یہ چودہواں سب سے عام کینسر ہے اور دنیا بھر میں کینسر کا باعث بننے والی اموات کی ساتویں سب سے بڑی وجہ ہے۔

لبلبے کا سرطان

A. JABBAR DENTAL CLINIC KARACHI

Sadia Khan

جائزہ

لبلبے کا کینسر بنیادی طور پر لبلبے کی ایک مہلک خرابی ہے، جس کی خصوصیت خلیات میں تغیرات ہیں جس کی وجہ سے لبلبے کے خلیوں میں بے قابو اضافہ ہوتا ہے۔ اس طرح کے تغیرات اور اضافے سے لبلبے کی بافتوں کا مجموعہ بن جاتا ہے، جو علامات کا باعث بنتا ہے۔ یہ مجموعہ (غیر سرطانی) یا مہلک (سرطانی) ہوسکتا ہے۔ تاہم، لبلبے کا کینسر عام طور پر مہلک ہوتا ہے۔ لبلبے کا کینسر عام طور پر ان خلیوں میں پیدا ہوتا ہے ،جو لبلبے سے ہاضمہ کے انزائمز کو خارج کرنے کی&nbsp; ذمہ دار نالیوں کے استر میں ہوتے ہیں(لبلبے کی نالی کا اڈینو کارسینوما/غدودی کینسر)1،2۔

علم الاعضاء کے مطابق، لبلبہ ایک نسبتاً چھوٹا، ہاکی اسٹک کی شکل کا غدود ہے جو معدے کے پیچھے ہوتا ہے۔ عُضویاتی طور پر، لبلبہ آپ کے معدے کے نظام کو کھانا ہضم کرنے اور خون میں شکر کی سطح کو منظم کرنے میں مدد کرتا ہے۔ تاہم، جسم میں خون میں شکر کی سطح کو کنٹرول کرنا اس کا سب سے اہم کام ہے۔ لبلبہ دو اہم ہارمون بناتا ہے یعنی انسولین اور گلوکاگون۔&nbsp; انسولین کھانےکے بعد خون میں شکر کی سطح کو کم کرتا ہے، جبکہ گلوکاگون&nbsp; بھوک کی مدت&nbsp; میں خون میں شکر کی سطح کو برقرار رکھتا ہے1۔&nbsp; لبلبے کے کینسر کے حوالے سے ایک اہم بات ذہن میں رکھیں کہ، ابتدائی مراحل میں اس کی شناخت شاذ و نادر ہی ہوتی ہے۔ اس کی وجہ یہ ہے کہ یہ&nbsp;عام طور پر یہ اس وقت تک غیر علامتی ہوتا ہے جب تک کہ یہ میٹاسٹاسائز نہیں ہو جاتا (دوسرے اعضاء میں پھیل جانا)۔ لبلبے کے کینسر کا علاج اس کے پھیلاؤ پر منحصر ہے۔ لبلبے کا کینسر 14واں سب سے عام کینسر ہے اور دنیا بھر میں کینسر کا باعث بننے والی اموات کی ساتویں سب سے بڑی وجہ ہے۔ گلوبوکان ایک آن لائن ڈیٹا بیس ہے، جو کینسر کے عالمی اعدادوشمار فراہم کرتا ہے اور 185 ممالک میں 36 اقسام کے کینسر کے کیسز اور اموات کے تخمینے فراہم کرتا ہے۔ گلوبوکان کے مطابق، یہ اندازہ لگایا گیا تھا کہ سال 2018 میں دنیا بھر میں 458,918 نئی تشخیص اور 432,242 اموات خاص طور پر لبلبے کے کینسر سے ہوئیں6۔ مزید یہ کہ یورپ اور شمالی امریکہ میں سب سے زیادہ کیسز رپورٹ ہوئے ہیں، جبکہ سب سے کم افریقہ اور جنوبی وسطی ایشیاء میں دیکھے گئے ہیں6۔ امریکہ میں لیا گیااعداد و شمار کا ایک اور مجموعہ ،پیش گوئی کرتا ہے کہ، لبلبے کا کینسر 2030 تک امریکہ میں کینسر سے متعلق سب سے زیادہ عام اموات میں چوتھے سے دوسرے نمبر پر جائے گا6۔ امریکن کینسر سوسائٹی کی طرف سے 2022 کے لیے پیش کیے گئے تخمینے یہ بھی بتاتے ہیں کہ، تقریباً 62,210 افراد (32,970 مرد اور 29,240 خواتین) لبلبے کے کینسر متاثر ہوں&nbsp; گے اور تقریباً 49,830 افراد (25,970 مرد اور 23,860 خواتین) لبلبے کے کینسر سے انتقال کر سکتے ہیں3۔ یہ بات قابل ذکر ہے کہ لبلبے کا کینسر امریکہ میں ہونے والے تمام کینسروں میں سے تقریباً 3 فیصد کا ذمہ دار ہےاور مجموعی طور پر کینسر سے ہونے والی 7 فیصد اموات کا ذمہ دار ہے۔ دوسری جانب عالمی ادارہ صحت (ڈبلیو ایچ او) کے 2020 میں شائع ہونے والے تازہ ترین اعداد و شمار کے مطابق، پاکستان میں لبلبے کے کینسر سے ہونے والی اموات کی شرح 1,069 یا کل اموات کے 0.07 فیصد تک پہنچ گئی ہے۔ لبلبے کے کینسر سے ہونے والی اموات کے حوالے سے پاکستان دنیا میں 172 ویں نمبر پر ہے4۔<div> </div>

لبلبے کے کینسر کو بنیادی طور پر دو وسیع اقسام میں تقسیم کیا جا سکتا ہے7: <ol><li>۔ایکسوکرائن لبلبے کا کینسر</li><li>۔نیورواینڈوکرائن لبلبے کا کینسر </li></ol>ہر زمرے میں کینسر کی کئی اقسام ہیں، جن کی علامات اور تشخیص مختلف ہو سکتی ہیں۔ <h4>ایکسوکرائن(غیر اینڈوکرائین) لبلبے کا کینسر:</h4>ایکسوکرائن لبلبے کے کینسرکی وہ قسم ہے،جو لبلبے&nbsp; کے ایکسوکرائن خلیوں سے بنتا ہے۔ یہ خلیے خصوصی طور پر ایکسوکرائن غدود اور لبلبے کی نالیوں کی تشکیل کرتے ہیں۔ ایکسوکرائن غدود انزائمز کے اخراج کے ذمہ دار ہیں، جو ڈیوڈینم/چھوٹی آنت کے پہلے حصے میں عمل ِانہضام کے دوران کاربوہائیڈریٹس، چکنائی اور پروٹین جیسے میکرو مالیکیولز کو توڑنے میں مدد کرتے ہیں۔&nbsp;&nbsp;ایکسوکرائن لبلبے کے کینسرز،تمام لبلبے کے کینسروں میں سے 95% سے زیادہ کا تناسب رکھتے ہیں 7۔ اس کی درج ذیل مختلف اقسام ہیں: <ul><li>۔اڈینو کارسینوما</li></ul>اڈینو کارسینوما کو ڈکٹل کارسنوما بھی کہا جاتا ہے اور یہ لبلبے کے کینسر کی سب سے عام قسم ہے۔ یہ لبلبے کے کینسر کی 90 فیصد سے زیادہ تشخیص میں پایا جاتا ہے 7۔ استر سے شروع ہونے کے علاوہ، اڈینو کارسینوما ان خلیات سے بھی پیدا ہو سکتا ہے جو لبلبے کے انزائمز پیدا کرتے ہیں۔ اس طرح کی بیماری کو ایکنار سیل کارسنوما کہا جاتا ہے اور یہ کم از کم 1 سے 2 فیصد ایکسوکرائن&nbsp; کینسرز کے لیے ذمہ دار ہے7۔ ایکنار سیل کارسنوما کی علامات اڈینو کارسینوما سے ملتی جلتی ہیں یعنی پیٹ میں درد، متلی اور وزن میں کمی۔ امتیازی علامت یرقان ہے، جو شاید اتنا عام نہ ہو۔ تاہم، انزائمز میں اضافے کی وجہ سے آپ کو جلد پر خارش اور جوڑوں کے درد کا سامنا ہو سکتا ہے۔ <ul><li>۔اسکوامس سیل کارسنوما</li></ul>اسکوامس سیل کارسنوما ، ایک غیر اینڈوکرائن کینسر ہے جو شاذ و نادر ہی ہوتا ہے اور لبلبے کی نالیوں میں نشوونما پاتا ہے۔ لبلبے کی نالیاں خصوصی طور پر اسکوامس خلیوں سے بنی ہوتی ہیں، جو عام طور پر لبلبہ میں نہیں نظر آتی ہیں۔ اس کے کمیاب کیسز کی وجہ سے، اس بیماری کی نشونما&nbsp; کے عمل کو پوری طرح سے نہیں سمجھا گیا ہے۔ تاہم، مطالعات سے پتہ چلتا ہے کہ اس کی پیش بینی درست نہیں ہوتی ہے کیونکہ زیادہ تر کیسز کی تشخیص دوسرے اعضاء میں اس کے پھیل جانے&nbsp; کے بعد ہوتی ہے۔ <ul><li>۔اڈینوسکوامس کارسنوما</li></ul>اڈینوسکوامس کارسنوما ،لبلبے کے کینسر کی ایک اور کمیاب شکل ہے ،جو 1 سے 4 فیصد ایکسوکرائن لبلبے کے کینسر میں شامل ہوتا ہے7۔اڈینو کارسینوما&nbsp; کے مقابلے میں اڈینوسکوامس کارسنوما ، ایک بہت زیادہ جارحانہ بیماری ہے اور اس کی پیش بینی&nbsp; درست نہیں ہوتی ۔ دلچسپ بات یہ&nbsp;ہے کہ ایسی بیماری، ڈکٹل اڈینو کارسنوما اور اسکوامس سیل کارسنوما دونوں کی خصوصیات کو ظاہر کرتی ہے۔&nbsp; <ul><li>۔کولائیڈ کارسنوما</li></ul>کولائیڈ کارسنوماس، 1 سے 3٪ ایکسوکرائن لبلبے کے کینسرز کا سبب بنتا ہے ،لہذا اس کے کمیاب کیسز ہیں 7۔ یہ ابتدائی طور پر ایک غیر مہلک گلٹی سے تیار تشکیل پاتا ہے، جسے انٹراڈکٹل پیپلیری میوکینوس نیوپلازم (IPMN) کہا جاتا ہے۔ چونکہ لبلبے کا کولائیڈ کارسنوما طرز میں مہلک ہے اور میوسین (جیلی نما مادہ) میں تیرتا ہے،اس لئے لبلبے کے دیگر کینسروں کے مقابلے میں اس کا علاج آسان ہے۔ <h4>نیورو اینڈوکرائن لبلبے کا کینسر:</h4>لبلبے کے نیورو اینڈوکرائن ٹیومرز (NETs) لبلبے کے اینڈوکرائن سیلز سے پیدا ہوتے ہیں، جو انسولین اور گلوکاگون جیسے ہارمونز کے اخراج کے&nbsp;ذمہ دار ہوتے ہیں جو خون میں شکر کی سطح کو منظم کرتے ہیں۔ اس وجہ سے اسے اینڈوکرائن یا آئیلیٹ سیل ٹیومر بھی سمجھا جاتا ہے کیونکہ لینگرہانسزسیلز کا آئیلیٹ ، انسولین کے اخراج کے لیے خصوصی طور پر ذمہ دار ہے۔ نیورو اینڈوکرائن کینسر زکمیاب ہیں اور لبلبے کے کینسر کی تمام تشخیص میں سے صرف 5 فیصد سے بھی کم ہیں7۔&nbsp; <ul><li>قبل از کینسرغیر مہلک اضافی ٹشوز:</li></ul>غیر مہلک ٹیومرز اور گلٹیاں لبلبے میں بھی ہو سکتی ہیں درحقیقت، کچھ لبلبے کے کینسر کا پیش خیمہ بھی ہو سکتی ہیں۔ اس طرح کی بیماریوں میں intraductal papillary-mucinous neoplasms شامل ہیں جو کہ مہلک اور غیر مہلک گلٹیاں ہو تی ہیں۔علاج کا منصوبہ لبلبہ میں گلٹی کی بڑھوتی کی قسم پر منحصر ہے۔ آپ کا ڈاکٹر یا تو جراحی سے اضافی بے قاعدہ ٹشوز کو ہٹا سکتا ہے یا مسلسل نگرانی کر سکتا ہے تاکہ یہ یقینی بنایا جا سکے کہ یہ مہلک نہ ہو۔ &nbsp;<h4>مراحل:</h4>کسی بھی کینسر کی بیماری میں مرحلہ بندی اور درجہ بندی کے نظام بہت اہم ہوتے ہیں، کیونکہ یہ عمل آپ کے ڈاکٹر کو ایک موثر انتظامی منصوبے کا فیصلہ کرنے اور پیش بینی میں مدد کرتا ہے۔ TNM طریقہ لبلبے کے کینسر کے مرحلے کے لیے استعمال کیا جاتا ہے اور یہ تین پہلوؤں پر معلومات فراہم کرتا ہے:&nbsp; <ul><li>(ٹی):یہ ٹیومر کی حد (سائز) ہے۔&nbsp; کینسر کے پھیلنے کی حد کی نشاندہی کے لئے کٹوتی کی جاتی ہے&nbsp; ۔ یہ کسی بھی میٹاسٹیسیس/کینسر کا دوسرے اعضاء تک پھیلنے کو سمجھنے میں بھی مددگار ثابت ہوسکتا ہے، اگرایسا ہوا ہو۔</li><li>(این): یہ آپ کے ڈاکٹر کی آگہی کے لئے ہے کہ کیا کینسر لمف نوڈس میں پھیل گیا ہے اور متاثرہ لمف نوڈس کی تعدادکیا ہے، اگر بیماری واقعی پھیل&nbsp;گئی ہے۔</li><li>(ایم):یہ وضاحت کرتا ہے کہ کیا بیماری میٹاسٹاسائز ہوئی /جسم کے دیگر حصوں میں پھیلی ہے یا نہیں۔ جسم میں دور دراز حصوں تک پھیلاؤکی نشاندہی انتہائی اہمیت کی حامل ہے، کیونکہ یہ پیش بینی کی وضاحت کرتی ہے۔ میٹاسٹیسیس کی نشاندہی کے لئے معائنے&nbsp; والے اعضاء میں جگر، پیریٹونیم (پیٹ کےخلاء کی پرت) اور پھیپھڑے شامل ہیں۔ </li></ul>ٹی این ایم مرحلے کی بنیاد پر، لبلبے کے کینسر کےمندرجہ ذیل مراحل کی وضاحت کی گئی ہے8۔ <ul><li>مرحلہ 0:</li></ul>بے قاعدہ خلیات صرف لبلبے کے استر میں پائے جاتے ہیں جو کینسر بن سکتے ہیں یا نہیں بھی اور آپ کی صحت مند بافتوں میں پھیل سکتے ہیں۔ اسٹیج 0 کو محدود حصے کو متاثرکرنے والے کارسنوما&nbsp; (Tis, N0, M0) کے نام سے بھی جانا جاتا ہے۔ <ul><li>مرحلہ 1:</li></ul>اس میں کینسر صرف لبلبے تک محدود ہوتاہے اور ٹیومر کے سائز کے مطابق اسے دو مرحلوں میں تقسیم کیا جاتا ہے:اسٹیج ون اے:ٹیومردو سینٹی میٹر سے کم یااس کے برابر ہوتا ہے(T1, N0, M0)اسٹیج ون بی:ٹیومر دو سینٹی میٹر سے بڑا ہوتا ہے(T2, N0, M0) <ul><li>مرحلہ II:</li></ul>کینسرکے دوسرے مرحلے کے دوران اس بات کا امکان ہوتا ہے کہ، یہ قریبی اعضاء تک پھیل جائے ۔ دوسرے مرحلے کو اس کے مقام کے لحاظ سے مزید دَو مراحل میں تقسیم کیا جاتا ہے ۔ مرحلہ II A:&nbsp; کینسر قریبی عضلات اور اعضاء تک پھیل جاتا ہے لیکن ابھی یہ لمف نوڈز ، خون کی بڑی نالیوں، اعصاب اور جسم کے دُور کے اعضاء تک نہیں پہنچا ہوتا ہے (T3, N0, M0)۔مرحلہ II B:&nbsp; &nbsp; کینسر قریبی عضلات ، اعضاء&nbsp; اور لمف نوڈز تک پھیل جاتا ہے لیکن ابھی یہ دُور کے مقامات ، خون کی بڑی نالیوں، اعصاب تک نہیں پہنچا ہوتا ہے (T1, T2 or N1, M0)۔ <ul><li>مرحلہ III:&nbsp; &nbsp; &nbsp;</li></ul>&nbsp;کینسر اب لبلبے کے قریب&nbsp; خون کی بڑی نالیوں تک پہنچ چکا ہے اور ممکن ہے کہ قریبی لمف نوڈز تک پھیل چکا ہو۔&nbsp; &nbsp;البتّہ ابھی یہ دور کے مقامات تک نہیں پہنچا ہوتا ہے (T4, Any N, M0)۔ <ul><li>مرحلہ IV:</li></ul>کینسر کے سائز سے قطع نظر ، اب یہ دور کے اعضاء تک بھی پھیل چکا ہے جن میں جگر ، پھیپھڑے اور&nbsp; پیٹ&nbsp; بھی شامل ہیں(Any T, Any N, M1)۔

علامات

ابتدائی مراحل کے دوران لبلبے کے کینسر کی علامات ظاہر نہیں ہوتی&nbsp; ہیں۔ تاہم، یہ بیماری کے بڑھنے پر واضح ہوجاتی ہیں جن میں درج ذیل شامل ہیں[1]:&nbsp; 
&nbsp;

<ul>
	<li>پیٹ کے بالائی حصے میں درد، جو کمر تک پھیل جاتا ہے ۔</li>
	<li>جِلد&nbsp; اورآنکھوں کے سفید حصے کا رنگ پیلا ہوجاتا ہے (یرقان)۔</li>
	<li>تھکن ہونا۔</li>
	<li>بھوک کی&nbsp; کمی۔</li>
	<li>ہلکے رنگ کا پاخانہ آنا۔</li>
	<li>گہرے رنگ کا پیشاب آنا۔</li>
	<li>بِلا ارادہ وزن میں کمی آنا۔</li>
	<li><a href="https://merisehat.pk/ur/disease/diabetes-type-1-and-2-39">ذیابطیس</a> کا آغاز۔</li>
	<li>متلی اور الٹی ہونا۔</li>
</ul>

<div>&nbsp;</div>

اسباب

لبلبے کے کینسر کی صحیح وجہ ابھی تک سمجھ میں نہیں آ سکی ہے۔ تاہم، ممکنہ خطرے والے عوامل پر محتاط&nbsp; بحث کی جاتی ہے،جو لبلبے کے کینسر کا سبب بن سکتے ہیں۔اس کی ایک عام وجہ جینیاتی تغیرات ہیں۔ کینسر ڈی این اے کی تبدیلیوں کی وجہ سے پیدا&nbsp; ہوتے ہیں، جو آنکوجینز کوشروع&nbsp; کرتے ہیں یا ٹیومر کو دبانے والے جینز کو بند کر دیتے ہیں۔ جب کہ آنکوجین ایک ایسا جین ہے جس میں کینسر پیدا کرنے کی صلاحیت ہوتی ہے، ٹیومر کو دبانے والا جین ایک ایسا جین ہوتا ہے جوخلئے کے عمل میں&nbsp; اس کی&nbsp; تقسیم اور تعداد بڑھنے کے دوران&nbsp; باقاعدگی پیدا کرتا ہے[1]۔

زیادہ خطرہ ہونے کی صورت میں، ڈاکٹر لبلبے کے کینسر&nbsp; کی جانچ کے لئے&nbsp; اسکریننگ کروانے کا مشورہ دے سکتا ہے۔ اس طرح کے عوامل میں فیملی ہسٹری&nbsp; یا کسی بھی متعلقہ عوامل&nbsp; کی موجودگی شامل ہوسکتی ہے۔ اس مقصد کے لئے&nbsp; درج ذیل طریقے استعمال کئے&nbsp; جا سکتے ہیں:تفصیلی طبی ہسٹریغیر ارادی طور پر وزن میں کمی،عرصے سے جاری رہنے والا یرقان یا شدیددرد کی کوئی علامت جو کمر تک پھیلتی ہے تو شک پیداہوسکتا&nbsp; ہے اور ڈاکٹر لبلبے کے کینسر کے حوالے سے&nbsp; تشخیصی ٹیسٹ کرانے کا انتخاب کر سکتا&nbsp; ہے۔CA19-9:&nbsp; یہ خون کا ٹیسٹ ہے جو "ٹیومر مارکر" کا پتہ لگاتا ہے ۔ پروٹین CA19-9 ، خصوصی طور پر صرف لبلبے کے کینسر والے خلیات سے خارج ہوتا ہے ۔ لہٰذا&nbsp; یہ تشخیص میں آسانی پیدا کرتا ہے ۔<div> </div>

تشخیص

جیسا کہ اوپر بیان کیا گیا ہے، لبلبے کے کینسر کا ابتدائی مراحل میں پتہ لگانا نسبتاً مشکل ہوتا&nbsp; ہے۔ اس&nbsp; کی ایک بڑی وجہ یہ ہے کہ ڈاکٹر&nbsp; معمول کے چیک اپ میں لبلبہ کو محسوس نہیں کر سکتا۔ تاہم، اگر ایسی علامات اور نشانیاں&nbsp; ہیں جو لبلبے کے کینسر کی نشان دہی کر سکتی ہیں، تو عکس بندی کے مطالعات اور خون کے مختلف ٹیسٹس کئے جا سکتے ہیں۔&nbsp; ڈاکٹر درج ذیل تشخیصی طریقے اختیار کر سکتا ہے [9]: <ul><li>اینڈو اسکوپک الٹرا ساؤنڈ (EUS):اینڈواسکوپ ایک پتلی ٹیوب ہے ،جس کے ایک سرے پر کیمرہ ہوتا ہے اور یہ آپ کے منہ سے ہو کر پیٹ میں جاتی ہے۔ آپ کا ڈاکٹر اس طریقہ کار کے دوران لبلبے سے ایک نمونہ بھی لے سکتا ہے، جسے الٹراساؤنڈ گائیڈڈ بائیوپسی&nbsp; کہا جاتا ہے۔ </li><li>ایم آر آئی(میگنیٹک ریسونینس امیجنگ): اس طریقہ کار میں جسم کے اندرونی حصوں&nbsp; کی تفصیلی تصاویر کی ایک سیریز بنانے کے لئے مقناطیس، ریڈیو لہروں، اور کمپیوٹر کا استعمال کیا جاتا ہے۔ </li><li>سی ٹی اسکین (کیٹ اسکین): سی ٹی جسم کے اندرونی حصوں کی تفصیلی تصاویر تیار کرتا ہے۔ لہذا، یہ لبلبے اور اس کے ساتھ منسلک کسی بھی تبدیلیوں کو بہتر طور پر دکھا سکتا ہے۔&nbsp; </li><li>&nbsp;پی ای ٹی اسکین (پوزیٹرون ایمیشن ٹوموگرافی اسکین): پی ای ٹی اسکین جسم میں مہلک خلیات کی نشاندہی کرتا ہے۔ تابکار گلوکوز (شوگر) کو رگ میں داخل کیا جاتا ہے۔ پی ای ٹی سکینر آپ کے جسم میں گھومتا ہے اور جسم کی طرف سے جہاں بھی گلوکوز لیا جا رہا ہے اس کی تصویر لیتا ہے۔ اس سے بہت&nbsp; مدد ملتی ہے، کیونکہ تصویر میں مہلک ٹیومر کے خلیے، صحت مند خلیوں کے مقابلے میں زیادہ روشن دکھائی دیتے ہیں۔ پی ای ٹی اسکین اور سی ٹی اسکین بھی بیک وقت کیے جا سکتے ہیں جسے پھر پی ای ٹی-سی ٹی کہا جاتا ہے۔&nbsp;</li></ul><div> </div>

علاج

لبلبے کے کینسر کی تشخیص&nbsp; &nbsp;والے مریضوں کے لیے علاج کے مختلف طریقے موجود ہیں۔ معیاری علاج کے طریقے اس کے لیے دستیاب علاج ہیں، جب کہ&nbsp; طبی ٹرائل کا علاج اس وقت ہوتا ہے جب ایک مخصوص انتظامی طریقہ کار کی جانچ پڑتال کی جاتی ہے۔&nbsp;معیاری علاج کی پانچ اقسام ہیں ،&nbsp; جو مندرجہ ذیل ہیں: &nbsp;<h4>1۔سرجری</h4>جراحی کے طریقے میں، درج ذیل میں سے ایک طریقہ کار بے قاعدہ ٹشوز کو&nbsp; نکالنے کے لئے انجام دیا جا سکتا ہے:<ul><li>&nbsp;وہپل طریقہ کار: اس طریقہ کار میں،جن حصوں کو کاٹا جا سکتا ہے ان میں لبلبے کا سر، پتہ، معدے کا حصہ، چھوٹی آنت کاحصہ، اور بائل ڈکٹ شامل ہیں۔ تاہم، انہضامی رس اور انسولین پیدا کرنے کے لئے لبلبے کا کافی حصہ بچ جاتا ہے &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;</li><li>&nbsp;لبلبے کا مکمل ہٹایا جانا: جیسا کہ نام سے ظاہرہے، اس طریقہ کار سے مراد پورے لبلبے، معدے کا کچھ حصہ، چھوٹی آنت کا حصہ، عام بائل ڈکٹ، پتہ ،&nbsp;تلی اور قریبی لمف نوڈس کا ہٹایا جانا ہے۔ </li><li>&nbsp;لبلبے کے کناروں کا ہٹایا جانا: سرجری، اناٹومیکل باڈی اور لبلبے کی آخری حصے کو ہٹانے کے لئے کی جاتی ہے۔اس کے علاوہ،اگر کینسر تلی میں پھیل گیا ہے تو تلی کو بھی ہٹایا جا سکتا ہے۔ </li></ul>&nbsp;تاہم ، اگر کینسر دیگر عضو میں پھیل چکا ہو اور اسے ہٹایا نہ جاسکے تو ، زندگی کے معیار کو بہتر بنانے کے لئے معاونتی سرجری کی جا سکتی ہے۔ اس طرح کی سرجریوں میں&nbsp; مندرجہ ذیل شامل ہیں: <ul><li>پتہ کا بائی پاس: اگر کینسر ، پتہ اور اس کے بہاؤ میں رکاوٹ ڈال رہا ہے ، تو یہ&nbsp; پتے&nbsp; میں بائل جمع ہونے کا سبب بن سکتا ہے ۔ اس صورت حال میں، پتہ کا&nbsp;بائی پاس ایک قابل عمل آپشن ہو سکتا ہے ۔ اس طریقہ کار میں، آپ کا ڈاکٹر رکاوٹ سے پہلے ہی آپ کے پتہ یا بائل ڈکٹ کو کاٹ دے گا اور پھر اسے چھوٹی آنت میں جوڑدے گا تاکہ بند جگہ کے ارد گرد ایک متبادل راستہ بنایا جا سکے۔ </li><li>&nbsp;اینڈواسکوپک اسٹنٹ پلیسمنٹ: ایک اور سرجری جو بلاک شدہ بائل ڈکٹ کیس میں کی جاسکتی ہے وہ اسٹنٹ لگاناہے۔ اسٹنٹ ایک پتلی ٹیوب ہے&nbsp;جو بائل جوس کو نکالتی ہے۔ </li><li>گیسٹرک بائی پاس: جراحی کاایک اور طریقہ گیسٹرک بائی پاس ہے۔ یہ اس وقت کیا جاتا ہے جب ٹیومر معدے سے خوراک کے بہاؤ میں رکاوٹ پیدا&nbsp;کر رہا ہو۔ جراحی کے ذریعے معدے کو براہ راست چھوٹی آنت&nbsp; سے جوڑا&nbsp; جاتا ہے، تاکہ مریض آسانی سے کھا سکے۔</li></ul>&nbsp;علاج کے دیگر طریقےمندرجہ ذیل ہیں:<ul><li>&nbsp;تابکاری تھراپی: </li></ul>تابکاری تھراپی کینسر کے خلیات کو ختم کرنے یا انہیں بڑھنے سے روکنے کے لئے طاقتور ایکس رے یا کسی اور قسم کی تابکاری کا استعمال کرتی ہے۔ <ul><li>&nbsp;کیموتھراپی:</li></ul>کیموتھراپی کینسر کا ایک علاج ہے ،جو کینسر کے خلیوں کو بڑھنے سے روکنے کے لیے فارما کو لوجیکل ایجنٹس کا استعمال کرتی ہے، یا تو خلیوں کو مار کر یا ان کی بڑھوتی ہونے سے روک کر۔ <ul><li>&nbsp;کیمو تابکاری تھراپی:</li></ul>&nbsp;کیموریڈیشن تھراپی ،کیموتھراپی اور تابکاری تھراپی کا ایک مجموعہ ہے جو دونوں کے اثرات کوبڑھانے کے لئے ہے۔ <ul><li>&nbsp;ٹارگٹڈ تھراپی</li></ul>ٹارگٹڈ تھراپی علاج کا ایک طریقہ ہے ،جو فارماسولوجیکل ایجنٹس کو خاص طور پر کینسر کے کسی خاص خلیے کی شناخت اور اس پر حملہ کرنے کے لیے استعمال کرتی ہے۔ کیموتھراپی یا ریڈی ایشن تھراپی کے مقابلے میں ٹارگٹڈ علاج عام خلیوں کو کم نقصان پہنچاتا ہے۔ استعمال ہونے والی دوائیں ٹائروسین کنیس انہیبیٹرز (ٹی کے آئیز) ہیں۔ یہ ٹیومر کی بڑھوتی کے لئے ضروری سگنلزکو روکتی ہیں۔ ٹی کے آئیز کی ایک مثال ایرلوٹینیب ہے ، جو لبلبے کے کینسر کے علاج کے لئے استعمال ہوتا ہے۔<div> </div>

لبلبے کا کینسر نہ صرف ایک ایسی بیماری ہے جس کی تشخیص ناقص ہوتی ہے، بلکہ یہ ایک انتہائی تکلیف دہ حالت بھی ہے۔ تاہم، اگر ابتدائی تشخیص کے باوجود علاج شروع نہیں کیا جاتا ہے ، تو درج ذیل پیچیدگیاں پیدا ہو سکتی ہیں ۔&nbsp;&nbsp; وزن میں غیر ارادی کمی: یہ متعدد عوامل کی وجہ سے ہو سکتا ہے۔ یہ اس وجہ سے بھی ہو سکتا ہے کہ کینسر جسم کی توانائی کو استعمال کرتا ہے۔ مزید یہ کہ کینسر کے علاج کی وجہ سے متلی اور الٹی آپ کے لیے کچھ کھانا مشکل بنا سکتی ہے۔&nbsp; یرقان: لبلبے کا کینسر آپ کے جگر کی بائل ڈکٹ میں رکاوٹ کی صلاحیت رکھتا ہے، جو کہ یرقان کا سبب بن سکتی ہے۔ یرقان کی علامات میں جلد اور آنکھوں کا پیلا ہونا، گہرے رنگ کا پیشاب اور پیلے رنگ کا فضلہ شامل ہیں۔ درد: لبلبے کے کینسر کے مریض کو شدید درد&nbsp; ہوتے ہیں، کیونکہ بڑھتے ہوئے ٹیومر ان کے پیٹ کے اعصاب پر دباؤ ڈالتے ہیں۔ مریضوں کے مطابق جب وہ آگے کی طرف جھکتے ہیں تو درد میں آرام آتا ہے۔ لہذا، یہ ایک علامت کی نشاندہی&nbsp; ہے۔ آنتوں کی رکاوٹ: لبلبے کا کینسر جو چھوٹی آنت کے پہلے حصے میں بڑھتا ہے جسے ڈوڈینم بھی کہا جاتا ہے ، آپ کے معدے سے آنتوں میں ہضم شدہ کھانے کے بہاؤ میں رکاوٹ پیدا کرسکتا ہے۔<div> </div>

مطالعے سے ثابت ہوتا ہے کہ کسی شخص کی زندگی میں، لبلبے کا کینسر ہونے کا اوسط خطرہ 64 افرادمیں سے 1فرد ہے۔ لبلبے کے کینسر کے خطرے کےعوامل مندر جہ ذیل ہیں 1 <ul><li>&nbsp;تمباکو نوشی، جس میں سگریٹ، سگار اور تمباکو کی دیگر اقسام بھی شامل ہیں۔</li><li>&nbsp;موٹاپا ۔ واضح رہے کہ موٹاپے سے قطع نظر ،کمر کے اردگرد چربی ہونا ایک بڑا خطرہ ہے۔</li><li>&nbsp;ذیابیطس ۔تحقیق سے ثابت ہوتا ہے کہ خاص طور پر ٹائپ 2 ذیابیطس، موٹاپے سے منسلک ہے۔&nbsp; خاص طور پر بڑی عمر میں ذیابیطس ہونا&nbsp;لبلبے کے کینسر کی علامت ہوسکتی ہے۔&nbsp;</li><li>کیمیکلز&nbsp; کی زد میں آنا ، خاص طور پر وہ جو ڈرائی کلینرز اور دھاتی اشیاء کا کام کرنے والے ورکرز استعمال کرتے ہیں۔</li></ul> کچھ خطرے کے عوامل غیر تبدیل شدہ ہیں، جس کا بنیادی مطلب یہ ہے کہ آپ ان کے بارے میں کچھ بھی نہیں کرسکتے ہیں۔ اس طرح کے&nbsp; خطرے کے عوامل مندرجہ ذیل&nbsp; ہیں: <ul><li>موروثی دائمی لبلبے کی سوزش ،جو جین کی تبدیلیوں (تغیرات) کی وجہ سے ہوتی ہے۔</li><li>عمر 45 سال سے زیادہ ہونا</li><li>مردانہ جنس&nbsp;</li><li>افریقی امریکی ہونا</li></ul><div> </div>

کسی بھی دوسری بیماری کی طرح، لبلبے کے کینسر میں بھی روک تھام کے عوامل ہوتے ہیں جو بڑے پیمانے پر لبلبے کے کینسر کے خطرے کو کم کرتے ہیں۔ اس طرح کے عوامل&nbsp; مندرجہ ذیل ہیں1: <ul><li>تمباکو نوشی چھوڑ دیں: آپ کو تمباکو نوشی بند کر دینی چاہیے, کیونک یہ کینسر&nbsp; کا سبب بنتی ہے۔</li><li>&nbsp;صحت مند وزن کو برقرار رکھنا: اگر آپ کا وزن زیادہ ہے تو آپ کو اسےکم کرنے کی کوشش کرنی چاہیے، یا اگر یہ&nbsp; مناسب ہے تو اسے برقرار رکھیں۔ سبزیوں، پھلوں اور اناج سے بھرپور غذا کے ساتھ روزانہ ورزش&nbsp; وزن کم کرنے میں مددگار ثابت ہوتی ہے۔</li><li>&nbsp;الکحل چھوڑنا: الکحل ایک خطرے کاعنصر ہے اور اس سے بچنا چاہئے۔ </li></ul>

محققین اب جانتے ہیں کہ طویل نان کوڈنگ آر این اے، جسے IncRNA بھی کہا جاتا ہے ، لبلبے کے کینسر کے بڑھنے&nbsp; میں اہم کردار ادا کرتاہے۔ سائنسدانوں کا مقصد پروٹین بائنڈنگ کے حوالے سے،لبلبے کے کینسر میں LINC00941 کے پیتھوجینیس کو تلاش کرنا تھا۔ پی سی آر تجزیہ کا استعمال کرتے ہوئے،&nbsp; محققین کو پتہ چلا ہے کہ LINC00941&nbsp; کینسر سے لبلبےمیں ٹشوزیادہ&nbsp; متاثر ہوئے تھے اور یہ لاحق نہ ہونے والے مریضوں کے مقابلے ،ان مریضوں میں نمایاں طور پر زیادہ تھا کہ جن کا جگر بھی کینسر سے متاثر تھا&nbsp; ۔ اس کے علاوہ، بڑھے ہوئےLINC00941 کے ظاہر ہونے کا مطلب بھی ناقص پیش بینی&nbsp; ہے۔ یہ ایک انقلابی دریافت ہو سکتی ہے کیونکہ اس سے محققین کو نئی ادویات تیار کرنے میں مدد مل سکتی ہے ،جو مخصوص IncRNA کو نشانہ بناتے ہیں اور بیماری&nbsp; کے علاج میں مدد کرتے ہیں10۔&nbsp;&nbsp;

اہم نکات

<ol><li>لبلبے کا کینسر بنیادی طور پر لبلبہ کی ایک مہلک حالت ہے،جس میں اس کے خلیات تغیرات کی وجہ سے وہ بے قابو ہو کر بڑھتے ہیں۔&nbsp;</li><li>لبلبے کا کینسر عام طور پر مہلک ہوتا ہے۔</li><li>&nbsp;لبلبہ آپ کے پیٹ کے پیچھے موجود ایک نسبتا چھوٹا ، ہاکی اسٹک کی شکل کا غدود ہے۔</li><li>لبلبے کا جسمانی فعل خوراک کو ہضم کرنا اور آپ کے خون میں شکر کی سطح کو منظم کرنے میں آپ کے معدے&nbsp; کی مدد کرنا ہے۔</li><li>لبلبے کے کینسر کی ابتدائی مراحل میں، علامتیں ظاہرنہ&nbsp; ہونے کی وجہ سے شاذ و نادر ہی شناخت ہوتی ہے۔</li><li>لبلبے کے کینسر کا علاج ،کینسر کے پھیلاؤ کی حد پر منحصر ہے۔</li><li>لبلبے کے کینسر کے کیسز اسے دنیا بھر میں 14 ویں سب سے عام کینسر اور کینسر سے متعلق اموات کی 7ویں سب سے بڑی وجہ بناتےہیں</li><li>گلوبوکین کے مطابق ، سال 2018 میں دنیا بھر میں خاص طور پر لبلبے کے کینسر سے 458,918 نئے کیسز اور 432,242 اموات ہوئیں۔</li><li>سب سے زیادہ کیسز یورپ اور شمالی امریکہ میں رپورٹ کیے گئے ہیں، جب کہ سب سے کم افریقہ اور جنوبی وسطی ایشیا میں دیکھے گئے ہیں۔</li><li>2030&nbsp; تک امریکہ میں لبلبے کا کینسرسے،&nbsp; &nbsp;چو تھے نمبر سے بڑھ کر دوسرے نمبر پر ہونے والی عام اموات کی پیش گو ئی کی گئی ہے۔</li><li>امریکن کینسر سوسائٹی کی لبلبے کے کینسر پر سال 2022 کی تحقیق یہ بھی ظاہر کرتی ہے کہ 62,210 افراد (32,970 مرد اور 29,240 خواتین) لبلبے کے کینسر سے متاثر ہوں گے۔</li><li>لبلبے کا کینسر، امریکہ میں تقریباً 3فیصد کینسر اور مجموعی طور پر کینسر سے ہونے والی تقریباً 7فیصد اموات کاذمہ دار ہے۔</li><li>عالمی ادارہ صحت (ڈبلیو ایچ او) کے 2020 میں شائع ہونے والے اعداد و شمار کے مطابق، پاکستان میں لبلبے کے کینسر سے ہونے والی اموات کی تعداد 1,069 تک پہنچ گئی تھی جو کل اموات کا 0.07 فیصد ہے۔</li><li>لبلبے کے کینسر سے ہونے والی اموات کے حوالے سے پاکستان دنیا میں 172 ویں نمبر پر ہے</li><li>لبلبے کے کینسر کو بنیادی طور پر دو وسیع اقسام میں تقسیم کیا جا سکتا ہے ،یعنی ایکسوکرائن اور نیورو اینڈوکرائن ٹیومر۔&nbsp; ایکسوکرائن بےقاعدہ خلیوں میں ایڈینوکارسینوما&nbsp; ، جو سب سے زیادہ عام ہے، سکوامس سیل کارسینوما، کولوائڈ کارسینوما اور ایڈینوسکوامس کارسینوما شامل ہیں۔</li><li>لبلبے کے کینسر کے 5 مراحل ہیں&nbsp; جو 0 سے 4 تک ہوتے ہیں۔ پہلے اور دوسرے مرحلے کو ٹیومر کے سائز اور مقام کے حوالے سے اے اور بی میں مزید تقسیم کیا گیا ہے۔</li><li>بیماری کےآثاراور علامات میں پیٹ کے اوپری حصے میں درد جو&nbsp; کہ کمر تک پھیلتا ہے، یرقان، تھکاوٹ، اور بھوک کی کمی شامل ہیں۔</li><li>کینسر ڈی این اے کی تبدیلیوں کی وجہ سے ہوتا ہے، جو یا تو آنکوجینز کو متحرک کر سکتے ہیں یا ٹیومر کو روکنے والے جینز کو بند کر سکتے ہیں۔</li><li>اسکریننگ ٹیسٹ میں ایک تفصیلی ہسٹری اور سی اے 19-9خون کا ٹیسٹ شامل&nbsp; ہوتا ہے۔</li><li>تشخیصی طریقوں میں ایم آر آئی ، سی ٹی ، پی ای ٹی اور ای یو ایس شامل ہیں۔</li><li>لبلبے کے کینسر کے علاج میں, ٹیومر کو نکالنے اور سکون آوری کے مقصد سے کی جانے والی سرجریاں شامل ہیں۔ جبکہ کیموتھراپی ٹیومر کو ختم کرنے کے لئے فارما کو لوجیکل ایجنٹس کا استعمال کرتی ہے۔</li><li>ٹارگٹڈ تھراپی علاج کا ایک طریقہ ہے جو خاص طور پر کینسر کے خلیوں کی شناخت اور ان پر حملہ کرنے کے لیے فارماسولوجیکل ایجنٹس کا استعمال کرتی ہے۔</li><li>&nbsp;بیماری کے خطرے کے عوامل میں تمباکو نوشی، شراب نوشی، موٹاپا ہونا شامل ہیں، جب کہ ناقابل ترمیم قسم میں مرد ہونا اور بڑی عمر کے عوامل شامل ہیں</li><li>&nbsp;اس لیے تمباکو نوشی اور شراب نوشی ترک کرنا اور صحت مند وزن برقرار رکھنا اس بیماری سے بچاؤ میں مددگار ثابت ہو سکتے ہیں۔</li><li>&nbsp;تازہ ترین تحقیق سے پتہ چلتا ہے کہ lncRNAs لبلبے کے کینسر کے بڑھنے کو منظم کرنے میں اہم کردار ادا کرتے ہیں اور جگر تک پھیلاؤ کی نشاندہی بھی کرتے ہیں۔</li></ol><div> </div>

Pancreatic cancer: What is it, symptoms, causes & treatment. Cleveland Clinic.

Pancreatic cancer treatment (adult) (PDQ®)–patient version. National Cancer Institute.

Wang J, He Z, Liu X, et al. LINC00941 promotes pancreatic cancer malignancy by interacting with ANXA2 and suppressing NEDD4L-mediated degradation of ANXA2. Cell Death & Disease. 2022;13(8). doi:10.1038/s41419-022-05172-2

Pancreatic cancer. Mayo Clinic.

Key statistics for pancreatic cancer. American Cancer Society.

Pancreas cancer in Pakistan. World Life Expectancy.

Capasso, M., Franceschi, M., Rodriguez-Castro, K. I., Crafa, P., Cambiè, G., Miraglia, C., Barchi, A., Nouvenne, A., Leandro, G., Meschi, T., De' Angelis, G. L., & Di Mario, F. (2018). Epidemiology and risk factors of pancreatic cancer. Acta bio-medica : Atenei Parmensis, 89(9-S), 141–146.

McGuigan, A., Kelly, P., Turkington, R. C., Jones, C., Coleman, H. G., & McCain, R. S. (2018). Pancreatic cancer: A review of clinical diagnosis, epidemiology, treatment and outcomes. World journal of gastroenterology, 24(43), 4846–4861.