اس مسئلے میں حمل کے دوران شوگر لیول بڑھ جاتا ہے۔اس کی مکمل آگہی کے لئے میری صحت آرٹیکل میں جانیں۔

دورانِ حمل ذیابیطس

Online Consultation

اسماعیل منیر

جائزہ

قومی ادارہ صحت کے مطابق دورانِ حمل ذیابیطس، <a href="https://merisehat.pk/ur/disease/diabetes-type-1-and-2-39">ذیابیطس</a> کی وہ قسم ہے جو حمل کے دوران پیدا ہوتی ہے۔<a href="#accordion">[1]</a> یہ حمل کے دوران غذا کے جزوِ بدن بننے کی سب سے عام بیماری ہے، جس سے دنیا بھر میں سات سے دس فیصد حمل متاثر ہوتے ہیں۔<a href="#accordion">[2]</a>

آغا خان یونیورسٹی کے زیرِ اہتمام ایک مطالعے میں بتایا گیا کہ 2005 سے 2018 کے دوران دورانِ حمل ذیابیطس کی شرح دوگنا سے بھی زیادہ8.1 سے بڑھ کر 17.8 فی صد ہوگئی۔<a href="#accordion">[3]</a> یہ غالباََ آبادی میں موٹاپے&nbsp; اور ٹائپ ٹو ذیابیطس کی بڑھتی سطح کی وجہ سے ہے۔ انٹرنیشنل ڈیا بیٹیز فیڈریشن کے تازہ ترین اعداد وشمارکے مطابق، پاکستان میں ذیابیطس کا پھیلاؤ سب سے زیادہ ہے۔<a href="#accordion">[4]</a> 
&nbsp;

اگرچہ دورانِ حمل ذیابیطس میں سال بہ سال تیزی سے اضافہ ہو رہا ہے تاہم پاکستان میں اس بیماری کا بالکل درست پھیلاؤ اب بھی غیر واضح ہے۔ مزید برآں، خطرے کے عناصر اور تشخیصی معیار میں فرق کی وجہ سے مختلف صوبوں میں اس کا پھیلاؤ مختلف پایا گیا ہے۔ اس کے باوجود یہ میٹابولک بیماری ماں اور بچے دونوں کی صحت کے لئے بڑے خطرے کا باعث ہے۔ اس لئےحاملہ خواتین میں اس کی موٴثر سکریننگ اور آگاہی کے پروگراموں کی ضرورت ہے۔ 
&nbsp;

علامات

دورانِ حمل ذیابیطس کی تشخیص عام طور پر حمل کے 24 ویں سے 28&nbsp;ویں ہفتے میں ہوتی ہے۔ تاہم، حاملہ خواتین میں عمومی طور پرکوئی علامات نہیں پائی جاتیں۔ زیادہ سے زیادہ، انہیں پیاس میں اضافے اور بار بار پیشاب کی شکایت ہوسکتی ہے۔ 
&nbsp;

اسباب

عام طور پر لبلبے کے بِیٹا سیلز انسولین ہارمون پیدا کرتے ہیں۔ انسولین خلیوں کو گلوکوز اپنانے اور اسے طاقت کے لیے استعمال کرنے میں مدد دیتی ہے۔ اس طرح، خون میں گلوکوز کی سطح معمول پر رہتی ہے۔ 
حمل کے دوران،آنول بچے کی نشوونما اور حمل جاری رکھنے کے لئےضروری مختلف ہارمون پیدا کرتی ہے، جیسے انسانی آنول کی لیکٹوجن۔ یہ ہارمون انسولین کے مزاحم خلیے بناتے ہیں۔ مزید برآں،حمل میں وزن میں اضافے سے انسولین کی مزاحمت میں اضافہ ہوتا ہے۔ اگرچہ عام طور پر بِیٹا سیلز انسولین کی مزاحمت کو پورا کرنے کے لئے زیادہ انسولین بنانے لگتے ہیں ، تاہم حمل کے دوران ایسا نہیں ہوتا۔ اس لئے، گلوکوز خون میں جمع ہونے لگتا ہے، جس سے ہائپر گلائکیمیا یعنی خون میں شکر کی زیادہ مقدار کا مسئلہ ہو سکتا ہے اور ذیا بیطس کی بیماری ہو جاتی ہے۔

تا ہم، یہ بات ابھی غیرواضح ہے کہ ایسا کیوں ہے کہ کچھ خواتین میں دورانِ حمل ذیابیطس ہوتی ہے اور کچھ میں نہیں۔ 
&nbsp;

سکریننگ ٹیسٹ عموماََ حمل کی دوسری سہ ماہی میں دورانِ حمل ذیابیطس کے اوسط خطرے کی زد میں خواتین میں&nbsp; 24-2 ویں ہفتے میں کیا جاتا ہے۔ تاہم، زیادہ خطرے کی حامل خواتین میں یہ حمل میں پہلی بار آنے والی خواتین میں بھی کروایا جا سکتا ہے۔ سکریننگ ٹیسٹس میں یہ شامل ہیں:

<ul dir="rtl">
	<li>Initial Glucose Challenge test - اسے گلوکوز سکریننگ ٹیسٹ بھی کہاجاتا ہے،اس میں 50 گرام گلوکوز کا محلول پلایا جاتا ہے۔ایک گھنٹے کے بعد،خون کا نمونہ لے کر خون میں گلوکوز کی سطح&nbsp; کی جانچ کی جاتی ہے۔ 140mg/dl سے زیادہ سطح دورانِ حمل ذیابیطس کے شدید خطرے کی نشان دہی کرتی ہے۔ اگر کسی فرد کی سطح زیادہ نکلے تو ذیابیطس کی موجودگی کے تعین&nbsp; کے لئےglucose tolerance&nbsp;کا ٹیسٹ کروایا جاتا ہے۔</li>
	<li>Oral Glucose Tolerance Test (OGTT) -&nbsp; اس ٹیسٹ کے لئے خواتین کوکئی گھنٹے کا فاقہ کر کے آنا چاہئے۔ پہلے فاقے میں خون میں گلوکوز کی سطح کی جانچ کی جاتی ہے۔ پھر،گلوکوز چیلنج ٹیسٹ کی طرح 100گرام گلوکوز کامحلول پلایا جاتاہے۔ اس کے بعد، ہرگھنٹے بعدمجموعی طور پر تین گھنٹے تک،خون کا ٹیسٹ کیا جاتا ہے۔ اگرکم از کم دو بار ریڈنگ نارمل سطح سے زیادہ آئے تو اس فرد کو دورانِ حمل ذیابیطس کی بیماری ہے۔&nbsp;</li>
</ul>

اکثر ڈاکٹر گلوکوز چیلنج ٹیسٹ چھوڑ کربراہِ راست ایک 75g OGTT ٹیسٹ کرواتے ہیں۔ اس میں مریض کو 50 گرام کے بجائے75 گرام گلوکوز کا محلول پینے کو دیا جاتا ہے۔ اس کی پیمائش فاقے کی حالت میں،اور محلول پینے کے ایک گھنٹےبعد اور دو گھنٹے بعد کی جاتی ہے۔ 
&nbsp;

تشخیص

پاکستان میں دورانِ حمل ذیابیطس کی تشخیص کے لئے اکثر&nbsp; International Association of Diabetes and Pregnancy Study Groups (IADPSG) 2010 کا معیار استعمال کیا جاتا ہے۔<a href="#accordion">[5]</a> یہ ایک مرحلے پر مبنی طریقہ ہے۔ معیار کے مطابق، ذیل میں دی گئی شرائط میں سے کسی ایک کے پورا ہونے پر دورانِ حمل ذیابیطس کی تشخیص کی جاتی ہے:

<ul dir="rtl">
	<li>فاقے میں خون میں گلوکوز کی سطح:&nbsp;92mg/dl یا زیادہ</li>
	<li>ایک گھنٹےبعد75g-OGTT: اس کی سطح 180mg/dl یا زیادہ</li>
	<li>دو گھنٹے بعد75g-OGTT: اس کی سطح 153mg/dl یا زیادہ 
	&nbsp;</li>
</ul>

The American Congress of Obstetricians and Gynecologists (ACOG) کی تجویزکے مطابق مرض کی تشخیص کے لئے دو مرحلوں والا طریقہ اختیار کرنا چاہئے۔<a href="#accordion">[6]</a> دو مرحلے والےطریقے میں ابتدائی گلوکوز چیلنج ٹیسٹ کے بعد100g OGTT ٹیسٹ شامل ہیں۔ دورانِ حمل ذیابیطس کی تشخیص کے لئے ذیل کی کم از کم دوشرائط پوری ہونا ضروری ہیں:

<ul>
	<li dir="rtl" style="text-align: right;">فاقے میں خون میں گلوکوز: 95mg/dl یااس سے زیادہ ہو</li>
	<li dir="rtl" style="text-align: right;">ایک گھنٹےبعد50g-OGTT:&nbsp;اس کی سطح180mg/dl یا زیادہ ہو</li>
	<li dir="rtl" style="text-align: right;">دوگھنٹے بعد50g-OGTT: اس کی سطح 155mg/dlیا زیادہ ہو</li>
	<li dir="rtl" style="text-align: right;">تین گھنٹے بعد50g-OGTT: اس کی سطح 140mg/dlیا زیادہ ہو 
	&nbsp;</li>
</ul>

علاج

دورانِ حمل ذیابیطس کےعلاج&nbsp; میں طرزِ زندگی میں تبدیلی، خون میں شکر کی جانچ،اورضرورت کی بنیاد پر ادویات کا امتزاج شامل ہیں۔علاج کا مقصد یہ ہے کہ خون میں گلوکوز کی سطح کونارمل حد میں رکھا جائے۔&nbsp;

دورانِ خون ذیابیطس کی شکار خواتین میں مجوزہ خون میں شکر کے روزانہ اہداف یہ ہیں:<a href="#accordion">[7]</a>

<ul dir="rtl">
	<li>خالی پیٹ پلازمہ گلوکوزکی سطح: 95mg/dl&nbsp; سے کم ہو</li>
	<li>کھانے کے ایک گھنٹے بعد گلوکوز کی سطح: 140mg/dlسے کم ہو</li>
	<li>کھانے کے دو گھنٹے بعد گلوکوز کی سطح: 120mg/dlسے کم ہو 
	&nbsp;</li>
</ul>

دورانِ حمل ذیابیطس کے علاج میں یہ شامل ہیں:

خون میں شکر کی جانچ۔ گلوکوز میٹر سے خواتین خون میں گلوکوز کی سطح کا حساب رکھ سکتی ہیں۔ بیش تر ڈاکٹر کھانے سے پہلے اور بعد میں، سوتے وقت اور صبح نہار منہ پیمائش کرنے کا مشورہ دیتے ہیں۔

طرزِ زندگی میں تبدیلی۔ ایک تجربہ کار ماہرِ خوراک اپنے مریضوں کے خون میں شکر کے اہداف، ورزش کی عادت، حمل میں وزن کے ہدف،خون میں شکر کی سطح اور غذائی عادات کی بنا پر خوراک کے پلان بنانے میں مدد دے سکتا ہے۔ متوازن غذ ا جس میں اناج، پروٹین، پھل،اور سبزیاں شامل ہوں، خون میں شکرکی سطح کو نارمل سطح تک محدود کرسکتی ہے۔ صحت بخش غذائی پلان کے علاوہ باقاعدہ ورزش بھی خون میں شکر کو کم کرنے اور پیچیدگیوں سے بچانے کے لئےاہم ہے۔ تاہم،کسی بھی قسم کی ورزش یا جسمانی سرگرمی ڈاکٹر سے مشورے کے بعد شروع کرنی چاہئے۔ 
&nbsp;

ادویات۔&nbsp;اگر صحت بخش غذا اور ورزش سے گلوکوز کو نارمل سطح پر برقرار رکھنے میں ناکامی ہو، تو ڈاکٹر ادویات سے علاج تجویز کرسکتے ہیں۔&nbsp; حمل میں خون میں گلوکوز کی مقدار کی زیادتی کے علاج کے لئے انسولین پہلا انتخاب ہے۔ دیگر ادویات جیسے metformin یا sulfonylureas آنول سے آگے جا سکتی ہیں اس لئے تجویز نہیں کی جاتیں۔ دونوں بچے میں خون میں گلوکوز کی کمی کا باعث بن سکتی ہیں۔ 
&nbsp;

خون میں گلوکوز کی زیادتی سے ماں اور بچے دونوں کی صحت پر مضر اثرات پڑ سکتے ہیں۔ 
&nbsp;

<h5 dir="rtl">ماں میں پیچیدگیاں</h5>

ماؤں میں گلوکوز کی بڑھی ہوئی سطح سے بہت سےخطرناک نتائج مرتب ہوسکتے ہیں۔ ان میں یہ شامل ہیں:

<ul dir="rtl">
	<li>Preeclampsia &nbsp;یہ حمل کی ایک سنگین پیچیدگی ہے جوبلڈ پریشر کی زیادتی سے&nbsp; پیدا ہوتی ہے۔ اس میں خون میں پروٹین کی موجودگی، ٹانگوں اور پیروں کی سوجن، سر درد اور نظر کا دھندلاپن شامل ہیں۔</li>
	<li>دورانِ حمل ذیابیطس کی مریض آدھی سے زیادہ خواتین میں ٹائپ ٹو ذیابیطس کا مرض ہو جاتا ہے، بالخصوص بچے کی پیدائش کے پانچ سے دس سال کے دوران۔<a href="#accordion">[8]</a> مزید برآں، ذیابیطس کے بغیر خواتین کی نسبت، ذیابیطس والی خواتین میں ٹائپ ٹو ذیابیطس کی بیماری کا خطرہ دس گنا زیادہ ہوتا ہے۔ <a href="#accordion">[7]</a> ان میں آئندہ حمل میں بھی اس بیماری کے ہونے کا کافی خطرہ ہوتاہے۔</li>
	<li>سیزیرین سیکشن کے ذریعے ڈیلیوری کا زیادہ امکان 
	&nbsp;</li>
</ul>

<h5 dir="rtl">&nbsp;نومولود بچوں میں پیچیدگیاں</h5>

دورانِ حمل ذیابیطس کا شکار خواتین کے بچوں میں&nbsp; درج ذیل پیچیدگیاں ہو سکتی ہیں:

<ul dir="rtl">
	<li>خون میں گلوکوز میں کمی کی بیماری۔۔ نوزائیدہ بچوں میں یہ سب سے عام پیچیدگی ہے اور پیدائش کے فوراََ بعد ہوتی ہے۔ اس سے بچے کودورے پڑ سکتے ہیں۔</li>
	<li>معمول سے زیادہ پیدائشی وزن (نو پاؤنڈ یا اس سے زیادہ) ڈیلیوری کے دوران رکاوٹ اور پیدائش میں مشکل کا باعث بن سکتا ہے۔</li>
	<li>سانس لینےمیں مشکل</li>
	<li>قبل از وقت پیدائش کا زیادہ خطرہ</li>
	<li>مستقبل میں ٹائپ ٹو ذیابیطس کازیادہ خطرہ</li>
</ul>

اس کے علاوہ پیدائشی امراض اور مردہ بچے کی پیدائش کا خطرہ بھی زیادہ ہوتا ہے۔ 
&nbsp;

یہ عناصر دورانِ حمل ذیابیطس ہونے کا خطرہ بڑھا سکتے ہیں:

<ul dir="rtl">
	<li>خاندان میں کسی کو ٹائپ ٹو ذیابیطس ہونا</li>
	<li>پچیس سال سے زیادہ عمر</li>
	<li>افریقی امریکی، ایشین، ہسپانوی یا امریکی انڈین نسل یا قوم سے تعلق</li>
	<li>دورانِ حمل ذیابیطس کی ہسٹری</li>
	<li>پری ڈیابیٹیز ہونا</li>
	<li>حمل سے پہلے وزن کی زیادتی</li>
	<li>پولی سسٹک اووری کی تشخیص ہونا</li>
	<li>اسقاطِ حمل یا مردہ بچے کی پیدائش کی ہسٹری</li>
	<li>نو پاؤنڈ سے زیادہ وزن کے بچے کو جنم دے چکا ہونا 
	&nbsp;</li>
</ul>

پیدائش کے فوراََ بعد ، ایک خاتون میں خون میں گلوکوز کی سطح معمول پرآجاتی ہے۔ تاہم، ٹائپ ٹو ذیابیطس کے زیادہ خطرے کی وجہ سے انہیں تا زندگی ہر ایک سے تین سال کے بعد ذیابیطس کی سکریینگ کروانی چاہیئے۔ American Diabetes Association (ADA) کےمطابق، پیدائش کے چھ سے بارہ ہفتے کے بعد، دورانِ حمل ذیابیطس کا شکار خواتین کی75g-OGTT، بلڈ پریشرکی جانچ، بی ایم آئی کی پیمائش اور دیگر بعد از پیدائش دیکھ بھال کی جانی چاہئے۔<a href="#accordion">[9]</a> گلوکوز کی برداشت کی کمزوری کی صورت میں،طرزِ زندگی میں تبدیلی کے لئے ڈاکٹر سے رابطہ کرنا چاہئے۔ مزید برآں، پیچیدگیوں کےخطرے کے پیشِ نظر بچے کی بھی جانچ کی جائے۔ 
&nbsp;

خواتین حمل سے پہلے دورانِ حمل ذیابیطس کے خطرے کو کم کرسکتی ہیں۔ اس کے لئے صحت بخش غذا کھانا، موٹاپے کی صورت میں وزن میں کمی اور روزانہ ورزش کرنا ضروری ہے۔ 
&nbsp;

اہم نکات

<ul dir="rtl">
	<li>حمل کے دوران، آنول ایسے ہارمون پیدا کرتی ہے جو انسولین کی مزاحمت میں اضافہ کرتے ہیں۔ لبلبے کے بِیٹا سیلز اس کا حل نہیں نکال سکتے اس لئے گلوکوزخون میں جمع ہونے لگتا ہے۔ اس طرح دورانِ حمل ذیابیطس کا مرض ہوجاتاہے۔</li>
	<li>دورانِ حمل ذییابیطس سے زچہ و بچہ دونوں میں پیچیدگیاں ہوسکتی ہیں۔ نوزائیدہ بچوں میں خون میں گلوکوز کی کمی،، پیدائش پر زیادہ وزن، ڈیلیوری میں مشکلات، سانس کی تکلیف،اور مردہ پیدائش کا خطرہ ہوسکتا ہے۔ دوسری طرف ذٰیابیطس کا شکار ماؤں میں مستقبل میں ٹائپ ٹو ذیابیطس ہو سکتی ہے اور حمل کے دوران پری ایکلمپسیا کا خطرہ ہوسکتا ہے۔</li>
	<li>دورانِ حمل ذیابیطس عام طور پر حمل کے24ویں سے28ویں ہفتے میں تشخیص ہوتی ہے جس کے لئے گلوکوز چیلنج ٹیسٹ اور (oral glucose tolerance test (OGTT کئے جاتے ہیں۔</li>
	<li>دورانِ حمل ذیابیطس کے علاج کے لئے غذائی عادات کی تبدیلی، جسمانی سرگرمیاں، گلوکوز کی جانچ اور ادویات کا امتزاج استعمال کیا جاتا ہے۔ اس مرض میں انسولین پہلا انتخاب ہوتا ہے جب کہ metformin اور sulfonylureas تجویز نہیں کی جاتیں۔</li>
</ul>

[1] NIH, 2017. Definition & Facts of Gestational Diabetes.

[2] Nguyen, C. L. et al., 2018. Prevalence of Gestational Diabetes Mellitus in Eastern and Southeastern Asia: A Systematic Review and Meta-Analysis. Journal of diabetes research.

[3] Sheikh, A. & Sheikh, L., 2020. Changing prevalence of gestational diabetes mellitus during pregnancy over more than a decade. The Journal of the Pakistan Medical Association, 70(8).

[4] International Diabetes Federation, 2021. With 1 in 4 adults living with diabetes, Pakistan has highest diabetes prevalence in the world. s.l.:s.n.

[5] International Association of Diabetes and Pregnancy Study Groups Consensus Panel, 2010. International Association of Diabetes and Pregnancy Study Groups Recommendations on the Diagnosis and Classification of Hyperglycemia in Pregnancy. Diabetes Care, 33(3), pp. 676-682.

[6] Rani, P. R. & Begum, J., 2016. Screening and Diagnosis of Gestational Diabetes Mellitus, Where Do We Stand. Journal of Clinical and Diagnostic Research, 10(4).

[7] American Diabetes Association, 2021. Management of Diabetes in Pregnancy. In: Standards of Medical Care in Diabetes. s.l.:s.n.

[8] International Diabetes Federation, 2020. Gestational Diabetes. [Online]  Available at:[Accessed 20 June 2022].

[9] Martinez, N. G., Niznik, C. M. & Yee, L. M., 2017. Optimizing Postpartum Care for the Patient with Gestational Diabetes Mellitus. American journal of obstetrics and gynecology, 217(3).