انسولین کے خلاف مزاحمت جسم میں ایف ایس ایچ کی سطح کو دبا دیتی ہے۔

پی سی او ایس میں انسولین مزاحمت۔اہم معلومات

Dr. Saad Ullah Siddiqui Clinic

Online Consultation

سعد اللہ صدیقی

جائزہ

پولی سسٹک اووری سنڈروم (پی سی او ایس) میں انسولین مزاحمت سے مراد ایسی حالت ہے جس میں جسم انسولین بناتاتو ہے، مگر اس کا استعمال موثر طور پر کرنے سے قاصر ہوتا ہے۔ 
&nbsp;

آپ کا جسم ایک گھر کی مانند ہوتا ہے، جب کہ انسولین اس گھر کی چابی ہوتی ہے جو کہ جسم کے اندر موجود شکر کو توانائی میں بدلنے کے لئے استعمال کرتی ہے۔ لیکن بعض اوقات،پی سی او ایس کی حالت میں،یہ چابی بہتر طریقے سے کام کرنے کی استعداد کھو بیٹھتی ہے اور شکر سے توانائی کا حصول مشکل ہوجاتاہے۔ 

اس کے نتیجے میں خون میں شکر کی سطح میں اضافہ ہونے لگتا ہے،جو ہارمونل توازن اور جسمانی صحت میں بگاڑ کا باعث ہو سکتا ہے۔ جس کی وجہ سے جسم کو شکر کی سطح کو نارمل لیول پر برقرار رکھنے کےلئے اضافی انسولین بنانے کی ضرورت پڑتی ہے۔ 
&nbsp;

تقریبا5 سے10 ٪ خواتین میں بچہ پیدا کرنے کی عمر کے دوران پی سی او ایس ہو سکتا ہے۔<a href="#accordion">[5]</a> پی سی او ایس میں مبتلا44 سے 70٪ خواتین کو انسولین مزاحمت کا سامنا کرنا پڑ سکتا ہے.<a href="#accordion">[5]</a> جس کی وجہ سے خون میں انسولین کی سطح بڑھ سکتی ہے۔ اس کے نتیجے میں اووریز زيادہ مقدار میں اینڈروجن یا مردانہ ہارمون بنانے کے لئے متحرک ہو جاتی ہیں۔ اینڈروجن کی بڑھی ہوئی سطح ماہواری کے سائيکل کو بے قاعدہ کرنے کا سبب بن جاتے ہیں۔ 
&nbsp;

انسولین مزاحمت اووری کےنارمل افعال کو بھی متاثر کرسکتی ہے۔ جس کی وجہ سے اووریز ایسی گانٹھیں بنانے لگتی ہیں جو کہ وقت کے ساتھ سسٹ/گلٹی میں تبدیل ہو سکتی ہیں۔ یہ سسٹس عام طور پر نقصان دہ نہیں ہوتی ہیں،مگر ان کی وجہ سےہارمونل بے قاعدگی ہو سکتی ہے۔ 
&nbsp;

اسباب

پی سی او ایس میں انسولین مزاحمت کی حقیقی وجہ تو اب تک معلوم نہیں ہو سکی ہےمگر جینیاتی،ہارمونل اور طرز زندگی کا مجموعہ ایسے عوامل ہو سکتے ہیں جو اس کا سبب ہو سکتے ہیں.

<ul>
	<li dir="RTL" style="text-align:right">جینیاتی: جینیاتی عوامل جسم میں انسولین کے انتظام میں بہت اہم کردار ادا کرتے ہیں ۔انسولین مزاحمت کی فیملی ہسٹری،ٹائپ ٹو ذيابیطس یا میٹابولک سنڈروم کسی بھی&nbsp; خاتون کو &nbsp;انسولین مزاحمت کے خطرے سے دوچار کر سکتے ہیں۔ &nbsp; 
	&nbsp;</li>
	<li dir="RTL" style="text-align:right">ہارمونل عدم توازن:&nbsp;پی سی او ایس میں مردانہ ہارمون،ٹیسٹواسٹیرون کی سطح کے بڑھنے کا سبب بن سکتا ہے۔ اینڈروجن کی بڑھی ہوئی یہ سطح انسولین کی نشاندہی میں رکاوٹ کا سبب بنتی ہےاور انسولین مزاحمت کا باعث ہو سکتی ہے۔ &nbsp; 
	&nbsp;</li>
	<li dir="RTL" style="text-align:right">موٹاپا: جسم کا اضافی وزن،خاص طور پرپیٹ کے ارد گردکےحصوں میں جمع شدہ چربی،پی سی او ایس میں مبتلاخواتین میں انسولین مزاحمت کا سبب بن سکتی ہے۔چربی کےخلیات سوزش پیدا کرنے والے ایسے کیمیائی مادے پیدا کرتے ہیں جو انسولین کی&nbsp;حساسیت کو کم کرسکتے ہیں۔ 
	&nbsp;</li>
	<li dir="RTL" style="text-align:right">سوزش:&nbsp;دائمی نچلی سطح کی سوزش، انسولین مزاحمت اور پی سی او ایس دونوں&nbsp; حالتوں کی ایک مشترکہ علامت ہے۔ جو ایک دوسرے کے ساتھ مل کر اس کو مزید بڑھا سکتے ہیں۔ </li>
	<li dir="RTL" style="text-align:right">گٹ مائيکروبیوم:&nbsp;جدید تحقیقات کے مطابق&nbsp;معدے میں موجود بیکٹیریا کا عدم توازن،سوزش اور انسولین مزاحمت کا باعث بن سکتا ہے.<a href="#accordion">[6]</a> 
	&nbsp;</li>
	<li dir="RTL" style="text-align:right">دیگر:&nbsp;آرام دہ طرز زندگی،ذہنی دباؤ یاغیر صحت مند غذائيں (زیادہ نشاستے،شکر یا حل شدہ چکنائی والی غذا) جسم میں انسولین کی حساسیت کو ختم کرکے انسولین مزاحمت کا سبب بن سکتے ہیں۔ 
	&nbsp;</li>
	<li dir="RTL" style="text-align:right">انسولین فیڈ بیک لوپ: کچھ کیسز میں&nbsp; انسولین مزاحمت کی وجہ وہ خود بھی ہو سکتی ہے ۔انسولین کی بلندشرح کی وجہ سےاووریز میں اینڈروجن کےبننے کا عمل تیز ہو جاتا ہے،جو کہ انسولین مزاحمت کو بڑھا کر انسولین فیڈ بیک لوپ کا باعث بنتا ہے۔ 
	&nbsp;</li>
</ul>

نوٹ: یہ بات سمجھنا بہت اہم ہے کہ یہ عوامل ایک دوسرے سے متعلق ہونے کے ساتھ ساتھ،ایک دوسرے پر اثر انداز بھی ہوتے ہیں اور ایسی پیچیدہ صورتحال پیدا کرتے ہیں جو پی سی او ایس میں انسولین مزاحمت کا باعث بنتے ہیں ۔ کیوں کہ پی سی او ایس ایک متفرق حالت ہےجس کے اسباب و علاج ہر فرد میں دوسرے سے مختلف ہو سکتے ہیں۔ اگر آپ کو پی سی او ایس کے ہونےکا شبہ ہو اور آپ انسولین مزاحمت کی علامات کا سامنا کر رہے ہوں،تو اس صورت میں یہ ضروری ہے کہ کسی ماہر معالج سے رابطہ کریں تاکہ وہ تشخیص کے ساتھ موثر علاج تجویز کر سکے۔ 
&nbsp;

علامات

انسولین مزاحمت، پی سی او ایس کی ایک عام خصوصیت ہے جس کے آثار و علامات کچھ اس طرح سے ہو سکتی ہیں:<a href="#accordion">[2]</a>

<ul>
	<li dir="RTL" style="text-align:right">ماہواری کا بے قاعدہ سائيکل،طویل سائيکل یا <a href="https://merisehat.pk/ur/disease/dysmenorrhea">ماہواری</a> کا نہ آنا(امینوریا)</li>
	<li dir="RTL" style="text-align:right">بالوں کی نمو میں اضافہ(ہئيرسوٹزم)چہرے، سینے،کمریاپیٹ پر </li>
	<li dir="RTL" style="text-align:right">سر کے بالوں کا پتلا یا کم ہو جانا(اینڈروجنک ایلوپیشیا)</li>
	<li dir="RTL" style="text-align:right">جسم کےکچھ خاص حصوں کا سیاہ ہو جانا (ایسنتھوسز نیگریکینس)خاص طور پر گردن،بغلوں اور چڈوں میں </li>
	<li dir="RTL" style="text-align:right">ایکنی خاص طور پرتھوڑی اورجبڑوں کی طرف </li>
	<li dir="RTL" style="text-align:right">جلد میں تبدیلی جیسےکہ مسوں کا بننا،خاص طور پرگردن یا بغلو ں میں </li>
	<li dir="RTL" style="text-align:right">وزن میں اضافہ اور وزن کم کرنے میں دشواری </li>
	<li dir="RTL" style="text-align:right">خون کے ٹیسٹ میں انسولین اور گلوکوز کی بڑھی ہوئی سطح </li>
	<li dir="RTL" style="text-align:right">ہاتھوں اور پیروں کا سن ہونا </li>
	<li dir="RTL" style="text-align:right">تھکن اور کمزوری </li>
	<li dir="RTL" style="text-align:right">بھوک اور پیاس کا بڑھ جانا </li>
	<li dir="RTL" style="text-align:right">بار بار پیشاب کی حاجت کا محسوس ہونا </li>
	<li dir="RTL" style="text-align:right">میٹھا کھانے کی خواہش کا بڑھ جانا 
	&nbsp;</li>
</ul>

نوٹ:&nbsp;یاد رکھیں انسولین مزاحمت کا تعلق پی سی او ایس کے اثرات سے جڑا ہوتا ہے۔ جیسے کہ ہارمونل عدم توازن اور میٹا بولک بے قاعدگی۔ پی سی او ایس میں مبتلا تمام افراد کو ان علامات کا سامنا نہیں کرنا پڑتا اور ان کی شدت بھی مختلف ہو سکتی ہے۔ 
&nbsp;

تشخیص

ڈاکٹر ماہواری کے سائیکل، اس کی علامات،ذيابیطس،میٹابولک خرابی اور دیگر طبی حالت کےحوالےسے معلومات حاصل کر سکتا ہے۔ 

جس کےبعد طبی معائنہ کیا جا سکتا ہے جس میں جسمانی وزن، بی ایم آئی،جسم میں چربی کی تقسیم،جلد میں تبدیلی جیسے کہ ایکینتھوسز نیکریکین کا بھی مشاہدہ کیا جاتاہے۔ 
&nbsp;

لیبارٹری ٹیسٹ بھی انسولین مزاحمت کے بارے میں جاننے میں اہم کردار ادا کر سکتےہیں ۔عام طور پر، ڈاکٹر انسولین کی سطح اور گلوکوز میٹابولزم کی جانچ کے لئے یہ ٹیسٹ کروا سکتے ہیں۔<a href="#accordion">[2]</a>

<ul>
	<li dir="RTL" style="text-align:right">فاسٹنگ بلڈ گلوکوز: اس میں خون میں شوگر لیول کو ساری رات کےبعدخالی پیٹ یا8 گھنٹوں کے فاقے کےبعد چیک کیا جاتا ہے ۔بڑھا ہوا گلوکوز لیول انسولین مزاحمت کی نشاندہی کر سکتا ہے۔</li>
	<li dir="RTL" style="text-align:right">فاسٹنگ انسولین: عام یا قدرے بلند گلوکوز کی سطح&nbsp;کےساتھ، فاسٹنگ انسولین کی بڑھی ہوئی سطح بھی انسولین مزاحمت کی علامت ہو سکتی ہے۔ </li>
	<li dir="RTL" style="text-align:right">اورل گلوکوز ٹولیرنس ٹیسٹ (او جی ٹی ٹی): اس ٹیسٹ میں فاسٹنگ بلڈ گلوکوز ٹیسٹ کو بنیادی حوالےکےطور پر استعمال کیا جاتا ہے۔جس کے بعد گلوکوز کا ایک محلول پلایا جاتا ہے اور اس کے دو گھنٹوں کے بعددوبارہ سے بلڈ گلوکوز ٹیسٹ کیا جاتا ہے۔ انسولین مزاحمت کی صورت میں، جسم کو گلوکوز کے اس دباؤ کا انتظام کرنے میں کافی جدوجہد کرنی پڑ سکتی ہے۔ </li>
	<li dir="RTL" style="text-align:right">ہیموگلوبین اے1سی(ایچ بی اے 1سی): یہ ٹیسٹ گزشتہ تین مہینوں کے اوسط بلڈ گلوکوز لیول کے بارے میں بتاتا ہے۔ اس لیول کا بڑھا ہونا انسولین مزاحمت کی نشاندہی کرتا ہے۔ 
	&nbsp;</li>
</ul>

کچھ کیسز میں معالج کچھ دیگر میڈیکل ٹیسٹ بھی تجویز کرسکتے ہیں، تاکہ دیگر عوامل کے بارے میں جانا جاسکے: 

<ul>
	<li dir="RTL" style="text-align:right">لیپڈ پروفائل: یہ ٹیسٹ کولیسٹرول اور ٹرائی گلائيسیرائيڈکی سطح کو ناپنے کےلئے کیاجاتا ہے،جو کہ انسولین مزاحمت&nbsp; کا سبب بن سکتے ہیں۔ </li>
	<li dir="RTL" style="text-align:right">اینڈروجن لیول: چونکہ انسولین مزاحمت اینڈروجن کی سطح پر اثر انداز ہو سکتی ہے،تو اس صورت میں ٹیسٹیرون جیسے ہارمون کو ناپنا بھی مفیدہو سکتا ہے۔ 
	&nbsp;</li>
</ul>

علاج

پی سی او ایس میں انسولین مزاحمت کا علاج طرز زندگی میں تبدیلی اور کچھ صورتوں میں ادویات کا استعمال علاج کے مقصد سے کیا جاتا ہے ۔اس کا مقصد انسولین کی حساسیت کو بڑھا کر، پی سی او ایس سےجڑی علامات کو بہتر بنانا اور صحت سے جڑی پیچیدگیوں کو درست کرنا ہوتا ہے۔ 

<ul style="margin-left:40px">
	<li dir="RTL" style="text-align:right">
	<h5>طرز زندگی میں تبدیلی </h5>
	</li>
</ul>

یہ کچھ اس طرح سے ہو سکتی ہیں: 
&nbsp;

1۔ صحت مند غذا 

متوازن غذا&nbsp; کا استعمال کریں جن میں اناج،پھل،دالوں سے ملنے والی پروٹین،اور صحت مند چکنائی شامل ہے۔مرکب کاربوہائیڈریٹ کا استعمال کریں جو خون میں شوگر لیول کو کم کر سکتا ہے۔ میٹھا کھانےکو کم یا ترک کریں۔ اس کےعلاوہ ریفائنڈ کاربوہائیڈریٹ اور پراسیسڈ فوڈ کا استعمال کم کریں۔ 
&nbsp;

2۔ کم کھائيں 

کھانےکی مقدار کم رکھیں تاکہ زیادہ کھانے سے بچ سکیں اور خون میں شوگر لیول نہ بڑھے۔ 
&nbsp;

3۔ باقاعدگی سے ورزش 

اپنے وزن کو کم کرنے اور انسولین حساسیت کو بڑھانے کے لئے ہر روز کم از کم 30 منٹ تک ہلکی پھلکی ورزش کریں ۔ ایروبک ورزش (تیز قدموں کےساتھ چلنا،جاگنگ اورسائکلنگ) اور بھاری ورزش انسولین مزاحمت کو بہتر بناتے ہیں اور پی سی او ایس میں مبتلا خواتین میں دل کی بیماری کے امکانات کو کم کرتے ہیں۔ 

بہت زيادہ یا بھاری ورزش سے پرہیز کریں، کیوں کہ یہ ایڈرینل گلینڈ کی ضرورت کو بڑھا دیتے ہیں اور مزید مسائل کا سبب بن سکتے ہیں۔ 
&nbsp;

4۔ وزن کا انتظام

صحت مند وزن کو برقرار رکھنا یا بتدریج وزن کا کم ہونا،انسولین کی حساسیت اور پی سی او ایس کی علامات کو بہتر بنا سکتا ہے۔ صرف5 سے10٪ تک جسم کے وزن میں کمی علامات کو بہتربنا سکتی ہیں۔<a href="#accordion">[3]</a> 
&nbsp;

5۔ دیگر 

تمباکو نوشی ترک کر دیں۔اپنے آرام کا خیال رکھیں اور ذہنی دباؤ کا انتظام کرنا بھی سیکھیں۔ یہاں تک کہ دائمی انفیکشن بھی کارٹیسول کی اضافی پیداوار کا سبب بن سکتا ہے جو کہ انسولین مزاحمت کا باعث بن سکتا ہے۔ 
&nbsp;

<ul>
	<li dir="RTL" style="text-align:right">ادویات </li>
</ul>

علاج کےلئے استعمال کی جانے والی ادویات کچھ اس طرح سے ہو سکتی ہیں: 

1۔ انسولین حساسیت بڑھانے والی ادویات 

ان ادویات میں میٹافورمین شامل ہیں، جو کہ عام طور پر انسولین کی حساسیت کو بہتر بنانے کے لئے تجویز کی جاتی ہیں ۔یہ انسولین مزاحمت کو کم کرتی ہےاور اوولیوشن کو بہتر بنا کر ماہواری کے سائيکل کو بہتر بناتی ہیں ۔ 

بعض اوقات،تھیازولیڈائین ایڈیونس بھی انسولین کی حساسیت کو بہتر بنانے کے لئےتجویز کی جا سکتی ہے ۔ مگر اس کے ضمنی&nbsp; اثرات کی وجہ سے اس کا استعمال کم ہی کیا جاتا ہے۔ &nbsp; &nbsp; 
&nbsp;

&nbsp;2۔ اینٹی اینڈروجن ادویات 

اسپائرونولیکٹون جیسی ادویات،اینڈروجن کی بڑھی ہوئی سطح کو کم کر کےان علامات کو بہتر بناتی ہیں جن میں ہئیرسوٹزم ، مہاسے وغیرہ شامل ہیں۔ ان علامات کی نشاندہی سے،بلواسطہ طور پر صحت کی صورتحال کو بہتر بنایا جاسکتا ہے۔ 

3۔ مشترکہ اوورل مانع حمل ادویات(سی او سی ایس)

یہ ادویات پی سی او ایس کےمریضوں کو تجویز کی جاتی ہیں کیونکہ یہ بےقاعدہ ماہواری کےسائیکل کو ٹھیک کرتی ہیں اور اینڈروجن سطح کو کم کرتی ہیں۔ اس کے علاوہ مہاسے اور ہئیر سوٹزم جیسی علامات کو بھی بہتر بناتی ہیں۔ تاہم پی سی او ایس میں ٹائپ 2 ذيابیطس کے خطرے کے حوالے سے ان ادویات کے اثرات کے بارے میں حال ہی میں پتہ چلا ہے.<a href="#accordion">[4]</a> 
&nbsp;

<ul>
	<li dir="RTL" style="text-align:right">
	<h5>دیگر علامات کا انتظام </h5>
	</li>
</ul>

انسولین کے خلاف مزاحمت کے ساتھ ساتھ اس سے جڑی ديگر علامات کا انتظام کرنا بھی ضروری ہوتا ہے جیسے کہ ڈسلیپیڈمیا(لیپڈ کی غیر معمولی سطح) اور ہائی بلڈ پریشر وغیرہ۔ پی سی او ایس کے علاج سے انسولین کی مزاحمت کو بھی بہتر بنایا جا سکتا ہے۔ 
&nbsp;

<h5 dir="RTL">یاد رکھنے کی بات&nbsp;</h5>

<ul>
	<li dir="RTL" style="text-align:right">پی سی او ایس کے علاج میں انسولین&nbsp; مزاحمت کا علاج کرنا بہت اہم ہوتا ہے۔</li>
	<li dir="RTL" style="text-align:right">علاج کی مکمل منصوبہ بندی کا انحصار مریض کی منفرد علامات اور ضروریات کی بنیادپرکیا جاتا ہے جن میں عمر،میڈیکل ہسٹری،موجودہ صحت کی صورتحال اور دیگر عوامل کو نظر میں&nbsp;رکھا جاتا ہے۔ </li>
	<li dir="RTL" style="text-align:right">پی سی او ایس سے متاثر تمام مریضوں کو علاج کے لئے ادویات کی ضرورت نہیں ہوتی ہے ۔طرز زندگی میں تبدیلی علاج کے لئے اٹھایا جانے والا سب سے پہلا قدم ہو سکتا ہے۔ </li>
	<li dir="RTL" style="text-align:right">اپنے معالج کے ساتھ باقاعدگی سے رابطے میں رہنا اور اپنی صحت کے مطابق علاج کی منصوبہ بندی اور اس حوالے سے اقدامات بھی ضروری ہیں۔ 
	&nbsp;</li>
</ul>

پی سی او ایس میں انسولین مزاحمت کی وجہ سے کچھ افراد میں صحت کے سنگین مسائل بھی ہو سکتے ہیں ، خاص طور پر اگر آپ کا وزن بھی زیادہ ہو.<a href="#accordion">[1]</a>

<ul>
	<li dir="RTL" style="text-align: right;">فالج </li>
	<li dir="RTL" style="text-align: right;">تولیدی صلاحیت کےمسائل،جن میں اسقاط حمل، ایمبریو کی نا مناسب نمو اور&nbsp; اوولیوشن کا نہ ہونا </li>
	<li dir="RTL" style="text-align: right;">دل کی بیماریاں،جن کا خطرہ عمر کے ساتھ بڑھ جاتا ہے </li>
	<li dir="RTL" style="text-align: right;">50فیصدسے زيادہ خواتین جن کی عمر 40 سال تک ہوتی ہے&nbsp;ذیابیطس میں مبتلا ہو سکتی ہیں </li>
	<li dir="RTL" style="text-align: right;">دوران حمل ذیابیطس،جو کہ زچہ اور بچہ میں ٹائپ2 ذیابیطس کے بڑھتے ہوئے خطرے کا&nbsp; سبب بن سکتی ہے </li>
	<li dir="RTL" style="text-align: right;">زیادہ ایل ڈی ایل کولیسٹرول اور کم ایچ ڈی ایل کولیسٹرول لیول، دل کے امراض کے خطرے کو بڑھا دیتا ہے </li>
	<li dir="RTL" style="text-align: right;">بے خوابی جو کہ ٹائپ2 ذیابیطس اور دل کے امراض کا سبب ہو سکتی ہے </li>
	<li dir="RTL" style="text-align: right;">ہائی بلڈ پریشرجو دماغ،دل اورگردے کو نقصان پہنچا سکتا ہے خاص طور پر حمل کے دوران </li>
	<li dir="RTL" style="text-align: right;">پی سی او ایس کا تعلق اضطراب اور ڈپریشن سے بھی ہوتا ہے 
	&nbsp;</li>
</ul>

خطرے کے کئی عوامل، پی سی او ایس میں مبتلا خواتین میں انسولین کےخلاف مزاحمت کو بڑھا سکتےہیں ۔جن کے بارے میں جاننے سے علاج کی حکمت عملی طے کرنے میں مدد مل سکتی ہے۔ 

<ul>
	<li dir="RTL" style="text-align: right;">جینیات</li>
	<li dir="RTL" style="text-align: right;">موٹاپا اور پیٹ پر بڑھی ہوئی چربی </li>
	<li dir="RTL" style="text-align: right;">غیر صحت مند طرز زندگی اور غذا </li>
	<li dir="RTL" style="text-align: right;">ہارمونل بے&nbsp;اعتدالی ،خاص طور پرپی سی او ایس کی وجہ سےٹیسٹواسٹیرون </li>
	<li dir="RTL" style="text-align: right;">عمر،انسولین مزاحمت کسی بھی عمر میں ہو سکتی ہے،خاص طور پر بلوغت کے ابتدائی دنوں میں </li>
	<li dir="RTL" style="text-align: right;">کچھ خاص اقوام اورنسلیں مثال کے طور پر&nbsp; ہسپانوی،امریکن،افریقن امریکن افراد ایشیائی یا سفید فام خواتین کےمقابلےمیں اس بیماری میں مبتلا ہونے کے زیادہ امکانات رکھتےہیں۔<a href="#accordion">[2]</a></li>
	<li dir="RTL" style="text-align: right;">دیگر طبی مسائل،جیسے کہ حمل کے دوران ذیابیطس کی ہسٹری،ہائی بلڈ پریشر،دائمی سوزش اورلیپڈ کی بے قاعدگی </li>
	<li dir="RTL" style="text-align: right;">ذیابطیس اور انسولین مزاحمت کی فیملی ہسٹری </li>
	<li dir="RTL" style="text-align: right;">&nbsp;کم سونا یا&nbsp;نیندکے مسائل 
	&nbsp;</li>
</ul>

انسولین مزاحمت ایک پیچیدہ حالت ہے، جو پی سی او ایس کے ذیلی اثرات کے سبب ہوتی ہے ۔بروقت تشخیص اور مناسب علاج انسولین مزاحمت کے انتظام میں مددگار ثابت ہو سکتی ہے ۔جس سے علامات میں بہتری اور معیارزندگی بہتر ہو سکتی ہے۔ 
&nbsp;

خواتین جن کی عمر 18سے40 سال تک ہوتی ہے اور وہ پی سی او ایس میں بھی مبتلا ہوتی ہیں،ان پر کی جانے والی تحقیق کے مطابق ہومیوسٹاسس ماڈل اسسمنٹ انڈیکس آف انسولین&nbsp; ریزیزٹنس (ایچ او ایم اے ۔ آئی آر) کا تعلق بلڈ پریشر،ہارمون لیول اور جگر کے&nbsp; خامروں کی سطح جیسے عوامل سے ہوتا ہے ۔ 

اس تحقیق میں شامل افراد کو&nbsp; پی سی او ایس کی علامات کی بنیاد پر4گروپ میں تقسیم کیا گیا ۔ان علامات میں بے قاعدہ ماہواری سے لے کر اوولیوشن کا نہ ہونا(O)،بہت زيادہ مردانہ ہارمون کی پیداوار(H)،اووریز میں کچھ خاص تبدیلیوں کاہونا(P) شامل ہیں۔ اگر کسی بھی فرد میں ان میں سے دو علامات موجود ہوں تو ان کو ایک گروپ میں رکھا جاتا ہے۔ 
&nbsp;

<ol>
	<li dir="RTL" style="text-align:right">O&ndash;H&ndash;P</li>
	<li dir="RTL" style="text-align:right">H&ndash;P</li>
	<li dir="RTL" style="text-align:right">O&ndash;H</li>
	<li dir="RTL" style="text-align:right">O&ndash;P 
	&nbsp;</li>
</ol>

<ul>
	<li dir="RTL" style="text-align:right">زيادہ وزن والی یا موٹاپے&nbsp;کا شکار خواتین جو پی سی او ایس میں مبتلا ہوں،ان کا بلند ایچ او ایم اے -آئی آر کا تعلق بلند ڈائی ایسٹولک بلڈ پریشر،اینڈروجن سطح اور ٹرائی گلیسر ائڈز سے ہوتا ہے، مگر ہارمون کا کم ہونا گلوبیلن سےجڑا ہوتا ہے۔ </li>
	<li dir="RTL" style="text-align:right">نارمل وزن رکھنے والی پی سی او ایس میں مبتلا خواتین میں،بلند ایچ او ایم اے -آئی آر کا تعلق جگر کےبلند انزائم سطح اور ڈائی ایسٹولک بلڈ پریشر کے کم ہونے سے ہوتا ہے۔ </li>
	<li dir="RTL" style="text-align:right">تاہم،O-H-P فینوٹائپ میں انسولین مزاحمت کا خطرہ دگنا ہوتا ہے۔ </li>
</ul>

تحقیق سےیہ پتہ چلتا ہے کہ اس طرح کی خاصیت رکھنے والے فینو ٹائپ،ڈاکٹرز کی میٹابولک مسائل کی تشخیص میں مدد دیتے ہیں۔ لہذا جو خواتین جو پوری طرح پی سی او ایس کا شکار ہوتی ہیں، ان کو میٹا بولک خرابیوں کے بارے میں جاننے کے لئے باقاعدہ اسکریننگ کروانی چاہئے۔<a href="#accordion">[7]</a> 
&nbsp;

اہم نکات

<ul>
	<li dir="RTL" style="text-align:right">پی سی او ایس میں مبتلا خواتین&nbsp; میں انسولین کے خلاف مزاحمت کا خطرہ اس وقت زیادہ ہوتا ہے، جب ان کی عمر40 سال کی ہو جائے ۔ اس کے ساتھ ساتھ آرام دہ طرز زندگی کی وجہ سے ان کو ہائی بلڈ پریشر،ہائی کولیسٹرول اور موٹاپے کی شکایت بھی ہو&nbsp; سکتی ہے۔ </li>
	<li dir="RTL" style="text-align:right">انسولین مزاحمت کی وجہ سےجسم میں کچھ تبدیلیاں بھی واقع ہوتی ہیں،جیسے کہ ماہواری کا بے قاعدہ ہونا یا جسم پرنا پسندیدہ بالوں کی نمو کا بڑھ جانا شامل ہیں۔ </li>
	<li dir="RTL" style="text-align:right">پی سی او ایس کے&nbsp;ساتھ انسولین مزاحمت کا علاج کرنے کے لئے ،ایک ہمہ جہت طریقہ کار کی ضرورت ہوتی ہے ۔ متوازن غذا جس میں مکمل اناج، مرکب کاربوہائيڈریٹ،پروٹین اورصحت بخش چکنائی انسولین&nbsp;کی حساسیت کو بہتر بناتے ہیں ۔ باقاعدگی سے جسمانی&nbsp;سرگرمیاں اور صحت مند وزن کو برقرار رکھنا بھی ضروری ہے۔ </li>
	<li dir="RTL" style="text-align:right">بعض اوقات ڈاکٹرز اس کے لئے ادویات بھی تجویز کرسکتے ہیں،جن میں میٹفورمین،اسپائرونولیکٹون اور ہارمونل مانع حمل ادویات شامل ہیں جن کو انسولین مزاحمت اور اس سے جڑی علامات کو بہتر بنانے کے لئے استعمال کیا جاتا ہے ۔ </li>
	<li dir="RTL" style="text-align:right">اگر آپ کی فیملی ہسٹری میں ذیابیطس یا موٹاپے کے مسائل موجود ہوں،تو اس صورت میں آپ کے انسولین مزاحمت کا امکان بڑھ جاتا ہے ۔ </li>
	<li dir="RTL" style="text-align:right">یاد رکھیں،آپ پی سی او ایس&nbsp;میں انسولین مزاحمت کا سامنا کرنے والی تنہا نہیں ہیں ۔ڈاکٹر، ماہر غذائيت اور دوسرے ماہرین اس کے علاج میں آپ کے لئے مددگار ثابت ہو سکتے ہیں تاکہ آپ کی صحت بہتر بنا سکیں ۔ </li>
</ul>

[1] PCOS (polycystic ovary syndrome) and diabetes. Centers for Disease Control and Prevention.

[2] Nicole Galan R. The dual challenge of PCOS and insulin resistance. Verywell Health.

[3]  The connection between PCOS and insulin resistance - healthcentral.

[4] Miller K. The pill may reduce type 2 diabetes risk for people with PCOS. Verywell Health.

[5] PCOS diet: Foods to eat and avoid. Medical News Today.

[6] Type 2 diabetes: Healthy Gut Microbiome linked to insulin response. Medical News Today.

[7] Mansour, A., Mirahmad, M., Mohajeri-Tehrani, M.R. et al. Risk factors for insulin resistance related to polycystic ovarian syndrome in Iranian population. Sci Rep 13, 10269

Trusted By