اس بیماری میں فرد کو یادداشت کے مسائل کا سامنا کرتا ہے۔مزید جاننے کے لئے یہ آرٹیکل پڑھئے

الزائمر کی بیماری- اعصابی خلل کا عارضہ

PNS SHIFA

Online Consultation

سید انتصار حسین

جائزہ

1901میں،جرمن طبّی ماہر نفسیات ڈاکٹر ایلوئس الزائمر سے، آگسٹے ڈیٹر نامی ایک 50 سالہ عورت کی ملاقات ہوئی۔ وہ عورت ایک عجیب اور تیزی سے بڑھنے والی ذہنی بیماری میں مبتلا تھی۔ مریضہ کو یادداشت کےمسائل، نیند میں خلل،اُلجھن،اضطراب،انجانے خوف،بولنے میں دشواری اورشدید بدگمانی پیدا ہونے جیسےمسائل درپیش تھے۔ 
 
جب بالآخر1906 میں اُس کا انتقال ہوگیا تو ڈاکٹرالزائمر نے اس کےدماغ کے بافتوں کا معائنہ کرنے کا فیصلہ کیا۔اس نےدماغ کے اندرریشوں اور جُھنڈوں کے بنڈل کو نوٹ کیا، جو بعد میں بالترتیب نیوروفائبریلری ٹینگلز اور پلیکس کے نام سے مشہور ہوئے۔

بعد میں،ڈاکٹر الزائمر نےاسی طرح کی طبّی اورپیتھولوجیکل خصوصیات کے ساتھ مزید3کیسز کی اطلاع دی۔ جلد ہی، طبّی اشاعتوں نے ایسی صورتوں کو &quot;الزائمر کی بیماری&quot; کہنا شروع کر دیا۔<a href="#accordion">[1]</a> 
&nbsp;

الزائمر ایسوسی ایشن کی جانب سے الزائمر کی بیماری (AD) کو ڈیمنشیا کی ایک قسم قرار دیا گیا، جو یادداشت، سوچ اور روّیے کومتاثر کرتی ہے۔ یہ دنیا بھر میں ڈیمنشیا کے60سے80فیصد کیسز کا حِصّہ ہے.<a href="#accordion">[2]</a>لانسیٹ کی ایک تحقیق کے مطابق،الزائمر کی وجہ سے ڈیمنشیا کا عالمی پھیلاؤ2019 میں57.4 ملین تھا اور 2050 میں152.8 ملین کیسز کا تخمینہلگایا گیا ہے.<a href="#accordion">[3]</a>

نیشنل سینٹر فار بائیوٹیکنالوجی انفارمیشن نے الزائمرکی بیماری کو صِرف امریکہ میں موت کی چھٹی بڑی وجہ قرار دیا ہے.<a href="#accordion">[4]</a>

پاکستان میں، الزائمراور ڈیمینشیا ،کل اموات کی تعداد کا1.04 فیصدحِصّہ ہیں۔ مزید یہ کہ،اس حالت کے حوالے سےعمر کے مطابق، ہم آہنگ کی ہوئی شرح اموات16.30فی100,000افراد ہے.<a href="#accordion">[5]</a> 
&nbsp;

عمر کی بنیاد پرشروع ہونے والی اِس بیماری کو، دَواقسام میں تقسیم کیا جا سکتا ہے: &quot;جَلد شروع ہونے والی الزائمرکی بیماری اور دیر سے شروع ہونے والی الزائمرکی بیماری&quot;۔ 
&nbsp;

<h5 dir="rtl">1. جَلد شروع ہونے والی الزائمرکی بیماری</h5>

الزائمر&nbsp; کی بیماری میں مبتلا ہونے والے لوگوں کی تقریباً 10%تعدادایسے افراد کی ہے جن کی عمر 65 سال یا اس سے کم ہوتی ہے<a href="#accordion">[4]</a> جن افراد میں جَلد شروع ہونے والی الزائمرکی بیماری کی تشخیص ہوتی ہے وہ اپنی عمرکی40 ویں یا 50 ویں دہائی میں ہوتے ہیں۔ یہ بات واضح نہیں ہے کہ چھوٹی عمروالےافراد میں یہ بیماری پیدا ہونے کی وجوہات کیا ہیں۔ تاہم،موروثی جینیاتی تغیرات، &quot;ڈاؤن سنڈروم&quot;اورجَلد شروع ہونے والی الزائمر کی بیماری ہونےکے زائد خطرے کے درمیان تعلق ہوتا ہے۔&nbsp;

اس قسم کی الزائمر کی بیماری کی علامات میں توجّہ مرکوز کرنے میں دُشواری، بُھول جانا،روزمرّہ کے کاموں میں دُشواری،اورپٹھوں میں کھنچاؤ(myoclonus)&nbsp; جیسی علامات شامل ہیں۔ 
&nbsp;

<h5 dir="rtl">2.دیر سے شروع ہونے والی الزائمرکی بیماری</h5>

دیر سے شروع ہونے والی الزائمر کی بیماری کے زیادہ ترکیسز میں،مریضوں کی عمر سال 65 سال یا اس سے زائد ہوتی ہے۔ یہ اُن دماغی تبدیلیوں کا نتیجہ ہے جو جینیاتی،ماحولیاتی اوررہن سہن کے طریقوں جیسےکےعوامل کے امتزاج&nbsp; سے بتدریج رُونما ہوتی ہیں۔اگرچہ تحقیق کاروں&nbsp; کو کوئی خاص جِین ایسا نہیں مِلا جو دیر سے شروع ہونے والی الزائمر کی بیماری کا سبب بن سکتا ہو، تاہمAPOE نامی ایک جِین (اپولیپوپروٹین ای&quot;کا ایک جینیاتی تغیر) کسی شخص کے لئےاس مرض کے خطرے کو بڑھانے کے لئے معروف ہے۔ 
&nbsp;

علامات اور نِشانیاں

الزائمر کی بیماری،تدریجی اعصابی خلل کا عارضہ ہےجس میں سمجھنے کی صلاحیت&nbsp; میں کمی اورروّیے میں تبدیلیاں پیدا ہوجاتی ہیں۔ اگرچہ&nbsp; ہر فرد کے لئےاس کی علامات مختلف ہوتی ہیں،لیکن یادداشت کی کمی اس بیماری کی ایک بنیادی&nbsp; علامت ہے۔ لوگ اکثراوقات نئی معلومات کو یاد نہیں رکھ پاتے۔ وہ اہم واقعات کو بھول سکتے ہیں۔ وقت گزرنے کےساتھ دیگر علامت کے ظاہر ہونے پر اس بیماری کے مریض کی کیفیت مزید خراب ہوجاتی ہے۔

الزائمر کی بیماری کےحوالے سےدرج ذیل علامات خصوصی طور پر مشاہدے میں آتی ہیں: 
&nbsp;

<h5 dir="rtl">حافظہ/یادداشت&nbsp; کا ختم ہوجانا</h5>

اگرچہ بُھول جانا عام بات ہے،تاہم الزاءمر کی بیماری میں یادداشت کا نقصان کسی شخص کی روزمرّہ کے کاموں کی منصوبہ بندی اورانہیں مکمل کرنے کی صلاحیت کو متاثر کرتا ہے۔ 
یاداشت کی کمی کا اِظہار درج ذیل صورتوں سے ہوتا ہے:

<ul dir="rtl">
	<li>بات چیت کے لیےدرست الفاظ تلاش کرنے یا کسی خیال کے اظہار کےلئےجدوجہد کرنا۔</li>
	<li>ایک ہی سوال باربار پوچھنا۔</li>
	<li>مانوس جگہوں کو بھول جانا اورگم ہو جانا۔</li>
	<li>اشیاء کوغلط جگہ پر رکھ دینا یا انہیں کھو دینا۔</li>
	<li>ملاقاتوں کے لئے طے شُدہ وقت، بات چیت، یااہم واقعات کو بھول جانا۔</li>
</ul>

یہ علامات بتدریج بڑھتے ہوئے بالآخراس کیفیت کو پہنچ جاتی ہیں جب متعلقہ فرد گھر کے افراد کے چہروں یا ناموں اور اِردگِرد کی عام چیزوں کو پہچاننے میں ناکام ہوجاتا ہے۔ 
&nbsp;

<h5 dir="rtl">سمجھنے میں کمی پیدا ہوجانا</h5>

الزائمر کی بیماری میں مبتلا افرادکو سمجھنےکی صلاحیتوں،مثلاً استدلال اور سوچ کےمسائل لاحق ہوجاتے ہیں۔ انہیں پیچیدہ کاموں کو مکمل کرنے میں دشواری ہوتی ہے۔ مثلاً،وہ نہیں جانتے کہ موسم کے لحاظ سے کون سے کپڑے پہنے جائیں۔

سمجھ کی کمی کے مسائل کو مشکلات کے لحاظ سے پہچانا جاسکتا ہے:

<ul dir="rtl">
	<li>ایک ساتھ مختلف کاموں کو کرنا</li>
	<li>بِلزکی ادائیگی، پیسوں کی لین دین کے معاملات،مالیات کا انتظام کرنا</li>
	<li>اعدادوشمار/نمبروں کا حِساب رکھنا</li>
	<li>سادہ الفاظ کو یاد رکھنا،یا، لکھتےیا بولتے وقت&nbsp;ہِجّے/تلفّظ&nbsp;کی غلطیاں کرنا</li>
	<li>مسائل کو حل کرنا 
	&nbsp;</li>
</ul>

<h5 dir="rtl">روّیے میں تبدیلیاں&nbsp;</h5>

الزائمر کی بیماری کی وجہ سے روّیےاور شخصیت میں تبدیلیاں پیدا ہوجانا ایک بات ہے۔ متاثرہ افراد کے مزاج میں اُتار چڑھاؤ واقع ہوتا ہے اور سماجی&nbsp; حوالے سے وہ لاتعلقی کا رُجحان رکھتے ہیں۔ وہ&nbsp; درج ذیل کیفیات سے بھی گزرتے ہیں:

<ul dir="rtl">
	<li>وہ جارح اور چڑچڑے ہو جاتے ہیں۔</li>
	<li>ایسی سابقہ سرگرمیوں میں دلچسپی کھو دینا، جن سے وہ پہلے خوشی اورمُسرّت محسوس کرتے تھے (لا تعلقی)۔</li>
	<li>غلط تعبیر،غیر حقیقی مناظر، اورانجانےخوف کا شکار ہوتے ہیں۔</li>
	<li>خلوص اورتوجّہ کی کمی۔</li>
	<li>کسی کام یاخیال پر سوچ کا جم جانا۔ 
	&nbsp;</li>
</ul>

<h5 dir="rtl">گِرد وپیش سے آگہی نہ ہونے کے مسائل&nbsp;</h5>

گِرد وپیش کے ماحول سےآگہی سےمُراد آس پاس موجود اشیاء اور ان کےحوالے سے اپنے جسم کی پوزیشن سے آگاہ ہونے کی صلاحیت ہے۔

الزائمر کی بیماری میں، گِرد وپیش کےمسائل کی وجہ سے متعلقہ افراد توازن قائم رکھنے اور ہم آہنگی پیدا کرنے میں دُشواری محسوس کریں گے۔ ایسے افراد کو درج ذیل صورتیں پیش آتی ہیں:

<ul dir="rtl">
	<li>اُن سے چیزیں گِرجاتی ہیں</li>
	<li>وہ چیزوں سے ٹکراکر گِرجاتے ہیں</li>
	<li>اُنہیں زینہ چڑھنےمیں دُشواری ہوتی ہے&nbsp;</li>
	<li>اُنہیں کار کو پارک&nbsp;کرنے دُشواری ہوتی ہے&nbsp;</li>
</ul>

&nbsp;

<h5 dir="rtl">عمل کرنے میں ناکامی&nbsp;</h5>

متاثرہ فرد کی کیفیات میں زوال کے ساتھ، وہ عام اور مانوس کاموں کو مکمل کردینے کی صلاحیت سے بھی محروم ہوتے جاتے ہیں ۔ معمول کی سرگرمیاں،&nbsp; مثلاً کپڑے دھونا، کوئی گیم کھیلنا، یا کھانا پکانا وغیرہ مشکل کام بن جاتے ہیں۔آخر کار،متاثرہ افراد شاور لینے یا قمیص پہننے جیسے بنیادی کام کرنا بھی بھول جاتے ہیں۔

مزید یہ کہ روزمرّہ کی زندگی کے حالات کے حوالے سے فیصلے کرنا مشکل ہو جاتا ہے۔ نتیجے کےطور پر، متاثرہ افراد،خطرات اورمحفوظ صورتوں کا اندازہ لگانے سےبھی قاصرہوجاتے ہیں، جس کی وجہ سے وہ غلط انتخاب اورغلط فیصلےکرتے ہیں۔ 
&nbsp;

<h5 dir="rtl">الزائمر کی بیماری میں محفوظ رہ جانے والی صلاحیتیں</h5>

اگرچہ الزائمرکی بیماری کی وجہ سے بہت سی صلاحیتیں ضائع ہو جاتی ہیں،تاہم بعض صلاحیتیں محفوظ رہ سکتی ہیں۔ اِن میں فہم کی پیچیدہ صلاحیتیں شامل ہیں جواُن کی مضمر یادداشت کا حصہ ہوتی ہیں۔ مثال کےطورپر،جوتے کے تسمے باندھنا، ڈرائنگ، گانا اور ناچنا۔ الزائمر کی بیماری میں پڑھنے،کہانی سنانے اور موسیقی&nbsp; کو سُننےجیسی صلاحیتیں&nbsp; بھی زیادہ لمبےعرصے تک محفوظ رہتی ہیں۔ 
&nbsp;

اسباب

اعصابی خلیات دماغ کے مختلف حصوں کے درمیان&nbsp; اور دماغ سے جسم کے دوسرے حصوں تک مختلف پیغامات کو منتقل کرنے میں مدد دیتے ہیں۔ ان اعصابی خلیات کو نقصان پہنچنے کی وجہ سے یا نقصان پیغامات بھیجنے کےعمل میں خلل واقع ہوسکتا ہے اور دماغ کےاس حصے کی بنیاد پرعلامات پیدا کر سکتا ہے جہاں متعلقہ اعصابی خلیات کی موت واقع ہوتی ہے۔

الزائمر کی بیماری میں،اعصابی نقصان خاص طور پر&quot;ہِپوکیمپس&quot; سے شروع ہوتا ہے۔یہ حِصّہ یادداشت کی تشکیل&nbsp; کرتا ہے۔اعصابی خلیات کا یہ نقصان پھر دماغ کے دوسرے حِصّوں میں پھیل جاتا ہے،جس سے مزید علامات اوردماغ کی خرابی پیدا ہوتی ہے۔

دماغی بافتوں کے اندر،پلاک اورگچھوں کی موجودگی الزائمرکی بیماری کا خاصّہ ہیں جواعصابی خلیات کے لئے زہریلے ہوتے ہیں۔اگرچہ یہ ذخائر بڑھتی ہوئی عمر کا معمول ہیں ،تاہم یہ کیفیات الزائمر کی بیماری والے افراد میں کثرت سےپائے جاتے ہیں اور ان کا غیر معمولی حد تک جمع ہوجانے کی وجہ سے اعصابی خلیات کی موت واقع ہوجاتی ہے۔ 
&nbsp;

امائیلائڈ پلاک- بیٹا امائیلائڈ(A&beta;)بڑے امیلائڈ پیشگی پروٹین(APP)کا ایک ٹکڑا ہوتا ہے۔APP کےذریعےاعصابی خلیات کی افزائش، بقا اوران کی مرّمت کا عمل کیا جاتا ہے۔الزائمرکی بیماری میں،APP بیٹا امائیلائڈ جیسے چھوٹے ٹکڑوں میں تقسیم ہو جاتا ہے۔ بیٹا امائیلائڈ کے یہ ریشے پھر جمع ہو کرامائیلائڈ پلاک بن جاتےہیں۔ اس پلاک کا اعصابی خلیا ت پر زہریلا اثر پڑتا ہےاورخلیات کے مابین پیغام رسانی کے نظام&nbsp; میں خلل پڑتا ہے۔ 
&nbsp;

نیورو فائبریلی ٹینگز (NFTs)&nbsp;ٹاؤپروٹینز،مائکرو ٹیوبیولز کو مستحکم کرتے ہیں اور اعصابی خلیات&nbsp; کے اندرغذا کو پہنچاتے ہیں۔الزائمر کی بیماری میں، یہ پروٹین اپنے آپ کو نیوروفائبریلری ٹینگلز میں ترتیب دیتے ہیں، اس کے بعد یہ غذائی اجزاء اور مواد کی ترسیل میں خلل ڈالتے ہیں، اس طرح خلیوں میں زہریلا اثرپیدا کرتےہیں۔

یہ بات&nbsp; واضح نہیں ہے کہ مذکورہ بالا تبدیلیاں کیوں ہوتی ہیں۔ رہن سہن کے طریقے، ماحولیاتی اور جینیاتی عوامل اس کی وجوہات میں شامل ہو سکتے ہیں۔ 
&nbsp;

<ul dir="rtl">
	<li>
	<h5>جینیاتی عوامل</h5>
	</li>
</ul>

الزائمر بیماری میں 5% سےکم&nbsp; صورتوں میں،3 میں سے1جین (APP، PSEN1،اورPSEN2)کی مخصوص میوٹیشن کا نتیجہ ہوتے ہیں۔<a href="#accordion">[6]</a> جَلد شروع ہونے والی الزائمر کی بیماری کی صورتیں موروثی طور پر خود لونی غالب پیٹرن سے تیار ہوتے ہیں۔ کم واقع ہونےوالی صورتوں مثلاً معاملات جیسےکہ دیر سے شروع ہونے والی الزائمر کی بیماری کو اپولیپوپروٹین ای(APOE)جین سے منسلک کیا گیا ہے۔ تاہم، اس جین کی موجودگی کا مطلب&nbsp; یہ نہیں ہوتا کہ متعلقہ فرد&nbsp; کو الزائمر کی بیماری لازمی طور پر ہوگی۔ 
&nbsp;

<ul dir="rtl">
	<li>
	<h5>بڑھتی ہوئی عمر</h5>
	</li>
</ul>

بڑھتی ہوئی عمرسےمنسلک تبدیلیاں دماغ کےخلیات اوراعصابی خلیات ضائع کر سکتی ہیں۔ ان میں سوزش، آزاد ریڈیکلز کی پیداوار،دماغ میں ناکارگی کی&nbsp; تبدیلیاں،خون کی نالیوں کو پہنچنے والے نقصان،اور خلیات کی ٹُوٹ پُھوٹ میں اِضافہ ہونا شامل ہیں۔ 
&nbsp;

<ul dir="rtl">
	<li>
	<h5>رہن سہن کا طریقہ اور ماحول</h5>
	</li>
</ul>

رہن سہن کےطریقوں کےعامل مثلاً ذیابیطس، مُٹاپا، دِل کی بیماری، <a href="https://merisehat.pk/ur/disease/hypertension-571">ہائی بلڈ پریشر</a>،اور اِسٹروک کے اثرات بھی ہو سکتے ہیں۔مزید یہ کہ،ماحولیاتی آلودگیوں جی وجہ سے بھی الزائمرکی بیماری پیدا ہو سکتی ہے۔ 
&nbsp;

<h5 dir="rtl">الزائمر کی بیماری کو درج ذیل مراحل میں تقسیم کیا گیا ہے: 
 
الزائمر کی پری کلینیکل بیماری</h5>

یہ مرحلہ کئی سالوں تک،پتہ چلے بغیر جاری رہ سکتا ہے کیوں کہ متعلقہ میں کوئی علامات ظاہر نہیں ہوتیں۔ تاہم، دماغی تبدیلیاں مثلاً دِماغ کی ناکارگی اورامائیلائیڈ پلاک ہیپوکیمپس کےقریبی علاقوں میں جمع ہوجائیں گے۔ 
&nbsp;

<h5 dir="rtl">فہم میں ہلکے درجے کا خلل واقع ہونا</h5>

لوگ عام طور پر بھول جانے اور سوچنے کی صلاحیت میں ہلکی تبدیلی کی شکایت کرتے ہیں۔ تاہم، فہم میں ہلکےدرجے کا خلل ہونےمطلب، لازمی طور پر الزائمرکی بیماری کا ہوجانا نہیں ہے۔ 
&nbsp;

<h5 dir="rtl">الزائمرکی بیماری کا ہلکا درجہ</h5>

اس مرحلے میں،اعصابی کورٹیکس شامل ہو جاتا ہے،اورلوگوں میں یادداشت کی کمی اور فہم میں خلل پیدا ہوتا ہے۔ امائیلائیڈ پلاک اور اعصابی ریشوں کے گچھےدماغ کےان حصوں کو متاثر کرتے ہیں جوزبان، یادداشت اوراستدلال کو کنٹرول کرتے ہیں۔

اُن میں یادداشت میں کمی کی علامات ظاہرہوتی ہیں،وہ معمول کے روزمرہ کے کاموں کو مکمل کرنے میں زیادہ وقت لگاتے ہیں، رقم کو سنبھالنےمیں دشواری کا سامنا کرتے ہیں، گم ہو جاتے ہیں،اوراُن کی شخصیت میں تبدیلی واقع ہوجاتی ہے۔ یہ عام طور پر وہ مرحلہ ہوتا ہے جب الزائمر کی بیماری کی تشخیص ہوتی ہے۔ 
&nbsp;

<h5 dir="rtl">الزائمر کی بیماری کا درمیانی درجہ</h5>

خلیات اور اعصابی نقصان رفتہ رفتہ شعور،حواس، استدلال اورزبان سےتعلق رکھنے والےحِصّوں میں پھیلتا ہے اورمتعلقہ فرد کی علامات میں مزید شِدّت آجاتی ہے۔

متاثرہ افراد میں بڑھتی ہوئی اُلجھنیں اوریادداشت کی کمی، اپنےخیالات کو منظم کرنے میں دُشواری، فیملی&nbsp; اوردوستوں کو پہچاننے میں دُشواری، چڑچڑاپن اور جارحانہ روّیے، فریب اورخیالی مناظراور توجّہ کےمختصر دَورانئےجیسےمسائل پیدا ہوجاتے ہیں۔

مزید یہ کہ اس مرحلے میں لوگ سادہ کاموں مثلاً نہانا یا تیار ہونے کے لئے دوسروں پر انحصار کرتے ہیں۔ اس طرح، انہیں بہت زیادہ توجّہ کے ساتھ دیکھ بھال کی ضرورت پڑسکتی ہے۔ 
&nbsp;

<h5 dir="rtl">الزائمر کی بیماری کا شدید درجہ</h5>

یہ الزائمر کی بیماری کا آخری اورشدید ترین مرحلہ ہے۔ یہ پورے دماغ میں وسیع پیمانے پر پلاک اور گچھے بن جاتے ہیں اور متعلقہ حِصّوں کی ناکارگی اس کی اہم علامت ہے۔

زیادہ تر لوگ بات چیت کرنے کی ہرصلاحیت سے محروم ہوجاتے ہیں اوراپنی&nbsp; دیکھ بھال کے لئے&nbsp; مکمل طور پر دوسروں پر انحصار کرتے ہیں۔ وہ بغیر سہارے کے بیٹھنے یا چلنے کی صلاحیت سے بھی محروم ہو سکتے ہیں۔ آخر کار، متاثرہ نگلنے کی صلاحیت کھو دیتا ہے اوراُس کا&nbsp; اپنے پاخانے اور پیشاب پر کنٹرول باقی نہیں رہتا ہے۔ 
&nbsp;

اگرچہ اسکریننگ ٹیسٹ تشخیصی جائزوں کا متبادل&nbsp; تو نہیں ہیں، لیکن وہ کسی فرد کے فہم کا اندازہ لگانے میں مدد کر سکتے ہیں اوریہ بتا اسکتے ہیں کہ آیا انہیں مزید ٹیسٹوں&nbsp; کی ضرورت ہے۔الزائمر کی بیماری کے لئےکئی اسکریننگ ٹیسٹ دستیاب ہیں جن میں درج ذیل شامل ہیں: 
&nbsp;

<ul dir="rtl">
	<li>
	<h5>منی مینٹل اسٹیٹ ایگزامینیشن (MMSE)</h5>
	</li>
</ul>

30 نکاتی سوال نامہ کسی شخص کی ذہنی صلاحیتوں جیسے واقفیت، توجّہ، یادداشت،زبان،اِرد گِرد سےآگہی،اورارتکاز کا جائزہ لیتا ہے۔ صحت کاماہر،مریض سےان کی فہمی خرابی کا اندازہ لگانے کے لئے11سوالات پوچھتا ہے۔ مثال کےطور پر،ایک مریض سےکہا جا سکتا ہےکہ وہ ڈرائنگ کی نقل تیار کرے یا کسی فہرست کوحفظ کرے اور اسے بعد میں دُہرائے۔ ٹیسٹ کو مکمل ہونےمیں عام طور پر5سے10منٹ لگتے ہیں۔25 یا اس سےزیادہ کے اسکورکونارمل سمجھا جاتا ہے۔25 سے کم کوئی بھی چیز فہم کی کمی کی علامت ہے،جس میں12سے کم کا اسکور،شدید ڈیمنشیا کی نشاندہی کرتا ہے۔

لیکن یہاں ایک بات ہےکہ یہ اسکورکسی شخص کی تعلیمی سطح،اس کی زبان، ثقافتی فرق،تقری، یاجسمانی معذوری کو ظرانداز کرتے ہیں۔ لہٰذا، نتائج کا اندازہ کرتے وقت احتیاط سےغور کرنے کی ضرورت ہے۔ 
&nbsp;

<ul dir="rtl">
	<li>
	<h5>مانٹریال فہمی جائزہ (MoCA)</h5>
	</li>
</ul>

فہمی&nbsp; صلاحیتوں جیسے زبان،قلیل مدتی یادداشت،توجّہ، ایگزیکٹوعمل،اورتجرید کا جائزہ لینے کےلئے یہ ایک اور30 سوالوں کا ٹیسٹ ہے۔ نیز،اس ٹیسٹ کا کلاک ڈرائنگ پہلوبھی ہےجہاں مریضوں کو انسٹرکٹر کے بتائےہوئے وقت کےمطابق ایک کلاک کا خاکہ بنانا ہوتا ہے۔26 سےکم&nbsp; کا اِسکورفہم کی کمی کو ظاہرکرتا ہے۔

یہ ٹیسٹ ہلکےدرجے کی فہم میں کمی والے لوگوں میں ڈیمنشیا کی پیش گوئی کرتا ہے۔ مزید یہ کہ،نتائج کی بنیاد پر،ڈاکٹر یہ فیصلہ کرسکتے ہیں کہ آیا الزائمر کی بیماری کے لئےتشخیصی کام کی ضرورت ہے۔ 
&nbsp;

<ul dir="rtl">
	<li>
	<h5>مِنی -کاگ ٹیسٹ</h5>
	</li>
</ul>

تیز اسکریننگ ٹیسٹ کرنےمیں صرف3سے5منٹ لگتے ہیں۔اس میں3آئٹم کی یاد دہانی اورکلاک ڈرائنگ کرنا شامل ہے۔ اگر متعلقہ فرد تین چیزوں میں سے کسی ایک کو بھی یاد کرنےسےقاصررہے، یا وہ3الفاظ میں سےایک یا دَو الفاظ کو یاد کرلیتا ہےاورکلاک&nbsp; کا نقشہ غلط کھینچتا ہے، تو اسےڈیمنشیا ہونےکا اِمکان ہے۔ 
&nbsp;

ٹیسٹ کے نارمل کے خلاف نتائج خطرے کی علامات ہیں ایسی صورت میں مریض کو زیادہ تفصیل سےجانچنے کی ضرورت ہے۔ 
&nbsp;

تشخیص

الزائمرکی بیماری کا پتہ&nbsp; لگانے کے لئےکوئی مخصوص تشخیصی ٹیسٹ نہیں ہے۔ اس کےبجائے، ڈاکٹروں کوعلامات کی دوسری وجوہات کو خارج کرنا چاہیے۔ 
&nbsp;

<ul dir="rtl">
	<li>ہسٹری- کسی بھی بیماری کی تشخیص کا پہلا مرحلہ،مریض کی ہسٹریلینا ہے۔ ایک مکمل اورتفصیلی ہسٹری&nbsp;ڈاکٹروں کواس شخص کی حالت کو سمجھنےمیں مدد کرتی ہے۔الزائمر کی بیماری&nbsp; کے لئے،ڈاکٹر علامات، ماضی کی طبّی ہسٹری ، منشیّات کے استعمال، فیملی کی&nbsp;طبّی ہسٹری، اوررہن سہن&nbsp;کی عادات سےمتعلق سوالات پوچھیں گے۔ یہ سوالات مریض،فیملی کےاراکین، یا دیکھ بھال کرنے والوں سے کئےجا سکتے ہیں۔ 
	&nbsp;</li>
	<li>جسمانی معائنہ - جسمانی معائنے کے دوران،ڈاکٹرمتعلقہ فرد کے اعضائے رئیسہ کا معائنہ کرتے ہیں،اعصابی معائنہ کے ذریعےاورفالج یا دیگراعصابی کیفیات کےشک کوخارج کرتے ہیں۔ اعصابی صحت کا اندازہ متعلقہ فرد کےعضلات کے ردّعمل، عضلات کی ساخت،توازن، ہم آہنگی اوراُس کی بات چیت&nbsp; کے ذریعے لگایا جاتا ہے۔ 
	&nbsp;</li>
	<li>خون کے ٹیسٹ - وٹامن بی12کی سطح اورتھائیرائیڈ کے فنکشن کو دیگر کیفیات کوخارج&nbsp; کرنے کے لئےجانچا جاتا ہے جو فہم کی&nbsp;خرابی کا سبب بن سکتی ہیں۔ 
	&nbsp;</li>
	<li>ایم آر آئی اِسکین -&nbsp;دِماغ کے اِسکین سے،الزائمر کی وجہ سے دِماغ کےحِصّوں کی ناکارگی ظاہر ہوتی ہے۔ مزید یہ کہ یہ دیگرکیفیات کوخارج&nbsp;کرنےاوردِماغ کی ساخت میں ہونے والی&nbsp; تبدیلیوں،خون بہنےاورسوزش کی نشان دہی کرنے میں مدد کر سکتا ہے۔ 
	&nbsp;</li>
	<li>سی ٹی اِسکین -&nbsp;سی ٹی اِسکین&nbsp; کے ذریعے ڈاکٹرز،سرکی چوٹوں،ٹیومراوراسٹروک کو خارج ازاِمکان&nbsp;کرنےکا موقع دیتا ہے۔</li>
</ul>

 
دیگر ٹیسٹ مثلاً PET اِسکین اورریڑھ کی ہڈّی کے سیال کے ٹیسٹ تحقیقی مقاصد کے لئے مخصوص ہیں اور صرف خاص حالات میں ہی کئے جاتے ہیں۔ 
&nbsp;

علاج

اِس بیماری کا کوئی علاج نہیں ہے۔ تاہم، بعض ادویات علامات کو دُور کرسکتی ہیں اورمریضوں کےمعیارزندگی کومجموعی طور پربہتر بنا سکتی ہیں۔ 
&nbsp;

<ul dir="rtl">
	<li>
	<h5>Cholinesterase Inhibitors</h5>
	</li>
</ul>

یہ cholinesterase کو روک کرSynapsesمیںacetylcholineکی سطح کو بڑھاتے ہیں۔ نیورو ٹرانسمیٹر خلیات کوایک دوسرےکو پیغامات پہنچناے میں مدد کرتا ہے اورفہم&nbsp; کے لئےاہم ہے۔ اس طرح،cholinesterase inhibitors(مثال کےطورپر،donpezil galantamine rivastigmine)فہمی کیفیات مثلاً الجھن، سوچنےیا فیصلہ کرنے میں دشواری،اور یادداشت کی کمی کو بہتر بناتے ہیں ۔

عام ذیلی اثرات میں،متلی، الٹی،اوراسہال شامل ہیں۔Donepezil نیند میں خلل کا سبب بھی بن سکتا ہے۔ 
&nbsp;

<ul dir="rtl">
	<li>
	<h5>Memantine (Namenda)</h5>
	</li>
</ul>

Memantineایک جزویN-Methyl D-aspartate (NMDA) مخالف ہے جو NMDA ریسیپٹرز کو بلاک کردیتا ہے۔ یہ گلوٹامیٹ کے اثرات کو روکتا ہے، جو دماغ کے خلیات کو نقصان پہنچا نے والا کیمیکل ہے۔ جبکہMemantine کا استعمال،الزائمرکی معتدل اور شدید صورتوں کےعلاج کے لئے کیا جاتا ہے، یہ اضطراب،افسردگی اور نفسیاتی معاملات میں بھی مدد کرتا ہے۔ اس کےعلاوہ، دوا کوcholinesterase inhibitorsکےساتھ مِلا کر استعمال کیا جا سکتا ہے۔

عام ذیلی اثرات میں چکّر آنا، سَر درد، جسم میں درد اورقبض شامل ہیں۔

<ul dir="rtl">
	<li>
	<h5>Aducanumab</h5>
	</li>
</ul>

یہ تقریباً 20 سال کے عرصے میں الزائمر کی بیماری کے علاج کے لئے FDAکی جانب سے منظور کی جانے والی پہلی دوا ہے۔<a href="#accordion">[7]</a>Aduhelm کے نام سے معروف،monoclonal antibody دماغ میںamyloid plaquesکو کم کرتا ہے۔ اِسے فی الحال الزائمر کی&nbsp; صِرف ابتدائی کیفیت میں استعمال کے لئےمنظور کیا گیا&nbsp; ہے۔

دیگر ادویات ،مثلاً اینٹی سائیکوٹکس، اینٹی اینگزائٹی دوائیں، اورڈپریشن کم کرنے والی ادویات بھی مریضوں کے لئے تجویزکی جاتی ہیں۔ اینٹی سائیکوٹکس خام خیالی اورخیالی مناظر والی کیفیات کو بہتربناتی ہیں،جب کہ اینٹی ڈپریسنٹ اور اینٹی اینگزائٹی کی ادویات مزاج میں تبدیلی، نیند میں خلل اورچڑچڑاپن کا علاج کرتی ہیں۔ 
&nbsp;

ادویات کے ساتھ ساتھ،رہن سہن کے طریقوں میں تبدیلیاں اور ماحولیاتی تبدیلیاں بھی ضروری ہیں۔ الزائمر کے مریض کے لیے درج ذیل تبدیلیاں مفید ثابت ہوئی ہیں:

<ul>
	<li dir="rtl" style="text-align:right">پُرسکون ماحول</li>
	<li dir="rtl" style="text-align:right">متحرک رہنا</li>
	<li dir="rtl" style="text-align:right">یاد دہانیاں ترتیب دیں</li>
	<li dir="rtl" style="text-align:right">کافی نیند لینا</li>
	<li dir="rtl" style="text-align:right">طرزعمل کے محرکات کی نشاندہی کرنا</li>
	<li dir="rtl" style="text-align:right">باتھ رومز اورسیڑھیوں میں ہینڈریل لگانا</li>
	<li dir="rtl" style="text-align:right">آرام دہ اور پرسکون جوتے پہننا</li>
	<li dir="rtl" style="text-align:right">ہمیشہ شناختی کارڈ ساتھ رکھنا</li>
	<li dir="rtl" style="text-align:right">گھر کے اِرد گِرد اضافی بے ترتیبی اور قالین کو ہٹانا 
	&nbsp;</li>
</ul>

دماغی نقصان اورعلامات کے بڑھنےسے پیچیدگیاں پیدا ہوتی ہیں جن میں درج ذیل شامل ہیں:

<ul>
	<li dir="rtl" style="text-align: right;">نگلنے میں ناکامی کی وجہ سے پھیپھڑوں میں خوراک یا مائع کا داخل ہوجانا</li>
	<li dir="rtl" style="text-align: right;">نمونیا اوردیگرانفیکشن</li>
	<li dir="rtl" style="text-align: right;">گِرنااورفریکچرہوجانا&nbsp;</li>
	<li dir="rtl" style="text-align: right;">پانی کی کمی</li>
	<li dir="rtl" style="text-align: right;">قبض یا اسہال</li>
	<li dir="rtl" style="text-align: right;">بیڈسورز</li>
	<li dir="rtl" style="text-align: right;">غذائیت</li>
	<li dir="rtl" style="text-align: right;">انفیکشن</li>
	<li dir="rtl" style="text-align: right;">دانت کاسڑنا 
	&nbsp;</li>
</ul>

الزائمر کی بیماری عمر بڑھنے کا ایک عام حصہ نہیں ہے۔اس کےباوجود،بیماری کا خطرہ بڑھتی عمر کےساتھ بڑھتا ہے،خاص طور پر65سال کی عمر کے بعد.<a href="#accordion">[4]</a>

دیگرعوامل جو الزائمر کی بیماری کے خطرے کو بڑھاتے ہیں ان میں درج ذیل&nbsp; شامل ہیں:

<ul>
	<li dir="rtl" style="text-align:right">الزائمر کی بیماری کی خاندانی ہسٹری&nbsp;</li>
	<li dir="rtl" style="text-align:right">دردانگیزدِماغی چوٹ</li>
	<li dir="rtl" style="text-align:right">ماحولیاتی آلودگیاں مثلاً کیڑے مار ادویات اورکیمیکلز کی زد میں آنا&nbsp;</li>
	<li dir="rtl" style="text-align:right">ڈاؤن سنڈروم</li>
	<li dir="rtl" style="text-align:right">ہائی بلڈ پریشر</li>
	<li dir="rtl" style="text-align:right">ہائی کولیسٹرول</li>
	<li dir="rtl" style="text-align:right">مُٹاپا</li>
	<li dir="rtl" style="text-align:right">نیند کی خرابی</li>
	<li dir="rtl" style="text-align:right">رہن سہن کے غیر مناسب طریقے&nbsp;</li>
	<li dir="rtl" style="text-align:right">شراب نوشی کی کثرت&nbsp; 
	&nbsp;</li>
</ul>

الزائمر ایک قابل علاج بیماری نہیں ہے۔ تاہم،درج ذیل اقدامات متعلقہ افراد کے لئےخطرے کو کم کر سکتے ہیں اور فہم کے زوال کو روک سکتے ہیں:

<ul>
	<li dir="rtl" style="text-align: right;">صحت مند غذا</li>
	<li dir="rtl" style="text-align: right;">فعّال رہن سہن&nbsp;</li>
	<li dir="rtl" style="text-align: right;">ذیابیطس، بلڈ کولیسٹرول اور بلڈ پریشرکو کنٹرول میں رکھیں</li>
	<li dir="rtl" style="text-align: right;">ذہنی طور پرحوصلہ افزا سرگرمیوں میں حصہ لیں مثلاً دستکاری کرنا، پہیلیاں حل کرنا،اورکوئی آلہ بجان</li>
	<li dir="rtl" style="text-align: right;">تمباکو نوشی چھوڑ دیں&nbsp;</li>
	<li dir="rtl" style="text-align: right;">حد سے زیادہ شراب نوشی نہ کریں 
	&nbsp;</li>
</ul>

ایڈتھ کوون یونیورسٹی کے تحقیق کاروں&nbsp; کی ایک ٹیم نے الزائمر کی بیماری&nbsp; اور آنتوں کےامراض کے درمیان تعلق کی نشان دہی کی ہے۔<a href="#accordion">[8]</a>مشاہداتی مطالعہ نے تقریباً400,000لوگوں کےجینیاتی ڈیٹا کا تجزیہ کیا جن میں الزائمر کی بیماری اور معدے کی خرابی تھی ۔اس کی وجہ سے دونوں کیفیتوں کی مشترکہ جین کی دریافت ہوئی۔ مزیدیہ کہ، تحقیق کاروں نےالزائمر اورآنتوں کے امراض دونوں میں کولیسٹرول کی غیر معمولی سطح کو نوٹ کیا۔ اس طرح،مطالعہ نےنئیادویات کے نئے اہداف کی تیاری اور بیماریوں کے پس منظر میں کام کرنے والےبنیادی حیاتیاتی میکانزم کی تحقیقات کے دروازے کھول دیئےہیں۔ 
&nbsp;

&quot;الزائمر&quot;اور&quot;ڈیمنشیا&quot;اکثراوقات ایک دوسرے کےمترادف کے طور پراستعمال کئے جاتے ہیں۔ تاہم، ڈیمنشیا کوئی مخصوص بیماری نہیں ہے۔ اس کے بجائے، یہ اصطلاح فہمی صلاحیتوں مثلاً حافظہ یا سوچ میں تبدیلیوں کو بیان کرنے کےلئے&nbsp; استعمال کی جاتی ہے۔ اس کی کئی اقسام اور وجوہات ہو سکتی ہیں جن میں &quot;پارکنسن&quot; کی بیماری، &quot;الزائمر&quot; کی بیماری،دماغی تکلیف دہ چوٹ،&quot;ہنگ ٹِنگ ٹن&quot; کی بیماری،اور بہت کچھ شامل ہیں۔دوسری طرف، الزائمرکی بیماری ایک مخصوص اعصابی عارضہ ہے اور یہ ڈیمنشیا کی سب سے زیادہ عام قِسم ہے۔ 
&nbsp;

اہم نکات

<ul>
	<li dir="rtl" style="text-align: right;">الزائمرکی بیماری ایک تدریجی&nbsp;اعصابی عارضہ ہے،جو دماغ کے اندرامائلائیڈ پلاک اوراعصابی فائبریلری ٹینگلزکے جمع ہونے کی وجہ سےلاحق ہوتا ہے۔ یہ غیر معمولی پروٹین کا ارتکاز اعصاب&nbsp;کو نقصان پہنچاتا ہےجو مزید دماغی ناکارگی&nbsp; کا سبب بنتے ہیں ۔</li>
	<li dir="rtl" style="text-align: right;">الزائمر کی بیماری کی دو قسمیں ہیں:جَلد شروع ہونے والی&nbsp;اور دَیرسےشروع ہونے والی۔جَلد&nbsp;شروع ہونے والی الزائمر کی بیماری بہت کم صورتوں میں ہوتی ہےاورزیادہ تر40سے50 کی دہائی کےدوران ظاہرہوتی ہے۔ دَیر سےشروع ہونے والا الزائمر سب سے زیادہ عام ہے اور65 سال کی عمر کے بعد سے ظاہر ہوتا ہے۔</li>
	<li dir="rtl" style="text-align: right;">یادداشت کی کمی اور فہم کمی الزائمر کی بیماری کی خصوصیت ہے۔متاثرہ افراد کو کاموں کو انجام دینے میں دُشواری کا سامنا کرنا پڑتا ہے جس میں استدلال، سوچ،فیصلہ، اور یہاں تک کہ روزمرّہ کےبنیادی کام مثلاً مائیکرو&nbsp; &nbsp; &nbsp; &nbsp; &nbsp; &nbsp; &nbsp; ویو کا استعمال کرنے میں مشکلات پیش آتی ہیں۔ آخر کار، متاثرہ فرد&nbsp;بات چیت کرنے کی تمام صلاحیتوں سےمحروم ہو سکتا ہے۔</li>
	<li dir="rtl" style="text-align: right;">جیسے جیسےعلامات بگڑتی جاتی ہیں اوردماغ کے مختلف حِصّوں&nbsp;میں خلیات کی موت واقع ہوتی ہے،نمونیا، پانی کی کمی،فریکچر،بیڈسورز اورغذائی قِلّت جیسی پیچیدگیاں پیدا ہو سکتی ہیں۔</li>
	<li dir="rtl" style="text-align: right;">Mini-Mental State Examination (MMSE)، Montreal Cognitive Assessment (MoCA)،اور Mini-Cog ٹیسٹ کی سفارش کی جاتی ہے کہ وہ ڈیمینشیا یا فہم کی&nbsp; خرابی کا پتہ لگا کرالزائمر کی بیماری کے لیے اسکریننگ کریں۔ تاہم، دیگر بیماریوں کو مسترد کرنے کے لئے&nbsp; دماغ کی&nbsp;عکس بندی&nbsp;اور خون کے ٹیسٹ کے بعد ہی تشخیص کی جاتی ہے۔</li>
	<li dir="rtl" style="text-align: right;">الزائمر کا کوئی علاج نہیں ہے، لیکن بعض ادوایت&nbsp; بیماری کے بڑھنے کی رفتار&nbsp; کوکم کرتی ہیں،علامات میں کمی لاتی ہیں ، اور زندگی کےمجموعی معیار کو بہتر کرتی ہیں۔ ان میںcholinesterase inhibitors (donepezil، rivastigmine)، antidepressants، antipsychotics، اور anti- anxiety ادویات شامل ہیں۔ ابھی حال ہی میں مونوکلونل اینٹی باڈی Aducanumab کو ابتدائی الزائمرکی بیماری میں استعمال کے لئے&nbsp;FDA کی&nbsp;جانب سے منظور کیا گیا ہے۔</li>
</ul>

[1] Hippius, H., & Neundörfer, G. (2003). The discovery of Alzheimer's disease. Dialogues in clinical neuroscience, 5(1), 101–108.

[2] Alzheimer's Association, n.d. What is Alzheimer's Disease?. [Online]

[3] GBD 2019 Dementia Forecasting Collaborators, 2022. Estimation of the global prevalence of dementia in 2019 and forecasted prevalence in 2050: an analysis for the Global Burden of Disease Study 2019. The Lancet, 7(2), pp. E105-E125.

[4] Kumar A, Sidhu J, Goyal A, et al. Alzheimer Disease. [Updated 2021 Aug 11]. In: StatPearls [Internet]. Treasure Island (FL): StatPearls Publishing; 2022 Jan-.

[5] World Health Rankings, 2020. Pakistan: Alzheimer's & Dementia. [Online]

[6] Goldman JS, Hahn SE, Catania JW, LaRusse-Eckert S, Butson MB, Rumbaugh M, et al. (2011) Genetic counseling and testing for Alzheimer disease: joint practice guidelines of the American College of Medical Genetics and the National Society of Genetic Counselors. Genet Med. 13(6):597-605.

[7] FDA, 2021. FDA Grants Accelerated Approval for Alzheimer’s Drug. [Online]

[8] Adewuyi, E.O., O’Brien, E.K., Nyholt, D.R. et al. A large-scale genome-wide cross-trait analysis reveals shared genetic architecture between Alzheimer’s disease and gastrointestinal tract disorders. Commun Biol 5, 691 (2022).