اس مسئلے میں چھوٹی آنت یا غذائی نالی کی اندرونی تہہ پر ایک زخم  ہوجاتا ہے۔مزید آگاہی کے لئے یہاں کلک کریں

معدے کا السر

Dr. Saad Ullah Siddiqui Clinic

Online Consultation

سعد اللہ صدیقی

جائزہ

معدے کے السر میں معدے اور چھوٹی آنت کے ابتدائی حِصّے (duodenum) کے استر&nbsp; پرچھالے نما کھلے مُنہ کے دانے بن جاتے ہیں۔ اس قسم کی السر&nbsp; کی وجہ سے پیٹ میں نہ برداشت ہونے والا شدید درد ہوتا ہے۔ بعض افراد کو ئی ذیلی اثرات محسوس نہیں کرتے، جب کہ بعض افراد بے آرامی اور درد کی شِدّت محسوس کرتے ہیں۔ اس السر کی وجہ سے اندرونی طور پر خون جاری ہوسکتا ہے۔ 
ایسی صورت حال میں بعض افراد کے لئے، میڈیکل کلینک میں&nbsp; خون منتقل کروانے کی ضرورت&nbsp; ہوسکتی ہے۔&nbsp;

یہ السر نظام ہضم کے مختلف حِصّوں کو متاثر کرتی ہے ،جن میں چھوٹی آنت ، معدہ، اور خوراک کی نالی تک بھی شامل ہیں۔ اس&nbsp;السر کی تین قسمیں ہیں:

<ul dir="rtl">
	<li>معدے کا السر:&nbsp;السر کی یہ سب سے زیادہ عام قسم ہے جسے معدے کا السر کہاجاتا ہے۔ اس میں معدے کی اندرونی دیواروں پر چھالے بن جاتے ہیں۔ اور معدے کی حفاظتی تہہ شدید تیزابی ماحول کی وجہ سے کمزور ہوجاتی ہے<a href="#accordion">[13]</a>۔</li>
	<li>خوارک کی نالی کا السر:&nbsp;خوراک کی نالی حلق سے معدے تک ایک لمبی نالی ہوتی ہے ۔انسانی مُنہ سے لی جانےوالی خوراک اسی نالی کے ذریعے معدے تک پہنچتی ہے جہاں اسے ہضم کیا جاتا ہے۔السر کی یہ قسم، مختلف اساب کی وجہ سے&nbsp; اسی خوراک کی نالی کے اندر پیدا ہوتی ہے۔اس السر کی وجہ سے خوراک کو نگلنا مشکل ہوجاتا ہے<a href="#accordion">[3]</a>۔&nbsp;</li>
	<li>چھوٹی آنت کے ابتدائی حِصّے کا السر: یہ السر چھوٹی آنت کے ابتدائی حِصّے (duodenum) کی اندرونی سطح پر بنتی ہے۔ معدے&nbsp;میں ہضم ہوجانے کے بعد خوراک اسی حِصّے میں داخل ہوتی ہے<a href="#accordion">[13]</a>۔ 
	&nbsp;</li>
</ul>

اسباب

غیر معمولی طور پر طویل عرصے تک لوگوں میں معدے کے السر(PUD) کی ابتدا کے حوالے سے غلط تصّورات رائج رہے مثال کے طور&nbsp;پر، اُن کا خیال تھا کہ خوراک کی بعض قسموں سے السر پیدا ہوتا ہے۔ اگرچہ، اچھی صحت کے لئے ،پھلوں اور سبزیوں پر مشتمل اچھی خوراک لیناچاہئے&nbsp; تاہم السر کے ذمہ اس کے اصل اسباب کو سمجھنا چاہئے، مثال کے طورپر:

<ul dir="rtl">
	<li>
	<h5 dir="rtl">H. Pylori بیکٹیریا</h5>
	</li>
</ul>

<a href="https://merisehat.pk/disease/h-pylori">H. Pylori</a> بیکٹیریا، معدے کا السر بننے کا سب زیادہ عام سبب ہے، کیوں کہ امراض کے ماہرین بتاتے ہیں کہ H. Pylori بیکٹیریاایک عام قسم کا بیکٹیریم ہے جو دُنیا کی نصف آبادی کے لوگوں کے معدے میں پایا جاتا ہے۔زیادہ تر صورتوں میں یہ انفکشن اتنا ہلکا ہوتا ہے کہ متعلقہ فرد کو محسوس نہیں ہوتا۔ تحقیقی مطالعات سے ظاہر ہوتا ہے کہ اس انفکشن کا ایک فرد سے دوسرے کو منتقل ہونے کا امکان ہوتا ہے، خاص طور پر کم عمری میں ایسا ہوسکتا ہے۔ اِس&nbsp; بیکٹیریم کو خورد بین سے دیکھا جاسکتا ہے۔ یہ بیکٹیریم ،نظام ہضم کے راستے میں جسمانی رطوبتوں (mucus) کے ساتھ منسلک ہوجاتا ہے اور عضلات میں سوزش اور بے آرامی پیدا کرتا ہے جس کی وجہ سے حفاظتی تہہ کار آمد نہیں رہتی۔&nbsp; اس طرح ایک مسئلہ یہ پیدا ہوتا ہے کہ معدہ اُن تیزابی رطوبتوں سے محفوظ نہیں رہ سکتا جو اس کے اندر خوراک کو مکمل طور پر ہضم کرنے کےلئے قدرتی طور پر پائی جاتی ہیں۔بہرحال، لوگوں کی بڑی اکثریت کے لئے H. Pyloriبیکٹیریم تباہ کن صورت حال&nbsp; اور خراب نتائج پیدا نہیں کرتا۔ ایک اندازے کے مطابق 10 سے 15 فیصد افراد کو اس بیکٹیریم کی وجہ سے السر کا مرض لاحق ہوتا ہے<a href="#accordion">[14] </a>۔ 
&nbsp;

<ul dir="rtl">
	<li>
	<h5>درد ختم کرنے والی ادویات</h5>
	</li>
</ul>

معدے&nbsp; کا السر ہونے کا ایک اہم سبب یہ ہے کہ&nbsp; لوگ،سوزش ختم کرنے والی غیر اسٹیرائڈ ادویات (NSAIDs)&nbsp; کا استعمال کرتے ہیں۔ یہ ادویات درد ختم کرنے کے لئے استعمال کی جاتی ہے۔ اِن ادویات کو طویل عرصے تک استعمال کرنے سے معدے کی حفاظتی تہہ کو نقصان پہنچتا ہے<a href="#accordion">[13]۔</a>۔درج ذیل ادویات سے معدے کا السر بن سکتا ہے:

a) ایسپرین/Aspirin

b) آئی بو پروفین/Ibuprofen

c) نیپروکسزین /Naproxen 
&nbsp;

Acetaminophenکو NSAIDsمیں شمار نہیں کیا جاتا، اور رپورٹس کے مطابق اس سے معدے کی حفاظتی تہہ کو نقصان نہیں پہنچتا۔ایسے افراد جو کسی بھی سبب کی وجہ سے NSAIDsنہیں لے سکتے ،اُن کے لئےAcetaminophenتجویز کی جاتی ہے<a href="#accordion">[14]</a>۔ پُرانی بیماریوں میں مبتلا مریضوں کےحوالے سے یہ بات سمجھنا ضروری ہے کہ NSAIDs استعمال کرنے والے ہر فرد میں&nbsp; السرپیدا نہیں ہوتا&nbsp; بلکہ دیگر عوامل بھی اہم ہوتے ہیں۔ NSAID کے ڈوز کے ساتھ H. Pyloriکا اشتراک ممکنہ طور پر سب سے زیادہ خطرناک ہوتا ہے۔ایسے افراد جنہیں پہلے سے ہی H. Pylori ہو اور وہ مسلسل طور پرs NSAID کا استعمال بھی کرتے ہوں تو اُن کے معدے کی حفاظتی تہہ پر لازمی چور پر خراب اثرات مرتّب ہوتے ہیں اور یہ نقصان کافی زیادہ بھی ہوسکتا ہے <a href="#accordion">[14]</a>۔ 
&nbsp;

<ul dir="rtl">
	<li>
	<h5>تمباکو نوشی کرنا اور الکحل پینا</h5>
	</li>
</ul>

تمباکو نوشی کرنے یا سگریٹ پینے&nbsp; کی وجہ سے ممکنہ طور پر معدے کی السر پیدا ہوکر جاری رہتی ہے ، اور بار بار بھی پیدا ہوتی ہے۔ تمباکو نوشی کی وجہ سے ہاضمے کے تیزاب کا اخراج متاثر ہوتا ہے (اگرچہ، اس معاملے میں اختلاف پایاجاتا ہے) ؛ تاہم اس کے اثرات نظام ہضم کے بالائی حِصّوں کی صلاحیت&nbsp; پر لازمی ہوتے ہیں جس کی وجہ سے معدے کے السرکا انفکشن ہونے کا امکان بڑھ سکتا&nbsp; ہے۔ اِن خراب اثرات کے نتیجے میں،histamine-2 antagonistics&nbsp; کے معمول کےعمل میں خلل پڑسکتا ہے،معدے کی رطوبتوں کے اخراج کی شرح بڑھ سکتی ہے،چھوٹی آنت سے رطوبتوں کا اُلٹے رُخ پر جاری ہونا،لبلے سے بائی کاربونیٹ اخراج میں کمی آنا، حفاظتی تہہ میں خون کے بہاؤ کی شرح میں کمی آنا، حفاظتی تہہ کو محفوظ رکھنے والے کیمیکل (Prostaglandin)بننے میں رُکاوٹ پڑنا<a href="#accordion">[15]</a>۔

معدے کی پرانی اور فعّال سوزش اور اکثر و بیشتر الکحل کے استعمال کے درمیان تعلق پر تحقیق کی گئی ہے۔ البتّہ، اس بات کا امکان ہے کہ نظام ہضم کے مختلف حِصّوں میں سوزش کا کم ہونا یا بڑھ جانے کا تعلق H. Pyloriکی بیماری کے عام انفکشن سے ہے جو کثرت سے الکحل پینے والوں پیدا ہوجاتا ہے۔ اس کے علاوہ، کثرت سے الکحل پینے والوں کے معدے کے خلیات میں تبدیلی سے بھی ہوتا ہے۔ کلینیکل اور عمومی لحاظ سے الکحل استعمال کرنے والوں کی معدے کی حفاظتی تہہ اور اس کے خلیات میں تبدیلی واقع ہونا ثابت کرتا ہے۔ السر پیدا کرنے والے عوامل کے یہ اثرات، معدے کی حفاظتی تہہ میں تبدیلی لانے میں اپنا کردار ادا کرتے ہیں<a href="#accordion">[7]</a>۔ 
&nbsp;

<ul dir="rtl">
	<li>
	<h5>شاذ و نادر/ کبھی کبھار ہونے والےامراض</h5>
	</li>
</ul>

اس مرض کے عام اسباب سے قطع نظر،شاذو نادر/ کبھی کبھار&nbsp; پیدا ہونے&nbsp; والی طبّی صورتوں&nbsp; جیسا کہ Zollinger-Ellison Syndrome (gastrinoma)&nbsp; کی وجہ سے بعض افراد میں السر کی بیماری پیدا ہوسکتی ہے۔اس صورت میں ،نظام ہضم کے اندر تیزاب پہنچانے والے خلیات کی ٹُوٹ پُھوٹ اور افزائش واقع ہوتی ہے جس کے نتیجے میں رطوبتوں میں تیزابیت بہت بڑھ جاتی ہے اور اس کے اثرات واقع ہوتے ہیں۔ اس قسم کی افزائش خطرناک ہوتی ہے کیوں کہ اس میں سرطانی اثرات ہو بھی سکتے ہیں اور نہیں بھی۔ خلیات نقصان دہ رطوبات کوبہت زیادہ مقدارمیں بناتے ہیں جن سے معدے کے عضلات کو نقصان پہنچتا ہے اورمعدے کی حفاظتی تہہ خراب ہوجاتی ہے <a href="#accordion">[14]۔</a>&nbsp; 
&nbsp;

تشخیص

معدے کے السر (PUD)کی تشخیص کے لئے ہسٹری لینا، جسمانی جائزہ&nbsp; اور کم سے کم نقصان پہنچانے والے کلینیکل ٹیسٹ لینا&nbsp;ضروری ہوتا ہے ۔ معالج کو احتیاط کے ساتھ&nbsp; مریض کی ہسٹری کو بے قاعدگی اور خلاف معمول صورتوں پر غور کرنے کے لئے دیکھنا چاہئے۔پیٹ&nbsp; کے بالائی حِصّوں میں درد کی شکایت ہونے والے مریضوں، بھوک جلد ختم ہوجانے اور رات کے کھانے کے بعد بھوک ختم ہوجانے کی صورت میں شک معدے کے السر (PUD)&nbsp; پر جاتا ہے۔معدے کے السر میں شِدّت کھانے پینے کےبعد 2 سے 3 گھنٹوں کے اندر واقع ہوتی ہے۔ اس سے وزن میں بھی کمی آسکتی ہے، جب کہ چھوٹی آنت کے السر کے ناقابل برداشت درد میں رات کے کھانے کے بعد کمی آتی ہے، جس سے وزن میں اِضافہ ہوسکتا ہے۔ اگر کسی مریض کو مستقل طور پر خون کی کمی ، پاخانے کی رنگت میں تبدیلی، خون کی اُلٹی ہونا، یا وزن میں کمی کی صورت میں معدے کے السر کی پیچیدگیوں ، بنیادی طور پر اندرونی طور پر خون کے جاری ہونے، سوراخ ہونے اور سرطان /کینسرکو بھی ٹیسٹ کرنا چاہئے۔ جسمانی معائنے سے معدے کے بالائی حِصّے میں دُکھن ہونے&nbsp; اور خون کی کمی کی علامات کا بھی پتہ لگایا جاسکتا ہے ۔ معدے کے السر کی تشخیص کے حوالے سے مختلف آراء ممکن ہیں تو ڈاکٹرحتمی تصدیق کے لئے درج ذیل ٹیسٹ تجویز کر سکتا ہے: 
&nbsp;

<ul dir="rtl">
	<li>
	<h5>اینڈو اسکوپی(Endoscopy)&nbsp;</h5>
	</li>
</ul>

اس مقصد کے لئے، صحت کی بنیادی دیکھ بھال کرنے والے معدے اور سے جڑے ہوئے&nbsp; نظام ہضم کے بالائی حِصّوں&nbsp; کے اندر کی صورت حال دیکھنے کے لئے ایک قسم کا کیمرہ استعمال کرتے ہیں۔ یہ عمل اینڈواسکوپی (Endoscopy) کہلاتا ہے۔ اس عمل کے دوران ، ڈاکٹر ایک خالی سلنڈر (جس میں ایک فوکل پوائنٹ (endoscope) لگا ہوتا ہے )کو گلے کے راستے خوراک کی نالی اور معدے&nbsp; اور چھوٹی آنت میں داخل کرتا ہے ۔اینڈو اسکوپ کی مدد سے، ڈاکٹر السر کا پتہ لگاتا ہے۔ اس کے ساتھ ہی جائزے کے لئے بائیوپسی کا نمونہ بھی لیباریٹری کو بھجوایا جا سکتا ہے<a href="#accordion">[13]۔</a> جس کے ذریعے یہ معلوم ہوجاتا ہے کہ آیا معدے کے استر میں H. Pyloriموجود ہے ۔ بعض&nbsp; عوامل جیسا کہ مریض کی عمر وغیرہ کی بنیاد پر ڈاکٹر اینڈو اسکوپی کروانے کا مشورہ دے سکتا ہے اور اس انحصار کر سکتا ہے؛ بڑی عمر کے مریضوں کے لئے پیچیدگیوں کا خطرہ زیادہ ہوتا ہے ، انہیں اندرونی طور پر خون جاری ہوسکتا ہے یا حال ہی میں اُن کے وزن میں کمی آئی ہو، یا کھانے اور نگلنے میں مشکلات پیش آئی ہوں۔ فرض کیجئے کہ اینڈواسکوپی کے مطابق معدے میں السر پائی گئی ہے تو علاج مکمل ہونے کے بعد ایک بار پھر اینڈواسکوپی کروانی چاہئےتاکہ یہ معلوم ہو سکے کہ کوئی بہتری آئی ہے خواہ علامات میں کمی پائی جائے<a href="#accordion">[11]</a>۔ 
&nbsp;

<ul dir="rtl">
	<li>
	<h5>نظام ہضم کے بالائی حِصّے کا سلسلہ&nbsp;</h5>
	</li>
</ul>

اس ٹیسٹ کو Barium Swallow Test&nbsp; بھی کہا جاتا ہے ۔اس ٹیسٹ کے ذریعے نظام ہضم کے ابتدائی حِصّوں میں موجود اعضاء کو جانچا جاتا ہے ۔اس کے ذریعے خوراک کی نالی ، معدہ، اور چحوٹی آنت کے ابتدائی حِصّے(duodenum) کا معائنہ کیا جاتا ہے ۔ مریض کو پینے کے لئے ایک دھاتی محلول (بیریم) دِیا جاتا ہے ۔ بیریم اندرونی اعضاء کی تہوں پر چپک جاتا ہے جس کے بعد انہیں ایکس رے کی مدد سے دیکھا جاسکتا ہے<a href="#accordion">[6]</a>۔ 
&nbsp;

<ul dir="rtl">
	<li>
	<h5>H. Pyloriٹیسٹ</h5>
	</li>
</ul>

یہ معلوم کرنے کے لئے آیا کہ علامات کا سبب معدے کا السر ہے، ڈاکٹرH. Pylori بیکٹیریم کی موجودگی معلوم کرنے کے لئے ٹیسٹ تجویز کرسکتا ہے ۔ اس مقصد کے لئے مریض کے خون، پاخانے اور سانس کا ٹیسٹ کیا جاتا ہے۔سانس کا ٹیسٹ، اپنی بہترین درستگی کے&nbsp; سب سے زیادہ قابل انحصار ہے۔&nbsp;&nbsp;

اس مقصد کے لئے مریض کو کھانے یا پینے کی کوئی ایسی شے دی جاتی ہے جس میں تابکار(radioactive)کاربن شامل ہوتی ہے<a href="#accordion">[11]</a>۔ 
&nbsp;

H. Pylori معدے میں اس مادّے کو علیحدہ کر دیتا ہے ۔ اس کے بعد مریض کو ایک تھیلی میں پُھونکنا ہوتا ہے جسے پُھونکنے کے بعد بند کردیا جاتا ہے ۔ H. Pylori&nbsp; سے متاثرہ فرد کے اس نمونے کے ٹیسٹ سے&nbsp; تابکار کاربن ، بطور کارب ڈائی آکسائڈ (carbon dioxide/ CO2)ظاہر ہوتی ہے ۔ تاہم ہر ٹیسٹ&nbsp; کی طرح اس ٹیسٹ سے پہلےڈاکٹر کو مریض کے استعمال میں رہنے والی ادویات سے آگاہ ضرور کرنا چاہئے۔&nbsp; &nbsp;ممکن ہے کہ اس ٹیسٹ کے لحاظ سے مریض کو بعض ادویات کا استعمال کچھھ عرصے کے لئے بند کرنا پڑے کیوں تیزاب کی تعدیل (Neutralization) کرنے والی ادویات کی وجہ سے منفی نتیجہ آسکتا ہے جو کہ حقیقت میں درست نہ ہو۔

عام طور پر استعمال ہونے والے ان ٹیسٹوں کے علاوہ ، ڈاکٹر کی جانب سے عکس بندی (imaging) کے دیگر ٹیسٹ (ایکس رے،&nbsp; سی ٹی اسکین )بھی تجویز کئے جاسکتے ہیں ۔ اس مقصد کے لئے مریض کو ایک ڈائی (رنگین مادّہ) بھی لینا ہوتاہے تا کہ یہ اسکرین پر واضح نظر آسکے۔ تشخیص کی تصدیق کے لئے مریض کو ، DIY ٹیسٹ&nbsp; یا گھریلو نسخوں کے استعمال کے بجائے کسی لائسنس یافتہ ماہر سے رجوع کرنا چاہئے۔ 
&nbsp;

علاج

معدے کے السر کی قسموں&nbsp; اور اِس کی شِدّت کے لحاظ سے ان کا علاج بھی مختلف ہوتا ہے۔اگر مریض کا خون جاری ہورہا ہو تو 
&nbsp;ڈاکٹر اینڈواسکوپی کے دوران مخصوص ادویات دے سکتا ہے ۔اس سلسلے میں سب سے زیادہ عام طریقہ یہ ہے کہ جہاں سےخون نکل رہا ہواس حِصّےکو جَلا کر بند کردیا جاتا ہے تا کہ خون نکلنا بند ہوجائے<a href="#accordion">[14]</a>.اِس بات کا بھی امکان ہے کہ متعلقہ السرمیں تفصیلی ٹیسٹوں کی ضرورت ہی نہ ہو اور یہ اپنے طور پر ٹھیک ہوجائے۔ تاہم معدے کے السر والے مریضوں کو غیر یقینی اُمید پر انحصار نہیں کرنا چاہئےاور درج ذیل آپشنز میں سے کسی ایک کو اختیار کرنے کے حوالے سے طبّی مشورہ ضرور حاصل کرنا چاہئے:

&nbsp;

<ul dir="rtl">
	<li>
	<h5 dir="rtl">اینٹی بائیوٹک ادویات&nbsp;</h5>
	</li>
</ul>

معدے کے السر کا علاج کرنے لئے اینٹی بائیوٹک ادویات&nbsp; کا استعما ل اوّلین ترجیح ہوتا ہے کیوں کہ ان کے ذریعے H. Pylori&nbsp; &nbsp;کے انفکشن کو ختم کیا جاتا ہے ۔ اگر نظام ہضم کے اندر H Pylori کے انفکشن کی علامات موجود ہو تو صحت کے بنیادی معالج کی جانب سے اینٹی بائیوٹک ادویات تجویز کی جاسکتی ہیں ۔ اس ضمن میں دی جانے والی عام اینٹی بائیوٹک ادویات میںamoxicillin (Amoxil)،clarithromycin (Biaxin) ، metronidazole (Flagyl) ،&nbsp; &nbsp;tinidazole (Tindamax)، tetracycline&nbsp; اور levofloxacin شامل ہیں<a href="#accordion">[11]</a>۔ تجویز کردہ اینٹی بائیو ٹک ادویات کا دارومدار اس بات پر ہوتا ہے کہ مریض کی رہائش کہاں ہے اور اینٹی بائیوٹک ادویات سے مزاحمت کی شرح کیا ہے۔ معروف معمول کے تحت مریض کو تجویز کردہ ادویا ت 14 دِن تک لینے کے لئے کہا جاتا ہے۔اس کے ساتھ ہی کچھ ایسی ادویا ت بھی دی جاتی ہیں جن کے ذریعے معدے کے تیزاب کو قابل برداشت حد میں رکھا جاتا ہے جن میں&nbsp; ایک proton siphon inhibitor اور شاید bismuth subsalicylate (Pepto-Bismol)بھی شامل ہوتا ہے<a href="#accordion">[11]</a>۔ 
&nbsp;

<ul dir="rtl">
	<li>
	<h5>پروٹون پمپ اِن ہی بیٹرز&nbsp; (Proton Pump Inhibitors/PPIs)&nbsp;</h5>
	</li>
</ul>

پروٹون پمپ اِن ہی بیٹرز کو عام طور پر PPIsکہاجاتا ہے۔اِن کے ذریعے معدے کی تیزابیت کو ، تیزاب بنانے والے خلیات کے عمل میں رُکاوٹ پیدا کر کےکم کیا جاتا ہے ۔اِن ادویات میں ڈاکٹر کی تجویز کردہ ادویات اور عام ادویات شامل ہیں جن کے لئے ڈاکٹر کی تجویز کی ضرورت نہیں ہوتی۔ یہ ادویات فارمیسی /میڈیکل اسٹورز سے با آسانی حاصل کی جاسکتی ہیں۔ مثال کے طور پر، omeprazole (Prilosec)،lansoprazole (Prevacid)،rabeprazole (Aciphex)، esomeprazole (Nexium) ، اور pantoprazole (Protonix)۔ طویل&nbsp; عرصے تک PPIs کے استعمال، خاص طور پر بلند ڈوزکے ساتھ، متعلقہ فرد کے لئے کولہوں،کلائی اور ریڑھ کی ہڈّی کے ٹُوٹ جانے/فریکچر ہوجانے کا خطرہ بڑھتا چلا جاتا ہے۔ہڈّیوں کی حفاظت اور انہیں مضبوط رکھنے کے لئے ،ڈاکٹر کے مشورے سے کیلشیم&nbsp; کا کوئی سپلیمنٹ استعمال کیجئے ۔اس طرح ممکنہ خطرہ کم ہوجائے گا<a href="#accordion">[11]</a>۔ 
&nbsp;

<ul dir="rtl">
	<li>
	<h5 dir="rtl">تیزاب کو روکنے والی ادویات/Acid Blockers</h5>
	</li>
</ul>

Histamine receptor inhibitors(ہِسٹامِین وصول کرنے والے راستوں کو بلاک کرنے کے ذریعے) تیزاب بنے کی مقدار میں کمی واقع ہوتی ہے۔ اِن ادویات کو ہارمون ہِسٹامِین بننے کی مقدارکو کنٹرول کیا جاتا ہے۔ یہ ہارمون معدے کے تیزاب کی ترسیل اور اخراج کا ذریعہ ہے ۔ اس تیزاب کی وجہ سے معدے، اور نظام ہضم کی نالیوں کی&nbsp; استر والی تہہ کو نقصان پہنچتا ہے<a href="#accordion">[6].</a> 
&nbsp;

<ul dir="rtl">
	<li>
	<h5 dir="rtl">معدے کے تیزاب کی تعدیل (Neutralization)کرنے والی ادویات</h5>
	</li>
</ul>

معالج کی جانب سے معدے کے تیزاب کی تعدیل کرنے والی ادویا ت یا معدے کو آرام پہنچانے والی دیگر ادویات کی تجویز دی جاسکتی ہے تاکہ معدے کو نقصان سے بچایا جاسکے یا ایسی ادویات تجویز کی جاسکتی ہیں جن کے ذریعے جسم میں بننے والے تیزاب کی مجموعی مقدار کو کم کیا جاسکتا ہے۔ معدے کے تیزاب کی تعدیل کرنے والی ادویا ت سے، السر کی وجہ سے ہونے والے&nbsp; درد میں اور جَلن کے احساس میں کمی آجاتی ہے اور مریض کو سکون حاصل ہوتا ہے۔اگرچہ یہ ادویات براہ راست طور پر السر کا علاج نہیں ہوتیں تاہم اِن کے ذریعے السر کی وجہ سے ہونے والی&nbsp; بے آرامی اور تکلیف دہ علامات میں کمی آجاتی ہے<a href="#accordion">[13]</a>۔ 
&nbsp;

پیٹ میں درد، مسلسل طور پر متلی ہونا، اکثر اوقات اپھارہ ہونا، سینے میں شدید جَلن ہونا ایسی علامات ہیں&nbsp; جو معدے کے السر(PUD)ہونے کا خیال پیدا کرتی ہیں ، جب کہ بعض اوقات اِن علامات کو نظر انداز کیا جاسکتا ہے۔&nbsp; لیکن یہ درست طریقہ نہیں ہے کیوں کہ اگر معدے کے السر کا علاج نہ کروایا جائے تو شدید درد پیدا ہوتا ہے اور سنگین نتائج کے ساتھ درج ذیل طبّی پیچیدگیاں پیدا ہوتی ہیں: 
&nbsp;

<ul dir="rtl">
	<li>
	<h5>اندرونی طور پر خون جاری ہونا</h5>
	</li>
</ul>

زیادہ تر صورتوں میں، معدے اور آنتوں سے ، السر کے انفکشن&nbsp; کی وجہ سے خون جاری ہوتا ہے۔ مریض کے معائنے اور انفکشن کی تصدیق ہوجانے کے بعد،&nbsp; مُنہ کے راستے لی جانے والی اینٹی بائیوٹک ادویات کے ذریعے ، خورد بینی اجسام، بیکٹیریا وغیرہ ختم کرنے کا علاج اختیار کیا جاتا ہے۔اس بات کے منساب شواہد موجود ہیں کہ H. Pylori&nbsp; کےانفکشن کوختم کرنے کےبعد، شدید السر سے نجات مِل جاتی ہے اور دوبارہ خون جاری ہونے کا اِمکان بھی&nbsp; کم ہوتا چلاجاتا ہے۔ H. Pyloriکے انکشن سے متعلق بڑھتی ہوئی آگہی کے ساتھ،خون کے ساتھ ہونے والی معدے کی السر کے اسباب میں NSAIDs کا استعمال، بڑی عمر ہونا، اور ایک ساتھ کئی امراض ہونا ، شامل ہیں<a href="#accordion">[5]</a>۔ 
&nbsp;

<ul dir="rtl">
	<li>
	<h5>معدے کی دیوارمیں سوراخ ہونا</h5>
	</li>
</ul>

اگرچہ ایسا ہونا ممکن نظر نہیں آتا لیکن بعض اوقات معدے کے السر کی وجہ سے معدے میں نمایاں سوراخ بن جاتے ہیں۔سوراخ پیدا کرنے والی السر (PPU)ایک انتہائی تکلیف دہ اور سنگین نتائج پیدا کرنے والا مرض ہے، جس کی وجہ سے پیٹ میں شدید درد ہوتا ہے اور بیماری اور موت کا اِمکان بہت بڑھ جاتا ہے۔ اس قسم کے السر کی وجہ سے زندگی بھر معدے میں سوراخ رہنے والے مریضوں کی تعداد 5 فیصد کے قریب ہوتی ہے۔ اس سے منسلک شرح اموات 1.3%سے 20%تک رہتی ہے۔&nbsp; اس قسم کی پیچیدگی کا صبر اور مہارت کے ساتھ علاج کرنا اہم بات ہے۔ ابتدائی مرحلے میں کی جانے والی تشخیص ، مختصر بحالی، مناسب سرجیکل طریقے ، مثبت نتائج حاصل کرنے کے لئے بنیادی اہمیت رکھتے ہیں۔تحقیقی طور پر پیٹ میں چیرہ لگانا اور omental fix reignسُنہرے معیار ہیں۔اگر دستیاب ہو تو laparoscopic طریقے پر غور کرنا چاہئے۔ بڑی یا خطرناک السر کی صورت میں مریض کے معدے کا کچھ حِصّہ کاٹ دینے کی بھی تجویز دی جاتی ہے<a href="#accordion">[1]</a>۔ 
&nbsp;

<ul dir="rtl">
	<li>
	<h5>معدے کےاسترمیں سرطان/کینسر ہونا</h5>
	</li>
</ul>

معدے کے السر اور سرطانی افزائش جس سے معدے کا سرطان/کینسر پیدا ہوتا ہے ، ان دونوں کے درمیان تعلق پر کچھ عرصے سے سوالات اُٹھائے جارہے ہیں، تاہم اس بات کے کافی شواہد موجود ہیں کہ معدے کے السر کی بیماری کا یقینی طور پر تعلق ہے اور چھوٹی آنت کے ابتدائی حِصّے (duodenum)کے السر کی وجہ سے بدقسمتی سے معدے کا سرطان/ کینسر ہونےکا اِمکان پیدا ہوجاتا ہے۔اِس کےعلاوہ،تازہ ترین تحقیق سےلئے گئے چند اقتباسات سے ثابت ہوتا ہے کہ H. Pylori والے مریضوں کا طویل عرصے تک PPIsسے علاج ہونے کی صورت میں معدے اور آنتوں میں ممکنہ طور پر خلیات کی ٹُوٹ پُھوٹ کا عمل تیز تر ہوجاتا ہے جسے معدے کے سرطان/ کینسر کے حوالے سےخطرہ سمجھاجاتا ہے<a href="#accordion">[4]</a>۔ 
&nbsp;

<ul dir="rtl">
	<li>
	<h5>رُکاوٹ</h5>
	</li>
</ul>

چھوٹی آنت کے ابتدائی حِصّے (duodenum)اور معدے کے جُڑنے کے مقام پر پائی جانے والی السرکی وجہ سے شدید سُوجن اورعضلات کی خرابی پیدا ہوتی ہے۔ اس طرح چھوٹی آنت کے ابتدائی حِصّے (duodenum)کا سوراخ تنگ ہوکر بالکل ہی بند ہو سکتا ہے۔اورہضم شُدہ&nbsp; خوراک معدے سے نکل کر آگے بڑھتے ہوئے چھوٹی آنت تک پہنچ نہیں سکتی ۔مناسب طور پر اور درست وقت پر ہضم نہ ہونے والی خوراک&nbsp; کی وجہ سے متلی اور اُلٹی ہونے میں اِضافہ ہوسکتا ہے، جس سے متعلقہ فرد کی روزانہ لی جانے والی خوراک میں کمی آجاتی ہے<a href="#accordion">[6]</a>۔

دیگر پیچیدگیاں جن میں طبّی مدد یا آپریشن کی ضرور ت پیدا ہوسکتی ہے اُن میں کثرت سے اُلٹی ہونا ، اکثر اوقات بے ہوش ہوجانا ، کسی دوا کے استعمال کے بغیر بے جہتی (disorientation)&nbsp; ہونا ، پیٹ میں تیز اور شدید درد ہونا ، اُلٹی یا پاخانے میں خون آنا شامل ہیں۔اگر ایسی کوئی بھی صورت ھال پیدا ہوتی ہے تو متعلقہ فرد کو، مطلوبہ علاج حاصل کرنے کے لئے ، ڈاکٹر سے فوری طور پر رابطہ کرنا چاہئے۔ 
&nbsp;

Pyloriکی بڑھتی ہوئی آلودگی کےزیادہ اِمکانات ہونے کی وجہ یہ وبائی صورت اختیا رکر ہی ہے، اس کے باوجود علامات والی اورغیرعلامات والی معدے کی السر کی شرح،اینڈو اسکوپی اسکریننگ پر باالترتیب 1.0%اور 2.4% رہی۔ بڑی عمر،کثرت سے(مسلسل طور پر) تمباکو نوشی کرنا، اور H. Pylori کی بیماری ، علامات والی اور غیرعلامات والی دونوں قسم کی معدے کی السرکے لئے خطرے کے عوامل ہیں۔ اس کے علاوہ،یہ جاننا ضروری ہے کہ NSAIDsپر انحصار کرنے اور انہیں طویل عرصے تک لینے کی صورت میں،معدے کی علامات والی السر ہونے کا خطرہ ہوتا ہے۔اِن نتائج سے ظاہر ہوتا ہے کہ H. Pylori کی وجہ سے ہونے والی معدے کی السر کی نسبت، NSAIDs کی وجہ سے ہونے والی معدے کی السرکی وجہ سے ، زیادہ&nbsp; ذیلی اثرات لاحق ہوسکتے ہیں۔کثرت سے الکحل کا استعمال اور السر کا فعّال مرحلہ انفرادی طور پر ، معدے کے السر والے مریضوں کے معدے اور آنت کے اندر ذیلی اثرات واقع ہوتے ہیں ۔اپنے مقام اور تعداد سے قطع نظر ،بہتر ہوتی ہوئی السر کی نسبت ، فعّال مرحلے کی السر کی وجہ سے مزید ذیلی اثرات پیدا ہوتے ہیں<a href="#accordion">[8]</a>۔ 
&nbsp;

اگرچہ غیر متعلقہ تناؤ سے گریز کرنا اورمعمول کے افعال سر انجام دینے کے لئے ، صحت بخش غذا کا استعما ل ایک اچھی بات ہے،تاہم اِن عوامل سے معدے کے السر کو ختم کرنے میں مدد نہیں ملتی۔ السر کی وجہ سے جَلن اور درد پیدا ہونے سے بچنے لئے درج ذیل عوامل پر عمل کرنا چاہئے: 
&nbsp;

<ul dir="rtl">
	<li>
	<h5>درد ختم کرنے والی ادویات سے محتاط رہیں</h5>
	</li>
</ul>

بعض افراد جن کے جوڑوں میں سوزش ہو یا کوئی ایسی بیماری ہو جس میں درد ہوتا ہے تو وہ روزانہ NSAIDsگروپ کی ادویات، بے آرامی اورسوزش کو کم کرنے کے لئے،کئی ہفتوں یا مہینوں تک&nbsp; لیتے رہتے ہیں ۔اِن ادویات سے معدے کے استر کی اُن تہوں کو نقصان پہنچنے کا اندیشہ ہوتا ہےجو اسے تیزابی اثرات سے بچا تے ہیں اور متعلقہ فرد کے لئے معدے کا السر ہوجانے کا خطرہ بھی بڑھ جاتا ہے۔السر ہونے کے خطرات سے بچنے کے لئے، شدید درد میں مبتلا افراد کو ڈاکٹر سے PPIsیا H-2 بلاکر ز کے سلسلے میں رجوع کرنا چاہئے ۔ اس طرح وہ اپنے ڈوز کے ذیلی اثرات سے بچ سکتے ہیں<a href="#accordion">[2]</a>۔&nbsp; 
&nbsp;

<ul dir="rtl">
	<li>
	<h5>الکحل اور سگریٹ کے استعمال میں کمی کیجئے</h5>
	</li>
</ul>

سگریٹ اورالکحل کے استعمال سے صورت حال خراب ہوجاتی ہےاورمعدے کاالسر ہونے کاخطرہ بڑھ جاتا ہے۔اِن دونوں اشیاءکےاستعمال سے جسمانی رطوبت (mucus)کے اخراج میں کمی آجاتی ہیں،leukotriene B4 کی سطح بڑھتی ہے،نائٹرک آکسائڈ synthase، xanthine oxidaseاور myeloperoxidaseکی شرح بڑھتی ہے، اور نظام ہضم کی رطوبتوں کے اندر چپکنے والے مادّے جمع ہوجاتے ہیں اور یہ کثرت سے الکحل استعمال کرنے والےاورتسلسل کےساتھ&nbsp; تمباکو نوشی کرنے والے افراد میں امکانی خطرات کو بڑھاتے ہیں<a href="#accordion">[7]</a>۔ 
&nbsp;

<ul dir="rtl">
	<li>
	<h5>Probioticsاستعمال کیجئے</h5>
	</li>
</ul>

معدہ اور آنتوں اور اس جُڑے ہوئے حِصّوں میں لاکھوں کی تعداد میں خورد بینی اجسام پائے جاتے ہیں۔اِن میں سے بعض H. Pyloriکی طرح انفکشن پیدا کرتے ہیں، جب کہ اِن میں سے بعض مُدافعتی نظام کے لئے بہترین ہوتے ہیں کیوں کہ وہ نقصان دہ خوردبینی اجسام کو&nbsp; جسم سےباہر نکال دیتے ہیں۔ اِن مُعاون خوردبینی اجسام کو Probiotics کہا جاتا ہے۔ ان کی افادیت کے لحاظ سے انہیں مسلسل طور پر جانچا جا رہا ہے؛ تاہم ، فی الوقت، سائنسدانوں نے تجویز دی ہے کہ ان سے معدے کے السر کے علاج میں فائدہ حاصل ہو سکتا ہے۔ اس قسم کے مفید Probiotics آسانی سے بہت سی کھانے پینے کی اشیاء میں دستیاب ہوتے ہیں۔اِن اشیاء میں ڈیری کی اشیاء ، دہی ، پنیر، بند گوبھی کا اچار،&nbsp; خمیری پیسٹ، ڈیپ فرائی خمیری سویا بین وغیرہ<a href="#accordion">[13]</a>۔ 
&nbsp;

مُتعلقہ اُمور کا جائزہ لینے کے ذریعے ،معدے کا السر ہونے کے اِمکانات کو کم کیا جاسکتا ہے۔ تناؤ سے موجودہ نظاموں کی کیفیت مزید خراب ہو سکتی ہے&nbsp; ، لہٰذا، ڈاکٹرز،serotonin میں&nbsp; باقاعدگی پیدا کرنے کے لئے،تسلسل کے ساتھ بات چیت&nbsp; اور سکون آور ورزشوں کی تجویز دیتے ہیں۔ اس کے عالوہ ابھی H. Pylori&nbsp; کی منتقلی کے طریقوں کے بارے سائنسی تصدیقی تحقیق ہونا باقی ہے تاہم سائنسدانوں کا خیال ہے کہ یہ انسانوں کے ذریعے پھیلتا ہے ۔اسی وجہ سے مُنہ کی صفائی اور عمومی صحت و صفائی پر زور دیا جاتا ہے اور شاور لینا اور ہاتھوں کو اچھی طرح دھونا یا انہیں سینی ٹائز کرناصحت مند نظام ہضم کے لئے اہم بات ہے۔ 
&nbsp;

معدے کے السر پر تازہ ترین تحقیق نے ، معدے کے لئے تیزاب بنانے والے مخصوص سالماتی(molecular) کی کامیابی سے نشان دہی کی ہے۔H+/K+ ATPase&nbsp; پروٹین ایک ایسا کیمیکل ہے جو ہائیڈروجن کے ذرّات (H+)کو معدے میں داخل کرتا ہے جوکھانے کی اشیاء کے ساتھ&nbsp; ممکنہ طور پر آجانے والے جراثیم کو ختم کردیتے ہیں۔ لیکن معدے میں تیزابیت بہت زیادہ بڑھ جانے کی وجہ سے السر ہونے کا اِمکان پیدا ہوجاتا ہے۔ ایسی ادویات جو اس پروٹین کے عمل کو روکتی ہیں وہ بڑھتی ہوئی تیزابیت اور السر کےسادہ ذیلی اثرات&nbsp; میں کمی لاسکتی ہیں<a href="#accordion">[12]</a>۔ 
&nbsp;

زیادہ مناسب ادویات کی تیاری کے لئے تحقیق کرنے والوں کو یہ معلوم ہونا چاہئے کہ یہ پروٹین کس طرح کام کرتا ہے۔حالیہ تحقیق&nbsp; میں سائنسدانوں نے دریافت کی کہ اس پروٹین میں ایک جُز معمول سے مختلف ہے ۔ہائڈروجن کےذرّات کو معدے میں پہنچانے کے لئے اس پروٹین کو پہلے پوٹاشیم کے ذرّے (K+)&nbsp; &nbsp;کے ساتھ جُڑنا ہوگا۔سائفن کے جُز کو شروع کرنے کے لئے،موازنے کے پروٹین عام طور پر پوٹاشیم کے دَو ذرّات کےساتھ جُڑنا ہوتا ہے ۔ لیکن H+/K+ ATPase کی صورت میں صِرف ایک کی ضرورت ہوتی ہے۔اس تحقیق سے یہ بات معلوم ہوئی کہ یہ اہم سائفن پروٹین کیوں مختلف ذرّات کی مختلف تعداد کے ساتھ جُڑتے ہیں ۔ وہ ان اعدادوشمار کو ایٹم کے اندرونی ذرّات موازنے کے پروٹین سے کسی اور جگہ کےعلحیدہ کر سکتے ہیں<a href="#accordion">[12]</a>۔ 
&nbsp;

اہم نکات

معدے کے السر کی بیماری (PUD) اسباب کی بنا پر عام ہے لیکن ماضی کے اس خیال کی تردید ہوچکی ہے کہ بعض اشیائے&nbsp; خوردنی سے السر میں اِضافہ ہوتا ہے۔ تندہی اور ذمہ داری کے ساتھ معدے کی السر کا علاج شدید پیچیدگیوں کے بغیر بھی کیا جاسکتا ہے۔درج ذیل نکات کو یاد رکھنا اہم ہے:

<ul>
	<li dir="rtl" style="text-align: right;">یہ السر مختلف جسامت کے چھالوں کی صورت میں نظام ہضم کے اندر خاص طور پر،خوراک کی نالی،معدہ، اور چھوٹی آنت میں بنتی ہے۔&nbsp;</li>
	<li dir="rtl" style="text-align: right;">ہاضمے کے اینزائم،رطوبتوں اورتیزاب کی وجہ سے نقصان رساں ماحول کی وجہ سے السر پیدا ہوتی ہے کیوں ان اعضاء کی حفاظتی تہہ خراب ہوجاتی ہے۔</li>
	<li dir="rtl" style="text-align: right;">السر کی زیادہ تر اقسام کا آغاز H. Pylori انفکشن کی وجہ سے ہوتا ہے جو کہ eponymous بیکٹیریا سے ہوتا ہے۔ السر ہونے کا دوسرا بڑا سبب طویل عرصے تک درد ختم کرنے والی ادویات کا استعمال ہے۔</li>
	<li dir="rtl" style="text-align: right;">معدے کے السر کی علامات میں متلی ہونا، اُلٹی ہونا، پیٹ بھرا ہُوا محسوس ہونا، بد ہضمی ہونا، اور پیٹ کے ناف سے اُوپر والےحِصّے میں ٹحہرا ہُوادرد ہونا یا جَلن کے ساتھ درد ہونا شامل ہیں۔</li>
	<li dir="rtl" style="text-align: right;">السر کی بعض صورتیں ہلکے درجے کی ہوتی ہیں اور از خود ٹھیک ہوجاتی ہیں جب کہ بعض دیگر اقسام کے لئے اینٹی بائیوٹک&nbsp;اور تیزاب کو روکنے والی ادویا ت لینے کی ضرورت ہوتی ہے۔آپریشن بہت ہی کم صورتوں کیا جاتا ہے۔</li>
</ul>

[1] Chung, K. T., & Shelat, V. G. (2017). Perforated peptic ulcer - an update. World Journal of Gastrointestinal Surgery, 9(1), 1–12.

[2] Ekström, P., Carling, L., Wetterhus, S., Wingren, P. E., Anker-Hansen, O., Lundegårdh, G., . . . Unge, P. (1996). Prevention of peptic ulcer and dyspeptic symptoms with omeprazole in patients receiving continuous non-steroidal anti-inflammatory drug therapy. A Nordic multicentre study. Scandinavian journal of gastroenterology, 31(8), 753–758.

[3] Graham, R. (2020, April 13). Peptic Ulcer. Retrieved from Healthline.

[4] Hansson, L. E. (2000). Risk of stomach cancer in patients with peptic ulcer disease. World journal of surgery, 24(3), 315–320.

[5] Huang, T. C., & Lee, C. L. (2014). Diagnosis, treatment, and outcome in patients with bleeding peptic ulcers and Helicobacter pylori infections. BioMed research international.

[6] John Hopkins Medicine. (2022). Stomach and Duodenal Ulcers (Peptic Ulcers). Retrieved from John Hopkins Medicine.

[7] Ko, J. K., & Cho, C. H. (2000). Alcohol drinking and cigarette smoking: a "partner" for gastric ulceration. Zhonghua yi xue za zhi = Chinese medical journal; Free China ed, 63(12), 845–854.

[8] Lee, S. P., Sung, I. K., Kim, J. H., Lee, S. Y., Park, H. S., & Shim, C. S. (2017). Risk Factors for the Presence of Symptoms in Peptic Ulcer Disease. Clinical Endoscopy, 50(6), 578–584.

[9] Lee, S. P., Sung, I. K., Kim, J. H., Lee, S. Y., Park, H. S., & Shim, C. S. (2017). Risk Factors for the Presence of Symptoms in Peptic Ulcer Disease. Clinical Endoscopy, 50(6), 578–584.

[10] Malik, T., Gnanapandithan, K., & Singh, K. (2021, July 29). Peptic Ulcer Disease. Retrieved from National Library of Medicine.

[11] Mayo Clinic. (2022, June 11). Peptic Ulcer. Retrieved from Mayo Clinic.

[12] Nagoya University. (2021, October 14). Unique underpinnings revealed for stomach’s acid pump: New understandings of a stomach enzyme could lead to better anti-ulcer drugs. Retrieved from Science Daily.

Trusted By