اس کی وجہ سے شہ رگ کا والو، جو نچلے بائیں دل کے چیمبر کوشہ رگ سے جوڑتا ہے،وہ تنگ ہو جاتا ہے۔

دل کے والو کی تنگی

A. JABBAR DENTAL CLINIC KARACHI

Sadia Khan

جائزہ

اسے ایورٹک اسٹینوسس (اے ایس)یا ایورٹک والو اسٹینوسس بھی کہا جاتا ہے،جو کہ دل کے والو کی بیماری کی ایک صورت ہے۔ اس بیماری میں،شہ رگ کا والو، جو نچلے بائیں دل کے چیمبر کو جسم کی بنیادی شریان (شہ رگ) سے جوڑتا ہے،وہ تنگ ہو جاتا ہے اور پوری طرح کھلنے سے قاصر ہوتا ہے۔ اس وجہ سے شہ رگ میں اور اس کے بعد باقی جسم میں خون کے بہاؤ کمی واقع ہو جاتی ہے۔ دل پر اس دباؤسے انجائنا، قلبی حرکت میں بےترتیبی، یا دل کی ناکامی کا خطرہ بڑھ جاتا ہے۔&nbsp;&nbsp;

اس سے ہر سال 1% اموات کا خطرہ ہوتا ہے ، جبکہ علامات کم ظاہر ہونے&nbsp; کی وجہ سےایک طویل مدت تک شدید اے ایس کی تشخیص نہیں ہوپاتی ہے۔ اوسط بقا 4.5 سال ہے سینے میں درد کے ساتھ، 2.6 سال شدید چکر آنے کے ساتھ اور 1 سال اچانک علامات ظاہر ہونے کے بعد، دل کی ناکامی کے ساتھ ۔ جب مریض جسمانی سرگرمی کرنے سے قاصر ہوتے ہیں اور دل کےبائیں&nbsp; وینٹریکل (LV) کی کمزوری موجود ہوتی ہے، تو زندہ رہنے کے امکانات کم ہوتے ہیں ، 3 سال میں تقریباً 20%۔علامات کے شروع ہونے کے بعد پہلے 6 مہینوں میں، شرح اموات&nbsp; یکساں /غیرلینئرنہیں ہے اور تقریباً 10% ہوتی ہے۔ ایورٹک اسٹینوسس ,لوگوں کی عمر بڑھنے کے ساتھ زیادہ عام ہو جاتا ہے۔ 54 سے 81 سال کی اوسط عمر والے مریضوں میں اس کے&nbsp;کیسز کی شرح 9-45% ہے۔&nbsp;<div> </div>

اے ایس کو مسئلے کے آغاز کے مطابق درجہ بند کیا جاسکتا ہے۔ 
&nbsp;

<h4>1۔پیدائشی</h4>

اے ایس پیدائش سے ہی ایک ناقص والو کے طور پر موجود ہو سکتا ہے ،جس کے ساتھ زیادہ کیلشیئم ڈپازٹ ہوتا ہے۔ ایورٹک والوکی عام طور پر&nbsp;مکمل نشونما نہیں ہوتی ہے۔ تین فلیپس یا cusps (tricuspid aortic valve) کے بجائے، والو صرف دو (bicuspid aortic valve) فلیپس میں بڑھتا ہے۔ کمیاب بے ضابطگیوں میں، پیدائشی اے ایس والے افراد میں 1 یا 4 cusps ہو سکتے ہیں۔اس سے حالت بگڑ سکتی ہے اورخراب والو کے ذریعے بے قاعدہ بہاؤ کی وجہ سے،ایک فرد کا دل چھوٹی عمر میں ہی خراب ہو سکتا ہے ۔&nbsp;

دل کا سب سے عام پیدائشی مسئلہ bicuspid aortic valve ہے۔ زیادہ تر کیسز میں والو بچپن میں ہی خراب نہیں ہو تا، لیکن یہ وقت کے ساتھ تنگ ہوتا ہے اور اسے بحال یا تبدیل کرنا پڑتا ہے۔&nbsp; 
&nbsp;

<h4>2۔بچپن کے بعد لاحق ہونا</h4>

اگر یہ حالت پیدائشی نہ ہواور بعد ازاں لاحق ہو ،تو اسے ایکوائرڈ اسٹینوسس کہا جاتا ہے۔ کم آمدنی والے ممالک میں اس کی سب سے زیادہ عام وجہ سوزشی والو کی بیماری ہے۔ اتصالی ملاپ کی وجہ سے فلیپس متاثر ہوتے ہیں اور مرکز میں صرف ایک چھوٹا سا سوراخ رہ جاتا ہے۔ تاہم، سوزشی بخاراس کی واحد وجہ نہیں ہے؛ دیگر وجوہات میں شامل یہ&nbsp; ہیں:&nbsp; 
&nbsp;

<ul>
	<li>ٹرائی لیفلیٹ والو کیل سفیکیشن/ والو کا موٹا ہونا</li>
	<li>الکپٹونوریا</li>
	<li><a href="https://merisehat.pk/ur/disease/systemic-lupus-erythematosus">سسٹیمک لیوپس اردھماٹوسس</a>/ ایک جینیاتی آٹو امیون عارضہ</li>
	<li>اوکرونوسس/ چہرے اور گردن پر گہرے دھبے</li>
	<li>اریڈی ایشن/ تابکاری کی زد میں آنا</li>
	<li>ہوموزائگس ٹائپ II لیپوپروٹینیمیا</li>
	<li>&nbsp;میٹابولک عوارض (مثال کے طور پر، فیبری بیماری) 
	&nbsp;</li>
</ul>

معدنیات کے میٹابولزم میں خلل، جیسے کہ آخری مرحلے کی گردوں کی بیماری کو بھی والو کی کیلسی فیکیشن کی ایک وجہ ثابت کیا گیا ہے۔ Supravalvular stenosis اس وقت ہوتا ہے جب بائیں وینٹریکیولر (LV) کا اخراج، والو کے اوپر مسدود ہو جاتا ہے جبکہ subvalvular stenosis اس وقت ہوتا ہے جب بائیاں وینٹریکیولر،والو کے نیچے بلاک ہو جاتا ہے۔ ہائپر ٹرافک کارڈیو مایوپیتھی کی وجہ سے subvalvular stenosis متحرک ہوسکتا ہے۔

<div>&nbsp;</div>

علامات

ایورٹک والو اسٹینوسس کے مختلف درجے ہیں۔ &nbsp;<h4>1۔ہلکا-معتدل اے ایس</h4>اس میں والو کا صرف ایک حصہ سکڑتا&nbsp; ہے۔ مریض میں کوئی&nbsp; بھی قابل مشاہدہ علامات ظاہر نہیں ہوتیں؛ اس کی شناخت کرنے کا واحد طریقہ بلنداور نمایاں دل کی سرسراہٹ ہے۔ مریضوں کی اکثریت اپنی معمول کی روزمرہ کی سرگرمیاں جاری رکھنے کے قابل ہوتی ہے۔ <h4>2۔شدید اے ایس</h4>شدید ایورٹک اسٹینوسس والے شخص کا بائیاں وینٹریکیولر غیر معمولی طور پر موٹا ہو سکتا ہے اور والو کی شدید تنگی کی وجہ سے صحیح طریقے سے کام نہیںکر سکتا ۔ اس کا علاج یا تو غبارے کے پھیلاؤ سے، مداخلتی کیتھیٹرائزیشن کے ذریعے کیا جاتا ہے یا والو کی تبدیلی کی سرجری کے ذریعے۔&nbsp;&nbsp; <h4>3۔سنگین اے ایس</h4>اس قسم کی ایورٹک والواسٹینوسس سب سے سنگین قسم ہے اور یہ عام طور پر پیدائش کے وقت موجود ہوتی ہے۔ اس میں فوری مداخلت کی ضرورت ہوتی ہے کیونکہ نوزائیدہ کا ایورٹک والو بہت چھوٹا ہوتا ہے۔ اس میں جراحی سے ایورٹک والو کو تبدیل کرنا یا غبارے کے پھیلاؤ سے مداخلتی کیتھیٹرائزیشن شامل ہے، جو حالت پر منحصر ہے۔&nbsp;اے ایس کی علامات درج ذیل ہیں: <ul><li>&nbsp;قلبی سرسراہٹ، جو کہ دل کی بے قاعدہ دھڑکن ہے، یہ اسٹیتھواسکوپ کے ساتھ سنائی دے گی</li><li>ورزش کرتے وقت سینے میں انجائنا یا جکڑن</li><li>فعال ہونے پر ہلکا سر یا چکر آنا محسوس کرنا</li><li>سانس پھولنا، خاص طور پر جب متحرک&nbsp; ہونے پر</li><li>تھکاوٹ، خاص طور پر زیادہ مشقت کے وقت</li><li>دل کی کپکپاہٹ یا تیز دل کی دھڑکن</li><li>&nbsp;کھانے میں پریشانی، یہ علامت بنیادی طور پر بچوں میں پائی جاتی ہے</li><li>مناسب وزن نہ بڑھنا، یہ علامت بنیادی طور پر بچوں میں پائی جاتی ہے</li></ul><div> </div>

اسباب

ایورٹک اسٹینوسس، مندرجہ ذیل کی وجہ سے ہو سکتا ہے: <h4>کیلشیم کا جمع ہونا</h4>کیلشیم ان معدنیات اور غذائی اجزاء میں سے ایک ہے ،جو خون کے بہاؤمیں ہوتے&nbsp; ہیں۔ کیلشیم کے ذخائر ایورٹک والو پر پیدا ہوسکتے ہیں کیونکہ اس سے خون بار بار گزرتا ہے۔ نتیجے کے طور پر، یہ ذخائر وقت کے ساتھ والو کے سخت ہونے کا سبب بن سکتے ہیں۔ عام طور پر ان ذخائر پرکسی کا دھیان نہیں جاتا ہے اور 70 یا 80 سال کی عمر کے بعد علامات ظاہر ہوتی ہیں۔ تاہم، پیدائشی نقائص کی صورت میں کیلشیم کے ذخائر، چھوٹی عمر میں ایورٹک والو کے سخت ہونے کا باعث بن سکتے ہیں۔&nbsp; <h4>دل کی پیدائشی خرابی</h4>عام طور پر ایورٹک والو میں تین کسپس یا فلیپس&nbsp; (tricuspid aortic valve) ہوتے ہیں۔ پیدائشی نقائص کے نتیجے میں ایورٹک والو میں پیدائش کے وقت 1، 2، یا 4 فلیپس ہوتے ہیں۔ ان بےقاعدگیوں کی وجہ سے باقاعدہ طبی معائنہ کی ضرورت ہوتی ہے اور بعض کیسز میں بالغ ہونے تک علامات پیدا نہیں ہو تیں۔ ایسی صورتوں میں جب والو نمایاں طور پر تنگ ہو جائے یا لیک ہو جائے تو اس کی بحالی یا تبدیل کرنے کی ضرورت ہوتی ہے۔ <h4>سوزشی بخار</h4>یہ زیادہ تر کم آمدنی والے ممالک میں دیکھا جاتا ہے اور عام طور پر علاج نہ کیے جانے والے گلے کے سوزشی انفیکشن کی وجہ سے ہوتا ہے۔ اس کے نتیجے میں ایورٹک والو پر داغ پڑ سکتے ہیں، جو یا تو والو کے تنگ ہونے کا سبب بنتا ہے یا ایک کھردری سطح بناتا ہے، جس سے کیلشیم جمناآسان ہو جاتا ہے۔ <h4>انفیکٹو اینڈو کارڈائٹس/دل کے اندرونی غلاف کی متعدی سوزش</h4>انفیکٹو اینڈو کارڈائٹس اور ایورٹک اسٹینوسس کے درمیان ممکنہ تعلق ہو سکتا ہے۔یہ انفیکشن دل کی بافتوں کی سوزش کا سبب بن سکتا ہے، جس کے نتیجے میں اسٹینوسس بگڑ سکتا ہے۔ تاہم، اس متعلقہ عنصر کے حتمی ثبوت ابھی زیرِ تحقیق ہیں۔<div> </div>

تشخیص

زیادہ تر لوگوں میں، پہلی بار معمول کے چیک اپ کے دوران اس مسئلے کا پتہ چلتاہے، جب&nbsp; ڈاکٹر کو اسٹیتھواسکوپ کا استعمال کرتے ہوئے "سرسراہٹ" کی آواز یا دل کی اضافی دھڑکن سنائی دیتی ہے۔ اگرچہ یہ دل کی سرسراہٹ&nbsp; ہمیشہ والوکے مسائل کی نشاندہی نہیں کرتی ،لیکن یہ والو کی تنگی کا اشارہ ہو سکتی ہے۔ لہذا، ڈاکٹر مکمل معائنہ اور طبی ہسٹری کا جائزہ لینے کے بعد چند ٹیسٹ تجویز کر سکتا ہے۔ ان ٹیسٹس میں یہ شامل ہیں:&nbsp;&nbsp; <h4>ایکو کارڈیوگرام</h4>امیجنگ کے اس طریقہ کار میں ،صوتی لہروں کا استعمال دل کی اندرونی ساخت کی تصویر بنانے کے لیے کیا جاتا ہے۔ یہ ٹیسٹ دل کے کمزور پٹھوں کی شناخت کرنے میں مدد کرتا ہے اور والو کی تنگی کی شدت کا بھی تعین کرتا ہے۔&nbsp; <h4>الیکٹرو کارڈیوگرام</h4>یہ ٹیسٹ دل کی برقی سرگرمی کی پیمائش کرتا ہے۔ ڈاکٹر اسے دل کے چیمبرز کی سوجن کا تعین کرنے اور دل کی بیماریوں کی تشخیص کے لیے&nbsp;استعمال کرتے ہیں۔ <h4>ورزش سے تناؤ ٹیسٹ</h4>جیسا کہ نام سے ظاہر ہے، اس ٹیسٹ میں دل کی دھڑکن کی نگرانی کے دوران ورزش (ٹریڈمل پر چلنا یا ساکت بائیک استعمال کرنا) شامل ہیں۔ یہ ٹیسٹ اس بات کا تعین کرنے میں مدد کرتا ہے کہ ،آیا ورزش کے ذریعے والو کی تنگی کی بیماری کی علامات ظاہر ہوتی ہیں کہ نہیں۔ اگر کوئی شخص ورزش کرنے سے قاصر ہے تو، ٹیسٹ&nbsp; ممکن کرنے کے لیے کچھ دوائیں دی جا سکتی ہیں۔ <h4>کارڈیک کیتھیٹرائزیشن</h4>اگر دوسرے ٹیسٹس کے نتائج غیر نتیجہ خیز ہوں یا دوسرے ٹیسٹس میں شدت کی ڈگری واضح نہ ہو، تو ڈاکٹر اس طریقہ کار کی سفارش کر سکتا ہے ۔ کارڈیک کیتھیٹرائزیشن میں ایک تنگ لچک والی ٹیوب کو بازو میں ڈالا جائے گا اور ڈاکٹر ایک منفرد ڈائی ،&nbsp; ایکسرے تصاویر اور ویڈیو کی مدد سے دل کے&nbsp;والوز اور چیمبرز کو زیادہ تفصیل سے دیکھ سکے گا۔&nbsp; <h4>کارڈیک کمپیوٹرائزڈ ٹوموگرافی (CT) اسکین</h4>یہ ٹیسٹ متعدد ایکس رے تصاویر کو ملا کر، دل کا ایک بہتر کراس سیکشنل ویو تیار کرتا ہے۔جس سے ڈاکٹر شہ رگ کے والو کے بارے میں&nbsp;معلومات حاصل کرتا ہے اور شہ رگ کے سائز کا تعین کرتا ہے۔ <h4>کارڈیک میگنیٹک ریزونینس امیجنگ (MRI) اسکین</h4>کارڈیک ایم آر آئی ،مقناطیسی فیلڈز اور ریڈیو لہروں کا استعمال کرتے ہوئے دل کی درست تصاویر تیار کرتا ہے۔ یہ ٹیسٹ شہ رگ کے سائز کو ظاہر کر سکتا ہے اور اے ایس کی شدت کا اندازہ لگانے کے لیے استعمال کیا جا سکتا ہے۔ <h4>سینے کا ایکسرے</h4>دل اور پھیپھڑوں کی صحت کو جانچنے کے لیے سینے کا ایکسرے کارآمد ہے۔ یہ دل میں کسی بھی اضافے کی نشاندہی کرنے میں مدد کر سکتا ہے، جو&nbsp;اے ایس کی ممکنہ علامت ہے۔ یہ ایورٹک والومیں کیلشیم کے جمع ہونے اور ایورٹک سوجن کو بھی ظاہر کر سکتا ہے۔&nbsp;<div> </div>

علاج

اکثر، معمولی ایورٹک اسٹینوسس کو علاج کی ضرورت نہیں ہوتی ،کیونکہ اس فرد میں کوئی علامات ظاہر نہیں ہوتی اور اس کا دل بالکل ٹھیک کام کر تا ہے۔ اس کے علاوہ، معمول کے طبی معائنہ میں مدد ملتی ہے کیونکہ ڈاکٹر اس پر نظر رکھنے کے قابل ہوتا ہے۔ علامات کے علاج یا پیچیدگیوں کے خطرے کو کم کرنے کے لیے طرز زندگی میں تبدیلیوں اور ادویات کی سفارش کی جا سکتی ہے۔ تاہم، آخرکار خراب شدہ والوز کی بحالی یا تبدیل کرنے کے لیے جراحی کے اختیارات پر غور کیا جاتا ہے۔ان اختیارات میں شامل ہیں: <ul><li>ایورٹک والو کی تبدیلی</li></ul>اس طریقہ کار سےدھاتی&nbsp; مکینیکل والوز یا ڈونر گائے کا والو ٹشو، یا انسانی دل کے ٹشو (حیاتیاتی ٹشو والو) کو خراب والو کی تبدیلی کے لیے استعمال کیا جاتا ہے۔ اوپن ہارٹ سرجری کے دوران، سرجن والو کو ٹھیک کرنے کے لیے یا تو سینے کی دیوار کو کاٹتاہے یا پسلی کے پنجر میں سوراخ کرتا ہے ۔ راس طریقہ کار: یہ ایک پیچیدہ طریقہ کار ہے،جس میں ایورٹک والو کو ،مریض کے اپنے پھیپھڑوں (پلمونری) والو سے تبدیل کیا جاتا ہے۔اس کے بعد ہٹائے گئے پلمونری والو کو، ایک فوت شدہ ڈونر کے حیاتیاتی پھیپھڑوں کے ٹشو والو سے مزید تبدیل کر دیا جاتا ہے ۔&nbsp; براہ کرم نوٹ کریں: حیاتیاتی ٹشو والوز سے بنے والوز، وقت کے ساتھ خراب ہو جاتے ہیں اور انہیں تبدیل کرنے کی ضرورت ہوتی ہے۔ جبکہ خون جمنے کو روکنے کے لیے اسے پتلا کرنے والی دوائیں ، مکینیکل والوز والے مریضوں کی معاونت کے لیے تجویز کی جاتی ہیں۔&nbsp; <ul><li>ٹرانس کیتھیٹر ایورٹک والو ریپلیسمنٹ کیتھیٹرٹریٹمنٹ (TAVR)</li></ul>TAVR اوپن ہارٹ ایورٹک والو کو تبدیل کرنے کا، ایک کم متجاوز متبادل ہے۔ یہ عام طور پر ایک اختیار کے طور پر سمجھا جاتا ہے، اگر ایورٹک والو کی تبدیلی کی جراحی سے پیچیدگیوں کا درمیانی یا زیادہ خطرہ ہو۔ اس طریقہ کار میں بہت چھوٹا کٹ شامل&nbsp; ہوتا ہے اور ایک پتلی، لچکدار ٹیوب (کیتھیٹر) کو تبدیل کرنے والے والوکے درست مقام تک رہنمائی کے لیے استعمال کیا جاتا ہے۔ مطلوبہ جگہ پرپہنچنے کے بعد، کیتھیٹر ہٹا دیا جاتا ہے۔ <ul><li>بلون والوولوپلاسٹی</li></ul>نوزائیدہ بچوں اور نوعمروں&nbsp; میں اے ایس کا علاج عام طور پر، بلون والوولوپلاسٹی کے ذریعے کیا جاتا ہے۔بالغوں کو اس طریقہ کار سے کوئی فائدہ نہیں ہوتا۔ ایک لمبی، لچکدار ٹیوب نماکیتھیٹر جس کے کنارے کے قریب ایک غبارہ ہوتا ہے، اسے دل میں داخل کیا جاتا ہے۔ مطلوبہ جگہ پرپہنچنے کے بعد ، غبارہ پھلایا جاتا ہے، جو تنگ والو کو چوڑا کرتا ہے۔ <ul><li>&nbsp;ایورٹک والو کی مرمت</li></ul>ایورٹک والو کی مرمت کے لئے ،جڑے ہوئے والو فلیپس (cusps) کو الگ کیا جاتا ہے۔ تاہم، یہ ایک کمیاب طریقہ کار ہے، کیونکہ اے ایس کا علاج عام طور پر ایورٹک&nbsp; والو کی تبدیلی سے کیا جاتا ہے۔ <h4>علاج کے بعد کی دیکھ بھال</h4>ہر کیس منفرد ہوتا ہے، لیکن زیادہ تر مریض تقریباً ایک ہفتے تک ہسپتال میں رہتے ہیں اور 4-6 ہفتوں&nbsp; میں اپنے دفتری کاموں سمیت معمول کے کام کو دوبارہ شروع کرنے کے قابل ہو جاتے ہیں۔لیکن&nbsp; اس فرد کو اضافی وقت کی ضرورت ہو سکتی ہے اگر اس کا کام سخت ہے یا اسے غیر معمولی طور پر فعال رہنے کی ضرورت رہتی ہے۔ اگر مریض کی کم متجاوز سرجری ہوئی ہے، تو وہ زیادہ تیزی سے صحت یاب ہو سکتا ہے، جس کا مطلب ہے کہ ہسپتال اور گھر میں کم وقت رہنا پڑتا ہے۔ <ul><li>&nbsp;سرجری کے بعد</li></ul>سرجری کے بعد، مریض ICU میں ہوش میں آئے گا ،جس کے گلے میں سانس لینے والی ٹیوب ہوگی۔ یہ اےایس کے علاج کے لیے منتخب کی گئی تکنیک کے برعکس ہے۔پھر سانس لینے والی ٹیوب کو ہٹا دیا جاتا ہے، جب ڈاکٹروں کو یقین ہو جائے&nbsp; کہ مریض خود سانس لینے کے قابل ہے۔ اس میں عام طور پر چند گھنٹے لگتے ہیں۔ دریں اثنا، مریض کو پرسکون رہنے میں مدد کے لیے درد کی دوا دی جائے گی۔&nbsp; اس کے بعد طبی عملہ مریض کو کھانسی کے لیے رہنمائی کرے گا اور اس کے پھیپھڑوں کو صاف کرنے کے لیے گہری سانس لینے کی مشق بتائے گا۔ یہ تکلیف دہ ہوسکتا ہے؛ لیکن یہ شفا یابی کا ایک اہم پہلو ہے۔ مریض اپنے سینے سے لگانے کے لیے کشن (اگر یہ پہلے سے فراہم نہیں کیا گیا ہے) مانگ سکتا ہے کیونکہ اس سے درد کو کم کرنے میں مدد ملے گی۔ اسی طرح، عملے کو بھی اہم علامات کی نگرانی کرنے کی ضرورت ہے۔ لہذا عمومی طور پر، مریض کےارد گرد&nbsp; جانچ کی&nbsp; کئی بیپنگ مشینیں ہوں گی۔ بتدریج، جب ڈاکٹر محسوس کرتا ہے کہ مریض ٹھیک ہو رہا ہے، تو اسے آئی سی یو سے ہسپتال کے دوسرے روم میں منتقل کر دیا جائے گا، جسے اسٹیپ ڈاؤن یونٹ کہا جاتا ہے۔ اسے اب مزید ملاقاتیوں سے ملنے کی اجازت&nbsp; ہوتی ہے۔ <ul><li>ہسپتال میں</li></ul>مریض کو کچھ دنوں میں بستر سے باہر نکلنا شروع کر دینا چاہیے - عام کھانا اور مشروبات لیں، بیت الخلا کا استعمال کریں اور سہولت کے مطابق&nbsp;چہل قدمی کریں۔ سرجری کے بعد 1-2 دنوں میں، ڈاکٹر سینے سے نکاسی کی نلکیاں بھی نکال دے گا۔ یہ&nbsp; غیر آرام دہ ہوسکتا ہے، لیکن بہت تکلیف دہ نہیں ہوتا۔ عام طور پر یہ سفارش کی جاتی ہے کہ مریض گھر جانے سے پہلے دن کا بیشتر حصہ جاگتے ہوئے گزارے، 150 فٹ پیدل چلے اورایک فلور کی سیڑھیوں&nbsp; پر چڑھے، مثال کے طور پر، یہ یقینی بنایا جاسکے کہ وہ مستحکم حالت میں ہے۔ <ul><li>&nbsp;گھر پر</li></ul>ابتدائی مدت کے دوران، مریض کو مدد کی ضرورت ہوتی ہے۔ انہیں کسی ایسے شخص کی ضرورت ہوتی ہے جو انہیں گھر لے آئے اور ڈاکٹر کی ہدایات کے مطابق ان کے آپریشن والے حصے کی دیکھ بھال کرے۔ اس مرحلے پر، نہانے کے لئےشاورلیا جاسکتا&nbsp; ہے۔ مزید برآں، متحرک رہنا بحالی کے لیے بہت ضروری ہے۔ ڈاکٹر مشورہ دے گا کہ اس طرح آہستہ آہستہ حرکت کی حد کو آگے بڑھایا جائےاور ورزش کو تیز کیا جائے ۔لیکن پہلے چند ہفتوں میں کوئی بھاری چیز اٹھانے سے گریز کیا جائے۔ یہ فطری بات ہے کہ مریضوں کو کندھے میں تھوڑا درد یا گردن، کمر یا سینے میں درد کا سامنا کرنا پڑتا ہے۔ اس کے علاوہ، جسم کو تھوڑے وقت کے لیے بےقاعدہ بھوک اور درجہ حرارت کے نظام میں مسئلہ ہوسکتا ہے۔ سرجری کے بعد، بے خوابی ہو سکتی ہے۔ ہوسکتاہے گھر واپس آنے کے بعد، پہلے کئی ہفتوں کے لیے دوپہر کی مختصرنیند ایک معمول بن جائے ۔ جسم کو بہتر طریقے سے صحت یاب ہونے کے لیے زیادہ توانائی کی ضرورت ہوتی ہے۔ اگر اے ایس کا علاج مکینیکل ریپلیسمنٹ والو کے ذریعے کیا گیا، تو مریض اپنے دل کی دھڑکن کو سن سکے گا۔ اس میں پریشان ہونے کی بات نہیں ہوتی، سینے سے آنے والی کلک کی آواز صرف والو کے کھلنے اور بند ہونے کی ہوتی ہے۔

غیر علاج شدہ ایورٹک اسٹینوسس کی پیچیدگیوں میں&nbsp; یہ شامل ہیں: <ul><li>خون کے لوتھڑے بننا</li><li>خون بہنا</li><li>&nbsp;فالج</li><li>دل کی ناکامی</li><li>اردمیا/ دھڑکن کی بے قاعدگی</li><li>انفیکشن جو دل کو متاثر کرتے ہیں، جیسے اینڈو کارڈائٹس</li><li>موت</li></ul><div> </div>

خطرے کے عوامل میں شامل ہیں: <ul><li>بڑی عمر</li><li>دل کے بعض پیدائشی نقائص مثلاً bicuspid aortic والو</li><li>گردے کی دائمی بیماری</li><li>ذیابیطس، ہائپر ٹینشن (ہائی بلڈ پریشر) اور ہائی کولیسٹرول</li><li>سابقہ انفیکشن، جیسے انفیکٹو اینڈو کارڈائٹس اور سوزشی بخار</li><li>چیسٹ ریڈی ایشن تھراپی کی ہسٹری</li></ul><div> </div>

ایورٹک والو اسٹینوسس کو ہمیشہ روکا نہیں جا سکتا۔ مثال کے طور پر، اس میں پیدائش کے وقت دل کی بے قاعدگی سے بچنا مشکل ہے۔ تاہم، کچھ احتیاطی تدابیر ہیں جو قابل تبدیل خطرے کے عوامل کے لیے اپنائی جا سکتی ہیں۔ان میں یہ شامل ہیں: <ul><li>&nbsp;علاج نہ کیے جانے والا اسٹریپ تھروٹ انفیکشن ،سوزشی بخار کا سبب بن سکتا ہے، جو کہ ایورٹک اسٹینوسس کے لیے ایک خطرے کا عنصر ہے،&nbsp;اس لیے انفیکشن کا بروقت اور مکمل علاج ایک اچھا احتیاطی قدم ہو سکتا ہے۔&nbsp;</li><li>&nbsp;اے ایس کا تعلق ہائی بلڈ پریشر، ہائی کولیسٹرول اور موٹاپے سے بھی ہے، جس کاانتظام، علاج اور طرز زندگی میں تبدیلی کے ساتھ کیا جا سکتا ہے۔</li><li>&nbsp;انفیکٹو اینڈو کارڈائٹس اور ایورٹک اسٹینوسس کے درمیان ممکنہ ربط ہو سکتا ہے۔ اس لیے دانتوں اور مسوڑھوں کا خیال رکھنا ایک اچھا احتیاطی قدم ہو سکتا ہے۔ </li></ul>ان خطرات کو جتنا بہتر طریقے سے سنبھالا جائے گا، والو کے مسائل پیدا ہونے کا امکان اتنا ہی کم ہوگا۔ اگر اےایس کی کوئی علامت ہو تو بہتر ہے کہ فوری طور پر ڈاکٹر سے رجوع کریں اور ان کی ہدایات پر عمل کریں۔ <h4>اضافی اقدامات</h4>کسی بھی طبی حالت پر زیادہ توجہ دینا ضروری ہے ، لیکن&nbsp; اگر اس کا تعلق دل سے ہو تو زیادہ توکہ درکار ہوگی۔ اگرچہ صبح کی چہل قدمی یا صحت مند کھانے جیسی کچھ چیزیں ہیں جن پر ایک شخص اپنے طور پر عمل کر سکتا ہے، تاکہ دل کو زیادہ سے زیادہ صحت مند رکھا جا سکے۔لیکن یہ بھی ضروری ہے کہ ڈاکٹر سے مشورہ کریں اور ان کے مشورے کے طریقہ علاج پر عمل کریں۔&nbsp; 1۔ڈاکٹر کو باقاعدگی سے دکھائیںاے ایس کی علامات اور مرحلہ اس بات کا تعین کرے گا کہ فرد کو کتنی بار ڈاکٹر کے پاس جانا چاہیے۔ کسی بھی کیس میں سالانہ معائنہ اور ہر 1-2 سال بعد ایکو کارڈیوگرافی کی سفارش کی جاتی ہے۔ 2۔دوا ضرور لیںڈاکٹر کی ہدایات پر&nbsp; باقاعدگی سےعمل کریں اور کوئی بھی دوا مکمل ہدایت کے مطابق لیں۔ یہ ادویات خون کے جمنے، انفیکشنز اور دل پر زیادہ لوڈ میں کمی میں مدد کر سکتی ہیں۔ 3۔متحرک رہیںورزش دل کی صحت کے لیے فائدہ مند ہے۔ ڈاکٹر سے پوچھنا یاد رکھیں کہ ،کون سی جسمانی سرگرمی&nbsp; سے پرہیز کرنا چاہیے۔ مزید برآں،&nbsp; ورزش کے دوران دل کی دھڑکن کی نگرانی کرنا سیکھیں۔ 4۔دانتوں کی صفائی&nbsp;متعدی اینڈو کارڈائٹس،دل کی اندرونی پرت کی سوزش کا تعلق اے ایس سے ہوسکتا ہے۔ اس لیے احتیاطی قدم یہ ہوگا کہ دن میں دو بار دانتوں کو برش کریں اور اپنے دانتوں کے ڈاکٹر کو اپنے اے ایس کے بارے میں مطلع کریں۔ 5۔سرجری سے انکار نہ کریںڈاکٹر خراب والو کی بحالی یا جراحی سے تبدیل کرنے کا مشورہ دے سکتا ہے۔ اگرچہ یہ پیچیدہ معلوم ہو سکتا ہے، لیکن یہ اے ایس کے لیے ایک مؤثر علاج ہے۔ دوسری طرف، سرجری ملتوی کرنے کا مطلب دل کی ناکامی کا خطرہ ہے۔ 6۔سپورٹ حاصل کریںدل کے مسائل بے چینی یا ڈپریشن کا سبب بن سکتے ہیں۔ معالج کے پاس جانے سے، فرد کو بہتر محسوس کرنے میں مدد مل سکتی ہے۔ یہاں تک کہ کسی پیارے سے بات کرنا بھی کام آسکتا ہے ،اگر وہ مناسب مدد فراہم کرنے کے قابل ہو۔ 7۔صحت مند وزن برقرار رکھیںجب کوئی شخص موٹاپے یا زیادہ وزن کا شکار ہوتا ہے ،تو اس کا دل خود بخود بہت زیادہ دباؤ میں آجاتا ہےاور صحت کے مسائل کا خطرہ بڑھ جاتا ہے۔ مزید برآں، مرکزی جسم میں&nbsp; موٹاپے کے کیسز میں خطرہ بڑھ جاتا ہے۔ ڈائری میں نوٹ کرنا یا فٹنس ٹریکر کا استعمال کھانے اور ورزش کا ریکارڈ رکھنے میں کارآمد ثابت ہوا ہے۔ 8۔ذہنی تناؤ کو قابو کریںہر کوئی کبھی کبھار غصے، اداسی اور پریشانی کا تجربہ کرتا ہے۔ تاہم، اگر یہ جذبات بے قابوہوجائیں تو فرد کی ذہنی اور جسمانی صحت متاثر ہوتی ہے۔ ورزش، مراقبہ، فیملی کے ساتھ معیاری وقت اور ہنسنا&nbsp; پرسکون ہونے کے بہترین طریقے ہیں۔ کسی ڈاکٹر&nbsp; سے مشورے کی بھی سفارش کی جاتی ہے۔ 9۔غیر صحت بخش کھانے سے پرہیز کریں پھل، سبزیاں، سالم اناج اور بنا چکنائی پروٹین والی غذا ئیں لیں۔ پراسیسڈ کھانوں کے بجائے گھر کا پکا ہوا کھانا کھائیں۔ گھر پر کھانا کھانے کا مطلب یہ&nbsp;بھی ہے کہ سوڈیم، چینی اور مضر چکنائیاں، جو کہ بہت سی پیک شدہ مصنوعات میں موجود ہوتی ہیں، ان سے باآسانی گریز کیا جاسکتا ہے۔ 10۔صحت کی دیگر حالتوں پر قابوذیابیطس اور دل کی بیماری کی دیگر شکلوں کا علاج ایک اہم ترجیح ہونی چاہئے، اگر مریض کو یہ لاحق ہوں۔ 11۔تمباکو نوشی چھوڑ دیںسگریٹ کے دھوئیں میں موجود زہریلے مادے خون کی شریانوں کو نقصان پہنچاتے ہیں، جس سے دل کو صحیح طریقے سے کام کرنا مشکل ہو جاتا ہے۔ مقامی ہسپتالوں اور این جی اوز&nbsp; کی جانب سے منعقد کئے جانے والی&nbsp; مفت ورکشاپس یا معاونتی گروپس&nbsp; میں شامل ہوں ،تاکہ تمباکو نوشی چھوڑنے میں مدد حاصلی کی جا سکے اور اپنے ڈاکٹر سے بھی مشورہ کریں۔<div> </div>

ایورٹک اسٹینوسس کے کم خطرے والے مریضوں میں Sapien 3 Transcatheter ہارٹ والو کی ڈیوائس پروفائل: اس کی حفاظت اورافادیت کا ایک جائزہ ٹرانس کیتھریٹرایورٹک&nbsp; والو کی تبدیلی (TAVR) کو، علامتی شدید ایورٹک اسٹینوسس والے افراد کے لیے معیاری علاج سمجھا جاتا ہے۔ پھولنے والے غبارے SAPIEN 3 اور SAPIEN 3 الٹرا ٹرانس کیتھیٹر ہارٹ والو سسٹمز، عالمی سطح پر سب سے زیادہ استعمال ہونے والے طریقوں میں سے دو ہیں۔ کم خطرے والے مریضوں کے علاج کے لیے TAVR کا استعمال حال ہی میں تین گنا بڑھ گیا ہے3۔ کم خطرے والے مریضوں میں استعمال کے لیے THV سسٹمز کی منظوری کے ساتھ، موجودہ TAVR اشاریوں میں نمایاں جدت آئی ہے۔ TAVR کو مؤثر طریقے سے اپنانے کو بنیادی طور پر، نئی جنریشن&nbsp; کے THV سسٹمز میں شامل ڈیوائس iterationsکے ساتھ ساتھ طریقہ کار میں بہتری اور آپریٹر کی مہارت میں اضافہ سے منسوب کیا گیا ہے۔ SAPIEN 3 کا متعارف کیا جاناشعبہ میں ایک اہم سنگ میل ہے،کیونکہ یہ قابل پیش گوئی پوزیشننگ، محفوظ نیویگیبلٹی کی خصوصیات رکھتا ہےاور اس کے ساتھ پہلے والے&nbsp; بیلون ایکسپیڈیبل سسٹمز کے مقابلے میں، پیراوالولرباقیات کے رساو کی بہت کم شرحوں کی اجازت دیتا ہے۔ اس کے باوجوداس میں ابھی بھی کچھ مسائل موجود ہیں، جیسے کہ ترسیل میں خلل کی نسبتاً زیادہ شرح اور والوز کی طویل مدتی کارکردگی کے حوالے سے وضاحت کی کمی۔ مزید تحقیق ضروری ہے۔&nbsp;<div> </div>

اہم نکات

<ul><li>ایورٹک اسٹینوسس (اے ایس) یا ایورٹک والو اسٹینوسس بھی کہا جاتا ہے،جو کہ دل کے والو کی بیماری کی ایک صورت ہے&nbsp;</li><li>&nbsp;اس بیماری میں شہ رگ کا والو، جو دل کے نچلے بائیں چیمبر کو, جسم کی بنیادی شریان (شہ رگ) سے جوڑتا ہے،وہ تنگ ہو جاتا ہے اور پوری طرح&nbsp;سے کھلنے سے قاصر ہوتا ہے۔ اس وجہ سے شہ رگ میں اور اس کے بعد باقی جسم میں خون کے بہاؤ کمی واقع ہو جاتی ہے۔</li><li>دل پر اس دباؤسے انجائنا، قلبی حرکت میں بےترتیبی، یا دل کی ناکامی کا خطرہ بڑھ جاتا ہے۔&nbsp;&nbsp;</li><li>زیادہ تر مریضوں کو سینے میں درد، دل کی ناکامی اور عارضی طور پر ہوش میں کمی کی بنیادی علامات کا تجربہ ہوتا ہے۔</li><li>علاج کے اختیارات، اے ایس کی قسم اور شدت پر منحصر ہیں۔</li></ul><div> </div>

Chambers JB. Aortic stenosis. Eur J Echocardiogr [Internet]. 2009 Jan 1;10(1):i11–9. Available from:

Carabello BA, Paulus WJ. Aortic stenosis. Lancet. 2009;373(9667):956–66.

Alperi A, Mesnier J, Panagides V, Rodés-Cabau J. Device profile of the SAPIEN 3 transcatheter heart valve in low-risk patients with aortic stenosis: overview of its safety and efficacy. Expert Rev Med Devices. 2021 Sep;18(9):815–21.