ڈاؤن سنڈروم

Online Consultation

PNS SHIFA

سید انتصار حسین

جائزہ

ڈاؤن سنڈروم یا ڈاؤنز سنڈروم ایک ایسی بیماری ہے ,جس میں بچہ ایک زائد کروموسوم 21 کے ساتھ پیدا ہوتا ہے۔صدیوں سے سائنس اور فنون دونوں میں ڈاؤن سنڈروم کا ذکر پایا گیا ہے۔ مگر 1866 میں ایک انگریز ڈاکٹر جان لینگڈن ڈاؤن نے اپنی علمی تحریروں میں اس بیماری کو درسدت طور پر بیان کیا۔ چونکہ وہ پہلا شخص تھا جس نے اسے ایک الگ اور واضح حیثیت میں پیش کیا، اس لئے یہ بیماری ڈاؤن سنڈروم کہلانے لگی۔

پھر، 1959 میں فرینچ ڈاکٹر جیروم لیجون نے مشاہدہ کیا کہ ڈاؤن سنڈروم کے حامل فرد میں 46 کروموسومز کے بجائے47 خلیے تھے۔ اس نے اسےکروموسوم کی ایک بیماری کے طور پرشناخت کیا۔ آگے بڑھتے ہوئے، سنہ 2000 میں سائنسدانوں کی ایک بین الاقوامی ٹیم نے کروموسوم 21 پر329میں سے ہر ایک جینز کو شناخت کیا، جس سے ڈاؤن سنڈروم پرمزید تحقیق کا راستہ ہموار ہوا۔ 
&nbsp;

آج تک یہی معلوم ہے کہ انسانی جسم کے ہر خلیے میں ایک نیوکلیس ہوتا ہے جس میں جینیاتی مادہ یا جینز ہوتی ہیں۔ جینز کوڈز کی حامل ہوتی ہیں جو چھڑی نما ساختوں کی صورت میں مجموعوں میں ہوتی ہیں جنہیں کروموسوم کہا جاتا ہے۔ کروموسوم ہماری تمام موروثی خصوصیات کے ذمہ دار ہوتےہیں اور حمل اور بعد از پیدائش بچے کے جسم کی نشونما کاتعین کرتے ہیں۔

ہر نیوکلیس میں عموماََ کروموسوم کے23 جوڑے یا 46 کروموسوم ہوتے ہیں، جن میں سے آدھےآدھے دونوں والدین کی طرف سے وراثت میں آتے ہیں۔ ڈاؤن سنڈروم تب ہوتا ہے جب کروموسوم 21 کی ایک زائد نقل ہو جائے۔ طبی اصطلاح میں اسے ٹرائسومی 21 کہا جاتا ہے، اضافی جینیاتی مادہ جو نشونما کا راستہ بدل دیتا ہے اوراس طرح بچے کے لئے ذہنی وجسمانی دشواریوں کا باعث بنتا ہے۔ 
&nbsp;

ڈاؤن سنڈروم کی ایک خصوصیت عام جسمانی خصلتیں جیسے چھوٹا قد، کم عضلاتی حجم، اوپر کی طرف اٹھی ترچھی آنکھیں اور ہتھیلی میں واحد گہری لکیر ہے۔ تاہم، ڈاؤن سنڈروم سے متاثر ہر فرد منفرد ہوتا ہے اور جینیاتی مادے کا غیر معمولی پن مختلف شدت کی خصوصیات کی صورت میں ظاہر ہوتا ہے۔

بیماری کے کنٹرول اور بچاؤ کے مراکز کا کہنا ہے کہ امریکہ میں ہر 772بچوں میں سے ایک ڈاؤن سنڈروم کے ساتھ پیدا ہوتا ہے۔ امریکہ میں ہر سال تقریباََ 5,100 بچے ڈاؤن سنڈروم کے ساتھ پیدا ہوتے ہیں۔<a href="#accordion">[1]</a>&nbsp;اپنی بات کریں، توپاکستان میں ہر سات سو زندہ پیدائشوں میں سے ایک ڈاؤن سنڈروم کا کیس پایا جاتا ہے۔<a href="#accordion">[2]</a> 
&nbsp;

اگرچہ ڈاؤن سنڈروم کسی خاص جنس، نسل یا عمر سے مخصوص نہیں تاہم، زیادہ عمر کی عورتوں میں ڈاؤن سنڈروم والے بچے کی پیدائش کا زیادہ خطرہ ہوتا ہے۔ بڑھتی عمر کے ساتھ کروموسومز کی بیماریوں کی موجودگی کے سائیٹوجینک تجزیے سے ظاہر ہوا کہ ڈاؤن سنڈروم کا خطرہ اس حمل میں زیادہ ہوتا ہے جب ماں کی عمر35 سال سے زیادہ ہو.<a href="#accordion">[2]</a> ان عورتوں میں ڈاؤن سنڈروم والے بچے کی پیدائش کا امکان 350 میں ایک ہے۔<a href="#accordion">[3]</a> یہ امکان100میں ایک ہوجاتا ہے اگر ماں کی عمر40 سال ہو اور 30میں ایک ہوجاتا ہے اگر ماں کی عمر45 سال ہو۔<a href="#accordion">[3]</a> 
&nbsp;

<ul>
	<li dir="rtl" style="text-align: right;">
	<h5>ٹرائی سومی21/نان ڈسجنکشن</h5>
	</li>
</ul>

خلیوں کی تقسیم میں کسی نقص کو &ldquo;nondisjunction&rdquo;کہا جاتا ہے۔ اس میں کروموسوم کی دو کے بجائے تین نقول بن جاتی ہیں۔ یعنی، سپرم یا بیضے میں کروموسوم 21 کا ایک جوڑا حمل ٹھہرنے پر یا اس سے پہلے الگ نہیں ہو پاتا۔

یہ فالتو کروموسوم نطفے کی نشونما کے ساتھ ساتھ جسم کےہر خلیے میں دہرانےلگتا ہے۔ ڈاؤن سنڈروم کے 95 فیصد کیسزنان ڈس جنکشن کا نتیجہ ہوتے ہیں۔<a href="#accordion">[3]</a> 
&nbsp;

<ul dir="rtl">
	<li>
	<h5>موزیکزم</h5>
	</li>
</ul>

موزیکزم یا موزیک ڈاؤن سنڈروم کی خصوصیت یہ ہے کہ اس میں دو قسم کے خلیوں کا امتزاج ہوتا ہے، کچھ میں معمول کے مطابق46 کروموسوم اور کچھ میں 47 ہوتے ہیں۔ جن خلیوں میں فالتو کروموسوم ہوتے ہیں ان میں کروموسوم21 کی نقل موجود ہوتی ہے۔

اس قسم کا ڈاؤن سنڈروم بیماری کی نایاب ترین قسم ہے اور تمام کیسز کا صرف دو فی صد ہوتی ہے.<a href="#accordion">[3]</a>مطالعے سے ظاہر ہوتا ہے کہ موزیکزم والے افراد میں دوسری اقسام کی نسبت ڈاؤن سنڈروم کی کم خصوصیات پائی جاتی ہیں۔ 
&nbsp;

<h5 dir="rtl">ٹرانس لوکیشن</h5>

&nbsp;ڈاؤن سنڈروم کے تین فی صد کیسز ٹرانس لوکیشن کے ہیں<a href="#accordion">[3]</a>۔اگرچہ اس قسم میں کروموسومز کی کل تعداد وہی رہتی ہے، مگرکروموسوم 21 کی ایک اضافی مکمل یا جزوی نقل موجود ہوتی ہے جو کسی دوسرے کروموسوم سے،عموماََ کروموسوم 14 سے جڑ جاتی ہے۔ یہ فالتو کروموسوم ڈاؤن سنڈروم کی خصوصیات کا ذمہ دار ہوتا ہے۔ 
&nbsp;

علامات

ڈاؤن سنڈروم کو اپنی علامات کی وجہ سے واضح طور پر شناخت کیا جاسکتا ہے۔ یہ جسمانی، ادراکی اور رویوں کی قابلیتوں کو متاثر کرتاہے۔ مثال کےطورپر،ڈاؤن سنڈروم والے شیرخوار بچوں کا سائز پیدائش پر اوسط ہوتا ہےمگر آہستہ آہستہ ان کی نشونما کم ہونے لگتی ہےاور وہ اپنے ہم عمر بچوں سے چھوٹے رہ جاتے ہیں۔ 
&nbsp;

<h5 dir="rtl">جسمانی نشانیاں</h5>

<ul dir="rtl">
	<li>چھوٹی گردن کے ساتھ چھوٹا قد</li>
	<li>کمزور عضلات</li>
	<li>چپٹا چہرہ</li>
	<li>چھوٹا سر</li>
	<li>چھوٹے یا غیر معمولی شکل کے کان</li>
	<li>باہر نکلی ہوئی زبان</li>
	<li>اوپرکی جانب اٹھے ہوئے پپوٹے</li>
	<li>چھوٹےاورچوڑے ہاتھ اور ہتھیلی پر واحد لکیر</li>
	<li>چھوٹے پاؤں</li>
	<li>نسبتاََ چھوٹی انگلیاں</li>
	<li>انتہائی لچک</li>
	<li>برش فیلڈ سپاٹ یا آنکھ کے رنگین حصے پر چھوٹے چھوٹے سفید نشان 
	&nbsp;</li>
</ul>

<h5 dir="rtl">ادراکی نقائص</h5>

<ul dir="rtl">
	<li>بول چال اورزبان سیکھنے میں تاخیر</li>
	<li>توجہ کا کم دورانیہ</li>
	<li>سیکھنے کی کم رفتار 
	&nbsp;</li>
</ul>

<h5 dir="rtl">رویوں کے مسائل</h5>

<ul dir="rtl">
	<li>جزباتی رویۓ جیسے کہ بے چینی&nbsp; 
	نیند کے مسائل، جیسے نیند نہ آنا اور دن میں شدید نیند آنا</li>
</ul>

نوٹ: علامات کی شدت ہر فرد میں مختلف ہوسکتی ہے اورڈاؤن سنڈروم سے متاثر ہرفرد میں یہ علامات نہیں ہوتیں۔&nbsp; 
&nbsp;

اسباب

جسم کے تمام خلیوں میں ایسی جینز ہوتی ہیں جن میں ہدایات کا مجموعہ ہوتا ہے۔ ہرخلیے کے نیوکلیس میں موجود کروموسوم میں کئی جینز ہوتی ہیں۔ اب ہم جانتے ہیں کہ ہر خلیے میں عموماََ 46 کروموسوم ۔ والدین میں سے ہرایک کے 23 کروموسوم ہوتے ہیں۔ مگر جب کروموسوم 21 کی ایک اضافی جزوی یا مکمل نقل ہوتو بچہ ڈاؤن سنڈروم کےساتھ پیدا ہوتا ہے۔

اس مرحلے پریہ جاننا ضروری ہے کہ بیشتر کیسزمیں یہ بیماری موروثی نہیں ہوتی، اگرچہ یہ سنڈروم جینز سے ہی ہوتا ہے۔ یہ سپرم اور بیضے کے درمیان نقص سے ہوتا ہے جب جینیاتی معلومات کا امتزاج اور نقل وقوع پذیر ہوتا ہے۔ 
&nbsp;

<h5 dir="rtl">جینیات کس طرح کام کرتی ہیں</h5>

<ul dir="rtl">
	<li>ماں کی عمر 35 سال سے زیادہ ہو تو امکانات زیادہ ہیں۔</li>
	<li>ڈاؤن سنڈروم کا امکان بڑھ جاتا ہےاگر کسی کے والدین میں ٹرانس لوکیشن ڈاؤن سنڈروم ہو۔<a href="#accordion">[4]</a></li>
	<li>مستقبل میں حمل کی صورت میں ڈاؤن سنڈروم کا امکان بڑھ جاتا ہے اگر والدین میں سے کسی ایک کو متوازن ٹرانسلوکیشن ہو۔ مگر ایسا ہر کیس میں نہیں ہوتا۔</li>
	<li>ڈاؤن سنڈروم&nbsp;خلیوں کی تقسیم میں نقص کی وجہ سے ہوتا ہے۔ عموماََ جب خلیے دوحصوں میں تقسیم ہوتےہیں، کروموسومز کے جوڑے بھی تقسیم ہوتے ہیں، اورہر تقسیم ہونے والا کروموسوم ایک خلیے میں چلا جاتا ہے۔ نان ڈس جنکشن میں، ایک جوڑے کے دونوں کروموسوم ایک ہی خلیے میں چلے جاتے ہیں۔ یہ نقص بے قاعدہ اور بیضے یا سپرم کے بننے کے دوران ہوتا ہے؛ والدین یا ماحولیاتی عناصر کی کسی سرگرمی کا اس پرکوئی عمل دخل نہیں ہوتا۔ 
	&nbsp;</li>
</ul>

<h5 dir="rtl">ڈاؤن سنڈروم والے بچے کے پیدا ہونے کے کتنے امکانات ہوتے ہیں؟</h5>

تحقیق بتاتی ہےکہ:

<ul dir="rtl">
	<li>کروموسوم کی زائد نقل بیشتر کیسز میں بیضے کے ذریعے ماں کی طرف سے آتی ہے۔</li>
	<li>پانچ فی صد سے کم کیسز میں کروموسوم ۲۱ کی نقل سپرم کے ذریعے باپ کی طرف سے آتی ہے۔</li>
	<li>ایک تیسرا امکان یہ بھی ہے کہ نقص بارآوری کے بعد نطفے کی نشونما کے دوران ہوتا ہے۔ 
	&nbsp;</li>
</ul>

<h5 dir="rtl">بچے پر اس کے کیا اثرات ہوتے ہیں؟</h5>

کروموسوم کی تبدیلیوں کی تین اقسام ہیں جوڈاؤن سنڈروم کا باعث بن سکتی ہیں۔ بچے پر اس کے اثرات کو سمجھنے سے والدین یا دیکھ بھال کرنے والوں کو اس سے نمٹنے اوربچوں کو معیاری زندگی گزارنے کے قابل بنانے کو یقینی بنانےمیں مدد مل سکتی ہے۔

<ul dir="rtl">
	<li>مکمل ٹرائی سومی21:&nbsp;یہ نقص بیضے یا سپرم کے بننے کے دوران ہوتا ہے، جس سے دونوں میں سے ایک میں فالتو کروموسوم بن جاتا ہے۔ اس لئے، خلیوں کا ملاپ ہونے کے بعد نتیجے کے طور پر بننے والی نقل میں بھی کروموسوم 21 کی تین نقول ہوتی ہیں۔ دوسرے الفاظ میں، کروموسوم کی نئی نقل یا کمپلیٹ ٹرائسومی اس فرد کے جسم کے ہر خلیے میں ہوتی ہے۔ 
	&nbsp;</li>
	<li>موزیک ٹرائسومی21:&nbsp;جسم کے بیشتر خلیوں میں ایک فالتو کروموسوم ہوتا ہے۔ اسے موزیک ٹرائسومی 21 کہا جاتا ہے۔ اس قسم کی ٹرائسومی تب واقع ہوتی ہے جب نارمل بیضے اور سپرم کے ملاپ کے بعد خلیوں کی تقسیم کے آغاز میں نقص پیدا ہوجائے۔</li>
</ul>

&nbsp;

<ul dir="rtl">
	<li>ٹرانسلوکیشن ٹرائسومی 21:&nbsp;اس قسم میں خلیوں میں کروموسوم 21 کی نقل کا جزوی حصہ ہوتا ہے۔ زائد حصہ دوسرے کروموسوم سے&nbsp; چپک جاتا ہے اور خلیوں کی تقسیم کے دوران دوسرے خلیوں میں منتقل ہوجاتا ہے۔ 
	&nbsp;</li>
</ul>

کچھ کیسز میں، والدین میں سے ایک جسے ڈاؤن سنڈروم نہ ہو، اس میں ٹرانس لوکیشن کروموسوم 21 ہوسکتا ہے جوآگے بچوں میں منتقل ہوسکتا ہے۔ والدین کے کروموسومز کے مطالعے سے اس بیماری کی وجہ کی وضاحت کی جاسکتی ہے۔ 
&nbsp;

تشخیص

ڈاؤن سنڈروم کی شناخت پیدائش کے وقت جسمانی خصوصیات کی موجودگی میں کی جاتی ہے۔ مثال کےطور پر،چہرے کے چپٹے نقوش، اوپر کو اٹھی ہوئی آنکھیں، کمزور عضلات اور ہتھیلیوں پر واحد لکیر۔ تاہم، یہی خصوصیات ڈاؤن سنڈروم کے بغیر پیدا ہونے والے بچوں میں بھی ہوسکتی ہیں۔ اس لئے تشخیص کی تصدیق کے لئے ایک کروموسومل تجزیے کیا جاتا ہے۔

ابتدا میں، خون کا نمونہ لےکر بچے کے خلیوں کاkaryotype حاصل کیا جاتا ہے۔ کروموسمز کی ٹسویر لی جاتی ہے اور ان کے سائز، تعداد اور ساخت&nbsp; کے مطابق گروہ بنائے جاتے ہیں۔

ایک اور جینیاتی ٹیسٹ fluorescence in situ hybridisation استعمال کر کے خلیوں میں جینیاتی مادے کی نشاندہی کر کے کم وقت میں ڈاؤن سنڈروم کی تشخیص کی تصدیق کی جاسکتی ہے۔ 
&nbsp;

علاج

ڈاؤن سنڈروم کا کوئی علاج نہیں ہے۔ اس کےباوجود، زندگی کےاوائل میں سروسز سے اس بیماری میں مبتلا بچوں کی جسمانی اورذہنی قابلیتوں میں بہتری لانے میں مدد مل سکتی ہے۔ ان سروسز میں سپیچ تھیراپی، آکیوپیشنل تھیراپی اور فزیکل تھیراپی شامل ہیں جن کا ہدف بچوں کی مکمل صلاحیتوں میں اضافہ کرنا ہے۔

اچھی خبریہ ہے کہ تھوڑی سی اضافی مدد سے،ڈاؤن سنڈروم والےبچے عام سکولوں میں داخلہ لے سکتے ہیں۔ انہیں معاشرے میں، سماجی یا تفریحی سرگرمیوں، صحت کی دیکھ بھال کے نظاموں اور دیگرملازمت کی جگہوں پر کھلے دل سے قبول کیا جاتا ہے۔&nbsp; 
&nbsp;

1900 کے آغاز میں ڈاؤن سنڈروم والے بچوں کے نو سال کی عمر تک زندہ رہنے کی توقع کی جاتی تھی مگر طب میں ترقی کے ساتھ ، وہ 19یا 20سال کی عمر تک زندہ رہتے ہیں۔ اسی طرح طبی علاج اوردل کی درست جراحی سے ڈاؤن سنڈروم والے 80 فیصد بالغ ساٹھ سال کی عمر تک یا اس سے زیادہ زندہ رہ سکتے ہیں۔<a href="#accordion">[5]</a> 
&nbsp;

ڈاؤن سنڈروم والے افراد میں کئی پیچیدگیاں نظرآسکتی ہیں۔

<ul>
	<li dir="rtl" style="text-align:right">دل کے نقائص: ان میں سے تقریباََ آدھے بچے دل کے پیدائشی نقص کے ساتھ پیدا ہوتے ہیں جس کے لئے جراحی کی ضرورت ہوتی ہے۔</li>
	<li dir="rtl" style="text-align:right">معدے کے نقائص: ان بچوں میں گلے اور خوراک کی نالی، آنتوں اور مقعد کے نقائص ہوسکتے ہیں۔ مزید یہ کہ ڈاؤن سنڈروم والے افراد کو سیلییک بیماری، دل کی جلن، اور ،معدے کی بندش کا بڑھا ہوا خطرہ ہوتا ہے۔</li>
	<li dir="rtl" style="text-align:right">نیند میں سانس رکنا: ڈاؤن سنڈروم والے بچوں میں&nbsp; نرم ٹشوز اور کھوپڑی کی تبدیلیوں کی وجہ سے ہوا کی نالی میں رکاوٹ آ نے سےسلیپ ایپنیا کا زیادہ خطرہ ہوتا ہے۔</li>
	<li dir="rtl" style="text-align:right">مدافعتی بیماریاں:&nbsp;مدافعتی نظام میں نقائص کا مطلب ہے ان کو بار بار انفیکشن ہوتے ہیں۔ مثال کے طور پر نمونیا، کینسر اورآٹو امیون بیماریاں۔</li>
	<li dir="rtl" style="text-align:right">موٹاپا: ڈاؤن سنڈروم والے افراد عام لوگوں کی نسبت عموماََ زیادہ موٹے ہوتے ہیں۔&nbsp;</li>
	<li dir="rtl" style="text-align:right">ریڑھ کے نقائص: کچھ کیسز میں گردن کے بالائی دو مہرے ٹیڑھے ہو سکتے ہیں، جس سے ریڑھ کی چوٹوں کا خطرہ ہوسکتا ہے۔</li>
	<li dir="rtl" style="text-align:right">لیوکیمیا: لیوکیمیا،خون کے سفید خلیات، ہڈی کے گودے اور لمفی نظام کا کینسر بھی ایک امکان ہوسکتا ہے۔</li>
	<li dir="rtl" style="text-align:right">&nbsp;خللِ دماغ کا جلد آغاز: ان میں پچاس سال کے آس پاس خللِ دماغ کی علامات نظرآنے لگتی ہیں۔ انہیں الزائیمرز کا شکار ہونے کا&nbsp; بھی زیادہ خطرہ ہوتا ہے۔</li>
	<li dir="rtl" style="text-align:right">صحت کے دیگر مسائل: ڈاؤن سنڈروم سے منسلک دیگر مسائل میں اندرونی رطوبتوں کے مسائل، بصارتی اور سماعتی مسائل، کانوں کے انفیکشن، دورے اور دانتوں کے مسائل شامل ہیں۔ تاہم، طبی دیکھ بھال اورعلاج سےڈاؤن سنڈروم والے افراد کو صحت مند طرزِ زندگی برقرار رکھنےمیں مدد مل سکتی ہے۔ 
	&nbsp;</li>
</ul>

کچھ ایسے عناصرہیں جوڈاؤن سنڈروم والا بچہ پیدا کرنے کے خطرے کو بڑھا دیتے ہیں:

<ul>
	<li dir="rtl" style="text-align: right;">ماں کی زیادہ عمر</li>
	<li dir="rtl" style="text-align: right;">والدین میں سے کسی کا جینیاتی ٹرانس لوکیشن کا حامل ہونا</li>
	<li dir="rtl" style="text-align: right;">&nbsp;پہلے سےڈاؤن سنڈروم کا شکار بچہ ہونا&nbsp;&nbsp; 
	&nbsp;</li>
</ul>

<div>&nbsp;</div>

فی الحال ڈاؤن سنڈروم کے لئے کوئی بچاؤ موجود نہیں ہے۔ تاہم، کسی جوڑے میں ڈاؤن سنڈروم والا بچہ ہونے کا امکان بڑھ جاتا ہے اگران کا پہلے بھی کوئی بچہ یا بچے اس بیماری کا شکار ہوں۔ حمل کی منصوبہ بندی سے پہلے ایک جینیاتی مشاورتی سیشن سے دوبارہ ڈاؤن سنڈروم والے بچے کے امکانات کو سمجھا جاسکتا ہے۔ 
&nbsp;

<ul dir="rtl">
	<li>ڈاؤن سنڈروم والے افراد پہلے افراد ہیں اس لئےانہیں پہلے افراد سمجھنا چاہئے نہ کہ ڈاؤن سنڈروم والے بچے یا ڈاؤنز بچے۔ ڈاؤن سنڈروم کوئی بیماری نہیں ہے اور اسے یوں نہیں کہنا چاہئے کہ &quot;اسے ڈاؤنز ہے&quot;۔</li>
	<li>ڈاؤن سنڈروم والے افراد اس میں مبتلا نہیں ہوتے، انہیں یہ ہوتا ہے۔ اس لئے ان کے متعلق بات کرنے کا درست طریقہ یہ ہے &quot; ڈاؤن سنڈروم والا بچہ یا فرد&quot;</li>
	<li>ڈاؤن سنڈروم سوسائیٹی لفظ retarded کےاستعمال کی مذمت کرتی ہےاور&ldquo;mental retardation&rdquo; کے بجائےcognitive disability&rdquo; یا ذہنی معذوری کا لفظ استعمال کرتی ہے۔ 
	&nbsp;</li>
</ul>

اہم نکات

<ul dir="rtl">
	<li>ڈاؤن سنڈروم (یا سنڈروم، نہ کہ ڈاؤنز) ایک ایسی بیماری ہے جس میں بچہ ایک&nbsp;فالتو کروموسوم کے ساتھ پیدا ہوتا ہے۔</li>
	<li>بیماری پر کنٹرول اور بچاؤ کے مرکز کے مطابق امریکہ میں ہر772میں سےایک بچہ ڈاؤن سنڈروم کے ساتھ پیدا ہوتا ہے، اس کے مقابلے میں پاکستان میں ڈاؤن سنڈروم&nbsp; کی مجموعی موجودگی700زندہ پیدائشوں&nbsp;میں سےایک ہے۔</li>
	<li>اگرچہ ایسے کئی عناصر ہیں جوڈاؤن سنڈروم کی وجہ بنتے ہیں، حمل کے وقت ماں کی عمر35سال سے زیادہ ہونا ڈاؤن سنڈروم والے بچے کو جنم دینے کی سب سے نمایاں وجہ ہے۔</li>
	<li>ڈاؤن سنڈروم عام طور پر پیدائش کے وقت جسمانی خصوصیات جیسے چہرے کےچپٹے نقوش، اوپر اٹھی ہوئی آنکھیں،کمزورعضلات اورہتھیلی پرایک گہری لکیرسے شناخت کیا جاتا ہے۔</li>
	<li>&nbsp;تاحال ڈاؤن سنڈروم کا کوئی علاج یا احتیاط نہیں ہے۔ تاہم،اوائل عمر میں سروسزسے اس بیماری والے بچوں میں جسمانی اورذہنی قابلیتوں میں بہتری میں مدد مل سکتی ہے۔</li>
</ul>

[1] De Graaf, G., Buckley, F. and Skotko, B.G., 2017. Estimation of the number of people with Down syndrome in the United States. Genetics in Medicine, 19(4), pp.439-447.

[2] Jameel, T., Rashid, Y., Anwar, M., Sultana, N., Waqar, M.A. and Saleem, M., 1999. Down's syndrome: prospects for prevention by antenatal diagnosis. JOURNAL-PAKISTAN MEDICAL ASSOCIATION, 49, pp.60-62.