ماہواری کے دنوں میں پیٹ اور ٹانگوں میں درد ہونا ایک عام سی بات ہے۔

ماہواری کا درد

حمزہ خٖضر

جائزہ

تکلیف دہ حیض کے طور پر جانا جانے والا, ڈسمینوریا دنیا بھر میں تولیدی عمرکی16 تا91 فیصد خواتین کو متاثر کرتا ہے۔<a href="#accordion">[1]</a> یہ پیٹ کے نچلےحصے کا درد ہے جو حیض سے پہلے یا دوران ہوتا ہے۔ یہ درد پیٹھ اور رانوں تک پھیل سکتا ہےاورمتلی، قے،اسہال اورتھکاوٹ جیسی دیگرعلامات بھی اکثر سامنے آتی ہیں۔ 
پاکستان میں محققین نےیونیورسٹی کی طالبات میں ڈسمینوریا کا پھیلاؤ خطرناک حد تک زیادہ پایا ہے،جو56تا92فیصد تک کی شرح رکھتا ہے۔<a href="#accordion">[2][3]</a> ان خواتین نے اس درد کی وجہ سے مطالعےپرتوجہ مرکوز کرنے، سماجی سرگرمی میں کمی اور نیند میں خلل کی شکایت بھی کی.<a href="#accordion">[3]</a> اس طرح یہ ان کے معیار زندگی پر اثر انداز ہوتا ہے۔ 
&nbsp;

ڈسمینوریا نوعمرلڑکیوں میں ماہواری کا سب سے عام عارضہ ہے.<a href="#accordion">[4]</a> یہ سب سے زیادہ ایک اندرونی مسئلے (بنیادی ڈسمینوریا) کی عدم موجودگی سے ہوتا ہے؛ تاہم، کچھ معاملات پیڑو کی بیماری (ثانوی ڈسمینوریا) کے نتیجے میں ہو سکتے ہیں۔ یہ جان لیوا نہیں ہے لیکن خواتین کی ایک بڑی اکثریت اس کی وجہ سے روزمرہ کے کام انجام دینے سے قاصررہتی ہے،جس کے نتیجے میں کام اور اسکول سے چھٹی لینی پڑتی ہے۔ امریکہ میں ڈسمینوریا سے ہر سال تقریبا 140 ملین کام کے گھنٹوں کا نقصان ہوتا ہے.<a href="#accordion">[5]</a> 
&nbsp;

علامات

ڈسمینوریا کی علامات میں شامل ہیں:

<ul>
	<li dir="rtl" style="text-align:right">پیٹ کے نچلےحصے میں درد،جواکثر پیٹھ یا رانوں تک پھیلتا ہے۔</li>
	<li dir="rtl" style="text-align:right">دھڑکتا ہوا،مدھم اور مسلسل درد</li>
	<li dir="rtl" style="text-align:right">عام طور پر،درد دو سےتین دنوں تک رہتا ہے۔</li>
	<li dir="rtl" style="text-align:right">سردرد</li>
	<li dir="rtl" style="text-align:right">چکر آنا یا بے ہوشی</li>
	<li dir="rtl" style="text-align:right">متلی اور قے</li>
	<li dir="rtl" style="text-align:right">اسہال یا <a href="https://merisehat.pk/ur/disease/constipation">قبض</a></li>
	<li dir="rtl" style="text-align:right">تھکاوٹ 
	&nbsp;</li>
</ul>

اسباب

ڈسمینوریا کی درست وجہ کی شناخت کرنا ہمیشہ آسان نہیں ہوتا۔ اس کی وجوہات فرد کی موجودہ ڈسمینوریا قسم پرمنحصر ہیں۔&nbsp; 
&nbsp;

<h5 dir="rtl">پرائمری ڈسمینوریا&nbsp;</h5>

یہ کسی بنیادی طبی حالت کی عدم موجودگی میں ہوتا ہے۔ محققین کا خیال ہے کہ ہارمون پروسٹیگلانڈین کی موجودگی ممکنہ طور پردرد کو متحرک کرتی ہے۔ خاص طور پر پروسٹیگلانڈن F2&alpha; یوٹرائن پٹھوں کو سکیڑنے کا سبب بنتا ہے، جس کے نتیجے میں قریبی خون کی شریانیں تنگ ہوجاتی ہیں اور پٹھوں کو آکسییجن کی فراہمی عارضی رک جاتی ہے۔ نتیجتا، حیض کی تنگی کا سامنا ہوتا ہے۔ ڈسمینوریا والی خواتین میں پروسٹاگلانڈین کی سطح زیادہ پائی گئی ہے جس کے نتیجے میں پٹھوں میں زیادہ اور شدید سکڑاؤ ہوتا ہے۔<a href="#accordion">[6]</a> درد زیادہ ترکم عمری میں شروع ہوتا ہے، جیسے پہ کے کچھ ہی عرصے بعد. تاہم، اس درد کی شدت عمر کے ساتھ کم ہوتی جاتی ہے۔ 
&nbsp;

<h5 dir="rtl">ثانوی ڈسمینوریا</h5>

پیڑو کی بیماری کی وجہ سے،ماہواری میں تکلیف دہ کھنچاؤ ثانوی ڈسمینوریا کے تحت آتا ہے۔ یہ عام طور پرتیس تا چالیس سال کے بعد شروع ہوتا ہےاور وقت کے ساتھ ساتھ بڑھتا ہے۔ مندرجہ ذیل مسائل ثانوی ڈسمینوریا کا سبب بن سکتے ہیں: 
&nbsp;

<ul>
	<li dir="rtl" style="text-align:right">یوٹرن فائبرائیڈز- اسے لیومائیوماس بھی کہا جاتا ہے،فائبرائیڈز پٹھوں اور ٹشوزکی غیر کینسرزدہ بڑھوتی ہے جو رحم کی دیواروں سے بنتے ہیں۔ چھوٹے فائبرائیڈزعام طور پرعلامتی ہوتے ہیں، لیکن بڑے فائبرڈز اکثر ڈسمینوریا اوربھاری حیض کا سبب بن سکتے ہیں۔</li>
	<li dir="rtl" style="text-align:right">انڈومیٹریوسیس - یہ حالت رحم کےعلاوہ دیگرمقامات جیسے فیلوپیئن ٹیوب، بیضہ دانی یا مثانے پرانڈومیٹریئل ٹشو کی نشوونما سے ہوتی ہے۔ حیض کے دوران ہارمونل تبدیلی اس ٹشو سے خون بہنے کا سبب بنتی ہے جس سےدرد ہوتا ہے۔ مزید برآں، پیڑو کا ملاپ مزید درد کا سبب بن سکتا ہے۔&nbsp;</li>
	<li dir="rtl" style="text-align:right">پیڑو کے سوزش کی بیماری (پی آئی ڈی) - جنسی طور پر پھیلنے والے بیکٹیریا،اوپری نسائی تولیدی اعضاء(رحم،فیلوپیئن ٹیوبز،بیضہ دانی) کی سوزش اورانفیکشن کا سبب بنتے ہیں۔ یوں پیٹ کےنچلےحصےمیں درد،اندام نہانی سےاخراج اور تکلیف دہ جنسی مباشرت کا مسئلہ ہوتا ہے۔</li>
	<li dir="rtl" style="text-align:right">ایڈینومیوسس - اس سے رحم کے پٹھوں میں انڈومیٹریم کی نشوونما کی وجہ سے رحم کا موٹا ہوتا اور بڑھنا ہے۔ رحم کا سائز بڑھنے سے، رحم سےغیرمعمولی بلیڈنگ اورتکلیف دہ ماہواری کا سامنا ہوتا ہے۔</li>
	<li dir="rtl" style="text-align:right">یوٹرائن پولیپس &ndash; پولیپس، انڈومیٹریم کی زیادہ نشوونما کے نتیجے میں ہوتا ہےاورکچھ معاملات میں قبل ازکینسرمیں بدل سکتا ہے۔ نتیجے میں اکثرحیض کی اینٹھن اور بھاری ماہواری ہوسکتی ہے۔</li>
	<li dir="rtl" style="text-align:right">بیضہ دانی سیسٹ/ گلٹھی - یہ سیال سے بھری تھیلیاں بیضہ دانی میں بنتی ہیں،جو زیادہ تربلوغت یا مینوپاز کے دوران ہارمونل تبدیلیوں کی وجہ سے ہوتی ہیں۔ سیسٹ کی اکثریت پر کسی کا دھیان نہیں جاتا جبکہ کچھ ماہواری سائکل میں بے ضابطگیوں کا سبب بن سکتی ہیں۔ پھٹے ہوئے یا ہیمرجک سیسٹ سب سے زیادہ ڈسمینوریا سے وابستہ ہیں۔</li>
	<li dir="rtl" style="text-align:right">سرویکل سٹینوسس - سرویکل سٹینوسس، رحم کےمنھ کی ایک کمیاب تنگی ہے جو سیسٹ،یوٹرائن سرجری اور یہاں تک کہ سرویکل کینسر کے نتیجے میں ہوسکتی ہے۔ سرویکس کے تنگ ہونےسےماہواری کا بہاؤ سست ہوتا ہےاوراندرون رحم پریشرمیں اضافہ ہوتا ہے؛جن سے ڈسمینوریا پیدا ہوتا ہے۔</li>
	<li dir="rtl" style="text-align:right">پیدائشی مسائل - کچھ پیدائشی مسائل جیسے سب سیپٹیاٹ یا بائیکارنوٹ رحم بھی تکلیف دہ حیض کا سبب بن سکتے ہیں۔&nbsp;</li>
	<li dir="rtl" style="text-align:right">اندرون رحم مانع حمل آلہ (آئی سی یو ڈی) - بہت سی خواتین انٹریوٹرائن مانع حمل آلہ رکھے جانے کے بعد بھاری اور تکلیف دہ ماہواری کی شکایت کرتی ہیں۔</li>
	<li dir="rtl" style="text-align:right">ماہواری سے پہلے مسئلہ (پی ایم ایس) - ہارمونل تبدیلیوں کی وجہ سے خواتین کو طبیعت، طرزعمل اور صحت میں ماہانہ تبدیلیوں کا سامنا کرنا پڑتا ہے، یہ ماہواری کے آغاز سے ایک سے دو ہفتوں پہلے ہوتا ہے۔ تاہم، عام طورپرحیض کے آغاز کے ایک سے دو دن بعد علامات ختم ہوجاتی ہیں۔ 
	&nbsp;</li>
</ul>

تشخیص

ڈسمینوریا کی تشخیص کے لئے ایک مکمل تفصیلی تاریخ بہت ضروری ہے۔ تاریخ کے ساتھ ساتھ، پیڑو کا ٹیسٹ، ڈاکٹروں کوانفیکشن، ساختی بےترتیبی اور ڈسمینوریا کی دیگر وجوہات کا جائزہ لینے میں بھی مدد کرتا ہے۔ تاہم اضافی ٹیسٹ بھی کیےجاسکتے ہیں۔ جن میں شامل ہیں:

<ul>
	<li dir="rtl" style="text-align:right">الٹراساؤنڈ - الٹراساؤنڈ آپ کےرحم، بیضہ دانی،فیلوپیئن ٹیوب، اور سرویکس کی تصویر دیتا ہے۔&nbsp;</li>
	<li dir="rtl" style="text-align:right">سی ٹی یا ایم آر آئی - یہ دونوں امیجنگ ٹیسٹ جسم کے اندرونی اعضاء اور ٹشوز کا مزید تفصیلی معائنہ کرنے کی سہولت دیتے ہیں۔&nbsp;</li>
	<li dir="rtl" style="text-align:right">لیپرواسکوپی &ndash; یہ عام طور پراس وقت کی جاتی ہے جب ڈاکٹرکو ثانوی ڈسمینوریا کی وجہ کے طور پرانڈومیٹریوسیس، ایکٹوپیک/ رحم سے باہرحمل،فائبرائیڈز، یا بیضہ دانی سیسٹ کا شبہ ہو۔ پیٹ پر ایک چھوٹے چیرے کےذریعےلیپرواسکوپ داخل کرکے، پیڑو اور پیٹ کے اندرونی حصوں کا معائنہ ہوتا ہے۔</li>
	<li dir="rtl" style="text-align:right">ہسٹریوسکوپی - ہسٹریروسکوپ اندام نہانی کے ذریعے داخل کیا جاتا ہے، جس سے سرویکس اور رحم کا معائنہ کیا جاتا ہے۔&nbsp; 
	&nbsp;</li>
</ul>

علاج

ڈسمینوریا کا فرد کی عمر،درد کی شدت، درد کی وجہ اور اس کی مجموعی صحت پر منحصر ہوتا ہے۔اس کا مقصد بڑی حد تک درد کےانتظام اور/ یا اندرونی طبی حالات کےعلاج ہوتا ہے۔&nbsp; 
&nbsp;

<ul>
	<li dir="rtl" style="text-align: right;">درد کش ادویات &ndash; اووردا کاونٹر درد کش ادویات عام طور پر ڈسمینوریا کےعلاج کے لئے تجویز کی جاتی ہیں۔ جن میں غیر اسٹیروئیڈل سوزش کش ڈرگز(این ایس اے آئی ڈی)،ایسیٹامینوفین یا آئیبوپروفین شامل ہیں۔&nbsp;</li>
	<li dir="rtl" style="text-align: right;">ہارمونل ضبط پیدائش - اورل برتھ کنٹرول گولیاں بیضہ آوری کو روکنے میں مدد کرکے ماہواری کےکھنچاؤ کو کم کر سکتی ہیں۔ ہارمونل برتھ کنٹرول کی دیگر اقسام جیسے آئی یو ڈی، انجکشن اور امپلانٹس بھی کئے جا سکتے ہیں۔</li>
	<li dir="rtl" style="text-align: right;">سرجری - اگر دیگر تمام طبی علاج مریض کی علامات میں بہتری نہ لائیں، تو ڈاکٹراس اختیار کا انتخاب کرسکتا ہے۔ سرجری کا مقصد عام طور پرکسی بھی انڈومیٹریال ٹشو، یوٹرائن فائبرائیڈز،یا بیضہ دانی سیسٹ کا خاتمہ ہے۔ شدید حاتوں میں ہسٹریکٹومی(رحم کو جراحی سے ہٹانا) بھی کیا جاسکتا ہے۔ تاہم،یہ زیادہ تران خواتین کے لئے مخصوص ہے جو مینوپاز/ سن یاس قریب ہونے کی وجہ سے ماں بننے کی منصوبہ بندی نہیں کررہی ہیں۔</li>
	<li dir="rtl" style="text-align: right;">طرز زندگی میں تبدیلیاں - ان میں ورزش،غذائی سپلیمنٹس اور تناؤ سے نمٹنے کے طریقے شامل ہیں۔&nbsp; 
	&nbsp;</li>
</ul>

کچھ عوامل سےخواتین کو ڈسمینوریا کا زیادہ خطرے ہوتا ہے۔ ان میں شامل ہیں:

<ul>
	<li dir="rtl" style="text-align:right">کم عمری کا حیض (مینارچے) گیارہ سال کی عمر سے پہلے۔</li>
	<li dir="rtl" style="text-align:right">تیس سال سے کم عمر.</li>
	<li dir="rtl" style="text-align:right">خاندانی تاریخ.</li>
	<li dir="rtl" style="text-align:right">تناؤ.</li>
	<li dir="rtl" style="text-align:right">تمباکو نوشی، ماہواری کے دوران شراب کا استعمال.</li>
	<li dir="rtl" style="text-align:right">موٹاپا.</li>
	<li dir="rtl" style="text-align:right">بھاری، یا طویل حیض، بانجھ پن. 
	&nbsp;</li>
</ul>

اہم نکات

<ul dir="rtl">
	<li>ڈسمینوریا کو تکلیف دہ حیض بھی کہا جاتا ہے،یہ پروسٹیگلانڈینز(بنیادی ڈسمینوریا) میں اضافے یا پیڑو کے کسی اندرونی مسئلے(ثانوی ڈسمینوریا) کی وجہ سے بھی ہوسکتا ہے۔</li>
	<li>پرائمری ڈسمینوریا عام طور پر لڑکی کے پہلے حیص کے کچھ ہی عرصے بعد شروع ہوتا ہے اورعمر کےساتھ بہتر ہو جاتا ہے۔ جبکہ ثانوی ڈسمینوریا فائبرائیڈز، انڈومیٹریوسس، پیڑو کی سوزش، بیضہ دانی سیسٹ، یا دیگر اندرونی طبی مسائل کے نتیجے میں ہوسکتا ہے۔</li>
	<li>ڈسمینوریا کی عام علامات میں پیٹ کے نچلے حصے میں درد شامل ہے جو کمر یا رانوں تک پھیلتا ہے،اس کی وجہ سے سر درد، متلی، قے اورتھکاوٹ بھی ہو سکتی ہے۔</li>
	<li>ڈسمینوریا کی تشخیص مکمل تاریخ، پیڑو کے معائنہ، الٹراساؤنڈ اور کچھ معاملات میں لیپروسکوپی یا ہسٹریرواسکوپی کے ذریعے کی جاتی ہے۔&nbsp;</li>
	<li>علاج میں عام طور پردرد کی دوائیں جیسے این ایس ایڈ ایس اور ایسیٹامینوفین، ہارمون کا علاج، ضبط پیدائش کی گولیاں، انتہائی معاملات میں سرجری اور طرز زندگی میں تبدیلیاں شامل ہیں۔</li>
</ul>

[1] Ju, H., Jones, M. & Mishra, G., 2014. The prevalence and risk factors of dysmenorrhea. Epidemiologic Reviews, 36(1), pp. 104-113.

[2] Azagew, A. W., Kassie, D. G. & Walle, T. A., 2020. Prevalence of primary dysmenorrhea, its intensity, impact and associated factors among female students’ at Gondar town preparatory school, Northwest Ethiopia. BMC Women's Health.

[3] Ostrzenski, A., 2002. Gynecology: Integrating Conventional, Complementary, and Natural Alternative Therapy. s.l.:Lippincott Williams & Wilkins.

[4] Ullah, A. et al., 2021. Prevalence of Dysmenorrhea and Determinants of Pain Intensity Among University-Age Women. Pain Medicine, 22(12), pp. 2851-2862.

[5] Yasir, S., Kant, B. & Dar, M. F., 2014. FREQUENCY OF DYSMENORRHOEA, ITS IMPACT AND MANAGEMENT STRATEGIES ADOPTED BY MEDICAL STUDENTS. Journal of Ayub Medical College Abbotabad, 26(3).

Trusted By