کیویٹیز، جسے دانتوں میں کیڑا بھی کہا جاتا ہے۔ مزید جاننے کے لئےیہاں کلک کریں۔

کیویٹیز-دانتوں میں سوراخ

کیویٹیز - دانتوں میں سوراخ

Medilink Consultant clinic

Online Consultation

ZAKA CLINIC GULBERG LAHORE

سعد اللہ صدیقی

جائزہ

کیویٹیز،جسے دانتوں کا سڑنا یا خلاء یا کیڑا لگنابھی کہا جاتا ہے، اس کی وجہ سےبنیادی طور پرآپ کےدانت کی انیمل/ تامچینی&nbsp; گھل جاتی ہے۔انیمل آپ کے دانتوں کی سخت، بیرونی تہہ ہے۔ کیویٹیز تمام بچوں، نوعمروں اوربڑوں کے لیے یکساں مسئلہ ثابت ہوئی ہیں۔ دانتوں کی کیویٹیز کوواضح طورپرسمجھنے کے لیے ایک اور اصطلاح اہم ہے،جسے پلاک یعنی خراب مواد یا بیکٹیریا کی تہہ کہتے ہیں۔ یہ بیکٹیریا کی ایک چپچپی تہہ ہے،جودانتوں سے جڑ جاتی ہے۔جب بھی آپ ایسی غذا&nbsp; یا مشروبات لیتے ہیں،جن میں شوگر کی مقدارزیادہ ہوتی ہے تو پلاک میں موجود مذکورہ بیکٹیریا تیزاب پیدا کر سکتے ہیں جو دانتوں کے تامچینی کو نقصان پہنچاتے ہیں۔ پلاک کی چپچپی خصوصیت سےیہ تیزاب آپ کے دانتوں کو مسلسل نقصان پہنچاتے ہیں، جس&nbsp; سے تامچینی خراب ہو جاتی ہے۔ اس سے کیویٹیز کو بڑھنے کے لئے ایک موقع مل جاتا ہے۔ اس لیے کیویٹی کی تعریف ،دانت میں ایک چھوٹےسوراخ کے طور پرکی جاتی ہے۔<a href="#accordion">[1]</a> 
&nbsp;

نابالغوں میں اس کےزیادہ پھیلاؤ کی وجہ سے کیویٹیز کوسب سے عام دائمی متعدی،بچپن کی بیماریوں میں سےایک سمجھا جاتا ہے۔ ایک تحقیق کےمطابق، یہ اندازہ لگایا گیا ہے کہ دنیا بھر میں تقریباً 3.5 بلین لوگ منہ کی بیماری سے متاثر ہیں اور عالمی آبادی کا2.4 بلین(36%) ان کے مستقل (بالغ) دانتوں میں کیویٹیز کا مسئلہ ہے۔جہاں ترقی پذیر ممالک میں اس کی شرح زیادہ ہےاورتقریباً530 ملین بچے اپنےبنیادی دانتوں کواس بیماری کی وجہ سےکھو دیتے ہیں ۔عالمی سطح پر کیے گئےسروے کی بنیاد پر، یہ بتایا گیا ہےکہ اسکول جانے والے60% سے90% بچوں کو کیویٹیز کی بیماری ہوتی ہے۔<a href="#accordion">[2]</a>

پاکستان میں بھی دانتوں کےامراض کےحوالےسےکچھ تشویشناک اعداد وشمار موجود ہیں۔ایک مطالعہ سےپتہ چلتا ہے کہ پاکستان میں کیویٹیز کا پھیلاؤ سندھ میں58.9٪، پنجاب میں55.4٪ہے،جب کہ خیبر پختونخوا اور بلوچستان میں، 55.1٪ کا مشترکہ شمار رپورٹ کیا گیا ہے.<a href="#accordion">[3]</a> 
&nbsp;

کیویٹیز کی علامات میں دانت میں درد، آپ کے دانت پر سیاہ یا سفید داغ، دانتوں کی حساسیت (بیرونی محرکات کی وجہ سےتیز درد)، اوردانتوں میں نمایاں سوراخ شامل ہیں.<a href="#accordion">[4]</a> ان علامات میں سے ہرایک آپ کے روزمرہ کےمعمولات میں خلل ڈال سکتی ہے؛اس لیےفوری علاج کی ضرورت ہوتی ہے۔ اس کےعلاوہ حقیقت یہ ہے کہ،پیچیدگیوں کے نتیجے میں آپ متاثرہ دانت کو مستقل طور پر کھو سکتے ہیں۔&nbsp; 
&nbsp;

ایشین جرنل آف بایومیڈیکل اینڈ فارماسیوٹیکل سائنسز نے، دانتوں کی کیویٹیز کو تین اقسام میں درجہ بند کیا ہے جو درج ذیل ہیں:<a href="#accordion">[5]</a>

1۔بنیادی کیریز یا ابتدائی کیریز: اس قسم میں، سڑن ایک ایسی جگہ پر ہوتی ہے جس میں پہلے کبھی کیویٹی نہیں ہوئی اور یہ اس کی پہلی متاثریت ہے۔

2۔ثانوی کیریز یا بار بار کیریز: یہ ایسی جگہ پر ہوتی ہے جہاں کیریز پہلے ہو چکی ہوتی ہے، اورعام طور پر فلنگز اوردانتوں کی دیگربحالی کے کناروں پر پائی جاتی ہے۔&nbsp;

3۔اریسٹڈ کیریز: اس سے مراد آپ کے دانت پر ایک ایسا زخم ہےجس دانت کے معدنی اجزاء پہلے کم ہوگئے تھے، لیکن کیویٹی بننے سے پہلے&nbsp;دوبارہ معدنی اجزاء جمع ہوگئے تھے۔ 
&nbsp;

مزید یہ کہ مذکورہ جرنل میں ،دانتوں کی کیویٹیز کی بھی درجہ بندی درج ذیل&nbsp; بنیاد پر کی ہے: 
&nbsp;

<h5 dir="rtl">۔پھیلنے کی شرح</h5>

<ul dir="rtl">
	<li>&nbsp;شدید: کیویٹی جوکافی تیزی سےبنتی ہے۔</li>
	<li>دائمی: کیویٹی جس کے پھیلنے میں وقت لگتا ہے۔&nbsp; 
	&nbsp;</li>
</ul>

<h5 dir="rtl">سخت ٹشو کی شمولیت</h5>

<ul dir="rtl">
	<li>&nbsp;انیمل: کیویٹی کافی تیزی سے ہوتی ہےاور اس سےصرف انیمل منسلک ہوتی ہے۔</li>
	<li>&nbsp;ڈینٹینل: سڑن،ڈینٹین تک پہنچتی ہے۔&nbsp;&nbsp;</li>
	<li>۔سیمنٹم: دانتوں کی جڑوں میں کیویٹی ہوتی ہے۔ 
	&nbsp;</li>
</ul>

<h5 dir="rtl">مقام</h5>

<ul>
	<li dir="rtl" style="text-align:right">کلاس I: ایک خصوصی ساخت کی کیویٹی،جسے فشر/ شگاف اورپٹ/ سوراخ کیویٹی کہتے ہیں جو یا تو اگلے یا پچھلے دانتوں پر ہوتی ہے۔</li>
	<li dir="rtl" style="text-align:right">&nbsp;کلاس II: پچھلےدانتوں کی&nbsp;سطح پرکیویٹی ۔&nbsp;</li>
	<li dir="rtl" style="text-align:right">کلاس III: اگلےدانتوں کی سطحیں متاثر ہوتی ہیں، بغیر اوپری کنارے کے۔</li>
	<li dir="rtl" style="text-align:right">کلاس IV: اگلےدانتوں کی سطحیں متاثر ہوتی ہیں، اوپری کنارے کے ساتھ۔&nbsp;</li>
	<li dir="rtl" style="text-align:right">کلاس V:&nbsp;زبان کی جانب یا گال کی جانب سائید پ، مسوڑوں یا سروائیکل کی سطحیں متاثر ہوتی ہیں۔ دانت اگلے یا پچھلے&nbsp;ہوسکتے ہیں۔</li>
	<li dir="rtl" style="text-align:right">کلاس VI: اگلے دانتوں کا اوپری کنارہ یا پچھلے دانتوں کی چوٹی کی اونچائی/ کسپ ہائیٹ۔&nbsp; 
	&nbsp;</li>
</ul>

علامات

علامات خصوصی طور پراس وقت پیدا ہوتی ہیں، جب کیویٹی بڑھتی ہے۔ اس کی علامات میں یہ شامل ہیں:

<ul>
	<li dir="rtl" style="text-align: right;">سانس کی بدبو (ہیلیٹوسس)۔</li>
	<li dir="rtl" style="text-align: right;">خراب ذائقہ(دھاتی)۔</li>
	<li dir="rtl" style="text-align: right;">&nbsp;مسوڑھوں سےخون بہنا۔</li>
	<li dir="rtl" style="text-align: right;">&nbsp;چہرےپرسوجن۔</li>
	<li dir="rtl" style="text-align: right;">دانت میں درد۔</li>
	<li dir="rtl" style="text-align: right;">حساسیت،جو کہ بنیادی طور پر گرم یا ٹھنڈے کھانے یا مشروبات کے ردعمل میں چبھتے درد کی صورت میں ہوتی ہے۔ 
	&nbsp;</li>
</ul>

اسباب

کیویٹیز کی تشکیل عملاً ہوتی ہے۔ خطرے کےعوامل کی موجودگی میں، یہ آسانی سے بڑھتی ہےاور مندرجہ ذیل ہے:<a href="#accordion">[6]</a>

<ul>
	<li dir="rtl" style="text-align:right">اورل کیویٹی میں بیکٹیریا کی اپنی کالونی ہوتی ہے،جو میٹھے اورنشاستہ دار کھانےاورمشروبات جیسے ٹافی، سوڈا اور جوس کو خوارک بناتے ہیں۔ بیکٹیریا پھر ان کاربوہائیڈریٹس کو تیزاب میں تبدیل کرتے ہیں، جودانت کی تامچینی کو نقصان پہنچاتا ہے۔</li>
	<li dir="rtl" style="text-align:right">&nbsp;یہ تمام مواد یعنی بیکٹیریا، تیزاب،خوراک اورتھوک مل کر پلاک بناتے ہیں۔ پلاک ایک چپچپا مادہ ہے، جو دانتوں پرتہہ بنا دیتا ہے۔</li>
	<li dir="rtl" style="text-align:right">&nbsp;ان سے متاثرہونےکے دوران اگر منھ کی حفظان صحت اچھی نہ ہو، جیسے کہ برش سے ناکافی صفائی اور ناقس فلاسنگ/خلال سے، پلاک میں موجود تیزاب دانتوں کے تامچینی کو تحلیل کرتا ہے اور دانتوں میں کیویٹیز، یا سوراخوں کو جنم دیتا ہے۔ 
	&nbsp;</li>
</ul>

پیریڈونٹائٹس یا دانتوں کی کسی دوسری بیماری کے لیے بہترین اسکریننگ ٹیسٹ بہت آسان ہے:یعنی دانتوں کا باقاعدہ چیک اپ۔ عام طور پر ہر سال دو چیک اپس کا مشورہ دیا جاتا ہے۔ چیک اپ کو کسی مسئلے کے باوجودبھی شیڈول کیا جانا چاہئے، کیونکہ ان چیک اپس کا بنیادی مقصددانتوں کی کسی بھی بیماری کو بڑھنے سے&nbsp; روکنا ہے۔ 
&nbsp;

&nbsp;

تشخیص

آپ کےڈاکٹرکے وزٹ کےدوران کیویٹی کی جلد نشاندہی کی جا سکتی ہے۔ ابتدائی مراحل میں یہ ایک چھوٹے سے چاک جیسےحصے کے طور پر ظاہر&nbsp;ہو سکتی ہے، جسے ہموار سطح کی کیریز بھی کہا جاتا ہے، جو آخر کار ایک بڑی کیویٹی میں تبدیل ہو سکتی ہے۔ آپ کا ڈینٹسٹ ایک اچھے روشنی کے ذریعہ، دانتوں کے آئینے اور ایکسپلوررکی مدد سے دانتوں کی تمام واضح سطحوں کا معائنہ کرے گا۔مزید برآں، ڈینٹل ریڈیوگراف (ایکس رے) ان حصوں کے لیے استعمال کیے جا سکتے ہیں جو کم دکھائی دیتے ہیں۔ ان میں دانتوں کے درمیان کیریز شامل ہیں۔ کیریز کی تشخیص کرنے کا ایک نیا طریقہ آئنائزنگ تابکاری کے بغیر لیزر ہے، جو دانتوں کےدرمیان کی خرابی کا پتہ لگاتا ہے۔ ابتدائی دنوں میں، سوراخ کے بغیر کیریز کی تشخیص اکثر مشتبہ سطح پر ہوا مارنے سےہوتی تھی، جس سے نمی ختم ہو جاتی تھی اور معدنی اجزاء کے بغیر والی انیمل کی شکل کو تبدیل کر دیا جاتا تھا۔<a href="#accordion">[6]</a> 
&nbsp;

علاج

اگرچہ کیویٹی صرف ایک چھوٹا سا سوراخ لگتی ہے، لیکن یہ سوراخ آپ کی زندگی کو انتہائی مشکل بناسکتا ہے اور آپ کو کئی انفیکشنز&nbsp; کا خطرہ ہوتا ہے، جو آپ کے قلبی نظام کو بھی متاثر کر سکتے ہیں۔ لہذا، ایک مناسب علاج ضروری ہے۔ مناسب علاج ایک انتظامی منصوبہ ہے جو دانتوں کی سڑن کی شدت پر مبنی&nbsp; ہوتاہے۔علاج کے کچھ طریقوں میں درج ذیل شامل ہیں:<a href="#accordion">[6]</a>

<ul>
	<li dir="rtl" style="text-align:right">روٹ کینال ٹریٹمنٹ (RCT): روٹ کینال کا علاج گودے(دانت کی سب سے اندرونی تہہ) سے انفیکشن کو صاف کرنے میں مدد کرتا ہے،تاکہ جڑ کی سڑن سے ہونے والے درد سے نجات ملے۔&nbsp; اینڈونٹسٹ دانتوں کے ماہرڈاکٹر ہوتے ہیں،م جو دانتوں کی جڑ سے متعلق مسائل کا علاج کرتے ہیں۔ روٹ کینال&nbsp; کے دوران، ایک اینڈوڈونٹسٹ اس گودے کو ہٹاتا ہے جس میں درد کا باعث بننےوالےنیوروواسکولر بنڈل ہوتے ہیں۔ 
	&nbsp;</li>
	<li dir="rtl" style="text-align:right">فلنگز: کیویٹی ایک سوراخ ہےجو دانت میں بنتا ہے،جس میں ناکارہ مادہ ہو سکتا ہے۔آپ کا ڈینٹسٹ عملی طور پر کسی بھی بوسیدہ مواد کو نکال کر سوراخ کو بھر سکتا ہے۔ ایسی فلنگز کو ڈینٹل فلنگ کہا جاتا ہےاور یہ بنیادی طور پر چاندی کے مرکب، کمپوزٹ ریسن یا سونے سے بنی ہوتی ہیں۔ 
	&nbsp;</li>
	<li dir="rtl" style="text-align:right">فلورائیڈ کا استعمال: اگر یویٹی کے ابتدائی مرحلے میں ڈینٹسٹ اس کی نشاندہی کر لے، تو وہ آپ کو فلورائیڈ کا علاج تجویز کر سکتا ہے کیونکہ یہ دانتوں کی خراب انیمل کو بحال کر سکتا ہے۔ یہ عمل بنیادی طور پرremineralizationیامعدنی اجزاء کی بحالی کےطور پر بیان کیا جاتا ہے۔ یہ طبی ٹوتھ پیسٹ اور ماؤتھ واش کے ساتھ، دانتوں کے کلینک میں کیے جانے والے فلورائیڈ علاج کی شکل میں بھی ہو سکتا ہے۔ 
	&nbsp;</li>
	<li dir="rtl" style="text-align:right">دانت نکالنا: یہ&nbsp;ایک آخری علاج ہے، جب روٹ کینال ناکام ہو جائے یا ممکن نہ ہو تو تجویز کیا جاتا ہے۔ آپ کا اینڈوڈونٹسٹ خراب دانت نکال دیتا ہے۔خلا کو پُر کرنے کے لیے، آپ کو بعد میں دانتوں کےامپلانٹ کی ضرورت ہوگی۔</li>
</ul>

دانتوں کی سڑن کو پھیلنے سے روکنا لازمی ہے۔ اگر اس کا تاخیرسے علاج کیا جائے تو آپ دانت کا کافی حصہ یا مکمل دانت کھو سکتے ہیں،اور حل کے طور پر اسےنکالنے کےسوا کچھ نہیں بچتا۔ مزید برآں، دانتوں کی شدید سڑن دانتوں کے اندر اور مسوڑھوں کے نیچے شدید انفیکشن کا سبب بھی ہے،جسے دانتوں میں پیپ کہا جاتا ہے۔ یہ پیچیدہ انفیکشن پورے جسم میں پھیلنے کی صلاحیت رکھتا ہےتاہم، یہ شاذونادر ہی مہلک ہوتا ہے۔<a href="#accordion">[6]</a> 
&nbsp;

کسی بھی دوسری بیماری کی طرح، کچھ ایسے عوامل ہیں جو آپ کو اس بیماری میں مبتلا ہونے کاخطرہ بڑھاتے ہیں۔ ذیل میں وہ عوامل ہیں جو آپ کے کیویٹیز کےخطرے کو بڑھاتے ہیں:<a href="#accordion">[6]</a>

<ul dir="rtl">
	<li>صحت کے مسائل جیسے Sjogren&rsquo;s syndrome، یا ادویات جیسے اینٹی ڈپریسنٹس (سرٹرالائین اور فلوکسیٹائین) کا استعمال منہ کی خشکی کا باعث بن سکتا ہے اوربیکٹیریا کو ختم کرنے والے تھوک کے حفاظتی اثر کو کم کرسکتا ہے۔</li>
	<li>کھانے کی اشیاء جن میں شوگر کی مقدار زیادہ ہوتی ہے، جیسے نشاستہ دارغذائیں، یا مشروبات اورمتفرق اسنیکس پلاک کی نشوونما کرسکتے ہیں، جو کیوٹیشن کا سبب بن سکتے ہیں۔</li>
	<li>خاندانی ہسٹری ایک بار پھر کیویٹیز کے لیےایک اوراہم خطرے کا عنصر ہے۔ کچھ لوگ موروثی جینز کی وجہ سے، کیریز پیدا کرنے کے لیے&nbsp;زیادہ حساس ہوتے ہیں۔</li>
	<li>&nbsp;سر اور گردن کے کینسر کےعلاج کے لیےماضی میں تابکاری تھراپی۔ کیونکہ کیموتھراپیٹک ادویات آپ کی قوت مدافعت کوکم کرسکتی ہیں۔</li>
	<li>گھستے ہوئے مسوڑھوں سے بھی کیویٹیز کا خطرہ ہوسکتا ہے۔ مسوڑھوں کا گھلنا اس وقت ہوتا ہے، جب ان کے ٹشو&nbsp; دانتوں سے ہٹ جاتے ہیں اور&nbsp;نیچے کی جڑوں کو ظاہرکرتے ہیں۔ 
	&nbsp;</li>
</ul>

اگرچہ دانتوں کی کیویٹی عام ہے، لیکن آپ اسےآسانی سے روک سکتے ہیں۔ ذیل میں کچھ ایسےعوامل ہیں جوکام آسکتے ہیں:<a href="#accordion">[6]</a>

<ul dir="rtl">
	<li>دن میں کم ازکم دو باراپنےدانت صاف کریں۔ خاص طور پر، اگرآپ یہ فلورائڈ ٹوتھ پیسٹ سے کرتے ہیں،&nbsp;تو یہ حیرت انگیز کام کرسکتا ہے۔</li>
	<li>میٹھے اور تیزابیت والی غذاؤں کےاستعمال کو محدود کریں، جن میں مٹھائیاں،کینڈی، جوس،سوڈا، اورریفائینڈ کاربوہائیڈریٹس شامل ہیں۔</li>
	<li>امریکن ڈینٹل ایسوسی ایشن کی طرف سے دن میں کم ازکم ایک بارفلوسنگ کی سفارش کی گئی ہے۔ یہ منہ کی حفظان صحت کو برقراررکھنےمیں&nbsp;مدد کرتا ہے۔</li>
	<li>&nbsp;کھانے کےوقفوں کےدرمیان باربارکچھ کھانے سےگریزکریں۔</li>
	<li>اپنےدانتوں پر ڈینٹل سیلنٹ لگائیں۔ ڈینٹل سیلنٹ ایک پتلی، پلاسٹک کی کوٹنگ ہے جو دانتوں کی چبانے والی سطحوں پر پینٹ کی جاتی ہے،&nbsp;یہ انیمل کی حفاظت کرتی ہے۔ 
	&nbsp;</li>
</ul>

دانتوں کی حفاظت کے لئےہمیشہ آپ کو دوائیوں کی ضرورت نہیں ہوتی، ایک موثرغذا بھی آپ کواس بیماری سےبچنے میں مدد دے سکتی ہے۔&nbsp;مندرجہ ذیل غذائی اشیاء دانتوں کی سڑن سےلڑنے میں مدد کرسکتی ہیں۔

<ul dir="rtl">
	<li>زائلیٹول، شکر کے بغیر چیونگم آپ کی شکر کی خواہش کو پورا کرنے کےلیےاستعمال کی جاسکتی ہے۔</li>
	<li>فائبرسے بھرپورغذائیں جیسے پھل اورسبزیاں۔</li>
	<li>کیلشیم سے بھرپورغذائیں جو ہڈیوں کی ساخت کو مضبوط کرتی ہیں۔</li>
	<li>بغیر شکر کافی اور چائے</li>
	<li>فلورائیڈ&nbsp;ملا ہوا پانی۔</li>
</ul>

آپ کو سال میں کم از کم دو باراپنے ڈینٹسٹ سےدانتوں کا معائنہ کرانا چاہیے۔ اس سے آپ کو کسی مسئلے کا بروقت پتہ چل سکے گا اورمستقبل میں دانتوں کی بیماریوں سے بچنے میں مدد ملے گی۔ 
&nbsp;

محققین کے پاس اب ایک پروٹو ٹائپ کےطور پرO-pH سسٹم موجود ہے۔ یہ ایک آپٹیکل ڈیوائس ہےجوآپ کے دانتوں پر لگائی گئیFDA سے منظور شدہ ایک کیمیکل ڈائی کی مدد سے،ڈاکٹروں کو روشنی (فلوریسنس) کے رد عمل کی پیمائش کرنے میں مدد کرنے کے لیے،ایک LED لائٹ خارج کرتی ہے۔O-pH سسٹم پھر pH کی عددی ریڈنگ تیار کرتا ہے، یا آپ کےدانتوں کو ڈھانپنے والی پلاک کی تیزابیت پتہ کرتی ہے۔ پلاک کی تیزابیت معلوم ہونے سے، دانتوں کے ڈاکٹر اس بات کا اندازہ لگا سکتے ہیں کہ دانت کے کس حصے میں کیویٹی بننے کا سب سے زیادہ خطرہ ہے۔ لہذا، پھر ڈینٹسٹ اسے ہونے سے روک سکتے ہیں۔<a href="#accordion">[7]</a> 
&nbsp;

اہم نکات

<ul dir="rtl">
	<li>کیویٹیز،جنہیں دانتوں کی سڑن یا کیریز بھی کہا جاتا ہے، بنیادی طور پر آپ کےدانت کے انیمل کی خرابی ہے۔</li>
	<li>پلاک کی چپکنے والی خصوصیت سےتیزاب آپ کےدانتوں کو مسلسل متاثر کرتے ہیں،جس کی وجہ سےانیمل تہہ خراب ہو جاتی ہے۔</li>
	<li>ایک تحقیق کے مطابق،یہ اندازہ لگایا گیا ہے کہ دنیا بھر میں تقریباً3.5 بلین لوگ منہ کی بیماری سے متاثر ہیں۔</li>
	<li>عالمی آبادی کے2.4 بلین (36%) کے مستقل (بالغ) دانتوں میں کیریز کی بیماریاں ہیں۔</li>
	<li>ترقی پذیر ممالک میں اس بیماری کی شرح سب سے زیادہ ہے۔</li>
	<li>دنیا بھر میں60% سے90% اسکول جانے والے بچوں کو دانتوں کی بیماری ہوتی ہے۔</li>
	<li>پاکستان میں کیویٹیز کا پھیلاؤ سندھ میں58.9% اور پنجاب میں 55.4% ہے،جب کہ خیبر پختونخوا اوربلوچستان میں، مشترکہ اعداد و شمار55.1% رپورٹ ہوئےہیں۔</li>
	<li>علامات میں دانت میں درد، دانت پرسیاہ یا سفید داغ، دانتوں کی حساسیت (بیرونی محرکات کی وجہ سےتیز درد) اوردانت میں نمایاں سوراخ شامل ہیں۔ جبکہ، کیویٹیز کی علامات میں منہ میں بد ذائقہ، سانس کی بدبو، دانت میں درد اورحساسیت شامل ہیں۔</li>
	<li>پرائمری کیریزایک ایسی جگہ پر ہونےوالی سڑن کی ایک قسم ہے،جس میں پہلے کبھی کیویٹی نہیں ہوئی اوریہ اس کی پہلی متاثریت ہے۔</li>
	<li>ثانوی کیریزاس جگہ پرظاہر ہوتی ہیں جہاں پہلے کیریزہوچکی ہوتی ہیں۔</li>
	<li>اریسٹڈکیریز سےمراد آپ کے دانت پرایک ایسا زخم ہے، جس پر پہلےمعدنی اجزاء ختم ہوگئے تھے لیکن کیویٹی بننے سے پہلےاس کے معدنی اجزاء بحال ہو گئے ہوں۔</li>
	<li>اس کی مزید درجہ بندی مقام،اس میں شامل سخت بافتوں کی قسم اور بیماری کے بڑھنےکی شرح کی بنیاد پر کی جاتی ہے۔</li>
	<li>اوورل کیویٹی میں بیکٹیریا کی اپنی کالونی ہوتی ہے،جو میٹھے اور نشاستہ دارکھانوں اور مشروبات جیسے سوڈا اور جوس کواپنی خوراک بناتے ہیں۔</li>
	<li>یہ تمام مواد یعنی بیکٹیریا، تیزاب، خوراک اورلعاب مل کر پلاک بناتے ہیں۔</li>
	<li>برش سے ناقص صفائی اورناکارہ فلاسنگ پلاک میں تیزابیت کا باعث بنتی ہے،جو دانتوں کےانیمل کو تحلیل کرتی ہے اور دانتوں میں کیویٹیز یا سوراخوں کو پیدا دیتی ہے۔</li>
	<li>عام طور پر ہرسال ڈاکٹر کےپاس دو وزٹس کا مشورہ دیا جاتا ہے،یعنی ہر چھ ماہ بعد ایک وزٹ۔</li>
	<li>ابتدائی مراحل میں کیویٹی ایک چھوٹے سےچاک والےحصے کے طور پر ظاہر ہو سکتی ہے،جسے ہموارسطح کی کیریز بھی کہا جاتا ہے،جو آخرکارایک بڑے خلاء کی شکل اختیار کرلیتی ہے۔</li>
	<li>ڈینٹل ریڈیوگراف(ایکس رے) ان حصوں کے لیے استعمال کیے جا سکتے ہیں،جو کم دکھائی دیتے ہیں۔</li>
	<li>کیریزکی تشخیص کرنے کا ایک نیا طریقہ آئنائزنگ تابکاری کے بغیر لیزر ہے ،جو دانتوں کے درمیان سڑن کا پتہ لگاتا ہے۔</li>
	<li>۔فلورائیڈ، ڈینٹل فلنگ، آر سی ٹی اور دانت کا&nbsp; نکالناکیریز کے&nbsp; علاج کے طریقے ہیں۔</li>
	<li>دانتوں میں شدید سڑن بھی دانتوں کے اندر اور مسوڑھوں کے نیچے شدید انفیکشن کی وجہ ہے،جسے دانتوں میں پس کہا جاتا ہے۔</li>
	<li>خطرے کےعوامل میں میٹھی اشیاء کا استعمال،خاندانی ہسٹری، ادویات جیسے اینٹی ڈپریسنٹس،اورمسوڑھوں کا گھلنا شامل ہیں۔</li>
	<li>روک تھام میں منھ کی حفظان صحت کا خیال،میٹھے مواد سے پرہیزاور اپنےڈینٹسٹ کے پاس باقاعدگی سےوزٹ کرنا شامل ہے۔</li>
	<li>محققین کے پاس اب ایک پروٹو ٹائپ کےطور پرO-pH سسٹم موجود ہے، جو انہیں بتاتا ہے کہ پلاک کتنی تیزابیت والی ہے۔ اس ڈیوائس کی مدد سے ڈینٹسٹ اندازہ لگا سکتے ہیں،کہ دانت کے کس حصےمیں کیویٹی بننے کا سب سے زیادہ خطرہ ہے۔</li>
</ul>

[1] Cavities. Mouth Healthy TM.

[2] Shitie A, Addis R, Tilahun A, Negash W. Prevalence of dental caries and its associated factors among primary school children in Ethiopia. International Journal of Dentistry. 2021;2021:1-7. doi:10.1155/2021/6637196

[3] Siddiqui AA, Alshammary F, Mulla M, et al. Prevalence of dental caries in Pakistan: A systematic review and meta-analysis. BMC Oral Health. 2021;21(1). doi:10.1186/s12903-021-01802-x

[4] Higuera V. Tooth cavities: Symptoms, causes, and treatments. Healthline.

[5] Yadav, Khushbu & Prakash, Satyam. (2016). Dental Caries: A Review. 06. 01-07. 6.	Cavities: Tooth decay, toothache, causes, prevention & treatment. Cleveland Clinic.

[6] Cavities: Tooth decay, toothache, causes, prevention & treatment. Cleveland Clinic.

[7] Sharma M, Lee LK, Carson MD, et al. O-ph: Optical ph monitor to measure dental biofilm acidity and assist in enamel health monitoring. IEEE Transactions on Biomedical Engineering. 2022;69(9):2776-2786. doi:10.1109/tbme.2022.3153659

Trusted By