ڈیمنشیا

Online Consultation

Medilink Consultant clinic

سعد اللہ صدیقی

جائزہ

دماغی افعال میں کمی کو ڈیمنشیا کہتے ہیں۔ یہ سوچنے، استدلال کرنے اورچیزیں یاد رکھنے کاعارضہ ہے، اس حد تک جہاں یہ کسی کی معمول کی سرگرمیوں اورزندگی میں مداخلت پیداکرتا ہے۔

ڈیمنشیا میں مبتلا افراد اپنے جذبات پر قابو نہیں رکھ پاتے۔ اس کےعلاوہ ان کی شخصیت بھی بدل سکتی ہے۔ اس کی شدت ہلکی سے (جب یہ افعال کو متاثر کرنا شروع کردیتی ہے) سےلے کرشدید تک ہوتی ہے (جب کوئی شخص بنیادی کاموں کے لیے بھی مکمل طور پر دیکھ بھال کرنے والوں پرانحصارکرتا ہے)۔ 
&nbsp;

ڈیمنشیا کوئی ایک بیماری نہیں ہے۔ یہ دماغ میں غیر معمولی تبدیلیوں کی وجہ سے ،مختلف عوارض کے لیے ایک ااجتماعی اصطلاح ہے۔ یہ غیر معمولی تبدیلیاں مریضوں میں نظر آنے والی ادراکی انحطاط کی وجہ ہیں۔ یہ تبدیلیاں شدید ہو سکتی ہیں، اور آزادانہ کام کرنے اور روزمرہ کی زندگی کو متاثر کر سکتی ہیں۔ اس کی وجہ سے احساسات، رویے اور تعلقات بھی متاثر ہوتے ہیں۔

ڈیمنشیا کے کل کیسز میں سے60-80% بنیادی طور پرالزائمر کی بیماری ہیں<a href="#accordion">[1]</a> جواس کی سب سےعام وجہ ہے۔ جبکہ، ویسکیولر ڈیمنشیا 15% کیسز کا سبب بنتا ہے، جو اسے ڈیمنشیا کی دوسری سب سے عام وجہ بناتا ہے.<a href="#accordion">[2]</a> 
&nbsp;

ڈیمنشیا کے تحریکی عوامل میں بنیادی طور پر،دماغ میں عصبی خلیات اور ان کے رابطوں کو نقصان پہنچنا یا نقصان پہنچانا شامل ہے۔ دلچسپ بات یہ ہے کہ 80 سال یا اس سے زیادہ عمر کے مریضوں میں کیے گئے پوسٹ مارٹم نے ڈیمنشیا کی متعدد وجوہات کا اشارہ دیا ہے-اس طرح مکسڈ ڈیمینشیا کی اصطلاح وجود میں آئی اوراس قسم کے ڈیمنشیا کوبہتر طور پرسمجھنے کے لیے کئی مطالعات جاری ہیں۔

کچھ مسائل ڈیمنشیا جیسی علامات کا سبب بن سکتے ہیں مثلاً وٹامن کی کمی (وٹامن ای) اورتھائیرائیڈ کےمسائل، لیکن یہ علاج کے ساتھ ختم ہوسکتے ہیں۔ 
&nbsp;

پاکستان میں ڈیمنشیا کا پھیلاؤ 65 سال اوراس سے زیادہ عمرکی آبادی میں تقریباً 2-6 فیصد ہے۔ یہ ڈیمنشیا کے ایک اندازے کے مطابق150,000 - 200,000 مریضوں کے ساتھ چھٹا سب سے زیادہ آبادی والا ملک ہے.<a href="#accordion">[3]</a>

بدقسمتی سے، پاکستان میں ڈیمنشیا پربہت کم توجہ دی گئی ہے،جس کی وجہ بڑھاپے کی ادویات کی کمی ہے۔ یعنی کہ پاکستان میں ڈیمنشیا کی دیکھ بھال نفسیاتی یا نیورولوجی کے تحت ہوتی ہے۔ اس کے علاوہ،علاج کےاختیارات، مجموعی انتظام کے بجائےصرف رویے یا دیکھ بھال کےمتقاضی مسائل پر توجہ مرکوز کرتے ہیں،جس سے ڈیمنشیا کےمریضوں کا علاج چیلنجنگ ہوتا ہے۔ مزید برآں،آج تک پاکستان میں ڈیمنشیا کےشکار150,000- 200,000 افراد کے لیے صرف ایک تربیت یافتہ ماہر،ایک رجسٹری، ایک تحقیقی مرکز، اور دو تعلیمی کلینکس موجود ہیں۔ 
&nbsp;

تاہم، حال ہی میں پاکستان برین انجری کنسورشیم (PBIC) کی بنیاد، بین الاقوامی تعاون پر مبنی کوششیں متعارف کرانے کے لیے رکھی گئی ہے۔ جس کا مقصد مذکورہ بالا مسائل پرقابو پانے کے علاوہ ڈیمینشیا کے مریضوں کو بہتر تشخیص اورعلاج فراہم کرنا ہے ۔

ڈیمنشیا کے مریضوں کے بہتر انتظام کے لیے، طبی ماہرین کی تربیت، اورسائیکاٹری اورنیورولوجی کی ذیلی مہارتیں فراہم کرنے کی بھی سفارش کی جاتی ہے۔ تشخیصی طریقوں کی توثیق کے لیے، بڑے پیمانے پرطولانی مطالعات کا استعمال کیا جاسکتا ہے، جیسے نیوروامیجنگ اقدامات اورجینیاتی بائیومارکرز۔ 
&nbsp;

علامات

ڈیمنشیا کے اثرات ہر شخص کے لیے مختلف ہوتے ہیں اور وہ بڑے پیمانے پر بنیادی وجوہات پر منحصر ہوتے ہیں۔ مثال کے طور پر، بیماری سے پہلے فرد کی صحت کی حالت اور فہم کی صلاحیت۔ 
&nbsp;

ڈیمنشیا کی علامات اورآثار کے3 مراحل ہیں: 
&nbsp;

<h5 dir="rtl">1. ابتدائی مرحلہ</h5>

چونکہ ڈیمنشیا کے ابتدائی مرحلے کا آغاز بتدریج ہوتا ہے، اس لیے اسے اکثر نظر انداز کردیا جاتا ہے۔ عام علامات یہ ہیں:

<ul dir="rtl">
	<li>بھول جانا</li>
	<li>مانوس جگہوں پر بھی کھو جانے کا احساس</li>
	<li>وقت کے تعین میں دشواری 
	&nbsp;</li>
</ul>

<h5 dir="rtl">2. درمیانہ مرحلہ</h5>

جب ڈیمنشیا درمیانی مرحلے تک پہنچ جاتا ہے ،تودرج ذیل&nbsp; علامات اور آثار ہوتے ہیں:

<ul dir="rtl">
	<li>یاداشت کی کمزوری، جیسا کہ حالیہ واقعات اور لوگوں کے نام بھول جانا</li>
	<li>گھر میں الجھن کا شکار</li>
	<li>اظہار میں دشواری میں اضافہ</li>
	<li>ذاتی دیکھ بھال میں مدد کی ضرورت</li>
	<li>&nbsp;رویے میں تبدیلیاں جیسے بار بار سوال کرنا اور کھو جانا 
	&nbsp;</li>
</ul>

<h5 dir="rtl">3. انتہائی مرحلہ</h5>

ڈیمنشیا کےانتہائی مرحلے میں لوگ مکمل طور پر اپنے نگران پر منحصر&nbsp; اور غیر متحرک ہوتے ہیں۔ یادداشت میں خلل شدید ہوتاہے،اور واضح جسمانی علامات یا آثار درج ذیل ہوتے ہیں:

<ul>
	<li dir="rtl" style="text-align: right;">لوگ جگہ اوروقت سےلاعلم ہوتے ہیں</li>
	<li dir="rtl" style="text-align: right;">اپنے رشتہ داروں اوردوستوں نہیں پہچانتے</li>
	<li dir="rtl" style="text-align: right;">ہر چیز کےلیےمدد کےمحتاج ہوتے ہیں&ndash; حتیٰ کہ خود کی دیکھ بھال میں بھی</li>
	<li dir="rtl" style="text-align: right;">چلنےمیں دشواری ہوتی ہے</li>
	<li dir="rtl" style="text-align: right;">غصہ اور رویےمیں تبدیلیاں بڑھ سکتی ہیں 
	&nbsp;</li>
</ul>

اسباب

دماغی خلیات اوران کے کنکشن کا نقصان&nbsp; ڈیمنشیا کا سبب بنتا ہے۔ یہ ایک دوسرے سے ربط کی دماغی صلاحیت کو نقصان پہنچاتا ہے اور اس سےسوچ، احساسات اور رویےمتاثر ہوتے ہیں۔&nbsp;

دماغ کو الگ الگ حصوں میں تقسیم کیا گیا ہے، ہر حصہ ایک مخصوص فعل کے لیے ذمہ دار ہے۔ مثال کے طورپر، تحریک، فیصلہ، اور یاداشت.مزید برآں، جب کسی خاص حصے کے خلیات خراب ہوجاتے ہیں، تو وہ اپنےمعمول کےکام نہیں کرسکتے۔

ڈیمنشیا کی ہرقسم کا تعلق، دماغ کے کسی خاص حصے کو پہنچنے والےنقصان سے ہے۔ الزائمر کا تعلق دماغی خلیوں کےاندریا باہر کچھ پروٹینز کی اونچی سطح سے ہے،جو دماغی خلیوں کوصحت مند رہنے اورہرایک کےساتھ بات چیت کرنے سے روکتا ہے۔دماغ کا وہ حصہ جو سب سے پہلے خراب ہوتا ہے، وہ ہپپوکیمپس ہے، جو سیکھنے اور یادداشت کے لیے ذمہ دار ہے۔ لہذا، یادداشت کی کمی الزائمر کی پہلی علامات میں سے ایک ہے۔ 
&nbsp;

<h5 dir="rtl">ڈیمنشیا کی دیگر وجوہات</h5>

1. پروگریسو نان ریورسیبل ڈیمنشیا کی اقسام

<ul dir="rtl">
	<li>الزائمر کی بیماری</li>
</ul>

الزائمر کی وجہ معلوم نہیں ہے لیکن یہ خیال کیا جاتا ہےکہ، اس کا ایک چھوٹا سا حصہ3جینز میں ہونے والے تغیرات سےمتعلق ہے،جو والدین سےبچوں میں منتقل ہوتے ہیں۔اگرچہ ایک سے زیادہ جین شامل ہیں، لیکن سب سے اہم جین apolipoprotein E4 ہے۔

الزائمر کےمریضوں کےدماغ میں پلاکس اورریشےالجھ جاتے ہیں،یعنی بیٹا امائلائیڈ اورٹاؤ پروٹین بالترتیب۔ یہ پلاکس اورالجھے ریشے، ان کوجوڑنے والے&nbsp; صحت مند نیورانزاورریشوں کو نقصان پہنچاتے ہیں ۔ 
&nbsp;

<ul dir="rtl">
	<li>ویسکولر ڈیمنشیا</li>
</ul>

ویسکیولر ڈیمنشیا،دماغ کو خون فراہم کرنےوالی نالیوں کوپہنچنے والےنقصان کی وجہ سے ہوتا ہے۔ خون کی شریانوں کے یہ مسائل فالج کا سبب بن سکتے ہیں، یا دماغ کے سفید مادے میں موجود ریشوں کو نقصان پہنچا سکتے ہیں۔ 
&nbsp;

<ul dir="rtl">
	<li>لیوی باڈی ڈیمنشیا</li>
</ul>

لیوی باڈی ڈیمینشیا کی وجہ دماغ میں پروٹین کےغیرمعمولی ذخائر ہیں، جو الزائمراور پارکنسنز کےمریضوں میں بھی عام ہیں۔ 
&nbsp;

<ul dir="rtl">
	<li>فرنٹوٹیمپورل ڈیمنشیا</li>
</ul>

عصبی خلیات اوردماغ کےفرنٹل اورٹمپورل لابس میں ان کا رابطہ ٹوٹ جاتا ہے۔ 
&nbsp;

<ul dir="rtl">
	<li>&nbsp;مخلوط ڈیمنشیا</li>
</ul>

مختلف وجوہات کا مجموعہ، مثال کےطور پر، الزائمر،ویسکولر ڈیمنشیا،اور لیوی باڈیز،مخلوط ڈیمنشیا کا باعث بنتے ہیں۔ 
&nbsp;

<h5 dir="rtl">2. ڈیمنشیا کے ساتھ منسلک عوارض</h5>

<ul dir="rtl">
	<li>ہنٹنگٹن کی بیماری</li>
</ul>

ہنٹنگٹن کی بیماری کی وجہ جینیاتی تبدیلی ہے۔ اس سے دماغ اور ریڑھ کی ہڈی کے کچھ عصبی خلیات بھی ضائع ہو جاتے ہیں۔

<ul dir="rtl">
	<li>ٹرامیٹک برین انجری(TBI)/شدید دماغی چوٹ</li>
</ul>

سرپربار بار سر چوٹیں لگنا،&nbsp; شدید دماغی زخموں کا باعث بنتا ہے۔ یہ کھلاڑیوں اور سپاہیوں میں عام ہے۔ یہ حالت ڈیمنشیا، ڈپریشن، یادداشت کی کمی اور مبہم بول چال کی علامات کا باعث بنتی ہے۔ مزید یہ کہ ٹی بی آئی پارکنسنزم کا سبب بھی بن سکتی ہے۔

<ul dir="rtl">
	<li>کرویٹفیلٹ جیکوب کی بیماری</li>
</ul>

اس کی عام طور پر کوئی وجہ نہیں ہوتی۔ تاہم، یہ وراثت میں مل سکتی ہے۔ مگر، بیمار اعصابی ٹشو یا دماغ سےرابطہ اس کا سبب بن سکتا ہے۔ مثال کےطور پر، کورنیا ٹرانسپلانٹ کے کیسز میں۔

<ul dir="rtl">
	<li>پارکنسنز کی بیماری</li>
</ul>

پارکنسنز میں مبتلا افراد میں عام طور پر ڈیمنشیا کی علامات پیدا ہوتی ہیں۔ 
&nbsp;

<h5 dir="rtl">3. قابل بحال ڈیمنشیا جیسی حالتیں</h5>

ڈیمنشیا یا ڈیمنشیا جیسی علامات کی کچھ وجوہات درج ذیل ہیں، جن کا فوری علاج کیا جائے تو وہ تبدیل ہوسکتی ہیں:

<ul dir="rtl">
	<li>مدافعتی عوارض اور انفیکشن</li>
</ul>

جب جسم کسی انفیکشن سے لڑنے کی کوشش کرتا ہے یا جب کسی کو بخار ہوتا ہے تو اسے ڈیمنشیا جیسی علامات کا سامنا ہوتا ہے۔ ملٹیپل اسکلیروسیس اور دیگرحالات مسائل جن میں مدافعتی نظام اعصابی خلیوں پر حملہ کرتا ہے، ڈیمنشیا کا سبب بنتا ہے۔

<ul dir="rtl">
	<li>میٹابولک اور اینڈوکرائن کی بے قاعدگیاں</li>
</ul>

جو لوگ تھائرائیڈ کےمسائل، ہائپوگلیسیمیا/ بلڈشگر کی کم سطح، سوڈیم یا کیلشیم کےعدم توازن یا وٹامن بی12 کی کمی کا شکار ہوتے ہیں، ان میں شخصیت کی دیگر تبدیلیوں کےعلاوہ ڈیمنشیا جیسی علامات پیدا ہوتی ہیں۔

<ul dir="rtl">
	<li>غذائیت کی کمی</li>
</ul>

پانی کی کمی اور وٹامن B-1 کی کمی (ان لوگوں میں عام ہےجو ہمیشہ شراب نوشی کرتے ہیں) ڈیمنشیا جیسی علامات کا سبب بن سکتی ہیں۔ مزید یہ کہ وٹامن بی-6، وٹامن بی-12،وٹامن ای اورکاپر،مناسب مقدار میں نہ ملنے سے بھی ڈیمنشیا جیسی علامات پیدا ہوتی ہیں۔

<ul dir="rtl">
	<li>سبڈیورل ہیماٹومس</li>
</ul>

گرنے کے بعد بوڑھے لوگوں میں دماغ کے پردے اورسطح کےدرمیان خون بہنا/ جمع ہونا عام ہے، جو ڈیمنشیا جیسی علامات کا سبب بن سکتا ہے۔

<ul dir="rtl">
	<li>برین ٹیومر</li>
</ul>

ڈیمنشیا شاذ و نادر ہی برین ٹیومر کی&nbsp; وجہ سے ہوتا ہے۔

<ul dir="rtl">
	<li>ادویات کے ذیلی اثرات</li>
</ul>

ادویات پرردعمل،ڈیمنشیا جیسی علامات کا سبب بن سکتا ہے۔

<ul dir="rtl">
	<li>نارمل پریشر ہائیڈروسیفالس</li>
</ul>

یہ حالت دماغ میں بڑھے ہوئے وینٹریکلز کی وجہ سے ہوتی ہے، جس کے نتیجے میں یادداشت میں کمی، چلنے پھرنے میں دشواری اور پیشاب میں مشکل&nbsp;ہوتی ہے۔ 
&nbsp;

ڈیمنشیا کی اسکریننگ میں ادراکی افعال کا جائزہ لینا، لیبارٹری ٹیسٹنگ، اور نیورو امیجنگ شامل ہیں۔ ہر وہ شخص جسے ڈیمنشیا ہونے کا شبہ ہو، اسے جسمانی معائنہ اور اعصابی جانچ کروانی چاہیے۔ 
&nbsp;

<h5 dir="rtl">فوری علمی اسکریننگ ٹیسٹ</h5>

1. ذہنی حالت کا مختصرامتحان

یہ ٹیسٹ 11 آئٹمز پرمشتمل ہے اوراس کی انجام دہی میں تقریباً 10 منٹ لگتے ہیں۔

<ul dir="rtl">
	<li>اسکورنگ - اگر اسکور30 میں سے24 یا اس سےکم ہے،تو یہ تشویشناک ہےکیونکہ ایسی صورت میں ڈیمنشیا ایک ممکنہ تشخیص ہے۔</li>
	<li>عمراورتعلیم کارکردگی کو متاثرکرتی ہے۔</li>
	<li>ٹیسٹ آئٹمز جو نشاندہی کے لیے بہت حساس ہوتے ہیں، ان میں وقت سے آگہی (سال)، انٹرسیکٹنگ پینٹاگون (ڈرائنگ میں ناکامی کا درجہ)، اور الفاظ کو یاد کرنے میں تاخیر شامل ہیں۔ 
	&nbsp;</li>
</ul>

<h5 dir="rtl">2. منی کوگ</h5>

یہ بنیادی نگہداشت کےلیے، ادراکی صلاحیت کی اولین اسکریننگ ہے۔ تاہم، اس کا اتنا وسیع پیمانے پر جائزہ نہیں لیا جاتا جتنا MMSE یا مونٹریال کاگنیٹو اسیسمنٹ کا۔ یہ تین لفظوں پرمشتمل یادداشت ٹیسٹ اورکلاک ڈرائنگ ٹیسٹ کا مجموعہ ہے۔ 
&nbsp;

<ul dir="rtl">
	<li>تاخیری تین الفاظ کی یادداشت کا ٹیسٹ</li>
</ul>

ہیلتھ کئیر عملہ مریض کو 3 الفاظ بتاتا ہے، تاکہ وہ الفاظ یاد کر لیں۔ کلاک ڈرائنگ ٹیسٹ، مریض کی توجہ ہٹانے کے لیے درمیان میں استعمال کیا جاتا ہے اور پھر ان سےوہ الفاظ دہرانے کو کہا جاتا ہے۔ 
&nbsp;

<ul dir="rtl">
	<li>کلاک ڈرائنگ ٹیسٹ</li>
</ul>

اس ٹیسٹ کے انتظام میں1منٹ لگتا ہے اور اس میں1آئٹم شامل ہے۔ مریض کو ایک گھڑی بنانی ہوتی ہے اوروقت دکھانا ہوتا ہے11:10۔ اسکورنگ عام سے غیر معمولی پرمبنی ہےاورکسی بھی غیرمعمولی اسکور کا مطلب ڈیمنشیا ہوسکتا ہے۔ ایسے میں مریضوں کو فوری طور پر جانچ کے لیے&nbsp;بھیجا جانا چاہیے۔ 
&nbsp;

<ul dir="rtl">
	<li>منی کوگ اسکور کرنا 
	a.3 میں سے 3 تاخیر ی یاد داشت کا مطلب ہے کہ اسکور نارمل ہے۔ تاہم، اگر یہ 0 ہے، تو اس کا مطلب ہے کہ مریض کو غالباً ڈیمنشیا ہے۔</li>
	<li>&nbsp;b. الفاظ دہرانے اور نارمل کلاک ڈرائنگ ٹیسٹ میں، 3 میں سے 1-2اسکور، ڈیمنشیا کی نشاندہی نہیں کرتا اور اگر یہ اسکورغیر معمولی ہے تو یہ ڈیمنشیا کی نشاندہی کرتا ہے۔ 
	&nbsp;</li>
</ul>

<h5 dir="rtl">3. جانوروں کا نام بتانا</h5>

یہ لفظ بتانے ٹیسٹ ہے،جس میں مریضوں سے کہا جاتا ہے کہ وہ1منٹ میں چار ٹانگوں والےجانوروں کےنام بتائیں۔ وہ جتنے بھی نام جانتے ہیں وہ&nbsp;بتا سکتے ہیں۔ عملہ صحت اس بات کو یقینی بناتا ہے کہ، مریض جانتے ہیں کہ اس میں وقت کی کمی نہیں ہے اور انہیں جانوروں کے نام لینے کے لیے پورا1منٹ ملے گا اور ان کا وقت، پہلا نام بتانےسے شروع ہوگا۔ جن لوگوں کو ڈیمینشیا ہوتا ہے وہ ایک منٹ میں10سے کم جانوروں کا نام لیتے ہیں۔ 
&nbsp;

<h5 dir="rtl">4. مونٹریال کاگنیٹو اسسمنٹ (MoCA)</h5>

یہ بھی ایک 11آئٹم ٹیسٹ ہے اور اس کےانتظام میں10-15منٹ لگتے ہیں۔ کل اسکورنگ30 ہے، جس کا اسکور26-30نارمل ہے۔ اگر اسکور20-25 ہے، تو مریض کو ہلکی ادراکی خرابی یا ابتدائی ڈیمنشیا ہےاور اگر اسکور20 سے کم ہے، تو شبہ ہےکہ مریض کو ڈیمنشیا ہے۔ 
&nbsp;

<h5 dir="rtl">5. لیبارٹری اسکریننگ ٹیسٹ</h5>

معمول کے لیبارٹری ٹیسٹوں میں درج ذیل شامل ہیں:

<ul dir="rtl">
	<li>سی بی ایس</li>
	<li>سیرم کیلشیم</li>
	<li>سیرم الیکٹرولائٹ</li>
	<li>ٹی ایس ایچ اور گلوکوز 
	&nbsp;</li>
</ul>

ڈیمنشیا کی تشخیص میں مفید مزید تحقیقات یہ ہیں:

<ul dir="rtl">
	<li>رینل فنکشن/گردوں کی کارکردگی</li>
	<li>جگر کے انزائمز</li>
	<li>ای سی جی 
	&nbsp;</li>
</ul>

معمول کے لیبارٹری ٹیسٹ میں شامل ہونا چاہئے:

<ul dir="rtl">
	<li>خون کا مکمل شمار</li>
	<li>سیرم الیکٹرولائٹس</li>
	<li>سیرم کیلشیم</li>
	<li>ٹی ایس ایچ اور گلوکوز</li>
</ul>

جگر کےانزائمز،رینل فنکشن،اورECG کی پیمائش کرنے والے ٹیسٹ ممکنہ ڈیمنشیا کا اندازہ کرنے کا مفید طریقہ ہیں۔ 
&nbsp;

تشخیص

ڈاکٹرز،مریضوں کی طبی ہسٹری کا جائزہ لیتے ہیں، شمول ان کی نفسیاتی ہسٹری، ادراکی اورطرزعمل کی تبدیلیاں۔ وہ ماضی کے یا موجودہ طبی مسائل کے بارے میں پوچھتے ہیں اوراگر فرد کسی نسخے یا دیگر ادویات پر ہے۔ وہ خاندانی بنیادی طبی تاریخ کےبارے میں بھی پوچھتے ہیں اوراگر خاندان میں کسی کو الزائمر یا ڈیمنشیا ہوا ہو۔

جسمانی معائنہ اورمزید لیبارٹری ٹیسٹ، ڈیمنشیا کی علامات کی بنیادی وجہ کی شناخت میں مدد کرتے ہیں۔ ڈیمنشیا جیسی علامات کی دیگر عام وجوہات میں ڈپریشن، ڈیلیریم/ہذیان، نیند کی کمی، تھائیرائیڈ کے مسائل، کچھ ادویات اور وٹامن کی کمی شامل ہیں۔ اگر مریض کو ڈیمینشیا یا الزائمر نہیں ہے، تو مناسب علاج سے افاقہ ہوسکتا ہے۔&nbsp; 
&nbsp;

اس کےعلاوہ، ایک اعصابی امتحان اس بات کا جائزہ لینےکے لیے کیا جاتا ہے کہ، آیا اس شخص کوالزائمر کےعلاوہ کوئی دماغی عارضہ ہے۔عملہء صحت پارکنسنز کی بیماری، فالج، برین ٹیومر، دماغ میں فلوئڈ جمع ہونے یا سوچنے اور یادداشت کو کمزور کرنے والی کسی دوسری حالت کی علامات کو جانچتے ہیں۔

ایم آر آئی اور سی ٹی اسکینز کے ذریعےدماغی امیجنگ بنیادی طورپران حالات کو مسترد کرتی ہے، جو الزائمر جیسی علامات کا سبب بن سکتی ہیں۔ ٹیومر،دماغ میں سیال کا جمع ہونا، سر کی چوٹ، اورچھوٹے یا بڑے فالج کو ساختی امیجنگ کے ذریعے ظاہر کیا جا سکتا ہے۔ بعض صورتوں میں، یہ دیکھنے کے لیے اس کااستعمال کیا جاتا ہے کہ ،کیا بیٹا امائلائیڈ کی سطح زیادہ ہے، جو کہ الزائمر کی پہچان ہے۔ اگر سطح نارمل ہے، تو یہ ٹیسٹ تجویز کرے گا کہ الزائمر ڈیمنشیا کی وجہ نہیں ہے۔ 
&nbsp;

<h5 dir="rtl">سی ایس ایف ٹیسٹ</h5>

تحقیق کےمطابق، الزائمر کی بیماری اپنے ابتدائی مراحل میں tau اور بیٹا ایمیلائڈ کی سی ایس ایف سطحوں میں تبدیلی کا باعث بنتی ہے۔<a href="#accordion">[7]</a> یہ دونوں مارکرزدماغ میں غیر معمولی ذخائر بناتے ہیں، جو الزائمر سے منسلک ہیں۔&nbsp;نیوروفیلمنٹ لائٹ کی سطح میں اضافہ، نیوروڈیجینریٹیو بیماری میں بھی پایا جاتا ہے۔ 
&nbsp;

علاج

ڈاکٹرز،ڈیمنشیا کی وجہ کا علاج کرتےہیں اور تقریباً 20% کیسزمیں بحالی ہو سکتی ہے۔ تاہم، اگروجہ ٹھیک نہیں ہوسکتی،توعلاج علامات کےانتظام پرمرکوز ہوتاہے۔ مثال کے طور پر، اشتعال اورجذباتی چیلنجز۔

پہلی دواجسے ایف ڈی اے نے الزائمر کی بیماری (سب سےعام ڈیمنشیا کی شکل) کے لیے منظور کیا تھا وہ ایڈوکانوماب-اووا (اڈوہیلم) تھی اوراسےکئی دہائیوں سے اس کےعلاج کے لیےاستعمال کیا جا رہا ہے۔ صحت عملے کی طرف سےاس کا ماہانہ انفیوژن تجویز کیا جا سکتا ہے، اور یہ اپنے مونوکلونل اینٹی باڈی کے ذریعے دماغ میں امائلائیڈ پلاکس کو روکنے میں مدد کرتا ہے۔ یہ پلاکس، الزائمر سے منسلک یادداشت میں کمی کا باعث بنتے ہیں۔ 
&nbsp;

Acetylcholinesterase inhibitors ادراکی تبدیلیوں کی نمو کو کم کرنے میں بھی مدد کرتے ہیں۔ تاہم، دوا کا اثر ہلکا ہے اورحالت کو آخرکار خراب ہونے سے نہیں روک پاتا۔ 
&nbsp;

ڈیمنشیا مندرجہ ذیل پیچیدگیوں کا باعث بن سکتا ہے، کیونکہ یہ جسم کے متعدد نظاموں کو متاثرکرتا ہے: 
&nbsp;

<ul dir="rtl">
	<li>غذائیت کے مسائل</li>
</ul>

ڈیمنشیا کا شکارلوگ کھانا بند کر دیتے ہیں یا اپنی خوراک کو محدود کردیتے ہیں، جس سےان کی غذائیت پراثر پڑتا ہے۔ بالآخر، وہ چبانےاورنگلنے میں مشکلات کا شکار ہوتے ہیں۔

<ul dir="rtl">
	<li>نمونیا</li>
</ul>

جب مریضوں کونگلنےمیں دشواری ہوتی ہے، تو انہیں پھیپھڑوں میں کھانا جانے کا خطرہ ہوتا ہے،جو ان کی سانسوں میں رکاوٹ اورنمونیا کا سبب بھی بن سکتا ہے۔

<ul dir="rtl">
	<li>&nbsp;دیکھ بھال میں مداخلت</li>
</ul>

ڈیمنشیا معمول کی سرگرمیوں میں مداخلت کرتا ہے۔ مثال کے طور پر، تجویز کردہ ادویات لینا، کپڑے پہننا، نہانا، برش کرنا یا بغیر مدد کے ٹوائلٹ کا استعمال کرنا۔

<ul dir="rtl">
	<li>حفاظتی چیلنجز</li>
</ul>

ڈیمنشیا کے شکار لوگوں کے لیے تنہا رہنا ایک چیلنج ہے، کیونکہ ارتکاز میں ممکنہ کمی کی وجہ سے کھانا پکانا، پیدل چلنا، یا گاڑی چلانا پرخطر ہوگا۔

<ul dir="rtl">
	<li>موت</li>
</ul>

ڈیمنشیا کےآخری مرحلے کے نتیجے میں کوما اور یہاں تک کہ مہلک انفیکشن کی وجہ سے موت بھی واقع ہوسکتی ہے۔ 
&nbsp;

<h5 dir="rtl">1. ناقابل ترمیم</h5>

<ul dir="rtl">
	<li>عمر</li>
</ul>

اگرچہ ڈیمنشیا عمر بڑھنےکا ایک عام عمل نہیں ہے، لیکن 65 سال کی عمر کے بعد خطرہ بڑھ جاتا ہے۔ 
&nbsp;

<ul dir="rtl">
	<li>خاندانی رجحان</li>
</ul>

جن لوگوں کو ڈیمینشیا&nbsp; کاخاندانی رجحان ہے ،ان کو اس کے ہونے کا خطرہ زیادہ ہوتا ہے۔ لیکن،یہ ضروری نہیں ہے خاص طور پرجب وہ لوگ جو ڈیمنشیا کی خاندانی ہسٹری نہیں رکھتے وہ بھی اس سے متاثر ہوسکتےہیں۔ ٹیسٹ اس بات کا تعین کرتے ہیں کہ آیا کسی میں جین کی تبدیلی&nbsp; ہوئی ہے۔&nbsp; 
&nbsp;

<ul dir="rtl">
	<li>ڈاؤن سنڈروم</li>
</ul>

ڈاؤن سنڈروم والےمتعدد افراد کو الزائمر کی بیماری جلد شروع ہوتی ہے۔ 
&nbsp;

<h5 dir="rtl">2. قابل بحالی</h5>

<ul dir="rtl">
	<li>قلبی خطرہ کےعوامل</li>
</ul>

ہائی بلڈ پریشر،ہائپرٹینشن،ایتھروسکلروسیس،اورموٹاپا ڈیمنشیا کے لیے قابل علاج خطرے والے عوامل ہیں۔ 
&nbsp;

<ul dir="rtl">
	<li>غذا اور ورزش</li>
</ul>

ورزش کی کمی سے ڈیمنشیا کے امکانات بڑھ جاتے ہیں اورجب کہ اس خطرے کوکم کرنے والی کوئی خاص خوراک نہیں ہے،جو لوگ غیر صحت بخش غذا کھاتے ہیں ان کواس کا خطرہ ہوتا ہے۔&nbsp;&nbsp; 
&nbsp;

<ul dir="rtl">
	<li>شراب کی لت</li>
</ul>

جب لوگ ضرورت سے زیادہ مقدار میں شراب پیتےہیں ،تو یہ دماغی تبدیلیوں کا سبب&nbsp; بنتی ہے۔ متعدد مطالعات سے یہ بات سامنے آئی ہے کہ،الکحل ڈیمنشیا کے بڑھتے ہوئےخطرے سےمنسلک ہے،خاص طور پرقبل از وقت ڈیمنشیا۔<a href="#accordion">[8]</a> 
&nbsp;

<ul dir="rtl">
	<li>ڈپریشن</li>
</ul>

اگرچہ اس پرکافی تحقیق نہیں ہے، ڈیٹا بتاتا ہے کہ، ڈپریشن ڈیمنشیا کی نشوونما کا باعث بن سکتا ہے۔ 
&nbsp;

<ul dir="rtl">
	<li>ذیابیطس</li>
</ul>

بے قابو ذیابیطس ،ڈیمنشیا کا خطرہ بڑھاتی ہے۔

<ul dir="rtl">
	<li>تمباکو نوشی</li>
</ul>

تمباکو نوشی کرنے والوں میں ڈیمنشیا کا خطرہ بڑھ سکتا ہے۔ 
&nbsp;

<ul dir="rtl">
	<li>آلودگی</li>
</ul>

مطالعات سے یہ بات سامنے آئی ہے کہ،آلودگی، خاص طور پر لکڑیوں کو جلانا اور گاڑیوں کا دھواں، ڈیمنشیا سے وابستہ ہے.<a href="#accordion">[9]</a> 
&nbsp;

<ul dir="rtl">
	<li>شدید ہیڈ انجری (ٹی بی آئی)</li>
</ul>

سر کی شدید چوٹ کی ہسٹری والے افراد میں الزائمر کی بیماری کا زیادہ خطرہ ہوتا ہے۔ مزید یہ کہ شدید اور متعدد ہیڈ انجر ی والےلوگوں میں خطرہ زیادہ ہوتا ہے۔ خاص طور پر، یہ ابتدائی6-24 مہینوں میں سب سے زیادہ ہوتا ہے۔ 
&nbsp;

<ul dir="rtl">
	<li>&nbsp;سلیپ ایپنیا</li>
</ul>

سلیپ ایپنیا/ سوتےمیں سانس رکنے کے مسئلےکا شکار افراد کو ڈیمنشیا کا زیادہ خطرہ ہوتا ہے۔ 
&nbsp;

<ul dir="rtl">
	<li>ادویات</li>
</ul>

بغیرنسخہ والی&nbsp; نیند میں معاون ادویات، ڈیفن ہائیڈرمائن پرمشتمل ہوتی ہیں اورسکون آور نیند کی گولیاں یا گولیاں کسی فرد کی یادداشت کوخراب

&nbsp;کرسکتی ہیں۔

نوٹ: خودسےادویات منتخب کرنے میں پرہیز کریں اور کسی بھی طبی ہنگامی صورت حال میں ہمیشہ ڈاکٹر سے رجوع کریں۔ 
&nbsp;

ڈیمنشیا کےلیے کوئی احتیاطی تدابیریں نہیں ہیں۔ تاہم، کچھ اقدامات جو مدد کرسکتے ہیں وہ درج ذیل ہیں:

<ul>
	<li dir="rtl" style="text-align:right">ذہنی طورپرمتحرک سرگرمیاں ڈیمنشیا کےآغاز اور اس کے اثرات میں تاخیر لاتی ہیں۔ مثال کے طور پر، پڑھنا، پہیلیاں، لفظی کھیل، اور یادداشت مضبوطی کی مشقیں۔</li>
	<li dir="rtl" style="text-align:right">سماجی اورجسمانی سرگرمیاں ڈیمنشیا کی علامات کو کم کرتی ہیں۔</li>
	<li dir="rtl" style="text-align:right">تمباکو نوشی سے پرہیز ڈیمنشیا کے خطرے کو کم کرتا ہے۔</li>
	<li dir="rtl" style="text-align:right">وٹامن سپلیمنٹس، خاص طور پر وٹامن ڈی، بی کمپلیکس، اور سی ڈیمنشیا کو روکتے ہیں۔</li>
	<li dir="rtl" style="text-align:right">ہائی بلڈ پریشر کچھ قسم کے ڈیمنشیا کا باعث بن سکتا ہے۔ لہذا، مریضوں کو اپنے ڈاکٹر کی مدد سے اس کےعلاج پر کام کرنا چاہئے۔ اس بات کو بھی یقینی بنائیں کہ کولیسٹرول، ذیابیطس اور وزن ہمیشہ کنٹرول میں رہیں۔</li>
	<li dir="rtl" style="text-align:right">اگر مریض ڈپریشن اور پریشانی میں مبتلا نظرآتا ہے تو ہمیشہ ڈاکٹرسے مشورہ کریں۔</li>
	<li dir="rtl" style="text-align:right">رات کی اچھی نیند لوگوں کو نیند سے متعلق بہت سے مسائل سے بچاتی ہے، جن میں نیند کی کمی کی وجہ سے ڈیمنشیا بھی شامل ہے۔ نیند کے مسائل کے لیے کسی ماہر سے مشورہ کریں۔</li>
</ul>

اہم نکات

<ul dir="rtl">
	<li>ڈیمنشیا ادراکی فعل میں انحطاط ہے، جو عمر بڑھنے کا حصہ نہیں ہے۔</li>
	<li>ڈیمنشیا عام طور پر 65 سال سے اوپر کے لوگوں کو متاثر کرتا ہے، لیکن یہ دیگر طبی حالات کی وجہ سے کسی بھی عمر میں ہو سکتا ہے۔</li>
	<li>ڈیمنشیا عالمی سطح پرایک ملین افراد کو متاثر کرتا ہے۔</li>
	<li>دماغ کو متاثر کرنے والی متعدد بیماریاں ڈیمنشیا کا سبب بن سکتی ہیں۔ سب سے زیادہ عام بیماریوں میں سےایک الزائمر کی بیماری ہے، اس کے بعد ویسکولر ڈیمنشیا ہے۔</li>
	<li>ڈیمنشیا دنیا بھر میں موت کی سب سے بڑی وجوہات میں سے ایک ہے اور بزرگوں میں معذوری کی ایک بڑی وجہ ہے۔</li>
	<li>ڈیمنشیا کا سماجی، جسمانی، نفسیاتی، اور معاشی اثر نہ صرف ان لوگوں پر پڑتا ہے جو اس میں مبتلا ہیں بلکہ ان کی دیکھ بھال کرنے والے فیملی ممبران پر بھی پڑتا ہے۔</li>
</ul>

[1] M Ashraf, G., Chibber, S., K Zaidi, S., Tabrez, S., Ahmad, A., Shakil, S., Mushtaq, G., S Baeesa, S. and A Kamal, M., 2016. Recent updates on the association between Alzheimer’s disease and vascular dementia. Medicinal Chemistry, 12(3), pp.226-237.

[2] T O'Brien, J. and Thomas, A., 2015. Vascular dementia. The Lancet, 386(10004), pp.1698-1706.

[3] Adamson, M.M., Shakil, S., Sultana, T., Hasan, M.A., Mubarak, F., Enam, S.A., Parvaz, M.A. and Razi, A., 2020. Brain injury and dementia in Pakistan: current perspectives. Frontiers in neurology, 11, p.299.

[4] Emmady, P.D. and Tadi, P., 2022. Dementia. In StatPearls [Internet]. StatPearls Publishing.

[5] Lott, I.T. and Head, E., 2019. Dementia in Down syndrome: unique insights for Alzheimer disease research. Nature Reviews Neurology, 15(3), pp.135-147.

[6] Schulz, A. and Kohlschütter, A., 2013. NCL Disorders: frequent causes of childhood dementia. Iranian journal of child neurology, 7(1), p.1.

[7] Clark, C.M., Xie, S., Chittams, J., Ewbank, D., Peskind, E., Galasko, D., Morris, J.C., McKeel, D.W., Farlow, M., Weitlauf, S.L. and Quinn, J., 2003. Cerebrospinal fluid tau and β-amyloid: how well do these biomarkers reflect autopsy-confirmed dementia diagnoses?. Archives of neurology, 60(12), pp.1696-1702.

[8] Ridley, N.J., Draper, B. and Withall, A., 2013. Alcohol-related dementia: an update of the evidence. Alzheimer's research & therapy, 5(1), pp.1-8.

[9] Peters, R., Ee, N., Peters, J., Booth, A., Mudway, I. and Anstey, K.J., 2019. Air pollution and dementia: a systematic review. Journal of Alzheimer's Disease, 70(s1), pp. S145-S163.