کیا آپ ماہواری کے دوران زیادہ خون آنے کی پریشانی سے دوچار ہیں؟ اس مضمون میں اس کی وجوہات، علامات اور مؤثر علاج کے طریقے جانیں۔ اپنی صحت کی بہتر رہنمائی کے لیے میری صحت کے ساتھ معلومات حاصل کریں!

ماہواری میں خون کا زیادہ آنا

جائزہ

ہیوی پیریڈز یا ماہواری کے دوران بہت زیادہ خون بہنےکو مینوریجیا بھی کہا جاتا ہے۔ یہ ایک ایسی حالت ہے جس میں ماہواری میں زیادہ یااضافی دنوں تک خون&nbsp; آتا ہے، جس سےخواتین کی معمول کی سرگرمیوں اور معیار زندگی میں خلل پڑتا ہے۔ 
&nbsp;

ماہواری کے دوران اوسطاً 30-40 ملی لیٹر خون کا اخراج ہوتا ہے۔ لیکن زیادہ خون بہنے کی صورت میں، 80 ملی لیٹر تک خون خارج ہوسکتاہے۔<a href="#accordion">[3]</a>

مینوریجیا ایک عام مسئلہ ہے جو مختلف عمر کی خواتین کو متاثر کرتا ہے۔ اعداد و شمار کے مطابق، یہ صرف امریکہ میں ہر سال 10 ملین سے زیادہ خواتین کو متاثر کرتا ہے۔ اس کا مطلب ہے کہ ہر 5 میں سے کم از کم 1عورت کو اپنی زندگی کے کسی نہ کسی مرحلے پر ماہواری کے دوران بہت زیادہ خون بہنے کا سامنا کرنا پڑتا ہے۔<a href="#accordion">[1]</a> 
&nbsp;

اسباب

بہت سے عوامل ماہواری کے دوران شدید خون بہنے کا سبب بن سکتے ہیں، یہ درج ذیل ہیں:

<ul>
	<li dir="RTL" style="text-align:right">ہارمونل عدم توازن، جیسے تھائیرائیڈ ڈیزیز، یا پی سی او ایس</li>
	<li dir="RTL" style="text-align:right">بچہ دانی میں غیرسرطانی یا سرطانی بڑھوتری</li>
	<li dir="RTL" style="text-align:right">انفیکشن بشمول ایس ٹی آئی</li>
	<li dir="RTL" style="text-align:right">خون جمنے کے عوارض</li>
	<li dir="RTL" style="text-align:right">مانع حمل آلات یا بعض ادویات 
	&nbsp;</li>
</ul>

علامات

&nbsp;ماہواری میں زیادہ خون اس وقت آتا ہے جب ماہواری 7 دن سے زیادہ رہتی ہے اور ہر گھنٹے میں سینیٹری پیڈ یا ٹیمپون تبدیل کرنے کی ضرورت ہوتی ہے۔ 
&nbsp;

دیگر علامات درج ذیل ہیں:

<ul>
	<li dir="RTL" style="text-align: right;">رات کے دوران کئی بار سینیٹری پیڈ تبدیل کرنا</li>
	<li dir="RTL" style="text-align: right;">خون کے بڑے لوتھڑے &nbsp;کا اخراج</li>
	<li dir="RTL" style="text-align: right;">تھکاوٹ اور کمزوری محسوس کرنا</li>
	<li dir="RTL" style="text-align: right;">کپڑوں پہ خون لگنا 
	&nbsp;</li>
</ul>

تشخیص

تشخیص میں ایک تفصیلی طبی &nbsp;ہسٹری اور جسمانی معائنہ شامل ہے۔ ڈاکٹر آپ سے ماہواری کے دنوں اور مقدار کی شدت کا اندازہ کرنے کے لئے استعمال ہونے والےٹیمپون یا سینیٹری پیڈزکی تعداد کا ریکارڈ رکھنے کے لئے کہہ سکتے ہیں۔ 
&nbsp;

وہ کچھ طریقہ کار یا ٹیسٹس بھی تجویز کرسکتے ہیں، جو درج ذیل ہیں:

<ul>
	<li dir="RTL" style="text-align:right">خون کی کمی، تھائیرائیڈ &nbsp;کے عوارض، یا خون جمنے کے مسائل کی جانچ &nbsp;کے لیے خون کے ٹیسٹ</li>
	<li dir="RTL" style="text-align:right">پیپ ٹیسٹ، خاص طور پر 25 سال یا اس سے زیادہ عمر کی خواتین میں</li>
	<li dir="RTL" style="text-align:right">تولیدی اعضاء کو دیکھنے کے لئے الٹرا ساؤنڈ</li>
	<li dir="RTL" style="text-align:right">بچہ دانی کے کینسر یا کینسر کی نشاندہی کے لئے اینڈومیٹریال بائیوپسی</li>
</ul>

&nbsp;ان ابتدائی ٹیسٹس کے بعد اگر بچہ دانی کے معائنے کی ضرورت ہو تو، ڈاکٹر سونوہسٹروگرافی یا ہسٹرواسکوپی کروا سکتے ہیں۔ 
&nbsp;

علاج

علاج کے اختیارات وجہ اور انفرادی صورتحال کی بنیاد پر مختلف ہوتے ہیں۔<a href="#accordion">[2]</a>

<ul>
	<li dir="RTL" style="text-align:right">ادویات،جن میں نان اسٹیرائڈل مانع سوزش ادویات(این ایس اے آئی ڈیز)، ٹران اکسیمک ایسڈ، اورل کنٹرا سیپٹو، ہارمونل ادویات&nbsp;یا آئرن سپلیمنٹس شامل&nbsp;ہیں۔</li>
	<li dir="RTL" style="text-align:right">سرجری کے طریقہ کار، جن میں اینڈومیٹریال ایبلیشن یا، سنگین صورتوں میں، ہسٹریکٹومی شامل ہیں </li>
	<li dir="RTL" style="text-align:right">طرز زندگی میں تبدیلیاں، جیسے غذائی تبدیلی اور ورزش</li>
</ul>

&nbsp;&nbsp; نوٹ:&nbsp;ٹاکسک شاک سنڈروم سے بچنے کے لئے صفا ئی ستھرائی کی عادات اپنا ئیں۔ خاص طور پر اگر آپ ٹیمپون استعمال کررہی ہوں۔ مزید برآں، زیادہ پانی پی کر ہائیڈریٹ رہنا اور غذائیت سے بھرپور غذائیں کھانا معمول بنائیں۔ 
&nbsp;

علاج نہ کیا جانے والا مینوریجیا پیچیدگیوں کا باعث بن سکتا ہے،جو درج&nbsp; ذیل ہیں:

<ul>
	<li dir="RTL" style="text-align:right">خون کے زیادہ اخراج کی وجہ سے خون کی کمی</li>
	<li dir="RTL" style="text-align:right">شدید درد کی وجہ سے روزمرہ کی سرگرمیوں میں خلل</li>
	<li dir="RTL" style="text-align:right">ذہنی اور جسمانی تناؤ کی وجہ سے معیار زندگی متاثرہونا 
	&nbsp;</li>
</ul>

کئی عوامل ماہواری میں زیادہ خون بہنے کے خطرے کو بڑھا سکتے ہیں:

<ul>
	<li dir="RTL" style="text-align:right">عمر،نوعمروں اور سن یاس کے قریب &nbsp;خواتین زیادہ حساس ہوتی ہیں</li>
	<li dir="RTL" style="text-align:right">مینوریجیا یا خون بہنے کے عوارض کی فیملی ہسٹری&nbsp;جیسے وون ولیبرانڈڈیزیز۔</li>
	<li dir="RTL" style="text-align:right">دائمی طبی مسائل جیسے پولی سسٹک اووری سنڈروم (پی سی او ایس) یا تھائی رائیڈ &nbsp;کے عوارض</li>
	<li dir="RTL" style="text-align:right">حمل کی پیچیدگیاں، جیسے اسقاط حمل یا پلیسینٹا پریویا 
	&nbsp;</li>
</ul>

&nbsp;اگرچہ ماہواری میں شدید خون بہنے کی کچھ وجوہات کو روکا نہیں جاسکتا ہے، لیکن خطرے کے عوامل کو کنٹرول کرنے سے اس کی روک تھام میں مدد مل سکتی ہے:

<ul>
	<li dir="RTL" style="text-align:right">گائناکولوجسٹ &nbsp;سےباقاعدگی سے چیک اپ کروانا</li>
	<li dir="RTL" style="text-align:right">صحت مند وزن کو برقرار رکھنا اورکسی بھی دائمی مسئلے پر کنٹرول </li>
	<li dir="RTL" style="text-align:right">خون کی کمی سے بچنے کے لئے آئرن اور دیگر غذائی اجزاء سے بھرپور غذا کھانا 
	&nbsp;</li>
</ul>

اہم نکات

<ul>
	<li dir="RTL" style="text-align:right">ہیوی پیریڈز یا ماہواری کے دوران بہت&nbsp;زیادہ&nbsp;خون بہنےکو&nbsp;مینوریجیا&nbsp;بھی&nbsp;کہا جاتا ہے۔ یہ ایک ایسی حالت ہے جس میں ماہواری&nbsp;&nbsp;میں زیادہ&nbsp;یا اضافی دنوں&nbsp; تک خون&nbsp;آتا ہے، جس سے خواتین کی&nbsp;معمول کی سرگرمیوں اور معیار زندگی میں خلل پڑتا ہے.</li>
	<li dir="RTL" style="text-align:right">ایک اندازے کے مطابق، ہر پانچ میں سے ایک عورت کو اپنی زندگی کے کسی نہ کسی &nbsp;مرحلےپر ماہواری کے دوران بہت زیادہ خون بہنے کا سامنا کرنا پڑتا ہے.</li>
	<li dir="RTL" style="text-align:right">ہیوی پیریڈز کی وجوہات میں ہارمونل عدم توازن، خون جمنے کے عوارض اور بعض ادویات کا استعمال شامل ہیں.</li>
	<li dir="RTL" style="text-align:right">ہیوی پیریڈز کے لئے تشخیصی طریقہ کار میں خون کے ٹیسٹ، الٹراساؤنڈ اور اینڈومیٹریال بائیوپسی شامل ہوسکتے ہیں.</li>
	<li dir="RTL" style="text-align:right">علاج میں ادویات، سرجری کے طریقہ کاراور طرززندگی میں تبدیلیاں شامل ہیں.</li>
	<li dir="RTL" style="text-align:right">عمر، خون بہنے کے عوارض کی فیملی ہسٹری اور دائمی مسائل،ہیوی پیریڈز کے خطرے کو بڑھا سکتی ہیں.</li>
	<li dir="RTL" style="text-align:right">ہیوی پیریڈز،مجموعی معیار زندگی کو متاثرکرنے کے علاوہ خون کی کمی کا باعث بن سکتے ہیں.</li>
	<li dir="RTL" style="text-align:right">باقاعدگی سے چیک اپ اس حالت کو کنٹرول کرنے میں مدد کرسکتا ہے.</li>
</ul>

Trusted By