مٹاپا

Online Consultation

Medilink Consultant clinic

سعد اللہ صدیقی

جائزہ

ماضی میں،قحط اور غذائی قِلّت ہونا ایک عام بات تھی، لہٰذا، دُبلا ہونے کوغربت اور بیماری سےوابستہ کیا جاتا تھا۔ جب کہ جسم میں زائد چربی کو دولت اور کامیابی کی علامت سمجھا جاتا تھا۔اس کے علاوہ، رُوبین جیسے فنکاروں کے فن پاروں میں عورتوں کو بھر پور جسم والی انسان کے طورپرظاہر کیا جاتا تھا جن کےجسم بھرے پُرے پُرکشش نشیب وفراز کےحامل ہوتے تھے۔<a href="#accordion">[1]</a> اُن کےپُرکشش جسم حُسن اوربارآوری کو نمایاں کرتے تھے۔ تاہم،جَلد ہی،معالجین اورتحقیق کاروں نےبھرے پُرے جسم کےنتائج کومحسوس کرلیا۔ فی الوقت،وزن کی زیادتی اور مٹاپا،دنیا بھرمیں ایک وبا کی صورت اختیار کر چکے ہیں،جس سے بڑی تعداد میں عرصےسےجاری رہنےوالی اورزندگی کوخطرے سےدَوچار کرنے والی بیماریاں پیدا ہوتی ہیں۔

عالمی ادارہ صحت کے مطابق، مٹاپا اور وزن کی زیادتی کو جسم میں شحمیات (چربی/چکنائیاں) جمع ہونےکو کہتےہیں جن کی وجہ سےمتعلقہ فرد کی صحت کو خطرہ لاحق ہوجاتا ہے.<a href="#accordion">[2]</a> باڈی ماس انڈیکس کےلحاظ سے25 سے زائد اسکور ہونا زائد وزن اور30 یا اس زائد اسکور ہونےکو مٹاپا خیال کیا جاتا ہے. 
&nbsp;

عالمی اعدادوشمار کے مطابق، دنیا بھر میں مٹاپے کی شرح،1975سے2016کے درمیان تین گنا بڑھ گئی۔2016 میں،دُنیا کے بالغ افراد میں سےکم ازکم13%&nbsp; کو موٹے افراد میں شمار کیا گیا،جب کہ39% افراد کا وزن زیادہ تھا۔نسبتاً 2019 میں،5 سال سےکم عمروالے38.2 ملین بچّے موٹےتھے یا اُن کا وزن زیادہ تھا۔<a href="#accordion">[2]</a>۔دنیا میں کم وزن کے بجائے زیادہ وزن ہونےاورمٹاپے کی وجہ سےاموات ہونے کے درمیان تعلق ہونا کہا جاسکتا ہے۔

اگرچہ امریکہ جیسےاعلیٰ آمدنی والے ممالک میں موٹاپے کی شرح زیادہ ہے، لیکن کم اوردرمیانی آمدنی والےممالک بھی لوگوں میں مٹاپا بڑھنے کے بارے میں اطلاعات دے رہے ہیں۔تاہم غذائی قلت کےساتھ&nbsp; موٹاپا ہونےکی وجہ سے ان ممالک کو دوہرے بوجھ کا سامنا ہے۔ پاکستان میں،یہ بوجھ زیادہ تر تولیدی عمر (15سے49 سال) کی عورتیں برداشت کرتی ہیں.<a href="#accordion">[3]</a> 2018 کے پاکستان نیشنل نیوٹریشن سروے کے مطابق،ملک میں14.4 فیصد عورتوں کا وزن کم ہے، جب کہ 37.8 فیصد زیادہ وزن یا موٹاپے کا شکارہیں۔ ایشیا کےمخصوص بی ایم آئی&nbsp; معیار لحاظ سے، پاکستان میں موٹاپے اور زیادہ وزن کا تخمینہ 25% ہے.<a href="#accordion">[4]</a> 
&nbsp;

اس حقیقت کےباوجود کہ ملک کی آبادی کی اکثریت انتہائی غریب ہے اورانہیں مناسب مقدارمیں کھانا دستیاب نہیں ہے، تاہم ملک میں موٹاپے کی شرح بہت زیادہ ہے۔ اس کی وجہ پھلوں، سبزیوں اور اناج کی بڑھتی ہوئی قیمتیں ہیں ۔اس طرح تازہ اور صحت مند خوراک کی دستیابی مشکل ہوجاتی ہے.<a href="#accordion">[5]</a> اس کے نتیجے میں، لوگوں نےسستی، اورزیادہ پراسس کی ہوئی اشیاء لینا شروع کردی ہیں. بلاشبہ، گوشت، گھی اور کاربوہائیڈریٹ سےبھرپورعام دیسی خوراک بھی معاملات کو مزید خراب کرتی ہے۔ اس کے علاوہ ،شہری علاقوں میں اضافے کے ساتھ، لوگوں کی زندگی میں جسمانی کام اورحرکت کے مواقع انتہائی کم ہوگئے ہیں ۔ان تمام عوامل نے ملک میں موٹاپے کی وباکو جنم دیا ہے.<a href="#accordion">[6]</a>

<div>&nbsp;</div>

معمول سے زیادہ وزن ہونے کو وزن کی زیادتی کہا جاتا ہے، لیکن اس کا ہمیشہ یہ مطلب نہیں ہوتا کہ جسم میں شحمیات(چربی/چکنائی)کی مقدارزیادہ ہے۔ جب کہ موٹاپا،عرصے سےجاری رہنے والی ایک کیفیت ہے جس کی خصوصیت یہ ہے کہ جسم میں&nbsp; شحمیات (چربی/چکنائی) کی مقدار زیادہ ہےاور باڈی ماس انڈیکس&nbsp; 30 سےاوپرہے۔

چربی بذات خود بری چیزنہیں ہے اورتوانائی کو ذخیرہ کرنے،اہم اعضاء کی حفاظت، ہارمونزمیں باقاعدگی پیدا کرنےاوردیگر افعال کے لئےضروری بھی ہے۔ تاہم، جسم میں چربی کی زیادہ مقدارکے مختلف حصے صحت کے لئےکئی خطرات پیدا کر سکتے ہیں۔ پیٹ کےاعضاء کے گرد چربی کا جمع ہونا، جسے اعضاء کی چربی بھی کہا جاتا ہے،&nbsp; بڑی حد تک موٹاپےسے متعلق بیماریوں کا سبب بنتی ہے.<a href="#accordion">[1]</a>

<div>&nbsp;</div>

بی ایم آئی،زیادہ وزن اور موٹاپےکی اسکریننگ کا ایک پیمانہ ہے۔ اسےکسی شخص کےکلو گرام وزن اس کےقد کےمربع سےتقسیم (کلوگرام فی مربع میٹر)کرکے حاصل کیا جاتا ہے۔عالمی ادارہ صحت نے، مختلف غذائی صورتوں کے لحاظ سے،بی ایم آئی کی مختلف مقداروں کومتعن کیا ہے.<a href="#accordion">[7]</a> 
&nbsp;

کم وزن : بی ایم آئی18.5کلو گرام فی مربع میٹرسےکم ہے&nbsp;

نارمل وزن :&nbsp;بی ایم آئی18.5سے24.9کلو گرام فی مربع میٹر

وزن میں زیادتی : بی ایم آئی25.0 سے30 کوگرام سےکم/ کلو گرام فی مربع میٹر&nbsp;

مٹاپا : بی ایم آئی30 کلو گرام فی مربع میٹریا اس سے زائد

5 سال سےکم عمرکے بچوں کے لئے، موٹاپےکی تعریف یہ ہےکہ یہ وزن اورقد کا تناسب،عالمی ادارہ صحت کےچائلڈ گروتھ اسٹینڈرڈ میڈین سے،تین معیاری انحراف سےزیادہ ہو ۔جبکہ5سے19 سال کی عمر کےبچوں میں موٹاپا،عالمی ادارہ صحت کے گروتھ ریفرنس میڈین سےدومعیاری انحراف سے زیادہ ہے.<a href="#accordion">[2]</a>بچوں میں موٹاپے کی پیمائش کے لئے بھی بی ایم آئی کےاسکوراستعمال کئےجاسکتے ہیں۔اس کی پیمائش متعلقہ بچے کی عمر اورصنف&nbsp; کے لحاظ سے کی جاتی ہے ۔2 سال سے زیادہ عمر والے بچوں میں، ان کی عمر اوروزن کےلحاظ، بی ایم آئی اسکورکا پچانواں پرسنٹائل سے زیادہ ہونے کو موٹاپا کہا جاتا ہے۔ 
&nbsp;

تاہم، بی ایم آئی موٹاپےکی تشخیص کے لئےایک درست ذریعہ نہیں ہے۔ اگرچہ اس سے یہ اندازہ لگانےمیں مدد مل سکتی ہے کہ آیا متعلقہ فرد&nbsp; کا وزن صحت مند حد میں&nbsp; ہے، لیکن اس کے ذریعےجسم کی چربی کی پیمائش نہیں کی جاسکتی۔ اس کےعلاوہ، یہ چربی، پتلےعضلات،یا ہڈیوں کےمادّے کےدرمیان فرق نہیں کر سکتا۔ کھلاڑیوں اورتن سازی کرنے والوں کا بی ایم آئی اسکور عام طو رپر زیادہ ہوتا ہے ،لیکن اس کےذریعےجسم کی اضافی چربی کی نشان دہی ہمیشہ نہیں کی جاسکتی۔اس کے علاوہ،صنف،نسل،عمر،اور کئی دیگرعوامل سےبی ایم آئی کے اسکور پر فرق پڑتا ہے۔ مثال کےطور پر،دیگر قومیتوں کی نسبت ایشیائی باشندوں میں مٹاپے اور زیادہ وزن کے لحاظ سےاکثر اوقات مختلف بی ایم آئی&nbsp; کٹ آف (&gt;23 Kg/m2) ہوتے ہیں۔ان کے لئےذیابیطس اورہائی بلڈ پریشر جیسی بیماریوں کا خطرہ گوروں، کالوں یا ہسپانوی باشندوں کی نسبت، بی ایم آئی کے کم اسکور سے منسلک ہے۔<a href="#accordion">[8]</a> ایک مطالعے کےمطابق، جس میں ہندوستان اور پاکستان&nbsp; سے تعلق رکھنے والےجنوبی ایشیائی بالغ افراد کا امریکی سیاہ فاموں اورگوروں سے موازنہ کرنے والی ایک تحقیق میں بی ایم آئی کے کم اسکور کے باوجود ذیابیطس کےزیادہ واقعات پائے گئے. <a href="#accordion">[9]</a>&nbsp;کراچی، پاکستان میں کئے گئےایک اور مطالعےکے مطابق،بی ایم آئی کی نسبت جسم شحمیات کی فیصد مقدار کو مٹاپے&nbsp; کی پیمائش کا بہتر پیمانہ پایا گیا۔<a href="#accordion">[10]</a>

<div>&nbsp;</div>

بی ایم آئی کے اسکورز کے لحاظ سےعالمی ادارہ صحت نے مٹاپے کی مختلف اقسام بیان کی ہیں:<a href="#accordion">[2]</a>

<ul dir="rtl">
	<li>درجہ اوّل مٹاپا:&nbsp;بی ایم آئی30سے35 کلو گرام سے کم،کلو گرام فی مربع میٹر</li>
	<li>درجہ دوم مٹاپا: بی ایم آئی35سے40 کلو گرام سےکم ،کلوگرام فی مربع میٹر</li>
	<li>درجہ سوم مٹاپا: بی ایم آئی40 کلوگرام سےزائد، کلو گرام فی مربع میٹر</li>
</ul>

درجہ سوم کے مٹاپے کو،صحت سےمتعلق لاحق ہونے والےخطرات کی نسبت &quot;بیماری کا مٹاپا&quot;بھی کہا جاتا ہے۔

<div>&nbsp;</div>

علامات

مٹاپا متعدد صحت کےمسائل کا باعث بن سکتا ہے۔ مزید یہ کہ عرصے سے جاری رہنے والی یہ کیفیت بذات خود روزمرہ کی سرگرمیوں میں کئی رکاوٹیں ڈالتی ہے۔ مٹاپے کی عام علامات میں درج ذیل شامل ہیں:

<ul>
	<li dir="rtl" style="text-align:right">جوڑوں اورکمرکا درد&nbsp;</li>
	<li dir="rtl" style="text-align:right">تھکن</li>
	<li dir="rtl" style="text-align:right">چھوٹےسانس&nbsp;</li>
	<li dir="rtl" style="text-align:right">نیند کےدوران خراٹے&nbsp;</li>
	<li dir="rtl" style="text-align:right">جسمانی کام کرنے میں دشواری ہونا، مثلاً طویل فاصلوں تک چلنا</li>
	<li dir="rtl" style="text-align:right">زائد پسینہ&nbsp;</li>
	<li dir="rtl" style="text-align:right">خود احترامی کے مسائل</li>
	<li dir="rtl" style="text-align:right">ڈپریشن، تشویش</li>
</ul>

<div>&nbsp;</div>

اسباب

مختلف عوامل کی وجہ سےمٹاپا پیدا ہوتا ہے۔ ان عوامل میں درج ذیل شامل ہیں:

<ul dir="rtl">
	<li>کیلوریز- تحقیق کاروں کا خیال ہے کہ جب ہم استعمال کی جانے والی کیلوریز سےزیادہ کھاتےہیں، تووہ&nbsp;اضافی کیلوریز جسم میں چربی کےطورپرجمع ہوجاتی ہیں۔ اضافی چربی وزن میں اضافے اور جسم میں چربی کے پھیلاؤ کا باعث بنتی ہے۔ 
	&nbsp;</li>
	<li>جینیاتی عوامل- جینیات عوامل&nbsp;چکنائی کےاستعمال،چربی جمع کرنے،بھوک اور کھانے کی عادات کو کنٹرول کرتے&nbsp; ہیں۔لہٰذا، موٹے والدین کا ہونا،ان کےبچوں کےلئے مٹاپےکےامکان کو بڑھاتا ہے۔ 
	&nbsp;</li>
	<li>خوراک- کاربوہائیڈریٹس، شکر اور سیر شدہ شحمیات(چکنائیاں) کی زائد مقدارپرمشتمل ناقص غذاکا مٹاپے سےتعلق ہوتا&nbsp; ہے۔ پاکستانی خوراک&nbsp;میں عام طور پرگھی، گوشت اورکاربوہائیڈریٹ کی مقدارزیادہ ہوتی ہے،جو ملک میں موٹاپے کی وبا میں مزید اضافہ کرتی ہے۔ مزید یہ کہ،کولڈ ڈرنکس کے استعمال میں اضافہ ہوا ہے، جو ملک میں بیماری کے بوجھ میں مزید اضافے&nbsp; کا سبب بنتا ہے۔<a href="#accordion">[11]</a> 
	&nbsp;</li>
	<li>جسمانی سرگرمی- زندگی کا رہن سہن جس میں بیٹھنا زیادہ ہوتا ہے اورجسمانی سرگرمی کم ہوتی ہے۔ نتیجےکے طور پر، لوگ کم کیلوریز خرچ کرپاتے ہیں لہٰذا اُن کا وزن بڑھ جاتا ہے۔ 
	&nbsp;</li>
	<li>طبی کیفیت- بعض بیماریاں مثلاً&nbsp;تھائیرائیڈکا عمل سست ہونا، بیضہ دانیوں میں مختلف گلٹیاں ہونا،کشنگ سنڈروم، اورانسولین کےخلاف مزاحمت بھی مٹاپے کا باعث بن سکتی ہیں۔ 
	&nbsp;</li>
	<li>ادویات- کورٹیکواسٹیرائڈز، ڈپریشن ختم کرنے والی ادویات,دورے سے&nbsp;بچنے والی ادویات،اوربیٹا بلاکرز جیسی ادویات&nbsp;وزن میں اضافے اورمٹاپےکا باعث بن سکتی ہیں۔ 
	&nbsp;</li>
	<li>نفسیاتی عوامل- ذہنی صحت کے مسائل مثلاً&nbsp; ڈپریشن اورتشویش کی وجہ سے متعلقہ فرد&nbsp;زیادہ کھانے یا زیادہ چکنائی اور شکر والے&quot;فرحت بخش&quot; کھانےاستعمال کرنے پر مائل ہوسکتا ہے ۔</li>
</ul>

<div>&nbsp;</div>

تشخیص

بی ایم آئی کا اسکورعام طور پر کسی شخص کے وزن کا اندازہ اس کے قد کے حوالے سے دیتا ہے۔ تاہم، جسم میں موجود چربی کی مقدار اوراس کے پھیلاؤ کا درست اندازہ حاصل کرنے کےلئےاکثر اوقات دوسرے ٹیسٹ کئے جاتے ہیں جن میں درج ذیل شامل ہیں:

<ul dir="rtl">
	<li>جِلد کی سَلوَٹوں&nbsp;کی موٹائی کا ٹیسٹ -&nbsp;جِلد کی سَلوَٹ کےکیلیپر کو استعمال کرتے ہوئے،جسم کےعضلات اورکولہے کی ہڈّی کے اوپر سَلوَٹ اور کندھے کی چپنی ہڈّی نیچے والی سَلوَٹ کی پیمائش کی جاتی ہے۔ اس کے بعد ان چاروں سَلوَٹوں کی پیمائشوں کو جمع کرکے چکنائی کی مقدار کا ندازہ لگایا جاتا ہے۔ 
	&nbsp;</li>
	<li>کمر کی گولائی &ndash; اعضاء کے گرد چکنائیوں کے جمع ہوجانے سے بہت سی بیماریاں پیدا ہوجاتی ہیں ۔عورتوں کے لئے،35&nbsp; انچ سےزیادہ کی کمر کی گولائی، اورمردوں کے لئے40 انچ&nbsp; سے زیادہ کی کمر کی گولائی کا تعلق بلند خطرے والی مٹاپے سے متعلق طبی کیفیات مثلاً ذیابطیس اوردِل کی بیماریوں سے منسلک ہے.<a href="#accordion">[12]</a> ۔لہٰذا، مٹاپےکا اندازہ لگانے کے لئے اکثر اوقات کمر کو گولائی کی پیمائش کی جاتی ہے۔ 
	&nbsp;</li>
	<li>کمر سے کولہےکا تناسب- آپ کی کمرکی گولائی اورکولہے&nbsp; کی گولائی تناسب کمر،کولہوں اوران کےنچلےحصوں&nbsp;پرچربی کی موجودگی کا تعین کرتا ہے۔ عالمی ادارہ صحت&nbsp;نےمردوں کے لیے0.9 یا اس سےکم اور خواتین کے لیے0.85 یا اس سے کم کمراور کولہے کے تناسب&nbsp;کومعتدل قراردیا ہے.<a href="#accordion">[13]</a>&nbsp;مزید یہ کہ، سیب نماجسم والےلوگ(جسم کےدرمیانی حصےکےارد گرد زیادہ وزن) ناشپاتی&nbsp;نما جسم&nbsp;والے لوگوں (کولہوں اوررانوں کےگرد زیادہ وزن)کی نسبت دل کی بیماری اور ذیابیطس کا زیادہ خطرہ رکھتے ہیں.<a href="#accordion">[14]</a> 
	&nbsp;</li>
	<li>دیگر- دیگر ٹیسٹ جیسے ڈوئل انرجی ریڈیوگرافک ابزورپشیومیٹری،پانی کےاندروزن، بائیو الیکٹریکل امپی ڈینس تجزیہ، اور الٹراسونوگرافی بھی جسم کی چربی کی مقدار کا اندازہ لگانے کے لئے استعمال&nbsp; کئے جاسکتے ہیں۔ ڈاکٹرجسمانی اعضاء کی چربی کی پیمائش کے لئےایم آر آئی یا سی ٹی اسکین بھی کروا سکتے ہیں۔ 
	&nbsp;</li>
</ul>

مٹاپے سے متعلق صحت کے خطرات کی تشخیص کے لئے&nbsp; دیگر ٹیسٹ بھی کئے جا سکتے ہیں، جن میں درج ذیل شامل ہیں:

<ul dir="rtl">
	<li>لِپِڈ پروفائل - اس ٹیسٹ میں جسم میں کولیسٹرل، ٹرائی گلیسرائیڈز،اورہائی اورلَوڈینسٹی والے لِپو پروٹین(ایچ ڈی ایل اور ایل ڈی ایل)کی مقدارکوجانچا جاتا ہے۔موٹے لوگوں کا کولیسٹرول اور ایل ڈی ایل&nbsp;زیادہ آتا ہے۔ اس ٹیسٹ کےذریعے موٹے لوگوں میں چکنائیوں کا عدم توازن بھی پایا جاتا ہے۔ 
	&nbsp;</li>
	<li>جگر کے افعال کا ٹیسٹ- جگر کےخامروں(اینزائم)، پروٹین، اور بائی لی رُوبین کی پیمائش کےذریعےجگر میں چربی اور اس کی دیگر بےقاعدگیوں کےبارے میں معلوم ہوجاتا ہے۔&nbsp; 
	&nbsp;</li>
	<li>تھائرایڈ پروفائل- تھائرائیڈ پروفائل کےذریعےموٹے لوگوں میں تھائرائیڈ کےسست عمل کےبارے اندازہ ہوجاتا ہے۔ 
	&nbsp;</li>
	<li>ذیابطیس کی اسکریننگ- بغیر کھائے پئے خون میں شکرکی مقدار کا ٹیسٹ،HbA1cاوررینڈم بلڈ گلوکوز،ذیابطیس کی تشخیص کے لئےاستعمال کئے جاتے ہیں۔ 
	&nbsp;</li>
	<li dir="rtl">انسولین کی جانچ-&nbsp;مٹاپےکی صورت میں،بغیر کھائے پئے انسولین کےسیرم لیول میں اضافہ،انسولین سےمزاحمت کو&nbsp; ظاہرکرتا ہے۔ تاہم،انسولین کے نارمل لیول کےباوجود مٹاپا ہوسکتا ہے۔</li>
</ul>

<div>&nbsp;</div>

علاج

مٹاپے کے علاج کے لئےملٹی سسٹم طریقہ کارکی ضرورت ہوتی ہے۔ مقصد نہ صرف اضافی وزن کم کرنا ہے بلکہ صحت مند وزن کو برقراربھی رکھنا ہے۔ یہاں تک کہ آپ کےکل وزن کا 5سے10 فیصد کم ہونا بھی کولیسٹرول اوربلڈ پریشر میں بہتری کا باعث بن سکتا ہے۔<a href="#accordion">[15]</a> اگرچہ علاج کےطریقے مٹاپے کی نوعیت کےلحاظ سےمختلف ہو سکتے ہیں، لیکن اکثراوقات صحت مند کھانے کی عادات اورجسمانی سرگرمی میں اضافہ کا مشورہ دیا جاتا ہے۔ 
&nbsp;

<h5 dir="rtl">خوراک میں تبدیلی</h5>

پاکستانی گھرانوں میں خوراک کے مختلف طریقوں کا مطالعہ کرنےوالی ایک تحقیق سےظاہرہوا کہ تلی ہوئی اشیاء، بیکری کی اشیاء، گوشت کی مصنوعات اور مٹھائیوں اورروٹی کا استعمال زیادہ کیا جاتا ہے.<a href="#accordion">[16]</a> ناقص خوراک کا انتخاب وزن میں اضافےاورمٹاپا پیدا کرنےمیں اہم کردار ادا کرتا ہے۔ لہذا، ڈاکٹر کم کیلوریز والی خوراک اورچھوٹےحصوں پر مشتمل صحت مند، متوازن خوراک کے استعمال کی تجویز دیتے&nbsp; ہیں۔

مٹاپےاور زیادہ وزن کےواقعات میں اضافے نے بھی لوگوں کو وزن سے متعلق شعوری احساس دیا ہے۔ نتیجےکےطور پر، بہت سےلوگوں نےکیٹو ڈائٹ اور وقفے وقفے سےروزہ رکھنے جیسے رواج اختیار کئے ہیں۔ تاہم، ڈاکٹر کے مشورے کے بغیرکسی قسم کی خوراک شروع کرنا جسم پر نقصان دہ اثر ڈال سکتا ہے۔ مزید یہ کہ، تیزی سے وزن میں کمی ہمیشہ فائدہ مند نہیں ہوتی اورصحت مند وزن کے حوالے سے&nbsp; مسائل پیدا کرتی ہے۔ لہذا، بہتر ہوگا کہ کسی تجربہ کار ماہرِ غذائیت سے مشورہ کریں اورکھانے کا ایک منصوبہ تیار کرنے کے لئےاس سےمل کر کام کریں جو مطلوبہ کیلوریز فراہم کرے اور فرد کوصحت مند وزن حاصل کرنے میں مدد کرے۔ 
&nbsp;

<h5 dir="rtl">جسمانی سرگرمی</h5>

کسی شخص کی صحت کی حالت اور مٹاپےکی شدت کےلحاظ سے، ڈاکٹرمعتدل&nbsp; سے لےکرزیادہ شدت والی جسمانی سرگرمی کی تجویز دے سکتا ہے۔<a href="#accordion">[17]</a>عام طورپر ایک ہفتے میں150منٹ کی معتدل ایروبک سرگرمی یا 75 منٹ کی بھرپور شدت والی ورزش کی سفارش کی جاتی ہے۔معتدل جسمانی سرگرمیوں کی مثالوں میں تیز چلنا،تیراکی کرنا،رقص کرنا، اورسائیکلنگ شامل ہیں۔ جب کہ بھرپور سرگرمی میں دوڑنا اور مسابقتی کھیل شامل ہو سکتے ہیں۔

تاہم، ایک ایسی سرگرمی کا انتخاب کرنا ضروری ہے جو متعلقہ فرد کو&nbsp; مصروف اور متحرک رکھے۔ ورزش کو ایک کام کاج کی طرح محسوس نہیں کرنا چاہئے، بلکہ اس کے بجائے اسےایک خوشگوار تجربہ بنائیں۔ خوش قسمتی سے، پاکستان میں صحت کی ثقافت نے مردوں اور عورتوں دونوں کے لیے تفریح، فٹنس پر مبنی سرگرمیوں کو جنم دیا ہے۔ کراس فِٹ&nbsp; سے لےکر واٹرایروبکس تک، ملک بھر میں صحت کے شوقین اپنے گاہکوں کےدرمیان صحت مند طرززندگی کو فروغ دے رہے ہیں۔ عورتوں&nbsp; پر مبنی کِک باکسنگ کلاسز نہ صرف عورتوں&nbsp; کو مکمل جسمانی سرگرمی فراہم کرتی ہیں بلکہ تناؤ اور اضطراب کو دور کرنے میں بھی مدد کرتی ہیں.<a href="#accordion">[18]</a> مزید یہ کہ،اس طرح کی کلاسیں عورتوں میں اعتماد کے احساس کو فروغ دیتی ہیں،عام طور پر مٹاپے سےمنسلک خود اعتمادی کے مسائل سے نمٹتی ہیں۔ 
&nbsp;

<h5 dir="rtl">ادویات&nbsp;</h5>

غذائی تبدیلیوں اور ورزش کے منصوبوں کے ساتھ، ڈاکٹر وزن کم کرنے کی ادویات&nbsp; تجویز کر سکتے ہیں۔عام طور پر، وہ صرف اس صورت میں تجویز کئے&nbsp; جاتے ہیں جب دوسرے طریقےفرد میں وزن کم کرنے میں ناکام رہے ہوں اور BMI 27kg/m2 یا اس سے زیادہ ہو۔ یہ ادویات یا تو بھوک کو کم کر کے یا چربی کے جذب کو روک کر کام کرتی ہیں۔ ایف ڈی اے سےعام طورپر منظورشدہ وزن کم کرنے والی ادویات میں درج ذیل شامل ہیں:

<ul dir="rtl">
	<li>Orlistat&nbsp;</li>
	<li>Liraglutide&nbsp;&nbsp;</li>
	<li>Semaglutide&nbsp;</li>
	<li>Bupropion</li>
	<li>Topiramate</li>
</ul>

یہ&nbsp; ادویات خوراک کی تبدیلیوں اورورزش کے پروگرامز کے ساتھ تجویز کی جاتی ہیں ۔البتّہ، یہ سب کےلئےشاید مفید ثابت نہ ہوں۔ اس کے علاوہ ان کے بعض ذیلی اثرات بھی ہوسکتے ہیں مثلاً اپھارہ، پاخانےمیں چکنائی، آنتوں کی اکثر وبیشترحرکت اورواش روم جانے کی فوری ضرورت۔ 
&nbsp;

<h5 dir="rtl">روّیے کی بنیاد پر علاج</h5>

اکثراوقات، تکلیف دہ واقعات کےبعد ہم ان سےنمٹنے کے لئےبعض غیر صحت بخش عادات اختیار کر لیتے ہیں۔اضطراب اور افسردگی کی صورت میں بعض لوگ زیادہ کھانے جیسے طرز عمل کےذریعےمسائل میں مبتلا ہوجاتے ہیں۔ اس لئےایسے مریضوں میں مشاورت اورسپورٹ گروپس فائدہ مند ثابت ہو سکتے ہیں۔ ایک تربیت ماہر محرکات کی نشان دہی کرنے، خواہشات کو سنبھالنے اور ذہنی صدمے کو ٹھیک کرنے میں مدد کرسکتا ہے۔

فہم کی بنیاد پر روّیے کےذریعےعلاج ایک ایسا طریقہ ہے، جو وزن کم کرنے میں مفید ثابت ہوسکتا ہے۔ یہ مریضوں کو طویل مدتی بنیاد پروزن کنٹرول کرنے کے لئے،غیر صحت بخش عادات کو چھوڑ کر مثبت تبدیلیوں کو اختیار کرنے میں مدد دیتا ہے۔ 
&nbsp;

<h5 dir="rtl">سرجری</h5>

یہ بیریاٹرک سرجری بھی کہلاتی ہے، یہ طریقہ کار ان لوگوں کے لئے&nbsp; مخصوص ہیں جو شدید مٹاپےکا شکار ہیں(درجہ دوم یا سوم) اورانہیں دیگر امراض بھی ہیں۔امریکن سوسائٹی فار میٹابولک اینڈ بیریاٹرک سرجری کے مطابق، وزن میں کمی کی سرجری صرف، ایسےبالغ افراد کے لئےکی جاتی ہےجن کا بی ایم آئی 30 سے35 کلو گرام فی مربع میٹر ہوتا ہے۔<a href="#accordion">[19]</a>اور جن کی درج ذیل کیفیات ہوتی ہیں:

<ul dir="rtl">
	<li>انہیں مٹاپے سے متعلق دیگر امراض بھی ہوتے ہیں مثلاً ذیابطیس۔</li>
	<li>رہن سہن میں،صحت بخش غذا لینےاور ورزش کرنے جیسی تبدیلیاں لانے کےباوجود انہیں نمایاں کامیابی حاصل نہیں ہوئی۔ 
	&nbsp;</li>
</ul>

سرجری کے عام طریقے درج ذیل ہیں:

<ul dir="rtl">
	<li>گیسٹرک سلِیو سرجری:&nbsp;اس سرجری میں معدے کا کچھ حصہ نکال دیا جاتا ہے اور پیچھے ایک چھوٹی &quot;سلِیو&quot;&nbsp; رہ جاتی ہے۔ معدے کا سائز چھوٹا ہوجانے کے بعد زیادہ کھانا نہیں کھایا جاسکتا۔ اس طرح بھوک پرکنٹرول حاصل ہوتا ہے اور کھانا کم کھایا جاتاہے۔ 
	&nbsp;</li>
	<li>گیسٹرک بائی پاس سرجری:&nbsp;اس طریقہ کار میں پیٹ کے اوپر ایک چھوٹا سا پاؤچ بنایا جاتا ہے اوراسے براہ راست چھوٹی آنت سے جوڑ دیا جاتا ہے۔ نتیجے کے طور پر، نظام ہضم میں داخل ہونے والا کھانا معدے&nbsp;اور چھوٹی آنت کے پہلے حصے سے گزرنے کے بجائے دوسرا راستہ اختیار کرلیتا ہے۔ لہذا، نظام ہضم&nbsp; کھانے سے غذائی اجزاء کو جذب کرنے سے قاصر&nbsp;رہتا ہے۔ مزید یہ کہ، معدے کی کم&nbsp;فعالیت کی وجہ سے کم کیلوریز استعمال ہوتی ہیں۔ تاہم، یہ طریقہ کار منفی صورتیں&nbsp;مثلاً&nbsp;ڈمپنگ سنڈروم، جذب کی خرابی، ہرنیا، اور چھوٹی آنتوں کی رکاوٹ پیدا کرتا ہے۔ 
	&nbsp;</li>
	<li>لیپارو اسکوپک ،ایڈجسٹ ہونے والی گیسٹرک بینڈنگ - یہ ایک پلٹائے&nbsp; جانے کے قابل طریقہ&nbsp;ہے جو پیٹ کو دو پاؤچوں میں الگ کرتا ہے۔ ایک ایڈجسٹ سلیکون بینڈ،جسےلَیپ بینڈ کہا جاتا ہے، معدے&nbsp;کے ارد گرد رکھا جاتا ہے&nbsp;جو معدے کے سائز کو کم کرنے میں مدد کرتا ہے۔ اس طرح،&nbsp; کھانے کی مقدار کو محدود کرتا ہے۔ 
	&nbsp;</li>
	<li dir="rtl">ڈیوڈینل سوئچ - یہ گیسٹرک &quot;سلِیو&quot;&nbsp; کی سرجری اور آنتوں کے بائی پاس کا ایک مجموعہ ہے۔ نتیجےکے طور پر،معدے&nbsp;میں خوراک کی مقدارکم ہوجاتی ہے۔ مزید یہ کہ،یہ طریقہ کار غذائیت کی مقدار کو محدود کرتا ہے جو چھوٹی آنت کھانے سے جذب کر سکتی ہے۔</li>
</ul>

<div>&nbsp;</div>

اگرچہ مٹاپا بہت سے لوگوں کو ایک کاسمیٹک&nbsp; معاملہ کی طرح لگتا ہے، لیکن عرصے سے جاری رہنے والی بیماریوں کے ساتھ اس کا تعلق زیادہ تشویشناک ہے۔ کراچی، پاکستان میں ایک اینڈو کرائنولوجی کلینک کےاعداد وشمارکے مطابق، بی ایم آئی کی بلندی کا تعلق عام طور پر چکنائیوں کےعدم توازن، ذیابیطس ٹائپ2، ہائی بلڈ پریشر،اورتھائرائیڈ کے امراض سے ہوتا ہے۔<a href="#accordion">[4]</a> 
&nbsp;

مٹاپے کے حوالے صحت کی عام پیچیدگیاں درج ذیل ہیں:

<ul dir="rtl">
	<li>ذیابطیس-&nbsp;ایڈی پو سائٹس یا چکنائی کےخلیات ،عضلات کے خلیات کی نسبت ،زیادہ انسولین مزاحم ہوتے ہیں۔اس بڑھی ہوئی مزاحمت کی وجہ سےذیابطیس لاحق ہوسکتی ہے۔ 
	&nbsp;</li>
	<li>&nbsp;خون کی نالیوں کےعارضے-&nbsp;مٹاپے سے وابستہ ہائی بلڈ پریشر اور چکنائیوں میں عدم توازن،کی وجہ سےدل کی بیماریاں اسٹروک لاحق ہوتے ہیں۔ 
	&nbsp;</li>
	<li>مسکیولو اسکیٹل عارضے- آسٹیو آرتھرائٹس مٹاپے کی سب سےعام مسکیولواسکیلیٹل پیچیدگی ہے۔ یہ اضافی وزن کے نتیجےمیں جوڑوں پر دباؤ بڑھاتا ہے اورسوزش کوفروغ دیتا ہے۔ 
	&nbsp;</li>
	<li>کینسر- مٹاپے کےساتھ بعض کینسرز(چھاتی،بچہ دانی کا استر ، بیضہ دانی،بچہ دانی اورقولون) کا خطرہ بڑھ جاتا ہے۔ 
	&nbsp;</li>
	<li>دیگر- بانجھ پن، پِتّے کی پتھری،جگر میں چکنائی کی بیماری ، اور نیند کے دوران سانس رکنےکی بیماری، مٹاپے کی عام پیچیدگیاں ہیں۔ 
	&nbsp;</li>
</ul>

بچپن کا مٹاپا آگےچل کربالغ ہونے پرمٹاپےکے بڑھتے ہوئےخطرے سےوابستہ ہے۔ طبی کیفیات مثلاً جگر میں چکنائی کی بیماری، نیند کی کمی، ذیابیطس، اور دمہ؛ اورسماجی مسائل جیسے کم خود اعتمادی کےمسائل.<a href="#accordion">[20]</a> مزید یہ کہ یہ قبل از وقت موت اورمعذوری کا باعث بھی بن سکتاہے۔

<div>&nbsp;</div>

درج ذیل عوامل سے مٹاپے کو مزید تقویت ملتی ہے:

<ul>
	<li dir="rtl" style="text-align:right">عمر - اگرچہ مٹاپا کسی بھی عمر میں ہوسکتا ہے، لیکن عمر بڑھنے سےوابستہ ہارمونز کی&nbsp;تبدیلیاں مٹاپے کےخطرے کو بڑھا سکتی ہیں۔ مزید یہ کہ،عمر کے ساتھ میٹابولزم بھی سست ہو سکتا ہےجس سےوزن کم کرنا مشکل ہوجاتا ہے۔</li>
	<li dir="rtl" style="text-align:right">فیملی - مٹاپا اکثر خاندانوں میں چلتا ہےاورموٹےوالدین کا ہونا موٹاپےکاخطرہ بڑھا سکتا ہے۔ مزید یہ کہ،کھانےکی عادات آپ کےخاندان سے&nbsp;&nbsp;وراثت میں ملتی ہیں اوروزن میں اضافےاور مٹاپےکےحوالے سےبہت بڑا کردارادا کرتی ہیں۔</li>
	<li dir="rtl" style="text-align:right">رہن سہن کا طریقہ -&nbsp;غیر صحت بخش غذا جس میں سیر شدہ چکنائیاں اورشکرکی مقدار زیادہ ہوتی ہے، نتیجے کےطور پر مٹاپے کا خطرہ بڑھ جاتا ہے ۔ مزید یہ کہ،درون خانہ قیام کے نتیجے میں جسمانی سرگرمی کم ہوجاتی ہےاورمٹاپے کے امکانات بڑھ جاتے ہیں۔</li>
	<li dir="rtl" style="text-align:right">ذہنی دباؤ - تناؤ جسم میں&nbsp;ہارمون کورٹیسول کےاخراج کا باعث بن سکتا ہے جس سے وزن بڑھ سکتا ہے۔ مزید یہ کہ،تناؤ کا نتیجہ اکثر جذباتی کھانے یا چکنائی والی&quot;فرحت بخش&quot; غذاؤں کےاستعمال کی صورت میں نکلتاہے۔</li>
	<li dir="rtl" style="text-align:right">نیند سے متعلق عادات - کم نیند ہارمونل ڈس ریگولیشن کا سبب بن سکتی ہے اور مٹاپے کا باعث بن سکتی ہے۔</li>
</ul>

<div>&nbsp;</div>

مٹاپے سے بچنے کے ضمن میں ،رہن سہن میں معمولی تبدیلیاں بڑاکردار ادا کرتی ہیں، جن میں درج ذیل شامل ہیں:

<ul>
	<li dir="rtl" style="text-align:right">20سے 30 منٹ تک روزانہ معتدل ورزش کرنا مثلاًپیدل چلنا یا سائیکل چلانا۔</li>
	<li dir="rtl" style="text-align:right">متوازن غذا کواستعمال کرنا۔</li>
	<li dir="rtl" style="text-align:right">غیر صحت بخش تفریحی غذاؤں کے بجائے، صحت بخش اشیاء کا استعمال کرنا مثلاً&nbsp;بسکٹ کے جائے سیب کھانا۔</li>
	<li dir="rtl" style="text-align:right">شراب کے استعمال کو کم کرنا۔</li>
	<li dir="rtl" style="text-align:right">اسکرین پرپروگرام دیکھنےکے وقت کو محدود کرکےبیرونی سرگرمیوں کو زیادہ وقت دیا جائے۔</li>
	<li dir="rtl" style="text-align:right">تمباکو نوشی کوترک کیا جائے ۔</li>
	<li dir="rtl" style="text-align:right">صحت بخش اشیاء کھائیں،اور فاسٹ فوڈ کے بجائے گھر کے کھانے کھائیں۔</li>
</ul>

<div>&nbsp;</div>

اہم نکات

<ul dir="rtl">
	<li>عالمی ادارہ صحت&nbsp;نےموٹاپے کی تعریف جسم میں چربی کے زیادہ جمع ہونے کے طور پرکی ہے، جس سےانسان کی صحت کو خطرات لاحق ہوتے ہیں۔ تشخیصی معیار کےمطابق،جن کا باڈی ماس انڈیکس30یا اس سےزائد ہےانہیں موٹا فرد سمجھا جاتا ہے۔</li>
	<li>تحقیق کاروں کا قیاس ہےکہ جب ہم ضرورت سے زیادہ کیلوریز کھاتے ہیں، تواضافی کیلوریزجسم میں چربی کے طور پر جمع ہوجاتی ہیں۔اضافی چربی وزن اورجسم میں چربی کے پھیلاؤ&nbsp;میں اضافےکا باعث بنتی ہے۔ اس طرح،زیادہ وزن یا موٹےہونے کی وجہ سےدیگر عوامل جیسے خوراک، جینیات، جسمانی سرگرمی کی سطح اور بعض طبی بیماریاں بھی مٹاپے کا باعث بن سکتی ہیں۔</li>
	<li>مٹاپا کئی غیر متعدی بیماریوں جیسے ذیابیطس، ہائی بلڈ پریشر، آوسٹیو آرتھرائٹس، دل کی بیماریاں، فالج، نیند کی کمی اور بعض کینسرز کا خطرہ بڑھاتا ہے۔</li>
	<li>مٹاپے کےعلاج کے لئےغذا میں تبدیلی اورجسمانی سرگرمی کی تجویزدی جاتی ہے۔ تاہم،ممکن ہے کہ بعض&nbsp;لوگوں میں، ان کے مطلوبہ اثرات نہ ہوں، اس لئے&nbsp;ڈاکٹر وزن کم کرنے والی ادویات&nbsp;بھی تجویز کر سکتے ہیں یا بیریا ٹرک سرجری&nbsp; کا مشورہ دے سکتے ہیں۔</li>
</ul>

<div>&nbsp;</div>

[1] Ferris WF, Crowther NJ. Once fat was fat and that was that: our changing perspectives on adipose tissue. Cardiovasc J Afr. 2011;22(3):147-154.

[2] Obesity and overweight. World Health Organization

[3] NATIONAL NUTRITION SURVEY 2018 - Key Findings Report. UNICEF.

[4] Ghaus S, Ahsan T, Sohail E, Erum U, Aijaz W. Burden of Elevated Body Mass Index and Its Association With Non-Communicable Diseases in Patients Presenting to an Endocrinology Clinic. Cureus. 2021;13(2):e13471. Published 2021 Feb 21.

[5] Amin Baig A. Obesity in Pakistan; current and future perceptions. Current Trends in Biomedical Engineering & Biosciences. 2018;17(2).

[6] Tanzil, S., Jamali, T. Obesity, an emerging epidemic in Pakistan-a review of evidence. J Ayub Med Coll Abbottabad. 2016;28(3): 597-600.

[7] A healthy lifestyle - WHO recommendations. World Health Organization.

[8] Shai I, Jiang R, Manson JE, et al. Ethnicity, obesity, and risk of type 2 diabetes in women: a 20-year follow-up study. Diabetes Care. 2006;29(7):1585-1590.

[9] Narayan KMV, Kondal D, Daya N, et al. Incidence and pathophysiology of diabetes in South Asian adults living in India and Pakistan compared with US blacks and whites. BMJ Open Diabetes Res Care. 2021;9(1):e001927.

[10] Fatima SS, Rehman R, Chaudhry B. Body mass index or body fat! Which is a better obesity scale for Pakistani population?. J Pak Med Assoc. 2014;64(11):1225-1228.

[11] Datta BK, Husain MJ. Carbonating the household diet: a Pakistani tale. Public Health Nutr. 2020;23(9):1629-1637.

[12] Healthy Weight, Nutrition, and Physical Activity - Assessing Your Weight. Centers for Disease Control and Prevention.

[13] World Health Organization. Waist Circumference And Waist-Hip Ratio: Report Of A WHO Expert Consultation. Geneva: World Health Organization; 2008.

[14] Moosaie F, Fatemi Abhari S, Deravi N et al. Waist-To-Height Ratio Is a More Accurate Tool for Predicting Hypertension Than Waist-To-Hip Circumference and BMI in Patients With Type 2 Diabetes: A Prospective Study. Front Public Health. 2021;9.

[15] Ryan DH, Yockey SR. Weight Loss and Improvement in Comorbidity: Differences at 5%, 10%, 15%, and Over. Curr Obes Rep. 2017;6(2):187-194.

[16] Safdar NF, Bertone-Johnson E, Cordeiro L, Jafar TH, Cohen NL. Dietary patterns of Pakistani adults and their associations with sociodemographic, anthropometric and life-style factors. J Nutr Sci. 2014;2:e42. Published 2014 Jan 2.

[17] Healthy Weight, Nutrition, and Physical Activity - Physical Activity for a Healthy Weight. Centers for Disease Control and Prevention.

[18] Shirazi M. "kickboxing is therapeutic." – Alizeh Zainab Razvi: Instep. thenews.

[19] Aminian A, Chang J, Brethauer SA, Kim JJ. ASMBS updated position statement on Bariatric Surgery in class I obesity (BMI 30–35 kg/m2). Surgery for Obesity and Related Diseases. 2018;14(8):1071-1087.

[20] Sahoo K, Sahoo B, Choudhury AK, Sofi NY, Kumar R, Bhadoria AS. Childhood obesity: causes and consequences. J Family Med Prim Care. 2015;4(2):187-192.