پراسٹیٹ گلینڈ کے سائز میں غیر سرطانی اضافہ

A. JABBAR DENTAL CLINIC KARACHI

Sadia Khan

جائزہ

مردوں کے پراسٹیٹ گلینڈ کے سائز میں غیر سرطانی اضافے /بینا ئین پروسٹیٹک ہائپرپلیشیاکے لئے&nbsp; مختلف نام استعما ل کئے جاتے ہیں، جیسے پراسٹیٹ گلینڈ کی غیر سرطانی رکاوٹ[1]۔

بی پی ایچ یا پراسٹیٹ گلینڈ کے سائز میں غیر سرطانی اضافہ ایک عام حالت ہے، خاص طور پر بڑی عمر کے&nbsp; مردوں میں۔ پروسٹیٹ غدود کے بڑھے ہوئے سائز کو غلطی سے کینسر خیال کرلیا جاتا ہے ، لیکن درحقیقت یہ مکمل طور پر غیر سرطانی ہوتا ہے۔تاہم یہ پہلے سے موجود کینسر کی نشوونما پر اثر انداز ہوتا ہے یا کینسر ہونے کے امکانات کو بڑھاتا ہے۔ بنیادی مسئلہ اکثر یہ ہوتا ہے کہ پروسٹیٹ کے مسائل منسلک بدنامی یا شرمندگی کیوجہ سے اس کے بارے میں بہت کم بات کی جاتی ہے۔ مرد اس طرح کے مسائل کی&nbsp; اسکریننگ یا چیک&nbsp; اپ کروانے میں پریشانی محسوس کرتے ہیں ،کیوں کہ اس کا تعلق کسی نہ کسی طرح مردانگی&nbsp; میں کمی سے ہوتا ہے۔ اس کی وجہ سے نہ صرف پراسٹیٹ گلینڈ کے سائزمیں اضافے کے کیسز کی تشخیص نہیں ہوسکتی&nbsp; ہے، بلکہ کینسر جیسے دیگر مسائل بھی مزید خراب ہوتے ہیں[2]۔ دنیا بھر میں، پروسٹیٹ گلینڈ کے سائز میں غیر سرطانی اضافے (بی پی ایچ)کا پھیلاؤ، 50 سال سے زیادہ عمر کے مردوں میں 20 فیصد سے 62 فیصد تک ہوتا ہے[3]۔ بی پی ایچ کی شرح تقریباً 87.5 فیصد ہے، جب کہ کنگ ایڈورڈ میڈیکل یونیورسٹی نے اپنے اعدادوشمار 77 فیصد&nbsp; بتائے ہیں[4]۔ یہ اعدادوشمار تشویشناک ہیں اور بی پی ایچ کے بارے میں بیداری بڑھانے کی ضرورت کی نشان دہی کرتے ہیں۔

اسباب

پروسٹیٹ، مردانہ تولیدی نظام میں ایک غدود ہے جوایک سیال پیدا کرتا ہے ،جو منی میں شامل ہوجاتا ہے اور&nbsp; یہ زرخیزی کے لئے&nbsp; ضروری&nbsp; ہوتا ہے۔&nbsp;بی پی ایچ کی صورت میں ، اس&nbsp; غدود کا سائز بڑھ جاتا ہے ۔ ایسا کیوں ہوتا ہے اس کی صحیح وجہ ابھی تک معلوم نہیں ہے، لیکن زیادہ ترصورتوں میں صرف بڑی عمر کے مرد ہی اس سے متاثر ہوتے ہیں۔ جن مردوں کے خصیے بلوغت سے پہلے ہٹا دیے جاتے ہیں، ان میں بی پی ایچ&nbsp; ہونے کی کوئی علامت نہیں ہوتی۔ لہٰذا، خیال کیا جاتا ہے کہ اس بیماری کا تعلق خصیوں اور عمر کے عوامل سے ہوسکتا ہے۔ بعض مطالعات سے پتہ چلتا ہے کہ، خون میں فعال ٹیسٹوس ٹیرون کی موجودگی عمر کے ساتھ کم ہوتی جاتی ہے۔ اس طرح، خون میں ایسٹروجن تناسب زیادہ ہوجاتا ہے ۔خیال کیا جاتا ہے کہ ایسٹروجن بالواسطہ طور پر پروسٹیٹ گلینڈ کے خلیات کی نشوونما کو فروغ دیتا ہے۔ ایک اور نظریہ کے مطابق، ڈائی ہائیڈر و ٹیسٹوس ٹیرون اس کا سبب ہے۔جب مردوں میں ،ٹیسٹوس ٹیرون کی سطح میں کمی ہوتی ہے، تب بھی ڈائی ہائیڈروٹیسٹوس ٹیرون پیدا ہوتا ہے۔ یہ جسم میں جمع ہوتا ہے اور پروسٹیٹ خلیات کی نشوونما کو متحرک کرتا ہے، اور بعض مطالعات کے مطابق، میں ڈائی ہائیڈر و ٹیسٹوس ٹیرون پیدا نہ کرنے والے مردوں میں بی پی ایچ بھی نہیں ہوتا[1]۔<div> </div>

علامات

پراسٹیٹ گلینڈ کے سائز میں غیر سرطانی اضافہ (بی پی ایچ)کی علامات میں درج ذیل شامل ہیں: <ul><li>دن میں کم ازکم آٹھ بار یا اس سے زائد مرتبہ پیشا ب آنا</li><li>پیشاب کو زیادہ دیر تک نہ روک سکنا (پیشاب کرنے کی فوری ضرورت)</li><li>پیشاب کا اخراج شروع ہونے میں دِقّت ہونا</li><li>خلل کے ساتھ پیشاب کی کمزور دھار</li><li>پیشاب کرنے کے بعد ، پیشاب کے قطرے آنا</li><li>رات میں نیند کے دوران کئی مرتبہ پیشاب کرنے کی ضرورت ہونا</li><li>پیشاب کی نالی کا انفیکشن</li><li>پیشاب نہ کر پانا</li><li>پیشاب رُک جاتا ہے&nbsp; یا جمع ہوجاتا ہے&nbsp;</li><li>پیشاب یا منی کے انزال کے بعد بے آرامی محسوس کرن</li><li>پیشاب میں خون کا آنا </li></ul>

بی پی ایچ&nbsp; کی اسکریننگ کے طریقے بڑے پیمانے پر استعمال نہیں ہوتے ہیں۔ پروسٹیٹ ٹیسٹ شرمندگی محسوس کرنے کی&nbsp; وجہ سے، بہت سے مرد اپنی مرضی سے پروسٹیٹ کے مسائل کے حوالے سے&nbsp; اسکریننگ نہیں کرواتے ہیں۔ تاہم، اسکریننگ ایک بہت آسان عمل ہے جس میں ڈیجیٹل رییکٹل ایگزام شامل ہوتا ہے، جس میں ایک ڈاکٹر اپنی دستانے والی انگلی کو مقعد&nbsp; کے نچلے حصے میں داخل کرتا ہے، جہاں سے پروسٹیٹ کا سائز محسوس کیا جا سکتا ہے[5]۔ چند&nbsp; اسکریننگ ٹیسٹ زیرِ تحقیق ہیں مثلاً&nbsp; بینائن پروسٹیٹک اینلارجمنٹ (بی پی ای)/ بینائن پروسٹیٹک اوبسٹرکشن (بی پی او) اسکریننگ ٹول جو مردوں میں بی پی ایچ کی تصدیق کے لئے پروسٹیٹ کے لئے مخصوص&nbsp; اینٹی جن ٹیسٹ کے ساتھ استعمال کیا جاتا ہے[6]۔

تشخیص

تشخیص کا عمل مریض کی ہسٹری لینے سے شروع کیا جاتا ہے۔ چند ابتدائی ٹیسٹ کئے&nbsp; جاتے ہیں جن میں درج ذیل شامل ہیں: <ul><li>انگلی کے&nbsp; ذریعے سے مقعد کا معائنہ –مقعد میں انگلی داخل کر کے پراسٹیٹ کی سوزش معلوم کرنا </li><li>پراسٹیٹ کے لئے مخصوس اینٹی جن (پی ایس اے ) خون کا ٹیسٹ-پی ایس اے پروسٹیٹ گلینڈ&nbsp; میں پیدا ہوتا ہے۔ بی پی ایچ&nbsp; میں مبتلا ہونے والے ہر فرد میں اس اینٹی جن کی سطح میں اضافہ نہیں ہوتا&nbsp; ہے، لیکن زیادہ تر صورتوں میں اس کی مقدار بڑھ جاتی ہے ۔ لہٰذا، تصدیق کے لئے&nbsp; متعلقہ مقداروں کی جانچ کی جاتی ہے۔ </li><li>خون کا ٹیسٹ-یہ ٹیسٹ گردوں کے فعل کا جائزہ لینے کے لئے کیا جاتا ہے&nbsp; </li></ul>ان ابتدائی ٹیسٹوں کے بعد ڈاکٹر درج ذیل مزید ٹیسٹ کروانے کی تجویز بھی دے سکتا ہے <ul><li>پیشاب کے بہاؤ کا ٹیسٹ-مریض کو ایک برتن میں پیشاب کرنے کے لئے کہا جاتا ہے، جو ایک مشین سے جُڑا ہوتا ہے ۔ اس کے ذریعے مریض کے پیشاب کے بہاؤ اور حجم کی پیمائش کی جاتی ہے ۔ </li><li>پیشاب کے اخراج کے بعد بچے ہوئے حجم کا ٹیسٹ –اس&nbsp; ٹیسٹ کےذریعے اپنے مثانے کو مکمل طور پر خالی کرنے کے حوالے سے&nbsp; مریض&nbsp; کی صلاحیت کو جانچا جاتا ہے ۔ </li><li>پیشاب کے اخراج کی ڈائری-مریض کو&nbsp; پیشاب کرنے کے حوالے سے ڈائری میں اندراجات رکھنے کے لئے کہا جاتا ہے، جس کے ذریعے رات کو نیند کے دوران پیشاب کی حاجت پیش آنے کا اندازہ لگایا جاتا ہے ۔ </li></ul>مندرجہ بالا ٹیسٹوں کے نتائج شدید یا پیچیدہ آنے کی صورت میں درج ذیل ٹیسٹ کروائے جاتے ہیں: <ul><li>گلٹیوں کا معائنہ-اس&nbsp; ٹیسٹ میں ایک لچک دار آلہ پیشاب کی نالی میں داخل کیا جاتا ہے، جس کے ذریعے معالج پیشاب کی نالی اور مثانے کے اندر دیکھ سکتا ہے ۔ </li><li>پراسٹیٹ کی بائیوپسی-مقعد کے اندر&nbsp; الٹراساؤنڈ کے ساتھ پراسٹیٹ گلینڈ کے سیمپل سے اس کی بائیوپسی کی جاتی ہے ۔ </li><li>پیشاب کی تحریکات اوردباؤ کے&nbsp; بہاؤ کے مطالعات –ایک کیتھیٹر کو پیشاب کی نالی میں داخل کرکے مثانے کے اندر دباؤ کی پیمائش کی جاتی ہے۔ اس کے بعد پانی یا ہوا داخل کر کے عضلات کے فعل کا مشاہدہ کرنے کے ساتھ دباؤ کی پیمائش کی جاتی ہے۔ </li><li>مقعد کے اندر الٹرا ساؤنڈ-مقعد کے اندر ایک پروب داخل کر کے الٹرا ساؤنڈ کیا جاتا ہے ۔</li></ul><div> </div>

علاج

بیماری کی عام نوعیت کی وجہ سے،بہت سے علاج دستیاب ہیں ، جن میں ادویات سے لے کر تھیراپی&nbsp; اور سرجری بھی شامل ہیں۔ درج ذیل عوامل کی بنیاد پر درست علاج کا تعین کیا جاتا ہے: <ul><li>عمر</li><li>صحت کی دیگر پیچیدگیاں</li><li>بے آرامی کی سطح</li><li>پراسٹیٹ گلینڈ کا سائز </li></ul>بہت ہلکے&nbsp; درجے کی صورتوں&nbsp; &nbsp;میں اکثر اوقات کسی&nbsp; علاج کی ضرورت نہیں ہوتی ہے، لیکن اگر علامات بار بار ظاہر ہوں اور مریض کا معیار زندگی بری طرح متاثر ہو اور&nbsp; اس کے&nbsp; ساتھ بیماری شدت کی طرف بڑھ رہی ہو تو ،درج ذیل علاج تجویز کئے&nbsp; جاتے ہیں۔ نقصان دہ پیچیدگیوں کو روکنے کے لئے&nbsp; بھی علاج کیا&nbsp; جا سکتا ہے۔ <h4>ادویات&nbsp;</h4>یہ طریقہ ہلکے درجے سے معتدل درجے والے مریضوں کے لئے ہے ۔استعمال کی جانے والی ادویات&nbsp; میں درج ذیل شامل ہیں: <ul><li>الفا بلاکرز- یہ مثانے کے منہ کے عضلات کو نرم کرتے ہیں </li><li>ٹیڈا لا فِل-یہ دوا&nbsp; ، مردوں میں جنسی عدم فعّالیت کے علاج کے لئے استعمال کی جاتی ہے ،لیکن اس پراسٹیٹ گلینڈ کی سوزش بھی کم ہوتی ہے &nbsp;</li><li>5 -الفا ریڈک ٹیز انہبیٹرز –یہ پراسٹیٹ گلینڈ کے سائز کو بڑھانے والے ہارمونز پر عمل کر کے&nbsp; بی پی ایچ کا علاج کرتی ہے&nbsp; </li><li>مشترکہ تھیراپی – الفا بلاکرز&nbsp; اور 5 -الفا ریڈکٹیز انہبیٹرز کو اکثر اوقات ملاکر استعمال کیا جاتا ہے جب ایک دوا مؤثر ثابت نہ ہو </li><li>پی ڈی ای ایس انہبیٹرز –یہ بہاؤ کی شرح کو بڑھا کر بی پی ایچ کا علاج کرتے ہیں </li></ul><h4>سپلیمنٹس</h4>"سا پامیٹو" سب سے زیادہ استعمال ہونے والے اور سب سے زیادہ تفصیل&nbsp; سے تحقیق شدہ سپلیمنٹس میں سے ایک ہے۔ تاہم، اس کی کارکردگی کے بارے میں اب بھی شکوک و شبہات موجود ہیں کیوں کہ جب کہ کئی چھوٹے مطالعات نے علاج کے اثرات کی اطلاع دی ہے،لیکن&nbsp; بڑے پیمانے پر ہونے والے مطالعات میں پروسٹیٹ کے سائز میں کوئی تبدیلی نہیں پائی گئی [7]۔ اس مقصد کے لئے&nbsp; استعمال ہونے والےچند&nbsp; دیگر سپلیمنٹس میں درج ذیل&nbsp; شامل ہیں: <ul><li>Pygeum</li><li>Rye grass</li><li>Beta Sitosterol </li></ul>نوٹ: سپلیمینٹس ، ادویات کا نعم البدل نہیں ہوتے ۔ برائے کرم ، علاج کے بہترین آپشنز کے لئے اپنے ڈالٹر سے مشورہ کیجئے ۔ <h4>نقصان کے ساتھ سرجری تھیراپی&nbsp;</h4> <ul><li>TUNA- اس طریقے میں پیشاب کی نالی کے اندر ایک اسکوپ داخل کیا جاتا ہے ، جس کے ذریعے معالج پراسٹیٹ گلینڈ میں سوئیاں داخل کرتا ہے اور گرم سوئیوں کے ذریعے ریڈیائی شعاعیں پہنچا کر پراسٹیٹ گلینڈ کے فاضل عضلات کو ختم کیا جاتا ہے ۔تاہم اب یہ طریقہ استعمال نہیں کیا جاتا۔ </li><li>TUMT- پیشاب کی نالی کے اندر مائکرو ویو تھرمو تھیراپی کے پراسس میں نقصان نہیں ہوتا ۔ اس طریقے میں پیشاب کی نالی کے اندر ایک الیکٹروڈ داخل کیا جاتا ہے ، جس کے ذریعے مائکروویو کی توانائی کو بھیج کر پراسٹیٹ گلینڈ کے اندرونی حصے کو ختم کیا جاتا ہے ۔اس طرح پراسٹیٹ گلینڈ کا سائز کم ہوجاتاہے اور پیشاب روانی سے جاری ہوسکتا ہے ۔یہ طریقہ ہلکے درجے میں پراسٹیٹ گلینڈ&nbsp; میں اضافے کی صورت میں استعمال کیا جاتا ہے۔ اس علاج کے کچھ عرصے بعد علامات میں بہتری نظر آتی ہے ۔ </li><li>TURP-&nbsp; مریض کی پیشاب کی نالی میں ایک اسکوپ مع روشنی داخل کیا جاتا ہے اور پراسٹیٹ گلینڈ کی پیشاب کی نالی کے راستے سے ری سیکشن کی جاتی ہے ۔سرجن، بڑھے ہوئے پراسٹیٹ کے بیرونی حصے کو نکال&nbsp; دیتا ہے ۔علامات جَلد ہی ختم ہوجاتی ہیں اور پیشاب کی روانی میں نمایاں بہتری نظر آتی ہے۔ </li><li>TUIP-TURP&nbsp; کی طرح اس طریقے میں بھی روشنی والا اسکوپ پیشاب کی نالی میں داخل کیا جاتا ہے تاہم اس طریقے سرجن، پراسٹیٹ گلینڈ پر "کَٹ" لگاتا ہے جس سے پیشاب کی روانی بہتر ہوجاتی ہے ۔</li></ul><div> </div>

بی پی آئی کی صورت میں درج ذیل پیچیدگیاں پید اہوتی ہیں: <ul><li>پیشاب کی نالی کے انفیکشن</li><li>پیشاب میںخون کا آنا</li><li>مثانے میں پتھری ہونا</li><li>گردوں میں پتھری ہونا</li><li>مثانہ خراب ہوجانا </li></ul>

بی پی ایچ&nbsp; مردوں میں بہت عام ہے اور توقع ہوتی ہے کہ ،مرد آبادی کی اکثریت اپنی زندگی کے کسی نہ کسی موقع پر اس کا شکار ہوگی۔ خیال کیا جاتا ہے کہ 80 سال کی عمر تک، 90% مردوں میں بی پی ایچ ہو چکا ہو گا[1]۔ تاہم، خطرے کے عوامل&nbsp; میں درج ذیل شامل ہیں: <ul><li>عمر- 40 سال سے کم عمر والے مردوں کو بی پی ایچ بہت ہی کم صورتوں میں ہوتا ہے&nbsp;</li><li>فیملی ہسٹری- بہت سے جینز کی وجہ سے بی پی ایچ جَلد لاحق ہوجانے کا امکان ہوتا ہے&nbsp;</li><li>نسل- بی پی ایچ ،سفید فام افراد کی نسبت،&nbsp; کو افریقی امریکیوں اور ہسپانوی مردوں میں زیادہ پایا گیاہے ،لیکن کوئی واضح تعلق تا حال نہیں پایا گیا ہے ۔</li><li>دِل کے مسائل۔</li><li>مٹاپا – مردوں میں چربی کے زیادہ ہونے کی وجہ سے ایسٹروجین کی مقدار بڑھ جاتی ہے ۔ لہٰذا ، بی پی ایچ کے جَلد لاحق ہونے کا امکان&nbsp;ہوجاتا ہے ۔</li><li>ذیابیطس- انسولین نما گروتھ فیکٹر کے اخراج کو ذیابطیس کے&nbsp; دوران&nbsp; تحریک ملتی ہے، جب لبلبے سے خون میں شکر کی مقدار کو کنٹرول کرنے لئے زیادہ انسولین خارج کی جاتی ہے ۔اس کی وجہ سے پراسٹیٹ گلینڈ کے سائز میں اضافہ ہوتا ہے اور ذیابطیس کی وجہ سے سوزش اور جنسی ہارمونز کی مقدار بھی کم ہوجاتی ہے۔</li><li>مردوں میں جنسی عدم فعّالیت- اس کی وجہ سے بی پی ایچ پیدا نہیں ہوتی تاہم خیا ل کیا جاتا کہ، دونوں صورتیں ایک ساتھ ہی پیدا ہوتی ہیں۔</li><li>جسمانی سرگرمیاں نہ کرنا </li></ul>

بی پی ایچ&nbsp; کو واقعی روکا نہیں جا سکتا، لیکن صحیح دیکھ بھال کے ساتھ، آپ&nbsp; اس مسئلے کی شدت سے بچ سکتے ہیں۔ اپنے پراسٹیٹ گلینڈ کی صحت کو قائم رکھنے کے لئے درج&nbsp; ذیل بعض اقدامات کئے جاسکتے&nbsp; ہیں: <ul><li>جسمانی سرگرمیاں</li><li>وزن میں کمی لانا</li><li>شراب نوشی کو ترک کرنا</li><li>سبزیاں زیادہ مقدار میں کھانا</li><li>ذیابطیس کو کنٹرول کرنا </li></ul>

بیومونٹ ہیلتھ کے تحقیق کاروں&nbsp; نے حال ہی میں ،بی پی ایچ&nbsp; اور پراسٹیٹ کینسر کے درمیان تعلق کو واضح کیاہے ۔ نتائج نے تجویز کیا کہ بی پی ایچ ، پروسٹیٹ کینسر کے خلاف حفاظتی عنصر کے طور پر کام کرتا ہے۔ تحقیق میں کہا گیا ہے کہ بی پی ایچ&nbsp; پراسٹیٹ کینسر کے خلاف حفاظتی اثر رکھتا ہے اور&nbsp;بی پی ایچ&nbsp; پراسٹیٹ کینسر ہونے کے امکانات کو مزید نہیں بڑھاتا ہے [8]۔ جرنل آف یورولوجی میں شائع ہونے والی ایک تحقیق میں بتایا گیا ہے کہ، بی پی ایچ کے علاج کے لئے&nbsp; استعمال ہونے والی ادویات ،&nbsp; مریضوں کے دل کے مسائل پیدا کرنے کے امکانات کو بڑھاتی ہیں اور خیال کیا جاتا ہے کہ ان کے دل کی ناکامی کے خطرے کو بڑھانے پر معمولی اثر پڑتا ہے۔ یہ خاص طور پر ان مردوں میں دیکھا گیا ہےجن کا علاج 5-ARIs اور ABs کے ذریعے کیا گیا تھا[9]۔

اہم نکات

<ul><li>بینائین پروسٹیٹک ہائپرپلاشیا50 سال سے زیادہ عمر کے مردوں میں ایک بہت عام مسئلہ ہے۔</li><li>پاکستان میں، بی پی ایچ کے ریکارڈ شدہ کیسز کا پھیلاؤ 77سے 87فیصد تک ہے۔</li><li>جیسے جیسے لوگوں کی عمر بڑھتی ہے، ٹیسٹوس ٹیرون کی سطح کم ہوتی جاتی ہے اور ایسٹروجن کی بڑھتی ہوئی سطح دیکھی جاتی ہے۔ ایسٹروجن بالواسطہ طور پر، پراسٹیٹ گلینڈ میں خلیات کی نشوونما میں اضافہ کرتا ہے۔</li><li>بی پی ایچ کی سب سے عام علامت، پیشاب کرنے میں دشواری اور بار بار پیشاب کرنا ہے۔</li><li>اسکریننگ کے لئے&nbsp; ابھی تک کوئی مضبوط طریقے نہیں ہیں۔&nbsp; مقعد میں انگلی کے ذریعے&nbsp; معائنہ میں مقعد کے نچلے حصے میں معالج کی دستانے والی انگلی کاداخل کرنا شامل ہوتا ہے۔ اس سےوابستہ&nbsp; زیادہ شرم و جھجھک کی وجہ سے اکثر مرد&nbsp; بی پی ایچ کا&nbsp; ٹیسٹ نہیں کرواتےہیں ۔</li><li>الفا-بلاکرز، ٹیڈالافل، 5-ARIs عام طور پر اپنے طور پر یا بی پی ایچ کے علاج کےلئے،&nbsp; ڈرگ تھراپی کے طور پر استعمال ہوتے ہیں۔</li><li>بی پی ایچ پیچیدگیوں کا باعث بن سکتا ہے،مثلاً پیشاب کی نالی کا انفیکشن ، پیشاب میں خون، گردے کی پتھری، مثانے کی پتھری اور مثانے کے کئی دیگر مسائل۔</li></ul><div> </div>

Prostate enlargement (benign prostatic hyperplasia). National Institute of Diabetes and Digestive and Kidney Diseases.

Zlatopolsky A. Prostate cancer's impact on Mental Health. Healthline.

Yeboah ED. PREVALENCE OF BENIGN PROSTATIC HYPERPLASIA AND PROSTATE CANCER IN AFRICANS AND AFRICANS IN THE DIASPORA. J West Afr Coll Surg. 2016 Oct-Dec;6(4):1-30. PMID: 29181363; PMCID: PMC5667727.

Frequency and trends of prostatic diseases in a subset of Karachi population: A retrospective study. Pakistan Journal of Medicine and Dentistry. 2021. doi:10.36283/pjmd10-1/004

Screening for benign prostatic hyperplasia (BPH). Winchester Hospital.

Benign prostatic hyperplasia (BPH) screening tool case finding study in subjects &gt;=50 years - Full Text view. Full Text View - ClinicalTrials.gov.

BPH treatment: Options for treating benign prostatic hyperplasia. WebMD.

Nandalur KR, Colvin R, Walker D, et al. Benign prostate hyperplasia as a potential protective factor against prostate cancer: Insights from a magnetic resonance imaging study of compositional characteristics. The Prostate. 2021;81(14):1097-1104. doi:10.1002/pros.24207

Lusty A, Siemens DR, Tohidi M, Whitehead M, Tranmer J, Nickel JC. Cardiac failure associated with medical therapy of benign prostatic hyperplasia: A population based study. Journal of Urology. 2021;205(5):1430-1437. doi:10.1097/ju.0000000000001561