اس کی علامات میں ہمدردی کی کمی، توجہ اور تعریف کا ضرورت سے زیادہ طالب ہونا شامل ہیں۔

نرگسیت زدگی یا خود پسندی کا ذہنی عارضہ

نرگسیت زدگی یا خود پسندی  کا ذہنی عارضہ

A. JABBAR DENTAL CLINIC KARACHI

Sadia Khan

جائزہ

آٹھویں عیسوی میں رومن شاعر Ovid نے ایک خوبصورت نوجوان کی کہانی بیان کی تھی، جسے Narcissus کہا جاتا ہے۔ جس نے ایک تالاب میں اپنا عکس دیکھ کر خود پر ہی عاشق ہوگیا تھا۔ وہ اپنے عکس سے اس قدرخود پسند ہوا کہ ،اپنی موت تک تالاب کے کنارے پر ہی پڑا رہا۔ بعد میں اسی&nbsp; خود پرستی کونارسی سیزم/نرگسیت کی اصطلاح دی گئی ۔اس کے ذریعے ماہرین نفسیات، 'خودکار شہوت انگیزی' (اپنے جسم سے جنسی تسکین) سے لے کر 'ایگو لیبیڈو' (خود پسندی) تک مختلف قسم کی ذہنی حالتوں کو بیان کرتے تھے۔ اگرچہ یہ لفظ صدیوں سے چلا رہا ہے۔ لیکن 1968 تک نرگسیت پسندی کا ذہنی عارضہ&nbsp; یا نارسی سیسٹک پرسنالٹی&nbsp; ڈس آرڈر، طبی مواد کا حصہ نہیں بنا تھا۔ نرگسیت پسندی کا ذہنی عارضہ&nbsp; /این پی ڈی10 میں سے 1 ذہنی عوارض میں شامل&nbsp; ہے ،جس کی تعریف دماغی عوارض کے تشخیصی اور شماریاتی کتابچہ (DSM–5) کے 5ویں ایڈیشن میں کی گئی ہے۔ اس کی علامات میں ہمدردی کی کمی، توجہ اور تعریف کا ضرورت سے زیادہ طالب ہونا، احساس عظمت یا برتری کا ہونا شامل ہیں1۔ یہ ذہنی عارضہ اکثر کام، رشتوں اور زندگی کے کئی دوسرے پہلوؤں میں مسائل کا باعث بنتا ہے۔ عام آبادی میں اس کا پھیلاؤ 0-5.3% تک ہے۔ جبکہ طبی ترتیبات میں اس&nbsp; عارضے کا پھیلاؤ 1-17% ہے2 ۔ 3,000 سے زائد پاکستانیوں کے درمیان کی گئی ایک تحقیق سے یہ بات سامنے آئی کہ، مطالعہ کے 17 فیصد شرکاء میں NPD کا رجحان پایا جاتا ہے3 ۔ ایک اور تحقیق میں 18-25 سال کی عمر کے نوجوانوں میں NPD کے پھیلاؤ کا اندازہ لگایا گیا ہے4۔ نتائج کے مطابق، 47% مرد اور 43% خواتین نے Narcissistic Personality Inventory (NPI-40) پر زیادہ اسکور کیا4۔ جس سے یہ پاکستانی نوجوانوں میں نرگسیت پسندی کے زیادہ پھیلاؤ کو ظاہر کرتا ہے۔<div> </div>

اس عارضے&nbsp; کو درج ذیل اقسام میں تقسیم کیا جا سکتا ہے2: <ul><li>&nbsp;اوورٹ / واضح نرگسیت: عظمت نمائی کی ذیلی قسم بھی کہا جاتا ہے، جس کی علامات میں احساس عظمتاور حقداریت ، تکبر، اور توجہ طلب رویہ شامل ہیں۔ یہ&nbsp; افراد دوسروں کی ضروریات سے غافل ہوتے ہیں اور معاشرے میں اپنی دولت اور حیثیت پر بہت زیادہ توجہ مرکوز رکھتے ہیں۔ </li><li>مخفی نرگسیت: واضح ذیلی قسم کے مقابلے میں، خفیہ نرگسیت زیادہ حساس یا&nbsp; ذیلی قسم ہے۔ ان افراد میں خود کی اہمیت کا بھی بہت زیادہ احساس ہوتا ہے۔ تاہم وہ بہت سے منفی رویوں کا بھی تجربہ کرتے ہیں، جیسے کہ سماجی لاتعلقی، دفاعی حالت،اور تنقید کو لے کے انتہائی حساسیت۔ </li><li>&nbsp;زیادہ فعالیت: اس ذیلی قسم میں ایسے افراد شامل ہوتے&nbsp; ہیں جو عظمت نمائی، توجہ طلبی، مسابقت اور جنسی طور پر اشتعال انگیز رویے کا مظاہرہ کرتے ہیں۔ اکثران افراد میں شخصیت کی خرابی ظاہر نہیں ہوتی ہے کیونکہ ان کی موافقت پذیری کا رویہ ، انہیں تشخیصی تشخیص میں مشکل پیدا کرتا ہے۔ </li></ul>

علامات

این پی ڈی کی عام&nbsp; علامات یہ ہیں: <ul><li>&nbsp;خود پسندی کا مبالغہ آمیز احساس</li><li>حق جتانے کا انتہائی زیادہ احساس</li><li>&nbsp;تعریف کی ضرورت سے زیادہ طلب</li><li>اپنی کامیابیوں سے قطع نظر، دوسروں سے برتر&nbsp; ہونے کا احساس</li><li>دولت، حیثیت، طاقت، خوبصورتی، اور بہترین ساتھی کے بارے میں مغالطے</li><li>&nbsp;دوسروں کا استحصال کرنا</li><li>&nbsp;ہمدردی کی کمی</li><li>&nbsp;دوسروں سے حسد کرنا</li><li>دکھاوا کرنا، غرور اور خود سری</li><li>سب کچھ بہترین حاصل کرنے کی خواہش</li><li>دوسروں کو&nbsp; کم اہم سمجھنا</li><li>&nbsp;اپنی کامیابیوں کو بڑھا چڑھا کر پیش کرنا</li></ul><div> </div>

اسباب

NPD کی صحیح وجہ ابھی تک واضح نہیں ہے۔ تاہم، بہت سے محققین نے ایک جینیاتی نظریہ پیش کیا ہے اور یہ دعویٰ کیا ہے کہ بعض جین&nbsp;اس حالت کو پیدا کرنے میں کردار ادا کرتے ہیں۔

تشخیص

NPD کی تصدیق اور تشخیص کے لیے کوئی لیب ٹیسٹ نہیں ہے۔ تاہم، کچھ ایسے طریقے ہیں جنہیں محققین&nbsp; نرگسیت کی سطح کو اسکور دینے کے لیے استعمال کرتے ہیں۔ Narcissistic Personality Inventory (NPI) ٹیسٹ سب سے زیادہ استعمال کیا جاتا ہے اور اسے عام آبادی میں ذیلی طبی نرگسیت کی پیمائش کرنے کے لیے ڈیزائن کیا گیا ہے۔مزید برآں، ڈاکٹر فرد کی شخصیت کے ٹیسٹ بھی کر سکتے ہیں۔ ان میں یہ شامل ہیں: <ul><li>&nbsp;بین الاقوامی شخصیت کی خرابی کی جانچ (IPDE)</li><li>&nbsp;شخصیت کی تشخیصی سوالنامہ-4 (PDQ-4)</li><li>&nbsp;میلن کلینیکل ملٹی ایکسئل انوینٹری III (MCMI-III) </li></ul>DSM-5 کے مطابق، نرگسیت پسندی کی تشخیص کے لیے، درج ذیل 9 معیارات میں سے کم از کم 5 کی ضرورت ہے5: <ul><li>خود کی اہمیت کا غالب احساس</li><li>دولت، کامیابی، طاقت، خوبصورتی، اور کامل محبت کے توہمات&nbsp;</li><li>خود کے خاص اور منفرد ہونے پر پختہ یقین</li><li>تعریف کی ضرورت سے زیادہ طلب</li><li>حق جتانے کا قوی احساس</li><li>استحصال کرنا</li><li>ہمدردی کی کمی</li><li>دوسروں سے حسد کرنا یا یہ ماننا کہ، دوسرے ان سے حسد کرتے ہیں</li><li>متکبرانہ اور جذباتی رویہ</li></ul><div> </div>

علاج

اگرچہ NPD کا کوئی علاج نہیں ہے،لیکن نفسیاتی علاج غیر حقیقی رویوں اور طرز عمل سے نمٹنے کا ایک آپشن ہے۔ اکثر مریضوں کو ٹاک تھراپی&nbsp; کامشورہ دیا جاتا ہے تاکہ تنقید کو قبول کرنے، تعلقات برقرار رکھنے، اپنے سوچنے کے انداز کو تبدیل کرنے، حقیقت پسندانہ اہداف کی تیار ی، اور اپنی طاقتوں اور کمزوریوں کو پہچاننے میں ان کی مددکی جائے۔ تاہم کچھ مریضوں کو دواؤں کی ضرورت پڑ سکتی ہے، خاص طور پر اگر وہ ڈپریشن اور اضطراب میں مبتلا ہوں۔ اینٹی ڈپریسنٹس، جیسے سلیکٹیو سیروٹونن ری اپٹیک انحیبیٹرز، موڈ اسٹیبلائزرز، اور اینٹی سائیکوٹک ادویات بھی انھیں تجویز کی جاسکتی ہیں۔

نرگسیت وسیع پیچیدگیوں کا باعث بن سکتی ہے،جن میں یہ شامل ہیں: 
&nbsp;

<ul>
	<li>&nbsp;کام، اسکول، یا تعلقات میں مسائل</li>
	<li>&nbsp;ذہنی تناؤ</li>
	<li>&nbsp;<a href="https://merisehat.pk/ur/disease/depression">ڈپریشن</a></li>
	<li>&nbsp;الکحل کا استعمال</li>
	<li>منشیات کا استعمال</li>
	<li>&nbsp;خودکشی 
	&nbsp;</li>
</ul>

عام خطرے کے عوامل میں یہ شامل ہیں2: <ul><li>&nbsp;مردانہ جنس</li><li>کم عمر</li><li>&nbsp;سنگل ازدواجی حیثیت</li><li>&nbsp;والدین اور بچے کا تعلق (اس کی حد سے زیادہ پرواہ یا نظرانداز کرنا)</li></ul><div> </div>

چونکہ NPD کی وجہ نامعلوم ہے، اس لئےاس حالت کو روکنے کا کوئی طریقہ نہیں ہے۔ تاہم، مندرجہ ذیل اس میں مدد کر سکتے ہیں: <ul><li>&nbsp;فوری&nbsp; ڈاکٹر کی مدد طلب کریں</li><li>تھراپی میں اندراج کروائیں </li></ul>

یونیورسٹی آف شکاگو میڈیسن کی طرف سے کی گئی ایک تحقیق میں یہ بات سامنے آئی ہے کہ، نرگسیت پسندی کا تعلق آکسیڈیٹیو تناؤ میں اضافے سے ہوسکتا ہے6۔ نتائج کے مطابق،8 hydroxy-2'-deoxyguanosine (8-OH-DG) کی بلند سطح،جوگوانائن کی آکسائڈائزڈ شکل اور آکسیڈیٹیو تناؤ کے بوجھ کا ایک بائیو مارکر، مطالعہ کے شرکاء میں دیکھا گیا۔

اہم نکات

<ul><li>نرگسیت پسندی،شخصیت کاایک ذہنی عارضہ ہے۔ اس کی علامات میں ہمدردی کی کمی، توجہ اور تعریف کا ضرورت سے زیادہ طالب ہونا، احساس عظمت یا برتری&nbsp; کا ہونا شامل ہیں۔ یہ ذہنی عارضہ اکثر کام، رشتوں اور زندگی کے کئی دوسرے پہلوؤں میں مسائل کا باعث بنتا ہے۔</li><li>اس کی اقسام میں ظاہری، مخفی یا زیادہ فعالیت&nbsp; والی نرگسیت شامل ہیں۔</li><li>تین ہزار سے&nbsp; زیادہ پاکستانیوں کے درمیان کی گئی ایک تحقیق سے یہ بات سامنے آئی ہے کہ، مطالعہ کے 17% شرکاء میں این پی ڈی کا رجحان تھا۔</li><li>&nbsp;اس کی صحیح وجہ ابھی تک واضح نہیں ہے۔ تاہم بہت سے محققین نے ایک جینیاتی نظریہ پیش کیا ہے اور یہ دعویٰ کیا ہے کہ ،بعض جین اس حالت کو پیدا کرنے میں کردار ادا کرتے ہیں۔</li><li>&nbsp;اس&nbsp; کی تصدیق اور تشخیص کے لیے کوئی لیب ٹیسٹ نہیں ہے۔ تاہم، کچھ ایسے طریقے ہیں جنہیں محققین ، نرگسیت کی سطح کو اسکور دینے کے لیے استعمال کرتے ہیں۔اس کے لئے Narcissistic Personality Inventory سب سے زیادہ استعمال ہوتاہے۔</li><li>اگرچہ اس کا کوئی علاج نہیں ہےلیکن&nbsp; سائیکو تھراپی، غیر حقیقی احساسات اور رویوں سے نمٹنے میں مدد کر سکتی ہے۔ </li></ul>

Mitra P, Fluyau D. Narcissistic Personality Disorder. [Updated 2022 May 1]. In: StatPearls [Internet]. Treasure Island (FL): StatPearls Publishing; 2022 Jan-. Available from:

Caligor E, Levy KN, Yeomans FE. Narcissistic personality disorder: Diagnostic and clinical challenges. American Journal of Psychiatry. 2015;172(5):415-422. doi:10.1176/appi.ajp.2014.14060723

Husain W. Prevalent tendencies for mental disorders in Pakistan. Clínica y Salud. 2018;29(1):34-38. doi:10.5093/clysa2018a6

Qadir A, Naz L, . SM, . NZ. Prevalence of narcissism in adolescents of Karachi. Advances in Social Sciences Research Journal. 2019;6(3). doi:10.14738/assrj.63.6285

Diagnostic and Statistical Manual of Mental Disorders: DSM-5.

American Psychiatric Association; 2013. International personality disorder examination (IPDE) has added more names for the business.  Personality diagnostic questionnaire-4 (PDQ-4)

Lee RJ, Gozal D, Coccaro EF, Fanning J. Narcissistic and Borderline Personality Disorders: Relationship With Oxidative Stress. J Pers Disord. 2020;34(Suppl):6-24. doi:10.1521/pedi.2020.34.supp.6