اینتھراکس ایک مہلک بیماری ہے جو گرام پازیٹو، بیکٹیریم بیکیلس اینتھراسیس کی وجہ سے ہوتی ہے۔

اینتھراکس

جائزہ

اینتھراکس ایک مہلک بیماری ہے جو گرام پازیٹو، راڈ کی شکل والے بیکٹیریم بیکیلس اینتھراسیس کی وجہ سے ہوتی ہے۔ جنگلی اور گھریلو دونوں جانور اس سےقدرتی طور&nbsp; اکثر متاثر ہوتے ہیں۔پھر بیمار جانور یا متاثرہ جانوروں کی مصنوعات ،انسانوں کو انفیکشن منتقل کر سکتی ہیں۔&nbsp;

اینتھراکس کے زیادہ تر کیسز کم آمدنی والے ممالک میں ہوتے ہیں۔ اگرچہ یہ ہر جگہ پایا جا سکتا ہے، لیکن جنوبی اور وسطی امریکہ، مشرقی اور جنوبی یورپ، افریقہ، ایشیا، کیریبین اور مشرق وسطیٰ میں زرعی اینتھراکس کی شرح سب سے زیادہ ہے۔ اینتھراکس جلد، معدے کے نظام اور پھیپھڑوں کے ذریعے پھیل سکتا ہے۔ اینتھراکس کو&nbsp; مہلک چھالے یا وول سارٹر کی بیماری بھی کہا جاتا ہے۔&nbsp; یہ ایک شدیدمتعدی اور سنگین بیماری ہے جو انسانوں اور جانوروں دونوں کو متاثر کرتی ہے۔ یہ بیکٹیریم Bacillus anthracis کے ذریعے پیدا ہوتی ہے، جو کہ بعض حالات میں زیادہ مزاحم اسپورز/افزائشی خلئے پیدا کر سکتا ہے جو لمبےعرصے تک زندہ رہتے ہیں اور اپنے متعدی پن کو برقرار رکھتے ہیں۔ اگرچہ اینتھراکس زیادہ تر بڑے سبزی خوروں کو متاثر کرتا ہے جیسے مویشی، بھیڑ، بکری، گھوڑے اور خچر، جبکہ انسان ان کاگوشت کھانے سے یا متاثرہ جانوروں کی اون، بالوں، کھالوں، ہڈیوں یا باقیات کو چھونے سے متاثر ہوتے ہیں۔ &nbsp;بیماری کا پھیلاؤ عام طور پر ان علاقوں میں ہوتا ہے، جہاں مویشیوں کو وائرس کے خلاف حفاظتی ٹیکے نہیں لگائے جاتے ہیں۔ اینتھراکس بیکٹیریم کے اسپورز چھونے سے منتقل ہوتے ہیں ، جو اکثر متاثرہ جانوروں کی مصنوعات میں پائے جاتے ہیں، ۔ تاہم یہ منتقلی سانس لینے، چبانے، یا کھلی جلد&nbsp; کے ذریعے بھی ہو سکتی ہے۔&nbsp; اس کے بعد وہاں سے یہ بالواسطہ طور پر لوگوں میں پھیلتا ہے۔ زیادہ خطرے والی آبادی میں کسان، جانوروں کے ڈاکٹر، مویشیوں کو سنبھالنے والے، تشخیصی لیبارٹری کا عملہ اور جانوروں کی مصنوعات سے متعلق کام کرنے والے افراد شامل&nbsp; ہیں۔ خون میں پائے جانے والے اینٹی باڈیز یا زہریلے مادے اور متاثرہ حصے کے نمونے کو تشخیص کی تصدیق کے لیے ٹیسٹ کیا جا سکتا ہے۔ خوش قسمتی کی بات ہے کہ اینٹی بائیوٹکس یا دیگر ادویات کے ساتھ فوری علاج کے بعد، اینتھراکس کے زیادہ تر مریض صحت یاب ہو جاتے ہیں۔ تاہم سانس کے ذریعے منتقل ہونے والااینتھراکس، زیادہ مہلک اور علاج کے لیے مشکل ہوتا ہے، جو اسے بائیو ٹیررازم کا ممکنہ خطرہ بناتا ہے۔<div> </div>

علامات

اینتھراکس ایک بیکٹیریل انفیکشن ہے، جو بیکیلس اینتھراسیس کی وجہ سے ہوتا ہے۔ یہ جلد، پھیپھڑوں اور معدے کے ذریعے لگ سکتا ہے۔ وائرس سے متاثر ہونے کے بعد، علامات کم از کم 24 گھنٹوں کے اندر ظاہر ہو سکتی ہیں یا انہیں ظاہر ہونے میں دو ماہ سے زیادہ کا وقت بھی لگ سکتا ہے۔ <ul><li>کیوٹینئس اینتھراکس</li></ul>اس میں جلد کے زخموں کے ذریعے بیکٹیریا جسم کو متاثر کرتا ہے۔ یہ اینتھراکس کی سب سے زیادہ عام اور غیر مہلک شکل ہے۔ جانوروں کے ڈاکٹروں اور جانوروں کی اون، کھال یا بالوں کے ساتھ کام کرنے والوں کواس سے سب سے زیادہ خطرہ لاحق ہوتا ہے۔ ابتدائی طور پر، یہ اطرافی&nbsp; ورم کے ساتھ صرف ایک چھوٹے چھالےکی صورت میں ظاہر ہوتا ہے، پھر یہ آہستہ آہستہ بغیر درد کا السربن جاتا ہے جس کا ایک سیاہ مرکز ہوتا ہے۔ جلد پر اینتھراکس انفیکشن عام طور پر تکلیف دہ نہیں ہوتے ہیں۔ تاہم، قریبی لمف نوڈس متاثرہوکرسوجن اور حساسیت کا شکارہو جاتے ہیں۔ زخم پر چند دنوں کے اندر چھالا بن جاتا ہے۔ بالآخر، یہ چھلکا جاتا ہے، لیکن اسے مکمل طور پر ٹھیک ہونے میں زیادہ وقت لگ سکتا ہے۔ Bacillus anthracis spores اکثر جلد کے زخموں کے ذریعے داخل ہوتے ہیں۔ انسانوں میں اس قسم کے سب سے زیادہ کیسز اس وقت ہوتے ہیں، جب بیمار جانوروں سے اینتھراکس اسپورز یا متاثرہ جانوروں سے ماخوذ اشیاء کھلی یا زخمی جلد کو متاثر کرتی&nbsp; ہیں۔ اس میں مناسب دیکھ بھال کے بغیرموت کی شرح 20٪ تک زیادہ ہے۔ <ul><li>سانس سے متعلق اینتھراکس</li></ul>اینتھراکس کی یہ مہلک قسم ،اینتھراکس کے اسپورز&nbsp; سانس میں جانے سے لگتی ہے۔ یہ سانس کےسنگین مسائل یا موت کا سبب بن سکتی ہے۔ سانس والے اینتھراکس کو بعض اوقات وول سورٹر کی بیماری کے نام سے جانا جاتا ہے کیونکہ اون کی ملوں، مذبح خانوں اور ٹینریز میں کام کرنے والے افرادمتاثرہ جانوروں کے جراثیم کو سانس&nbsp; سے اندرلیتے ہیں۔ اس قسم میں بخار، سینے میں درد اور سانس لینے میں دشواری کی علامات ہوتی ہے۔ عام طور پر سانس والے اینتھراکس سے متاثرہونےکے بعد علامات کو ظاہر ہونے میں 1 ہفتہ لگتا ہے، لیکن یہ مدت 2 ماہ تک بھی بڑھ سکتا ہے۔ زیادہ تر مریضوں کو بیماری کے پہلے چند دنوں کے دوران بخار، سردی لگنا اور تھکاوٹ کا سامنا کرنا پڑتا ہے۔ ان علامات کے نتیجے میں سانس والے اینتھراکس، انفلوئنزا اور بیرون ہسپتال&nbsp; سے لگنے والےنمونیا کے درمیان فرق کرنا مشکل ہو تا ہے۔ مریضوں کو کھانسی، سانس لینے میں دشواری اور سینے میں درد بھی ہو سکتا ہے۔ اس مرحلے کو اکثر پروڈرومل/پیش علامتی مرحلہ کہا جاتا ہے۔ اگلے دن یا اس کے بعد، سینے میں تکلیف کے علاوہ دیگر مسائل جیسے کہ قے، متلی، یادداشت کی کمزوری، پسینہ آنا، اور سر درد کی علامات تقریباً ایک تہائی مریضوں میں ظاہر ہونا شروع ہو جاتی ہیں۔ صرف 25% افراد اوپری سانس کی نالی کی علامات کا سامنا کرتے ہیں اور پٹھوں میں دردزیادہ عام نہیں ہے۔ بیماری کا علامتوںکامرحلہ عام طور پر بدلی ہوئی ذہنی حالت یا سانس لینے میں دشواری سے ظاہر ہوتا ہے۔ پھیپھڑوں میں اینتھراکس سے ہیمرجک میڈیاسٹائنائٹس اور پھیپھڑوں کےورم کامسئلہ ہوتا ہے۔ ایک بار جب لمف نوڈس بھی متاثر ہو جائیں، تو بیکٹیریمیا/جراثیم زدگی اور موت جلد پیش آسکتی ہے۔ <ul><li>معدے کا انتھراکس</li></ul>اس قسم کا اینتھراکس ان لوگوں کو متاثر کرتا ہے جو کسی متاثرہ جانور کا کچا یا کم پکا ہوا گوشت کھاتے ہیں۔ بیکٹیریا پورے معدے کے نظام پر اثر انداز ہوتے ہیں -یعنی غذائی نالی، معدہ، گلا اور آنتیں۔ معدے کے اینتھراکس کے کیسزامریکہ میں کم عام ہیں۔ اس کی وجہ یہ ہے کہ امریکی&nbsp; کسانوں میں&nbsp; اپنے مویشیوں کو اینتھراکس کے خلاف حفاظتی ٹیکے لگانے کا رجحان ہے۔ معدے کےاینتھراکس کی علامات الٹی، متلی، اسہال (جو خونی ہوسکتی ہے) اور پیٹ کی تکلیف کے طور پر ظاہر ہوتی ہیں۔ گلے اور منہ کے علاوہ آنتوں میں بھی اس سے انفیکشن کی نشاندہی ہوئی ہے۔ جب بیکٹیریا خون کے بہاؤمیں داخل ہوکر پورے جسم میں پھیل جاتےہیں، تویہ مسلسل زہریلے مادوں کو پیدا کرتے رہتے ہیں۔ اموات کی شرح 25-60٪ کے درمیان ہوتی ہے۔ <ul><li>انجکشن سے ہونے والا اینتھراکس</li></ul>انجکشن کااینتھراکس ہیروئن استعمال کرنے والوں کو متاثر کرتا ہے۔ یہ قسم شمالی یورپ میں زیادہ عام ہے۔ امریکہ میں اس کی کوئی اطلاع نہیں ہے۔ اس عام طور پر میں جلد کے نیچے گہرائی میں پٹھے یا ٹشوز متاثر ہوتے ہیں۔&nbsp; انجکشن کی جگہ پر پھوڑا اور بخار اس کی عام علامات ہیں۔ جسمانی رطوبتوں کا سامنا کرنے پر،&nbsp; اینتھراکس بیکٹیریا فعال ہو جاتے ہیں، تعدادبڑھاتے ہیں اور پورے جسم میں پھیل جاتے ہیں ۔اس کے جراثیم ایک زہریلا اور ممکنہ طور پر مہلک ردعمل پیدا کرتے ہیں۔ وہ لوگ جن میں&nbsp; سانس ، کھانے یا ان کی جلد کے ذریعے اسپورز منتقل ہوتےہیں، ان میں بھی یہی علامات ہوتی ہیں۔ جلد کے اینتھراکس کے مقابلے میں، انجکشن کااینتھراکس جسم میں زیادہ تیزی سے پھیلتا ہے اور اس لیے ڈاکٹرز کے لیے شناخت اور علاج کرنا زیادہ مشکل ثابت ہوتا ہے۔<div> </div>

اسباب

<ul><li>&nbsp;بیکٹیریا</li></ul>اینتھراکس ایک مطابقت پذیر،چھڑی کے سائز کے بیکٹیریم کی وجہ سے ہوتا ہے جسے بیسیلس اینتھراسیس کہا جاتا ہے، اس کا سائز تقریباً 1 بائی 9 ملی میٹر ہے۔ 1876 میں، رابرٹ کوچ نے ایک متاثرہ گائے کے خون کا نمونہ استعمال کرتے ہوئے بیکٹیریا کو الگ کیااور اسے ایک چوہے میں داخل کرکے یہ نشاندہی کی کہ ،یہ بیماری پیدا کرنے والا ایجنٹ ہے۔ جراثیم عام طور پر مٹی میں اسپورز کے طور پر مخفی ہوتے ہیں، جہاں یہ کئی دہائیوں تک زندہ رہنے کے قابل ہوتا ہے۔ سبزی خور جانور چرنے کے دوران اکثر بیمار ہو جاتے ہیں، خاص طور پر جب کھردرے، سوزشی یا کانٹے دار پودے کھاتے ہیں۔ یہ تجویز کیا گیا ہے کہ ان پودوں کے نتیجے میں معدے کی نالی کے زخم ہو سکتے ہیں، جو بافتوں میں بیکٹیریا کے داخل ہونے میں مدد کرتے ہیں۔ ایک بار جب جراثیم میزبان کے اندر آجائیں (کچھ کھانے سے یا کھلے زخم یا جلد کے زخم سے)، تووہ چند دنوں میں بڑھنا شروع کر دیتے ہیں۔ سانس سے اندر جانے پر ان اسپورز کا سبزی خوروں اور انسانوں کے پھیپھڑوں میں، ہوا کے چھوٹے تھیلوں میں داخل ہونا عام بات ہے۔ اسے سانس کے انفیکشن کے نام سے جانا جاتا ہے۔ پھیپھڑوں میں اسکوینجر سیلز (جسے میکروفیج کہتے ہیں) میں جانے کے بعد، یہ اسپورزباریک نالیوں کے ذریعے پھر سینے کی مرکزی کیویٹی میں لمف نوڈس میں جاتے ہیں، جنھیں لمفیٹکس کہا جاتا ہے۔ یہ سینے کی مرکزی کیویٹی کو نقصان پہنچا سکتا ہے اور اس وجہ سے سینے میں درد اور سانس لینے کے مسائل پیدا ہوتے ہیں۔&nbsp; یہ اسپورز، لمف نوڈس میں فعال bacilli میں جاتے ہیں، جہاں وہ بڑھتے ہیں اور آخر میں پھٹ جاتے ہیں، خون کے بہاؤ میں لاتعداد اضافی bacilli جاری کرتے ہیں۔&nbsp; یہ جراثیمی اسپورز&nbsp; خون میں تین پروٹین پیدا کرتے ہیں، یعنی مہلک عنصر (LF)، ورم کا عنصر (EF)، اور پروٹیکشن اینٹیجن (PA)۔ اگرچہ تین میں سے کوئی بھی اپنے طور پر زہریلا نہیں ہے، لیکن جب وہ یکجا ہو جائیں تو یہ لوگوں کے لیے انتہائی مہلک ثابت ہو سکتے ہیں۔ مہلک ٹاکسن PA اور LF پر مشتمل ہوتا ہے جبکہ ورم کا عنصرPA اور EF پر مشتمل ہوتا ہے۔ یہ زہر بافتوں کو پہنچنے والے نقصان، خون رسنے اور میزبان کی موت کی بنیادی وجوہات ہیں۔&nbsp; اگر اینٹی بائیوٹکس بہت دیر سے دی جائیں، تو bacilli سے پیدا ہونے والے زہریلے مادے، میزبانوں کے نظام میں مہلک حد تک پہنچ جاتے ہیں۔ یہاں تک کہ اگر اینٹی بائیوٹکس کامیابی سے بیکٹیریا کو ختم کردیں ،توبھی وہاں باقیات ہو سکتی ہیں، اس لیے میزبان پھر بھی ٹاکسیمیا کا شکار ہو جائیں گے۔&nbsp; <ul><li>تعامل</li></ul>اینتھراکس اسپورزمیں سال یا ہزار سال تک ناموافق حالات کو برداشت کرنے کی صلاحیت ہوتی ہے۔ انٹارکٹیکا سمیت تمام براعظموں میں یہ اسپورزموجود ہیں۔ ستر سال کے بعد بھی جانوروں کے قبرستان کی جگہوں پر انفیکشن کی موجودگی دیکھنے میں آئی ہے۔ یہ نوٹ کرنا ضروری ہے کہ اینتھراکس زیادہ آمدنی والے ممالک میں بہت ہی کم پایا جاتاہے۔&nbsp; وہ کارکن جو مردہ جانوروں اور ان کی مصنوعات کی زد میں ہوتے ہیں، خاص طور پر ان ممالک میں جہاں اینتھراکس بہت زیادہ پایا جاتا ہے، ایسے لوگ سب سے زیادہ خطرے میں ہوتےہیں۔<div> </div>

تشخیص

<ul><li>&nbsp;کیوٹینئس اینتھراکس</li></ul>اگر ڈاکٹر کو اینتھراکس کا شبہ ہے، تو وہ مریض کے خون میں اینتھراکس اینٹی باڈیز یا زہریلے مادوں کا پتہ لگانے کے لیے ٹیسٹ کا کہیں گے۔ وہ جسم کے متاثرہ حصے کے لحاظ سے مزید جانچ کے لیے بھی کہہ سکتے ہیں۔ ڈاکٹروں کو عام طور پر جلد کی علامات کی بنیاد پر کیوٹینئس اینتھراکس کا شبہ ہوتا ہے۔ تشخیص کا تعین اس آگہی سے ہوتا ہے کہ کوئی شخص جانوروں، جانوروں کی مصنوعات کی زد میں رہاہے، یا کسی ایسے مقام پر رہا ہے جہاں دوسرے افراد کو اینتھراکس کا مرض لاحق ہو۔ کیوٹینئس اینتھراکس کی نمایاں علامات، جیسے جلد پر ابھار اور زخم کے آس پاس میں اینتھراکس بیکٹیریا کی موجودگیکو، تشخیص کے لیے استعمال کیا جا سکتا ہے۔ یہ جاننا بھی ضروری ہے کہ مریض کے مویشیوں یا دیگر ممکنہ جانوروں کی مصنوعات سے رابطے کی ہسٹری ہے۔&nbsp; <ul><li>&nbsp;معدے کا انتھراکس</li></ul>معدے کے اینتھراکس کی تشخیص زیادہ مشکل ہے۔ فضلے کے ٹیسٹ سے معدے کے اینتھراکس کی شناخت میں مدد مل سکتی ہے۔ <ul><li>سانس کا انتھراکس&nbsp;</li></ul>اگر سانس کےاینتھراکس کا شبہ ہو تو، کمپیوٹیڈ ٹوموگرافی (CT) یا سینے کا ایکسرے کیا جاتا ہے۔ فضلے کے نمونے، پھیپھڑوں کے ارد گرد موجود سیال، اور متاثرہ جلد کو بھی اکٹھا کیا جاتا ہے اور مائکرواسکوپ یا کلچرڈ کے تحت معائنہ ان کاجائزہ لیا جاتا ہے۔ موجود ہو نے پر، اینتھراکس کے جراثیم ان ذرائع سے آسانی سےمتعین ہوسکتے ہیں۔تاہم، ڈاکٹردماغ اور ریڑھ کی ہڈی کے ارد گرد موجود سیال کا نمونہ حاصل کرنے کے لیے ریڑھ کی ہڈی کا ٹیپ (لمبر پنکچر) انجام دے سکتا ہے اور ساتھ ہی ان مریضوں میں بھی جن کی علامات (مثلاً، بے ربط انداز) دماغ پر اثر انداز ہونے کا اشارہ دیتی ہیں۔ پھراس نمونے کا جائزہ لیا جاتا ہے۔سانس سے جانے والا اینتھراکس زیادہ مہلک اوراس کا علاج کرنا مشکل ہوتا ہے۔

علاج

چونکہ علامات ہمیشہ فوری طور پر ظاہر نہیں ہوتیں، اس لیے مریض ان سے بے خبر ہو سکتا ہے۔ تاہم، اگر انہیں یقین ہے کہ وہ اینتھراکس سے متاثر ہوئے ہیں، تو انہیں فوراً طبی امداد حاصل کرنی چاہیے۔ اینتھراکس کے علاج میں یہ دیکھنے کے لیے خون کے ٹیسٹ کی ضرورت ہوتی ہے، کہ آیا اینتھراکس بیکٹیریم کے ذریعے کوئی اینٹی باڈیز یا خون میں زہریلا مواد پیدا ہوا ہے۔ مزید برآں جلد کے نمونے، ریڑھ کی ہڈی کے سیال، فضلے، یا بلغم کو نمونے کے طور پر حاصل کیا جا سکتا ہے۔ &nbsp;اس کے بارے میں ڈاکٹر کو مطلع کرنا انتہائی ضروری ہےکہ کیا ہوا تھا، کیونکہ اس سے زد میں آنے کی قسم علاج کے طریقہ کار کا تعین کرے گی۔ مثال کے طور پر، اگر یہ سانس سے جانے والے اینتھراکس اسپورز کا معاملہ ہے، تو ڈاکٹر سینے کے ایکسرے یا سی ٹی اسکین تجویز کرسکتا ہے۔ <ul><li>&nbsp;اینٹی بائیوٹکس: مریضوں کو عام طور پر انجکشن کے ذریعے اینٹی بائیوٹکس دی جاتی ہیں۔</li><li>&nbsp;اینٹیٹاکسن/مانع زہر: یہ اینتھراکس بیکٹیریا سے پیدا ہونے والے زہریلے مادوں کو بے اثر کرنے کا کام کرتا ہے۔ اینتھراکس اینٹی ٹاکسنز، بشمول اوبیلٹوکساسیماب (اینتھیم) اور ریکسی بیکوماب (اے بی تھراکس)، سانس کے اینتھراکس کے علاج کے لیے استعمال کیے جا سکتے ہیں۔</li><li>&nbsp;ویکسینیشن: یہ آپشن صرف ان لوگوں کے لیے دستیاب ہے، جن کو اس کے زد میں آنے کا خطرہ ہے۔ مثال کے طور پر، وہ لوگ جو لیب میں اینتھراکس پر کام کرتے ہیں یا جو جانوروں یا جانوروں کی مصنوعات کا انتظام کرتے ہیں۔ اس میں بعض امریکی فوجی اہلکار بھی شامل ہیں۔</li></ul> اینتھراکس سے متاثر&nbsp; ویکسین ہونے کے بعد ویکسین دینے کی سفارش نہیں کی جاتی ہے، لیکن یہ کسی دہشت گرد&nbsp; حملے کی طرح کی ہنگامی حالت میں دی&nbsp;جا سکتی ہے۔ ایسی صورت حال میں، متاثرہ افراد کو 4 ہفتوں کے دوران 3 ویکسینیشن اور 60 دن کے اینٹی بائیوٹک علاج کی ضرورت ہوگی۔ انسانوں اور جانوروں دونوں کے لیے اینتھراکس ویکسینیشن ہیں۔ ویکسینیشن کی بدولت جانوروں کے کیسز میں نمایاں کمی آئی ہے، لیکن یہ مکمل طور پر ختم نہیں ہوئے ہیں۔ عام امریکی آبادی کے لیے انسانی ویکسینیشن کا مشورہ نہیں دیا جاتا ہے، لیکن یہ مشورہ ان لوگوں کے لیے دیا جاتا ہے، جو زیادہ خطرے والے پیشوں میں ہیں۔&nbsp;&nbsp; بائیو ٹیررازم کے کیسز پر صحت عامہ کے ردعمل کے ایک حصے کے طور پر، کمیونٹی کے ان ممبران کے لئے ویکسینیشن کازیادہ وسیع پیمانے پر مشورہ دیا&nbsp;جا سکتا ہے جو زدمیں آئے تھے۔&nbsp; اگرچہ اینٹی بائیوٹک تھراپی مؤثر طریقے سے اینتھراکس کا علاج کر سکتی ہے، لیکن کلینیکل کورس اکثر اتنا تیز ہوتا ہے کہ متاثرہ جانوروں کا علاج ممکن نہیں ہوتا۔ اینتھراکس ویکسینیشن سے 90% انفیکشن سے بچا جا سکتا ہے۔ تاہم، صرف وہ لوگ جو 18 اور 65 سال کی عمر کے درمیان ہیں اور وہ زیادہ خطرے والے پیشوں میں ملازم ہیں،وہ ویکسینیشن کے لئے موزوں ہیں۔&nbsp; یہ ویکسینیشن 18 ماہ کے دوران پانچ شاٹس میں دی جاتی ہے۔ اس کے بعدہر سال بوسٹر شاٹ لینے کی سفارش کی جاتی ہے۔ امریکہ میں جانوروں کے لیے تیار کردہ ایک خصوصی اینتھراکس ویکسینیشن ان مویشیوں کو دی جاتی ہے، جو اینتھراکس کے شکار علاقوں&nbsp;جیسے ٹیکساس کے مخصوص علاقوں میں چرتے ہیں۔ عام لوگ اینتھراکس کی ویکسینیشن حاصل نہیں کر سکتے۔<div> </div>

اگر علاج نہ کیا جائے تو انتھراکس جان لیوا ہو سکتا ہے۔ اینتھراکس کی قسم کی بنیاد پر پیچیدگیاں مختلف ہوتی ہیں۔

جلد کے اینتھراکس کا علاج کروانے والے تقریباً تمام مریض صحت یاب ہو جاتے ہیں۔ 20% متاثرہ افراد جنہیں طبی امداد نہیں ملتی وہ انتقال&nbsp;کر جاتے ہیں۔ 
&nbsp;

نظام ہضم کے کیسز میں، 60% مریض ٹھیک ہو جاتے ہیں۔ جبکہ متاثرہ افراد میں سے آدھے سے زیادہ انتقال کر جاتے ہیں اگر ان کا علاج نہ کیا جائے۔ نظام انہضام میں&nbsp; اینتھراکس کے نتیجے میں دماغ اور ریڑھ کی ہڈی کی مہلک بڑھوتی (میننگوئنسفلائٹس) ہو سکتی ہے۔ 
&nbsp;

55% افراد جن کا علاج نہیں کیا جاتا ان کے مقابلے میں، سانس کے اینتھراکس میں مبتلا افراد بروقت طبی امداد سے صحت یاب ہو جاتے ہیں۔ اس صورت میں شرح ، تقریباً 15 فیصد تک گر جاتی ہے۔

اینتھراکس کے سب سے شدید ذیلی اثرات میں یہ شامل ہیں: 
&nbsp;

<ul>
	<li>&nbsp;جسم کی انفیکشن کے ساتھ موافقت نہ ہونے کی وجہ سے, عام طور پر کئی اعضاء کے نظاموں (سیپسس) کو نقصان پہنچ سکتا ہے</li>
	<li><a href="https://merisehat.pk/ur/disease/bacterial-meningitis">گردن توڑ بخار</a>، یا ہیمرجک میننجائٹس، جو دماغ اور ریڑھ کی ہڈی کے گرد جھلیوں اور سیال کی سوزش ہے۔</li>
</ul>

<div>&nbsp;</div>

اگرچہ کھیت کے جانوروں کو اینتھراکس ہونے کا زیادہ خطرہ ہوتا ہے، لیکن انسانوں کو درج ذیل کی صورت میں انفیکشن ہو سکتا ہے: <ul><li>&nbsp;چرنے والے جانوروں کو سنبھالنا</li><li>مویشیوں کے ساتھ ڈاکٹر کے طور پر کام کرنا</li><li>زیادہ خطرے والے علاقے میں فوجی ڈیوٹی پر کام کرنا</li><li>&nbsp;اینتھراکس پر کام کرنے والی کسی لیبارٹری میں ملازم</li><li>زیادہ خطرے والے علاقے میں جانوروں کی کھالیں، بال یا اون کو سنبھالنا</li><li>ہیروئن جیسی غیر قانونی منشیات کا انجیکشن لگانا</li></ul> اینتھراکس جانوروں سے انسانوں میں منتقل ہوتا ہے۔ یہ انسان سے انسان کے رابطے کے ذریعے نہیں پھیلتا ہے، لیکن یہ ممکن ہے کہ جلد کے زخم&nbsp;براہ راست رابطے&nbsp; یا کسی آلودہ چیز (فومائٹ) کے ساتھ رابطے کے ذریعے متعدی ہوسکتے ہیں۔

امریکہ میں فوڈ اینڈ ڈرگ ایجنسی (ایف ڈی اے) کے مطابق "اس دعوے کے لیے کوئی قابل اعتماد سائنسی ثبوت نہیں ہے کہ ، مارکیٹ میں موجود غذائی سپلیمنٹس اینتھراکس کو روکیں گے یا اس کا علاج کریں گے۔" یہ بات ان دعووں کے جواب میں کہی گئی ہے کہ، اوریگانو آئل یا زنک منرل واٹر بیماری کا علاج کر سکتا ہے۔ جانوروں کی مصنوعات کا انتظام کرنے والی جگہوں پر،&nbsp; دھول کی سطح کو کم کرنے کے لیے اندرونی ایگزاسٹ سسٹم سمیت مناسب وینٹیلیشن ہونی چاہئے۔ کام کی جگہ پر ماحول سے باریک ذرات کو بھی ہٹانےوالا&nbsp; &nbsp;ایئر ویکیوم (HEPA) استعمال کرنا چاہئے، جب کہ دباؤ والی تیزہوا، خشک&nbsp; &nbsp; یا کھالوں کوجھاڑنے (صفائی کے لیے) سے گریز کیا جانا چاہیے۔ جانوروں کی خام مصنوعات کا انتظام کرنے والے کارکنوں کو بھی ترسیل کے طریقوں کے بارے میں آگاہی دینے کی ضرورت ہے۔ اسی طرح، ملازمین کو مناسب ذاتی حفظان صحت کو برقرار رکھنے کے لئے ہدایت دینی چاہئیں، جس میں جلد کی کھرونچوں کا علاج بھی شامل ہے۔ کارکنوں کو مناسب حفاظتی آلات پہننے چاہئیں ، بشمول حفاظتی لباس جیسے فیس شیلڈ یا فیس ماسک (N-95) جو صحیح فٹ بھی ہو، آنکھوں کی حفاظت اور حفاظتی دستانے۔ ورکرز کے لئے کام کے بعد کپڑوں کی صفائی اور تبدیل کرنے کی سہولیات ہونی چاہئیں ۔ ہیلتھ کینیڈا ، اینتھراکس کی نگرانی&nbsp; کرنے والےلیبارٹری کے عملے کو مشورہ دیتا ہے کہ وہ بائیو سیفٹی لیول 3 کے طریقہ کار پر عمل کریں،جو مناسب طریقے سے تعمیر شدہ اور چلائی جانے والی سہولیات میں کام کرتے ہیں۔ چونکہ عام آبادی اینتھراکس کی ویکسینیشن حاصل نہیں کر سکتی، اس لیے درج ذیل احتیاطی تدابیر پر عمل کرنا چاہیے خاص طور پر اگر وہ کسی&nbsp;ایسی جگہ جا رہے ہوں، جہاں اینتھراکس موجود ہو: <ul><li>کم پکایا ہوا یا بغیر پکا ہوا گوشت نہ کھائیں۔</li><li>جانوروں کے بالوں یا جلد سے بنی یادداشتوں کو بہت احتیاط سے سنبھالیں یا خریدیں۔</li><li>آوارہ جانوروں کو چھونے یا پالنے سے گریز کریں۔ </li></ul>اینتھراکس تیزی سے موت کاباعث بن سکتا ہے۔ یہ انتہائی کم عام ہے اور اس لیے اس کے ظاہر ہونے پر بائیو ٹیررازم پر شبہ کیا جانا چاہیے، کیونکہ اسے دہشت گردی کے ذریعہ کے طور پر استعمال کیا جاتا ہے اور طبی عملے&nbsp; کےتمام پیشہ ور افراد، بشمول نرسنگ، فارماسسٹ، معالج کے معاونین اور ڈاکٹروں کو اس سے آگاہ ہونے کی ضرورت ہے۔ اس حالت کو ایک بین الضابطہ ٹیم کے ذریعہ بہتر طور پر حل کیا جاتا ہے، جو بائیو ٹیررازم کے علاج پر توجہ مرکوز کرتی ہے کیونکہ اس میں جلد موت کا سبب بننے کا امکان ہوتا ہے۔ اینتھراکس ایک قابل ذکر بیماری ہے۔ اس لئے مقامی حکام کو فوری طور پر مطلع کیا جانا چاہئے۔ لیبارٹری کے عملے کو اینتھراکس کے خطرے سے آگاہ کیا جانا چاہیے تاکہ وہ تجزیہ کرتے وقت ضروری احتیاطی تدابیر اختیار کر سکیں۔ فارماسسٹ کو اینتھراکس کی دوائیوں کے لیے سی ڈی سی کی سفارشات اور ویکسینیشن فراہمی کے وقت سے آگاہ ہونا چاہئے۔ طبی عملےکے پیشہ ور افراد کو ہسپتال کے روایتی ضابطوں کو برقرار رکھنے کے لیے ،اینتھراکس کے مریضوں کا علاج کرتے وقت باہمی تعاون کرنا چاہیے۔ جب جلد کے زخموں کا علاج کرتے ہوئے مثال کے طور پر، زد میں آنے سے حفاظت کو ترجیح دی جانی چاہیے کیونکہ منتقلی ایک ایسا امکان ہے، جسے&nbsp;نظر انداز نہیں کیا جا سکتا۔ مخصوص دیگر بیماریوں کے برعکس مریض کی دیکھ بھال میں جتنے کم افراد شامل ہوں گے، آلودگی اور دوسروں تک بیماری کے پھیلنے کا خطرہ اتنا ہی کم ہوگا۔اس کے علاوہ ہاتھ دھونے کے اصولوں پر سختی سے عمل کیا جائے۔ صرف چند منتخب نرسنگ عملے اور ڈاکٹروں کا کنٹرول میں ہونا چاہیے اور مریض کو الگ تھلگ رکھا جانا چاہیے۔ اس بات کو یقینی بنانے کے لیے نشانیاں /سائین بورڈلگائے جائیں، تاکہ ہر کوئی اس بیماری سے آگاہ رہے۔ خون کے نمونے اور مریضوں کی تمام جسمانی رطوبتوں پر الگ الگ لیبلز ہونے چاہئیں۔گر جانے والے تمام نمونوںکو بلیچ سے صاف&nbsp; اور کپڑوں کو آلودگی سے پاک کیا جانا چاہیے۔ مزید برآں، نرسوں اور ڈیکٹرز کو مریض اور اہل خانہ کو صورتحال سے آگاہ کرنے کے بہترین طریقے سے تعاون کرنا چاہیے۔ اینتھراکس انفیکشن والے مریضوں کا اندازہ لگانے اور ان کی دیکھ بھال کرتے وقت، مختلف ماہرین کے درمیان&nbsp; موثر باہمی مشاورت سب سے زیادہ نتائج دےگی۔ اس کے علاوہ، اینتھراکس کے اسپورز خارج ہونے کے بعد ماحول میں غیر معمولی طور پر طویل عرصے تک زندہ رہ سکتے ہیں۔ ان آلودہ جگہوں یا مواد کو کیمیائی طور پر آکسیڈائزنگ مادوں، جیسے پیرو آکسائیڈز، ایتھیلین آکسائیڈ، سینڈیا فوم، کلورین ڈائی آکسائیڈ، پیراسیٹک ایسڈ، اوزون گیس، ہائپوکلورس ایسڈ، سوڈیم پرسلفیٹ، اور سوڈیم ہائپوکلورائٹ پر مشتمل سیال بلیچ مصنوعات سے صاف کیا جانا چاہیے۔ اس کے علاوہ، میتھائل برومائڈ، فارملڈہائڈ، اور میٹا سوڈیم، اینتھراکس کے خاتمے کے لیے کامیاب نان آکسیڈائزنگ ایجنٹ ثابت ہوئے ہیں۔ یہ مادے بیکٹیریل اسپورز کو ختم کرتے ہیں۔ اینتھراکس کے مندرجہ بالا جراثیم تلفی کے طریقوں میں سے ،ہر ایک کی تاثیر امریکی ای پی اے یا دیگر تنظیموں کی لیبارٹریوں میں کی گئی جانچ میں دکھائی گئی ہے۔ آئرن اور ٹیٹرا امیڈو میکرو سائکلک لیگنڈس سے بنے ،غیر زہریلے مادے کی ٹریس مقدار کو سوڈیم کاربونیٹ اور بائی کاربونیٹ کے ساتھ ملا کر عمل کو تیز کرنے کے لیے ایک ا سپرے بنایا جا سکتا ہے۔ متاثرحصے پرا&nbsp; &nbsp;سپرے مرکب کے ساتھ ا سپرے کیا جانا چاہئے؛ اس کے بعد دوسرا سپرے کیا جائے جس میں tert-butyl hydroperoxide شامل ہو۔ اسے کیٹالسٹ اپروچ کے نام سے جانا جاتا ہے اور یہ خیال کیا جاتا ہے کہ اس اسپرے کے استعمال کے 30 منٹ کے اندر تمام اینتھراکس اسپورز ختم ہوجاتے&nbsp; ہیں۔ یہ اس حقیقت کے پیش نظر زیادہ موثر ہے کہ، ایک عام بنا کیٹالسٹ والےا سپرے کے ذریعے اسی مدت میں نصف سے کم اسپورز ختم ہو تے ہیں۔&nbsp; جنگلی اور کھیتوں میں اینتھراکس سے آلودہ علاقوں کو صاف کرنا مشکل ہوتاہے۔ مردہ جانوروں کو جلایا جا سکتا ہے؛ تاہم، کبھی کبھی ایک بڑے&nbsp; مردہ جانور کو جلانے میں تین دن لگتے ہیں، جس سے لکڑی کی کم دستیابی&nbsp; والے مقامات پر یہ ناقابل عمل ہوتا ہے۔ایک حل بڑے جانوروں کی لاشوں کو زیادہ گہرائی میں دفن کیا جاسکتاہے کہ اسپورز کو دوبارہ نمودار ہونے کو روکا جا سکے، لیکن اس میں بہت زیادہ محنت اور مہنگے سامان کی ضرورت ہوتی ہے۔ اسپورز کو ختم کرنے کی کوشش میں باقیات کو بھی فارملڈہائیڈ سے دھویا گیا ہے، لیکن یہ ماحولیاتی آلودگی کا سبب بنتا ہے۔ کچھ جانوروں کے رکھوالوں نے جانوروں کی نئی لاشوں کو موٹے کپڑے سےڈھانپنے کی کوشش کی ۔ آخری حربے کے طور پر، اینتھراکس کے آس پاس کے وسیع علاقوں میں پودوںکو بھی آگ لگا ئی گئی۔ مگر اس کی وجہ سے صحت مند جانور ہری گھاس کی تلاش میں ایسےعلاقوں سے دور رہتے ہیں،اور یہ عمل ماحول کے لیے بھی&nbsp;نقصان دہ ہے۔ مختصراً، جانوروں کی مصنوعات کا انفیکشن سے تحفظ ، وباء کی جلد شناخت، متاثرہ مقامات کا قرنطینہ، متاثرہ جانوروں اور فنگس اسپورز کے خاتمےاور مذبح خانوں اور دودھ کے کارخانوں میں، مناسب سینیٹری اقدامات کے نفاذ سے یقینی بنایا جا سکتا ہے۔<div> </div>

ویکسینیشن کی حکمت عملیوں کی تحقیق اور مخصوص مالیکیولر ڈرگ ڈیزائن کے لیے نئے اہداف کی نشاندہی کی حوصلہ افزائی کی گئی ہے،جس کی وجہ&nbsp;اینٹی بائیوٹک مزاحمت، موجودہ ویکسین اور علاج کا محدود ہونا اور بڑھتے ہوئے بائیو ٹیررازم کے خطرے سے آگاہی ہے۔ جدید ویکسین کی تحقیق کے بنیادی اہداف میں سے ایک&nbsp; یہ ہے کہ ،کم خوراکوں کے ساتھ زیادہ امیونوجینک ویکسین تلاش کی جائے۔ اس طرح، بہتر فارمولیشن تلاش کرنے کی کوششیں کی جاتی ہیں، جو دوسرے انتظامی طریقوں کو ممکن بنائے گی اور یکسانیت، استحکام، اور بڑی مقدار میں ذخیرہ کرنے کی صلاحیت کو فروغ دے گی۔ چونکہ اس کا&nbsp; انفیکشن تیزی سے پھیلتا ہے اور اینتھراکس کے زہریلے مواد کے جمع ہونے کا سبب بنتا ہےجبکہ اس کا نتیجہ مہلک بن سکتاہے، اس لیے سانس کا اینتھراکس اب بھی ایک ایسی حالت ہے جو عام طور پر لاعلاج ہے۔ یہ بات اچھی طرح سے تسلیم کی جاتی ہے کہ سانس کے اینتھراکس کے علاج کے لیے دوائیوں کے مجموعے کی ضرورت ہوگی اور نئی اور موثر دوائیں دریافت کرنے کی ایک وسیع کوشش کی جا رہی ہے۔

اہم نکات

<ul><li>اینتھراکس جسے مہلک چھالے یا وول سارٹر کی بیماری بھی کہا جاتا ہے، ایک مہلک متعدی بیماری ہے جو گرام پازیٹو، چھڑی کی شکل والے&nbsp;بیکٹیریم Bacillus anthracis کی وجہ سے ہوتی ہے۔</li><li>بیکٹیریل انفیکشن کے نتیجے میں جانوروں اور انسانوں دونوں میں شدید بیماری ہو سکتی ہے۔</li><li>یہ انسانوں کے درمیان شاذ و نادر ہی منتقل ہوتا ہے اور لوگ زیادہ عام طور پرتب متاثر ہوتے ہیں ،جب وہ کسی متاثرہ جانور یا ان کی آلودہ&nbsp;مصنوعات سے قریبی زد میں آتے ہیں۔</li><li>کیریبین، سب صحارا افریقہ، جنوبی اور مشرقی یورپ، وسطی اور جنوب مغربی ایشیا، اور وسطی اور جنوبی امریکہ کے زرعی علاقوں میں اس کاپھیلنا عام ہے۔</li><li>خطرے سے دوچار افراد میں مویشیوں کے ڈاکٹر، اینتھراکس سے نمٹنے والا لیبارٹری عملہ، اینتھراکس کے زیادہ خطرے والے علاقوں میں تعینات فوجی اہلکار، منشیات کے عادی افرادجو غیر قانونی طور پر منشیات کا انجیکشن لگاتے ہیں اور وہ لوگ جو ان علاقوں میں جانوروں کی اون، جلد، یا کھال کو سنبھالتے ہیں جہاں اینتھراکس کیسز کی شرح زیادہ ہے۔&nbsp;</li><li>&nbsp;علاج کا انحصار، اس سے متاثر ہونے کی قسم پر ہے۔</li></ul><div> </div>