ایکالیشیا

A. JABBAR DENTAL CLINIC KARACHI

Sadia Khan

جائزہ

ایکالیشیا ایک کمیاب عارضہ ہے، جس میں ایسوفیگس/غذائی نالی کے نچلے حصے کے پٹھے معمول کے مطابق پرسکون ہونے اور سکڑنے سے قاصر رہتےہیں۔ غذائی نالی میں اعصابی نقصان کی وجہ سے پٹھے مفلوج ہو جاتے ہیں اور وقت کے ساتھ پھیل جاتے ہیں۔ اس سے معدے تک خوراک کے جانے میں خلل پڑتا ہے 1۔&nbsp;

غذائی نالی کا نچلا اسفنکٹر ایک والو کی طرح کام کرتا ہے، جو آنے والی خوراک کو اپنی حرکت کے ذریعے معدے تک پہنچاتا ہے2۔ جب یہ والو معدے تک خوراک کی مناسب منتقلی میں معاونت کے لیے&nbsp; مناسب طریقے سے پرسکون ہونے یا سکڑنے کے قابل نہیں ہوتا ، تو اس بات کا بہت زیادہ امکان ہوتا ہے کہ خوراک غذائی نالی میں پھنس جائے اور تھوڑی دیر کے بعد وہ وہاں سڑنا شروع کر دے 3۔&nbsp; ایکالیشیا کا پھیلاؤ بہت کم ہے، جس کی شرح 0.5-1.2 فی 100,000 ہے۔ تاہم، بعض آبادیوں میں شرحیں 1.6 فی 100,000 تک زیادہ دیکھی گئی ہیں۔ اس امرنے محققین کو یقین دلایا ہےکہ جسمانی عوامل کے علاوہ ماحولیاتی عوامل بھی ، اس عارضے کی نشوونما میں کردار ادا کرتے ہیں۔ علاج کے لیے جراحی کے طریقہ کار 80% کامیابی کی شرح کے ساتھ انجام دئیے جاتے ہیں5 ۔<div> </div>

ایکالیشیا کی 3 ذیلی اقسام ہیں: <ol><li>۔قسم اول: اسے عام قسم کے ایکالیشیا کے نام سے بھی جانا جاتا ہے اور اس کی خصوصیت ،غذائی نالی کے اسفنکٹر کا کم سے کم سکڑنا ہے۔</li><li>۔قسم دوئم:&nbsp; اس سے مرادپین ایسوفیگل پریشر ہے، یعنی غذائی نالی کی دیوار مائع کی داخل شدہ مقدار کو ایڈجسٹ کرنے کے لیے نہیں پھیلتی ۔&nbsp;</li><li>۔قسم سوئم: اسے سپاسٹک/تشنجی قسم کے نام سے بھی جانا جاتا ہے اور اس کی خصوصیت میں غذائی نالی کاتشنجی سکڑاؤ شامل ہے6 ۔</li></ol><div> </div>

علامات

اس کی علامات کا آغاز سست ہوتا ہے، لیکن وہ طویل دورانئے تک رہ سکتی ہیں۔ ان علامات میں یہ&nbsp; شامل ہیں: <ul><li>ڈسفیگیا/ نگلنے میں دشواری</li><li>ڈکاریں</li><li>&nbsp;سینے میں درد</li><li>کھانسی</li><li>وزن میں کمی</li><li>&nbsp;قے آنا</li><li>&nbsp;کھانے کا معدے سے پلٹ کر منھ میں آنا</li><li>&nbsp;بار بار سینے میں درد</li><li>&nbsp;نمونیا (کھانے کےذرات کا پھیپھڑوں میں جانا)</li></ul><div> </div>

اسباب

ایکالیشیا کی بنیادی وجہ ابھی تک معلوم نہیں ہے۔ اگرچہ بنیادی مسئلہ اعصابی نقصان سے متعلق ہے،لیکن خیال&nbsp; ہے کہ یہ نقصان عصبی خلیوں کے نمایاں نقصان کی وجہ سے ہوتاہے۔ یہ بھی خیال&nbsp; ہے کہ ایکالیشیا ایک آٹوامیون بیماری ہے ،جہاں جسم کے خلیے خود پر حملہ کرنا شروع کر دیتے ہیں7۔

تشخیص

ایکالیشیا کی علامات ،ہاضمے کی بہت سے دوسری خرابیوں سے ملتی جلتی ہیں۔ مثال کے طور پر ایکالیشیا میں ریگرگیٹیشن/کھانے کے پلٹاؤ کے تجربہ کو&nbsp; تقریباً ہمیشہ معدے میں ایسڈ ریفلکس /تیزابیت کا مسئلہ تصور کیا جاتا ہے۔&nbsp;ایکالیشیا کی تشخیص درج ذیل ٹیسٹوں کی مدد سے کی جاتی ہے: <ul><li>ایسوفیگل مینومیٹری: اس قسم کے تشخیصی ٹیسٹ کا مقصد مریض کی غذائی نالی کے نچلے اسفنکٹر کے پٹھوں کے سکڑاؤ کی پیمائش اور جانچ کرنا ہے۔ یہ ٹیسٹ غذائی نالی کے&nbsp; مربوط ہونے اور کھانا نگلتے وقت اس کے ذریعے لگائی جانے والی قوت کی بھی پیمائش کرتا ہے۔ ایسوفیگل مینومیٹری ،مسئلہ کی حد اور ایکالیشیا کی ذیلی قسم کا تعین کرنے میں مدد کرتا ہے۔</li></ul> <ul><li>ایکس رے: اس سےآپ کے اوپری نظام انہضام کا معائنہ کیا جاتا ہے۔ اس عمل کو ایسوفیگرام&nbsp; کے نام سے بھی جانا جاتا ہے۔ مریض کو ایک خاص مائع پینے کے لیے دیا جاتا ہے، جو ان کی معدے کی نالی کو واضح کرتا ہے اور معالج کو اس&nbsp; کا خاکہ دیکھنے میں مدد کرتا ہے۔مسئلےکے&nbsp; &nbsp;بہتر تعین کے لیے مریضوں کو بیریم کی گولی لینے کا بھی مشورہ دیا جاتا ہے۔</li></ul> <ul><li>اینڈواسکوپی: اس عمل میں ایک پتلی ٹیوب کا دخول شامل ہوتا ہے، جس کی سرے پر روشنی اور کیمرہ ہوتا ہے۔اس&nbsp; ٹیوب کو حلق سےاندر ڈالا جاتا ہے اور اسکرین کے ذریعے فوٹیج کا مشاہدہ کیا جاتا ہے۔ یہ عمل جزوی رکاوٹ کے امکان کا تعین کرنے میں مدد کرتا ہے۔جبکہ یہ پریکٹیشنر کو بایپسی کے لیے متاثرہ حصے کا ایک چھوٹا سا ٹکڑا لینے میں بھی مدد دیتا ہے8 ۔</li></ul><div> </div>

علاج

ایکالیشیا میں علاج کا ہدف غذائی نالی کے نچلے حصے کو پرسکون کرنا ہے، تاکہ غذائی مواد آسانی سے گزر سکے۔ علاج اور اس کی شدت ،عمر اور مریض کی مجموعی صحت کی بنیاد پر مختلف ہوتی ہے۔ علاج کے کچھ اختیارات میں یہ&nbsp; شامل ہیں: <ul><li>نیومیٹک ڈیلیشن: اینڈواسکوپ کی مدد سے اسفنکٹر کے مرکز میں ایک غبارہ ڈالا جاتا ہے۔ اس کے بعد غبارے کو کھولنے میں مدد کے لیے پھلایا جاتا ہے۔ بعض کیسز میں اسفنکٹر کھلا نہیں رہتا اور متعدد وزٹس کی ضرورت پڑ سکتی ہے۔ یہ عمل پہلے علاج کے 5 سال کے اندر ہوتا ہے۔</li></ul> <ul><li>بوٹوکس: بوٹولینم ٹاکسن ٹائپ A کو اینڈوسکوپک سوئی کی مدد سے، براہ راست غذائی نالی کے اسفنکٹر میں داخل کیا جاتا ہے۔ انجکشن پٹھوں کو پرسکون کرنے میں مدد کرتا ہے۔ چونکہ انجکشن کا اثر تقریباً 6 ماہ تک رہتا ہے، اس لیے&nbsp; اثر کو برقرار رکھنے کے لیے 1 سے زیادہ انجیکشن کی ضرورت پڑ سکتی ہے۔ تاہم، بوٹوکس کا انتخاب صرف اس صورت میں کیاجاتا ہے، جب مریض دوسرے قسم کے علاج سے گزر نہ سکتاہو۔</li></ul> <ul><li>ادویات: عام طور پر پٹھوں کو پرسکون کرنے کی ادویات بشمول نائٹروگلسرین یا نیفیڈیپائن استعمال ہوتی ہیں ۔ یہ عارضی آرام فراہم کرتی ہیں اور صرف اس صورت میں تجویز کی جاتی ہیں جب مریض سرجری یا نیومیٹک ڈیلیشن سے نہیں گزر سکتا۔ یہ ادویات ذیلی اثرات کا سبب بن سکتی ہیں، جیسے اپھارہ یا جسم کے مختلف حصوں میں سوجن، جلن کا احساس، خارش وغیرہ۔</li></ul> <ul><li>سرجری</li></ul> <ol><li>ہیلرمیوٹومی: اس میں غذائی نالی کے اسفنکٹر کے نچلے سرے پر پٹھوں کو جراحی سے ہٹایاجاتا ہے۔ اس سے کھانے کو پیٹ میں جانےمیں آسانی ہوتی ہے۔ لیپرواسکوپک ہیلر مایوٹومی ،اس عمل کی غیرمتجاوز&nbsp; &nbsp;قسم ہے۔ اس کے بعد مریضوں میں گیسٹرو فیجیل ریفلوکس بیماری کا پیدا ہونا عام بات ہے اور GERD سے بچنے کے لیے فنڈپلیکشن کے عمل کی ضرورت ہوتی ہے۔ فنڈوپلیکشن کے عمل میں معدے کے اوپری حصے کو، غذائی نالی کے نچلے حصےکے گرد لپیٹ کر ایک ایسا والو بنایا جاتا ہے جس سے ریفلکس/ الٹے بہاؤ کا مسئلہ نہیں ہوتا۔&nbsp;</li><li>پی او ای ایم: پیرورل اینڈوسکوپک مایوٹومی میں ایک اینڈوسکوپ کا استعمال ہوتا ہے، یہ منہ کے ذریعے داخل کیا جاتا ہے اور غذائی نالی کے اندرونی استر میں ایک چیرا لگایا جاتا ہے8 ۔</li></ol><div> </div>

ایکالیشیا میں درج ذیل پیچیدگیاں ہوتی ہیں: <ul><li>&nbsp;غذائی نالی کا کینسر</li><li>غذائی نالی کی سوراخ</li><li>&nbsp;معدے اورغذائی نالی کے الٹے بہاؤ کی بیماری (GERD)</li><li>&nbsp;اپھارہ 9</li></ul><div> </div>

اس بیماری کی&nbsp; بڑھوتی پر اثر انداز ہونے والے کچھ خطرے کے عوامل میں یہ شامل ہیں: <ul><li>کمزور قوت مدافعت</li><li>سمپلیکس وائرس یا دیگر وائرل انفیکشن</li><li>چاگس کی بیماری</li><li>&nbsp;مخصوص جینیاتی میک اپ</li></ul><div> </div>

اہم نکات

<ul><li>&nbsp;ایکالیشیا ایک کمیاب آٹوامیون بیماری ہے، جس میں غذائی نالی کے نچلے اسفنکٹر کے پٹھےپرسکون ہونے سے قاصر ہوتے ہیں۔&nbsp;</li><li>&nbsp;اسفنکٹر کی پرسکون ہونے میں ناکامی ،معدے میں داخل شدہ خوراک کی منتقلی میں پریشانی کا باعث بنتی ہے۔ کھانا ایک جگہ پھنس جاتا ہے اور وہیں سڑنا شروع ہو جاتا ہے، اور الٹے بہاؤ کا سبب بنتا ہے۔</li><li>بیماری کا پھیلاؤ 1.6 فی 100,000 ہے۔ کچھ ممالک میں نسبتاً زیادہ شرح دیکھی گئی ہے، جس کی وجہ سے محققین کو یقین ہے کہ اس میں ماحولیاتی عوامل ہو سکتے ہیں۔</li><li>&nbsp;اس بیماری کی تین ذیلی قسمیں ہیں، جن کا انحصار اس پر ہے کہ غذائی نالی کے سفنکٹر کس حد تک سکڑتا ہے اور پرسکون ہوتا ہے۔</li><li>علامات میں اپھارہ، الٹی، سینے میں درد، نگلنے میں دشواری اور ڈکاریں شامل ہیں۔</li><li>علاج مریض کی عمر اور صحت کی بنیاد پر مختلف ہوتا ہے۔ یہ بوٹوکس انجیکشن اور ادویات سے لے کر اسفنکٹر کو سرجری سے کھولنے تک ہو سکتا ہے۔</li></ul><div> </div>

Achalasia. Mayo Clinic.

Lower esophageal sphincter (LES). MyHealth.Alberta.ca Government of Alberta Personal Health Portal.

Rosen RD, Winters R. Physiology, Lower Esophageal Sphincter. [Updated 2022 Apr 5]. In: StatPearls [Internet]. Treasure Island (FL): StatPearls Publishing; 2022 Jan-. Available from:

O’Neill OM. Achalasia: A review of clinical diagnosis, epidemiology, treatment and outcomes. World Journal of Gastroenterology. 2013;19(35):5806. doi:10.3748/wjg.v19.i35.5806

Ahmed WU, Qureshi H, Maher M, Arif A. Achalasia in a gastroenterology unit of Karachi. J Pak Med Assoc. 2008 Dec;58(12):661-4. PMID: 19157316.

Patel DA, Lappas BM, Vaezi MF. An Overview of Achalasia and Its Subtypes. Gastroenterol Hepatol (N Y). 2017 Jul;13(7):411-421. PMID: 28867969; PMCID: PMC5572971.