اینکلوزنگ اسپونڈیلائٹس

حمزہ خٖضر

جائزہ

نیشنل انسٹی ٹیوٹ آف ہیلتھ نے اینکلوزنگ اسپونڈیلائٹس کوگٹھیا کی ایک قسم کے طور پر بیان کیا ہے، جو کہ جوڑوں اورلیگامینٹس سمیت ریڑھ کی ہڈی کی سوزش کا سبب بنتا ہے۔ یہاں تک کہ یہ5،000 سال پرانی مصری ممیوں میں بھی دیکھا گیا ہے۔&nbsp; یونانی الفاظ اینکائیلوس(ٹیڑھی) اور سپونڈیلوس(پیٹھ کا جوڑ) سےماخوذ،اس بیماری میں ریڑھ کی ہڈی کی شدید خرابی کی نشاندہی کی گئی ہے ،جواکثر ہنچڈپوسچر(کبڑے پن)کا باعث بنتی ہے۔ 
&nbsp;

ایک قسم کی سیرونیگیٹیو اسپانڈیلوآرتھروپیتھی،اینکلوزنگ اسپونڈیلائٹس(اے ایس) کو بیکٹیریو بیماری بھی کہا جاتا ہے۔اس کا عالمی پھیلاؤ 0.1-1.4فیصد کےدرمیان ہوتا ہے۔<a href="#accordion">[2]</a> برطانیہ میں1998اور2017 کے درمیان اے ایس کیسز (0.13فیصدسے 0.18فیصد) میں تیزی سےاضافہ دیکھاگیا۔<a href="#accordion">[3]</a> یہ اضافہ60 سال اور اس سےزیادہ عمر کی خواتین اور مریضوں میں سب سے زیادہ نمایاں تھا۔امریکہ میں،خاص طور پر،میکسیکن امریکیوں یا سیاہ فاموں کے مقابلے میں غیرہسپانوی گوروں میں یہ بیماری زیادہ عام ہے۔<a href="#accordion">[4]</a>عام طور پر،اس بیماری کا پھیلاؤ ایشیائی اور افریقیوں کے مقابلے میں یورپی آبادی میں زیادہ ہے۔<a href="#accordion">[5]</a>

آبادی کے اندر اینکلوزنگ اسپونڈیلائٹس کا پھیلاؤ،ایچ ایل اے-بی27 جین کے پھیلاؤ کے لحاظ سے مختلف ہوتا ہے۔<a href="#accordion">[6]</a> اے ایس تقریبا 90فیصد مریضوں کی جین میں ہوتا ہے۔<a href="#accordion">[7]</a> پاکستان میں تحقیق کی کمی کی وجہ سے،اس بیماری کا صحیح پھیلاؤ نامعلوم رہتا ہے۔ تاہم، پچھلے مطالعات نے شمالی پاکستان میں فی 1000 آبادی میں0.1 اورملک کےجنوبی حصے میں0.9 فی 1000 آبادی کے&nbsp; پھیلاؤ کے بارے میں بتایا ہے۔<a href="#accordion">[8]</a> 
&nbsp;

جوینائل اینکلوزنگ اسپونڈلائٹس بیماری کی ایک کمیاب شکل ہے،جو 17-35 سال کی عمر کے نوجوانوں کو متاثر کرتی ہے۔ تاہم، یہ بچوں میں بھی ہوسکتا ہے۔سوزش والی گٹھیا زیادہ تر ریڑھ کی ہڈی کو متاثر کرتی ہے، لیکن درد کولہوں، گھٹنوں، ایڑیوں اور کمر کے نچلے حصے میں بھی ہوسکتا ہے۔ 
&nbsp;

علامات

تقریباً80فیصد لوگوں میں پہلی علامت 30 سال کی عمر سے پہلے ظاہر ہوتی ہے۔<a href="#accordion">[4]</a> یہ بیماری عام طور پر کمر میں دائمی درد اور سختی کے طور پرشروع ہوتی ہے،جو صبح اور رات میں شدید ہوجاتی ہے۔ اس کےعلاوہ، یہ درد جسمانی سرگرمی کے ساتھ کم ہوتا ہے،اور آرام کرنے کے دوران خراب ہو جاتا ہے۔عام کمر درد کے برعکس،اینکلوزنگ اسپونڈیلائٹس میں مستقل درد ہونے کا امکان&nbsp; زیادہ ہوتاہے۔ 
&nbsp;

بیماری کے دیگر آثاراورعلامات&nbsp; مندرجہ ذیل ہیں:

<ul dir="rtl">
	<li>گردن، کندھوں، کمر کے نچلے حصے،کولہوں،رانوں،ہاتھ، پیروں یا ایڑیوں میں درد یا سختی</li>
	<li>تھکاوٹ</li>
	<li>وزن میں کمی</li>
	<li>&nbsp;بھوک نہ لگنا</li>
	<li>بخار</li>
	<li>&nbsp;جوڑوں کی سوجن</li>
	<li>جلد پر خارش</li>
	<li>&nbsp;جسمانی وضع میں بگاڑ مثلا(کبڑا پن)</li>
	<li>کمرکو موڑنے یا جھکانےمیں دشواری</li>
	<li>(پیلوس) پیٹ اور رانوں کےدرمیان کے نچلے حصےمیں دکھن کی وجہ سے بیٹھنے میں دشواری</li>
	<li>سانس لینے میں دشواری 
	&nbsp;</li>
</ul>

ریڑھ کی ہڈی اور مختلف جوڑوں کے علاوہ،جسم کے دیگر حصوں میں بھی سوزش پیدا ہو سکتی ہے۔ بیماری کی غیر معمولی علامات مندرجہ ذیل ہیں:

<ul>
	<li dir="rtl" style="text-align: right;">&nbsp;سورائسی کھجلی، خارش</li>
	<li dir="rtl" style="text-align: right;">&nbsp;سوزش والی آنتوں کی بیماری (مثال کے طور پر، کرون کی بیماری اورالسرٹیو کولائٹس)</li>
	<li dir="rtl" style="text-align: right;">&nbsp;شدید&nbsp;اینٹیرئر یوویٹائٹس</li>
	<li dir="rtl" style="text-align: right;">&nbsp;پھیپھڑوں کی بیماری (مثال کے طور پر، پھیپھڑوں کی فائبروسس)</li>
	<li dir="rtl" style="text-align: right;">&nbsp;دل کی بیماری (مثلاً، شہ رگ کی سوزش) 
	&nbsp;</li>
</ul>

اسباب

ریڑھ کی ہڈی33مہروں پر مشتمل ہوتی ہے، اس میں جوڑبھی ہوتے ہیں، مہروں کے درمیان قرص(انٹرورٹیبرل ڈسکس) ہوتے ہیں،حرام مغز مہروں کے درمیان سے گزرتی ہے،جبکہ عضلات اور بندھن کے ذریعےریڑھ کی ہڈی اپنے مقام پر قائم رھتی ہے،اس کے علاوہ ،بندھن عضلات کوہڈیوں سے جوڑتے ہیں ،اورریڑھ کی ہڈی کی حرکت میں مدد کرتے ہیں۔

اینکلوزنگ اسپونڈیلائٹس میں،جوڑوں اور لیگامینٹس میں سوزش ہوسکتی&nbsp; ہے۔ اس کے نتیجےمیں،حرکت تکلیف دہ اورشدیدہو جاتی ہے.سوزش ریڑھ کی ہڈی کے&nbsp; &nbsp; گرد نئی ہڈی کی نشوونما کا باعث بھی بنتی ہے،اس سے کمراورگردن میں سختی بڑھ جاتی ہے۔

اس کےعلاوہ، سوزش کے نتیجے میں جسم اضافی کیلشیم پیدا کرتا ہے،جس سے ہڈیاں آپس میں جڑ جاتی ہیں،اور ریڑھ کی ہڈی کی بناوٹ میں بگاڑ&nbsp;پیدا ہو جاتا&nbsp; ہے۔

اینکلوزنگ اسپونڈیلائٹس والےمریضوں میں اگرچہ درداچانک بڑھتا ہے،لیکن بعد&nbsp; میں کم ہو جاتا ہے۔ ریڑھ کی ہڈی اورکمر کےنچلے حصہ میں درد، سختی اورنقل وحرکت متاثر ہوتی ہے۔ تاہم یہ بیماری گردن اورجسم کے دیگرجوڑوں کو بھی متاثر کرسکتی ہے۔ اینکلوزنگ اسپونڈیلائٹس عام طور پر مندرجہ ذیل پراثر انداز ہوتا ہے:

<ul dir="rtl">
	<li>&nbsp;کولہےاور کندھے کےجوڑ</li>
	<li>کمر کا نچلےحصے</li>
	<li>&nbsp;ہڈیوں کےساتھ&nbsp;ٹینڈ نزاورلیگامینٹس کے منسلک ہونے والی جگہ (بنیادی طور پر ریڑھ کی ہڈی میں)</li>
	<li>ریڑھ کی ہڈی اورپیلوس کے درمیان جوڑ(سیکرولیاک جوڑ) 
	&nbsp;</li>
</ul>

اینکلوزنگ اسپونڈیلائٹس کےمطابق پیتھوجینیس غیر واضح ہے۔ تاہم،محققین نے پیش گوئی کی ہےکہ انسانی لیوکوسائٹ اینٹیجن (ایچ ایل اے-بی 27) جین&nbsp; اس بیماری سے منسلک ہوسکتا ہے۔جین میں تغیرات بیماری کے خطرے کو بڑھا سکتے ہیں۔ 
&nbsp;

اینکلوزنگ اسپونڈیلائٹس کے لئے کوئی مخصوص اسکریننگ ٹیسٹ نہیں ہیں۔ 
&nbsp;

&nbsp;

تشخیص

چونکہ اینکلوزنگ اسپونڈیلائٹس کمر کے درد سے شروع ہوتا ہے، لہذا یہ آسانی سے کئی دیگر بیماریوں کے ساتھ الجھن کا باعث بن سکتا ہے۔اس حالت کی تشخیص کرنا بھی مشکل ہوتا ہے،کیونکہ بیماری آہستہ آہستہ بڑھتی ہے۔اس کے علاوہ، اینکلوزنگ اسپونڈیلائٹس کے لئے کوئی حتمی ٹیسٹ نہیں ہے،اوراس لئےڈاکٹروں کو تشخیص کے لئےخون کے ٹیسٹ اور امیجنگ اسکین کے مجموعہ کی ضرورت پڑسکتی ہے۔ 
&nbsp;

<h5 dir="rtl">ہسڑی</h5>

ابتدائی طورپرفرد سےعلامات کی مکمل ہسٹری لی جاتی ہے،ہسٹری لینے کے دوران،ڈاکٹر شخص سےدرد کی جگہ اورخصوصیات سے متعلق سوالات پوچھ سکتا ہے، اوریہ بھی کہ،کیا درد مریض کو رات کو نیند سے بیدار کرنے کا سبب بنتا ہے۔ 
&nbsp;

<h5 dir="rtl">جسمانی معائنہ</h5>

&nbsp;جسمانی معائنہ کےدوران،ڈاکٹرمریض کی ریڑھ کی ہڈی میں حرکت کی حد کو چیک کرتا ہے۔اس کے علاوہ، سانس لینے میں دشواری کا اندازہ کرنے کے لئے ایک شخص کےسینے کےپھیلاؤ کی جانچ کی جاتی ہے۔

<ul dir="rtl">
	<li>شوبر ٹیسٹ: یہ لمبر لچک کی حد کی پیمائش کرتا ہے،کیونکہ کوئی شخص پیرکو چھونےکی پوزیشن میں جھکتا ہے۔ایک محدود حرکت کو اینکلوزنگ اسپونڈیلائٹس کی تشخیص سمجھا جاتا ہے۔</li>
	<li>سینے کا پھیلاؤ: مریض کے سینے کے پھیلاؤ کو&nbsp; سانس اندر کی جانب کھینچنےاورخارج کرنے کےعمل سےجانچا جاتا ہے۔ 1 انچ سے کم کی پیمائش سینے کے پھیلاؤ میں کمی کی نشاندہی کرتی ہے۔ اس طرح، اینکلوزنگ اسپونڈیلائٹس کی تشخیص کی جاتی ہے۔ 
	&nbsp;</li>
</ul>

<h5 dir="rtl">لیب ٹیسٹ</h5>

خون کے ٹیسٹ اس بات کی تصدیق کرنے میں مدد کرسکتے ہیں،کہ آیا مریض میں ایچ ایل اے-بی27 جین موجودہے یا نہیں۔ تاہم، یہ ضروری نہیں کہ جس شخص کاجین کا ٹیسٹ مثبت آئے،اسےاینکلوزنگ اسپونڈیلائٹس ہو۔دیگرٹیسٹ ، جیسے ایریتھروسائٹ سیڈیمنٹیشن کی شرح اور سی ری ایکٹو پروٹین کی سطح، سوزش کا اندازہ لگانے میں مدد کرسکتے ہیں۔ 
&nbsp;

<h5 dir="rtl">امیجنگ مطالعہ</h5>

<ul dir="rtl">
	<li>ایکس رے: ایکس رے ریڑھ کی ہڈی اور جوڑوں کی&nbsp;خرابی کو ظاہر کرتا ہے۔ امیجنگ مطالعےمیں جوڑوں کی جگہ کاپھیلاؤ،بونی اسپر کی موجودگی جہاں ہڈیا ں آپس میں رگڑ کھاتی ہیں اور ریڑھ کی ہڈی کےجھکا ؤ میں تبدیلی دیکھی جا سکتی ہے۔ ریڑھ کی ہڈی کے ریڈیو گراف میں&quot;ٹرالی ٹریک کا نشان&quot; دیکھا جا سکتا ہے جو اینکلوزنگ اسپونڈیلائٹس کی خصوصیت ہے۔</li>
	<li>میگنیٹک ریسوننس امیجنگ(ایم آر آئی): سیکرولیاک جوڑوں کا ایم آر آئی، یہ&nbsp;بیماری کی&nbsp; کسی بھی ابتدائی علامات کو ظاہر کرنے میں مدد کرتا ہے،جو عام طور پر ایکس رے پر نظر نہیں آتی ہے۔ 
	&nbsp;</li>
</ul>

امیجنگ غیر معمولی طور پر ریڑھ کی ہڈی اور سیکرولیاک جوڑوں میں ہونے والے نقصان کا اندازہ لگانے میں مدد کرتی ہے۔ سیکروئلائٹس کے شواہد کو عام طور پر اینکلوزنگ اسپونڈیلائٹس کی تشخیص کے لیے&nbsp; &nbsp;طے شدہ&nbsp; معیار میں شامل کیا جاتا ہے،اورامیجنگ&nbsp; کی غیر معمولی بنیاد پر، سیکروئلائٹس کی مندرجہ ذیل گریڈ میں درجہ بندی کی جا سکتی ہے:

0: یہ گریڈ تیز جوڑوں کے مارجن کے ساتھ ایک عام&nbsp; سیکرولیاک جوڑکو ظاہر کرتا ہے۔

1:&nbsp;نتائج کو مشکوک قرار دیا جاتاہے۔

2: سکلیروسیس اورکچھ رگڑ کے نشان نظر آتے ہیں۔

&nbsp;3: اسکین میں&nbsp; دیکھا گیا شدیدرگڑ کانشان ،اس کے ساتھ ساتھ&nbsp; جزوی انکیلوسس اور جوڑوں کے درمیان کی جگہ کا ناقص پھیلاؤ۔

&nbsp;4: یہ سب سے زیادہ شدید گریڈ ہے اورانکیلوسس کی مکمل خصوصیات رکھتا&nbsp; ہے۔ 
&nbsp;

علاج

فی الحال، اینکلوزنگ اسپونڈیلائٹس کاکوئی علاج نہیں ہے. تاہم، علاج درد کو&nbsp; کنڑول کرنے، بیماری کی نشوونما کو سست کرنے،پیچیدگیوں کو روکنےاوراس شخص کے مجموعی معیار زندگی کو بہتر بنانے میں مدد کر سکتا ہے۔ 
&nbsp;

<h5 dir="rtl">طرز زندگی میں تبدیلیاں</h5>

باقاعدگی سے ورزش،جیسے تیراکی، یوگا،اور چہل قدمی،لچک کو برقراررکھنے اور پٹھوں کو مضبوط بنانے میں مدد کر سکتی ہے۔ یہ درد کو کم کرتی ہے اور صحت مند غذا کے ساتھ( سیر شدہ چکنائی والی خوراک&nbsp; میں کمی،پھلوں اور سبزیوں کے استعمال سے) یہ سوزش کو کم کرنے میں مدد کر سکتی ہے۔ 
&nbsp;

<h5 dir="rtl">ادویات</h5>

<ul dir="rtl">
	<li>غیر اسٹیرایڈیل اینٹی سوزش والی دوائیں (این ایس اے آئی ڈی):&nbsp;یہ اینکلوزنگ اسپونڈیلائٹس میں درد اورسوزش&nbsp; کو کنڑول کرنےمیں مدد کرنے والی اولین ادویات&nbsp;ہیں۔ مثالوں میں نیپروکسین اورآئبوپروفین شامل ہیں۔</li>
	<li>ٹیومر نیکروسس فیکٹر(ٹی این ایف) روکنے والے: یہ ادویات جسم میں سوزش کے نشانات،جیسےسائٹوکائنز کو روکتی ہیں،ادویات&nbsp;میں انفلیکسیماب،ایڈلیموماب،اورایٹینرسیپٹ شامل ہیں۔</li>
	<li>کورٹیکوسٹیرائڈز: اگرچہ سیسٹیمیٹک اسٹیرائڈز کی سفارش نہیں کی جاتی ہے،لیکن سوزش کی جگہ پر مقامی طور پرانجیکشن لگائے جا سکتے ہیں۔ یہ ریڑھ کی ہڈی کےارد گردسوزش&nbsp;کی نشوونما کو سست کرنے میں مدد کرسکتے ہیں۔</li>
	<li>بیماری میں ترمیم کرنے والی اینٹی ریومیٹک ڈرگز (ڈی ایم اے آر ڈیز): اگر این ایس اے آئی ڈیز کام نہیں کرتے ہیں تو،ڈاکٹر ڈی ایم اے آر ڈی کےساتھ طویل مدتی علاج پر منتقل کرسکتے ہیں۔ مثال کے طور پر میتھوٹریکسیٹ اور سلفسالازین شامل ہیں، جو سوزش کو روک کر جوڑوں کی خرابی کو کم کرتےہیں۔ 
	&nbsp;</li>
</ul>

<h5 dir="rtl">جسمانی تھراپی</h5>

&nbsp;ایک ما ہر ڈاکٹر کےذریعے باقاعدگی سے جسمانی تھراپی پٹھوں کو پھیلاتی ہے، درد اور سختی کو کم کرتی ہے،اور شخص کواچھی جسمانی وضع برقرار رکھنے میں مدد کرتی ہے۔اس کے علاوہ،اسٹریچز کی مشق گھر پر بھی کی جا سکتی ہے۔ 
&nbsp;

<h5 dir="rtl">سرجری</h5>

جوڑوں کی شدید خرابی کی صورت میں، ڈاکٹر سرجری کی سفارش کر سکتے ہیں،اس میں جوڑوں کا علاج،جوڑوں کی تبدیلی، یا ریڑھ کی ہڈی کےجھکاؤ کو درست کرنے میں مدد کرنے کے طریقہ کار بھی شامل ہو سکتے ہیں۔

<ul>
	<li dir="rtl" style="text-align: right;">اوسٹیوٹومی: اس طریقہ کار میں ریڑھ کی ہڈی کو دوبارہ ترتیب دینے کے لئے ہڈی کے ایک حصے کو ہٹانا شامل ہے۔ یہ عام طور پر کیفوسس کو درست کرنے اور نقل و حرکت کو بہتر بنانے کے لئے کیا جاتا ہے، لیکن مریض کے لئے ریڑھ کی ہڈی کی آزادانہ&nbsp; نقل و حرکت کو مکمل&nbsp; طور پر واپس نہیں لا سکتا ۔</li>
	<li dir="rtl" style="text-align: right;">لیمینیکٹومی: طریقہ کار کےایک حصے کے طور پر،سرجن کسی بھی کمپریسڈ اعصاب کے لئےجگہ بنانے کے لئے ریڑھ کی ہڈی کے کچھ حصہ&nbsp; کوہٹا دیتا ہے. یہ پیٹھ&nbsp; کے علاوہ بازوؤں اور ٹانگوں میں درد کو دور کرنے میں مدد&nbsp;کرتا ہے۔</li>
	<li dir="rtl" style="text-align: right;">اسپائنل فیوژن :سرجن ریڑھ کی ہڈی کو مستحکم کرنے کے لئے تاروں، اورسلاخوں کا استعمال کرتا ہے.یہ اکثر آسٹیوٹومی یا لیمینیکٹومی کے ساتھ مل&nbsp;کر کیا جاتا ہے۔</li>
	<li dir="rtl" style="text-align: right;">کولہے کی تبدیلی: کولہے کے جوڑ کو شدید نقصان پہنچنے کی صورت میں، سرجن اسے مصنوعی کولہے سے بدل دیتا ہے۔ اینکلوزنگ اسپونڈیلائٹس میں یہ طریقہ کار عام نہیں ہے 
	&nbsp;</li>
</ul>

اگر علاج نہ کیا جائے تو ریڑھ کی ہڈی کے جوڑوں کی سوزش، دائمی درد اور معذوری کا باعث بن سکتی ہے۔ یہ ریڑھ کی ہڈی کے کالم میں،ہڈی کےفیوژن کی وجہ سے ہوتاہے.اس کے علاوہ، ریڑھ کی&nbsp; ہڈی کےحصے میں نئی ہڈی کی نشوونما رک سکتی ہے ۔&nbsp; 
&nbsp;

دیگر پیچیدگیاں مندرجہ ذیل ہیں:

<ul>
	<li dir="rtl" style="text-align: right;">ریڑھ کی ہڈی کے کمپریشن فریکچر</li>
	<li dir="rtl" style="text-align: right;">آسٹیوپوروسس</li>
	<li dir="rtl" style="text-align: right;">&nbsp;پلمونری فائبروسس</li>
	<li dir="rtl" style="text-align: right;">یوویائٹس</li>
	<li dir="rtl" style="text-align: right;">&nbsp;کاؤڈا ایکوینا سنڈروم</li>
	<li dir="rtl" style="text-align: right;">&nbsp;ایورٹک ریگرگیشن</li>
	<li dir="rtl" style="text-align: right;">دل کے والو کی بیماری 
	&nbsp;</li>
</ul>

مندرجہ ذیل عوامل بیماری کے خطرے میں اضافہ کرتے ہیں:<a href="#accordion">[5]</a>

<ul>
	<li dir="rtl" style="text-align: right;">عمر: اینکلوزنگ اسپونڈیلائٹس میں،علامات عام طور پر30 سال سے پہلے ظاہر ہوتی ہیں۔</li>
	<li dir="rtl" style="text-align: right;">جنس: بیماری کی علامات جنس کے لحاظ سے مختلف ہوسکتی ہیں ،اس کے علاوہ، یہ حالت خواتین کے مقابلے میں مردوں میں 2-3 گنا زیادہ کثرت&nbsp;سے ہوتی ہے۔</li>
	<li dir="rtl" style="text-align: right;">&nbsp;خاندانی ہسٹری: ایچ ایل اے-بی27 جین کی موجودگی کو اینکلوزنگ اسپانڈیلائٹس کی نشوونما سے منسلک کیا گیا ہے۔</li>
	<li dir="rtl" style="text-align: right;">طبی بیماریاں: بعض بیماریاں،جیسےالسرٹیو کولائٹس،کروہن کی بیماری،یا سورائسیس، بیماری کےخطرے کو بڑھا سکتے ہیں۔ 
	&nbsp;</li>
</ul>

اگرچہ جینیاتی عوامل ،اینکلوزنگ اسپونڈیلائٹس کا سبب بننے میں بہت بڑا کردار ادا کرتے ہیں، لیکن طرز زندگی میں کچھ تبدیلیاں اس بیماری کو مزید آگے بڑھنے سے روکنے میں مدد کرسکتی ہیں۔اس کےعلاوہ، وہ پوسٹورل غیرمعمولی(پارکنسنسن کی بیماری)کے خطرے کو کم اور کیفوسس کی نشوونما کوبھی روک سکتی ہے۔ 
&nbsp;

مندرجہ ذیل اقدامات اینکلوزنگ اسپونڈیلائٹس سےوابستہ پیچیدگیوں کو روکنےمیں مدد کرسکتے ہیں:

<ul>
	<li dir="rtl" style="text-align: right;">متحرک رہنا اورباقاعدگی سے ورزش کرنا</li>
	<li dir="rtl" style="text-align: right;">&nbsp;ایک اچھی جسمانی وضع کو برقرار رکھنا</li>
	<li dir="rtl" style="text-align: right;">&nbsp;تمباکو نوشی چھوڑنا</li>
	<li dir="rtl" style="text-align: right;">&nbsp;تناؤکو کنڑول کرنا</li>
	<li dir="rtl" style="text-align: right;">&nbsp;صحت مند خوراک کھانا</li>
	<li dir="rtl" style="text-align: right;">تجویز کردہ ادویات&nbsp;کا استعمال 
	&nbsp;</li>
</ul>

حال ہی میں، محققین نے گٹ مائکروبیوم اور اینکیلوزنگ اسپونڈلائٹس کے درمیان ایک تعلق دریافت کیا۔ مشاہداتی مطالعہ نے 30 مریضوں میں گٹ مائیکروبائیوٹا کا جائزہ لیا،ایڈلیموماب تھراپی کے استعمال سے پہلےاوربعد میں۔<a href="#accordion">[9]</a> 6 ماہ کےعلاج کے بعد،مریض کا مائکرو بایوم زیادہ نارمل حالت میں واپس آگیا،جیسا کہ کنٹرول گروپ میں دیکھا گیا تھا۔ اس طرح، یہ اینکلوزنگ اسپونڈیلائٹس کےمریضوں میں علاج کےردعمل کا اندازہ لگانے کے لیےایک ممکنہ آلے کےطور پرگٹ بیکٹیریا (مائکروجنزم جیسے بیکٹیریا )کے کردار کو ظاہر کرتا ہے۔ 
&nbsp;

اہم نکات

<ul dir="rtl">
	<li>اینکلوزنگ اسپونڈیلائٹس ریڑھ کی ہڈی کی ایک دائمی سوزش کی بیماری ہے۔</li>
	<li>یہ خواتین کےمقابلےمیں مردوں میں زیادہ عام ہے،اور علامات عام طور پر30 سال کی عمر سے پہلےشروع ہوتی ہیں۔</li>
	<li>بیماری کی ایک کم یاب،نوعمر شکل بھی موجود ہے،جوعام طورپربچوں یا 17-35 سال کی عمر کے لوگوں میں پا ئی جاتی ہے۔</li>
	<li>بیماری کی صحیح وجہ واضح نہیں ہے۔ تاہم،ایچ ایل اے-بی27 جین بیماری کی وجہ سے منسلک ہے۔</li>
	<li>یہ خیال کیا جاتا ہے کہ&nbsp;کم یاب گٹھیا کے نتیجےمیں،جوڑوں اور لیگامینٹس کی سوزش ہوتی ہے،نتیجے کے طور پر،حرکت تکلیف دہ اورشدید ہوجاتی ہے۔</li>
	<li>&nbsp;بیماری عام طور پرکمر کےدائمی درد اورسختی کے طور پر شروع ہوتی ہے جو صبح اور رات کو شدید ہوتی ہے، اس کے علاوہ، یہ درد جسمانی سرگرمی کے ساتھ بہتر ہوتا ہے اور آرام کرنے کے دوران خراب ہو جاتا ہے۔</li>
	<li>بیماری کی دیگر علامات میں کولہے میں درد، تھکاوٹ،&nbsp; کبڑےپن،سانس لینے میں دشواری،اور&nbsp; نئی ہڈی کی نشوونما رک سکتی ہے۔</li>
	<li>&nbsp;ریڑھ کی ہڈی کےکمپریشن فریکچر،یوویائٹس، پلمونری فائبروسس،آسٹیوپوروسس،اور دل کی بیماریاں اس بیماری کی عام پیچیدگیاں ہیں۔</li>
	<li>امیجنگ ٹیسٹ، جیسے کہ&nbsp;سی ٹی اور ایم آر آئی اسکین سے&nbsp; &nbsp;جوڑوں کے نقصان اورسوزش کا اندازہ کرنے میں مدد مل سکتی ہے۔</li>
	<li>اگرچہ اینکلوزنگ اسپونڈیلائٹس کا کوئی علاج نہیں ہے، لیکن موجودہ علاج کے طریقوں میں&nbsp;درد کوکنٹرول کرنے،بیماری کی نشوونما کو سست کرنے، پیچیدگیوں کو روکنے اور&nbsp; مجموعی معیار زندگی کو بہتر بنانے میں مدد کر سکتے ہیں۔</li>
	<li>طرز زندگی میں تبدیلیاں (جسمانی سرگرمی، صحت مند غذا)، ادویات (این ایس اے آئی ڈی، ڈی ایم اے آر ڈی، ٹی این ایف انحیبیٹرز، اسٹیرائڈز)، اور سرجری بیماری کے لئے عام علاج کے اختیارات ہیں۔</li>
</ul>

[1] Ankylosing spondylitis. National Institute of Arthritis and Musculoskeletal and Skin Diseases.

[2] Dean LE, Jones GT, MacDonald AG, Downham C, Sturrock RD, Macfarlane GJ. Global prevalence of ankylosing spondylitis. Rheumatology. 2013;53(4):650-657. doi:10.1093/rheumatology/ket387

[3] Crossfield SS, Marzo-Ortega H, Kingsbury SR, Pujades-Rodriguez M, Conaghan PG. Changes in ankylosing spondylitis incidence, prevalence and time to diagnosis over two decades. RMD Open. 2021;7(3). doi:10.1136/rmdopen-2021-001888

[4] Wenker KJ, Quint JM. Ankylosing Spondylitis. [Updated 2022 Apr 9]. In: StatPearls [Internet]. Treasure Island (FL): StatPearls Publishing; 2022 Jan

[5] Akassou A, Bakri Y. Does HLA-B27 Status Influence Ankylosing Spondylitis Phenotype?. Clin Med Insights Arthritis Musculoskelet Disord. 2018;11:1179544117751627. Published 2018 Jan 8. doi:10.1177/1179544117751627

[6] Sieper J, Braun J, Rudwaleit M, Boonen A, Zink A. Ankylosing spondylitis: An overview. Annals of the Rheumatic Diseases. 2002;61(Supplement 3):8iii-18. doi:10.1136/ard.61.suppl_3.iii8

[7] Chen B, Li J, He C, et al. Role of HLA-B27 in the pathogenesis of ankylosing spondylitis (Review). Mol Med Rep. 2017;15(4):1943-1951. doi:10.3892/mmr.2017.6248

[8] Ahsan T, Erum U, Jabeen R, Khowaja D. Ankylosing Spondylitis: A rheumatology clinic experience. Pak J Med Sci. 2016;32(2):365-368. doi:10.12669/pjms.322.9366

[9] Chen Z, Zheng X, Wu X, et al. Adalimumab therapy restores the gut microbiota in patients with ankylosing spondylitis. Frontiers in Immunology. 2021;12. doi:10.3389/fimmu.2021.700570