شہ رگ کا پھولنا صحت کا ایک اہم مسئلہ ہے۔ میری صحت پر شہ رگ کے پھولنے کے بارے میں مکمل معلومات موجود ہیں، جیسے علامات اور ممکنہ علاج۔ جانیے اپنی صحت کو بہتر بنانے کے لئے ضروری تجاویز اور تدابیر۔

شہ رگ کا پھولنا

Online Consultation

اقراء مظہر

جائزہ

س کا انگریزی نام <a href="https://merisehat.pk/disease/aortic-aneurysm">Aneurysm</a>،یونانی لفظ &quot;aneurysma&quot; سےماخوذ ہےجس کے معنیٰ ہیں &quot;پھیلاؤ&quot; یا &quot;سوراخ&quot;۔&quot;افسوس&quot; نامی شہر کے یونانی معالج&nbsp; Rufus&nbsp; نے پہلی بار یہ اصطلاح طبی لٹریچر میں متعارف کروائی۔<a href="#accordion">[1]</a>

امریکن ہارٹ ایسوسی ایشن کے مطابق،شہ رگ کا پھولنا ایک مخصوص مقام کا پھیلاؤ ہے جو شریان کے عام قطر سے کم از کم 50%سے زیادہ ہوتا ہے.<a href="#accordion">[2]</a> شریان کی دیواروں میں چکنائیاں جمع ہوجانے&nbsp; کے بعد، یہ شہ رگ کی دوسری سب سے عام بیماری ہے.<a href="#accordion">[3]</a> شہ رگ پورے جسم میں گزرتی ہے لہٰذا،اس کا پھیلنا جسم کے کسی بھی حصے میں پیدا ہو سکتا ہے، تاہم یہ پھولنا شہ رگ کے پیٹ&nbsp; سے گزرنے والے حصے میں سب سے زیادہ عام ہے.<a href="#accordion">[2]</a> 
&nbsp;

کینسر کی نسبت، شہ رگ کے پھولنےکی بیماری سےہونے والی اموات،کینسر کی وجہ سے ہونے والی اموات کے برابر ہوتی ہیں۔اس&nbsp; کی وجہ سے دنیا بھر میں ہر سال 15,000سے200,000 اموات ہوتی ہیں.<a href="#accordion">[4]</a>

اس بیماری کےعالمی بوجھ کےحوالے سے2019 میں کئے جانے والےایک مطالعے کے مطابق،1990 سے2019 کے دوران، شہ رگ کے پھولنے کی وجہ سے ہونے والی اموات میں 82%اضافہ ہوا ہے.<a href="#accordion">[4]</a>متحدہ عرب امارات، تائیوان چین، اور قطر کو شہ رگ&nbsp; کے پھولنے سے متعلق اموات میں تیزی سے اضافے کا سامنا کرنا پڑا

تاہم، شہ رگ کے پھولنے&nbsp; سے متعلق اموات اور معذوری سے ہم آہنگی والی زندگی کے سالوں (DALYs)&nbsp; میں اضافے کے باوجود، بیماری کے عالمی بوجھ میں گزشتہ چند دہائیوں کے دوران کمی کا رجحان دیکھا گیا ہے.<a href="#accordion">[4]</a>

مؤثر اسکریننگ پروگرامز اورملک میں وسائل&nbsp; کی کمی کی&nbsp; وجہ سے، پاکستان میں شہ رگ کے پھولنے کے واقعات اوراس بیماری کے پھیلاؤ کی حقیقی شرح نامعلوم رہتی ہے.<a href="#accordion">[5]</a> 
&nbsp;

شہ رگ ، جسم کے کسی بھی حصے میں پھول سکتی ہے۔رگ کے پھیلاؤ کے مقام کے لحاظ سے اس کی درج ذیل اقسام بیان کی جاتی ہیں:

<ul dir="rtl">
	<li>پیٹ میں شریان کا پھولنا (AAA): یہ سب سے زیادہ عام قسم ہے اور اس کی شرح4 سے7 فیصد ہوتی ہے۔ یہ پھولنا زیادہ تر، شہ رگ کے گردوں کے نچلے حصے سے گزرنے والے حصے واقع&nbsp; ہوتا ہے۔<a href="#accordion">[3]</a> بڑی عمر کے مردوں میں بڑھتی ہوئی عمر کے ساتھ اس کیفیت میں اضافہ ہوتا ہے.<a href="#accordion">[3]</a> شہ رگ کے پھولنے کی بیماری کی&nbsp; مزید دَو اقسام بیان کی جاتی ہیں:(1) فیوزی فارم اور (2) تھیلی نما ۔ فیوزی فارم میں رگ&nbsp; میں ہر جانب سے پھیلاؤ پیدا ہوتا ہے،جب کی تھلی نما صورت میں رگ کے کسی ایک مقام پر تھیلی نما پھیلاؤ پیدا ہوتا ہے۔ 
	&nbsp;</li>
	<li>سینے میں شہ رگ کا پھولنا (TAA): شہ رگ میں یہ پھولنا ڈایا فرام کے عین اوپر،سینے کے اندر سے گزرنے والے حصے میں ہوتا ہے ۔پیٹ والے پھیلاؤ کی نسبت یہ قسم کم عام ہے۔ اس کی شرح 0.16سے 0.23 فیصد تک ہوتی ہے۔ اگرچہ اس بیماری کے پھیلاؤ کی شرح کافی زیادہ ہوتی ہے۔سینے میں شہ رگ کا پھولنا&nbsp;مردوں میں زیادہ ہوتا ہے تاہم سینے میں شہ رہ رگ کے پھٹ جانے اور اس سے واقع ہونے والی اموات عورتوں میں زیادہ ہیں۔اپنی بناوٹ کے لحاظ سے سینے میں شہ رگ کے پھولنے کی دَو اقسام بیان کی جاتی ہیں یعنی تھیلی نما اور ٹیوب نما۔ 
	&nbsp;</li>
	<li>سینے اور پیٹ میں شہ رگ کا پھولنا:&nbsp;اس صورت میں شہ رگ سینے اور پیٹ میں پھولتی ہے ۔اس میں دونوں&nbsp; جگہ کی کیفیات پائی جاتی ہیں۔&nbsp; 
	&nbsp;</li>
</ul>

شہ رگ کے پھولنے کو دَو اقسام میں تقسیم کیا جاسکتا ہے:

<ul>
	<li dir="rtl" style="text-align: right;">شہ رگ کا حقیقی پھولنا:&nbsp;اس پھیلاؤ میں شہ رگ کی تمام تہیں پھولتی ہیں۔</li>
	<li dir="rtl" style="text-align: right;">شہ رگ کا غیر حقیقی پھولنا:&nbsp;اس صورت میں، لِیک ہونے والا خون،شہ رگ کی درمیانی&nbsp;اوربیرونی تہوں کےدرمیان جمع ہوجاتا ہے۔&nbsp; 
	&nbsp;</li>
</ul>

علامات

شہ رگ کا پھولنا&nbsp; ایک خاموش بیماری ہے۔ تاہم، جیسے جیسے&nbsp; یہ بیماری بڑھتی ہے تو ارد گرد کے اعضاء پر دباؤ پڑنے سے علامات پیدا ہوسکتی ہیں۔ 
&nbsp;

پیٹ میں شہ رگ کے پھولنے کی علامات :

<ul dir="rtl">
	<li>پیٹ میں گہرا، مسلسل، اور پس منظر میں جاری رہنے والا درد</li>
	<li>کمر میں درد</li>
	<li>ناف کے قریب دھڑکن محسوس ہونا 
	&nbsp;</li>
</ul>

سینے میں شہ رگ کے پھولنے کی علامات :

<ul dir="rtl">
	<li>سینہ اور کمر میں درد ہونا</li>
	<li>نگلنے میں دشواری ہونا</li>
	<li>سانس&nbsp; لینے میں قلت ہونا</li>
	<li>گلے یا آواز کا بیٹھ جانا</li>
	<li>کھانسی ہونا 
	&nbsp;</li>
</ul>

زیادہ تر لوگوں میں کوئی علامات ظاہر نہیں ہوتیں یہاں تک کہ شہ رگ، پھیلاؤ کی زیادتی کی وجہ سے پھٹ جاتی ہے،جس کی وجہ سے درج ذیل علامات پیدا ہوسکتی ہیں:

<ul dir="rtl">
	<li>سینے، پیٹ یا کمر میں اچانک شدید درد ہونا۔</li>
	<li>دل دھڑکنے کی شرح تیز ہونا اور دل کی دھڑکن شعوری طور پر محسوس ہونا۔</li>
	<li>نقاہت ہونا۔</li>
	<li>صدمہ ہونا۔</li>
	<li>بے ہوش ہوجانا۔</li>
</ul>

مندرجہ بالا علامات ظاہر ہوجانے کی صورت میں,فوری طورپرایمبولینس منگوائیں یا ایمرجنسی میں طبی دیکھ بھال حاصل کروائیں۔ 
&nbsp;

اسباب

شہ رگ جسم کی سب سے بڑی شریان ہے، جو&nbsp; دل سے جسم کےدوسرے تمام حصوں تک خون لے جاتی ہے۔ اس میں بلند دباؤ کے ساتھ آکسیجن والاخون گزرتا ہے، لہٰذا اس کی دیواریں موٹی اور مضبوط ہوتی ہیں۔ تاہم، بعض اوقات،اس شریان کی دیواریں کمزور ہو کر کسی مقام پر پھول سکتی ہیں۔ وقت گزرنے کے ساتھ ساتھ بڑھتا ہوا دباؤ ،شریان کی دیوار&nbsp; کو مزید کمزور اور پتلا کر دیتا ہے جس کی وجہ اس کے پھٹنے کا خطرہ بڑھ جاتا ہے۔ 
&nbsp;

شریان کی دیواریں کمزور ہونے کے بہت سے اسباب ہیں، جن میں درج ذیل شامل ہیں:

<ul>
	<li dir="rtl" style="text-align: right;">شریان کی دیواروں میں پلاک کا جمع ہوجانا۔</li>
	<li dir="rtl" style="text-align: right;">بندھن والے عضلات کی خرابی (مثلاً&nbsp;Marafan سنڈروم،Ehlers-Danlosسنڈروم،Turner سندروم)۔</li>
	<li dir="rtl" style="text-align: right;">انفیکشن (مثلاً آتشک، سامنی بیکٹیریا )۔</li>
	<li dir="rtl" style="text-align: right;">شریانوں کی سوزش (مثلاTakayasuسوزش)۔</li>
	<li dir="rtl" style="text-align: right;">صدماتی زخم (مثلاً&nbsp;سڑک پر تیزرفتاری کے باعث ہونے والے حادثات)۔</li>
	<li dir="rtl" style="text-align: right;">بلڈ پریشر ہونا۔</li>
	<li dir="rtl" style="text-align: right;">دل کے والو میں پیدائشی نقص (مثلاً شہ رگ کاbicuspid والو،شہ رگ کا کسی مقام پر سکڑ جانا)۔</li>
	<li dir="rtl" style="text-align: right;">کوکین اور دیگر محرکات ۔</li>
	<li dir="rtl" style="text-align: right;">حمل ہونا۔</li>
	<li dir="rtl" style="text-align: right;">دل کی سرجری&nbsp;کا پروسیجر (مثلاًدل کی سرجری،کورونری انجیو گرافی)۔ 
	&nbsp;</li>
</ul>

اسکریننگ کا مقصد ،شریان کے پھیلاؤ کے پھٹنے سے پہلے اس کا پتہ لگانا ہے۔ اس طرح،بیماری سے وابستہ اموات کی شرح کو کم کیا جاتا ہے۔سویڈن اور برطانیہ میں، بڑی عمر کے مردوں کےلئےاسکریننگ کے پروگراموں کے ذریعے شریان کے پھیلاؤ کو 1سے1.5فیصد&nbsp; تک کم&nbsp; کیا گیا۔<a href="#accordion">[3]</a>

پیٹ کا الٹراساؤنڈ اسکین عام طور پر، پیٹ میں شہ رگ کے&nbsp; پھولنے کی اسکریننگ کے لئےکیا جاتا ہے۔ الٹراساؤنڈ پرشہ رگ کا پھولنا نظر آنے کے بعد ڈاکٹر،مزید تصدیق کے لئے&nbsp; تشخیص کےدوسرے ٹیسٹ کروا سکتےہیں۔

یو ایس پریوینٹیو سروسز ٹاسک فورس (یو ایس پی ایس ٹی ایف) 6 65 کی جانب سے 75 سال کی عمر والے&nbsp; ایسے مردوں کے لئے&nbsp; پیٹ کے الٹراساؤنڈکے ذریعے ایک بار اسکریننگ کی سفارش کی گئی ہے،جنہوں نے کبھی سگریٹ کا ستعمال کیاتھا۔ جب کہ،65سے75 سال کی عمر کے مرد جن کی تمباکو نوشی کی کوئی ہسٹری نہیں ہے، خطرے کے عوامل کی موجودگی کی بنیاد پر اسکریننگ کی جاتی ہے، مثلاً&nbsp; شہ رگ کے کے پھولنے کی فیملی ہسٹری ۔ مزید یہ کہ، یو ایس پی ایس ٹی ایف ایسی عورتوں&nbsp; کی اسکریننگ کے خلاف سفارش کرتا ہے، جن کے پیٹ کی شہ رگ کے پھولنے کی کوئی فیملی ہسٹری نہیں ہے اور جنہوں نے کبھی سگریٹ نوشی نہیں کی ہے۔ 
&nbsp;

سوسائٹی برائے ویسکیولر سرجری(SVS)،کی جانب سے،درج ذیل افراد کے لئے معمول کی اسکریننگ کی تجویز دی گئی ہے:<a href="#accordion">[7]</a>

<ul dir="rtl">
	<li>ایسے مرد جن کی عمر 55 سال سے زائد ہو اوران کی فیملی ہسٹری میں شہ رگ کا پھولنا شامل ہو۔</li>
	<li>ایسے مر اور عورتیں جن کی عمریں65 سے75 سال کی ہوں اور ان کی فیملی ہسٹری میں تمباکو کا استعمال&nbsp; شامل ہو۔</li>
	<li>ایسی عورتیں جن کی عمریں 65 سال یا اس سے زائد ہوں&nbsp; اور جو تمباکو نوشی کرتی ہیں یا جن جن کی فیملی ہسٹری میں شہ رگ کا پھولنا شامل ہو۔ 
	&nbsp;</li>
</ul>

اس کے علاوہ، سائز کی بنیاد پر ،SVS کی جناب سے اسکریننگ کے مختلف دورانئے بیان کئے گئے ہیں:

<ul dir="rtl">
	<li>اسکریننگ 10 سال کے بعد:&nbsp;2.5 &ndash; 3.0 cm&nbsp;</li>
	<li>اسکریننگ ہر 3 سال کے بعد:&nbsp;3.0 &ndash; 3.9 cm&nbsp;</li>
	<li>اسکریننگ ہر 12 ماہ بعد: 4.0 &ndash; 4.9&nbsp; cm&nbsp;</li>
	<li>اسکریننگ ہر 6 ماہ بعد:&nbsp; 5.0 &ndash; 5.4 cm&nbsp;</li>
</ul>

عام طور پر ،سینے میں شہ رگ کے پھٹ جانے کی صورت میں،اسکریننگ کی تجویز نہیں دی جاتی.<a href="#accordion">[3]</a> تاہم،زیادہ خطرے سے دَوچار افراد کے لئے، بے قاعدگی کا جائزہ لینے کے لئے سینےکا ایکو کارڈیوگرام (TTE) کروایا جاسکتا ہے.<a href="#accordion">[3]</a> 
&nbsp;

تشخیص

تشخیص ، مکمل ہسٹری ، تفصیلی جسمانی معائنے ، اور تشخیص کے&nbsp; درج ذیل&nbsp; ٹیسٹوں کی بنیاد پر کی جاتی ہے ۔&nbsp;&nbsp;

<ul>
	<li dir="rtl" style="text-align: right;">کمپیوٹرائزڈ ٹومو گرافی (سی ٹی )اسکین:&nbsp;سی ٹی اسکین کے ذریعے دل اورشہ رگ کے تفصیلی عکس حاصل ہوتے ہیں۔ 
	&nbsp;</li>
	<li dir="rtl" style="text-align: right;">میگنیٹک&nbsp;ریزونینس امیجنگ(ایم آر آئی ): ایم آر آئی اسکین کے ذریعے ، شہ رگ کے پھولنے کے مقام اوراس پھیلاؤ کے سائز کے بارے میں معلوم ہوجاتا ہے۔ یہ مریضوں میں شہ رگ کے پھولنےکےمقام اورسائز کا جائزہ لینے کےلئےاکثر استعمال کیا جاتا ہے۔ 
	&nbsp;</li>
	<li dir="rtl" style="text-align: right;">ایکو کارڈیو گرام: آواز کی لہروں کواستعمال کرتےہوئے،اس ٹیسٹ کے ذریعے، دل کےفعل اورشہ رگ میں موجود کسی پھیلاؤ کےبارے میں معلوم ہوجاتا ہے۔ سینے میں شہ رگ کے پھول جانےکی تشخیص&nbsp; کے لئے،خوراک کی نالی کےالیکٹرو کارڈیو گرام کو ترجیح دی جاتی ہے۔ 
	&nbsp;</li>
	<li dir="rtl" style="text-align: right;">&nbsp;انجیوگرام :&nbsp;انجیو گرام کےذریعے&nbsp;خون کی دیگر نالیوں کی شمولیت، خون کے لوتھڑوں کی موجودگی،یا شہ رگ کے عرضی عکس،رگ کے پھولنے کے سائزکا جائزہ لیا جاتا ہے۔ 
	&nbsp;</li>
</ul>

علاج

شہ رگ کے پھولنےکا علاج، زیادہ تر اس کے مقام، سائز اور مریض کی بنیادی طبی کیفیتوں&nbsp; پر منحصر ہوتا ہے۔ زیادہ تر چھوٹے پھیلاؤ کی صورت میں ڈاکٹر، رہن سہن کے طریقوں میں تبدیلیوں کی سفارش کر سکتے ہیں،تاکہ پھیلاؤ کومزید&nbsp; بڑھنےاور پھٹنے سےروکا جا سکے۔ اس کے علاوہ الٹراساؤنڈ یا ایکوکارڈیوگرافی کے ذریعے، شہ رگ کے پھیلاؤ کے بڑھنے کی باقاعدگی سےنگرانی کی جاتی ہے۔ بڑے پھیلاؤ&nbsp; کی صورت میں، سرجری ہی&nbsp; واحد طریقہ&nbsp; ہو سکتا ہے۔ 
&nbsp;

<h5 dir="rtl">رہن سہن کے طریقوں میں تبدیلی&nbsp;</h5>

ہائی بلڈ پریشر اور ہائپرکولیسٹرولیمیا جیسی کئی بیماریاں شہ رگ کے پھیلاؤکا باعث بن سکتی ہیں،لہٰذا اکثر اوقات،صحت بخش غذا کی سفارش کی جاتی ہےجس میں چکنائی اورنمک کم ہو۔ مزید یہ کہ مریضوں کو تمباکو نوشی چھوڑنے اور کوکین جیسی منشیات&nbsp; سےپرہیز کرنے کا مشورہ دیا جاتا ہے۔ تناؤ کی دیکھ بھال کے طریقوں میں، تمباکو نوشی چھوڑنے، اورادویات کو پابندی سے لینے کے ذریعے بھی بلڈ پریشرکی سطح کو معمول کی حد میں رکھا جا سکتا ہے۔ اعتدال پسند جسمانی سرگرمیاں کرنا بھی مریض کی قلبی صحت کے لئےمفید ثابت ہو سکتا ہے۔ 
&nbsp;

<h5 dir="rtl">ادویات&nbsp;</h5>

<ul dir="rtl">
	<li>ہائی بلڈ پریشر کو کم کرنے والی ادویات : مریض کے بلڈ پریشر کو معمول کی حد میں رکھنے کے لئے،ACE(angiotensin-converting enzyme) اوربیٹا بلاکرزجیسی ادویات استعمال کی جاتی ہیں۔بلڈ پریشر،معمول کی حد میں رہنے سے،شہ رگ کے پھولنے اورپھٹ جانےکا خطرہ کم ہوجاتا ہے۔&nbsp;</li>
	<li>اسٹیٹینز:&nbsp;خون میں کولیسٹرول کی مقدار کم کرنے کے لئے ،اکثر اوقات،اسٹیٹینز، اوّلین ادویات میں شامل ہوتی ہیں۔</li>
	<li>ایسپیرین :&nbsp;خون کی نالیوں سے متعلق خطرات والے افراد کے لئے ڈاکٹرزکی جانب سےایسپیرین تجویز کی جاسکتی ہے۔تاہم ایسپیرین&nbsp;کی وجہ سے خون جاری ہونے کا خطرہ بھی ہوتا ہے۔ 
	&nbsp;</li>
</ul>

<h5 dir="rtl">سرجری</h5>

سرجری سے پہلے، ڈاکٹر مریض کی عمر،قلبی صحت،علامات اورمجموعی صحت کو مدنظر رکھتے ہوئے،مریض کے لئے۔ متعلقہ پروسیجر کے خطرات اور فوائد کا اندازہ لگا سکتا ہے۔ سرجری زیادہ تر، شہ رگ کے5 سینٹی میٹر یا اس سے بڑے پھیلاؤ یا ان کے تیزی سے بڑھنے&nbsp; کی صورت میں تجویز کی جاتی ہے۔<a href="#accordion">[3]</a>

<ul dir="rtl">
	<li>خون کی نالیوں کے پھولنے کا علاج: اس کم سے کم نقصان والےپروسیجر کو سینے کا&nbsp;خون کی نالیوں کے پھولنے کا علاج&nbsp; (TEVAR)، یا&nbsp;سوراخ دارخون کی نالیوں کے پھولنے کا علاج(fEVAR) بھی کہا جاتا ہے۔اس میں پیٹ اور ران کے درمیانی حصے میں چیرہ لگار کر،شہ رگ میں ایک نلکی کا پیوند لگایا جاتا ہے۔ یہ پیوند ،شہ رگ کے کمزور حصے کو سنبھالتا ہے اوراسے پھٹ جانے سےبچاتا ہے۔اگرچہ اس پروسیجر کے ذریعے&nbsp;جلد بحالی ہو جاتی ہے تاہم یہ شہ رگ کے ہر قسم کے پھیلاؤ کےعلاج کے لئےمناسب نہیں ہے۔ترقی یافتہ ممالک میں، یہ طریقہ علاج رفتہ رفتہ، شہ رگ کے پھیلاؤ کے معروف علاج کا حصہ بنتا جارہا ہے۔حال ہی میں،شفا ء انٹرنیشنل ہاسپیٹل،اسلام آباد کے ڈاکٹرز نے پاکستان کا پہلا کامیاب fEVAR کیس کیا۔<a href="#accordion">[8]</a> 
	&nbsp;</li>
	<li>شہ رگ کو کھول کر علاج کرنا:&nbsp;یہ&nbsp;طریقہ1950 کی دہائی میں متعارف کروایا گیا تھا۔ اس طریقے کو،شہ رگ کی سرجری بھی کہا جاتا ہے۔ سینے یا پیٹ میں ایک بڑا چیرہ لگایا جاتا ہے اور شہ رگ کے متاثرہ&nbsp;حصے کو تبدیل کر کے پیوند لگایا جاتا ہے یا شہ رگ میں&nbsp;ایک نلکی لگادی جاتی ہے۔ اینڈو ویسکیولرعلاج کی نسبت اس پروسیجر میں بحالی کا عرصہ طویل تر ہوتا ہے۔ تاہم اس پروسیجر سے طویل مدتی&nbsp;اچھی تشخیص حاصل ہوتی ہے اور اسےاکثر اوقات پیٹ میں شہ رگ کے پھیلاؤ کے علاج کے طور پر استعمال کیا جاتا ہے۔</li>
</ul>

سرجری کے دونوں طریقوں میں ،سرجری کے بعد کی بہت سی پیچیدگیاں پیدا ہوسکتی ہیں۔اینڈو ویسکیولر علاج کے حوالے سے داخلی لِیک ایک بہت ہی عام پیچیدگی ہے۔<a href="#accordion">[9]</a> کھلی سرجری کی صورت میں ، سانس لینے کا عمل رُک جانا، سانس کی نالی کا انفیکشن، دوران خون کا فَیل ہوجانا ، مائیو کارڈیل انفارکشن،اور گردوں کا فَیل ہوجانا سب سے زیادہ عام پیچیدگیاں ہیں.<a href="#accordion">[10]</a> سرجری کےپروسیجرز کی دیگر ممکنہ پیچیدگیوں میں خون کا بہہ جانا، خون کی نالیوں کو نقصان پہنچنا،&nbsp; زخم&nbsp; یا پیوند کی جگہ پرانفیکشن ہونا، ریڑھ کی ہڈّی کو نقصان پہنچنا، اسٹروک، اور آنتوں سے خون جاری ہونا شامل ہیں۔ 
&nbsp;

علاج نہ کروانے کی صورت میں ، شہ رگ کے پھیلاؤ سے زندگی کو خطرے میں ڈالنے والے خطرات لاحق ہوسکتے ہیں:

<ul dir="rtl">
	<li>شہ رگ کا پھٹ جانا:&nbsp;شہ رگ کے پھول جانے کی سب سے بڑی پیچیدگی، اس کا پھٹ جانا&nbsp; ہے۔ یہ ایک سرجیکل ایمرجنسی ہے اوراس کےفوری علاج کی ضرورت&nbsp;ہوتی ہے۔ یہ بڑے پیمانے پرداخلی&nbsp;خون&nbsp;جاری ہونے کا باعث بنتا ہے جو مریضوں میں نقاہت،کمزوری،دل کی خلاف معمول&nbsp;دھڑکن اور جھٹکے کا سبب بن سکتا ہے۔ پیٹمیں&nbsp; شہ رگ کا پھٹ جانا مجموعی طور پر 80%&nbsp;سے زیادہ اموات سے وابستہ ہے۔<a href="#accordion">[11]</a> 
	&nbsp;</li>
	<li>شہ رگ کا عرضی تراشہ:&nbsp;شہ رگ کےعرضی تراشے میں، اس&nbsp;کےکمزور حصے میں چیرہ لگ جاتا ہے۔ نتیجے کےطور پر خون، نالیوں&nbsp;کی تہوں کے درمیان داخل ہوسکتا ہے۔&nbsp;مریض کمر یا سینے میں اچانک، شدید،چیرتے ہوئےدرد کی شکایت کر سکتے ہیں۔ درد ایک جگہ سے دوسری جگہ منتقل ہوسکتا ہے۔ مزید یہ کہ اندرونی طور پر خون بہنا وریدوں اورآس پاس کے اعضاء کو نقصان پہنچا سکتا ہے۔ بعض صورتوں میں،خون بہنا شہ رگ کے پھٹنے کا باعث بھی بن سکتا ہے۔ شہ رگ کاعرضی تراشہ&nbsp;ایک سنگین حالت ہے اور اکثر جان لیوا ہوتی ہے (جب خون، شہ رگ کی باہر کی دیوار سے گزرتا ہے)۔ 
	&nbsp;</li>
	<li>شہ رگ میں خون کا پلٹاؤ:&nbsp;شہ رگ کے والو کےاوپرچڑھتی ہوئی شہ رگ کےپھیلاؤ کی وجہ سے،والومیں خرابی پیدا ہوسکتی ہے۔نتیجے کے طور پر،دل کے خانے میں خون&nbsp;پلٹ&nbsp; کر آجاتا ہے۔ مریضوں کو سینے میں درد، سانس لینے میں دشواری،دل کی خلاف معمول دھڑکن اوردل کی بےقاعدہ دھڑکن کا سامنا ہو سکتا ہے۔ 
	&nbsp;</li>
	<li dir="rtl">دیگر:&nbsp;خون کے لوتھڑے، اسٹروک، نمونیا، گرودوں کو نقصان پہنچنا اور موت۔ 
	&nbsp;</li>
</ul>

زیادہ سوڈیم والی غذا،تمباکو نوشی، سیسہ (ایک دھات) کی زد میں آنا،ہائی بلڈ پریشر،کو شہ رگ کے پھیلنے کےعوامل میں شمار کیا جاتا ہے۔<a href="#accordion">[4]</a> 
&nbsp;

پیٹ میں شہ رگ کے پھولنے کے درج ذیل عوامل ہیں:

<ul dir="rtl">
	<li>عمر (60 سال سے زائد)۔</li>
	<li>مردانہ صنف (بڑی عمر کے معدوں میں اس کی شرح زیادہ ہے،جب کہ عورتوں کو،مردوں کی نسبت اس کا خطرہ6 گنا کم ہے).<a href="#accordion">[2]</a></li>
	<li>تمباکو نوشی۔</li>
	<li>ایچ ڈی ایل کولیسٹرول&nbsp; کی کم مقدار۔</li>
	<li>شہ رگ پھولنے کی فیملی ہسٹری۔</li>
	<li>مٹاپا۔</li>
	<li>آتشک۔</li>
	<li>صدمہ۔ 
	&nbsp;</li>
</ul>

سینے&nbsp; میں شہ رگ کے پھولنے کے درج ذیل عوامل ہیں:

<ul>
	<li dir="rtl" style="text-align: right;">شریان کے کسی حصے کا تنگ ہوجانا۔</li>
	<li dir="rtl" style="text-align: right;">بڑھتی ہوئی عمر۔</li>
	<li dir="rtl" style="text-align: right;">ہائی بلڈ پریشر۔</li>
	<li dir="rtl" style="text-align: right;">تمباکو نوشی ۔</li>
	<li dir="rtl" style="text-align: right;">بندھن والے عضلات کی خرابی (مثلاًMarfan سنڈروم، Ehlers-Danlosسنڈروم)۔</li>
	<li dir="rtl" style="text-align: right;">صدماتی زخم۔</li>
	<li dir="rtl" style="text-align: right;">شہ رگ کا&nbsp; بائی کسپِڈ والو۔</li>
	<li dir="rtl" style="text-align: right;">شہ رگ پھولنے کی فیملی ہسٹری۔ 
	&nbsp;</li>
</ul>

شہ رگ کے پھولنے سے بچنے کے لئے بہت سے عوامل کام کرتے ہیں ،جن میں درج ذیل شامل ہیں:

<ul>
	<li dir="rtl" style="text-align: right;">صحت بخش غذا،جس میں ثابت اناج، زیادہ ریشہ والی خوراک، سیرشدہ چکنائیں کم ہوں،اور پھلوں اورسبزیوں کی وافر مقدار شامل ہو۔</li>
	<li dir="rtl" style="text-align: right;">دوران خون کے نظام کو صحت مند بناے کے لئے،باقاعدگی سے معتدل ورزش کرنا۔</li>
	<li dir="rtl" style="text-align: right;">الکحل کی مقدار کو محدود کرنا اور کوکین جیسے محرکات سے گریز کرنا۔</li>
	<li dir="rtl" style="text-align: right;">تمباکو نوشی اورتمابکو چبانےسےگریز کرنا۔</li>
	<li dir="rtl" style="text-align: right;">بلڈ پریشراورکولیسٹرول کو معمول&nbsp;اورصحت مند حدود میں رکھنا 
	&nbsp;</li>
</ul>

اہم نکات

<ul dir="rtl">
	<li>شہ رگ کا پھیلاؤ مقامی نوعیت کاپھیلاؤ ہوتا&nbsp; ہے،جو شریان کے معمول کے&nbsp; قطر سےکم ازکم 50% سےزیادہ ہوتاہے۔ شہ رگ کے پھیلاؤکےمحل وقوع کی بنیاد پر، اسے دَواقسام میں تقسیم کیا جا سکتا ہے:(1) پیٹ میں شہ رگ کا پھیلاؤ اور(2) سینے میں&nbsp;شہ رگ کا پھیلاؤ۔</li>
	<li>شہ رگ کا پھیلاؤایک خاموش بیماری ہے۔ تاہم،جاس کے بڑھنے کے ساتھ، یہ سینے،کمر،یا پیٹ میں درد، سانس پھولنا، ناف میں دھڑکن کا احساس،گلے یا آواز کا بیٹھ جانا اور کھانسی جیسی علامات کا سبب بن سکتا ہے۔</li>
	<li>شہ رگ کا&nbsp;پھٹنا اس کی سب سےزیادہ عام اور بڑی پیچیدگی ہے اور یہ بڑے پیمانے پر اندرونی طور پرخون بہنے کا باعث بن سکتی ہے۔ یہ سینے، کمر، یا پیٹ میں اچانک، شدید درد، تیز دل کی دھڑکن،بلڈ پریشر میں کمی، اورنقاہت پیدا کرتا ہے۔ اس کی دیگر پیچیدگیاں شہ رگ کی عرضی تراش،شہ رگ میں خون کا پلٹ جانا، خون کا جمنے اورموت ہیں۔</li>
	<li>پیٹ کا الٹراساؤنڈ اکثر خطرے میں پڑنے والےافراد کو،شہ رگ کے پھولنے کی&nbsp;اسکریننگ کے لئے&nbsp; کیا جاتا ہے۔ اس کےبعد سی ٹی اسکینز،ایم آر آئی اسکینز،یا ایکو کارڈیوگرامزکے ذریعےتشخیص کی تصدیق کی جاتی ہے۔</li>
	<li>علاج عام طور پر عمر،خطرے کےعوامل،پیچیدگیوں،اور پھیلاؤکےسائز پر منحصر ہوتا ہے۔ رہن سہن کےطریقوں&nbsp;میں تبدیلیاں اورادویات&nbsp;ان مریضوں کے لئےتجویز کی جا سکتی ہیں،جن میں شہ رگ کا چھوٹا پھیلاؤ پایا جاتا ہے۔ اس کے علاوہ شہ رگ کے کسی مقام سے&nbsp;پھٹنے کو روکنے کے لئے&nbsp; ،اس کی صورت حال کومعمول کے مطابق جائزہ لیا&nbsp;جاتا ہے۔</li>
	<li>بڑے پھیلاو کی صورت میں،سرجری ہی&nbsp;واحد طریقہ ہو سکتا ہے۔ شہ رگ کی قسم، اس کے سائز، مریض کی عمر اورکئی دیگرعوامل کی بنیاد پر کھی سرجری یا اینڈو ویسکولرپھیلاؤ کا علاج کیا جا سکتا ہے۔</li>
</ul>

[1] Antoniou GA, Antoniou AI, Antoniou SA, Lazarides MK. A historical perspective of medical terminology of aortic aneurysm. Journal of Vascular Surgery. 2011;54(5):1527-1528. doi:10.1016/j.jvs.2011.04.036

[2] Quintana RA, Taylor WR. Introduction to the compendium on aortic aneurysms. Circulation Research. 2019;124(4):470-471. doi:10.1161/circresaha.119.314765

[3] Bossone E, Eagle KA. Epidemiology and management of aortic disease: aortic aneurysms and acute aortic syndromes. Nat Rev Cardiol. 2021;18(5):331-348. doi:10.1038/s41569-020-00472-6

[4] Wang Z, You Y, Yin Z, et al. Burden of aortic aneurysm and its attributable risk factors from 1990 to 2019: An analysis of the global burden of disease study 2019. Frontiers in Cardiovascular Medicine. 2022;9. doi:10.3389/fcvm.2022.901225

[5] Rehman ZU. Expanding Indications of Endovascular Aortic Aneurysm Repair. J Coll Physicians Surg Pak. 2018;28(10):729-730.

[6] O'Donnell TFX, Schermerhorn ML. Abdominal aortic aneurysm screening guidelines: United States Preventative Services Task Force and Society for Vascular Surgery. Journal of Vascular Surgery. 2020;71(5):1457-1458. doi:10.1016/j.jvs.2020.01.054

[7] AAA Screening With Ultrasonography Recommendations. In: Primary Care Screening for ABDOMINAL AORTIC ANEURYSM: A Systematic Evidence Review for the U.S. Preventive Services Task Force. Agency for Healthcare Research and Quality; 2019.

[8] Choudry UK, Ehsan O, Khan ZA, Amin A. First Fenestrated Endovascular Aortic Aneurysm Repair in Pakistan. J Coll Physicians Surg Pak. 2021;30(4):469-471. doi:10.29271/jcpsp.2021.04.469

[9] Rehman ZU. Endoleaks: Current concepts and treatments - A Narrative Review. J Pak Med Assoc. 2021;71(9):2224-2229. doi:10.47391/JPMA.03-345

[10] Janczak D, Bakowski W, Bakowska K, et al. Early Complications in Patients Undergoing Elective Open Surgery for Infrarenal Aortic Aneurysms. J Coll Physicians Surg Pak. 2019;29(11):1078-1082. doi:10.29271/jcpsp.2019.11.1078

[11] Nordon IM, Hinchliffe RJ, Loftus IM, Thompson MM. Pathophysiology and epidemiology of abdominal aortic aneurysms. Nat Rev Cardiol. 2011;8(2):92-102. doi:10.1038/nrcardio.2010.180