ایلوپیشیا- گنجا پن

Online Consultation

اقراء مظہر

جائزہ

اطباء، بقراط کےزمانے سےگنجے پن کے لئے&quot;ایلوپیشیا&quot; کی اصطلاح استعمال کرتے آرہے ہیں۔اس اصطلاح کا آغازیونانی لفظ ایلوپیکس سےہوا جس کےمعنی انگریزی میں لومڑی کے ہیں۔<a href="#accordion">[1]</a> اس کی وجہ یہ ہےکہ یہ بیماری لومڑیوں میں ایک جِلدی بیماری&quot;مانج&quot; کے باعث بالوں کے گرنےسےمماثلت رکھتی تھی۔

ایلوپیشیا،گنج پن ایک جِلدی کیفیت کا نام ہے جس میں جسم کے کسی ایک یا زیادہ حصوں سےبالوں کا اچانک یا بتدریج گرنا، بالعموم سرکی جِلد سے، پایا جاتا ہے.<a href="#accordion">[2]</a> یہ پریشان کن طبی حالت مردوں اور عورتوں کو یکساں متاثر کرتی ہے۔ یہ جینیاتی عناصر، طبی حالات، ہارمونل تبدیلیوں کے نتیجے میں،یا بڑھاپے کے عمومی حصے کے طورپرہوسکتی ہے۔ مزید یہ کہ گنج پن کی مختلف اقسام کی شدت مختلف ہوسکتی ہے۔ 
&nbsp;

گنج پن کے ہونے کا انحصار گنجے پن کی وجہ، جغرافیائی محلِ وقوع، قومیت اور فرد کی عمر پرہوتا ہے۔ سینٹ لوئیس، امریکہ میں بارنس جیوئش ہسپتال میں متعدد قومیتوں کے درمیان کیے گئے ایک مطالعےکے مطابق سیاہ فام شرکا میں گنجے پن کی شرح(45.8) فی صد سفید فام شرکا (39.2)سے زیادہ تھی۔<a href="#accordion">[3]</a>

اگرچہ گنجا پن مردوں اورعورتوں دونوں کو متاثر کرتا ہے، دونوں اصناف میں اس کی قبولیت یکساں نہیں ہے۔ مردوں میں، کسی قسم کا بالوں کا گرنا یا گنج پن بڑھاپے کی علامت سجھا جاتا ہے۔ عورتوں میں بال گرنے کو منفی سمجھا جاتا ہے۔ 
&nbsp;

یہ حیران کن نہیں ہے، کیونکہ عرصہ دراز سےخواتین کےلمبے بالوں کو حسن، نسوانیت اورجنسی پسندیدگی سےمنسلک کیا جاتا ہے۔عورتیں اکثرمردوں کومائل کرنے اور اچھےشوہرحاصل کرنے کے لئےاپنی حسین زلفوں پر بھروسہ کرتی تھیں۔

مزید یہ کہ، کئی ثقافتوں میں گنجا سر&quot;بےعزت&quot;عورتوں کی نشاندہی کےمعانی رکھتا تھا۔ فرانس کی جنگ (1940) کےدوران، فرانسیسی عورتوں کوجرمن فوجیوں سےتعلقات کی سزا کےطور پر سرمنڈوانے پڑے۔ 
&nbsp;

اگرچہ گنج پنایک ذاتی معاملہ ہے مگر اس کےمعاشرتی مفہوم اکثرلوگوں،خاص طور پرخواتین میں نفسیاتی تکلیف کی وجہ بنتے ہیں.<a href="#accordion">[5]</a> اگرچہ وقت کے ساتھ ساتھ خوبصورتی کےمعیار اور بالوں کی اہمیت میں خاصی تبدیلی آئی ہے۔ مردوں اور عورتوں دونوں کو احساس ہو چکا ہے کہ کسی کی خوبصورتی کا معیار اس کے بال نہیں ہیں۔ مگر، اگر علاج نہ کروایا جائے یا مناسب علاج نہ کروایا جائے تو یہ تجربہ تکلیف دہ ہوتا ہے۔ 
&nbsp;

گنج پن کی کئی اقسام ہیں۔ بالوں کے گرنے کوسکارنگ اورنان سکارنگ ایلوپیشیا میں تقسیم کیا جاتا ہے۔<a href="#accordion">[6]</a> 
&nbsp;

<h5 dir="rtl">نان سکارنگ ایلوپیشیا</h5>

اس قسم میں،بالوں کےغدود میں بالوں کی افزائش کا امکان ہوتا ہے۔ اس کی مختلف اقسام یہ ہیں:

<ul dir="rtl">
	<li>Androgenic Alopecia ۔ اسےمردانہ گنجے پن کا انداز اور زنانہ گنجے پن کا انداز بھی کہا جاتا ہے، یہ بالوں کے گرنے کی سب سےعام وجہ ہے۔ یہ پچاس فی صد مردوں اور عورتوں کو متاثر کرتی ہے۔<a href="#accordion">[7]</a>&nbsp;اس جینیاتی کیفیت کومردانہ ہارمونز (اینڈروجنز) کی سطح میں اضافے سے منسلک کیا جاتا ہے۔ عورتوں میں بالوں کا پتلا ہونا، سر کی ساری جِلد پر ہوتا ہے، جب کہ مردوں میں بالوں کی کمی کن پٹیوں کےاوپر ہوتی ہے اورسر کے سامنے کےحصے کےبال پتلے ہوجاتے ہیں۔پولی سسٹک اووری سنڈروم سے اس قسم کا گنج پن ہوسکتا ہے۔ 
	&nbsp;</li>
	<li>Alopecia Areata ۔&nbsp; یہ ایک آٹوامیون بیماری ہے جس میں مدافعتی نظام جسم کےبالوں کےغدود پرحملہ کرتا ہے۔ لوگوں کے بال نہ صرف سر سے بلکہ بھنووں، پلکوں اور جسم کے دیگر حصوں سے بھی گرسکتے ہیں۔ گنج پن کے گچھے تمام جسم پر اثرانداز ہوسکتے ہیں (ایلوپیشیا یونیورسیلیز)۔ یہ بچوں اور بڑوں سب کو ہوسکتا ہے۔ مزید یہ کہ، دیگر آٹوامیون بیماریوں جیسے جِلدی مرض لوپس، کا شکار افراد میں گنج پن کی یہ قسم ہوسکتی ہے۔ 
	&nbsp;</li>
	<li>Telogen Effluvium ۔ یہ بال گرنے کی عارضی بیماری ہے جو بالوں کی افزائش کےعمل میں تبدیلیوں کے باعث ہوتی ہے۔ بالوں کا ایک بڑا حصہ نشوونما کے ٹیلوجن مرحلے میں داخل ہوجاتا ہے، ایک ایسی حالت جس میں عموماََ بال گر جاتے ہیں۔ گنج پنکی یہ قسم عموماََ ادویات، حمل، دباؤ، ڈائیٹ یا جراحت کے بعد ہوسکتی ہے۔ یہ عموماََ چند ماہ میں خود بخود ٹھیک ہوجاتی ہے۔ 
	&nbsp;</li>
	<li>Trichotillomania ۔ یہ ایک نفیساتی بیماری ہےجس میں فرد اپنے بال نوچتا رہتا ہے۔ یہ اکثر بچوں میں دیکھی جاتی ہے، مگر وقت کے ساتھ ساتھ یہ عادت ٹھیک ہوجاتی ہے۔ بڑوں اور نوجوانوں میں یہ عادت ہو تو اکثر نفسیاتی علاج تجویز کیاجاتا ہے۔ 
	&nbsp;</li>
	<li>Traction Alopecia ۔ بالوں کے کسے ہوئے انداز جیسے چوٹیاں، پونی ٹیل یا جوڑے بالوں کے غدود پرزائد دباؤ ڈالتے ہیں، جس سے جڑیں ڈھیلی ہو جاتی ہیں اور بال گر جاتے ہیں۔ 
	&nbsp;</li>
</ul>

<h5 dir="rtl">سکارنگ ایلو پیشیا</h5>

اس قسم میں بالوں کےغدود کو ناقابلِ تلافی نقصان پہنچتا ہےاوران کی جگہ ریشے دار سکار ٹشو لے لیتا ہے۔ اس کے نتیجے میں غدود کی بالوں کی دوبارہ افزائش کی صلاحیت ختم ہوجاتی ہے، اور مستقل گنج پن ہوجاتا ہے۔ اس کی عام اقسام یہ ہیں: 
&nbsp;

<ul>
	<li dir="rtl" style="text-align:right">Primary Scarring Alopecia ۔&nbsp; اس قسم میں بالوں کے غدود کی جگہ ریشے دار سکار ٹشو لے لیتے ہیں۔ اس میں central centrifugal alopecia, frontal fibrosing alopecia, lichen planopilaris, tinea capitis اورfolliculitis decalvans شامل ہیں۔</li>
	<li dir="rtl" style="text-align:right">Permanent Scarring Alopecia ۔ بالوں کے غدود کو بیرونی وجوہات جیسے بال سیدھے کرنے کے آلات، ریڈیو تھیراپی، کیمیائی طور پر بال سیدھے کرنے اور سر کی جِلد پر چوٹ لگنے سے نقصان پہنچتا ہے۔ 
	&nbsp;</li>
</ul>

علامات

<ul dir="rtl">
	<li>بال گرنا ۔ لوگوں کو اپنی کنگھی یا برش، تکیوں، یا غسل خانے کی جالی میں بکثرت بال نظر آتے ہیں۔عورتوں میں زیادہ تر سر کے اوپری حصے سے بال گرتے ہیں۔ مردوں میں، کن پٹیوں سے بال گرنے کی وجہ سےبال پیچھے چلےجانا&nbsp;سب سے عام علامت ہے۔</li>
	<li>بالوں کا پتلا ہون ا۔ جن عورتوں کے خاندان میں گنج پن ہو،ان میں بالوں کا بتدریج پتلا ہونا دیکھا جاسکتا ہے۔&nbsp;</li>
	<li>درد یا خارش ۔ گنج پن کی مخصوص اقسام میں، لوگوں کو جِلد میں کھجلی اور جلن یا تکلیف کا احساس بھی ہوتا ہے۔</li>
	<li>گنج پن کے ٹکڑے ۔ بال گرنے سے لوگوں میں سر کی جلد، داڑھی حتیٰ کہ بھنووں پر گنج پن کے ٹکڑے ہوسکتے ہیں۔</li>
	<li>پورے جسم کے بال گرنا ۔ گنج پن بالخصوص طبی علاج جیسے کیموتھیراپی کی وجہ سے پورے جسم کو متاثرکرسکتا ہے۔ 
	&nbsp;</li>
</ul>

اسباب

بالوں کےغدود کا حیاتیاتی دائرہ تین مراحل میں تقسیم کیاجاتا ہے:

<ul dir="rtl">
	<li>&nbsp;Anagen۔&nbsp; یہ بالوں کی افزائش کا متحرک عرصہ ہوتا ہے جو دو سےآٹھ سال پر محیط ہوتا ہے۔</li>
	<li>Catagen۔ بالوں کی افزائش کا درمیانی عرصہ جو دو سے تین ہفتے کا ہوتا ہے۔</li>
	<li>Telogen ۔ اس آرام کی مدت بھی کہاجاتا ہے،جو دو سے تین ماہ تک رہ سکتا ہے۔ اس مرحلے کے اختتام پر بال گرجاتے ہیں اورنئے بال ان کی جگہ لے لیتے ہیں۔ 
	&nbsp;</li>
</ul>

عام طور پر، ایک بالغ فرد کے شیمپو نہ کرنے والے دن میں چالیس سے سو بال اور شیمپو والے دن دو سو سے تین سو بال گرتے ہیں۔8&nbsp; تاہم، اگران گرنے والے بالوں کی جگہ نئے بال نہ آئیں تو گنج پن ہوسکتا ہے۔ گنج پن کی عمومی وجوہات یہ ہیں:

<ul>
	<li dir="rtl" style="text-align: right;">موروثی عناصر۔ گنج پن کا مرض خاندان میں پایا جانا</li>
	<li dir="rtl" style="text-align: right;">ادویات۔ سٹیرائیڈز، انٹی ڈپریسنٹ، کیموتھیراپی کی دوائیاں، بلڈ پریشر کم کرنے کی دوائیں اور مانع حمل گولیاں</li>
	<li dir="rtl" style="text-align: right;">طبی بیماریاں۔ ہارمونل تبدیلیاں (پی سی اوز، حمل، تھائیرائیڈ کی بیماریاں)، انفیکشن (فنگل انفیکشن، آتشک، غدود کی سوزش)، بخار، سنِ یاس، گردوں کی دائمی بیماری، اور الرجیز</li>
	<li dir="rtl" style="text-align: right;">ڈائیٹ۔ کم پروٹین کا استعمال اور محدود حراروں والی خوراک، کیونکہ کوئی بھی غیر صحت بخش غذا جو فولاد کی کمی یا اینیمیا کا باعث بنے، گنج پن کی وجہ بنتی ہے۔</li>
	<li dir="rtl" style="text-align: right;">بالوں کےاندازاورمصنوعات والے طریقے۔ بالوں کے کسے ہوئےانداز (چوٹیاں اورجوڑے)، بالوں کو بلیچ کرنا اور رنگ کرنا،بال گھنگھریالے اورسیدھے کرنے والےآلات سےبکثرت بالوں کی سٹائلنگ</li>
	<li dir="rtl" style="text-align: right;">دباؤ۔&nbsp; جسمانی یا ذہنی دباؤ سے عارضی طور پر گنج پن ہوسکتا ہے۔ 
	&nbsp;</li>
</ul>

تاحال گنج پن کی تشخیص کے لئے کوئی ٹیسٹ نہیں ہیں۔ 
&nbsp;

&nbsp;

تشخیص

مریض کی مکمل ماضی کی معلومات اور جسمانی معائنے کے امتزاج سے، گنج پن کی وجوہات تک پہنچا جاسکتا ہے۔ ڈاکٹرآپ سے یہ ٹیسٹ کروانے کا کہہ سکتا ہے:

<ul dir="rtl">
	<li>خون کے ٹیسٹ ۔ خون کے ٹیسٹ سے کسی غذائی کمی (جیسے فولاد کی کمی) اور کسی بنیادی طبی بیماری (تھائیرائیڈ کے مسائل، پی سی اوز) کی تشخیص ہوسکتی ہےجو گنج پن کی وجہ بن سکتی ہو۔</li>
	<li>بال کھینچنے کا ٹیسٹ ۔ سر کے مختلف حصوں پربالوں کے گچھوں کو ہلکےدباؤ سے کھینچا جاتا ہے۔ پھر باہرنکلنے والے بالوں کو گنا جاتا ہے۔ ہر حصےسےتین سےکم بال نکلنا عام ہے، مگردس سےزیادہ نکلنا مثبت سمجھا جاتا ہے۔</li>
	<li>بال نوچنے کا ٹیسٹ ۔&nbsp; بال کوجڑ سے نوچا جاتا ہےاوراس کا مائیکروسکوپ کے نیچے معائنہ کیا جاتاہے۔ اس سے کسی نظام کی بیماری یا بالوں کےغدود کے ٹیلوجن یا ایناجن مرحلے میں خرابی کی نشاندہی ہوسکتی ہے۔&nbsp;</li>
	<li>کھوپڑی کی بائیوپسی ۔ اگر وجہ کی تشخیص میں دشواری ہو تو کھوپڑی کی بیرونی جلد کی بائیوپسی کی جاتی ہے، عموماََ، گنجے ٹکڑے کے قریب سے بالوں کے نمونے لیے جاتے ہیں۔&nbsp;اس بائیوپسی سے تعین کیا جاتا ہے کہ کوئی انفیکشن گنج پن کی وجہ بن رہا ہے۔</li>
	<li>ٹرائکوسکوپی ۔ یہ غیر جراحتی طریقہ ڈرماسکوپ کے ذریعے کھوپڑی اور بالوں کا معائنہ کرتا ہے۔ 
	&nbsp;</li>
</ul>

علاج

علاج کا انحصار گنج پن کی قسم پرہے۔ بنیادی طبی بیماری کا علاج یا گنج پن کی وجہ بننے والی دوا کوروکنا گنج پن کےعلاج میں اہم قدم ہوتا ہے۔

مخصوص کیسزمیں گنج پن بغیر کسی علاج یا طریقے کے خود بخود ایک سال میں ٹھیک ہوجاتا ہے۔ دوسری جانب،علاج سے گنج پن کو لوٹانا یا گرے ہوئے بال دوبارہ اگانا ممکن نہیں ہوتا۔

تاہم، ایسے طریقے بھی موجود ہیں جن سے بال گرنے کی شرح کم کی جا سکتی ہے۔ گنج پن کی اصل وجہ کی بنیاد پر، ڈاکٹر ادویات یا جراحی تجویز کر سکتے ہیں۔ 
&nbsp;

<h5 dir="rtl">ادویات</h5>

&nbsp;گنج پن کے علاج کے لئےعام استعمال ہونے والی ادویات یہ ہیں:

<ul dir="rtl">
	<li>Minoxidil۔ عام دستیاب یہ دوا بال گرنے کی رفتار کم کرتی اور بال دوبارہ بڑھنے میں مدد کرتی ہے۔ یہ جِلدی دوا شیمپو اور فوم کی صورت میں بھی دستیاب ہوتی ہے۔&nbsp;یہ دوا چھ مہینے میں اپنا اثر دکھاتی ہے۔ اگرچہ یہ بہت موثر ہے، بالوں کی افزائش جاری رکھنےکے لئےاسےغیر معینہ عرصےتک استعمال کرنا ضروری ہے۔ یہ&nbsp;شدید مردانہ گنج پن میں زیادہ موثر نہیں ہے۔&nbsp;اس کےعام مضراثرات میں کھوپڑی میں خارش،جسم کے دیگر حصوں میں ناپسندیدہ بالوں کی افزائش اورالرجک کانٹیکٹ ڈرماٹائیٹس شامل ہیں۔ 
	&nbsp;</li>
	<li>Finasteride۔&nbsp; بنیادی طورپرپروسٹیٹ کے بڑھنے کی بیماری کے علاج کے استعمال ہونے والی یہ گولی مردانہ گنج پن کے لیے بھی مفید ہے۔ یہ(dihydrotestosterone (DHTکی سطح کوکم کرکے کام دکھاتی ہےجس سےایناجن مرحلے میں داخل ہونے والےبالوں کی تعداد میں اضافہ ہوتا ہے۔&nbsp;تاہم، یہ دوا لینے والےمردوں میں شہوت کی کمی، جنسی مسائل اور پروسٹیٹ کینسر کا خطرہ بڑھ جاتا ہے۔ مزید یہ کہ یہ حاملہ خواتین میں پیدا ہونے والے بچے میں جسمانی نقائص کے خطرے کی وجہ سے یہ دوا تجویز نہیں کی جاتی۔ 
	&nbsp;</li>
	<li>Spironolactone ۔&nbsp;یہ پیشاب آوردوا اینڈروجنز کی پیداوار کم کرتی ہے جس سے اینڈروجینک ایلوپیشیا میں بال گرنے کی شرح کم ہوتی ہے۔ 
	&nbsp;</li>
	<li>Antifungal Medications ۔ کھوپڑی کے رنگ ورم کے انفیکشن (tinea capitis) میں اینٹی فنگل ادویات استعمال کرائی جاتی ہیں۔ 
	&nbsp;</li>
	<li>Corticosteroids ۔&nbsp; ڈاکٹرalopecia areataکے کچھ کیسز میں&nbsp;سٹیرائیڈز تجویز کرتے ہیں۔ یہ براہِ راست کھوپڑی میں انجیکٹ کی جاتی ہیں یا منہ سے کھانے والی گولی کی صورت میں۔ اگرچہ یہalopecia areata کےعلاج کے لئے مفید ہیں، سٹیرائیڈز کےمضر اثرات جیسے پھوڑے پھنسیاں، وزن میں اضافہ اورماہواری کی بےقاعدگیاں ہوسکتی ہیں۔ 
	&nbsp;</li>
	<li>Immunosuppressants ۔ یہ عارضی طور پر alopecia areata کو لوٹا سکتی ہیں، تاہم،ان سے جڑے سخت ردِعمل کی وجہ سےان کے استعمال پراکثربحث ہوتی ہے۔ 
	&nbsp;</li>
	<li>Supplements ۔&nbsp;&nbsp;ناخنوں اوربالوں کی مضبوطی کے لئے اکثروٹامن کی ایک قسم بائیوٹن استعمال کی جاتی ہے۔ مزید یہ کہ فولاد اور زنک کے سپلی مینٹس سے بالوں کی افزائش میں اضافہ ہوتا ہے۔&nbsp; 
	&nbsp;</li>
</ul>

<h5 dir="rtl">جراحتی طریقے</h5>

شدید صورتوں میں، جراحی واحد راستہ ہوسکتی ہے۔

<ul dir="rtl">
	<li>بالوں کی ٹرانس پلانٹیشن ۔ اس عمل میں ،سرجن یا ماہرِجلد متحرک بالوں کےغدود نکال کر گنج کے مقام پر لگا دیتے ہیں۔ بہترین نتائج کے لئے کئی سو پلگ امپلانٹ کرنے کی ضرورت ہوتی ہے۔ ہر سیشن میں،دس سے ساٹھ پلگ لگائے جاسکتے ہیں۔ یہ عمل مقامی اینستھیزیا کے تحت کیا جاتا ہے اور ہسپتال داخلے کی ضرورت نہیں ہوتی۔</li>
	<li>کھوپڑی کی جلد میں کمی ۔۔ یہ جراحتی طریقہ اکثر بالوں کی ٹرانسپلانٹیشن کے ساتھ کیا جاتا ہے۔ اس میں کھوپڑی کی گنجی جگہوں کو ہٹا کربالوں والے ٹکڑے سےخلا کوبند کیا جاتا ہے۔ 
	&nbsp;</li>
</ul>

<h5 dir="rtl">غیر جراحتی طریقے</h5>

<ul dir="rtl">
	<li>پی آرپی تھیراپی ۔ پلیٹ لیٹس سے بھرپور پلازمہ کی تھیراپی، ماہرینِ جلد کے درمیان مقبولیت اختیارکررہی ہے۔&nbsp;گنج پن کی مختلف اقسام میں اس کی بالوں کی دوبارہ افزائش میں بہتری کی صلاحیت کی وجہ سے اسے بالوں کی افزائش کے لئے امرت کہا جاتا ہے۔<a href="#accordion">[9]</a> 
	&nbsp;</li>
	<li>لائٹ تھیراپی ۔ نیلی روشنی سے علاج ایک غیر جراحتی طریقہ ہے جس میں کھوپڑی کے ٹشوز کا نیلی روشنی خارج کرنے والے ڈائیوڈز(LEDs) سے سامنا کرایا جاتا ہے۔ اس سے اینڈروجینک ایلوپیشیا کے نوے فیصد مریضوں میں بالوں کے گھنے پن اور بالوں کی شافٹ کی چوڑائی میں اضافہ دیکھا گیا ہے۔<a href="#accordion">[10]</a> 
	&nbsp;</li>
	<li>کھوپڑی کی مائیکرو پگمینٹیشن ۔&nbsp; اسے بالوں کے ٹیٹو بھی کہاجاتا ہے، یہ علاج اکثر بال گرنےاور پتلے ہونے کی صورت میں استعمال کیا جاتا ہے۔ اگرچہ اس سے بال دوبارہ نہیں بڑھتے، مگر چھوٹی چھوٹی پگمینٹیشن کی وجہ سے گھنے بالوں کا گمان ہوتا ہے۔ 
	&nbsp;</li>
</ul>

<h5 dir="rtl">متبادل انتخاب</h5>

<ul>
	<li dir="rtl" style="text-align:right">گزشتہ سالوں میں، بال گرنے کی بیماری کےعلاج کے لئےمتبادل طریقوں بشمول نباتی تیل جیسے پودینہ اور روزمیری کو مقبولیت حاصل ہوئی ہے۔</li>
	<li dir="rtl" style="text-align:right">جراحی اورادویات کے متبادل کے طور پرنقلی بال بھی دستیاب ہیں۔ یہ گنجے مقامات اور پتلے بالوں کو چھپانے میں مدد دیتی ہیں۔&nbsp; 
	&nbsp;</li>
</ul>

گنج پن کی سب سے عام پیچیدگی گنج یا بال مستقل گرنا ہے۔ایلوپیشیا ذہنی صحت کی بیماریاں جیسے اینگزائیٹی اور ڈپریشن کا خطرہ بڑھا دیتا ہے۔<a href="#accordion">[7]</a> 
&nbsp;

درج ذیل عناصر بال گرنےکا خطرہ بڑھا دیتے ہیں:

<ul>
	<li dir="rtl" style="text-align: right;">عمر</li>
	<li dir="rtl" style="text-align: right;">خاندان میں گنج پنیا گنج کی بیماری ہونا</li>
	<li dir="rtl" style="text-align: right;">وزن میں نمایاں کمی</li>
	<li dir="rtl" style="text-align: right;">دباؤ</li>
	<li dir="rtl" style="text-align: right;">ناقص غذا</li>
	<li dir="rtl" style="text-align: right;">ہارمونل بیماریاں جیسے پی سی اوزاور تھائیرائیڈ کےمسائل</li>
	<li dir="rtl" style="text-align: right;">آٹو امیون بیماریاں جیسے لوپس</li>
	<li dir="rtl" style="text-align: right;">حمل اور بچے کی پیدائش</li>
	<li dir="rtl" style="text-align: right;">بالوں کے کسے ہوئے انداز</li>
	<li dir="rtl" style="text-align: right;">بالوں کی مصنوعات جیسے رنگ</li>
	<li dir="rtl" style="text-align: right;">کھوپڑی کے انفیکشن جیسے tinea capitis 
	&nbsp;</li>
</ul>

اگرچہ گنج پن کی کچھ اقسام سے بچاؤ کا کوئی طریقہ نہیں، درج ذیل عادات سے بال گرنے کو کم کیا جاسکتا ہے:

<ul>
	<li dir="rtl" style="text-align:right">بالوں کو کس کرنہ بنائیں۔</li>
	<li dir="rtl" style="text-align:right">پروٹین سے بھرپورغذا کھائیں۔</li>
	<li dir="rtl" style="text-align:right">حرارت والےآلات جیسے بلو ڈرائیرس، سٹریٹنرز اوارکرلنگ روڈز سے گری&nbsp;کریں۔</li>
	<li dir="rtl" style="text-align:right">کیمیکلز جیسے بلیچنگ ایجنٹ، ہئر ڈائی اورریلیکسرز سے گریز کریں۔</li>
	<li dir="rtl" style="text-align:right">کیمو تھیراپی کی صورت میں کولنگ کیپ استعمال کریں۔</li>
	<li dir="rtl" style="text-align:right">ڈاکٹر کی تجویز کےمطابق سپلیمنٹ استعمال کریں۔ 
	&nbsp;</li>
</ul>

محققین ہمیشہ بال گرنے کے لئے موثر علاج کی تلاش میں رہتے ہیں۔ حال ہی میں، ییل یونیورسٹی کی ایک ٹیم نے آرتھرائیٹس کی عام دوا baricitinib کے دو تین مراحل پر مشتمل تجربے کئے۔ نتایج مے مطابق یہ دوا مطالعے میں alopecia areata کے ایک تہائی مریضوں میں بالوں کی افزائش کا باعث بنی۔<a href="#accordion">[11]</a> 
&nbsp;

اہم نکات

<ul dir="rtl">
	<li>گنج پن جسم کے ایک یا زیادہ حصوں سے، بالخصوص کھوپڑی سے بالوں کے اچانک یا بتدریج گرنے کا نام ہے۔</li>
	<li>یہ پریشان کن طبی حالت متعدد جینیاتی عناصر، طبی بیماری، ہارمونل تبدیلیوں یا بڑھاپے کےعام نتیجہ ہوتی ہے۔</li>
	<li>اس کی کئی اقسام ہیں اور اسےسکارنگ اور نان سکارنگ ایلوپیشیا میں تقسیم کیا جاتا ہے۔</li>
	<li>نان سکارنگ گنج پن میں، بالوں کےغدود میں افزائش کا امکان ہوتا ہے، جب کہ سکارنگ گنج پن میں بال ناقابلِ تلافی طور پر تباہ ہوجاتے ہیں اوران کی جگہ سکار ٹشو&nbsp;لے لیتے ہیں۔ اس کے نتیجےمیں غدود کی بالوں کی دوبارہ افزائش کی صلاحیت ختم ہوجاتی ہے جس سے بال مستقل گرجاتے ہیں۔</li>
	<li>نان سکارنگ گنج پن کی مثالوں میں androgenic alopecia, alopecia areata, telogen effluvium اور traction alopecia شامل ہیں۔ سکارنگ ایلوپیشیا کوcentrifugal alopecia, frontal fibrosing alopecia, lichen planopilaris اورfolliculitis decalvans میں تقسیم کیا جاتا ہے۔</li>
	<li>خواتین میں گنج پن زیادہ تر سرکے اوپری حصے میں ہوتا ہے۔ مردوں میں، کن پٹیوں سے بال پیچھے چلےجانا سب سے عام علامت ہے۔</li>
	<li>دیگر علامات میں گنج کے ٹکڑے، سارے جسم سےبال گرنا اور کھوپڑی کی خارش شامل ہیں۔</li>
	<li>گنج پن کے کچھ کیسزمیں گنج پن خود بخود ایک سال کےاندر ٹھیک ہوجاتا ہے۔تاہم، کچھ اقسام میں، ادویات جیسےminoxidil, finasteride, steroids, immunosuppressants اورسپلی مینٹس دیے جاسکتے ہیں۔</li>
	<li>شدید صورتوں میں ڈاکٹر جراحتی طریقے جیسے بالوں کا ٹرانسپلانٹ اور کھوپڑی میں کمی جیسے طریقہ کار کرسکتے ہیں۔</li>
</ul>

[1] Callander J, Yesudian PD. Nosological Nightmare and Etiological Enigma: A History of Alopecia Areata. Int J Trichology. 2018;10(3):140-141. doi:10.4103/ijt.ijt_23_18

[2] Jamerson TA, Aguh C. An Approach to Patients with Alopecia. Med Clin North Am. 2021;105(4):599-610. doi:10.1016/j.mcna.2021.04.002

[3] Osemwota O, Herbosa CM, Zhong C, Kwatra SG, Kim BS, Semenov YR. Ethnic variations in scalp pruritus and hair loss. J Am Acad Dermatol. 2021;84(3):792-794. doi:10.1016/j.jaad.2020.05.116

[4] Bible gateway passage: 1 corinthians 11:15 - king James Version. Bible Gateway.

[5] Hunt N, McHale S. The psychological impact of alopecia. BMJ. 2005;331(7522):951-953. doi:10.1136/bmj.331.7522.951

[6] Lin J, Saknite I, Valdebran M, et al. Feature characterization of scarring and non-scarring types of alopecia by multiphoton microscopy. Lasers Surg Med. 2019;51(1):95-103. doi:10.1002/lsm.23017

[7] Ho CH, Sood T, Zito PM. Androgenetic Alopecia. [Updated 2021 Nov 15]. In: StatPearls [Internet]. Treasure Island (FL): StatPearls Publishing; 2022 Jan-.

[8] Jackson AJ, Price VH. How to diagnose hair loss. Dermatologic Clinics. 2013;31(1):21-28. doi:10.1016/j.det.2012.08.007

[9] Garg S, Manchanda S. Platelet-rich plasma-an 'Elixir' for treatment of alopecia: personal experience on 117 patients with review of literature. Stem Cell Investig. 2017;4:64. Published 2017 Jul 18. doi:10.21037/sci.2017.06.07

[10] Lodi G, Sannino M, Cannarozzo G, et al. Blue light-emitting diodes in hair regrowth: the first prospective study. Lasers Med Sci. 2021;36(8):1719-1723. doi:10.1007/s10103-021-03327-9

[11] King B, Ohyama M, Kwon O, et al. Two phase 3 trials of baricitinib for alopecia areata. New England Journal of Medicine. 2022;386(18):1687-1699. doi:10.1056/nejmoa2110343