغیر مہلک ہو سکتی ہے۔ مزید یہ کہ ، ٹی ایس ایس&nbsp; کی وجہ سے زخم کے انفیکشن کی صورت میں سرجری&nbsp; سے صفائی کروانا ضروری ہے۔ نوٹ:&nbsp; &nbsp; &nbsp;ٹیمپون یا فرج کے اسفنج کی وجہ سے ہونے والے ٹی ایس ایس کی صورت میں ، جسم سے بیرونی شے کو فوری طور پر ہٹانا ضروری ہے ۔

ٹی ایس ایس ایک مہلک بیماری ہے ، کیوں کہ اس کی علامات تیزی سے درج ذیل قِسم کی پیچیدگیاں پیدا کرسکتی ہیں: <ul><li>متعدد اعضاء کی ناکامی(مثلاً گردوں کی ناکامی،خون جمنے کے&nbsp; مسائل،جگر کی ناکامی وغیرہ)۔</li><li>جوڑوں کے درد کے ساتھ بخار۔</li><li>چوٹ، صدمہ۔</li><li>موت۔ </li></ul>اسٹریپٹو کو کَس کی بنیاد پر ہونے والے ٹی ایس ایس&nbsp; کی شرح اموات 30سے 70 فیصد ہے۔<div> </div>

ٹی ایس ایس سے منسلک خطرے کے عام عوامل میں درج ذیل شامل ہیں: <ul><li>انتہائی جاذب ٹیمپون کا استعمال</li><li>جِلد پر کھلے زخم اور کَٹ</li><li>سرجری کے بعد زخموں میں انفیکشن ہونا</li><li>ناک کی پیکنگ</li><li>ڈایا لائسس کے کیتھیٹر</li><li>فلو کا حالیہ انفیکشن</li><li>مدافعتی نظام میں خلل ہونا</li><li>ٹی ایس ایس کی ہسٹری ہونا</li><li>ذیابطیس</li><li>چکن پاکس کا انفیکشن ہونا</li></ul><div> </div>

درج ذیل اقدامات کے ذریعے انفیکشن سے بچا جاسکتا ہے : <ul><li>کم سے کم جذب کرنے والے ٹیمپون استعمال کریں</li><li>رات بھر ٹیمپون لگا نہ رہنے دیں</li><li>ہر 4 سے 8 گھنٹوں میں ٹیمپون کو تبدیل کریں</li><li>ماہواری کے ہلکے دِنوں میں سینیٹری پیڈ استعمال کریں</li><li>اسٹیف یا اسٹریپ انفیکشن کی ہسٹری ہونے کی صورت میں ٹیمپوں استعمال نہ کریں</li><li>ماہواری کے کپ کو استعمال سے پہلے اور استعمال کے بعد اچھی طرح سے دھو لیں</li><li>ڈایا فرام اور مانع حمل&nbsp; اسفنج کے پیکٹ پر دی گیہ ہدایات پر&nbsp; عمل کریں </li></ul>

ٹیمپون کے استعمال کو ٹی ایس ایس&nbsp; کی&nbsp; سب سے بڑی وجہ خیال کیا جاتا ہے ۔ فرانس میں کی گئی ایک ملک گیر تحقیق سے معلوم ہُوا کہ 6 گھنٹے سے زیادہ وقت تک ٹیمپون لگانے سے ٹی ایس ایس&nbsp; کا خطرہ 2 گنا 5 تک بڑھ جاتا ہے۔ اس کے علاوہ، جوعورتیں&nbsp; رات بھر، یعنی 8 گھنٹے سے زیادہ وقت تک ٹیمپون لگاتی ہیں، ان میں ٹی ایس ایس کا خطرہ 3 گنا زیادہ ہوتا ہے[5]۔&nbsp;

اہم نکات

<ul><li>ٹی ایس ایس ،شاذ ونادر ہونے والی ایک مہلک بیماری ہے جو بیکٹیریا اسٹیفائی لوکوکَس ایریئس یا اسٹریپوٹو کو کَس پائیو جینز کے ذریعہ پیدا ہونے والے زہریلے مادّوں کی وجہ سے ہوتی ہے۔</li><li>تحقیق کار&nbsp; اس بات کا اشارہ کرتے ہیں کہ ٹیمپون بیکٹیریا کے پھنسنے کی ممکنہ وجہ ہیں، کیوں کہ وہ ان&nbsp; کی افزائش&nbsp; کے لیے مثالی ماحول فراہم کرتے ہیں۔ یہ زیادہ امکان ہے اگر ٹیمپون انتہائی جاذب ہوں اور لمبے عرصے تک اپنی جگہ پرلگے رہیں ۔</li><li>تاہم، ٹیمپون کا استعمال واحد خطرے کا عنصر نہیں ہے۔ مزید یہ کہ، یہ صرف نوجوان عورتیں ہی اس کا ہدف نہیں بلکہ کسی بھی عمر کے مرد اور بچے بھی ٹی ایس ایس سے متاثر ہو سکتے ہیں۔ تقریباً 25فیصد&nbsp; غیر ماہواری ٹی ایس ایس کیسز مردوں میں ہوتے ہیں۔</li><li>اچانک، تیز بخار، ددورا، ہائپوٹینشن، الٹی، اسہال، سر درد، اور الجھن ٹی ایس ایس&nbsp; کی عام علامات اور نشانیاں&nbsp; ہیں۔</li><li>ٹی ایس ایس ایک جان لیوا بیماری ہے، کیونکہ علامات تیزی سے پیچیدگیوں کی طرف بڑھ سکتی ہیں، مثلاً کثیر اعضاء کی ناکامی، صدمہ اور موت۔</li><li>ٹی ایس ایس کے لئے&nbsp; عام خطرے کے عوامل انتہائی جاذب ٹیمپون، کھلے زخم اور کٹ، جراحی کے بعد کے زخموں کے انفیکشن، ناک کی پیکنگ، ڈایا لائسس کیتھیٹرز،&nbsp; فلو کا حالیہ&nbsp; انفیکشن، امیونوسوپریشن، اور ٹی ایس ایس کی ہسٹری ہیں۔</li><li>ٹی ایس ایس&nbsp; کے لئے&nbsp; کوئی مخصوص ٹیسٹ نہیں ہے۔ اس کے بجائے، ڈاکٹر ایس ایرئیس یا ایس پائیوجینز کی جانچ کرنے کے لئے&nbsp; خون اور پیشاب کے ٹیسٹ کرواتے ہیں۔ مزید یہ کہ نمونے ناک، گلے، فرج&nbsp; اوربچہ دانی کے منہ سے لئے&nbsp; جاتے ہیں تاکہ ان کا کلچر&nbsp; اور ان کی شناخت کی جا سکے۔ کسی بھی پیچیدگی کا اندازہ لگانے کے لئے&nbsp; سی ٹی اسکین، سینے کا ایکس رے، یا لمبر پنکچر بھی کرایا جا سکتا ہے۔</li><li>تیز بخار اور الٹی والے مریض (اور ماہواری کے دوران ٹیمپون کا استعمال کرنے والی خواتین) کو فوری طور پر صحت کی دیکھ بھال کرنے والے ماہر&nbsp; سے رابطہ کرنا چاہئے۔ </li></ul>

Helgerson SD. Toxic-shock syndrome: tampons, toxins, and time: the evolution of understanding an illness. Women Health. 1981;6(3-4):93-104

Ross A, Shoff HW. Toxic Shock Syndrome. [Updated 2022 Aug 8]. In: StatPearls [Internet]. Treasure Island (FL): StatPearls Publishing; 2022 Jan-. Available from:

Ramesh Venkataraman MBBS. Toxic shock syndrome. Background, Pathophysiology, Etiology.

Streptococcal Toxic Shock Syndrome: For clinicians. Centres for Disease Control and Prevention.

Billon A, Gustin M-P, Tristan A, et al. Association of characteristics of tampon use with menstrual toxic shock syndrome in France. EClinicalMedicine. 2020;21:100308. doi:10.1016/j.eclinm.2020.100308