پارکِنسن(رعشہ) کی بیماری

حمزہ خٖضر

جائزہ

پارکِنسن(رعشہ) کی بیماری ایک اعصابی بیماری ہے، جس میں رفتہ رفتہ اعصابی خلیات خراب ہوتے چلے جاتے ہیں۔ اِس کیفیت میں دِماغ کی کارکردگی کم ہوتی چلی جاتی ہے اور نتیجے کے طور پر فہم میں کمی آجاتی ہے ۔

پارکِنسن(رعشہ) کی بیماری سے واقع ہونے والے اعصابی نقصان کا تعلق حرکات و سکنات سے جوڑا جاسکتا ہے، تاہم بعض صورتوں میں حرکات و سکنات کے علاوہ دیگر علامات بھی پائی جاتی ہیں۔ جب اعصابی خلیات کا نقصان غیر ڈوپامائنر جِک حصے میں ہوتا ہے، تو یہ حرکات و سکنات سے تعلق نہ رکھنے والی&nbsp; علامات کو جنم دیتا ہے، جب کہ &quot;سٹرائٹل ڈوپامائنر جِک&quot; اعصابی خلیات کے نقصان کی وجہ سے حرکات و سکنات سے متعلق علامات ظاہر ہوتی ہیں۔<a href="#accordion">[1]</a> 
&nbsp;

<h5 dir="rtl">پارکنسن کا جائزہ&nbsp;</h5>

پارکِنسن کی بیماری، جسے پہلے &quot;رعشہ والا&nbsp; فالج&quot;&nbsp; کہتے تھے ، ایک دائمی بیماری ہے جوانسان کے دماغ کے افعال&nbsp; کو بدل دیتی ہے۔ پارکِنسن&nbsp; کی بیماری ،مریض کےعلاوہ اُس سے تعلق رکھنے والے افراد کے لئےبھی مشکلات پیدا کرتی&nbsp; ہے۔ اِس بیماری میں مریض کے اہل خانہ اورصحت کی دیکھ بھال کرنے والےمعالجین کے لئے&nbsp; ایک مشکل صورت حال ہوتی ہے۔اس کی وجہ یہ ہے کہ پارکِنسن کے مریض معاشرے کے دباؤ کی وجہ سے ڈپریشن کا شکار ہوجاتے ہیں، کیوں کہ وہ اپنے معمولات کو درست طور پرسَر انجام نہیں دے پاتے۔ لہٰذا، جسمانی اور ذہنی صحت ،دونوں کو کنٹرول میں رکھنے کی ضرورت ہے۔

پارکِنسن بیماری&nbsp; کی علامات اور نِشانیاں،اس قدرنمایاں ہیں کہ اِن کا حوالہ دینے کے لئے ایک نئی اصطلاح &quot;پارکنسنزم&quot; وضع کی گئی۔ پارکنسنزم کی اصطلاح ، علامات کی ایک پیچیدگی ہے جواِس مرض میں حرکات وسکنات کے مسائل کو بیان کرنے کے لئےاستعمال کی جاتی ہے،جس میں حالت سکون میں رعشہ، بریڈی کائنیزیا(حرکت کرتے وقت ہچکچاہٹ) اور پٹھوں کی سختی شامل ہیں۔ 
&nbsp;

بریڈی کائنیزیا سےمُراد، پارکِنسن کی بیماری کی وجہ سے حرکت کرتے وقت ہچکچاہٹ ہونا ہے۔ مختلف مطالعات سے ثابت ہوتا ہے کہ پیتھالوجی علامات(نیند میں خلل، ڈپریشن اور فہم میں تبدیلی) کےظاہر ہونےسے پہلے ہی لاحق&nbsp; ہوجاتی ہے ۔

پارکِنسن کی بیماری کی میں عضلات میں تبدیلی کی ایک بڑی خصوصیت لیوی باڈیزکا ظاہر ہونا ہے،جو بنیادی طور پر،خلیات کے اندر موجود سائٹو پلازم کے مجموع ہیں،جن میں پروٹین،لحمیات اوردیگر اجزاء شامل ہوتے ہیں۔ لیوی باڈیز کی موجودگی یوبی کوئِٹِن کی پیداوار کوبھی فروغ دیتی ہے، جوناکارہ پروٹین ہے جو عام طور پراعصابی خلیات کےخراب ہونے کے بعد دیکھا جاسکتا ہے۔ 
&nbsp;

پارکِنسن کی بیماری میں اہم ریسیپٹرز، ڈوپامائن ریسیپٹرزیعنیD1 اورD2 ہیں۔ D1 تحریک دیتا ہےجب کہD2 روکنےکا عمل کرتا ہے۔ پارکِنسن کے مریضوں میں&nbsp; ڈوپامائن کمی ہوتی ہے،جس کے نتیجے میں تھیلامس کی سرگرمی میں کمی واقع ہوتی ہے۔ اِس کےعلاوہ ،ڈوپامائن میں کمی سےکولینرجِک سرگرمی میں اضافہ ہو سکتا ہے۔

رپورٹوں سے پتہ چلتا ہے کہ پارکِنسن کی بیماری سےعالمی سطح پر1، ہر 1000 میں1سے2 افراد متاثرہوتے ہیں۔ اِس بیماری کا پھیلاؤ عمرسے براہ راست متناسب ہوتا ہے اور60 سال سے زائد عمر والے1% افراد کو متاثر کرتا ہے ۔ جہاں تک پاکستان میں اِس کے پھیلاؤ کی شرح کا تعلق ہے، ایک اندازے کے مطابق 10 لاکھ افراد پارکِنسن کی بیماری میں مبتلا ہیں، اور یہ تعداد2030 تک 1,200,000 تک پہنچنے کا قوی امکان ہے۔<a href="#accordion">[1][2][3]</a> 
&nbsp;

علامات

بنیادی طور پر پارکِنسن کی بیماری کی صِرف ایک قسم ہے، تاہم پارکنسنزم کو پارکِنسن کی بیماری کےعلاوہ دیگر بیماریوں میں بھی دیکھا جا سکتا ہے، جن میں درج ذیل شامل ہیں:

<ul dir="rtl">
	<li>پراگریسیو سُپرا&nbsp; نیوکلیئر&nbsp; پالسی&nbsp;</li>
	<li>ملٹی پل سسٹم اٹروفی</li>
	<li>کورٹِیکو&nbsp; بَیسل ڈی جنریشن&nbsp;</li>
	<li>وسکیولر پارکنسنزم&nbsp;</li>
</ul>

&nbsp;پارکِنسن کی کلاسیکی بیماری کے پانچ مراحل ہوتے ہیں اور ہر مرحلہ کی اپنی علامات اور نِشانیاں ہوتی ہیں۔<a href="#accordion">[4]</a> 
&nbsp;

<h5 dir="rtl">پہلا مرحلہ</h5>

ابتدائی طور پر، متعلقہ فرد میں صرف ہلکی علامات&nbsp; ظاہر ہوتی ہیں.لہٰذا، روزمرّہ کے کاموں میں کوئی رُکاوٹ نہیں ہوتی ہے۔ مشاہدہ میں آنے والی علامات اور نِشانیاں درج ذیل ہیں۔

<ul dir="rtl">
	<li>ہاتھوں، بازؤں، ٹانگوں،جبڑے اورسَر میں رعشہ ہونا</li>
	<li>یک طرفہ حرکت کی علامات&nbsp;</li>
	<li>نشست و برخاست ،چال کے انداز ،اور چہرے کےتاثرات میں تبدیلی&nbsp; 
	&nbsp;</li>
</ul>

<h5 dir="rtl">دُوسرا مرحلہ&nbsp;</h5>

دُوسرے مرحلے میں ،پہلےمرحلے کی نسبت علامات میں شِدّت بڑھ جاتی ہے اور انہیں نمایاں طور پردرج ذیل کیفیات سےشناخت کیا جاسکتا ہے

<ul dir="rtl">
	<li>ہاتھوں، بازؤں، ٹانگوں ، جبڑے اور سَرمیں رعشہ ہونا</li>
	<li>عضلات میں سختی ہونا</li>
	<li>دَو طرفہ حرکت</li>
	<li>چلنے میں دُشواری اور نشست و برخاست کےغلط انداز 
	&nbsp;</li>
</ul>

<h5 dir="rtl">تیسرا مرحلہ&nbsp;</h5>

تیسرے مرحلے کو عام طور پر درمیانی مرحلے کی بیماری کہا جاتا ہے۔اِس مرحلے کی دَونمایاں علامات ہیں جومریض کے معمولات میں خلل ڈال سکتے ہیں، لیکن اس کےساتھ ہی تشخیص میں بھی مدد دیتے ہیں۔ اِن میں درج شامل ہیں:

<ul dir="rtl">
	<li>توازن قائم نہ رکھ سکنا</li>
	<li>حرکات و سکنات میں سُست رفتاری 
	&nbsp;</li>
</ul>

اِس مرحلے کی دیگر علامات میں درج ذیل شامل ہیں

<ul dir="rtl">
	<li>ہم آہنگی کی کمی کی وجہ سے گِرجانے کا خطرہ بڑھ جاتا ہے&nbsp;</li>
	<li>کپڑے تبدیل کرنے اورکھانا کھانے جیسی سرگرمیوں میں خلل واقع ہوجاتا ہے،لہٰذا، مریض یہ سادہ کام بھی اپنےطور پر نہیں کر سکتا 
	&nbsp;</li>
</ul>

<h5 dir="rtl">چوتھا مرحلہ&nbsp;</h5>

اِس مرحلے میں مریض شدید طور پر معذور ہوجاتا ہےاوراسےفوری مدد کی ضرورت ہوتی ہے۔ اِس کی علامات اور نِشانیوں میں درج ذیل ہیں:

<ul dir="rtl">
	<li>خود مختاری سے نہ رہ سکنا</li>
	<li>چلنے میں مدد کی ضرورت ہونا</li>
	<li>نمایاں طور پر حرکات و سکنات میں خلل ہونا</li>
	<li>عضلات میں سختی ہونا 
	&nbsp;</li>
</ul>

<h5 dir="rtl">پانچواں مرحلہ&nbsp;</h5>

پارکِنسن کی بیماری کا یہ مرحلہ&nbsp; سب سے زیادہ شدید ہوتا ہے اور مریض مکمل طور پر دیکھ بھال کرنے والوں یا معاونتی آلات پر انحصار کرتا ہے ۔ اِس کی علامات اور نِشانیوں میں درج ذیل شامل&nbsp; ہیں :

<ul dir="rtl">
	<li>دِن رات معاونت کے بغیر حرکت کرنا ناممکن ہوجاتا ہے&nbsp;</li>
	<li>ٹانگوں میں سختی کی وجہ سے کھڑا ہونا اور چلنا ممکن نہیں رہتا</li>
	<li>بستر پر ہی رہنےکا اِمکان بڑھ جاتا ہے، کیوں کہ بغیرمعاونت کےحرکت کرنا خطرناک ہوتا ہے&nbsp;</li>
	<li>خیالی مناظر نظر آنا&nbsp;اورتناظر سے ہٹ کرغلط مفہوم سمجھنا&nbsp;</li>
</ul>

براک کے مفروضے کے مطابق، مریض کو حرکات و سکنات کی&nbsp; علامات ظاہر ہونے سے پہلےدیگر علامات سےبھی نمٹنا ہوگا۔ اِن میں سُونگھنے کی حِس کی کمی ، نیند کی خرابی، اور قبض شامل ہیں۔ لہٰذا، فی الوقت تحقیق کاروں&nbsp; کی اکثریت،اِن اُمور میں دلچسپی رکھتی ہے۔ 
&nbsp;

اسباب

پارکِنسن کی بیماری،اعصابی خُلیات کے نقصان کی وجہ سےپیدا ہوتی ہے۔اعصابی خُلیات کا یہ نقصان، دِماغ کے صِرف&quot; سبس ٹین شِیا ناِئگرا&quot; حِصّے میں ہوتا ہے۔ دِماغ کا یہ حِصّہ جسم کے کنٹرول اورہم آہنگی کے لئے، ایک مطلوبہ کیمیائی مرکب&quot; ڈوپامائن&quot; بناتا ہے۔ لہذا، پارکِنسن کی بیماری کی کلاسیکی علامات یہاں دیکھی جاسکتی ہیں۔

یہ سمجھنا بہت ضروری ہے کہ اعصابی نقصان کی وجہ کیا ہوتی&nbsp; ہے۔<a href="#accordion">[5]</a> 
&nbsp;

<h5 dir="rtl">1۔ جینیاتی اسباب</h5>

یہ والدین کےناقص جینز کے ذریعے منتقل ہو سکتی ہے، جس کے نتیجے میں پارکِنسن کی بیماری پیدا ہوتی ہے ۔مطالعات سے پتہ چلتا ہےکہ پارکِنسن کی بیماری&nbsp; والے15%مریضوں میں،اس بیماری کا خاندانی رُجحان ہوتا ہےاورتبدیل شدہ جینز میںLRRK2، PARK2، PARK7، PINK1 یا SNCA جین شامل ہیں۔ 
&nbsp;

<h5 dir="rtl">2۔ ماحولیاتی عوامل&nbsp;</h5>

اس کا ماحول کے زہریلے اثرات سے بڑا تعلق ہوتا ہے۔ تحقیق کاروں نے انکشاف کیا ہے کہ کسِان یا وہ لوگ جو کیڑے مار اور جڑی بوٹیوں کو ختم کرنے والی ادویات کا کام کرتے ہیں، اُنہیں عام طور پارکِنسن کی بیماری ہوجاتی ہے۔ 
&nbsp;

<h5 dir="rtl">3۔ ادویات کے ذریعے پارکِنسنزم کا پیدا ہونا</h5>

بعض ادویات سے بھی پارکنسنزم لاحق ہوسکتا ہے۔ اِن ادویات میں اینٹی سائیکوٹکس مثلاً پروکلورپیرازائن شامل ہیں۔ 
&nbsp;

پارکِنسن کی بیماری کے مریضوں کو ٹیسٹ کرنے کے لئے، اُن کی تفصیلی ہسٹری لیناایک بہترین طریقہ ہوسکتاہے۔ اِسکریننگ کے لئے،عموماً درج ذیل 12 سوالات پوچھے جاتے ہیں:

<ol dir="rtl">
	<li>کیا آپ&nbsp;کے روزمرّہ کےمعمولات آہستہ آہستہ سُست ہوگئےہیں؟</li>
	<li>کیا&nbsp;وقت کے ساتھ آپ کی تحریر کےالفاظ چھوٹےہوتےچلے گئے ہیں ؟</li>
	<li>کیا آپ کے لہجے اوربات کرنے میں پہلے کی نسبت ،وضاحت کی کمی یا نرمی پیدا ہوگئی ہے؟</li>
	<li>کیا آپ آسانی سےکرسی سےاٹھ سکتے ہیں؟</li>
	<li>کیا آپ کےہونٹ، ہاتھ، بازو اورٹانگیں خودبخود ہلتے ہیں؟</li>
	<li>کیا آپ نےکوئی سختی محسوس کی ہے؟</li>
	<li>کیا آپ کو اپنےآپ کو کپڑے پہننےمیں دُشواری ہوتی&nbsp;ہے اورآپ کومدد لینے کی ضرورت پیدا ہوتی ہے؟</li>
	<li>کیا آپ چلتے وقت اپنےوزن کواپنےپیروں پرباری باری&nbsp;منتقل کرتے ہیں یا&nbsp;چلنے کےدَوران چھوٹےچھوٹے قدم اُٹھاتے ہیں؟</li>
	<li>کیا آپ محسوس کرتے ہیں کہ آپ کے پاؤں فرش سےچپکے ہوئے ہیں؟</li>
	<li>کیا آپ کو کسی نے بتایا ہے کہ آپ چہل قدمی کےدوران اپنے&nbsp;بازوکو ہلاتے ہیں؟</li>
	<li>کیا آپ کو اپنے توازن اور ہم آہنگی سےمتعلق کوئی مسئلہ ہے؟</li>
	<li>کیا آپ یا دوسروں نے محسوس کیا ہے کہ آپ کی&nbsp; نشست و برخاست کا انداز خلاف معمول ہے؟</li>
</ol>

مزیدیہ کہ، مائیکرو گرافیا (غیر معمولی طور پرچھوٹی ہینڈ رائٹنگ) کوچَیک کرنے کے لئےایک ہینڈ رائٹنگ کا جائزہ بھی لیا جاتا ہے۔ اس کی وجہ یہ ہے کہ مطالعات سے ظاہرہوا ہے کہ دیگر علامات کی نسبت مائیکرو گرافیا (چھوٹی ہینڈ رائٹنگ) پہلے پیدا ہوجاتی ہے، اور یہ تشخیص کے لئے ایک بہترین اسکریننگ ٹیسٹ ہے۔<a href="#accordion">[7]</a> 
&nbsp;

تشخیص

جانچ کے متعدد طریقے ہیں جو تشخیص تک پہنچنے میں مدد کر سکتے ہیں۔ تاہم، خیال رہے کہ تمام مریضوں کےلئے یہ تشخیص درست نہیں ہوتی ۔ اس طرح کے جائزوں کےلئےصِرف متعلقہ ہسٹری والے افراد ہی کو بھیجا جانا چاہیے۔ 
&nbsp;

تشخیص میں مدد کرنے والے ٹیسٹ درج ذیل ہیں۔<a href="#accordion">[8]</a>

<ol dir="rtl">
	<li style="text-align:right">مخصوص سنگل فوٹون ایمیشن کمپیوٹرائزڈ ٹوموگرافی (SPECT) امیجنگ تکنیک جسے ڈوپامائن ٹرانسپورٹر (DAT) اِسکین کہتے ہیں۔</li>
	<li style="text-align:right">ایم آر آئی، دِماغ کا الٹراساؤنڈ،اور پی ای ٹی اِسکین۔ وہ ڈاکٹروں کودماغی پیرن کائمااورپارکِنسن کی بیماری&nbsp;کے کسی بھی خصوصی اِشارے کےبارے میں بہترراہ نمائی کریں گے۔اس سےکسی بھی دوسری تشخیص کوخارج از اِمکان کرنے میں بھی مدد ملے گی۔</li>
	<li style="text-align:right">منشیّات کےردّعمل کی جانچ پڑتال کی جاتی ہے.مریضوں کو کاربیڈوپا اور لیووڈوپا (ایسی دوائیں جو پارکِنسن کی بیماری&nbsp; کے علاج کے لئےاستعمال ہوتی ہیں) دی جاتی ہیں تاکہ یہ دیکھا جا سکے کہ آیا علامات میں کوئی بہتری آئی ہے۔ 
	&nbsp;</li>
</ol>

علاج

پارکِنسن کی بیماری ، ایک خطرناک بیماری ہے کیوں کہ یہ معذوری کا باعث بنتی ہے۔ لہٰذا، یہ ضروری ہے کہ بیماری کی صحیح تشخیص کی جائے اور مناسب علاج کو جَلد از جَلد شروع کیا جائے۔

تھراپی کا مقصدڈوپامائن کو آسانی سےدستیاب کرنا، اور کم ازکم علامات کی شِدّت کوکم کرنا اوراس میں تاخیر کرنا ہے۔<a href="#accordion">[9]</a> 
&nbsp;

<h5 dir="rtl">1. طبّی&nbsp;</h5>

<ul dir="rtl">
	<li>کار بائی ڈوپا- لیوو ڈوپا:&nbsp;لیووڈوپا، بنیادی طور پرڈوپامائن کی پہلے سے موجود شکل ہےاور یہ&nbsp;دِماغ کے اندرآسانی سے ڈوپامائن میں تبدیل ہوجاتی ہے۔ کاربیڈوپا اس بات کو یقینی بناتا ہے کہ لیووڈوپا، دِماغ کے باہر ضائع نہ ہوجائے،اور یہ کہ اسے&nbsp;ڈوپامائن کی سطح کو بڑھانے کے لئے&nbsp;پوری طرح سے استعمال کیا جا رہا ہے۔کاربائی ڈوپا&nbsp;اورلیووڈوپا کو سانس کے ذریعے اندرکھینچا جاسکتا ہےاور ؐپنہ کے راستےادویات کے مؤثر نہ ہونےکی صورت میں انفیوژن کے طور پر دیا جا سکتا ہے۔ 
	&nbsp;</li>
	<li>ڈوپامائن ایگونسٹس:&nbsp;لیووڈوپا،دراصل ڈوپامائن ہی&nbsp;ہے،ڈوپامائن ایگونسٹ ڈوپامائن کی&nbsp; طرح عمل کرتے ہیں اور دِماغ پروہی اثرات مرتب کرتے ہیں، تاہم&nbsp;ڈوپامائن ایگونسٹ لیووڈوپا جیسی افادیت نہیں رکھتے، لیکن انہیں مریض کو لیوڈوپا چُھڑانے کے لئے&nbsp;استعمال کیا جاسکتا ہے۔ 
	&nbsp;</li>
	<li>MAO B Inhibitors&nbsp;:&nbsp;MAO B ایک انزائم ہےجو انسان کے دِماغ میں ڈوپامائن کی سطح کو کم&nbsp;کرتا ہے۔ لہٰذا،نظام میں ڈوپامائن کی مقدارکو کم کرنے والےعامل کو شامل کرکے پارکِنسنزم سے بچاجاسکتا ہے۔تاہم، یہ واضح رہے کہ&quot;سیلیجی لائن&quot; اور&quot;راساجی لائن&quot; جیسے ایجنٹس کوڈپریشن ختم کرنے والی ادویات کے ساتھ نہیں لیا جاسکتا۔</li>
</ul>

&nbsp;

<ul dir="rtl">
	<li>Catechol O-Methyltransferase (COMT) Inhibitors:&nbsp;COMT inhibitors ادویات&nbsp;کا ایک اورگروپ&nbsp;ہےجوCOMT کو جسم میں ڈوپامائن کو توڑنے سے روکتا ہے اور اس کی دستیابی کو یقینی بناتا ہے۔ مثال کے طور پر،Entacapone اورOpicapone۔ 
	&nbsp;</li>
</ul>

<h5 dir="rtl">2.&nbsp;جرّاحی</h5>

دماغ کی گہری تحریک کے لئے،سرجن الیکٹروڈز کا استعمال کرتا ہے، جومریض کے سینے میں ہنسلی&nbsp; کی ہڈّی کےقریب لگائےگئے جنریٹر سےجُڑے ہوتے ہیں۔ اس کے بعد یہ نظام مریض کے دِماغ میں برقی جھٹکےبھیجتا ہے اور پارکِنسن کی بیماری کی علامات کو کم کرتا ہے۔یہ طریقہ کار کسی ایسےفرد کے لئے ہوتا ہے جو یا تو بیماری کے اعلیٰ درجے پر ہے یا جس پر طبّی علاج اب کام نہیں کرتا ہے۔ 
&nbsp;

پارکِنسن کی بیماری بعد والے مراحل میں شدید معذوری کا سبب بن سکتی ہے۔ یہ معذوری مزید پیچیدگیاں پیدا کرتی ہے۔<a href="#accordion">[10]</a> 
&nbsp;

<h5 dir="rtl">1. ڈیمینشیا</h5>

ڈیمنشیا میں فہم کا حرج ہوتا ہے،جس میں سوچنا،&nbsp; یاد رکھنا اوراستدلال شامل ہے۔ مطالعات سے پتہ چلتا ہے کہ پارکِنسن کے ساتھ تقریباً50سے80فیصد لوگ ڈیمنشیا کا شکار ہوتے ہیں۔ نتیجے کے طور پر، ڈیمنشیا یادداشت میں کمی، کمزور فیصلہ، اورغلط فہمی کا باعث بنتا ہے۔ 
&nbsp;

<h5 dir="rtl">2. رفع حاجت کے مسائل</h5>

پارکِنسن کے مریضوں کو ہنسنے، کھانسنےیا چھینک آنے پر پیشاب کرنے کے علاوہ پیشاب کرنےکی مسلسل خواہش ہوتی ہے۔ پارکِنسن سےنمٹنے والے مریضوں کو اسہال اور قبض بھی ہوجاتا ہے۔ 
&nbsp;

<h5 dir="rtl">3. غیر اِرادی طور پر حرکات و سکنات&nbsp;</h5>

یہ پیچیدگی دراصل پارکِنسن کے حوالے سےمخصوص ہے۔ لیووڈوپا وہ دوا ہے جو پارکِنسن کی بیماری کےعلاج میں استعمال ہوتی ہے اوریہ بےقابوحرکات کا سبب بن سکتی ہے جیسے کہ سر ہلانا،مروڑنا،ہلنا،یا ہلانا (ڈِس کائینیزیا)۔ 
&nbsp;

<h5 dir="rtl">4. درد</h5>

کئی مطالعات سےاس بات کی تصدیق ہوتی ہے کہ پارکِنسن کی بیماری کے 80%مریضوں میں درد پیدا ہوتا ہے۔ درد مریض کے کندھوں، کمر، گردن اور پیروں میں جاری رہ سکتا ہے۔ 
&nbsp;

اگرچہ عام طور پر ابتدائی مراحل میں پارکِنسن کی بیماری کی تشخیص کرنا مشکل ہوتا ہے، لیکن خطرے کےعوامل ہیں جن کی بنیاد پرفوری توجّہ دی جاسکتی ہےان میں درج ذیل شامل ہیں۔<a href="#accordion">[9]</a>

<ul>
	<li dir="rtl">
	عمر:&nbsp;60&nbsp;سال یا اس سے زائد عمر والے افراد۔
	</li>
	<li dir="rtl">
	صنف: عورتوں کی نسبت مَردوں کو پارکِنسن کی بیماری کا زیادہ خطرہ ہوتا ہے۔ تناسب2:3 ہے۔
	</li>
	<li dir="rtl">
	ماحول: زہریلے مادّے مثلاً جراثیم کُش ادویات ،جڑی بوٹیاں ختم کرنے والی ادویات اوربھاری دھاتوں کی زد میں آنے سے پارکِنسن کی بیماری ہو سکتی ہے۔&nbsp;
	</li>
	<li dir="rtl">
	ہسٹری: پارکِنسن کی بیماری کے تقریباً15%مریضوں&nbsp;کی فیملی میں اس بیماری کی ہسٹری ہوتی ہے۔ 
	&nbsp;
	</li>
</ul>

سب سے پہلےاور اہم بات یہ ہے کہ تمام قسم کی کیڑے مار ادویات اور بھاری دھاتوں سے دُوررہنا ضروری ہے،کیونکہ ان کےجمع ہونے سےپارکِنسن کی بیماری لگنےکا خطرہ ہو سکتا ہے۔ ماحولیاتی زہریلے مادّوں کے اثرات کوآسانی سے روکا جا سکتا ہے۔

اس کے بعد، NSAIDs کا استعمال دِماغ کے&quot; سبس ٹین شِیا نگرا &quot;حِصّے میں اعصابی خُلیات کو تباہ ہونے سے بچانے کے لئےدیکھا گیا ہے۔ یہ صورت حال کو روکنے کے لئےانہیں ایک قابل اعتماد آپشن بناتا ہے۔ 
&nbsp;

اور آخر میں ، پارکِنسن کی بیماری کےحوالے سے ،نیکوٹین کااعصابی خُلیات کو بچانے کا اثر بھی ہوتا ہے۔تمباکو نوشی کرنے والوں میں monoamine oxidase B کی سرگرمی کم ہوتی ہے، جوڈوپامائن کی تکسید کرنےوالی ایک انزائم ہے۔ دوسرےالفاظ میں، نیکوٹین ڈوپامائن کی دستیابی کو بڑھانے میں مدد کرتی ہے۔ تاہم، یہ بتانا ضروری ہے کہ دِماغی خُلیات پر نکوٹین کےحفاظتی کردار کو مکمل طورپرسمجھنے کے لئےمزید تحقیق کی ضرورت ہےاور یہ کہ اسے پارکِنسن کےمریضوں کےعلاج کے طور پر کیسےاستعمال کیا جا سکتا ہے۔

نوٹ: سگریٹ نوشی صحت کے لیے مضر ہے۔ یہ اموات کی سب سے بڑی وجہ ہے، یعنی عالمی سطح پر اس کی شرح اموات 30 لاکھ ہے۔ 
&nbsp;

دُنیا بھر میں ،تحقیق کار ،ایک کامیاب علاج کے لئے مسلسل کوششیں کر رہے ہیں ،تا کہ&nbsp; پارکِنسن کی بیماری کے مریضوں کے لئےغیر روایتی علاج فراہم کیا جاسکے ۔فی الوقت ،دَوانتہائی درجے کی تحقیق سےعمدہ نظریات اور نتائج حاصل ہوئے ہیں۔ 
&nbsp;

نیورل گروتھ فیکٹر (این جی ایف) کی شناخت: نظریاتی طور پر،این جی ایف اعصابی خُلیات کو بحال کر سکتا ہے جو ڈوپامائن کی سطح کو کنٹرول میں رکھنے کے ذمہ دار ہیں۔NGF کا استعمال کرتے ہوئے تقریباً فوری علامات کا علاج ممکن ہوسکتا ہے۔

فیٹل سیل ٹرانسپلانٹ : ایک ناگوارطریقہ کار ہےجس میں جنین کےخلیوں کو مریض کےاعصابی نظام میں داخل کیا جاتا ہےتاکہ ڈوپامائن پیدا کرنے والے خلیوں کی تبدیلی حاصل کی جا سکے۔ تاہم، اس مطالعے کو مزید وقت درکار ہے کیونکہ اس نے بعض صورتوں میں شدید ڈِس&nbsp; کائینیزیا کا سبب بنی ہے کیونکہ ڈوپامائن کی ضرورت سے زیادہ مقدار پیدا کی جا رہی تھی۔<a href="#accordion">[12]</a> 
&nbsp;

اہم نکات

<ul dir="rtl">
	<li>پارکِنسن کی بیماری ایک اعصابی خرابی ہے،جس میں بڑھتا ہویا اعصابی انحطاط پیدا ہوتا ہے۔</li>
	<li>اِس کا تعلق حرکات وسکنات سےمتعلق ہو سکتا ہے؛ تاہم،غیر دیگرعلامات بھی&nbsp;پائی جاتی ہیں۔</li>
	<li>غیر ڈوپا مینرجِک حِصّےمیں اعصابی نقصان دیگرعلامات کو جنم دیتا ہے،جب کہ&quot; سٹرائٹل ڈوپیامین جک&quot;اعصابی خُلیات کا نقصان حرکات وسکنات کی علامات کا سبب بنتا ہے۔</li>
	<li>پارکنسنزم ایک علامات والی پیچیدگی ہے،جو پارکِنسن کی بیماری میں حرکات و سکنات&nbsp;کی خصوصیات کو بیان کرنے کے لیے استعمال کیا جاتا ہے،جس میں حالت سکون میں کا جھٹکے لگنا،حرکت کرنے میں مشکلات، اورپٹھوں کی سختی شامل ہیں۔</li>
	<li>پارکِنسن کی بیماری&nbsp;کی ایک بڑی خُلیاتی&nbsp;خصوصیت لیوی باڈیز کی موجودگی ہے،جو بنیادی طور پر خُلیات کےاندرسائٹوپلاز مِک مجموعےہیں جو پروٹین،لحمیات اور دیگراجزاء پرمشتمل ہیں۔</li>
	<li>پارکِنسن کی بیماری میں اہم ریسیپٹرزڈوپامائن ریسیپٹرزیعنی D1 اورD2 ہیں۔</li>
	<li>ڈوپامائن میں کمی تھیلامس کی سرگرمی میں کمی کا سبب بنتی ہے۔ یہ کولین جِک سرگرمی میں اضافہ کا باعث بھی بن سکتا ہے۔</li>
	<li>پارکِنسن کی بیماری عالمی سطح پر، ہر1000 افراد میں سے&nbsp;1سے2 افراد کو متاثر کرتی ہے۔</li>
	<li>ایک اندازے کےمطابق پاکستان میں10لاکھ افراد پارکِنسن کی بیماری میں مبتلا ہیں اور2030 تک یہ تعداد1200,000 تک&nbsp; پہنچ جانےکا امکان ہے۔</li>
	<li>کلاسیکی پارکِنسن کی بیماری کے5&nbsp;کلاسیکی مراحل ہیں اور ہر مرحلہ اپنی مخصوص علامات اور نِشانیوں&nbsp; کےساتھ اپنی شناخت رکھتا ہے۔</li>
	<li>پہلا مرحلہ ایک ہلکا مرحلہ ہےجبکہ&nbsp;دُوسرا مرحلے میں علامات کی شِدّت&nbsp;بڑھ جاتی ہے۔</li>
	<li>تیسرے&nbsp;مرحلے کوعام طور پردرمیانی مرحلے کی بیماری کہا جاتا ہے اور اس میں دَونمایاں علامات ہیں یعنی توازن کھونا اور حرکت میں سُستی۔</li>
	<li>چوتھا اور پانچواں مرحلہ اعلیٰ درجے کےمراحل ہیں جہاں آزادانہ نقل وحرکت اورروزمرہ کے کام شدید طور پرمتاثر ہوتے ہیں۔</li>
	<li>پارکِنسن کی بیماری جینیاتی اورماحولیاتی وجوہات کی بِنا پرہوسکتی ہے۔</li>
	<li>کچھ ادویات پارکنسنزم کو متاثرکرنے کی بھی صلاحیت رکھتی ہیں۔ ان ادویات میں اینٹی سائیکوٹکس جیسے پروکلورپیرازائن شامل ہیں۔</li>
	<li>پارکِنسن کی بیماری کی&nbsp;جانچ بنیادی طور پرہسٹری دیکھ کرکی جاسکتی ہے۔</li>
	<li>مائیکرو گرافیا (غیرمعمولی طور پرچھوٹی ہینڈ رائٹنگ) کی جانچ کرنے کے لئے ہینڈ رائٹنگ کا جائزہ بھی لیا جاتا ہے۔ اس کی وجہ یہ ہے کہ مطالعات نے ثابت کیا ہے کہ مائکروگرافیا دیگرعلامات کے مقابلے میں پہلےظاہر ہوجا تا ہےجو اسے ایک بہترین اسکریننگ ٹیسٹ بناتا ہے۔</li>
	<li>پارکِنسن کی بیماری کی تشخیص میںMRI، DAT اِسکین، اور ادویات&nbsp;کا ٹرائل جیسے ٹیسٹ مدد دے سکتے ہیں۔</li>
	<li>علاج کے آپشنزکو طبّی یا جراحی کےطورپرشُمار کیا جاسکتا ہے۔ کاربی ڈوپا اور لیووڈوپا&nbsp;کا امتزاج اوّلین&nbsp;تھراپی ہے،جب کہ دِماغ کے گہرے مُحّرک کوجراحی کے طریقہ کارکےطور پر استعمال کیا جاتا ہے۔</li>
	<li>پیچیدگیوں میں ڈیمنشیا، پیشاب اورآنتوں میں خلل، درد، اورحرکات و سکنات میں دُشواری ہونا&nbsp;شامل ہیں۔</li>
</ul>

[1] DeMaagd, George, and Ashok Philip. “Parkinson's Disease and Its Management: Part 1: Disease Entity, Risk Factors, Pathophysiology, Clinical Presentation, and Diagnosis.” P & T : a peer-reviewed journal for formulary management vol. 40,8 (2015): 504-32

[2] Tufail M. Clinical features and risk factors of parkinson’s disease in a population of Khyber Pakhtunkhwa, Pakistan: A case-control study. Neurodegenerative Diseases. 2019;19(5-6):211-217. doi:10.1159/000506742

[3] Tysnes, Ole-Bjørn, and Anette Storstein. “Epidemiology of Parkinson's disease.” Journal of neural transmission (Vienna, Austria : 1996) vol. 124,8 (2017): 901-905.

[4] Stages of Parkinson's. Parkinson's Foundation.

[5] Parkinson's Disease. NHS choices.

[6] Parkinson's screening questionnaire. The Michael J. Fox Foundation for Parkinson's Research | Parkinson's Disease.

[7] Chandra, Jay et al. “Screening of Parkinson's Disease Using Geometric Features Extracted from Spiral Drawings.” Brain sciences vol. 11,10 1297. 29 Sep. 2021

[8] Emamzadeh FN, Surguchov A. Parkinson’s disease: Biomarkers, treatment, and risk factors. Frontiers in Neuroscience. 2018;12. doi:10.3389/fnins.2018.00612