پتے کی پتھری

Dr. Syed Intisar Hussain Clinic

Online Consultation

سید انتصار حسین

جائزہ

پتہ کی پتھری بائل کی وہ ٹھوس حالت ہوتی ہے،جو پتھرکی صورت میں پتہ میں جمع ہوجاتے ہیں۔ پتے کی پتھری کا سائزریت کے ایک ذرے سے لے کر گالف کی گیند کے برابر ہوسکتے ہیں۔ جب بائل کی کیمیائی ترکیب کسی وجہ سےغیر متوازن ہوتی ہے، تو ایک یا اس سے زيادہ مرکبات ٹھوس شکل اختیار کر کے پتے کی پتھری کی صورت اختیار کر لیتے ہیں۔

پتے کا کام بائل کو جمع اورخارج کرناہوتاہے، جو کہ جگر میں بنتا ہےاور ہاضمے کےعمل میں مدد کرتا ہے۔ پتےمیں کولیسٹرول اوربلیربن جیسے فاضل مادے بھی ہوتے ہیں۔ جسم میں جب سرخ خلیات ٹوٹتے ہیں،تو اس کے نتیجے میں یہ فاضل مادے بنتے ہیں جو پتے میں پتھری کا باعث بھی ہو سکتے ہیں۔&nbsp;

اس کےعلاوہ،اکثرافراد کو پتے میں پتھری کی موجودگی کے بارےمیں اس وقت تک پتہ نہیں ہوتا، جب تک وہ بائل کی نالی میں پہنچ کراس کاراستہ نہ بند کردے۔ اس رکاوٹ کی وجہ سے شدید درد ہو سکتا ہے جس صورت میں فوری طبی امداد درکار ہوتی ہے.

پتے میں موجود پتھری ہاضمی محلول کی ٹھوس شکل ہوتی ہے ،جو پتے میں جمع ہو جاتی ہے ۔ پتہ ایک چھوٹا ناشپاتی کی شکل کا عضو ہوتا ہے،جو پیٹ میں دائيں جانب جگر کے نیچے موجود ہوتا ہے۔ پتہ میں بائل جمع ہوتا ہےجو کہ ہاضمی محلول ہوتا ہےاوربوقت ضرورت چھوٹی آنت میں خارج ہوتا ہے۔

کچھ لوگوں کے پتے میں صرف ایک ہی پتھر بنتا ہے، جب کہ کچھ افراد میں اس کی تعداد ایک سے زيادہ بھی رہ سکتی ہے۔

اگر پتے میں پتھری کی موجودگی کی علامات ظاہر ہو رہی ہوں، تو اس صورت میں اس کو نکالنے کی سرجری کی جاتی ہے۔لیکن زيادہ تر کیسزمیں پتےکی پتھری کی کوئی علامات ظاہر نہیں ہوتی ہیں اور ان کو کسی قسم کی سرجری کی ضرورت نہیں ہوتی ہے۔&nbsp; 
&nbsp;

پتے میں بننے والی پتھری کی بنیادی طور پر دو اقسام ہوتی ہیں:&nbsp;

<h5 dir="rtl"> 
1۔&nbsp;کولیسٹرول پتھری</h5>

کولیسٹرول پتھری سب سے عام قسم ہے۔ یہ عام طور پر پیلے رنگ کی ہوتی ہیں اور غیر حل شدہ کولیسٹرول پر مشتمل ہوتی ہیں۔ اس کے علاوہ اس میں دوسرے اجزا بھی شامل ہو سکتے ہیں۔

<h5 dir="rtl">2۔&nbsp;پگمنٹ پتھری</h5>

پگمنٹ پتھری گہرے براؤن یا کالے رنگ کے پتھر ہوتے ہیں ۔جو بائل میں بلیربن کی زيادہ مقدار کے سبب بنتی ہے. 
&nbsp;

علامات

پتے کی پتھری کی علامات کا انحصار پتھری کے سائز پر ہوتا ہےزيادہ تر پتےکی پتھری کی علامات ظاہر نہیں ہوتی ہیں۔ جس کا مطلب ہے کہ اس بیماری کی علامات نہیں ہوتی ہیں ۔ ایسی پتھری ساکت پتھری کہلاتی ہے اور اس کو کسی قسم کے علاج کی ضرورت نہیں ہوتی ہے۔ تاہم جب اس کی علامات ظاہر ہونا شروع ہو جائيں،تو وہ کچھ اس طرح سے ہو سکتی ہیں:

<ul dir="rtl">
	<li>
	پیٹ کے اوپری دائيں جانب یا درمیان میں دردہونا 
	</li>
</ul>

<ul dir="rtl">
	<li>
	پیٹ کے درد کے ساتھ دائيں کاندھے میں دردہونا 
	</li>
</ul>

<ul dir="rtl">
	<li>
	سینے میں درد 
	</li>
</ul>

<ul dir="rtl">
	<li>
	متلی 
	</li>
</ul>

<ul dir="rtl">
	<li>
	الٹی 
	</li>
</ul>

<ul dir="rtl">
	<li>
	بار بار درد کا شروع ہونا 
	</li>
</ul>

<ul dir="rtl">
	<li>
	یرقان(آنکھ اور جلد کا کسی حد تک پیلاہٹ مائل ہو جانا) 
	&nbsp;
	</li>
</ul>

درد وہ پہلی علامت ہے جس کا سامنا پتے کی پتھری کی صورت میں ہو سکتا ہے ۔ یہ درد شدید اور پندرہ منٹ سےکئی گھنٹوں تک جاری رہ سکتا ہے ۔ درد کی شدت کا دورانیہ ایک سے تین گھنٹوں تک ہو سکتا ہے ۔

اگرچہ درد کا حملہ تکلیف دہ ہو سکتا ہے مگر اکثر افراد اس کو میڈيکل ایمرجنسی نہیں سمجھتے ۔ تاہم پتے کی پتھری شدید کولیسسٹس کی حالت تک پہنچ سکتا ہے، جس کی وجہ سے پتے میں سوزش ہو سکتی ہے جو کہ ایک خطرناک صورتحال بھی ہو سکتی ہے۔ اس حالت میں پتھری سسٹک ڈکٹ یا نالی کو بند کر نے کا سبب بن سکتی ہے جس کی وجہ سے پتے کے اوپر دباؤ بڑھ جاتاہے۔ 
&nbsp;

صحت کی سہولیات فراہم کرنے والے اس صورتحال میں اینٹی بائوٹک کے استعمال کو تجویز کرتے ہیں، اس کے علاوہ بعض صورتحال میں فوری طور پر ہسپتال میں داخلےکے ساتھ سرجری بھی تجویز کرتے ہیں ۔کچھ پتھر جو کہ پتے سے بائل ڈکٹ یا نالی کو بلاک کر دیتے ہیں اس کے سبب یرقان ، انفیکشن اورپنکریاٹیٹس کی تکلیف بھی ہو سکتی ہے ۔مریض مختلف جگہوں پر درد محسوس کر سکتا ہے مثال کے طور پر پیٹ کے اوپری حصے میں، پیٹ کے دائيں حصے میں درد،دائيں کاندھے میں درد،اور دونوں کاندھوں کے درمیان دردہو سکتا ہے ۔ 
&nbsp;

پتے کی پتھری کے سبب ہونے والے درد کو بائلری کولک یا پتے کی پتھری کادورہ بھی قرار دیا جاتا ہے ۔ دو خاص قسم کی حالتیں بھی پتے کی پتھری سے ملتی جلتی ہو سکتی ہیں ۔جن میں سے پہلی حالت میں گاڑھا کیچڑ جیسا مواد پتے میں جمع ہو جاتا ہے مگر وہ پتھری نہیں ہوتا ہے ۔ اس حالت میں بھی پتے کی پتھری جیسے درد کاسامنا کرنا پڑ سکتا ہے۔ جب کہ دوسری حالت کو ایکلکیولس کولیسسٹس کہا جاتا ہے۔ یہ حالت شاذ و نادر ہی ہوتی ہے ۔ اس حالت میں پتے میں سوزش ہو جاتی ہے مگر اس میں کوئی پتھری نہیں ہوتی ہے اس حالت میں پتے کو سرجری سے نکال دینا ہی ایک بہتر حل ہے۔ 
&nbsp;

اسباب

پتے میں پتھری بننے کی حقیقی وجوہات کا تو اب تک علم نہیں ہو سکا ہے،مگر ماہرین کے نزدیک اس کی کچھ وجوہات ہو سکتی ہیں. 
&nbsp;

<ul dir="rtl">
	<li>
	<h5>بائل میں کولیسٹرول کی بلند شرح </h5>
	</li>
</ul>

&nbsp;&nbsp;&nbsp; بائل میں ایسے بہت سارے کیمیائی مادے موجود ہوتے ہیں، جو کولیسٹرول کو خود میں جذب کر لیتے ہیں ۔ لیکن اگر جگر کولیسٹرول کی زيادہ مقدار کا اخراج کرتا ہے، تو بائل اس کولیسٹرول کو جزب نہیں کر پاتا ہے اور وہ پتھری کی صورت میں پتے میں جمع ہو جاتے ہیں۔ 
&nbsp;

<ul dir="rtl">
	<li>
	<h5>بائل میں بلیربن کی اضافی مقدار </h5>
	</li>
</ul>

جب جسم میں خون کے سرخ خلیات ٹوٹتے ہیں ، تو اس کے نتیجے میں ایک کیمیائی مادہ بلیربن بنتا ہے ۔کچھ حالتوں میں جگر بہت زیادہ مقدار میں بلیربن بنانے لگتا ہے۔ مثال کے طور پر جگر کی سوزش، بائل کے راستے میں ہونے والا انفیکشن، یا خون کی کچھ بیماریوں کی حالت میں جگر زيادہ بلیربن بنانے لگتا ہے۔ ایسی حالت میں پتے میں پتھری بن سکتی ہے۔ 
&nbsp;

<ul dir="rtl">
	<li>
	<h5>پتے کا مکمل طور پر خالی نہ ہونا </h5>
	</li>
</ul>

جب پتہ مناسب انداز میں مکمل طور پر خالی نہیں ہوتا ہے، تو اس میں موجود بائل کا ارتکاز بڑھ جاتاہے جس کی وجہ سے بھی پتے میں پتھری بن سکتی ہے۔ 
&nbsp;

تشخیص

&nbsp;پتے کی پتھری کی تشخیص کے لیے میڈیکل ہسٹری،لیبارٹری ٹیسٹ،تصویری ٹیسٹ کا استعمال کیاجاتا ہے ۔

میڈیکل ماہرین مریض سے ان علامات کے بارے میں دریافت کر سکتا ہے، جن کا سامنا پتے کی پتھری کے ہونے کے سبب کرنا پڑسکتاہے۔ ڈاکٹر مریض سے فیملی میں پتے کی پتھری کی ہسٹری کے بارے میں اور مریض کے کھانے پینے کی عادات کے بارے میں پوچھ سکتا ہے۔ اس کے علاوہ پیٹ میں درد کے بارے میں جاننے کے لئے جسمانی معائنہ بھی کیا جاسکتا ہے۔ 
&nbsp;

<h5 dir="RTL">پتے کی پتھری کی تشخیص کے لئے&nbsp;کئے&nbsp;جانے والے ٹیسٹ </h5>

پتے کی پتھری کی تشخیص کے لئے کچھ لیبارٹری ٹیسٹ اور تصویری ٹیسٹ کئے جاسکتے ہیں۔

لیبارٹری ٹیسٹ 

خون کا ایک سیمپل لے کر لیبارٹری بھجوایاجاتا ہے۔ خون کے اس نمونے سے بائل نالی،پتے،جگر اور پنکریاز میں سوزش اور انفیکشن کا پتہ چل سکتا ہے۔ 
&nbsp;

تصویری ٹیسٹ 

تصویری ٹیسٹ سے پتے کی پتھری کی تشخیص کی جا سکتی ہے۔ ہسپتال یا او پی ڈی میں ٹیکنیشن کی مدد سے یہ ٹیسٹ کیا جاسکتا ہے۔ جس کے نتائج کو ریڈيو لوجسٹ کو بھیجا جا سکتا ہے۔ اس ٹیسٹ کے لئے مریض کو بے ہوش کرنےکی ضرورت نہیں ہوتی ہے۔ لیکن ای آر سی پی کی صورت میں مریض کو پرسکون رکھنے کے لئے نشہ دیا جاسکتا ہے۔&nbsp; 
&nbsp;

الٹراساونڈ 

الٹراساونڈ پتے کی پتھری کے لئے کامیاب ترین طریقہ تشخیص ہے۔ اس کے لئے ایک ایسے آلے کو استعمال کیاجاتاہے جو آواز کی لہروں سے ٹکڑا رواپس آتی ہیں اور اس عضو کی تصویر بناتی ہیں۔ اس تصویر میں پتے کے اندر موجود پتھر کو دیکھا جا سکتا ہے ۔یہان تک کہ بعض اوقات ایسی پتھریوں کو بھی دیکھا جاسکتا ہے جن کی علامات ظاہر نہیں ہو رہی ہوتی ہیں۔ 
&nbsp;

سی ٹی اسکین 

سی ٹی اسکین پنکریاز،بائل ڈکٹ،اور پتے کی تصاویر ایکس رے اور کمپیوٹر ٹیکنالوجی کی مدد سے بناتی ہیں۔ اس اسیکن کے نتیجے میں پتے میں کسی قسم کا انفیکشن،یا پتے کی یا بائل کی نالی میں ہونے والی کسی بھی رکاوٹ کے بارے میں جانا جا سکتا ہے۔ مگر سی ٹی اسکین کے نتیجے میں بعض اوقات پتے کی پتھری ظار ہونے سے رہ بھی جاتی ہے۔ 
&nbsp;

ایم آر آئی 

ریڈیائی لہروں اور مقناطیس لہروں کا استعمال ایم آر آئی کے دوران بغیر ایکس رے کی شعاعوں کے مختلف اعضا اور نرم بافتوں کے معائنے کے لئے کیاجاتاہے۔ اس کے علاوہ ایم آر آئی کی مدد سے بائل کی نالیوں میں موجود پتھری کی بھی تشخیص کی جاسکتی ہے۔ 
&nbsp;

کولیسینٹیگرافی 

اس ٹیسٹ کو ہائيڈروآکسل امینوڈائکٹک ایسڈ یا ہیپیٹوبائلری اسکین کے نام سے بھی جانا جاتا ہے۔ اس اسکین میں ایک محفوظ ریڈیکٹو مٹیریل کا استعمال کیا جاتا ہے جو بائل کے راستے کی تصویر بناتا ہے۔ مریض کو ایک ٹیبل پر لٹا دیا جاتا ہے۔ اس کے بعدایک ریڈيولوجسٹ بازو کی نس میں ریڈيکٹو مٹیریل کو انجیکٹ کرتا ہے ۔ اس کے علاوہ وہ ایک اور دوا بھی انجیکشن میں لگاتا ہے جو پتے کو نچوڑتا ہے۔ اس وقت میں ایک کیمرہ ریڈیکٹو مٹیریل کی تصویر بائل کے راستے سے گزرتے ہوۓ بناتا جاتا ہے ۔ اس ٹیسٹ کے ذریعے پتے میں ہونے والی خرابی اور بائل کے راستے میں ہونے والی رکاوٹ کو دیکھا جاسکتاہے۔ 
&nbsp;

ای آر سی پی 

اینڈوسکوپک ریٹروگریڈ کولنجیوپنکریٹک گرافی( ای آر سی پی) جس میں ایکس رے اور بائل ڈکٹ اور پنکریاز ڈکٹ کی اینڈو سکوپی شامل ہوتی ہے۔ یہ متاثرہ بائل ڈکٹ اور پتے کی پتھری کی درست جگہ کے بارے میں بتاتا ہے۔ یہ دوسرے ٹیسٹوں کے مقابلے میں کسی حد تک کٹ لگا کر کی جاتی ہے۔ اس کو بائل ڈکٹ میں موجود پتھری کو نکالنے کے لئے بھی استعمال کیاجاتا ہے۔&nbsp; 
&nbsp;&nbsp;

علاج

&nbsp;اگر پتے کی پتھری پتے میں سوزش کاسبب بن رہی ہو اور بائل کی نالی میں رکاوٹ ڈال رہی ہو یا یہ پتھری بائل کی نالی سے آنتوں کو منتقل ہو رہاہو تو اس کے علاج کے لئے جو اقدامات میڈیکل ماہرین اختیار کرتے ہیں وہ کچھ اس طرح سے ہو سکتے ہیں:

<ul dir="rtl">
	<li>
	<h5>کولیسسٹیکٹومی </h5>
	</li>
</ul>

پتے کو آپریشن کے ذریعے نکال دینے کی سرجری کوکولیسسٹیکٹومی کہا جاتا ہے۔ یہ عمل عام طور پرلیپروسکوپیکلی کے ذریعے بعض حالات میں کیا جاتا ہے ۔ تاہم 2 سے 10 فی صد لوگوں میں یہ عمل ایک اوپن سرجی سےبھی کیا جا سکتا ہے<a href="#accordion">[1]</a>۔

سرجن پیٹ میں ایک بڑا کٹ لگاتا ہے۔ جن افراد کو اوپن سرجری کا سامنا کرنا پڑتا ہے ان کو صحت کی بحالی میں زيادہ عرصے کے لئے ہسپتال میں قیام کرنا پڑتا ہے ۔ یہ سرجری پتے کی سوزش کے سبب کرنی پڑ سکتی ہے۔ 
&nbsp;

جن افراد میں کولیکسسٹیکٹومی ہوتی ہے ان افراد میں دوبارہ سے پتے میں پتھری بننے کے امکانات بھی موجود ہوتے ہیں۔ لیکن اسکے لئے ڈاکٹر مریض کو بائل میں موجود ایک ایسڈ Urosdeoxycholicدیتے ہیں تاکہ پتھری کو دوبارہ بننے سے روکا جا سکے۔ 
&nbsp;

<ul dir="rtl">
	<li>
	<h5>Uro sodeoxycholic acid</h5>
	</li>
</ul>

یہ ایسڈ بائل میں سے کولیسٹرول کی مقدار کو کم کرتا ہے۔ جو کہ دوبارہ پتھری بننے کاسبب بن سکتے ہیں۔ 

کولیسٹرول کے سبب پتے میں بننے والی پتھری اس ایسڈ کے استعمال سے عام طور پر گھل جاتی ہے۔ تحلیل کے عمل کا یہ طریقہ علاج تقریبا 24 مہینوں تک جاری رہ سکتا ہے۔ مگر یہ سرجری کی طرح موثر نہیں ہوتا ہے۔ یہ صرف کچھ مریضوں کی صوابدید یا مرضی پرکیا جاسکتا ہےخاص طور پر وہ لوگ جو اینستھیسیا کروانے کے حق میں نہ ہوں، اس طریقہ کار کو اپنا سکتے ہیں۔ 
&nbsp;

<ul dir="rtl">
	<li>
	<h5>ای آر سی پی </h5>
	</li>
</ul>

جو مریض سرجری یا ارسوڈي آکسی کولک طریقہ علاج کو نہ اپنا سکیں ان کے لئے ای آر سی پی کا استعمال کیا جاتا ہے۔ جس میں عام انستھیسیاکیا جاسکتا ہے ۔

اس میں مریض کے منہ میں ایک نرم لچکدار فائبرپٹک کیمرہ یا ایندواسکوپ داخل کیا جاتا ہے۔ یہ نظام انہضام سے گزرتے ہوۓ پتے تک جاتاہے۔ یہ برقی گرم تار بائل ڈکٹ کو کشادہ کرتی جاتی ہے۔ جس کی مدد سے سرجن پتھری کو نکال دیتاہے یا آنتوں میں داخل کر دیتا ہے۔ 
&nbsp;

<ul dir="rtl">
	<li>
	<h5>لیتھو ٹرپسی </h5>
	</li>
</ul>

الٹراساونڈ کی لہروں کو پتے کی پتھری کو ختم کرنے کا توڑنے کے لئے استعمال کیاجاتا ہے۔ جب یہ پتھری ٹوٹ کر چھوٹی ہو جاتی ہے تو پاخانے کے راستے خارج ہو جاتی ہے۔ تاہم یہ طریقہ علاج عام نہیں ہے اور صرف اس صورت میں قابل عمل ہے جب کہ پتے میں پتھری کی تعداد بہت کم ہو۔&nbsp; 
&nbsp;

پتے میں پتھری ہونے کی صورت میں مریض کو جن پیچیدگیوں کاسامنا کرنا پڑ سکتا ہے وہ کچھ اس طرح سے ہو سکتی ہیں: 
&nbsp;

<ul dir="rtl">
	<li>
	<h5>پتے کی سوزش </h5>
	</li>
</ul>

جب پتھری پتے کے منہ کی جانب ہو ،تو اس کی وجہ سے پتے میں سوزش ہو سکتی ہے جس کو کولکسٹیٹس بھی کہتے ہیں۔ یہ ایک تکلیف دہ حالت ہے جس میں بخار بھی ہو سکتاہے۔ 
&nbsp;

<ul dir="rtl">
	<li>
	<h5>بائل کی نالی میں ہونے والی رکاوٹ </h5>
	</li>
</ul>

وہ نالیاں جو بائل کو جگر اور پتے سے&nbsp; چھوٹی آنت تک پہنچاتا ہے، پتھری کے سبب بلاک ہو سکتی ہیں۔ جس کے نتیجے میں شدید درد، بائل نالی میں انفیکشن اور یرقان ہوسکتا ہے۔ 
&nbsp;

<ul dir="rtl">
	<li>
	<h5>پنکریاٹک نالی میں رکاوٹ </h5>
	</li>
</ul>

پنکریاٹک نالی پنکریاز سے شروع ہوتی ہے اور ڈیوڈینیم سےجڑنے سے قبل بائل نالی سے جڑتی ہے۔ جس میں پنکریاٹک جوس کا بہاؤ ہوتا ہے۔ پتے کی پتھری اس نالی کو بھی بلاک کر سکتا ہے جس کے سبب پنکریاٹٹس کی تکلیف ہو سکتی ہے ۔ جس کی وجہ سے پیٹ میں شدید درد ہوتا ہے۔ درد کی شدت کے سبب ہسپتال داخل ہونے کی نوبت بھی آسکتی ہے۔ 

<ul dir="rtl">
	<li>پتے کا کینسر </li>
</ul>

جن افراد میں بار بار پتے کی پتھری کی تکلیف ہو، ان میں پتے کے کینسر کے مبتلا ہونے کے امکانات میں اضافہ ہوجاتا ہے۔ تاہم ایسا بہت کم ہوتا ہے اور اس کے ہونے کا امکان بہت کم ہوتا ہے۔ 

<ul dir="rtl">
	<li>Gallstone Ileusایک بہت پیچیدہ حالت </li>
</ul>

پتے کی سوزش یا کولیلیتھیاسس ایک پیچیدگی ہے۔ یہ ایک بہت کمیاب مکینیکل آنت کی &nbsp;رکاوٹ ہے۔ لیکن جب غیر مکینیکل آنتوں کی بناوٹ پر غور کیا جاۓ تو یہ 1 سے 4 فی صد مریضوں میں عام ہوتی ہے۔ جب کہ 25 فی صد بڑی عمر کے افراد میں ہو سکتی ہے۔<a href="#accordance">(2)</a>

چونکہ اس کی علامات درمیانی نوعیت کی ہوتی ہیں۔ اس وجہ سے اس کی تشخیص میں دیر لگ سکتی ہے۔ اور آنتوں میں رکاوٹ کی تشخیص میں دشواری ہو سکتی ہے۔ اس بیماری کی تشخیص میں تاخیر طویل بیماری یا موت کا بھی سبب بن سکتی ہے۔ 

میڈیکل ماہرین اس حالت کی صورت میں سرجری کر سکتے ہیں۔ تاہم علاج کے طریقہ کار کا انحصار مریض کی حالت پر ہوتا ہے۔ کچھ مریضوں میں اس بیماری کے ساتھ دوسرے مسائل بھی ہو سکتے ہیں، جن میں دل کی تکلیف، یا پھپھڑوں کی تکلیف شامل ہیں ۔ لہذا ایسے مریضوں کو خاص دیکھ بھال کی ضرورت ہوتی ہے اور بعض کیسز میں آنتوں کو رکاوٹ کو بھی دور کیا جاسکتا ہے۔ 
&nbsp;

کچھ افراد میں پتے کی پتھری میں مبتلا ہونے کا خطرہ، دوسرے لوگوں سے کچھ عوامل کے سبب زيادہ ہوتا ہے۔ وہ کچھ اس طرح سے ہوتے ہیں؛ 

<ul>
	<li style="text-align:right">فیملی ہسٹری </li>
</ul>

<ul>
	<li style="text-align:right">حمل </li>
</ul>

<ul>
	<li style="text-align:right">وزن کم ہونا </li>
</ul>

<ul>
	<li style="text-align:right">مانع حمل ادویات </li>
</ul>

<ul>
	<li style="text-align:right">زیادہ دیر تک بیٹھے رہنے والے </li>
</ul>

<ul>
	<li style="text-align:right">ایسٹروجن کی ادویات کا استعمال کرنے والے</li>
</ul>

<ul>
	<li style="text-align:right">زيادہ فائبر کا استعمال کرنے والے </li>
</ul>

<ul>
	<li style="text-align:right">60 سال سے زيادہ عمر والے </li>
</ul>

<ul>
	<li style="text-align:right">کولیسٹرول کم کرنے کی ادویات استعمال کرنے والے </li>
</ul>

<ul>
	<li style="text-align:right">ذیابطیس </li>
</ul>

خواتین میں پتے کی پتھری کے بننے کی شکایت مردوں سےزيادہ ہوتی ہے ۔ اس کے علاوہ موٹے افراد جو وزن ڈائٹنگ یا ورزش کے ذریعے وزں کم کرتے ہیں۔ ان میں دوبارہ سے وزن بڑھنے کی صورت میں پتھری کے بننے کے امکانات زیادہ ہوتے ہیں۔ 
&nbsp;

اس بیماری سے بچنے کے لئے یہ احتیاطی تدابیر استعمال کی جا سکتی ہیں:

<ul>
	<li style="text-align:right">متوازن غذا </li>
</ul>

ہر روز وقت پر کھانا کھائيں، فاقہ کشی اور بھوکے رہنے سے اس بیماری کے امکانات میں اضافہ ہو سکتا ہے.

<ul>
	<li style="text-align:right">وزن میں کمی کا طریقہ کار </li>
</ul>

&nbsp;اگر آپ کا وزن زيادہ ہے تو اس کو فوری طور پر کم کرنے کے بجاۓ آہستہ آہستہ کم کرنے کی کوشش کریں ۔ یک دم وزن کم ہونے کی صورت میں پتھری کے ہونے کے امکانات میں اضافہ ہو سکتا ہے.&nbsp;

<ul>
	<li style="text-align:right">زيادہ ریشے&nbsp; والی غذا </li>
</ul>

زیادہ ریشے والی غذاؤں کا استعمال جن میں پھل، سبزیاں اور چکی کا آٹا شامل ہوتا ہے پتے میں پتھری کو ہونے سے روک سکتا ہے.

<ul>
	<li style="text-align:right">صحت مند وزن برقرار رکھنا </li>
</ul>

موٹاپا پتے میں پتھری کے امکانات کو بڑھا سکتا ہے۔ صحت مند طرز زندگی کو اختیار کر کے اس خطرے کو روکاجاسکتا ہے۔ اس کے ساتھ ساتھ باقاعدگی سے جسمانی بھاگ دوڑ اور ورزش بھی ایک صحت مند وزن کو برقرار رکھنے میں معاون ثابت ہو سکتا ہے۔&nbsp; 
&nbsp;

اہم نکات

<ul>
	<li dir="rtl" style="text-align: justify;">پتہ ناشپاتی نما تین سے چھ انچ لمبی جسامت &nbsp;کا ہوتاہے۔</li>
</ul>

<ul dir="rtl">
	<li style="text-align: justify;">پتے میں پتھری کی شکایت مردوں کی نسبت عورتوں میں زيادہ ہوتی ہے۔</li>
</ul>

<ul dir="rtl">
	<li style="text-align: justify;">پتے میں پتھری کی بڑی وجہ کولیسٹرول کی بلند شرح ہے۔</li>
</ul>

<ul dir="rtl">
	<li style="text-align: justify;">الٹراساونڈ پتے کی پتھری &nbsp;کی تشخیص کا سب سے مجرب طریقہ ہے۔</li>
</ul>

<ul>
	<li dir="rtl" style="text-align: justify;">بعض اوقات پتے میں پتھری کے &nbsp;لئے کسی علاج کی ضرورت نہیں ہوتی ہے&nbsp;۔</li>
</ul>

Jones, M.W., Guay, E. and Deppen, J.G., 2021. Open cholecystectomy. In StatPearls [Internet]. StatPearls Publishing.

Clavien, P.A., Richon, J., Burgan, S. and Rohner, A., 1990. Gallstone ileus. British Journal of Surgery, 77(7), pp.737-742.

Tsai, C.J., Leitzmann, M.F., Willett, W.C. and Giovannucci, E.L., 2006. Weight cycling and risk of gallstone disease in men. Archives of internal medicine, 166(21), pp.2369-2374.

Liu, B., Beral, V., Balkwill, A., Green, J., Sweetland, S. and Reeves, G., 2008. Gallbladder disease and use of transdermal versus oral hormone replacement therapy in postmenopausal women: prospective cohort study. Bmj, 337.

Lammert, F., Gurusamy, K., Ko, C.W., Miquel, J.F., Méndez-Sánchez, N., Portincasa, P., Van Erpecum, K.J., Van Laarhoven, C.J. and Wang, D.Q.H., 2016. Gallstones. Nature reviews Disease primers, 2(1), pp.1-17.

Trusted By