اس بیماری میں دماغ میں خون کی شریان یا نالی کسی  حصےپر پھول جاتی ہے اوریہ شریان اس جگہ سے پھٹ بھی سکتی ہے۔

دماغ میں شریان کا پھولنا اور پھیلنا

حمزہ خٖضر

جائزہ

اس بیماری میں، بنیادی طور پر دماغ میں خون کی شریان یا نالی کسی مقام پر پھول جاتی ہے اورایک چھوٹےغبارے کی صورت اختیار کرلیتی ہے، جس کی وجہ سےاعصابی ریشوں اوردماغی بافتوں پرغیرمعمولی دباؤ پڑسکتا ہے۔ یہ شریان اس جگہ سے پھٹ بھی سکتی ہے ۔ ایسی صورت میں خون پھیل کر قریبی بافتوں میں پہنچ جاتا ہے۔ اس کیفیت کوہیمرج (جریان خون) کہا جاتا ہے۔ یہ کیفیت اتنی سنگین ہوتی ہےکہ اس کی وجہ سےممکنہ طور پرخطرناک صورت حال مثلاً جریان خون کی وجہ سےاسٹروک، دماغی نقصان، قومہ اور بعض صورتوں میں موت واقع ہوجاتی ہے۔ 
&nbsp;

بعض صورتوں میں، دماغ کی شریان کا پھیلاؤ یا پھولنا نہایت کم ہوتا ہےاور اس سےشدید دباؤ پیدا نہیں ہوتا، اس لئےان سے خون باہرنہیں نکلتا اورنہ ہی صحت کےکوئی سنگین مسائل پیدا ہوتے ہیں۔ ایسی صورت میں کوئی علامات بھی ظاہر نہیں ہوتیں۔ان کا پتہ اتفاقیہ طور پر لگتا ہے۔ صحت کی دیکھ بھال کے حوالے سے کسی کیفیت کی جانچ کےدوران ،غیر متوقع طورپرکوئی دوسری کیفیت بھی سامنے آجاتی ہے، جو پہلی یا بنیادی کیفیت کی تصدیق کا سبب بن بھی سکتی ہے اورنہیں بھی۔ ایسی دریافت کو اتفاقیہ دریافت کہا جاتا ہے۔

دماغ میں شریان کےپھولنے کا کوئی مخصوص مقام نہیں ہوتا، تاہم زیادہ تر صورتوں میں یہ سر کےنچلے حصے میں واقع شریانوں کےاندر ہوتا ہے۔<a href="#accordion">[1]</a>

<div>&nbsp;</div>

دماغ کےشریان پھولنےکا سبب،عام طور پر شریان کی سب سے اندرونی لچک دار تہہ (ٹیونیکا انٹیما) پرخون کےمتحرک دباؤ ہے، جس کی وجہ سے بالآخریہ پھٹ جاتی ہے۔ اس کا تعلق خون کےبہاؤ سےپیدا ہونےوالےارتعاش سے بھی ہوتا ہے، جس سے خون کی نالیوں کی بناوٹ مستحکم نہیں رہتی۔ مزید یہ کہ،شواہد سےپتہ چلتا ہےکہ ٹی سیلزاورمیکروفیج کی وجہ سے پیدا ہونے والی سوزش کی وجہ سے شریان کی دیواروں خورد بینی تبدیلیاں پیدا ہوجاتی ہیں اور متعلقہ شریان متاثرہ حصے میں پھول جاتی ہے۔<a href="#accordion">[1]</a>

دماغ کی شریان کا پھولنا کسی جنس یا عمرسے مخصوص نہیں ہوتا۔ لیکن، زیادہ ترصورتوں میں یہ وہ30 سے60 سال کی عمر کے بالغ افراد میں پایا جاتا ہے.<a href="#accordion">[2]</a> پچاس سال کی عمر کےبعد یہ عورتوں میں ہوتا ہےاورمساوی تناسب 1:1سے تبدیل ہو کر2:1 ہو جاتا ہے۔ مطالعے سے ثابت ہوتا ہے کہ دماغ کی شریان کے پھولنےکی کیفیت عالمی سطح پر تقریباً 3% ہے، جس میں سے 20سے30فیصد صورتوں میں ایک سے زائد مقامات پر دماغ&nbsp; کی شریان پھولتی ہے.<a href="#accordion">[3]</a> 
&nbsp;

ایک سروے کےمطابق، دنیا بھر میں، دماغ کی شریان پھولنے کی وجہ سے تقریباً 500,000&nbsp; افراد کی موت واقع ہوجاتی ہے،جن میں 50%افراد کی عمر 50 سال سے کم ہوتی ہے۔ مطالعات سے ظاہر ہوتا ہے کہ اس کیفیت کے مہلک اثرات سے بچ جانے والے&nbsp; افراد میں سے66% افراد کو کسی نہ کسی حد تک مستقل طور پر اعصابی نقصان لاحق رہتا ہے.<a href="#accordion">[2]</a>

دماغ کی شریان پھولنے سے، زیادہ خطرہ خون بہنےکا ہوتا ہے،جس میں،اعصاب کےگرد لپٹی ہوئی درمیانی تہہ(SAH) سے متعلق پریشان کن اعدادوشمار پائے جاتے ہیں، جن میں تحقیق کاروں کے مطابق تقریباً ہر100,000 افراد میں سے 10 افراد کو SAH&nbsp; لاحق ہوتا ہے جب کہ شرح اموات تقریباً&nbsp; 20% ہے.<a href="#accordion">[4]</a> 
&nbsp;

دماغ کی شریان پھولنے کی احتیاط سےتشخیص کرنے کی ضرورت ہوتی ہے کیوں کہ شریان کے پہلی بار پھٹ جانے کی صورت بھی مہلک ثابت ہوسکتی ہے ۔ مزیدیہ کہ،تحقیق کاروں کے مطابق، اعصابی عکس بندی کے حوالے سےغلط تشخیص ہونےکا قوی امکان&nbsp; موجود ہوتاہے۔ سروے سے پتہ چلتا ہے کہ ہرچار میں سے تین صورتوں میں، اسکین نہ کرنے کی وجہ سے،غلط تشخیص ہوجاتی ہے۔<a href="#accordion">[2]</a> 
&nbsp;

دماغ کی شریان کےپھولنے کی درجہ بندی، اس کےمقام ،بناوٹ، اورذریعہ کی بنیاد پر کی جاتی ہے۔ ان کی چھان بین کا ایک اور طریقہ ان کی بناوٹ پر مبنی ہوتا ہے۔ اول الذکر بنیاد پر درج ذیل تین اقسام پائی جا تی ہیں:<a href="#accordion">[1]</a> 
&nbsp;

<h5 dir="rtl">1. چھوٹی تھیلیوں کی طرح شریان کا پھولنا (Saccular &ldquo;Berry&rdquo; Aneurysm)</h5>

اس کی بناوٹ حقیقی&quot;بیری/Berry&quot; نما ہوتی ہے۔ اس میں ایک گول تھیلی میں خون موجود ہوتا ہے۔ یہ بنیادی شریان یا &quot;سرکل ہووِل لِس&quot; کے نیٹ ورک میں موجود اس کی کسی شاخ پرہوتی ہے۔ بالغ افراد میں،دماغ کی شریان پھولنے کی یہ سب سے زیادہ عام صورت (تقریباً 90%)ہے۔ 
&nbsp;

<h5 dir="rtl">2. کثیر مقامات پر شریان کا پھولنا (Fusiform aneurysm)</h5>

اس صورت میں شریان مختلف مقامات پرپھول جاتی ہے۔ 
&nbsp;

<h5 dir="rtl">3. فنگس کے انفیکشن سےدماغ کی شریان کا پھولنا(Mycotic aneurysm)</h5>

اس صورت میں فنگس کے انفیکشن کی وجہ سے دماغ کی شریان متاثر ہوسکتی ہے، اور متعلقہ شریان کی دیوار کمزور ہو جانے کی وجہ سے یہ پھول جاتی ہے۔

جسامت (سائز) کی بنیاد پر ان کی تین اقسام ہوتی ہیں۔

1. چھوٹا سائز&nbsp;

ان کے قطر کا سائز،11 ملی میٹر سے کم ہوتا ہے،جو تقریباً پنسل مٹانے والے ربر کےبرابر ہوتا ہے۔

2. بڑا سائز&nbsp;

ان کےقطر کا سائز11 سے25 ملی میٹر تک ہوتا ہے۔

3. بہت بڑا سائز

ان کے قطر کا سائز 25 ملی میٹر سے بڑا ہوتا ہے۔ 
&nbsp;

علامات

دماغ کی شریان کے پھولنے کی علامات اورنشانیوں کا دارومداراس بات پر ہوتا ہے کہ شریان پھٹ گئی ہے یا نہیں۔ 
&nbsp;

جب دماغ کی شریان پھٹتی نہیں ہے تودرج ذیل علامات ظاہرہوتی ہیں:

<ul dir="rtl">
	<li>بصارت&nbsp;میں خلل پیدا ہونا ،جس میں بینائی کا ختم ہوجانا یا دوہرے عکس نظرآنا شامل ہیں۔</li>
	<li>آنکھوں کےگرد&nbsp;درد&nbsp;ہونا۔</li>
	<li>چہرے کے آدھےحصے میں کمزوری ہونا۔</li>
	<li>بولنے میں دشواری ہونا۔</li>
	<li>سر درد ہونا۔</li>
	<li>توازن کھو دینا۔</li>
	<li>مختصر مدّت کے لئے یادداشت کا کھو جانا۔</li>
	<li>توجّہ قائم رکھنے سے متعلق مسائل&nbsp; ہونا۔ 
	&nbsp;</li>
</ul>

ایک بار دماغ کی شریان پھٹ جانے کی صور ت میں ظاہر ہونے والی علامات:

<ul>
	<li dir="rtl" style="text-align:right">اچانک ہونے والا شدید سر درد، جسے&quot;ہنگامہ خیز&quot;سر درد بھی کہا جاتا ہے۔</li>
	<li dir="rtl" style="text-align:right">خود کومستقل طور پر بیمار محسوس کرنا۔</li>
	<li dir="rtl" style="text-align:right">گردن کےعضلات میں یا درد ہونا۔</li>
	<li dir="rtl" style="text-align:right">روشنی برداشت نہ ہونا۔</li>
	<li dir="rtl" style="text-align:right">بصارت کا دھندلا ہونا۔</li>
	<li dir="rtl" style="text-align:right">دوہرےعکس&nbsp;نظر آنا۔</li>
	<li dir="rtl" style="text-align:right">اچانک الجھن محسوس کرنا۔&nbsp;</li>
	<li dir="rtl" style="text-align:right">&nbsp;دورے&nbsp;پڑنا۔ 
	&nbsp;</li>
</ul>

اسباب

اگرچہ رہن سہن کے بہت سے انداز کے نتیجے میں دماغ کی شریان پھول سکتی ہے اورآپ کو زیادہ خطرے دوچارکر سکتے ہیں، لیکن اس کے علاوہ دیگر وجوہات بھی ہیں جو اس کیفیت کو بڑھا سکتی ہیں، جن میں درج ذیل عوامل بھی شامل ہیں:<a href="#accordion">[3]</a> 
&nbsp;

<h5 dir="rtl">1. جینیاتی عوامل</h5>

جینیاتی عوامل دماغ کی شریان پھولنے کےحوالے سےاہم کردار ادا کرتے ہیں۔ خیال کیا جاتا ہے کہ بعض موروثی صورتیں مثلاً &quot; گردوں کی کثیررسولیوں والی بیماری&quot; بھی دماغ کی شریان کے پھولنے کا سبب بن سکتی ہے۔ کسی مخصوص جینیاتی صورت کو یقین کے ساتھ اس بیماری کی وجہ قرار نہیں دیا جاسکا ہے، تاہم، 7q11 جین کے ساتھ تعلق کو اہم سمجھا جاتا ہے کیوں کہ یہ جین خون کی نالی کی بناوٹ کی سالمیت کو قائم رکھتا ہے۔ 
&nbsp;

<h5 dir="rtl">2. فیملی ہسٹری</h5>

دماغ کی شریان پھولنے والے تقریباً 20% مریضوں میں متعلقہ شریان پھٹ جانے یا نہ پھٹنے کی ہسٹری پائی گئ۔ ایک تحقیق میں مزید بتایا گیا ہے کہ اگر کسی فرد کے خاندان میں دو افراد کو دماغ کی شریان پھولنےکی بیماری رہی ہے تو اس فرد کےاس بیماری میں مبتلا ہوناے کا امکان 19.1% ہوجاتا ہے۔

<div>&nbsp;</div>

شدید سر درد جسے &quot;ہنگامہ خیز&quot; سردرد بھی کہا جاتا ہےکے حوالےسے احتیاط کے ساتھ ہسٹری لینا اہم ہے،جو اعصاب گرد لپٹی ہوئی درمیانی تہہ میں خون کے جریان کے لئے مخصوص ہے ۔کلینیکل علامات میں دورہ پڑنا، سردرد ہونا، توازن کا کھو دینا ، دوہرے عکس نظر آنا&nbsp; یا بصارت کا کھو دینا شامل ہیں۔

&nbsp;

تشخیص

جیسا کہ پہلے بیان ہوچکا ہے کہ،بہت زیادہ تاخیر ہونے یا اتفاقیہ طور پر دریافت ہونے سے پہلے، دماغ کی شریان کے پھولنے یا پھٹ جانے کے واقعات کی اطلاع نہیں دی جاتی۔ اگر آپ کو نامعلوم وجوہات کی بنا پر شدید سر درد رہتا تھا، تو آپ کا معالج، آپ کے دماغ کی شریان کے پھٹ جانے کی تصدیق کے لئے ایک ٹیسٹ کرواسکتا ہے ، آیا خون سر اور دماغ کی درمیانی جگہ میں جمع تو نہیں ہوگیا۔ دماغ کی شریان کے پھولنے یا پھٹ جانے کے حوالے سے ذیل میں تشخیص کے چند طریقے درج کئے گئے ہیں:<a href="#accordion">[1]</a> 
&nbsp;

<ul dir="rtl">
	<li style="text-align:right">
	<h5>سی ٹی اسکین</h5>
	</li>
</ul>

&nbsp;اعصاب کی عکس بندی کے لئے سی ٹی اسکین کروایا جاتا ہے ۔یہ طریقہ کم وقت میں بغیر کسی نقصان کے مکمل ہوجاتا ہے۔ آپ کا ڈاکٹر، موازنہ والا سی ٹی اسکین بھی کرواسکتا ہے، جس میں شریانوں کا بہتر عکس حاصل کرنے کے لئے مریض کے خون میں اسکین سے چند منٹ پہلے ایک رنگ (ڈائی) داخل کی جاتی ہے۔ سی ٹی انجیو گرافی (CTA)خاص طور پرخون کی نالیوں کا معائنہ کرنے کے لئے کی جاتی ہے، جس کے ذریعے متعلقہ شریان&nbsp; کے پھولنے کا سائز، اس کا مقام، اور اس کی بناوٹ معلوم ہوجاتی ہے۔ 
&nbsp;

<ul dir="rtl">
	<li style="text-align:right">
	<h5>ایم آر آئی&nbsp;</h5>
	</li>
</ul>

&nbsp; اعصاب کی عکس بندی کے لئے،ایم آر آئی ایک معیاری تکنیک ہے۔ سی ٹی میں بنیادی طور پر ہڈّی کے پہلو پر توجّہ دی جاتی ہے جب کہ ایم آر آئی، نرم عضلات کی تفصیلات دکھا سکتا ہے۔ تاہم دونوں قسم کے اسکینز کے ذریعے، عضلات کے دونوں پہلوؤں پر خاصی تفصیلات سامنے آتی ہیں۔ ایم آر آئی میں کمپیوٹر سے جاری ہونے والی ریڈیائی لہروں اور مقناطیسی فیلڈ کےاستعمال ذریعے دماغ کےدو جہتی (2D)اور سی جہتی(3D)عکس حاصل کئے جاتے ہیں۔ لہٰذا، ایم آر آئی کے ذریعے، دماغ کے اندر ممکنہ طور پر ہونے والے خون کے معمولی بہاؤ کا بھی پتہ لگایا جاسکتا ہے۔ سی ٹی کی طرح، ایم آر آئی میں انجیوگرافی والی صورت بھی ہوتی ہے جسےMRA کہا جاتا ہے جس کے ذریعے دماغ کی شریانوں کے تفصیلی عکس حاصل ہوتے ہیں۔ یہ عکس شریان کے پھولنے یا پھٹ جانے کے مقام، سائز، اوربناوٹ کو ظاہر کردیتے ہیں۔ 
&nbsp;

<ul dir="rtl">
	<li>
	<h5 dir="rtl" style="text-align:right">دماغ کی انجیوگرافی&nbsp;</h5>
	</li>
</ul>

&nbsp;دماغ کی انجیو گرافی کے ذریعے دماغ اور گردن کی شریانوں میں پائی جانے والی رکاوٹوں کا پتہ لگایا جاسکتا ہے۔ مزید یہ کہ، اس کے شریان کی بناوٹ میں کسی ممکنہ نقصان کےبارے میں بھی معلوم ہوجاتا ہے۔ لہٰذا، یہ بات درست ہے کہ اس ٹیسٹ کے ذریعے، دماغ کے اندر خون بہہ جانے کی صورت میں اس کی اصل وجہ کے ساتھ اس کی اصل جگہ، سائذ اور بناوٹ بھی معلوم کی جاسکتی ہے۔ اس طرح مناسب علاج شروع کیا جاسکتا ہے ۔اسے موازنہ کی تکنیک کے ذریعے بھی معلوم کیا جاسکتا ہے جن کی مدد سےایکس رے&nbsp; شریان کی اندرونی صورت حال کے تفصیلی عکس تیار کرتا ہے۔&nbsp; 
&nbsp;

<ul dir="rtl">
	<li>
	<h5 dir="rtl" style="text-align:right">دماغ اور حرام مغز کی رطوبات(CSF) کا تجزیہ</h5>
	</li>
</ul>

اس تجزیے کےذریعے دماغ اور حرام مغز کی حفاظت کرنے والی رطوبتوں کا جائزہ لیا جاتا ہے۔ یہ رطوبت نچلی کمر کے قریب سے حرام مغز کےاندر ایک باریک سوئی داخل کر کے، ٹیسٹ کے لئے حاصل کی جاتی ہے۔ اس ٹیسٹ کے ذریعے ڈاکٹر کو دماغ کے اندر خون ممکنہ طور پر خون بہہ جانے کے بارے میں اندازہ ہوجاتا ہے۔ 
&nbsp;

علاج

دماغ کی شریان کے پھول جانے کی صورت&nbsp; میں عام طور پر، کسی علاج کی ضرورت نہیں ہوتی۔ صرف شریان کے پھٹ جانے یا پھٹ جانے کا بلند خطرہ ہونے کی صورت میں علاج کی ضرورت ہوتی ہے۔ شریان کے نہ پھٹنے کی صورت میں کئے جانے والے علاجوں سے یہ ظاہر نہیں ہوتا کہ کسی طبی پروسیجر کے ذریعے شریان کو پھاڑنے کےعمل سے متعلق،علامات پرغور کیا جائے۔ چند دستیاب علاج درج&nbsp; ذیل ہیں:<a href="#accordion">[4]</a> 
&nbsp;

<h5 dir="rtl">سرجری کے ذریعے</h5>

سرجری کےمختلف طریقو ں سے، دماغ کی شریان کے مسائل کا علاج کیا جاسکتا ہے، تاہم ان طریقوں کافی خطرات بھی ہوتے ہیں، مثال کے طور پر، خون کی دیگرنالیوں کو نقصان پہنچ سکتا ہے۔ 
&nbsp;

<ul dir="rtl">
	<li>
	<h5>خون کی نالیوں کی خوردبینی تراش&nbsp;</h5>
	</li>
</ul>

اس طریقہ کارسے مراد خون کے بہاؤ کو متاثرہ شریان سے روکنا ہے اور یہ عمل دماغ&nbsp; کی کھلی سرجری کے ذریعے کیا جاتا ہے۔ ڈاکٹر خون متعقہ جگہ پرخون فراہم کرنے والی نالیوں کا پتہ لگاتا ہے اور پھرانہیں بند کرنے کے لئے ایک دھاتی کلپ متاثرہ جگہ پرلگا دیتا ہے۔ یہ طریقہ کار بہت کارآمد ثابت ہوا ہے کیوں کہ اس کے بعد مکمل طور پر کلپ کئے گئے مقام پر اس کے دوبارہ پیدا ہوجانے کے امکانات بہت کم ہوتے ہیں۔ 
&nbsp;

<h5 dir="rtl">خون کی نالیوں کے اندر علاج</h5>

<ul dir="rtl">
	<li>پلاٹینم کوائل کی بندش(PCE):&nbsp;یہ طریقہ ،خون کی نالیوں کی خوردبینی تراش&nbsp;کی سرجری کی نسبت&nbsp;بہت کم نقصان دہ ہوتا ہے۔ اس طریقہ کار میں ڈاکٹر ،شریان کے اندر ایک ٹیوب یعنی ایک کیتھیٹر داخل کرے گا (عام طور پر چڈّےکی جگہ) اور اسے متاثرہ مقام تک پہنچائے گا۔ اس مقصد کے لئے ڈاکٹر ، کیتھیٹر میں علحیدہ ہوجانے والے کوائل کو تار کی مددپہنچا سکتا ہے ۔اس طرح کوائل خون کو متاثرہ مقام پر پہنچنے سے روک دیتا ہے۔تاہم اس پروسیجر کو متاثرہ فرد کی زندگی، شریان دوبارہ پھول جانے کے امکان کے پیش نظر، ایک سے زائد مرتبہ کرنے کی ضرورت&nbsp;ہوسکتی ہے۔&nbsp; 
	&nbsp;</li>
	<li>بہاؤ کا رخ تبدیل کرنے والا آلہ (FDD):&nbsp;دماغ کےاندر شریان کے پھولنےکا علاج کے طور پراس میں ایک چھوٹی نلکی (stent) لگانا شامل ہے، تاکہ شریان میں خون کے بہاؤ کی مقدار کو کم کیا جا سکے۔ ڈاکٹر مریض کےچڈّے میں ایک کیتھیٹر داخل کر کے اس میں سے چھوٹی نلکی کو شریان کے متاثرہ حصے تک پہنچائے گا۔ یہ طریقہ کار بڑے سائز کے پھیلاؤ&nbsp; کےعلاج کے لئےاستعمال کیا جاتا ہے جس کا علاج سرجری یا پلاٹینم کوائل کی بندش کے ذریعے نہیں کیا جاسکتا۔ 
	&nbsp;</li>
	<li>بحالی کا علاج:&nbsp;یہ عین درست علاج ان مریضوں کے لئے&nbsp; استعمال کیا جاسکتا ہے،جنہیں دماغ اور اس کےگرد لپٹی ہوئی جھلّی کےدرمیان خون جاری ہونے کی کیفیت رہی ہو۔ عام طور پر انہیں متعلقہ افعال کی بحالی کےحوالےسے&nbsp;جسمانی، بول چال&nbsp;اور پیشہ ورانہ لحاظ سے علاج&nbsp; کی ضرورت ہوتی ہے۔</li>
</ul>

<div>&nbsp;</div>

دماغ کی شریان کے پھولنے کے عمل کو علاج کے بغیر نہیں چھوڑا جاسکتا، کیوں بصورت دیگر یہ جان لیوا پیچیدگیوں اور اعصابی نقصان کا سبب بن سکتا ہے ۔سب سے زیادہ نقصان کرنے والی پیچیدگی ،اعصاب کے گرد لپٹی ہوئی درمیانی تہہ(SAH) کو نقصان پہنچنے کی پیچیدگی ہے۔ شریان&nbsp; کے پھٹ جانے کی صورت میں پیدا ہونے والی بعض پیچیدگیاں درج ذیل ہیں:<a href="#accordion">[1]</a> 
&nbsp;

<ul dir="rtl">
	<li>بار بار خون کا بہنا&nbsp;</li>
</ul>

خون کے بلند دباؤ اور شریان کی دیواروں میں کمزوری کی وجہ سے شریان کے پھٹنے کی جگہ سے بار بار خون بہہ سکتا ہے۔

<ul dir="rtl">
	<li>خون کی نالیوں میں اینٹھن</li>
</ul>

ایک باراعصاب کے گرد لپٹی ہوئی درمیانی تہہ کے متاثر ہوجانے کے بعد، خون کی نالیوں میں اینٹھن پیدا ہوسکتی ہےکیوں کہ دماغ کی شریانیں لازمی طور پر سکڑ جاتی ہیں اوراس کے نتیجے میں دماغ کے اہم حصوں میں کم خون پہنچتا ہے۔ لہٰذا، اسٹروک اور دورے لاحق ہوسکتے ہیں۔

<ul dir="rtl">
	<li>دماغ کے خانوں میں رطوبتوں کا جمع ہوجانا</li>
</ul>

اس کیفیت میں دماغ کے خانوں میں دماغ اورحرام مغز کی رطوبتیں جمع ہوجاتی ہیں۔اس سے دباؤ بڑھ جاتا ہے اور دماغ کو نقصان پہنچتا ہے اور بعض صورتوں میں موت بھی واقع ہوجاتی ہے۔

<ul dir="rtl">
	<li>گہری&nbsp; نس میں رکاوٹ(DVT)</li>
</ul>

خون بہنے اورنس کے اندر خون کا لوتھڑا بن جانے کی صورت میں نس کے اندر رکاوٹ(DVT) پیدا ہوجاتی ہے۔

<ul>
	<li dir="rtl" style="text-align:right">غیر مناسب اینٹی ڈائی یوریٹک سنڈروم</li>
	<li dir="rtl" style="text-align:right">نظام ہضم کے اندر خون کا بہاؤ 
	&nbsp;</li>
</ul>

اگرچہ دماغ کی شریان کے پھولنے&nbsp; کی پیچیدگیوں کا خدشہ اصل بیماری سے زیادہ ہوتا ہے، لیکن اس بیماری پر قابو پانا بہت مشکل ہے کیونکہ متعدد پہلوؤں کو پورا کرنے کی ضرورت ہوتی ہے۔ لہٰذا، خطرے کے عوامل کی نشان دہی&nbsp; اور ان کو درست کرنا اہم ہو جاتا ہے۔ ذیل میں کچھ خطرے والے عوامل ہیں جو دماغ کی شریان کے پھولنے یا پھٹنے کے عمل کو&nbsp; تیز کر سکتے ہیں:<a href="#accordion">[1]</a>

<ul>
	<li dir="rtl" style="text-align: right;">شریانوں اور نسوں کا ایک دوسے کے ساتھ الجھ جانا(AVMs):&nbsp;اس صورت میں خون کے معمول کے بہاؤ میں رکاوٹ پڑ جاتی ہے ۔یہ صورت حال رفتہ رفتہ پیدا ہوتی ہے یا اپنے طور پر بھی ایسا ہونا ممکن ہے ۔ 
	&nbsp;</li>
	<li dir="rtl" style="text-align: right;">دماغ کی شریان پھولنے یا پھٹ جانے کی فیملی کی پہلے سے ہسٹری: اگر فیملی میں اس بیماری کی علامات پہلے سے موجود ہوں تو آپ کےلئے بھی اس کا بڑا امکان موجود ہوتا ہے۔ 
	&nbsp;</li>
	<li dir="rtl" style="text-align: right;">نہ کنٹرول کیا جانے والا ہائی بلڈ پریشر :&nbsp;اس صورت میں خون کی نالیوں پر دباؤ بڑھ جاتا ہے اوروہ پھول جاتی ہیں۔ 
	&nbsp;</li>
	<li dir="rtl" style="text-align: right;">تمباکو نوشی :&nbsp;تمباکو نوشی انسانوں کی تمام معلوم بیماریوں کی جڑ ہے اوریہی بات دماغ کی شریانوں کے پھول جانے کے حوالے سے درست ہے ۔تمباکو نوشی سےخون کی نالیاں متاثر ہوتی ہیں،جسم کو کئی اقسام کے انفیکشن لاحق ہوجاتے ہیں، اور خون کی نالیوں&nbsp; کا نظام غیرمستحکم ہوجاتے ہے۔ 
	&nbsp;</li>
	<li dir="rtl" style="text-align: right;">لطف کے طور پر منشّیات کا استعمال :&nbsp;اگر آپ منشّیات کے عادی ہیں یا کوکین اوراس جیسی دیگراشیاء استعمال کرنے کے شوقین ہیں تواس سےآپ کا بلڈ پریشر بڑھ سکتا ہے۔ مزید یہ کہ نس کے راستے منشّیات لینےسے فنگس کے اثرات ہوجاتے ہیں۔ 
	&nbsp;</li>
	<li dir="rtl" style="text-align: right;">عمر:&nbsp;40 سال سے زائد عمر ہوجانے کی صورت میں آپ کا جسم کمزور پڑ جاتا ہے ۔</li>
</ul>

<div>&nbsp;</div>

اگرچہ دماغ کی شریان کاپھولنا یا پھٹ جانا ایک بہت ہی خطرناک بیماری کی طرح لگتا ہے، لیکن انہیں آسان تبدیلیوں کے ذریعے روکا جا سکتا ہے مثلاً :<a href="#accordion">[6]</a>

<ul>
	<li dir="rtl" style="text-align:right">تمباکو نوشی کوچھوڑ دینا۔</li>
	<li dir="rtl" style="text-align:right">درمیانہ درجےکی باقاعدگی کے ساتھ ورزش کرنا۔</li>
	<li dir="rtl" style="text-align:right">صحت بخش متوازغذا کا استعمال۔</li>
	<li dir="rtl" style="text-align:right">شراب اورغیر قانونی منشّیات کے استعمال سے گریز کرنا۔</li>
	<li dir="rtl" style="text-align:right">اپنے ہائی بلڈ پریشرکو کنٹرول کرنا</li>
</ul>

<div>&nbsp;</div>

حال ہی میں شائع ہونے والی ایک تحقیق&nbsp; کے مطابق، دماغ کی شریانوں کے سائز میں فرق اوردماغ&nbsp; کی شریانوں کے پھولنےاور پھٹنےکےامکان کے درمیان تعلق کا انکشاف کیا ہے، جس سےتحقیق کاروں غیر روایتی اسکریننگ ٹول کے ذریعے خطرے کی نگرانی کرسکتے ہیں۔ یونیورسٹی آف ساؤتھ آسٹریلیا کے سرکردہ تحقیق کاراور نیورو ایناٹومسٹ ڈاکٹرارجن برلاکوٹی نے انکشاف کیا، کہ تقریباً 145مریضوں کے امیجنگ اسکین سے یہ ثابت ہوا کہ دماغ کی غیرمتناسب شریانوں والےافراد میں، ان شریانوں کے پھولنے اورپھٹ جانےکا امکان بہت زیادہ ہوتا ہے۔ دماغ کی شریانوں کےنیٹ ورک کا اگلا حصہ یعنی پچھلی دماغی شریان بائیں اوردائیں قطر کے تناسب میں 1.4تک متغیر تھی جس کے نتیجےمیں خطرہ 80 فیصد تک بڑھ گیا<a href="#accordion">[5]</a>۔

&nbsp;

اہم نکات

<ul dir="rtl">
	<li>دماغ کی شریان کے پھولنے یا پھیلاؤ میں بنیادی طور پر دماغ میں خون کی نالی میں،عام طور پر ایک خاص مقام پرسوجن&nbsp; پیدا ہوجاتی ہے۔</li>
	<li>ایس صورت میں شریان پھٹ بھی سکتی ہے اورخون ارد گرد کی بافتوں میں جمع ہوجاتا ہے جسےجریان (ہیمریج) کہتے ہیں۔</li>
	<li>اس کی کوئی جگہ نہیں ہوتی تاہم وہ زیادہ تر سرکے نچلے حصےمیں پائی جانے والی شریان میں دیکھےجاتے ہیں۔</li>
	<li>دماغ کی شریان کا پھولنا یا پھیلنا عام طور پر،خون کی نالی کی سب سے اندرونی تہہ(ٹونیکا انٹیما) کی اندرونی لچکدارتہہ&nbsp; پرپڑنے والےخون کے متحرک دباؤ کی وجہ سےہوتا ہے،جو بالآخراس کے پھٹ جانے کا سبب بنتا ہے۔</li>
	<li>پچاس سال سےزائدعمر والی عورتوں میں بھی یہ صورت حال پیدا ہوجاتی ہے اور اس تناسب1:1 کےمساوی&nbsp; تناسب سےبڑھ کر2:1&nbsp;ہو جاتا ہے۔</li>
	<li>مطالعےسے ثابت ہوتا ہےکہ اس مرض&nbsp;کا عالمی سطح پر&nbsp;پھیلاؤ تقریباً3% ہے، جن میں سے20سے30 فیصد افراد میں یہ صورت حال ایک سےزائد مقامات پر پیدا ہوتی ہے۔</li>
	<li>تحقیق کاریہ ثابت کرتے ہیں کہ دماغ کی شریان کے پھٹنے کے واقعات جس کی وجہ سے SAH&nbsp;پیدا ہوتی ہے،تقریباً 10 فی 100,000ہےجب کہ اموات کی شرح20% ہے۔</li>
	<li>ایک سروے کےمطابق، دنیا بھر میں ہرسال تقریباً500,000 اموات&nbsp;واقع ہوتی ہیں اور66.9% کو مستقل عصابی نقصان ہوتا ہے۔</li>
	<li>بعض صورتوں میں شریان کے گرد&nbsp;ایک گول تھیلی بنتی ہے جس میں خون ہوتا ہے۔</li>
	<li>شریان کےگرد تھیلی نما بناوٹ میں خون جمع ہوتا ہے۔&nbsp;</li>
	<li>بعض صورتوں میں متعلقہ&nbsp;شریان مختلف مقامات پر پھول جاتی ہے۔</li>
	<li>فنگس کا&nbsp; انفیکشن&nbsp;دماغ کی شریانوں کو بھی متاثرکرسکتا ہے، جس کی وجہ سےیہ پھول جاتی ہیں یا پھٹ جاتی ہیں۔</li>
	<li>چھوٹے&nbsp;سائز میں ان کا قطر11ملی میٹر سے کم ہوتا ہے۔</li>
	<li>بڑے سائز میں ان کا&nbsp;قطر میں11 سے25 ملی میٹر تک ہوتا ہے۔</li>
	<li>اس کی وجوہات میں خاندان کی ہسٹری اورجینیاتی عوامل شامل ہوسکتے ہیں۔</li>
	<li>اسکریننگ کےلئےمؤثرہسٹری&nbsp;لینےاورطبی تشخیص کا استعمال کیا جاتا ہے۔</li>
	<li>سی ٹی، ایم آر آئی، سی ٹی اے، ایم آر اے اورسی ایس ایف تجزیہ ،دماغ کی شریان کے پھیلاؤ کی تشخیص کے لیے استعمال کیے جاتے ہیں۔</li>
	<li>سرجری کےذریعےمائکروواسکولر کلپنگ کی جاتی ہے۔</li>
	<li>خون کی نالیوں کے اندرونی حصوں کےعلاج میں PCE اور FDD شامل ہیں۔</li>
	<li>جب کہ پیچیدگیوں میں خون کی نالیوں کی اینٹھن، باربارخون بہنا، اوردماغ کے خانوں میں رطوبت کا جمع ہوسکتی ہے۔</li>
	<li>اس مرض&nbsp;کےخطرے میں ڈالنےوالےعوامل میں تمباکو نوشی، نشہ آور اشیاء کا استعمال اوراے وی ایم شامل ہیں۔</li>
	<li>جب کہ باقاعدگی سے ورزش کے ساتھ نشہ آوراشیاء کا استعمال بند کرنا،اس بیماری کوروکنےمیں مددگار ثابت ہوسکتا ہے۔</li>
	<li>شائع ہونے والی ایک نئی تحقیق میں، دماغ کی شریانوں کے سائز میں فرق اوردماغ کی شریانوں کے پھولنےاور پھیلنے کے درمیان تعلق کے امکان کا انکشاف ہوا ہے۔</li>
	<li>دماغ کی&nbsp;شریانوں کے نیٹ ورک کا اگلا حصہ یعنیanterior cerebral artery بائیں اوردائیں قطر کے تناسب میں1.4تک متغیر تھی،جس کے نتیجےمیں ان میں اس بیماری کے ہونےکا خطرہ80 فیصد تک بڑھ گیا۔</li>
	<li>شریان نہ پھٹنے کی علامات میں سردرد، دوہری بصارت، بولنے میں دشواری، یادداشت کا&nbsp;قلیل مدتی نقصان، اورہوش میں کمی شامل ہیں۔</li>
	<li>پھٹ جانےوالی شریان کی صورت کی علامات میں دورے پڑنا ہونا، گردن کےعضلات میں سختی ہونا&nbsp;اور درد، اورخود کو مسلسل بیمار محسوس کرنا&nbsp;شامل ہیں۔</li>
</ul>

[1] NIH. Cerebral aneurysms fact sheet. National Institute of Neurological Disorders and Stroke

[2] Statistics and facts. Brain Aneurysm Foundation.

[3] Etminan N, Buchholz BA, Dreier R, et al. Cerebral aneurysms: formation, progression, and developmental chronology. Transl Stroke Res. 2014;5(2):167-173. doi:10.1007/s12975-013-0294-x

[4] StatPearls. Cerebral aneurysm. StatPearls.

[5] Burlakoti A, Kumaratilake J, Taylor J, Henneberg M. Relationship between cerebral aneurysms and variations in cerebral basal arterial network: A morphometric cross-sectional study in computed tomography angiograms from a neurointerventional unit. BMJ Open. 2021;11(9). doi:10.1136/bmjopen-2021-051028