جی ای آر ڈی نامی اس بیماری کےمناسب علاج کے بارے میں جاننے کے لئے یہاں تک کلک کریں۔

معدے اورغذائی نالی کے الٹے بہاؤ کی بیماری

Dr. Saad Ullah Siddiqui Clinic

Online Consultation

سعد اللہ صدیقی

جائزہ

معدے اور غذائی نالی کےالٹے بہاؤ کی بیماری کوGERD بھی کہا جاتا ہے، یہ ایک ایسی حالت ہے جس میں معدے کے اجزاغذائی نالی کے نچلے عضلے،سفنکٹر، جو سوراخ کو بند کرتا ہے، کی خرابی کی وجہ سے واپس غذائی نالی میں آنے لگتے ہیں۔&nbsp; غذائی نالی میں معدے کے تیزاب کی موجودگی سے کاٹنے والی غذائی نالی کی سوزش کی بیماری، یا نہ کاٹنے والی بیماری کا&nbsp; کا تعین کیا جاتا ہے۔ایسا اس لئے ہے کیونکہ معدے کے تیزاب میں غذائی نالی کی اندرونی تہہ کو نقصان پہنچانے اورمخصوص علامات اورپیچیدگیاں ظاہر کرنے کی صلاحیت ہے<a href="#accordion">[1]</a>۔ 
 
معدے اور غذائی نالی کے الٹے بہاؤ کی بیماری یا گرڈ آپ کی سوچ سے بھی زیادہ عام ہے۔ اعداد و شمار سے ثابت ہوتا ہے کہ ہرسال5.6 ملین افراد اس شکایت کے لئے ڈاکٹروں کا رخ کرتے ہیں<a href="#accordion">[2]</a>۔ یہ بھی اندازہ لگایا گیا ہے کہ مغربی دنیا میں دس سے بیس فی صد آبادی ہر ہفتےگرڈ کی علامات سے گزرتی ہے۔ ایشیا کی پانچ فی صد آبادی کا بھی یہی حال ہے<a href="#accordion">[3]</a>۔ امریکہ میں گرڈ کی موجودگی کی شرح18.1 سے27.8% پائی گئی<a href="#accordion">[1]</a>۔ جب کہ پاکستان میں اس کی شرح 22.2% سے 24% پائی گئی<a href="#accordion">[4]</a>۔ ایک وسیع مابعد التجزیہ مطالعے سے معلوم ہوا کہ گرڈ کی علامات صنفی لحاظ سے نمایاں ہیں اورخواتین میں مردوں کی نسبت گرڈ کی علامات ظاہر ہونے کا امکان زیادہ ہے ( بالترتیب 16.7 فی صد بمقابلہ 15.4 فی صد)<a href="#accordion">[1]</a>۔ 
&nbsp;

مزید برآں، یہ سمجھنا انتہائی ضروری ہے کہ گرڈ معیارِ زندگی کو بے حد متاثر کرتا ہے۔ سونے کے معمول سے لے کر کام کاج کے معمول تک سب پر اثرانداز ہوتا ہے اور چڑچڑے پن، بے چینی یہاں تک کہ<a href="https://merisehat.pk/ur/disease/depression"> ڈپریشن</a> تک کی وجہ بنتا ہے<a href="#accordion">[5]</a>۔ اس سے بالواسطہ طور پرآپ کی کام کی کارکردگی پراور براہِ راست اپنی کارکردگی پر اثر پڑتا ہے۔ 2015 میں اکٹھے کئے گئے اعداد وشمار کےمطابق گرڈ سے متاثرہ کام کی صلاحیت میں کمی اور اس کی پیچیدگیوں کی بالواسطہ لاگت قریباََ 75بلین ڈالر تھی<a href="#accordion">[2]</a>۔ 
&nbsp;

ہسٹوپیتھولوجی اوراینڈوسکوپی نے ڈاکٹروں کو ظاہری صورت کی بنا پر تین اقسام میں تقسیم کرنے کے قابل بنا دیا ہے

<ul dir="rtl">
	<li>Non Erosive Reflux Disease (NERD)</li>
	<li>۔Erosive Esophagitis</li>
	<li>۔Barrett Esophagus</li>
</ul>

ان اقسام میں سےNERDکے ہونے کے 60 سے70 فیصد،کاٹنے والی غذائی نالی کی سوزشErosive Esophagitis کے 30 فی صد اور Barrett Esophagus کے بالترتیب 12 - 6 فی صد کیس سامنے آئے<a href="#accordion">[1]</a>۔ 
&nbsp;

۱۔ غذائی نالی کو نہ کاٹنے والی الٹے بہاؤ کی بیماریNon Erosive Reflux Disease)

مانٹریال انٹرنیشنل کانسینسس کے مطابق NERD کو غذائی نالی میں زخم کے بغیر معدے سے غذائی اجزا کے غذائی نالی میں الٹے بہاؤ کی حالت کہا گیا۔

اس سے پہلے دیکھا گیا تھا کہ تقریباََ آدھے مریضوں میں اینڈوسکوپی کرنے کے دوران غذائی نالی نارمل تھی۔ بعد میں یورپین کمیونٹی پر مبنی مطالعات میں یہ اعداد تقریباََ 70 فی صد پائے گئے۔ یہ بھی مدِ نظر رکھنا چاہئے کہ NERD کاٹنے والی غذائی نالی کی سوزش کی بیماری میں تبدیل ہونے کی صلاحیت رکھتا ہے۔ اسولاری اٹ ال کے ایک مطالعے میں معلوم ہوا کہ موازنہ کرنے پر پچاس میں سے تیس مریضوں کو NERD تھا جب کہ&nbsp; فالو اپ کے وقت ان میں سے 17 فی صد کی بیماری&nbsp; Erosive Esophagitis&nbsp; میں بدل چکی تھی<a href="#accordion">[6]</a>۔ 
&nbsp;

مطالعہ ظاہر کرتا ہے کہNERD &nbsp;کے عمل کا طریقہ کارغذائی نالی کا سوراخ بند کرنے والے نچلے عضلے کا ڈھیلا پن ہے۔ ڈھیلے پن کی وجہ سےمعدے اور غذائی نالی کے درمیان رستہ کھل جاتا ہے اور معدے کے اجزا کا الٹا بہاؤ شروع ہو جاتا ہے۔ نرڈ میں پائی جانے والی نمایاں خصوصیت چھلکےدار بیرونی جھلی کے خلیوں کے درمیان خلا کا بڑھ جانا ہے، جو ایک بڑی ساختی غیر معمولی حالت ہے جو نہ صرف ٹرانس مشن الیکٹران مائیکروسکوپی میں بلکہ لائیٹ مائیکروسکوپی میں بھی دیکھا جا سکتا ہے<a href="#accordion">[7]</a>۔ 

نرڈ کی علامات میں سینے کی جلن اورتیزاب کا منہ کو آنا شامل ہیں۔سینے کی جلن کا واضح مطلب سینے کی ہڈی کے پیچھے جلن کا احساس ہے جو اوپر گلے کی طرف اٹھتا محسوس ہوتا ہے۔ اس کے علاوہ گرڈ کی خاص علامات بھی نرڈ میں دیکھی جا سکتی ہیں مگر ان میں غذائی نالی کا کٹاؤ شامل نہیں<a href="#accordion">[8]</a>۔ 
&nbsp;

۲۔ کاٹدارغذائی نالی کی سوزش Erosive Esophagitis

غذائی نالی Esophagus&nbsp; &nbsp;آپ کی انہضامی نالی کا وہ حصہ ہے جو گلے کو معدے سے جوڑتا ہے۔اس کے ساتھ&nbsp; &ldquo;itis&rdquo;کا لاحقہ لگانے سے، طبی اصطلاح میں اس کا مطلب سوزش ہے۔ اس لئے اسے غذائی نالی کی سوزش کہا جا سکتا ہے، جس کی وجہ اس کی لعابی اندرونی سطح کو پہنچانے والی کٹائی یا نقصان ہوتا ہے۔اس نقصان کی واحد وجہ&nbsp; معدے کے اجزا کے تیزابی مرکبات کا الٹا بہاؤ ہے۔ مطالعہ بتاتا ہے کہ&nbsp; آبادی کا ایک فی صد حصہ&nbsp; اس بیماری میں مبتلا ہے۔ 
&nbsp;

افعال کے بہت سے طریقے ہیں جو کاٹدار غذائی نالی کی سوزش کا باعث بنتے ہیں۔ غذائی نالی کے نچلے عضلے کا عارضی ڈھیلا پن &nbsp;اس بیماری میں بھی وہی کردار ادا کرتا ہے جو نرڈ میں کرتا ہے۔مزید برآں جن لوگوں کو ہائٹل ہرنیا کی شکایت ہو ان میں نچلے عضلے کی ناقص کارکردگی کی وجہ سے الٹے بہاؤ کا خطرہ زیادہ ہوتاہے، چنانچہErosive Esophagitis ہو سکتا ہے۔ ہائٹل ہرنیا میں معدے کا اوپری حصہ پردہ شکم سے گزر کر سینے کے خلا تک چلا جاتا ہے۔ تاہم ایسا ہمیشہ غذائی نالی کےنچلے عضلے کی وجہ سے نہیں ہوتا۔ اگر غذائی نالی کی حرکت کم ہو جائے یا تھوک بننے کے عمل میں تبدیلی آجائے، یعنی کوئی ایسی چیز جو غذائی نالی کی لعابی جھلی کو نقصان پہنچائے تو کاٹ دار غذائی نالی کو سوزش نظر آسکتی ہے۔ 
&nbsp;

۳۔&nbsp; بیرٹ ایسوفیگس Barrett Esophagus

بیرٹ ایسوفیگس ایسی بیماری ہے جسے کینسر سے پہلے کا زخم سمجھا جاتا ہے جو غذائی نالی کے کینسر میں بدلنے کی صلاحٰت رکھتا ہے۔ یہ ایسی حالت ہے جس میں غذائی نالی کی اندرونی جھلی ایسی جھلی میں بدل جاتی ہے جو ہماری آنتوں میں ہائی جاتی ہے<a href="#accordion">[10]</a>۔

اس کی ایک اور تعریف یہ ہے کہ&nbsp; یہ غذائی نالی کی چھلکے دار بیرونی سطح کو میٹاپلاسٹک کھمب نما سطح سے تبدیل کر دیتی ہے۔ میٹا پلازیہ بنیادی طورپر ایک بافت کا دوسری میں تبدیل ہو جانا ہے۔ 
&nbsp;

اس لئے، بہت سے قابل ادارے بشمول The American Gastroenterological Association (AGA), American College of Gastroenterology (ACG), اور European Society of Gastrointestinal Endoscopy (ESGE) کا کہنا ہے کہ غذائی نالی کے بافتوں کا چھوٹی آنت کے بافتوں میں تبدیل ہونے کا عمل&nbsp; اس حالت کوبیرٹ ایسوفیگس قرار دینے کے لئےبہت ضروری ہے۔ اس شرط کو اپنا کر ڈاکٹروں کو مریضوں کی دیکھ بھال کے لئے کم لاگتی طریقہ کار&nbsp; اختیار کرنے میں مدد ملی ہے۔

بیرٹ ایسوفیگس کی تشخیص کے لئے اینڈوسکوپی کی جاتی ہے۔ اس کا ایینڈوسکوپی کا عکس نارمل غذائی نالی کی اینڈوسکوپی کی&nbsp; نسبت سرخ اور گاڑھا ہوتا ہے جوکہ سفید اور چپٹی نظر آتی ہے۔ اینڈوسکوپی ایسا عمل ہے جس میں انسانی جسم میں ایک آلہ داخل کیا جاتا ہے<a href="#accordion">[11]</a>۔ تا کہ طبی ماہرین کو اندرونی صورت حال کا بہتر اندازہ ہو سکے۔ اب اینڈوسکوپی کو بایوپسی کے نمونے لینے کے لئے بھی استعمال کیا جاتا ہے۔ تا ہم اس مرض میں سادہ اینڈوسکوپی کا عمل ناکافی ہے اور آنتوں کے میٹاپلازیہ کی موجودگی کی تصدیق&nbsp; کے لئے بایوپسی بھی ضروری ہے۔ ایک اور تشخیصی عمل جو اس مرض کی نشاندہی میں مددگار ہوتا ہے وہ Enhanced Magnification Endoscopy (EME&nbsp;ہے۔ یہ ایسٹک ایسڈ اور میگنی فائینگ اینڈوسکوپی کا ایک امتزاج ہے ۔ مطالعے سے ثابت ہوتا ہے کہ یہ نشان دہی کا ایک معقول طریقہ ہے تا ہم اس کی کم خاصیت کی وجہ سے بایوپسی کی ضرورت پھر بھی پڑتی ہے۔ 
&nbsp;

اس مرض کا ٹھیک نہ ہونے والے گرڈ سے تعلق بھی ظاہر ہوتا ہے۔ اس کی علامات میں سینے کی جلن، معدے کے اجزا کا منہ کی طرف آنا،غذائی نالی میں غذا کے پھنسے ہونے کا احساس، مستقل گلا خراب، منہ میں کروا ذائقہ یا بدبو اور&nbsp; وزن میں غیر ارادی کمی شامل ہیں<a href="#accordion">[12]</a>۔ 
 
&nbsp;

اسباب

<ul>
	<li dir="rtl" style="text-align:right">عمر&nbsp;سب سے بڑی وجہ یہ ہے کہ عمر کےساتھ ساتھ، سفنکٹر عضلہ اپنی&nbsp; یکجائی کھونے لگتا ہے اور کم فعال ہو کر علامات کا سبب بنتا ہے۔</li>
</ul>

<ul dir="rtl">
	<li>پیٹ کا زیادہ دباؤ&nbsp;یہ حمل کے دوران دیکھا جا سکتا ہے، اس لئے، حاملہ خواتین کو سینے کی جلن اکثر محسوس ہوتی ہے۔</li>
</ul>

<ul dir="rtl">
	<li>غذائی عادات&nbsp;کھانے میں چند مخصوص اشیا کا انتخاب بھی گرڈ کی ایک وجہ پائی گئی ہے۔ ایسی غذا جس میں تلی ہوئی اشیا یا زیادہ مسالے شامل ہوں وہ بھی اس کی ذمہ دار ہیں۔غذا کے علاوہ جو لوگ کھانے کے فوراََ بعد لیٹ جاتے ہیں اور کھانے کے ہضم ہونے کا انتظار نہیں کرتے، ان میں بھی خوراک اور اس کے ساتھ ساتھ معدے کے تیزابی اجزا کے الٹے بہاؤکا امکان بڑھ جاتا ہے۔</li>
</ul>

<ul>
	<li dir="rtl" style="text-align: right;">ادویاتمخصوص ادویات، جیسے ایستھما، بلند فشارِ خون، ڈپریشن اور کچھ دردکش ادویات بھی گرڈ کا سبب بن سکتی ہیں۔ 
	&nbsp;</li>
</ul>

گرڈ کی نشان دہی کے لئے کوئی راہنما اصول ابھی موجود نہیں ہیں<a href="#accordion">[14]</a>۔ تاہم گرڈ کی وجوہات کے حساب سے حل نکالا جا سکتا ہے۔ ایک تفصیلی ہسٹری مریض کو سمجھنے کے لئے کلیدی نکتہ ہے۔ ماضی میں۔بہت عرصہ پہلے،جانچ کے تفصیلی آلات موجود نہیں تھے، اور صرف ماضی کی معلومات کی بنیاد پر ڈاکٹروں کو کسی تشخیص پر پہنچنے اورتجرباتی علاج شروع میں مدد ملتی تھی۔اگرچہ گرڈ کا کوئی سکریننگ ٹیسٹ نہیں ہے ، بنییادی صحت کے مراکز میں محدود وسائل کے ساتھ تفصیلی ہسٹری ہی آپ کے ڈاکٹر کو درست سمت میں لے جا سکتی ہے۔ آپ کی غذائی عادات ، بار بار ہونے والے امراض، سینے کی تکلیف، اورگلے میں جلن کے احساس سب کی معلومات مددگار ثابت ہوسکتی ہیں۔

تشخیص

گرڈ کا کوئی مخصوص تشخیصی ٹیسٹ نہیں ہے، مگر مختلف طریقے موجود ہیں جن سے گرڈ کی موثر تشخیص اور علاج ممکن ہے۔ یہ مختلف تشخیصی تکنیکیں درج ذیل ہیں: 
&nbsp;

۱پروٹون پمپ انہی بیٹر(PPI)&nbsp;ٹرائل

پی پی آئی ایک دوا ہے جو معدے کے تیزاب کےاخراج کو hydrogen-ATPase pump کو روک کربند کرد یتی ہے۔ اس سے مریض کو علامات میں آرام محسوس ہوتا ہے۔ ڈاکٹر مریض کی تفصیلی ہسٹری جاننے&nbsp; اور علامات دیکھنے کے بعد یہ ٹیسٹ تجویز کرسکتاہے۔ اگر تمام شرائط پوری ہوں تو، پی پی آئی کےساتھ تجرباتی طور پر علاج سے علامات ختم ہو سکتی ہیں، اور تشخیص کی تصدیق ہو جاتی ہے۔ 
&nbsp;

تاہم، یہ تجربہ شروع کرنے سے پہلے، آپ کے ڈاکٹر کو یقینی بنانا ہوتا ہے کہ یہ علامات موجود نہ ہوں

<ul dir="rtl">
	<li>نگلنے میں مشکل</li>
</ul>

<ul dir="rtl">
	<li>نگلنے کے دوران تکلیف</li>
</ul>

<ul dir="rtl">
	<li>خون کے خلیات کی کمی</li>
</ul>

<ul dir="rtl">
	<li>وزن میں کمی</li>
</ul>

<ul dir="rtl">
	<li>خون آلود الٹیاں<a href="#accordion">[1]</a> 
	&nbsp;</li>
</ul>

Esophagogastroduodenoscopy,EGD

ای جی ڈی ایک کم وقت پر مشتمل طریقہ کار ہے یعنی آپ یه&nbsp; کروا کر اسی روز گھر جا سکتے ہیں،اس سے آپ کے ڈاکٹرکو یہ دیکھنے میں مدد ملتی ہے کہ آپ کی غذائی نالی، معدے اورڈوڈینم (چھوٹی آنت کا حصہ) میں کیا ہو رہا ہے۔ای جی ڈی عام طور پر یہ جاننے کے لئے کیا جاتا ہے کہ گرڈ سے آپ کے ہاضمے کی نالی میں کوئی بڑی تبدیلیاں تو نہیں آئیں۔ ڈاکٹر Esophageal strictures, Adenocarcinoma اور BE جیسی پیچیدگیوں کی جانچ کرتے ہیں۔امریکن کالج آف گیسٹرو انٹرولوجی یہ بھی تجویزکرتاہے کہ مریض کو ایچ پائیلوری کے لئے بھی ٹیسٹ کیا جائے، اگران میں گرڈ کی علامات پائی گئی ہوں۔ ایچ پائیلوری ایک گرام نیگیٹو بیکٹیریا ہے جو آپ کےمعدے پر حملہ کرتا ہے اوربدنامِ زمانہ بیماری معدے کے السر کا باعث بنتا ہے<a href="#accordion">[1][15]</a>۔ 
&nbsp;

Ambulatory Esophageal pH Monitoring

چونکہ پی پی آئیز گرڈ کی علامات کے خلاف بہت موثرہیں، ڈاکٹروں کے لئے مسئلے کی جڑ کو کھوجنا مشکل ہو جاتا ہے۔ یہ خاص تشخیصی طریقہ یہ دیکھنےمیں مدد کرتا ہے کہ غذائی نالی کا بیرونی حصہ کس طرح معدے کے تیزاب سے متاثر ہے۔ کئی ڈاکٹرAmbulatory Esophageal pH Monitoring کو گرڈ کی تشخیص میں بہترین ٹیسٹ سمجھتے ہیں۔ یہ ان مریضوں میں بھی موثرہوسکتا ہے جو گرڈ کی غذائی نالی کے علاوہ علامات جیسے دائمی کھانسی حتٰی کہ ایستھما ظاہر کرتے ہیں<a href="#accordion">[1][16]</a>۔ 
&nbsp;

اس طریقہ کار کی اتنی اہمیت ہے کہ موجودہ طبی رہنما اصولوں میں زور دیا جاتا ہے کہ ان مریضوں میں لازمی preoperative ambulatory pH monitoring کرائی جائے جن میں کاٹدارغذائی نالی کی سوزش&nbsp; کا کوئی ثبوت ظاہر نہ ہو۔ 
&nbsp;

علاج

گرڈ کے موثر علاج میں ایسے طریقے شامل ہیں جوعلامات کو کم کرنے اور پیچیدگیاں پیدا ہونے سے بچانے میں مدد کریں۔ گرڈ کے علاج کے لئے دستیاب طریقے علامات کی شدت یا گزشتہ علاج کی ناکامی پر منحصر ہیں۔ رائج علاج کے طریقوں میں یہ شامل ہیں: 
&nbsp;

۱۔ طرزِ زندگی میں تبدیلی

گرڈ کے علاج کا سب سے اہم حصہ اپنے طرزِ زندگیکے انتخاب میں تبدیلی لانا ہے۔ جیسے کہ پہلے بتایا گیا ہے، گرڈ سفنکٹر میں خرابی کے علاوہ دیگر وجوہات سے بھی ہوسکتا ہے۔ سب سے زیادہ اثرانداز ہونے والا عنصر غذائی عادت ہے۔ مریضوں کوصحت مند غذائی انتخاب کرنے کا مشورہ دینا چاہئے۔ اس لئے کم مسالے دار اورتلی ہوئی چیزوں کی علاج کے عمل میں ہمیشہ اہمیت رہے گی۔ مزید یہ کہ، چاکلیٹ، کاربونیٹڈ مشروبات اور کیفین جیسی غذائی اشیا استعمال کرنے سے گریز کرنا چاہئے۔۔ اس کے علاوہ، زیادہ بی ایم آئی کے حامل مریضوں کے لئے وزن میں کمی بے حد ضروری ہے۔ وزن میں اضافے سے پیٹ کے اندر دباؤ بڑھ جاتا ہے اور سفنکٹر کو کھلنے پر مجبور کردیتا ہے۔ یہ بھی تجویز کیا جاتا ہے کہ سونے سے تین گھنٹے پہلے آخری کھانا کھا لیا جائے۔اس سے خوراک کو نیچے&nbsp; ہاضمے کی نالی تک جانے کے لئے معقول وقت مل جاتا ہے اور سفنکٹر پر دباؤ نہیں پڑتا۔ مطالعے سے ثابت ہوتا ہے کہ مناسب نیند لینے سے نچلے عضلے کے ڈھیلے پن میں کمی آتی ہے اوریوں مسئلے کی جڑ کا علاج ہوجاتا ہے۔ 
&nbsp;

۔ ۲طبی علاج

جن مریضوں کوطرزِ زندگی میں تبدیلی سے فرق نہیں پڑتا، انہیں ادویات تجویز کی جاتی ہیں۔ گرڈ میں استعمال ہونے والی ادویات ذیل میں دی گئی ہیں:

<ul dir="rtl">
	<li>پی پی آئیپروٹون پمپ انہی بیٹرپیرائیٹل سیلز کی hydrogen ATPase pump inhibitor کے خلاف کام کرتے ہیں جو معدے کے نچلے بنیادی حصے fundus میں پائے جاتے ہیں اور معدے کے تیزاب خارج کرتے ہیں۔ اسلئے یہ ادویات&nbsp; معدے کے تیزاب کا اخراج کم کر دیتی ہیں۔ پی پی آئی کی مثال omeprazole اور esmoprazole ہیں۔ 
	&nbsp;</li>
</ul>

<ul dir="rtl">
	<li>H2RA (Histamine Receptor Antagonist)یہ ادویات پیرائیٹل سیلز کے ہسٹامائن ریسیپٹرز پر کام کرتی ہیں۔ یہ معدے کے تیزاب بنانے والے خلیوں کو ایک کیمیکل ھسٹامائن کے ساتھ ردِ عمل سے روکتی ہیں۔US FDA سے منظور شدہ H2RA agents میںfamotidine اور &nbsp;cimetidine ہیں جب کہ دیگر غیر منظور شدہ ادویات میںranitidine اورnizanitidine شامل ہیں۔H2RA خاص طور پران مریضوں کے لئے مفید ہیں جن کو رات میں علامات ہوں۔ 
	&nbsp;</li>
</ul>

<ul dir="rtl">
	<li>اینٹ ایسڈزAntacids</li>
</ul>

اینٹ ایسڈز دراصل نیوٹرالائزنگ ایجنٹ ہیں اور معدے کے تیزاب کی طاقت کو کم کرتے ہیں۔ یہ دوائیں پیپسن کو روکتی ہیں جو معدے کے اہم خلیات سے خارج ہونے والا ایک&nbsp; پروٹیولک انزائم ہے۔ پیپسن سے معدے کی تیزابیت میں اضافہ ہوتا ہے۔

تمام طرح کے طبی علاج میں پی پی آئی سب سے بہتر سمجھا جاتا ہے۔&nbsp; امرکن کالج آف گیسٹرو انٹرولوجی کی تجاویز کے مطابق پی پی آئی ہر روز ایک بار کھانے سے پہلے تجویز کرنی چاہیئے۔ 
&nbsp;

۔ ۳جراحتی علاج

اگر مریض کو طبی علاج سے فرق نہ پڑے یا اسے بار بار گرڈ ہوتا ہو تو جراحتی علاج کی ضرورت پڑتی ہے۔ ایسے مختلف جراحتی طریقے موجود ہیں جو استعمال کیے جا سکتے ہیں:

<ul dir="rtl">
	<li>Laparoscopic Toupet fundoplication&nbsp;اس میں غذائی نالی کے سفنکٹر کو مضبوط کیا جاتا ہے۔ یہ غذائی نالی کے گرد 270 ڈگری مڑا ہوتا ہے اور معدے اور غذائی نالی کے درمیان ایک مضبوط جنکشن کا کام کرتا ہے<a href="#accordion">[18]</a>۔ 
	&nbsp;</li>
	<li>&nbsp;Laparoscopic Nissen fundoplicationیہ گرڈ کے لئے بہترین طریقہ سمجھا جاتا ہے۔ اس عمل میں سرجن غذائی نالی کے آخرمیں ایک سفنکٹر بنا دیتا ہے تا کہ تیزاب کا الٹا بہاؤ رک جائے<a href="#accordion">[17]</a>۔ 
	&nbsp;</li>
</ul>

۔ ۴اینڈولومینل علاج

یہ نسبتاََ نیا جراحتی طریقہ ہے جوstandard fundoplication کے طریقے سے کم جارحانہ ہے۔اس میں&nbsp;Magnetic Sphincter Augmentation (MSA) اور trans-oral incisionless fundoplication (TIF)شامل ہیں۔مطالعے سے معلوم ہوتا ہے کہ&nbsp;TIF&nbsp;ایک طویل مدتی موثر علاج ہے جب کہ کم مدتی نتائج&nbsp; کے لئے&nbsp;MSA کا&nbsp; موازنہ&nbsp;Nissen Fundoplication سے کیاجا سکتا تھا، اگر وہ اس سے بہتر نہیں تو برابر تھی۔TIF کا تصورToupet fundoplication جیسا ہے، غذائی نالی کے گرد&nbsp; 270ڈگری مڑا ہوا، مگر بغیر زخم پیدا کرنے کے۔ جب کہ MSA میں سفنکٹرکو مقناطیس کے استعمال&nbsp; سے ٹھیک کرنا شامل ہے۔ 
&nbsp;

گرڈ غذائی نالی کی جھلی کی سوزش کا باعث بن سکتا ہے&nbsp; اور دائمی طور پر یہ شدید پیچیدگیوں کی وجہ بن سکتا ہے۔ یہ وہ پیچیدگیاں ہیں جو لمبے عرصے تک رہنے والے گرڈ کے ساتھ پائی جا سکتی ہیں:

<ul dir="rtl">
	<li>ایسوفیگل سٹِرکچر: نچلا عضلہ معدے کے تیزاب سے متاثر ہوتا ہے،اس سے سفنکٹر میں کھرنڈ بن کر ساختی تبدیلی آتی ہے، اس کی چوڑائی کم ہو جاتی ہے اور خوراک نگلنے میں تکلیف ہوتی ہے۔</li>
</ul>

<ul dir="rtl">
	<li>غذائی نالی کا السر: معدے کا تیزاب غذائی نالی کے بافتوں کی ٹوٹ پھوٹ کی خاصیت کی وجہ سے اس کوزخمی کر سکتاہے۔ السرخون بہنے اورنگلنے میں شدید تکلیف کا باعث ہو سکتا ہے۔ </li>
</ul>

<ul>
	<li dir="rtl" style="text-align:right">بیرٹس ایسوفیگس:&nbsp;جیسے کہ پہلے بتایا گیا، کینسرسے پہلے کا زخم ہے جو طویل عرصے کے گرڈ کا نتیجہ ہوسکتا ہے۔ یہ بگڑ کرغذائی نالی کے کینسرمیں تبدیل ہوسکتا ہے<a href="#accordion">[22]</a>۔ 
	&nbsp;</li>
</ul>

گرڈ کے امکانات درج صورتوں کی موجودگی میں بڑھ سکتےہیں:

<ul dir="rtl">
	<li>بی ایم آئی کی زیادہ سطح یا موٹاپا۔ اس صورت میں معدے پر غیر ضروری زائد دباؤ پڑتا ہے۔</li>
</ul>

<ul dir="rtl">
	<li>شراب نوشی کی کثرت۔&nbsp;کیونکہ اس سے غذائئی نالی کا مدافعتی بلغمی مادہ کمزور ہو سکتا ہے۔</li>
</ul>

<ul dir="rtl">
	<li>دمے،بلند فشارِ خون یا ڈپریشن کے مریضوں میں گرڈ کا زیادہ خطرہ ہے، کیونکہ ان کے علاج میں شامل ادویات سے گرڈ ہوسکتا ہے۔</li>
</ul>

<ul dir="rtl">
	<li>سکلیروڈرما کی شکایت ہونا۔ اس صورت میں غذائی نالی کے عضلات کمزور ہوجاتے ہیں۔</li>
</ul>

<ul>
	<li dir="rtl" style="text-align:right">تمباکونوشی۔&nbsp;اس سے غذائی نالی کے نچلے عضلے میں کمزوری ہو کر اس کی کارکردگی متاثر ہوتی ہے۔ 
	 
	&nbsp;</li>
</ul>

اگرچہ گرڈ پیچیدہ ہو کر کینسر سے پہلے کے مرحلے بیرٹ ایسوفیگس میں بدل سکتا ہے، اس سے بچاؤ آسانی سے ممکن ہے۔ ذیل میں وہ طریقے ہیں جن سے آپ اس بیماری سے دور رہ سکتے ہیں:

<ul dir="rtl">
	<li>صحت مندوزن برقراررکھنا: موٹاپا پیٹ کے اندر دباؤ کوبڑھا دیتا ہے اور گرڈ کا امکان بھی بڑھ جاتا ہے۔</li>
</ul>

<ul dir="rtl">
	<li>&nbsp;ہلکاپھلکا کھاناتھوڑےتھوڑےوقفےسےکھانا: کھانے کی کم مقدار معدے میں بننے والے تیزاب میں زیادہ اضافہ نہیں کرتی۔ اس کے برعکس بھاری خوراک سے معدے کے تیزاب کے بننے میں جلد اضافہ ہوجاتا ہے اور معدہ زیادہ بھرا ہونے کی وجہ سے پیٹ کا دباؤ بھی بڑھ جاتا ہے۔</li>
</ul>

<ul dir="rtl">
	<li>صحت بخش غذا: صحت بخش،تلی ہوئی چیزوں اور دودھ کےفیٹس سے پاک غذا کھانی چاہئے۔ کم مسالے دار چیزوں کے استعمال کوبھی یقینی بنانا چاہئے۔</li>
</ul>

<ul dir="rtl">
	<li>سونے سے تین گھنٹے پہلے کھانا کھانا: تجویز کیا جاتا ہے کہ آخری کھانا سونے سے تین گھنٹے پہلے کھایا جائے تاکہ غذا کو ہضم ہونے کا وقت مل جائے۔ </li>
</ul>

<ul dir="rtl">
	<li>تنگ کپڑے پہننے سے گریز: تنگ کپڑے پہننے سے کمر کے گرد دباؤ میں اضافہ ہو جاتا ہے جس کے نتیجے میں پیٹ کا اندرونی دباؤ بڑھ جاتا ہے۔</li>
</ul>

<ul>
	<li dir="rtl" style="text-align:right">سر کو اونچا رکھنا: اہنے سر کو بستر سے چھ سے آٹھ انچ اونچا رکھنے سےقوتِ ثقل اپنا کام کرتی ہے اور معدے کے اجزا کو الٹی سمت میں بہنے سے روکتی ہے<a href="#accordion">[13]</a>۔ 
	&nbsp;</li>
</ul>

حالیہ تحقیق ثابت کرتی ہے کہ کچھ مریضوں میں PPI علاج اثر نہیں دکھاتا جس کی وجہ یہ ہے کہ انہیں کبھی گرڈ ہوا ہی نہیں تھا۔ دیکھا گیا ہے کہ تیس سے چالیس فی صد مریضوں میں طبی علاج کے باوجود علامات برقرار رہیں۔ایک نسبتاََ جدید مطالعہ ظاہر کرتا ہے کہ جن مریضوں کی علامات برقرار رہیں وہ دراصل کسی اور بیماری میں مبتلا تھے جس میں ویسی ہیی سینے کی جلن تھی جسے Non-GERD Heartburn کہا جاتا ہے۔ 
&nbsp;

اس کے علاوہ کچھ کیسز میں گرڈ کی تشخیص کے باوجود، دیکھا گیا کہ جراحتی علاج سے طبی علاج کی نسبت زیادہ فائدہ ہوا۔ یہ بہت ضروری ہے کہ GERD, refractory GERD (rGERD) or Non-GERD Heartburn میں فرق کو سمجھا اورپہچانا جائے۔ 

مزید برآں، گرڈ کے بغیر سینے کی جلنAchalasia ،Megaesophagus یا غذائی نالی کی سوزش کی مختلف بیماریوں میں بھی پائی جا سکتی ہے<a href="#accordion">[21][22]</a>۔ 
&nbsp;

اہم نکات

<ul>
	<li dir="rtl" style="text-align: right;">GERD جسے Gastroesophageal Reflux Disease کہا جاتا ہے، معدے کے اجزا کے غذائی نالی میں الٹے بہاؤ کو کہتے ہیں جس کی وجہ غذائی نالی کے نچلے سفنکٹر عضلے کی معمول کی کارکردگی نہ کرپانا ہے۔</li>
</ul>

<ul dir="rtl">
	<li>گرڈ ہرسال ڈاکٹروں کے پاس جانے کے&nbsp;تقریباََ5.6&nbsp; ملین واقعات کی وجہ ہے۔ امریکہ میں گرڈ کی شرح 18.1 سے27.8 فیصد جب کہ پاکستان میں 22.2 سے 24 فیصد پائی گئی۔</li>
</ul>

<ul dir="rtl">
	<li>ظاہری مشاہدے کی بنا پر گرڈ کی تین اقسام ہیں، Erosive Esophagitis، Barrett Esophagus اور Non-Erosive Reflux Disease.</li>
</ul>

<ul dir="rtl">
	<li>گرڈ کی وجوہات میں پیٹ کابڑھا ہوادباؤ،تلی ہوئی اور مسالے دار غذاؤں اور مخصوص ادویات کا زیادہ استعمال شامل ہیں۔سکلیروڈرما اورہائیٹل ہرنیا جیسی بیماریاں بھی گرڈ کی وجہ ہوسکتی ہیں۔</li>
</ul>

<ul dir="rtl">
	<li>pH monitoring، Esophagogastroduodenoscopy اور PPI ٹرائل سے گرڈ کی تشخیص کی جاتی ہے۔</li>
</ul>

<ul dir="rtl">
	<li>گرڈ کے علاج میں طرزِ&nbsp;زندگی میں تبدیلی،طبی علاج بشمول PPIs اور H2RAs، اور جراحتی طریقے شامل ہیں۔ اگر ایک طریقہ ناکام ہو جائے تو اگلا طریقہ استعمال کیا جاتا ہے۔</li>
</ul>

<ul dir="rtl">
	<li>اگر مناسب علاج نہ ہو تو گرڈخطرناک پیچیدگیوں کا باعث بن سکتا ہے جیسے کہ بیرٹس ایسوفیگس، غذائی نالی کا السر اور ایسوفیگیل سٹرِکچرز۔</li>
</ul>

<ul dir="rtl">
	<li>تمباکو نوشی،زیادہ بی ایم آئی یا شراب نوشی کی کثرت خطرے کے عناصر ہیں اور ان سے بچاؤ گرڈ سے بچنے میں مدد دیتا ہے۔</li>
</ul>

<ul>
	<li dir="rtl" style="text-align: right;">جدید تحقیق بتاتی ہے کہ سینے کی جلن کاتعلق صرف گرڈ سے نہیں ہے اورغذائی نالیم کی سوزش،میگا ایسوفیگس اور ہائیٹل ہرنیا کی وجہ سے بھی ہو سکتا ہے۔</li>
</ul>

[1] Antunes C, Aleem A, Curtis SA. Gastroesophageal Reflux Disease. [Updated 2022 May 4]. In: StatPearls [Internet]. Treasure Island (FL): StatPearls Publishing; 2022 Jan-

[2] Andrew Young, Mythri Anil Kumar, Prashanthi N. Thota Cleveland Clinic Journal of Medicine Apr 2020, 87 (4) 223-230

[3] Dent, J et al. “Epidemiology of gastro-oesophageal reflux disease: a systematic review.” Gut vol. 54,5 (2005): 710-7.

[4] Rasool, Muhammad Fawad et al. “Assessing the Frequency and Risk Factors Associated with Gastroesophageal Reflux Disease (GERD) in Southern Punjab, Pakistan.” Risk management and healthcare policy vol. 14 4619-4625.

[5] Santos-Longhurst A. Gerd and anxiety: Is there a connection? Healthline.

[6] Hershcovici, Tiberiu, and Ronnie Fass. “Nonerosive Reflux Disease (NERD) - An Update.” Journal of neurogastroenterology and motility vol. 16,1 (2010): 8-21.

[7] Long, J D, and R C Orlando. “Nonerosive reflux disease.” Minerva gastroenterologica e dietologica vol. 53,2 (2007): 127-41.

[8] Fass R, Dickman R. Nonerosive reflux disease. Nature News.

[9] Antunes C, Sharma A. Esophagitis. [Updated 2021 Aug 11]. In: StatPearls [Internet]. Treasure Island (FL): StatPearls Publishing; 2022 Jan-

[10] Zhang, Lu et al. “Barrett's Esophagus and Intestinal Metaplasia.” Frontiers in oncology vol. 11 630837.

[11] Barrett's esophagus. Mayo Clinic.

[12] Barrett's esophagus: What is it, symptoms, treatment &amp; tests. Cleveland Clinic.

[13] Gerd (chronic acid reflux): Symptoms, treatment, &amp; causes. Cleveland Clinic.

[14] Screening for gastroesophageal reflux disease (GERD). Winchester Hospital.

[15] Upper Gi Endoscopy. Upper GI Endoscopy | Johns Hopkins Medicine.

[16] Tutuian, Radu. “Update in the diagnosis of gastroesophageal reflux disease.” Journal of gastrointestinal and liver diseases : JGLD vol. 15,3 (2006):

[17] Nissen fundoplication: What is it, procedure details &amp; recovery. Cleveland Clinic.

[18] Stomach. Surgical Weight Loss Specialists Weight Loss &amp; General Surgery Salt Lake City UT.

[19] Risk factors for gastroesophageal reflux disease (GERD). Winchester Hospital.

[20] Robinson E. New research could change how clinicians diagnose, treat Unmanaged Heartburn. OHSU News.

[21] Azzam, Rimon Sobhi. “ARE THE PERSISTENT SYMPTOMS TO PROTON PUMP INHIBITOR THERAPY DUE TO REFRACTORY GASTROESOPHAGEAL REFLUX DISEASE OR TO OTHER DISORDERS?.” Arquivos de gastroenterologia vol. 55Suppl 1,Suppl 1 (2018): 85-91.

Trusted By