دوہری شناخت کی بیماری: فلم بمقابلہ حقیقت

Online Consultation

اسماعیل منیر

جائزہ

دوہری شناخت کی بیماری ( Dissociative identity disorder (DID ایک ایسی دماغی حالت کو کہا جاتا ہے جس میں دو یا اس سے زیادہ مکمل طور پر الگ الگ شخصیات کی تشکیل ہوجاتی ہے۔ یہ شخصیات فرد پر مکمل قابو پالیتی ہیں اور اکثر یادداشت میں خرابی اوربہت سے دیگر مسائل کی وجہ بنتی ہیں۔<a href="#accordion">[13]</a> 
 
اگرچہ فلموں اور ٹی وی پروگراموں میں دوہری شخصیت پرکافی روشنی ڈالی گئی ہے، اس سے فائدے سے زیادہ نقصان ہی ہوا ہے۔ ہر دوسری فلم میں اسے موضوع بنایا جاتا ہے، بیش تر کیسز میں اس بیماری کا تعلق کسی نہ کسی طرح تشدد سے دکھایا گیا ہے۔&ldquo;Split&rdquo;فلم جو بلی مورگن،ایک مجرم، کے کیس سے متاثر ہو کربنائی گئی ہے، جس پرمتعدد قتل کرنے کےالزام تھے اور وہ ان جرائم کا مرتکب پایا گیا تھا۔Mr. Robot دوہری شناخت کے حامل ایک شخص کی ایک اورمثال ہے جومتشدد اوربرے رجحانات ظاہر کرتا ہے۔ اس سے لوگوں میں تاثر پیدا ہوا کہ یہ بیماری خودساخته&nbsp; ہے۔اس بیماری کی حقیقت اور وجود کو بہت سے لوگوں بشمول صحت کی دیکھ بھال کے ماہرین سے شکوک و شبہات کا سامنا رہا ہے۔ 
&nbsp;

ایسا اس لئے ہے کیونکہ اس بیماری کا وجود شاذونادر ہے اور دنیا کی آبادی کا صرف 1.5 فی صد اس سے متاثر ہوتا ہے، اس لئے متعدد ماہرینِ نفسیات اس کی تشخیص اورعلاج کےمتعلق مکمل علم نہیں رکھتے۔<a href="#accordion">[11]</a> علاوہ ازیں، پاکستان جیسے بہت سےممالک میں، ایک ایسی بیماری جوکسی فرد کی شخصیت تبدیل کرنے کی وجہ بنے اس کو عام طور پر بیماری کے بجائے کوئی مافوق الفطرت شے سمجھا جاتا ہے۔

اسی وجہ سے ان لوگوں کی خاطر جو روزانہ اس بیماری کے ساتھ لڑتے ہیں،عوام میں مناسب آگاہی اور تعلیم کی نہایت ضرورت ہے۔ 
&nbsp;

یہ وہ پہلو ہے جس میں بیش تر ٹی وی پروگرام اور فلمیں آلٹرا کی مکمل اقسام اور صورتوں کو تسلیم کرنے اور دکھانے سے قاصر ہیں۔ ہالی ووڈ نےدماغی امراض سے متعلق فلموں کی ایک ذخیم صنف تخخلیق کی ہے اور سب سے پہلی فلم&nbsp; &lsquo;Dr. Jekyll and Mr. Hyde&rsquo;تھی جو 1920 میں دکھائی گئی، جس میں اس مرض کی عکاسی کی گئی۔<a href="#accordion">[12]</a>

ہمیشہ صرف دو طرح کی شخصیات یا آلٹردکھائی جاتی ہیں،جن میں ایک نرم،قدرے نارمل سادہ لوح شخصیت اور دوسری ایک تشدد پسند آلٹر جو اکثر بغیر کسی وجہ کے دوسروں کو نقصان پہنچاتی ہوئی دکھائی جاتی ہے۔ درحقیقت، یہ شخصیات&nbsp; کہیں زیادہ پیچیدہ ہوتی ہیں۔ ذیل میں شخصیات کی اقسام بیان کی گئی ہیں جو عام طورپر دوہری شخصیت کے حامل افراد میں پائی جاتی ہیں: 
&nbsp;

<ul>
	<li dir="rtl" style="text-align: right;">نارمل آلٹرز۔۔۔ انہیں میزبان شخصیت بھی کہا جاتا ہے۔ یہ اصل شخصیت سمجھی جاتی ہیں جو روزمرہ کے کام کرتی ہیں مگر ماضی کے صدمے کے متعلق کچھ نہیں جانتیں۔ اس کی ایک اہم مثال مسٹر روبوٹ اور نئی مارول سیریزMoon Knight&nbsp; میں دکھائی گئی ہے،جہاں اصل کردار&nbsp;دیگر آلٹرزکےحاوی ہونے کی وجہ سے یادداشت کےخلا کے لحاظ سےاپنی دماغی حالت سے بہت کم آگاہ ہیں۔ تاہم میزبان شخصیات ایک سے زیادہ بھی ہوسکتی ہیں مگردیگرتمام آلٹر یہ یقینی بناتی ہیں کہ میزبان کو صدمے یا کسی ذہنی طور پر نقصان دہ بات کا علم نہ ہو۔ 
	&nbsp;</li>
	<li dir="rtl" style="text-align: right;">جذباتی حصے۔۔۔ یہ حصے اس بیماری کا سبب بننے والے واقعات کو دبائے رکھنے والے سمجھےجاتے ہیں۔ اس قسم کی آلٹرزصدمےاور جذبات کے زیرِ اثر ہوتی ہیں اوربیت سے کیسزمیں روزمرہ زندگی کے کام نہیں کرسکتیں اسی لئے نارمل یا غیر آگاہ آلٹرز ضروری ہیں۔ 
	&nbsp;</li>
	<li dir="rtl" style="text-align: right;">حیوانی آلٹرز۔۔&nbsp;جو بچے جانوروں سے قریب ہوں اوران کے لئے احساس رکھتے ہوں حیواانی آلٹر تخلیق کر لیتےہیں،البتہ یہ انتہائی ناپید ہے۔ ایسی آلٹرز کے واقعات ہو چکے ہیں جییسے چیتے جو تحفظ کے لئے ہوتے ہیں اورایسی آلٹر والےبچوں کا غرانے کی آوازیں نکالنے کامشاہدہ کیا گیا ہے۔ مزید برآں، ایسی آلترز تب تشکیل پاتی ہیں جب بچے کا استحصال کیا گیا ہواور خاص طور پر جب اس کا استحصال کرنے والے اس کا کسی جانور سے موازنہ کریں یا اس کی طرح سلوک کریں۔ یہ آلٹر اکثرغیرواضح ہوتی ہیں اوراس انداز میں ظاہر ہوتی ہیں کہ آپ کو احساس تک نہیں ہوتا کہ آپ ایک حیوانی آلٹر سے بات کر رہے ہیں۔ 
	&nbsp;</li>
	<li dir="rtl" style="text-align: right;">ظالم ۔۔۔ تمام آلٹرز میں سے، یہ سب سے زیادہ نقصان دہ ہیں۔ یہ اصل میزبان کو بچانے کے لئے تخلیق ہوتی ہیں مگر وقت کے ساتھ، یہ آلٹرز خود کش رجحانات پیدا کرسکتی ہیں یہاں تک کہ میزبان کو قتل کرنے کی کوشش بھی کر سکتی ہیں۔ انہیں اکثر &quot;گمراہ محافظ&quot; بھی کہا جاتا ہے۔<a href="#accordion">[5]&nbsp;</a>ظالم آلٹرز میں میزبان کو استحصال کا الزام دینے کا رجحان بھی پایا جاتا ہے۔ یہ بھی ایک وجہ ہے کہ دوہری شناخت کے مریض ذہنی دباؤ اور خود کش رجحانات کا شکار ہوتے ہیں۔ بہت سے کیسز میں، میزبان اس مخالف رویے سےآگاہ ہوتے ہیں جو ظالم آلٹر ان کے ساتھ رکھتی ہے۔ 
	&nbsp;</li>
	<li dir="rtl" style="text-align: right;">بچگانہ یا نوجوان آلٹر۔۔&nbsp;یہ بہت عام ہیں اور سائیکو تھیراپی کے دوران بآسانی دریافت کی جاسکتی ہیں۔ بہت سے کیسزمیں یہ آلٹر شیرخوار بچوں کی طرح رویہ ظاہرکرتے ہیں اور بول نہیں پاتے۔ یہ فرد کی عمر کے ساتھ بڑی نہیں ہو پاتیں مگر کچھ نایاب کیسز میں وہ بولنا شروع کر سکتی ہیں۔ان کی موجودگی کا کھوج ان کی جسمانی حرکات و انداز سے لگایا جاتا ہے۔ دوسری جانب بچگانہ آلٹرز کو&quot;littles&rdquo;یعنی چھوٹے بھی کہا جاتا ہے۔ یہ آلٹرزبچگانہ انداز میں بولتی ہیں اور ایک بچے کی آواز کی نقل بھی کرسکتی ہیں۔ تاہم،یہ مشکل الفاظ اور جذبات کو ایک بالغ فرد کی طرح سمجھ سکتی ہیں۔ یہ آلٹرز اس زیادتی سے اکثر آشنا ہوتے ہیں جس سے میزبان گزرا ہو اور اس آلٹر کی عمر&nbsp; اس عمر کےمطابقت رکھتی ہے جب پہلی بار زیادتی کا آغاز ہوا۔<a href="#accordion">[13]</a> 
	&nbsp;</li>
	<li dir="rtl" style="text-align: right;">مردہ آلٹر۔۔۔ یہ آلٹر اکثر ان لوگوں میں پائی جاتی ہےجواستحصال کی مدت کے دوران موت کے قریب تجربے سے گزرے ہوں۔ یہ آلٹراپنے آپ کو ظاہر نہیں کرتی نہ ہی میزبان پر حاوی ہوتی ہے، مگر اس طرح دماغ میں موجود رہتی ہے کہ دوسری آلٹرز اسے محسوس کر سکتی ہیں۔ 
	&nbsp;</li>
	<li dir="rtl" style="text-align: right;">بری یا شیطانی آلٹرز۔۔&nbsp;اس قسم کی آلٹر وہ ہے جو ٹی وی اور فلموں میں سب سے زیادہ دکھائی جاتی ہے۔ یہ اکثر تب بنتی ہیں جب بچہ ایسے گروہ کی زد میں ہوتا ہے جو اس کا استحصال بھی کرتا ہے اور بچے کی شخصیات کا الزام کسی مافوق الفطرت شے پر لگاتا ہے۔ اس سے بچے کو یقین ہونے لگتا ہے کہ اس پر کوئی اثر ہے یا اس میں مافوق الفطرت صلاحیتیں ہیں، اور اس طرح وہ شیطانی شخصیت تخلیق کر لیتے ہیں۔ کچھ دوہری شخصیت کے حامل افراد بیان کرتے ہیں کہ انہوں نے خود کوشیطان نما حلیے میں ویسے لباس، میک اپ اور بالوں کے ساتھ پایا، اور اپنے آپ کوشیشے میں دیکھتے ہوئے اور خود کوشیطان یا عفریت بتاتے ہوئے پایا۔ یہ آلٹرز سب سے زیادہ ان بچوں میں پائی جاتی ہیں جو کسی فرقے میں پروان چڑھتے ہیں یا کم عمری سے فرقہ ورانہ سرگرمیوں کا تجربه کرتے ہیں۔ 
	&nbsp;</li>
	<li dir="rtl" style="text-align: right;">معروف لوگوں پر مبنی آلٹرز۔۔&nbsp;ٹی وی پروگرام مون نائیٹ میں عمدہ عکاسی کا مظاہرہ کیا گیا ہے جس میں میزبان آلٹر بذاتِ خود مکمل طورپر ایک فرضی فلمی کردار پرمبنی ہے جسے وہ فرد بچپن میں پسند کرتا تھا۔ یہ آلٹرز introjects یعنی لاشعوری طور پر خیالات اپنانےوالی یاinternalized representationsیعنی دماغی عکاسی والی سجھی جاتی ہیں۔ تاہم، یہ آلٹرز بیش تر ایسےافراد میں پائی جاتی ہیں جورسمی استحصال کا شکار ہوئے ہوں اور انہیں یہ ییقین دلایا گیا ہو کہ وہ خاص مذہبی شخصیت یا کوئی مافوق الفطرت فرد ہیں۔<a href="#accordion">[14]</a> 
	&nbsp;</li>
</ul>

دوہری شناخت کی بیماری کے علاوہ، اسی طرح کی دو اور اقسام ہیں۔ ان میں یہ شامل ہیں:

<ul dir="rtl">
	<li>Dissociative Amnesia: یہ نسیانی بیماری بھول جانے کی عام عادت سے مختلف ہے۔ اس میں اکثر وہ فرد زندگی کے اہم واقعات اورذاتی معلومات بھول جاتا ہے۔ کافی حد تک دوہری شخصیت کی بیماری کی طرح، یہ بیماری کسی صدمے کی وجہ سے ہوتی ہے۔ اس قسم کے نسیان کی مزید تین اقسام ہیں:</li>
</ul>

1. عمومی۔۔ شاذ ونادر ہونے والی قسم ہے مگر اس میں شناخت اورماضی کی زندگی کی مکمل یادداشت کھونا شامل ہے۔

2. منتخب۔۔ اس قسم میں کسی مخصوص دورانیے کو یاد کرنے میں ناکامی شامل ہے۔

3. مقامی۔۔ یہ اس بیماری کی سب سے عام قسم ہے جس میں کوئی شخص ایک خاص شخص&nbsp; یا واقعے کو مکمل طور پر فراموش کر دیتا ہے۔ 
&nbsp;

<ul>
	<li dir="rtl" style="text-align: right;">Depersonalization: اسے بیگانہ پن یا حقیقت کے برخلاف احساس کی بیماری derealization disorder بھی کہا جاتا ہے۔ یہ ایک اورانتہائی پیچیدہ بیماری ہے اور اس کے دو پہلو ہیں۔ اول،بیگانہ پن جس میں اپنے دماغ اور جسم سے مکمل بیگانگی شامل ہے اور فرد کو ایسا لگتا ہےجیسے اسے ماورائے جسم تجربہ ہو رہا ہو، گویا وہ کسی اور شخص کی نظر سےاردگرد کے حالات و واقعات کو دیکھ رہا ہو۔ اس کا دوسرا پہلو یہ ہے کہ فرد اپنے آس پاس کے ماحول اور لوگوں سے مکمل طور پر بیگانہ ہو جاتے ہیں جیسے وہ وجود ہی نہیں رکھتے یاغیر حقیقی ہیں۔<a href="#accordion">[1]</a> 
	&nbsp;</li>
</ul>

علامات

الگ الگ شناخت کی بیماری یا دوہری شخصیت کے عارضے کے ساتھ جو عام علامات لوگ منسلک کرتے ہیں، ان میں مخصوص ڈرامائی پہلو جیسے ایک مختلف انسان کے طور پر جاگنا، بےسوچے سمجھے جارح یا متشدد ہوجانا، اپنی صورت حال سے مکمل بیگانہ ہونا اور یہ سوچنا کہ وہ معمول کی زندگی گزار رہا ہے۔ تا ہم، یہ حقیقت نہیں ہے۔ اس کی علامات میں یہ شامل ہیں: 
&nbsp;

<ul dir="rtl">
	<li>شناخت میں الجھن۔۔&nbsp;دو الگ شخصیات کےادل بدل کرحاوی ہونے سے، اور کئی کیسز میں ایک دوسری سے رابطہ کرسکنے کے قابل ہونے کی وجہ سے مریضوں کو شناخت کی الجھن بہت متاثر کرتی ہے،خاص طورپر جب وہ اپنی بیماری سے آگاہ ہوں اوراپنی اصل شخصیت کے تعین کی جدوجہد کررہے ہوں۔ 
	&nbsp;</li>
	<li>یادداشت کے مسائل۔۔ دوسری حاوی شخصیت کی قسم کے لحاظ سے، تمام شخصیتیں آگاہ نہیں ہوتیں کہ آس پاس کیا ہو رہا ہے، اور بہت سے کیسز میں جب ایک شخصیت یا آلٹر حاوی ہوتی ہے، تو اس کے تجربے دوسروں سےچھپے ہوتے ہیں۔ اس سے مریض کی یادداشت میں خلا آجاتا ہے۔&nbsp; 
	&nbsp;</li>
	<li>اچانک جذبات سے نمٹنے کی قابلیت نہ ہونا۔۔ اس بیماری کا شکار فرد، دیگر آلٹر یا شخصیات تخلیق کرلیتا ہےتا کہ اپنے آپ کوماضی کےکسی صدمے سے بچا سکے، اس وجہ&nbsp;سے کوئی مضبوط آلٹرظاہر ہوسکتی ہے جو صدمے کی خبر سننے سے اور اس کے مطابق ردِ عمل دینے کے قابل ہوتی ہے،اور بہت سے کیسز میں اصل شخصیت اس سے لاعلم رہتی ہے۔ 
	&nbsp;</li>
	<li>ذہنی دباؤ اور پریشانی۔۔ یہ دونوں عارضے دوہری شخصیت کی بیماری کے ساتھ ساتھ چلتے ہیں۔ مریض میں یا تو ماضی کے کسی صدمے کی وجہ سے، جو دوہری شخصیت کی بیماری کا باعث بنا ہو،یا ان کی معمول کی زندگی سے جہاں وہ اس بیماری کی دشواریوں کی وجہ سے سرگرمی سے شریک نہیں ہو پاتے، ایسا ہوتا ہے۔ 
	&nbsp;</li>
	<li>بیگانہ پن۔۔ جیسے اوپر بیان کیا گیا، انہیں ایک ماورائے وجود احساس ہوتا ہے خاص طور پر ایسی آلٹر کی صورت میں جو جسم پر حاوی ہوکر اپنا آپ ظاہر نہیں کرتی بلکہ خیال کیا جاتاہے کہ وہ خاموشی سے سب مشاہدہ کرتی ہے۔ مقبول ٹی وی شو مسٹر روبوٹ اس علامت کی حقیقی عکاسی کر کے اس سے انصاف کرتا ہے۔</li>
</ul>

تاہم، دوہری شناخت کی بیماری کی علامات اس کی نایابی اورمحدود اعداد وشمار کی دستیابی کی وجہ سے محدود ہیں۔ 
&nbsp;

اسباب

دوہری شخصیت کے عارضے کی بنیادی وجہ بچپن کا صدمہ ہے۔اس صدمے کی نوعیت شدید ہوتی ہے اور یہ بیشتر جسمانی یا جنسی ہوتا ہے جو وقت کے ساتھ ساتھ خود کو دوہراتا ہے۔ اس قسم کے واقعات میں، دماغ اس درد اورتکلیف سے نمٹنے کے لئے ایک دوسری شخصیت تخلیق کرلیتا ہے تاکہ اصل شخصیت کو بچا سکے۔ تاہم، صدمہ کسی قدرتی آفت کا ردِعمل بھی ہوسکتا ہے۔<a href="#accordion">[3]</a>اصل مقصد میزبان شخصیت کواس تجربےسےاس طرح الگ کرنا ہے کہ فرد کو محسوس ہوتا ہے کہ صدمہ ان کونہیں کسی اور کو ہو رہا ہےاوراس صدمے سے وہ نہیں کوئی اور نمٹ رہا ہے۔<a href="#accordion">[13]</a> 
&nbsp;

DES Scaleجسے دوہری شخصیت کے تجربات کا پیمانہ کہا جاتا ہے، یہ اٹھائیس نکات پر مشتمل روزمرہ زندگی کے تجربست کے متعلق ایک سوالنامہ ہے۔ مزید برآں، یہ ٹیسٹ تجربے(کبھی کبھار یا باقاعدہ) کی تعداد تکرار پر مرکوز ہوتا ہے۔ یہ ٹیسٹ اکثر استعمال کیا جاتا ہے اور اگر کسی فرد کا ڈی ای ایس سکور زیادہ ہو تو اور زیادہ تفصیلی طبی انٹرویوکیا جاتا ہے تا کہ دوہری شخصیت کا تعین اور تشخیص کی جا سکے۔<a href="#accordion">[6]</a> 
&nbsp;

تشخیص

&nbsp;باقاعدہ سکریننگ کے بعد، ایک تفصیلی تشخیص کی ضرورت ہوتی ہے تاکہ ڈاکٹر کسی بھی طبی حالت کا امکان جانچ سکیں جو فرد کی حقیقت سے مداخلت کر رہی یا اسے مسخ کر رہی ہو۔ تشخیصی طریقہ کار میں جسمانی معائنہ بھی شامل ہو سکتا ہے جس میں ڈاکٹر آپ سے گہرے سوالات پوچھ سکتا ہے، آپ کے گزشتہ تجربات، صدمے کا ذاتی ماضی، ذہنی امراض کی خاندانی تاریخ وغیرہ اور سر کی کوئی ظاہری چوٹوں&nbsp; یا دماغ کی ممکنہ بیماریوں کو چیک کر سکتا ہے۔

جسمانی معائنے کے بعد ایک تفصیلی نفسیاتی معائنہ کیا جاتا ہے جس میں آپ کے احساسات، خیالات اور رویے آپ کےرویوں میں اچانک اور ممکنہ تبدیلیوں کے لحاظ سے&nbsp; آپ کے خاندان کے بیانات&nbsp; کے ساتھ جانچے جاتے ہیں۔ پھران علامات کا DSM-5 میں دیے گئے تشخیصی معیار کے ساتھ موازنہ کیا جاتا ہے تا کہ مکمل تشخیص کی جاسکے۔<a href="#accordion">[9]</a> 
&nbsp;

علاج

دوہری شخصیت کی بیماری کے علاج میں بہت لگن کی ضرورت ہوتی ہے۔ یہ عارضہ وقت کے ساتھ بڑھتا ہے اور جتنی زیادہ آلٹرز ہوں، علاج اتنا ہی طویل ہوتا ہے۔ اگرچہ انٹی ڈپریسنٹ، موڈ ٹھیک رکھنے اور انٹی سائیکوٹک ادویات استعمال کی جاتی ہیں، اصل علاج موثر سائیکوتھیراپی کے ذریعے کیا جاتا ہے۔<a href="#accordion">[7]</a>تھیراپی سب سے پہلے میزبان شخصیت کواس کی حالت سے آگاہ کرنے پر مرکوز ہوتی ہے،اور مزید دوہرے پن سے بچانے کے لئے دیگر شخصیتوں سے رابطہ اور بات چیت کی جاتی ہے۔ تاہم، سائیکو تھیراپی کے مختلف طریقے آزمائے جاتے ہیں تاکہ بیماری کی شدت کو مکمل طور پر سمجھا اور اس سےموثر طورپر نمٹا جا سکے۔ 
&nbsp;

<ul>
	<li dir="rtl" style="text-align: right;">Cognitive Behavioral Therapy: علاج کی یہ قسم دوہری شخصیت کے حامل افراد کے سوچ کے انداز کا تضاد پیش کرتی ہے اور انہیں زیادہ مثبت، کار آمد اور حقیقت پرمرکوز بنانے کا ہدف رکھتی ہے۔ اسے بالخصوص میزبان شخصیت میں ماضی کے صدمات کومحسوس کرنے میں مددگار سمجھا جاتا ہے۔ 
	&nbsp;</li>
	<li dir="rtl" style="text-align: right;">Dialectical Behavior Therapy: یہ کئی پہلوؤں پر توجہ مرکوز کرتی اور ان حاوی ہوجانے والے احساسات سے نمٹںے سے شروع ہوتی ہے جو دوسری آلٹرز کے غالب آنے کا باعث بنتے ہیں۔ یہ علاج توجہ سازی پر بھی مرکوز ہوتا ہے، جس سے فردکو زیادہ محتاط اور اپنے ماحول سےآگاہ ہونے میں مدد ملتی ہے۔ یہ فرد کی قابو پانے کی اوردوسری آلٹرز کے ساتھ حدود طے کرنے کی صلاحیت پر بھی دھیان دیتا ہے۔ 
	&nbsp;</li>
	<li dir="rtl" style="text-align: right;">Psychodynamic Psychotherapy: اس قسم کے علاج کا واسطہ آپ کے دماغ میں لاشعوری طور پر چلنے والی باتوں سے ہوتا ہے جو آپ کی تکلیف پر منفی اثرات مرتب کرتی ہیں۔ یہ علاج کی ایک اور قسم ہے جو فرد کو اس کے ماضی کے صدمات سے آگاہ کرتی ہے جن سے اس کی موجودہ عادات اور رویے متاثر ہو رہے ہوتے ہیں۔<a href="#accordion">[2]</a> 
	&nbsp;</li>
</ul>

دوہری شخصیت کے حامل افراد کو عام طور پر یہ پیچیدگیاں پیش آتی ہیں:

<ul>
	<li dir="rtl" style="text-align: right;">شراب نوشی اور منشیات کا کثرتِ استعمال</li>
	<li dir="rtl" style="text-align: right;">مسخ کرنا یا خود کو نقصان پہنچانا</li>
	<li dir="rtl" style="text-align: right;">خودکشی کا رجحان</li>
	<li dir="rtl" style="text-align: right;">جنسی خرابی اورخواہش نہ ہونا</li>
	<li dir="rtl" style="text-align: right;">کھانےسے متعلق بیماریاں</li>
	<li dir="rtl" style="text-align: right;">مرگی کےعلاوہ دورے</li>
	<li dir="rtl" style="text-align: right;">پوسٹ ٹرامیٹک سٹریس ڈس آرڈر</li>
	<li dir="rtl" style="text-align: right;">شخصیتی عارض 
	&nbsp;</li>
</ul>

سب سے بڑا خطرے کا عنصر زیادتی یا استحصال ہے چاہے وہ جسمانی ہو یا جنسی۔ امریکہ اور کینیڈا میں دوہری شخصیت کے حامل 90 فی صد لوگ بچپن میں استحصال کا شکار رہے ہیں۔<a href="#accordion">[1]</a>جن بچوں نے جنگ، کسی بہن بھائی یا قریبی عزیز کی موت دیکھی ہو اور ان کو اس کا ذمہ دار ٹھہرایا گیا ہو یا انہیں متشدد انداز میں وہ سب یاد کرایا جاتا ہو، ان میں دوہری شخصیت کی بیماری کا شدید خطرہ ہوسکتا ہے۔<a href="#accordion">[4]</a> 
&nbsp;

اب تک دوہری شخصیت کی بیماری کے اسباب پوری طرح سمجھے نہیں جا سکے۔ سائنس دانوں نے دوہرے پن کے حقیقی پیمانے کی مضبوطی اور حساسیت کا تعین کرنے کی کوشش کی۔ اس کے لئے 65 خواتین کے ایم آر آئی سکینزپر intrinsic network connectivity analysis استعمال کیا گیا اورMultidimensional Inventory of Dissociation استعمال کرکے ممکنہ دوہرے پن کی پیمائش کی گئی۔ اگرچہ یہ ماڈل معتدل حد تک دوہرے پن کا اندازہ لگا سکا، پھر بھی یہ دوہری شخصیت کی بیماری کی شدت اور تشخیص کے درست اندازے کے لئے ایک بہتر اور جدید طرز کی جانب ایک بڑا قدم مانا جاتا ہے۔<a href="#accordion">[8]</a>مکلین ہسپتال کے محققین کی ایک ٹیم نے دریافت کیا کہ جب کوئی فرد دوہرے پن کی کیفیت سے گزر رہا ہو توimagining analysesاس کے دماغ کے حصوں میں فعلیاتی رابطوں میں تبدیلی کا تعین کرکے دوہری شخصیت کی بیماری کے اسباب جاننے میں مدد دے سکتے ہیں۔<a href="#accordion">[10]</a> 
&nbsp;

اہم نکات

<ul dir="rtl">
	<li>دوہری شخصیت کی بیماری ٹی وی پروگراموں اورفلموں میں سب سے زیادہ دکھائی جانےوالی ذہنی بیماری ہے۔</li>
	<li>اس بیماری میں فرد مختلف شخصیات میں بٹا ہوا ہوتا ہےجنہیں آلٹرزبھی کہتے ہیں۔</li>
	<li>یہ&nbsp; ماضی میں بچپن کا باربار ہونے والا صدمہ ہوتا ہےاور صدمےکی چھوٹی چھوٹی تفصیلات سےمخصوص آلٹرزجنم لے سکتی ہیں۔</li>
	<li>یہ آلٹرز ماضی کےان تجربات پر مبنی بھی ہو سکتی ہیں جن کا تعلق صدمے سے یا کسی طرح اس شخص یا اس کی آلٹرزسے رابطےسے ہو۔</li>
	<li>دوہری شخصیت کےعارضے کا کوئی علاج نہیں ہے۔ اس کا واحد حل طویل مدتی سائیکو تھیراپی کے ذریعے بیماری سے نمٹنا ہے۔ تاہم،بیماری کی علامات کے لئےانٹی سائیکوٹکس، انٹی ڈپریسنٹ،موڈ سٹیبی لائزراورانزیولیٹکس تجویزکی جاتی ہیں۔</li>
	<li>اس بیماری میں مریض کو دیگرذہنی بیماریاں جیسےذہنی دباؤ، پریشانی اورPTSDبھی ہوسکتی ہیں۔</li>
	<li>دوہری شخصیت کی بیماری کے کم ہونے کی وجہ سے زیادہ تحقیق نہیں کی گئی یا نہیں کی جاسکی کیونکہ ٹیسٹ کے لئے افراد بہت کم ہوتے ہیں، جس سے محققین کو موثرعلاج اور تھیراپی مرتب کرنے میں مشکل ہوتی ہے۔</li>
</ul>

[1] American Psychiatric Association, 2018. What Are Dissociative Disorders?

[2] Bailey, A., 2022. How to Treat Dissociative Identity Disorder

[3] Cleveland Clinic, 2021. Dissociative Identity Disorder (Multiple Personality Disorder)

[4] Crichton-Stuart, C., 2018. What is dissociative identity disorder?

[5] Frank, M., 2019. 10 Types of 'Alters' in Dissociative Identity Disorder

[6] FW, B. E. P., 1986. Development, reliability and validity of a dissociation scale. J. Nerv. Ment. Dis., 174(12), pp. 727-735.

[7] Healthline, 2017. Dissociative Identity Disorder

[8] Lauren A.M. Lebois, P. M. L. P. J. T. B. M. P. J. D. W. B. D. W. M. P. A. M. L. B. E. G. P. S. W. M. J. R. B. A. G. P. S. A., 2020. Large-Scale Functional Brain Network Architecture Changes Associated With Trauma-Related Dissociation. The American Journal of Psychiatry, p.

[9] Mayo Clinic, 2017. Dissociative disorders

[10] McLean Hospital, 2020. Novel Neuroimaging Study on Dissociative Symptoms Reveals Wounds of Childhood Trauma.

[11] Mitra, P. & Jain., A., 2022. Dissociative Identity Disorder. [Online]

[12] Orford, S., 2021. What Causes Dissociative Identity Disorder (DID)?

[13] Sampson, V., 2020. The Portrayal of Dissociative Identity Disorder in Films. Elon Journal of Undergraduate Research in Communications, 11(2), pp. 79-88.