بیریٹس ایسوفیگس

Online Consultation

Medilink Consultant clinic

سعد اللہ صدیقی

جائزہ

آسٹریلین سرجن کےنارمن روپرٹ بیریٹ کےنام پربیریٹس ایسوفیگس کا نام رکھا گیا ہے۔جس کی تعریف غذائی نالی کی دیواروں میں موجود خلیات میں تبدیلی کے طور پر کی جاتی ہے۔ یہ عام طور پر ان افراد میں زيادہ ہوتی ہے جن کو اکثر سینے میں جلن کی شکایت یا گرڈ کی شکایت رہتی ہے۔مگر یہ کوئی حتمی شرط نہیں ہے کہ جن افراد کو گرڈ ہوتا ہے ان کو لازمی طور پر یہ بیماری بھی ہو گی۔ اس بیماری کےعلاج کے طریقوں کا انحصار اس کی شدت پر ہوتا ہے۔جس کو&nbsp; دیکھنے کے لئے اینڈوسکوپی کی مدد سےغذائی نالی کی اندرونی دیواروں کا معائنہ کیا جاتا ہے۔جو کہ ایک نان سرجیکل طریقہ کار ہےجس میں کسی بھی انسان کی ہاضمی نالی کا معائنہ کیمرے کی مدد سے کیا جاتا ہے 
&nbsp;

یہ ایک تکلیف دہ حالت ہوتی ہےجو کہ آپ کےروز مرہ کے تمام معمولات کو متاثر کر سکتی ہے کیوں کہ اس میں کھانے کے دوران شدید ترین درد ہوتا ہے۔ تحقیق سے یہ ثابت ہوا ہے کہ بیریٹس ایسوفیگش کا پھیلاؤ دنیا بھر میں1.5%ہےاوراس کا خطرہ ان افراد میں 15 فی صد تک بڑھ جاتا ہے جو گرڈ یا سینے کی جلن میں بھی مبتلا ہوتے ہیں۔<a href="#accordion">[1]</a>

یہ بیماری مغرب میں 2 سے 7 فیصد تک&nbsp; بالغ افراد کو متاثر کر رہی ہے.<a href="#accordion">[2]</a> بیسویں صدی میں اس بیماری کے مریضوں کی تعداد میں تیزی سے اضافہ دیکھنے میں آیاجن میں زيادہ تعداد مردوں کی تھی ۔ اینڈوسکوپی کی بنیاد پر بیریٹس ایسوفیگس کا پھیلاؤ 1 سے2 فی صد ان افراد میں دیکھا گیا جنہوں نے دوسری علامات کے سبب اینڈوسکوپی کروائی۔<a href="#accordion">[3]</a> جب کہ وہ افراد جو پہلے ہی گرڈ سے متاثر تھے ان میں اس بیماری کا پھیلاؤ 5 سے 15 فی صد تک تھا۔<a href="#accordion">[3]</a>

یورپی مردوں میں بریٹس ایسو فیگس سے ایک مضبوط تعلق دیکھا گیا ہے۔ بیماری کی پیتھوفزیولوجی کی مدد سے یہ پتہ چلتا ہے کہ بیریٹس ایسوفیگس کا بڑھنا دو مراحل میں ہوتا ہے۔ پہلے مرحلے میں غذائی نالی کی اندرونی دیواروں میں تبدیلی واقع ہوتی ہےمثال کے طور پر سادہ&nbsp; نالی نما ایپی تھیلیم خلیاتچپٹے میوکوسا میں تبدیل ہو جاتے ہیں جن کو کارڈیک میوکاسا کہا جاتا ہے ۔ اس تبدیلی کا بنیادی سبب یہ ہوتا ہے کہ ان خلیات پر مستقل گیسٹرک جوس کا چھڑکاؤ ہو رہا ہوتا ہے جس کی وجہ سے ان کی شکل میں تبدیلی واقع ہوتی ہے۔ یہ تبدیلی بہت تیزی سے واقع ہوتی ہے اور کچھ ہی سالوں میں دوسرے مرحلے کا بھی آغاز ہو جاتا ہے۔&nbsp;

دوسرے مرحلے میں پیالہ نما خلیات بننا شروع ہو جاتے ہیں ،جو کہ آنتوں کے خلیات کی ایک شکل سے دوسری شکل میں تبدیلی کو ظاہر کرتا ہے جس میں&nbsp; ہاضمی نالی کےایپی تھیلیم خلیات آنتوں کےایپی تھیلیم&nbsp; میں تبدیل ہو جاتے ہیں۔ یہ اگر چہ ایک سست رفتارعمل ہوتا ہے جس کا دورانیہ 5 سے 10 سال ہو سکتا ہے۔ ایک دفعہ بیریٹس ایسو فیگس ہونا شروع ہو جائےاورخلیات میں معمولی تبدیلی سے لے کر بڑی تبدیلیاں واقع ہونا شروع ہو جاتی ہیں جس وجہ سے بافتوں میں ایب نارمل گروتھ بن جاتی ہیں۔جو کہ آگے چل کر کینسر کےغدود میں بھی تبدیل ہو سکتے ہیں۔ جس کو بیریٹس میٹا پلاشیا&nbsp; ڈس پلاشیا کارکینوما سیکوئنس کا نام دیا جاتا ہے۔<a href="#accordion">[4]</a> 
&nbsp;

علامات

بیریٹس ایسو فیگس کے ہونے کا سب سے بڑا سبب طویل مدت تک گرڈ کی بیماری میں مبتلا ہونا ہے ۔ جس کی درج ذیل علامات و نشانیاں ہوتی ہیں&nbsp;

<ul dir="rtl">
	<li>سینے کی جلن جو وقت کے ساتھ بدترین ہوتی جائے یہاں تک کہ اس کی شدت نیند سے بھی جگا دے&nbsp;</li>
	<li>سینےمیں درد جو کہ گرڈ کی وجہ سے بھی ہوتا ہے</li>
	<li>نگلنےمیں دشواری&nbsp;</li>
	<li>ایسا محسوس ہونا کہ غذا کی نالی میں&nbsp;کچھ پھنسا ہوا ہے&nbsp;</li>
	<li>مستقل گلےمیں خراش اور منہ میں کھٹا ذائقہ محسوس ہونا ۔ اس کی&nbsp;وجہ سےمنہ&nbsp;سے بدبو کی شکایت بھی ہو سکتی ہے۔(ہیلی ٹوسس)</li>
	<li>تیزی سے وزن کا کم ہونا&nbsp;</li>
	<li>پاخانے میں خون آنا&nbsp;</li>
	<li>قے کا آنا&nbsp; 
	&nbsp;</li>
</ul>

تاہم 50 فی صد&nbsp; تک لوگ جو بیریٹس ایسو فیگس میں مبتلا ہوتے ہیں صرف معدے میں تیزابیت کی علامات پر ڈاکٹر سے رجوع نہیں کرتے ہیں۔<a href="#accordion">[7]</a>مگر یہ ضروری ہے کہ ہاضمے کے عمل کے حوالے سے کسی بھی قسم کی شکایت کی صورت میں لازمی طور پرڈاکٹر سےابتدائی مرحلے میں رجوع کرلینا چاہیے تاکہ وہ بیریٹس ایسو فیگس میں تبدیل نہ ہو جائے. 
&nbsp;

اسباب

بیریٹس ایسو فیگس کا حقیقی سبب اب تک دریافت نہیں ہو سکا ہے۔ تاہم اس بیماری میڑ مبتلا ہونے والے زيادہ تر افراد میں طویل وقت سے گرڈ نامی بیماری میں مبتلا رہنے کے شواہد سامنے آئے ہیں۔ مگر کچھ مریض ایسے بھی ہوتے ہیں جن میں کسی قسم کے تیزابی اثرات کی علامات نہیں ہوتی ہے ۔ ایسے مریضوں کی حالت کو سائلنٹ ریفلکس کانام دیاجاتا ہے۔<a href="#accordion">[7]</a>

معدے میں ہونے والی تیزابیت جو کہ گرڈ یا کسی اور وجہ سے ہوتی ہے واپس ایسو فیگس میں جا کر اس کی بافتوں کو نقصان پہنچاتی ہےاور ایسو فیگس کی دیواروں میں تبدیلی کا سبب بنتی ہےجس کی وجہ سے بیریٹس ایسو فیگس کی بیماری لاحق ہو سکتی ہے۔&nbsp; 
&nbsp;

اسکریننگ ٹیسٹ کا سب سے بڑا مقصد یہ ہوتا ہے کہ جتنا ممکن ہو سکے ابتدائی مرحلے میں ہی بیریٹس ایسو فیگس کی تشخیص کی&nbsp; جا سکے ۔مگر اس مقصد کا حصول کافی دشوار ہوتا ہے۔ کیوں کہ 90 فیصد مریضوں میں جن میں ایسو فیگل ایڈینو کارکینوما&nbsp; تشخیص ہوتا ہےاس میں ماضی میں&nbsp; بیریٹس ایسو فیگس کی کوئی تکلیف رپورٹ نہیں ہوتی۔یہ اس حوالے سے بھی بہت مشکل ہوتا ہے کہ40 فی صد تک مریضوں میں طویل وقت تک گرڈ کی بیماری کے ہونے کے شواہد بھی موجود نہیں ہوتے ہیں۔<a href="#accordion">[1]</a>

اس بیماری کی اسکریننگ کے لئےعام طور پر منہ کے راستے ہونے والی اینڈوسکوپی اوربائیوپسی کے نمونوں کا استعمال کیا جاتا ہے۔ اگر ان نمونوں میں غذائی نالی میں میوکوسا کےنالی نما خلیات سامنےآئيں تو پھراس کےلئے یقینی ٹیسٹ کروانا ضروری ہوتا ہے۔اینڈوسکوپک کے متبادل طریقوں میں اسکریننگ کے لئے ٹرانس نیسل اینڈوسکوپی (ٹی این ای ) اور سنگل فائبر اینڈوسکوپی کا بھی استعمال کیا جاتا ہے۔تاہم نان اینڈوسکوپک سکریننگ آلات کا بھی استعمال اس بیماری کی تشخیص کے لئے کیا جا سکتا ہے۔جس میں بافتوں کو خوردبین کی مدد سے دیکھا جاتا ہےاس کے علاوہ ایک اور اسکریننگ کا طریقہ کار جس میں سائٹو سفنج کا استعمال ہوتا ہےاستعمال کیاجاتا ہے۔سائٹو سفنج جلیٹن لگا ایک سفنج ہوتا ہےجوکہ ایک ڈوری سے بندھا ہوتا ہےجوایسوفیجیل میوکوسا کےسائٹولوجیکل نمونے حاصل کرتا ہے.<a href="#accordion">[1]</a> 
&nbsp;

تشخیص

حالیہ دنوں میں ہیلتھ کئیر پریکٹس کرنے والے افراداس بیماری کی تشخیص کے لئے گیسٹروایسوفیجل جنکشن سے حاصل شدہ ایک سم تک کہ نالی نما ایپی تھیلیم&nbsp; خلیات سے کرتے ہیں ۔جس کی بائیوپسی سےآنتوں میں موجود میٹا پلاشیا کے شواہد کا اندازہ لگایا جاتا ہے۔ تحقیقات سے یہ ثابت ہےکہ بیریٹس ایسوفیگس کی تشخیص کے لئےاپراینڈوسکوپی نامی ایک ٹیسٹ ہی واحد طریقہ ہے۔ اس عمل میں ایک چھوٹی روشن ٹیوب جس کو اینڈوسکوپ کہتے ہیں منہ کےراستےداخل کی جاتی ہے۔ تاکہ ایسو فیگس کی دیواروں میں ہونے والی تبدیلیوں کو دیکھا جا سکے۔<a href="#accordion">[1]</a>

یہ بھی دیکھا گیا ہے کہ ایسو فیگس کی ظاہری حالت بعض اوقات غلط فہمی کا شکار بھی کر سکتی ہے جیسے کہ بعض اوقات اس کی حالت بیریٹس ایسو فیگس کی(نقلی مثبت) کی طرح بھی نظر آسکتی ہے۔ مگر اس صورت میں اس کو کنفرم کرنے کے لئے ٹیسٹ کرنا ضروری ہوتا ہے۔ اس وجہ سےایسی حالت میں بائیوپسی کی جاتی ہے جو شکوک کو رفع کر سکتی ہے۔ بائیوپسی کی صورت میں ڈاکٹر ایسی بافتوں کے کچھ نمونے حاصل کرتے ہیں جو کہ اینڈوسکوپ کی مدد سے لئے جاتے ہیں۔جس کے بعد پیتھالوجسٹ ان بافتوں کی جانچ کرتا ہے اوراس سے تشخیص کرتا ہے۔ 
&nbsp;

بیریٹس ایسو فیگس کو پانچ مراحل میں تقسیم کیا جاسکتا ہے ۔ جو کہ کینسر والے خلیات یا غدود&nbsp; کے بننے پر منحصر ہوتے ہیں ۔ بیریٹس ایسو فیگس کے مراحل کچھ اس طرح سے ہوتے ہیں۔<a href="#accordion">[6]</a> 
&nbsp;

<ul dir="rtl">
	<li>
	<h5>نان ڈپلاسٹک&nbsp;</h5>
	</li>
</ul>

بیرینٹس ایسوفیگس کی اس قسم میں،کسی قسم کی کینسر والی بافتوں کی نشونما نہیں ہوتی ہے.&nbsp; 
&nbsp;

<ul dir="rtl">
	<li>
	<h5>ہلکے درجے کی اشکال میں تبدیلی&nbsp;</h5>
	</li>
</ul>

ہلکے درجے کی خلیات کی اشکال میں تبدیلی،اس وقت ہوتی ہےجب خلیات میں کسی قسم کی بڑی تبدیلی واقع نہیں ہوتی ہے۔ اس مرحلے پر بھی بیماری کینسر کے درجے پر نہیں ہوتی ہے&nbsp; 
&nbsp;

<ul dir="rtl">
	<li>
	<h5>شدید نوعیت کی اشکال میں تبدیلی&nbsp;</h5>
	</li>
</ul>

خلیات میں ہونے والی شدید نوعیت کی تبدیلی کی وجہ سے خلیات میں بڑی تبدیلی واقع ہوتی ہے جس سے اس کےافعال متاثر ہو سکتے ہیں تاہم اس کو کینسر نہیں کہا جا سکتا ہے ۔ 
&nbsp;

<ul dir="rtl">
	<li>
	<h5>غیر حملہ آور کینسر&nbsp;</h5>
	</li>
</ul>

اس مرحلے میں کینسر ایوفیگس یا غذائی نالی میں بن تو جاتا ہے مگر وہیں تک محدود رہتا ہے۔ مختصرا اس کا پھیلا ؤ یا میٹاسس دوسرے حصوں تک نہیں ہوتا ہے۔ اس حالت کو بیریٹس ایسو فیگس کا علاج نہ ہونے کے سبب ہونے والی پیچیدگی قرار دیا جاتا ہے۔ میٹاسس سےمراد وہ حالت ہے جس میں کینسر زدہ خلیات&nbsp; مختلف اعضا تک پھیل جاتا ہے۔&nbsp; 
&nbsp;

<ul dir="rtl">
	<li>
	<h5>حملہ آور کینسر</h5>
	</li>
</ul>

اس مرحلے میں میٹا سس کی صورت میں جسم کے مختلف حصوں تک کینسر کا پھیلا ؤ ہوتا ہے۔ 
&nbsp;

علاج

بیریٹس ایسوفیگس کے علاج کے لئے انہی ادویات کا استعمال کیا جاتا ہے جو گرڈ کے علاج کے لئے استعمال کی جاتی ہیں ۔ اس کےعلاوہ اینڈوسکوپک ایبلیٹو تھراپیز،اینڈوسکوپک میوکوسل ریسیکشن اورسرجیکل طریقہ کار۔<a href="#accordion">[8]</a> 
&nbsp;

<h5 dir="rtl">ادویات کے ذریعے علاج&nbsp;</h5>

ایک ھفعہ جب اس بیماری کی حتمی تشخیص ہو جائےاور اس کے ساتھ گرڈ بھی ہو تو ڈاکٹر معدے میں تیزابیت کم کرنے والی ادویات شروع کروا دیتے ہیں جن کو پروٹون پمپ ان ہیبیٹیرز(پی پی آئیس) کہتے ہیں ۔ یہ غذائی نالی میں ہونے والے مزید نقصان کو روکتے ہیں اور سکون فراہم کرتی ہیں ۔ مگر ان ادویات کا استعمال&nbsp; نان ڈپلاسٹک مرحلے کےعلاج کے لئے ہی کیا جا سکتا ہے۔&nbsp; 
&nbsp;

پی پی آئس میں درج ذیل ادویات شامل ہوتی ہیں&nbsp;

<ul dir="rtl">
	<li>&nbsp;Omeprazole</li>
	<li>&nbsp;Lansoprazole</li>
	<li>&nbsp;Pantoprazole</li>
	<li>&nbsp;Rabeprazole</li>
	<li>&nbsp;Esomeprazole</li>
	<li>&nbsp;Dexlansoprazole</li>
</ul>

تاہم ،اگراس کے باوجود بھی گرڈ کی علامات برقرار رہیں تو اس کا مطلب ہے کہ ادویات سے فائدہ نہیں ہو رہا ہےاس صورت میں ڈاکٹرحضرات اینٹی ریفلکس سرجری بھی تجویز کر سکتے ہیں ۔ 
&nbsp;

<h5 dir="rtl">اینڈو سکوپک ایبلیٹو تھراپیز&nbsp;</h5>

اس طریقہ علاج میں ڈسپلیشیا جوغذائی نالی میں بن رہا ہوتا ہے،کے خلاف لڑنے کے لئے ایک منفرد حکمت عملی کا استعمال کیا جاتا ہے ۔ اس طریقہ علاج کا بنیادی مقصد یہی ہوتا ہے کہ جسم کو اس قابل بنایا جائے کہ وہ نارمل ہاضمی نالی کے خلیات بنا سکے۔ ایک معدے کے امراض کا ماہر سرجن اس عمل کومنتخب ہسپتال میں انجام دیتا ہے۔ یہ ہلکی نوعیت اور شدید نوعیت کی ڈسپلاسٹک مرحلوں کے لئے استعمال کیا جاتا ہےاس عمل میں عام طور پر جو طریقہ کار استعمال کئے جاتے ہں وہ کچھ اس طرح سے ہوتے ہیں ۔&nbsp;

<ul dir="rtl">
	<li>فوٹو ڈائنمک تھراپی: اس میں ایک خاص کیمیکل استعمال کیا جاتا ہے جو روشنی سے ایکٹو ہوتا ہے۔ اس کیمیکل کو پورفیمر (فوٹوفرن) کہتے ہیں اس کےساتھ ایک اینڈوسکوپ&nbsp;لیزر کے ساتھ ہوتا ہے جس کا کام ہاضمی نالی میں موجود پری کینسر خلیات کو ختم کرنا ہوتا ہے۔یہ عمل اس وقت شروع&nbsp; ہوتا ہے جب ڈاکٹر پورفیمر کو انجکشن کےذریعے مریض کی نس میں داخل کرتا ہےجس کے بعد 24 سے 72 گھنٹے اس عمل کو مکمل ہونے میں لگ سکتے ہیں&nbsp; 
	&nbsp;</li>
	<li>ریڈیو فریکونسی ایبلیشن : اس طریقہ کار میں ریڈیائی لہروں کو پری کینسر خلیات اور بیریٹس بافتوں کے کینسر زدہ خلیات کو مارنے کے لئے استعمال کیا جاتا ہے۔ جس میں ایک غبارے کی مد د سے حرارت پیدا کی جاتی ہے&nbsp; جس میں الیکروڈ نصب ہوتے ہیں ۔اس میں اینڈوسکوپ ایسی حرارت پیدا کرتا ہے جس سے بیریٹس بافتیں ختم ہو جاتی ہیں ۔ 
	&nbsp;</li>
	<li>اینڈوسکوپک میوکوسل ریسیکشن :&nbsp; اس طریقہ علاج میں بیریٹس بافتوں کو اٹھایا جاتا ہے اوران کے نیچے ایک انجکشن لگایا جاتا ہے جس کے بعد اینڈوسکوپ کی مدد سے ان بافتوں کو کاٹ دیا جاتا ہے۔ معدے کے امراض کے ماہر سرجن خاص ہسپتالوں میں اس عمل کو انجام دینے کی مہارت رکھتے ہیں۔ تاہم اس طریقہ علاج سے قبل یہ ضروری ہے کہ اینڈوسکوپک الٹرا ساونڈ ضرور کروا لیا جائے۔&nbsp; 
	&nbsp;</li>
</ul>

<h5 dir="rtl">سرجری کے ذریعے علاج&nbsp;</h5>

بیریٹس ایسو فیگس کے لئے کی جانے والی سرجری کو ایسوفیجیٹومی کہتے ہیں ۔ یہ اینڈوسکوپک طریقہ علاج کا متبادل ہوتا ہے۔جب کہ اینڈوسکوپک&nbsp; طریقہ علاج کو پیچیدگیاں کم ہونےکےسبب فوقیت حاصل ہے۔ اس سرجری میں غذائی نالی کے بیریٹس ایسوفیگس سے متاثرہ حصوں کو سرجری کر کےعلیحدہ کر دیا جاتا ہے۔ غذائی نالی کے جزوی حصوں کو علیحدہ کرنے کے بعد&nbsp; باقی حصوں کو معدے اور بڑی آنت کے ساتھ جوڑ دیتا ہے۔&nbsp; 
&nbsp;

بیریٹس ایسوفیگس میں مبتلا افراد کے ہاضمی نالی کے کینسر میں مبتلا ہونے کا خطرہ زیادہ ہوتا ہے ۔ جو کہ اس کی سب سے خوفناک پیچیدگی ہے۔ اگر اس کا علاج بروقت مناسب انداز میں نہ کیا جائے تو اس کا سائز بڑھ بھی سکتا ہے اور تشخیص کو متاثر بھی کرسکتی ہے ۔&nbsp;

بغیر کسی وجہ کے وزن میں تیزی سے کمی جو کہ کچھ مریضوں میں دیکھی گئی ہے۔ شروع میں&nbsp; درد کی وجہ سے کھانے پینے میں دشواری ہوتی ہے اور اس کے بعد ایسے مریضوں میں اس وجہ سے&nbsp; وزن میں کمی اور کمزوری کی بھی شکایت ہو سکتی ہے ۔&nbsp; 
&nbsp;

کسی بھی بیماری کے خطرات کو بڑھانے والے ہمیشہ کچھ نہ کچھ عوامل ہوتے ہیں ، اسی طرح بیریٹس ایسو فیگس&nbsp; کو بڑھانے والے بھی کچھ خطرناک عوامل ہوتے ہیں جو کچھ اس طرح سے ہو سکتے ہیں۔<a href="#accordion">[7]</a>

<ul dir="rtl">
	<li>فیملی ہسٹری : اگر آپ کے خاندان میں ماضی میں کسی فرد کو بیریٹس ایسو فیگس یا ہاضمی نالی کے کینسر کے شواہد موجود ہوں تو آپ کے بھی اس بیماری میں مبتلا ہونے کے امکانات و خطرات میں اضافہ ہو جاتا ہے&nbsp; 
	&nbsp;</li>
	<li>مرد ہونا :&nbsp; تحقیقات سے یہ ثابت ہے کہ مردوں میں اس بیماری کے مبتلا ہونے کی شرح خواتین کے مقابلے میں زيادہ ہوتا ہے. 
	&nbsp;</li>
	<li>قومیت : سفید فام افراد میں اس بیماری کا پھیلاؤ دوسری قومیت کے افراد کے مقابلے میں زيادہ ہوتا ہے۔&nbsp; 
	&nbsp;</li>
	<li>عمر : یہ بیماری عام طور پر50 سال سے بڑی عمر کےافراد میں زيادہ دیکھی گئی ہے۔&nbsp; 
	&nbsp;</li>
	<li>شدید سینے میں جلن یا ایسڈ ریفلکس :&nbsp;اگر آپ&nbsp; گرڈ میں مبتلا ہیں&nbsp;جس پرادویات اثر نہیں کر رہی ہیں جیسے کہ پروٹون پمپ ان ہیبیٹرز،تو آپ کے بیریٹس ایوفیگس کے ہونے کا امکان بڑھ جاتا ہے۔&nbsp; 
	&nbsp;</li>
	<li>تمباکو نوشی کی عادت : تمباکو نوشی کے سبب کاسینوجن جسم میں داخل ہوتے ہیں بلکہ یہ ہاضمی نالی کی دیواروں کو بھی نقصان پہنچاتی ہے اور بیریٹس ایسوفیگس کے امکانات بھی بڑھا دیتی ہے۔&nbsp; 
	&nbsp;</li>
	<li dir="rtl" style="text-align:right">وزن میں غیر صحت مندانہ اضافہ : پیٹ کے گرد بڑھی ہوئی چربی&nbsp; معدے پر دباؤ میں اضافے کا سبب ہوتی ہے جو کہ شدید گرڈ کا سبب بن سکتی ہے۔&nbsp; 
	&nbsp;</li>
</ul>

اگر آپ ہاضمی نالی کی کینسر سے بچنا چاہتے ہیں تو اس کے لئے طرز زندگی میں تبدیلی ضروری ہے ، جو کہ بیریٹس ایسو فیگس کی خوفناک ترین پیچیدگی ہے ۔ احتیاطی تدابیر کو اختیار کرنے میں سب سے پہلا مقصد ایسڈ ریفلکس کو روکنا ہونا چاہئے ، کیوں کہ یہ ہاضمی نالی کی دیواروں کو متاثر کرنے کا سبب بن سکتا ہے۔ ذیل میں کچھ افعال بتائے&nbsp; گئے ہیں جن کو اختیار کر کے اس بیماری سے بچاجاسکتا ہے:<a href="#accordion">[9]&nbsp;</a> 
&nbsp;

<h5 dir="rtl">1: تمباکو نوشی ترک کرنا&nbsp;</h5>

اس سے قطع نظر کہ آپ کیسے تمباکو نوشی کرتے ہیں چاہے سگریٹ پیتے ہیں یا حقہ ہر طرح کی تمباکو نوشی ہاضمی نالی کی دیواروں کو نقصان پہنچانے کا سبب بنتی ہے۔ تحقیقات کے مطابق تمباکو نوشی ہاضمی نالی کے کینسر کے خظرے کو 5 گنا بڑھا دیتی ہے۔ 
&nbsp;

<h5 dir="rtl">2: شراب نوشی ترک کرنا</h5>

یہ بہت ضروری ہے کیوں کہ مختلف اقسام کی شراب (بئیر ، وائن&nbsp; یا وسکی )ہاضمی نالی کے کینسر کے خطرات کو بڑھا دیتی ہے۔ ماہرین کے مطابق شراب نوشی ہاضمی نالی کے کینسر کے خطرے کو 7.4فی صد تک بڑھا دیتی ہے۔&nbsp; 
&nbsp;

<h5 dir="rtl">3: وزن کا خیال رکھیں</h5>

اضافی وزن معدے میں تیزابیت کا ایک بڑا سبب ہو سکتا ہے جو کہ بیریٹس ایسو فیگس کا باعث بھی بن سکتا ہے۔ جو کہ ہاضمی نالی کے کینسر میں بھی تبدیل ہو جاتا ہے زيادہ وزں والے افراد میں اس بیماری میں مبتلا ہونے کا خطرہ 3 فی صد زیادہ ہوتا ہے۔ 
&nbsp;

<h5 dir="rtl">4: دیگر عوامل&nbsp;</h5>

کچھ دیگرعوامل بھی ہاضمی نالی کے خطرے کو بڑھانے کا سبب بن سکتے ہیں جو کچھ اس طرح سے ہو سکتے ہیں&nbsp;

<ul>
	<li dir="rtl" style="text-align: right;">دانتوں کی صفائی کا خیال نہ رکھنا&nbsp;</li>
	<li dir="rtl" style="text-align: right;">غذا میں مناسب مقدار میں پھلوں اورسبزیوں کا استعمال نہ کرنا&nbsp;</li>
	<li dir="rtl" style="text-align: right;">بہت زيادہ گرم مشروبات کا استعمال&nbsp;</li>
	<li dir="rtl" style="text-align: right;">بہت زيادہ سرخ گوشت کا استعمال&nbsp; 
	&nbsp;</li>
</ul>

جدید تحقیقات کے مطابق مصنوعی ذہانت&nbsp; کو اس بیماری کی تشخیص کے لئے&nbsp; اینڈوسکوپک کے مقابلے میں زیادہ بہتر طریقے سے استعمال کیا جا سکتا ہے ۔ اس کے لئے جو طریقہ استعمال کیا جاتا ہے اس کو کمپیوٹر ایڈیڈ ڈٹیکشن نظام ک(سی اے ڈی )ہا جاتا ہے۔سی اے ڈی نارمل اینڈوسکوپی کے مقابلے میں بہتر آپشن ہے کیوں کہ اس سے ہاضمی نالی کی بہت تفصیلی تصاویر حاصل کی جا سکتی ہیں ۔ جس میں نیلی اور سبز مختلف طول موج کی لہروں کے ذریعے میوکوسا کی زيادہ بہتر تصویر حاصل کی جا سکتی ہے۔جب سائنسدانوں نے سی اے ڈی نظام کو این بی آئی پر چیک کیا تو اس کی درستگی ، حساسیت ، اور خصوصیات کو چیک کیا تو وہ بالترتیب 84 فیصد،88 فیصد اور78 فیصد تک تھیں۔<a href="#accordion">[10]</a> 
&nbsp;

اہم نکات

<ul dir="rtl">
	<li>&nbsp;بیریٹس ایسوفیگس ہاضمی نالی کی دیواروں کے خلیات میں ہونے والی تبدیلی کو کہتے ہیں ۔</li>
	<li>&nbsp;یہ عام طور پر گرڈ کے مریضوں میں زيادہ عام ہوتی ہے مگر یہ حتمی نہیں ہے ۔&nbsp;</li>
	<li>&nbsp;تحقیقات سے یہ ثابت ہے کہ عام افراد میں بریٹس ایسوفیگس&nbsp; کے پھیلنے کی شرح 1.5فیصد ہےجب کہ ان افراد میں یہ شرح 15 فیصد ہو جاتی ہے جن کو ماضی میں گرڈکا شکار رہے&nbsp; ہوں۔</li>
	<li>سفید پوش افراد میں اس بیماری کے ہونے کے امکانات زیادہ ہوتے ہیں۔</li>
	<li>بیماری کی پیتھا سائیکولوجی کے ذریعے یہ بتاتی ہے کہ اس بیماری کےکون سے دومراحل ہیں ۔</li>
	<li>&nbsp;پہلے مرحلے کا تعلق ہاضمے کی نالی کی دیواروں میں ہونے والی&nbsp; تبدیلی سے ہے جس میں وہ&nbsp;سکوامس میوکوسا میں تبدیل ہونا شروع ہو جاتے ہیں&nbsp;</li>
	<li>جب کہ دوسرے مرحلے میں یہ خلیات پیالہ نما خلیات میں تبدیل ہو جاتے ہیں جو کہ&nbsp; آنتوں کے میٹا پلاشیا کو ظاہر کرتے ہیں ۔ جس میں ہاضمی نالی کی دیواروں میں تبدیلی واقع ہوتی ہے ۔&nbsp;</li>
	<li>&nbsp;اس کی علامات اور نشانیوں میں سینے میں جلن ، سینے میں درد ، پاخانے میں خون کا آنا ، قے اور بغیر کسی وجہ کے وزن کا کم ہونا شامل ہے ۔&nbsp;</li>
	<li>&nbsp;بریٹس ایسوفیگس کو پانچ مراحل میں تقسیم کیا جا سکتا ہے۔ جو کہ کینسر زدہ&nbsp; خلیات اور ڈسپلاشیا کی بنیاد پر ہوتا ہے۔ جن میں نان ڈپلاسٹک ، ہلکے درجے کی اشکال میں ہونے والی تبدیلی ، شدید درجے کی اشکال میں تبدیلی،غیر حملہ آورکینسر اور حملہآور کینسر شامل ہیں ۔&nbsp;</li>
	<li>&nbsp;زيادہ تر افراد&nbsp;جو اس بیماری میں مبتلا ہوتےہیں&nbsp;ان میں طویل عرصے تک گرڈ کی ہسٹری موجود ہونے کے شواہد ہوتے ہیں ۔ مگر یہ بھی دیکھا گیا ہے کہ&nbsp;کچھ افراد ایسے بھی ہوتے ہیں جن کو ایسڈ ریفلکس&nbsp;کی علامات کا سامنا نہیں ہوتا&nbsp;تو ایسے افراد کی اس حالت کو سائلنٹ ریفلکس کہا جاتا ہے ۔</li>
	<li>چالیس فیصد تک ایسو فیجل&nbsp;ایڈینوکارسینوما کے مریضوں میں گرڈ میں مبتلا ہونےکے شواہد نہیں پائےگئے ۔&nbsp;</li>
	<li>&nbsp;عام طور پر منہ کے راستے ہونے والی اینڈوسکوپی اور بائيوپسی کے ذریعے&nbsp;اس بیماری کی سکریننگ کی&nbsp;جا سکتی ہے۔</li>
	<li>&nbsp;اینڈو سکوپک سکریننگ کے متبادل طریقہ کار کے طور پر ٹرانس نیسل اینڈوسکوپی اور سنگل فائبر اینڈوسکوپی کا استعمال کیا جا سکتا ہے۔&nbsp;</li>
	<li>&nbsp;سائٹو سفنج ایک جیلاٹن کوٹڈ اسفنج ہوتا ہے جو ایک رسی سے جڑا ہوتا ہے اور ایسوفیجل میوکوسا کے سائٹولوجیکل نمونے جمع کرتا ہے&nbsp; جن کی سکریننگ کی جا سکتی ہے ۔</li>
	<li>حالیہ دنوں میں ہیلتھ کئیر پریکٹس کرنے والےافراداس بیماری کی تشخیص کے لئے گیسٹروایسوفیجل جنکشن سے حاصل شدہ ایک سم تک کہ نالی نما ایپی تھیلیم&nbsp; خلیات سے کرتے ہیں۔</li>
	<li>&nbsp;بائیوپسی جو کہ آنتوں کےمیٹا پلاشیا کی موجودگی کو سپورٹ کرئے کروانا ضروری ہوتی ہے۔&nbsp;</li>
	<li>&nbsp;واحد صورت جو اس بیماری کی&nbsp;یقینی تشخیص کے لئے ضروری ہے وہ اپر اینڈوسکوپی ہے۔&nbsp;</li>
</ul>

[1] Eluri, S., & Shaheen, N. J. (2017). Barrett's esophagus: diagnosis and management. Gastrointestinal endoscopy, 85(5), 889–903.

[10] Struyvenberg MR, de Groof AJ, van der Putten J, et al. A computer-assisted algorithm for narrow-band imaging-based tissue characterization in Barrett’s esophagus. Gastrointestinal Endoscopy. 2021;93(1):89-98.

[2] Naini, B. V., Souza, R. F., & Odze, R. D. (2016). Barrett's Esophagus: A Comprehensive and Contemporary Review for Pathologists. The American journal of surgical pathology, 40(5), e45–e66.

[3] Runge, T. M., Abrams, J. A., & Shaheen, N. J. (2015). Epidemiology of Barrett's Esophagus and Esophageal Adenocarcinoma. Gastroenterology clinics of North America, 44(2), 203–231