مسوڑھوں کی سوزش کی بیماری

Online Consultation

اسماعیل منیر

جائزہ

مسوڑھوں کی سوزش کی بیماری میں، ان کے ارد گرد پائے جانے والے عضلات میں عرصے سے جاری رہنے والی سوزش پیدا ہوجاتی ہے۔ ان عضلات کی بناوٹ میں چار حصے ہوتے ہیں: دانتوں کو جوڑنے والی ایک خصوصی تہہ(سیمینٹم)، دانتوں کو جوڑنے والا بندھن(پی ڈی ایل)، ہڈّی کا اُبھار(الویئولربون)جس میں دانتوں کےخانے بنے ہوتے ہیں،اوردانتوں کی جڑ کےگرد لپٹے ہوئےعضلا ت (گنگیول ٹشو)۔بیماری بڑھنےکی صورت میں،دانتوں کوجوڑنےوالا بندھن(پی ڈی ایل)،ختم ہوجاتا ہےاورہڈّی کا اُبھار(الویئولربون) ٹوٹ جاتی ہےجس کےنتیجےمیں دانت گرنےلگتےہیں۔ بیکٹیریا کی800 سےزائد اقسام ایسی ہیں جوانسان کےدانتوں کی صفائی میں خلل ڈالتی ہیں اور یہ&nbsp; بیکٹیریا دانتوں پر جمے ہوئے پلاک پر رہتے ہیں۔ بیماری پیدا کرنے والےسب سےزیادہ عام آرگینیزم میں این ایروبزمثلاً ٹریپونیما ڈینٹی کولااورپور فائیرو موناس گنگیوالس شامل ہیں۔اس کےعلاوہ، بیکٹیریا کے اثرات پرمتعلقہ فرد کے مدافعتی نظام کے ردّ عمل کے نتیجے میں آخر کار مسوڑھوں کی بیماری پیدا ہوجاتی ہے.<a href="#accordion">[1][2]</a>

&nbsp;

مسوڑھوں کی سوزش کی بیماری،مسوڑھوں کی بیماری کی ایک ذیلی قسم ہے جس کی دو درج ذیل اقسام ہوتی ہیں:

<ol dir="rtl">
	<li>جنجاوائیٹس:&nbsp;دانتوں کی جڑ کے گرد لپٹے ہوئےان عضلات (gingiva) کی یہ سوزش زیادہ نقصان دہ نہیں ہوتی&nbsp;جسے ختم کیا جاسکتا ہے۔ یہ سوزش کسی بھی قسم کے بیکٹیریا کی وجہ سےلاحق ہوسکتی ہے۔</li>
	<li>پیریدونٹائیٹس:&nbsp;یہ سوزش ختم نہیں کی جاسکتی اوردانتوں کہ سہارا دینےوالےعضلات کےٹوٹ جانےکی وجہ سےدانتوں کو نقصان پہنچتا ہے۔ اس کا سبب مسوڑھوں کو نقصان پہنچانے والے آرگینیزم کا اثر انداز ہوجانا&nbsp;ہوتا ہے۔ 
	&nbsp;</li>
</ol>

مسوڑھوں کی سوزش کی بیماری میں دانتوں سےمسوڑھےاور ہڈیاں ہٹ جاتی ہیں، دانتوں کی بنیاد پرخانےبن جاتےہیں اوردانتوں کی جڑیں نمایاں ہوجاتی ہیں۔ اس کے بعد،بیرونی عوامل مسوڑھوں اوردانتوں کےدرمیان خلا میں جمع ہوتے ہیں اور بالآخرانفیکشن کا باعث بنتے ہیں۔ اس کےبعد آپ کا مدافعتی نظام بیکٹیریا کے حملےکےخلاف حرکت میں آتا ہےکیوں کہ پلاک مسوڑھوں کی لکیر سے نیچے اور ان نئے بننے والی خانوں تک پہنچ جاتی ہے،جس کےنتیجےمیں مدافعتی ردعمل سے زہریلے مادوں کا اخراج ہوتا ہے اورسوزش پیدا ہوتی ہے،جس کی وجہ سے ہڈی اورجوڑنے والےعضلات رفتہ رفتہ&nbsp; ٹوٹ جاتے ہیں۔<a href="#accordion">[6]</a>

مختلف&nbsp; سرویز کےمطابق، مسوڑھوں کی سوزش کی بیماری کو بالغ افراد میں پائی جانے والی سب سے زیادہ عام بیماری سمجھا جاتا ہے۔2010میں،دنیا بھرمیں 3.9 بلین لوگوں کو مسوڑھوں کی سوزش کی بیماری تھی۔ مسوڑھوں کی سوزش کی ہلکے درجے کی بیماری کے پھیلاؤ کی شرح 35% اور درمیانے درجے سے شدید درجے کی بیماری کی شرح 11% تھی۔ امراض کےکنٹرول اوربچاؤ کے امریکی سینٹر نےمسوڑھوں کی سوزش کی بیماری کو ایک عالمی وباقراردیا ہے جس کی وجہ سے معذوری، گویائی کی کمزوری، کم خود اعتمادی، اورزندگی کا معیارکم ہوجاتا ہے.<a href="#accordion">[3]</a> 
&nbsp;

نیشنل اورل ہیلتھ سروے کےذریعہ کئے گئےمطالعات کے ذریعے امریکہ میں مسوڑھوں کی صحت پرغور کیا گیا جس سے معلوم ہوا کہ82% نوعمرافراد میں مسوڑھوں کی سوزش کی بیماری تھی۔ مزیدیہ کہ،برطانیہ میں کی گئی ایک تحقیق سےظاہر ہوا کہ ملک کے باشندوں کودرمیانے سے شدید درجے کی بیماری لاحق ہوتی ہے، جس کے نتیجے میں دانتوں کے پلاک اور پتھری بنتے ہیں.<a href="#accordion">[4]</a> اس حوالے سے کی گئی ایک اور تحقیق کے مطابق ،ترقی پذیر ممالک میں دانتوں کی پتھری والےنوعمرافراد کا تناسب35% سے70% کےقریب تھا، جب کہ ترقی یافتہ ممالک میں یہ4% سے34% تک دیکھا گیا.<a href="#accordion">[5]</a> پاکستان میں بھی،نیشنل اورل ہیلتھ سروے اورچند دیگرسرویز کے مطابق، مسوڑھوں کی سوزش کی بیماری کی شرح 98% تک تھی جب کہ اس بیماری کےاگلے درجے کی شرح31% رہی.<a href="#accordion">[4]</a>

<div>&nbsp;</div>

علامات

جسمانی اعضاء کےافعال کے لحاظ سے،مسوڑھوں کو مضبوط ہونا چاہئےاور ان کا رنگ ہلکا گلابی ہونا چاہئے۔البتّہ، مسوڑھوں کی سوزش کی بیماری ہوتو یہ کیفیت تبدیل ہوسکتی ہے، کیوں کہ اس بیماری کی وجہ سےدرج ذیل صورتیں پیدا ہوسکتی ہیں:<a href="#accordion">[8]</a>

<ul>
	<li dir="rtl" style="text-align: right;">سوجے ہوئے مسوڑھے ۔</li>
	<li dir="rtl" style="text-align: right;">مسوڑھوں کی جامنی یا سُرخ رنگت۔</li>
	<li dir="rtl" style="text-align: right;">سانس میں بدبو (halitosis)۔&nbsp;</li>
	<li dir="rtl" style="text-align: right;">دانتوں اورمسوڑھوں کے درمیان پَس&nbsp; ۔</li>
	<li dir="rtl" style="text-align: right;">چبانےکےدوران درد ۔</li>
	<li dir="rtl" style="text-align: right;">پیچھے ہٹتے ہوئے مسوڑھے ۔</li>
	<li dir="rtl" style="text-align: right;">دانت کا اپنے خانوں میں ڈھیلا ہوجانا۔</li>
</ul>

<div>&nbsp;</div>

جسمانی افعال کے امراض کے لحاظ سےمسوڑھوں کی سوزش کی بیماری کی تین اقسام ہوتی ہیں:

<ol dir="rtl">
	<li>مسوڑھوں کی سوزش (پیری ڈونٹائی ٹس)</li>
	<li>نیکروزازنگ پیری ڈونٹائی ٹس :&nbsp;اس خاص قسم میں، مریض کی ہسٹری میں درد کا ہونا اور مسوڑھوں کی سوزش کےساتھ گنگیول مارجن السر کا ہونا شامل ہے، یا گنگیول پیپیلا کےچِھل جانے کےمقامات پر فائبرن جمع ہوجاتی ہے۔ اس بیماری میں دانتوں کی ہڈّی بھی نمایاں&nbsp;ہوسکتی ہے ۔</li>
	<li>مسوڑھوں کی سوزش کا سسٹیمیٹک بیماری کے اظہار کے طور پر ظاہر ہونا: سیسٹیمیٹک بیماری کےطور پر براہ راست ظاہر ہونے والی مسوڑھوں کی بیماری کی سوزش کے ساتھ ایک بنیادی سیسٹیمیٹک بیماری بھی موجود ہوتی ہے اور اس کی دیکھ بھال کا انتظام، بین الاقوامی شماریاتی درجہ بندی&nbsp; برائے امراض اور متعلقہ صحت کے مسائل (آئی سی ڈی) کوڈز کی سفارشات کے مطابق شروع کیا جانا چاہئے۔<a href="#accordion">[11]</a> 
	&nbsp;</li>
</ol>

مزیدیہ کہ، مسوڑھوں کی سوزش کی بیماری کو اس کی شدت اور پیچیدگی اور بیماری کے بڑھنے کے خطرے کی بنیاد پر گریڈنگ اوردرجہ بندی کی جا سکتی ہے۔ مراحل کی شدت کی جانچ کلینکل اٹیچمنٹ لاس (CAL) کی بنیاد پر کی جاتی ہے جس کا حساب ابھرآنے والے دانتوں کی گولائی کی تشخیص سے کیا جاتا ہے جب کہ پیچیدگی مطلوبہ دیکھ بھال کی وسعت اور بیماری کی تشخیص پر مبنی ہوتی ہے۔ اس لحاظ&nbsp; سے درج ذیل مراحل بیان کئے جاتے ہیں:

<ul dir="rtl">
	<li>پہلا مرحلہ : مسوڑھوں کی سوزش کا ابتدائی درجے کا&nbsp;مرحلہ&nbsp;</li>
	<li>دوسرا مرحلہ : مسوڑ ھوں کی سوزش کا درمیانہ درجے کا مرحلہ</li>
	<li>تیسرا مرحلہ : مسوڑ ھوں کی سوزش کا شدید&nbsp;درجے کا مرحلہ جس میں دانتوں کو اضافی نقصان ہوسکتا ہے&nbsp;</li>
	<li>چوتھا مرحلہ: مسوڑھوں کی سوزش کا اگلے&nbsp;درجے کا مرحلہ جس میں دانت گر سکتے ہیں 
	&nbsp;</li>
</ul>

جیسا کہ پہلے ذکر کیا گیا ہے، درجہ بندی میں مستقبل کے خطرے کا تخمینہ اوردیکھ بھال کے لئےبیماری کا ردعمل بھی شامل ہوتا ہے۔ لہٰذا، اس بنیاد پر تین گریڈز بیان کئے گئے ہیں:

<ul>
	<li dir="rtl" style="text-align: right;">گریڈA: کم رفتار سے پیش رفت۔</li>
	<li dir="rtl" style="text-align: right;">گریڈ B: درمیانی رفتار سے پیش رفت</li>
	<li dir="rtl" style="text-align: right;">گریڈ C: تریز رفتارسے پیش رفت</li>
</ul>

<div>&nbsp;</div>

اسباب

مسوڑھوں کی سوزش کا آغاز پلاک بننے سے شروع ہوتا ہے ،جس میں دانتوں پر ایک لیس دار مادّہ سے بنتا ہے جس کی بناوٹ میں بیکٹیریا اہم جز ہوتے ہیں۔اگر پلاک کو بروقت ختم نہ کیا جائے تواس کی وجہ سے مسوڑھوں کی سوزش پیدا ہوسکتی ہے ۔یہ مختلف مقامات پر درض ذیل طریقوں سے پائی جاتی ہے:<a href="#accordion">[7]</a>

<ul dir="rtl">
	<li>دانتوں پر پلاک کا جمنا: اگر آپ نشاستہ اور شکر زیادہ مقدار میں کھانے کے عادی ہیں، تو اس سے منسلک ہونے والے بیکٹیریا کے رابطے میں آنے کے امکانات بڑھ جاتے ہیں۔ دن میں دو بار اپنے دانتوں کو برش کرنا اور دن میں ایک بار فلاس کرنا دانتوں پر جمنے والی پلاک کو ختم کرنے کا ایک مؤثر طریقہ ہے۔ تاہم، یہ&nbsp; بات سمجھنا چاہئے کہ پلاک جَلد ہی دوبارہ لگنا شروع ہوجاتی ہے ۔ لہٰذا، منہ اور دانتوں کی صفائی کا معمول اختیار کرنا ضروری ہے۔ 
	&nbsp;</li>
	<li>مسوڑھوں کے نیچے پلاک کا جمنا:&nbsp;اگر پلاک کو دانتوں سے ہٹایا نہ جائے تو یہ ٹارٹر نامی پتھری&nbsp;میں تبدیل ہو سکتی ہے۔ ٹارٹر سےچھٹکارا حاصل کرنا اور بھی مشکل ہے اور یہ بیکٹیریا سے بھرا ہوا&nbsp;ہوتا ہے۔ ٹارٹر کو گھر میں ا زخود&nbsp;نہیں ہٹایا جا سکتا ، اس مقصد کے لئے دانتوں&nbsp; کے ماہر سے صفائی کروانا ضروری ہوتا ہے۔ 
	&nbsp;</li>
	<li>جنجاوائیٹس پیدا کرنے والی پلاک: اگرچہ یہ مسوڑھوں کی بیماری کی سب سے ہلکی صورت ہے، لیکن مسوڑھوں کی سوزش آپ کے دانتوں کی بنیاد کے ارد گرد پائے جانے والے عضلات&nbsp; کی جلن اور سوزش&nbsp; بھی پلاک کی وجہ سے&nbsp; ہو سکتی ہے۔ تاہم، مسوڑھوں کی سوزش کا علاج دانتوں کے مؤثر علاج اور منہ کی&nbsp; تسلی بخش دیکھ بھال سے کیا جا سکتا ہے۔ 
	&nbsp;</li>
	<li dir="rtl">مسوڑھوں کی پہلے موجود سوزش: اگر مسوڑھوں کی سوزش پہلے سے موجود ہے، تو یہ آپ کے مسوڑھوں اور دانتوں کے درمیان خانےبنا سکتی ہےجو پلاک ، ٹارٹر اوربیکٹیریا سے بھر سکتے&nbsp; ہیں۔ وقت گزرنے کےساتھ، یہ نئےبننے والےخانے&nbsp; گہرے ہوتے چلے جاتے ہیں ، جس سے بیماری کی شدت میں اضافہ ہوتا ہے۔ اگر علاج نہ کیا جائے تو یہ گہرائی سے پھیلنے والے انفیکشن عضلات کےنقصان اور ہڈیوں کے ٹوٹنے کا سبب بن سکتے ہیں۔</li>
</ul>

<div>&nbsp;</div>

مسوڑھوں کی سوزش&nbsp; یا دانتوں کی کسی دوسری بیماری کے لئے اسکریننگ ٹیسٹ بہت آسان ہے، یعنی دانتوں کوباقاعددگی سے چیک کروایا جائے۔عام طور پر ہر6 ماہ بعد یعنی سال&nbsp; میں دو مرتبہ دانتوں کا معائنہ کروانا چاہئے۔ ان معائنوں کو کسی مسئلے کے نہ ہونے کی صورت میں بھی باقاعدگی سے کروانا چاہئے تا کہ ممکنہ مسائل کو روکا جاسکے ۔

اسکریننگ کا ایک نسبتاً نیا طریقہ بھی متعارف کرایا گیا ہے،جس میں ہیموگلوبن اور لیکٹیٹ ڈی ہائیڈروجی نیز کےلعاب کی سطح کو جانچنا شامل ہے۔ مطالعات سے پتہ چلتا ہے کہ یہ کم نقصانات&nbsp; اور کم بے آرامی کے ساتھ درست نتائج دیتا ہے۔ تھوک میں ہیموگلوبن کی بلند سطح&nbsp; کا تعلق مسوڑھوں کی سوزش سے&nbsp; پایا گیا ہے۔ جب کہ لیکٹیٹ ڈی ہائیڈروجی نیز، عضلات کےٹوٹنے کےساتھ منہ کے بلغمی زخموں کا ایک مخصوص اشارہ ہے۔تاہم ، تھوک کےمارکرزکو معمول کا حوالہ بنانےسے پہلے مزید مطالعات کی ضرورت ہے ۔ 
&nbsp;

مسوڑھوں کی سوزش کی اسکریننگ کا دوسرا طریقہ کمیونٹی پیریڈونٹل انڈیکس (سی پی آئی) ہے۔ اسے اصل میں عالمی ادارہ صحت نے کمیونٹی کے لئے منہ کی صحت کی پیمائش کے لئے بنایا تھا۔ تاہم، سی پی آئی کے ساتھ مسئلہ یہ ہے کہ اس کے لئےتحقیقات کی ضرورت ہوتی ہے، جو بالآخر پہلے سے موجود مسوڑھوں کی سوزش&nbsp; والے کسی بھی مریض کو بیکٹریمیا(یعنی خون میں بیکٹیریا کی شمولیت)کے خطرے میں ڈال دیتا ہے۔<a href="#accordion">[9]</a>

<div>&nbsp;</div>

تشخیص

شدید درد اور پمسوڑھوں کی سوزش&nbsp; کے آغاز کےبعد ہونےوالی پیچیدگیوں کے خطرے کی وجہ سے،جلد ازجلد انفیکشن کی تشخیص کرنا بہت ضروری ہوجاتا ہے۔ سب کچھ آپ کےدانتوں کےڈاکٹر تک پہنچنےاورملاقات کا وقت طے کرنے سے شروع ہوتا ہے۔ جس کے بعد آپ کا ڈاکٹردرج ذیل کام کرسکتا ہے:<a href="#accordion">[7]</a>

<ul>
	<li dir="rtl" style="text-align: right;">آپ کےمسوڑھوں اوردانتوں کےدرمیان موجود نالی کےخانے&nbsp; کی گہرائی کوآپ کےمسوڑھوں کی لکیرکےنیچےدانت کے کنارے پرآلہ&nbsp;رکھ کرپیمائش کرنا ۔یہ&nbsp;پیمائش آپ کےمنہ میں مختلف&nbsp;مقامات پرکی جاسکتی ہے۔ ایک صحت مند منہ میں،خانےکی گہرائی1سے3ملی میٹر تک ہوتی ہے۔ تاہم،4 ملی میٹرسے زیادہ گہرے خانے،مسوڑھوں کی سوزش کی نشان دہی کر سکتے ہیں۔</li>
	<li dir="rtl" style="text-align: right;">ہڈّیوں کےکسی ایسےنقصان کا پتہ چلانے کے لئےجو گہرے خانوں تک پہنچ چکا ہو، دانتوں کے ایکس رے لینے پر غور کرسکتا ہے ۔</li>
</ul>

<div>&nbsp;</div>

علاج

مسوڑھوں کی سوزش کا علاج بہت ضروری ہے، کیونکہ&nbsp; یہ انفیکشن آپ کے نظام کی&nbsp; گردش میں داخل ہو سکتا ہے اور سانس کے انفیکشن اور یہاں تک کہ دل کی شریان کی بیماری جیسے امراض&nbsp; کا سبب بن سکتا ہے۔ مسوڑھوں کی سوزش کا علاج&nbsp; ، پیریڈونٹسٹ، ڈینٹسٹ یا دانتوں کی صفائی کرنے والوں سے کروایا جاسکتا ہے ۔علاج کا مقصد بڑے پیمانے پر بیماری پیدا کرنے والے ذرات کوخانوں سے نکالنا اورارد گرد کی ہڈی کو مزید نقصان سے بچنا شامل ہے ۔ علاج کے لئےغیرسرجری ور سرجری والے طریقے استعمال کئے جاتے ہیں[7]: 
&nbsp;

<h5 dir="rtl">1. غیر سرجری&nbsp; طریقے&nbsp;</h5>

مسوڑھوں کی سوزش کے ابتدائی درجے میں ،غیر جراحی طریقےاختیار کئے جاتے ہیں ۔ یہ طریقے کم نقصان دہ ہوتے ہیں اور ان میں درج ذیل شامل ہوسکتے ہیں:

اسکیلنگ:&nbsp;اس کے ذریعے دانتوں مسوڑھوں کے نیچےسےٹارٹاراوربیکٹیریا کو نکال دیا جاتا ہے۔ اس کام کے لئےاستعمال کئے جانے والے آلات میں لیزر یا الٹراسونک آلات شامل ہوسکتے ہیں۔ 
&nbsp;

رُوٹ پلاننگ: اس طریقے میں،ٹارٹار اور بیکٹیریا کی مزید افزائش کو روکنے کے لئے جڑ کو ہموار کرنا شامل ہے۔اس کےعلاوہ، بیکٹیریا کی ذیلی پراڈکٹس بھی ختم ہوجاتی ہیں جن کی وجہ سے سوزش بڑھ سکتی تھی اور بحال کے عمل میں تاخیر ہوسکتی تھی۔ 
&nbsp;

اینٹی بائیوٹک ادویات کا استعمال: بیکٹریا کےخاتمے کے لئے لگائی جانے والی یا منہ کے ذریعےلی جانے والی اینٹی بائیوٹک ادویات دی جاتی ہیں۔ لگائی جانے والی ادویات میں ماؤتھ واش یا جیل جن میں اینٹی بائیو ٹک ادویات شامل ہوتی ہیں جنہیں اچھی طرح صفائی کے بعد دانتوں اور مسوڑھوں کے درمیان یا ان کے خانوں میں لگایا جاتا ہے ۔ 
&nbsp;

<h5 dir="rtl">2. سرجری والے طریقے&nbsp;</h5>

جراحی کےمسوڑھوں کی سوزش کے اگلے مرحلے میں آکےتیار کئے جاتے ہیں۔علاج کے لئے&nbsp; دانتوں کی سرجری کی ضرورت ہوتی ہے، اور درج ذیل طریقہ کاراختیار کئے&nbsp; جا سکتے ہیں:

<ul dir="rtl">
	<li>فلیپ سرجری (خانوں کو چھوٹا کرنے والی سرجری):&nbsp;اس طریقہ کار میں، ڈاکٹر&nbsp; مسوڑھوں کے ایک حصے کو واپس اٹھانے کے لئےآپ کے مسوڑھوں میں&nbsp; متعدد چھوٹےچیرے لگائے گا۔ اس طرح جڑیں ظاہر ہوجاتی ہیں اورڈاکٹرمؤثراسکیلنگ اورجڑ کی پلاننگ کر سکتا ہے۔ انفیکشن ہڈیوں کے نقصان کا سبب بن سکتا ہے، اس لئےجڑوں کو دوبارہ تشکیل دینے(ان کی صورت کو بحال کرنے) کی ضرورت پڑ سکتی ہے۔ تاہم، طریقہ کار اورشفا یابی کےعمل کےبعد، آپ کومتعلقہ حصےکوصاف رکھنےاورمنہ کی صفائی رکھنا ہوگی۔</li>
	<li>نرم عضلات کی پیوندکاری: اس بیماری کےاگلےمرحلے میں ، آپ کے مسوڑھوں کی لائن نئی جگہ اختیار کرلیتی ہے ۔ لہٰذا، اسے قدرے مستحکم بنانے کی ضرورت&nbsp;ہوتی ہے۔ اسی مرحلے پر نرم عضلات کا کام&nbsp; پڑتا ہےاور خیال یہ ہے کہ آپ کے تالو سے عضلات کا کچھ حصہ لےکر متاثرہ حصے پر لگایا جائے ۔اس عمل سےمسوڑھوں کے پیچھےہٹنے کا عمل رُک جاتا ہے اور ظاہر ہوجانے والی جڑیں بھی ڈھک دی جاتی ہیں۔ 
	&nbsp;</li>
	<li>ہڈّی کی پیوند کاری :&nbsp;یہ طریقہ اس وقت اختیار کیا جاتا ہے،&nbsp; جب دانتوں کے گرد پائی جانے والی ہڈّی کو نقصان پہنچ چکا ہوتا ہے ۔ پیوند کاری کے لئےایک چھوٹی ہڈّی استعمال کی جاتی ہے،اس مقصد کے لئےمصنوعی ہڈّی بھی استعمال کی جاسکتی ہے۔خیال یہ ہےکہ دانتوں کو کافی سپورٹ فراہم کر کے ان کے نقصان سے بچا جاسکے۔اس پیوند کی وجہ سے بعد میں قدرتی ہڈّی بھی پیدا ہوجاتی ہے۔ 
	&nbsp;</li>
	<li>راہ نمائی کے تحت عضلات کی دوبارہ افزائش: اس&nbsp;خصوصی طریقہ کار کے ذریعےہڈیوں کی دوبارہ افزائش ہوجاتی ہےجو بیماری کےبڑھنےکےدوران بیکٹیریا&nbsp; کی وجہ سے تباہ ہو چکی تھیں۔&nbsp;ڈاکٹر پہلے سے موجود ہڈی اور آپ کے دانت کےدرمیان بایو کمپیٹیبل فیبرک کا ایک خاص ٹکڑا رکھے گا۔مواد کا مقصد بیمار بافتوں کو دوبارہ پیدا ہونے والےعلاقےمیں داخل ہونے سے روکنا ہے، اس طرح&nbsp;سے بہتر شفا یابی&nbsp;حاصل ہوتی ہے ۔ 
	&nbsp;</li>
	<li>عضلات کو تحریک دینے والے پروٹین:&nbsp;اس طریقے میں متاثرہ&nbsp; جڑ پر ایک خصوصی جیل لگایا جاتا ہے،جس میں وہی پروٹین شامل ہوتے ہیں جو دانتوں کے،افزائشی انیمل کو بناتے ہیں&nbsp; ۔اس طرح&nbsp;صحت مند ہڈی کی تشکیل کو تحریک ملتی ہے ۔</li>
</ul>

<div>&nbsp;</div>

مسوڑھوں کی سوزش کو روکنا ضراوری ہے، کیوں کہ اس&nbsp; کی وجہ سے&nbsp; سسٹیمیٹک بیماریاں بشمول دل کی شریان کے امراض پیدا ہوسکتے ہیں ۔ لہٰذا، مؤثرطبی مدد انتہائی اہمیت کی حامل ہے۔ تاہم، اگر کسی وجہ سے یہ سوزش بڑھتی ہے تو درج ذیل پیچیدگیاں پیدا ہو سکتی ہیں:<a href="#accordion">[6]</a>

<ul>
	<li dir="rtl" style="text-align: right;">سانس میں بدبو(halitosis)</li>
	<li dir="rtl" style="text-align: right;">دانتوں کا گرجانا</li>
	<li dir="rtl" style="text-align: right;">نیند آنےمیں دشواری&nbsp;</li>
	<li dir="rtl" style="text-align: right;">&nbsp;مسوڑھوں کی سوزش ، خاص طورپرحمل&nbsp; کے دوران، کی وجہ سے بچے کی پیدائش قبل ازوقت ہوسکتی ہے؛ بچے کا پیدائشی وزن کم ہوسکتا ہے؛ اور حمل کے دوران بلڈ&nbsp;پریشر ہائی ہوسکتا ہے ۔</li>
</ul>

<div>&nbsp;</div>

کسی بھی بیماری کی طرح،ایسےعوامل بھی موجود&nbsp; ہیں جو آپ کےمسوڑھوں کی سوزش&nbsp; کے خطرے کو نمایاں طور پر بڑھا سکتے ہیں۔ خطرےکے درج ذیل&nbsp; عوامل کو ذہن میں رکھنا ضروری ہے:<a href="#accordion">[5][7][9]</a>

<ul dir="rtl">
	<li>منہ کی صفائی کا خیال نہ رکھنا: منہ کی صفائی کا خیال نہ رکھنے کی صورت میں دانتوں پر پلاک جمع ہوسکتی ہے اور آگے چل کر مسوڑھوں کی سوزش کی بنیاد بن سکتی ہے۔ 
	&nbsp;</li>
	<li>تمباکو نوشی : تمباکو نوشی ،مسوڑھوں کی سوزش کے حوالے سے&nbsp; سب سے اہم خطرے والےعوامل میں سے ایک ہے جس پر توجہ دینے کی ضرورت ہے۔ مطالعات سے پتہ چلتا ہے کہ مسوڑھوں کی سوزش کی&nbsp;بیماری کے پھیلاؤ میں کمی تمباکو نوشی کی شرح میں کمی سے براہ راست متناسب ہے۔ دیگر تحقیق سے یہ بھی ثابت ہوتا ہے کہ تمباکو نوشی نہ کرنے والوں کے مقابلے تمباکو نوشی کرنے والوں کے مسوڑھوں&nbsp; میں شدید قسم کی سوزش پیدا ہونے کا خطرہ تین گنا زیادہ ہوتا ہے۔ 
	&nbsp;</li>
	<li>ہارمونز میں تبدیلیاں:&nbsp;تحقیق سے ثابت ہوتا ہے کہ عورتوں میں ہارمونز کی تبدلیوں کی وجہ سےان کے لئےمسوڑھوں کی سوزش کا خطرہ بڑھ جاتا ہے۔خاص طور پر یہ صورت حال، ماہواری آنے سے پہلےاورانڈے بننے کےعمل کے دوران، پراجیسٹرون کی مقدار بڑھ جانے کی وجہ سے پیدا ہوتی ہے۔اس کے نتیجے میں کولیجن فائبر کی بحال کا عمل رُک جاتا ہے جس کی وجہ سے خون کی نالیاں پھیل جاتی ہیں۔ 
	&nbsp;</li>
	<li>جینیاتی عوامل: بعض افراد کے جینیاتی عوامل کی وجہ سے انہیں مسوڑھوں کی سوزش کا خطرہ زیادہ ہوتا ہے ۔ 
	&nbsp;</li>
	<li>بعض ادویات :&nbsp; بعض ادویات مثلاً&nbsp; فینائی ٹوئن، سائیکلو اسپورین،اور نائف ڈی پائن کی وجہ سےgingivalعضلات کی خلاف معمول افزائش ہوسکتی ہے جس کی وجہ سے کبھی کبھار دانتوں کے پلاک کو نکالنے میں پیچیدگی پیدا ہوسکتی ہے۔ اس کی وجہ سے پہلے موجود مرض کی شدت میں اضافہ ہوجاتا ہے ۔ 
	&nbsp;</li>
	<li>ذیابیطس: مطالعات سے پتہ چلتا ہے کہ مسوڑھوں کی سوزش&nbsp; کی تشخیص شدہ ذیابیطس کے مریضوں میں غیر ذیابیطس کے مریضوں کے مقابلےمیں مسوڑھوں کے خلاء&nbsp;میں پائے جانے والے سیالوں اور تھوک میں سوزش کےدرمیانی عوامل(جن میں سائٹوکائنیز کی مختلف اقسام شامل ہیں) کی زیادہ مقدارہوتی ہے۔ 
	&nbsp;</li>
	<li>وٹامن ڈی اور سی کی کمی : یہ دونوں وٹامنز ، مسوڑھوں کی صحت&nbsp; اور ہڈّیوں کی مضبوطی کے لئے ضروری ہیں ۔</li>
</ul>

<div>&nbsp;</div>

اس بیماریسے بچاؤ&nbsp; کے لئے، سب سے مؤثر طریقہ منہ اور دانتوں کی صفائی رکھنا ہے۔ یہ کام گھر پر ممکن ہے۔ امریکن ڈینٹل ایسوسی ایشن (ADA) کے مطابق، مندرجہ ذیل رہنما اصولوں پر عمل کرنا چاہئے:<a href="#accordion">[6]</a>

<ul>
	<li dir="rtl" style="text-align: right;">دِن میں دَو مرتبہ اپنے دانتوں کو برش کریں۔اس کام کے لئے نرم ریشوں وال برش استعمال کرنا چاہئے۔ سادہ برش یا برقی برش استعمال کیا جاسکتا ہے ۔</li>
	<li dir="rtl" style="text-align: right;">فلورائیڈ ٹوتھ پیسٹ&nbsp; استعمال کیا جائے تو بہتر ہے کیوں کہ یہ دانتوں کےکمزور انیمل کی دوبارہ تشکیل میں مدد دیتا ہے ۔</li>
	<li dir="rtl" style="text-align: right;">خیال رہے کہ دانتوں کی ہر سطح پر برش کرنا چاہئے ۔&nbsp;</li>
	<li dir="rtl" style="text-align: right;">دانتوں کے برش کوہر 3 سے4 ماہ میں تبدیل کر لینا چاہئے ۔</li>
</ul>

<div>&nbsp;</div>

انسان کی آنتوں کے اندر خاص قسم کے بیکٹیریا رہتے ہیں، جن میں اچھائی اور خرابی کا توازن اس طرح ہوتا ہے کہ یہ مجموعی طور پر بہتر اثر ڈالتے ہیں۔ تاہم، تازہ ترین مطالعات سے ثابت ہوتا ہے کہ مسوڑھوں کی سوزش&nbsp; اورآنتوں کے متاثرہ توازن والے بیکٹیریا کے درمیان تعلق ہے۔ ہم روزانہ تقریباً1سے1.5&nbsp; لیٹر لعاب پیتے ہیں، لیکن مسوڑھوں کی سوزش والے مریضوں میں فرق یہ ہوتا ہے کہ ان کا لعاب میں انفیکشن پیدا کرنے والے بیکٹیریا شامل ہوتے ہیں۔ یہ بھی انکشاف ہوا کہ لعاب کا مائکرو بایوٹا آنتوں میں24 گھنٹے تک زندہ رہ سکتا ہے اور آنتوں کے مدافعتی ردعمل کو کمزور کر سکتا ہے۔ اس مطالعے نے سائنسدانوں کے لئے&nbsp; علاج کےبہترطریقے&nbsp; تیار کرنے کے لئے&nbsp; نئی راہیں کھول دی ہیں ۔<a href="#accordion">[10]</a>

&nbsp;

اہم نکات

<ul dir="rtl">
	<li>مسوڑھوں کی سوزش&nbsp;بنیادی طورپرمسوڑھوں&nbsp;کی دائمی سوزش ہے،جس میں چار اجزاء یعنی سیمنٹم، پیریڈونٹل لیگامینٹ (PDL)، الویولر ہڈی اورمسوڑھوں کےعضلات شامل ہوتے ہیں۔</li>
	<li>آپ کےمدافعتی نظام کے&nbsp;ردعمل کے ساتھ، بیکٹیریا کا تعامل ہی بالآخر مسوڑھوں کی سوزش کا باعث بنتا ہے۔</li>
	<li>مسوڑھوں کی سوزش میں آپ کےمسوڑھوں اورہڈیاں آپ کے دانتوں سے ہٹ جاتی ہیں ،جس سے آپ کے دانت کی ساختی بنیاد پر خانےبن جاتےہیں جس کی وجہ سے یہ انتہائی نمایاں ہو جاتے ہیں۔</li>
	<li>اس کےبعد آپ کا مدافعتی نظام بیکٹیریل کےحملے پرردعمل دینے مجبور ہوتا ہے، کیوں کہ پلاک&nbsp;مسوڑھوں کی لکیر سے نیچے اوران نئے&nbsp; بننے والے&nbsp; خانوں میں داخل ہوتی ہے۔</li>
	<li>زہریلےمادوں اورسوزش کے اخراج کی وجہ سے ہڈی اور جوڑنے والی بافتیں آہستہ آہستہ ٹوٹ جاتی ہیں۔</li>
	<li>2010 میں، دنیا بھر میں3.9 بلین لوگوں کو مسوڑھوں کی سوزش کی بیماری میں مبتلا دیکھا گیا۔</li>
	<li>مسوڑھوں کی&nbsp;ہلکی سوزش کے پھیلاؤ کی شرح35% اور درمیانی درجےسےشدید درجے کی مسوڑھوں کی سوزش 11% بتائی گئی۔</li>
	<li>&nbsp;بیماری کےکنٹرول اوراس بچاؤ کےامریکی سینٹر نے ، مسوڑھوں کی سوزش&nbsp;کی بیماری کو ایک عالمی وبائی مرض قرار دیا ہےجو معذوری، گویائی کی کمزوری، کم خود اعتمادی،اور زندگی کے کم ہوتےمعیارکا سبب ہے۔</li>
	<li>برطانیہ میں کی گئی ایک تحقیق سےیہ بات سامنےآئی ہے، کہ ملک کے باشندوں&nbsp;کو درمیانہ درجے کی شدید بیماری کا سامنا کرنا پڑتا ہے جس میں سب سے زیادہ عام خطرے والے عوامل&nbsp; میں پلاک اور پتھری&nbsp; کا بننا شامل&nbsp; ہے۔</li>
	<li>پاکستان میں، نیشنل اورل ہیلتھ سروے اورچند دیگر مطالعات سے یہ نتیجہ اخذ ہوا&nbsp;کہ، مسوڑھوں کی سوزش کا پھیلاؤ 98 فیصد تک تھا، جب کہ اگلےدرجے کی مسوڑھوں کی سوزش کا پھیلاؤ 31 فیصد تھا۔</li>
	<li>مسوڑھوں کی سوزش&nbsp;کو تین مختلف گروپس میں تقسیم کیا جا سکتا ہےیعنی Periodontitis، Necrotising periodontitis اور Periodontitis&nbsp;جو نظام کی&nbsp;بیماریوں کا براہ راست اظہار ہیں۔</li>
	<li>مزید یہ کہ، مسوڑھوں کی سوزش کو اس کی شدت، پیچیدگی، اور بیماری کے بڑھنے کےخطرے کی بنیاد پرمختلف درجوں میں تقسیم کیا جاسکتا ہے ۔</li>
	<li>ایک سے چار تک کے مراحل ہیں جو شدت پر مبنی ہیں، اور گریڈ A سے لے کرC تک اس بات پر مبنی ہیں کہ فراہم کردہ علاج کے لئےبیماری کس مرحلے میں&nbsp; ہے۔</li>
	<li>مسوڑھوں کی سوزش کی بڑی وجہ دانتوں اور مسوڑھوں جیسی مختلف جگہوں پر پلاک&nbsp;کا جمع ہونا ہے۔ ایک اور وجہ پہلے سےموجود مسوڑھوں کی سوزش&nbsp;بھی ہے۔ مسوڑھوں کی سوزش کی علامات میں ہے ہیلیٹوسس، مسوڑھوں کا گھٹنا، پھولے ہوئے گلابی مسوڑھوں اور&nbsp; چبانے میں تکلیف ہونا شامل ہے ۔</li>
	<li>مسوڑھوں کی سوزش یا دانتوں کی کسی دوسری بیماری کے لئےبہترین اسکریننگ ٹیسٹ بہت آسان ہے، یعنی دانتوں کا باقاعدگی سے چیک اپ کروانا ۔</li>
	<li>عام طور پر سال میں دو مرتبہ کا مشورہ دیا جاتا ہے، یعنی ہر چھ ماہ میں ایک مرتبہ معائنہ کروانا چاہئے۔</li>
	<li>اسکریننگ کا ایک نسبتاً نیا طریقہ بھی متعارف کرایا گیا ہے، جو کہ ہیموگلوبن اور لیکٹیٹ ڈی ہائیڈروجی نیز کی تھوک میں سطح کو جانچنے کے لئے ہے۔&nbsp;</li>
	<li>مسوڑھوں کی سوزش کی اسکریننگ کا دوسرا طریقہ کمیونٹی پیریڈونٹل انڈیکس (سی پی آئی) ہے۔ تاہم، سی پی آئی کا نقصان یہ ہے کہ اس کےلئے&nbsp; تحقیقات کی ضرورت ہوتی ہے،جو بالآخر پہلے سے موجود مسوڑھوں کی سوزش والے کسی بھی مریض کو بیکٹیریمیا (خون میں بیکٹیریا کے شامل ہونے ) کے خطرے میں ڈال دیتا ہے۔</li>
	<li>مسوڑھوں کی سوزش&nbsp;کی تشخیص کرنے کے لئے،ڈاکٹر دانتوں کا ایکسرے کروا سکتا ہے۔ یا اپنے مسوڑھوں اور دانتوں کے درمیان موجود نالی کی خانے&nbsp; کی گہرائی کو اپنے مسوڑھوں کی لکیر کے نیچے دانتوں کے کنارے پر رکھ کر پیمائش کرنا۔</li>
	<li>غیر سرجری&nbsp; علاج میں اسکیلنگ، جڑ کی منصوبہ بندی اور اینٹی بائیوٹکس کا استعمال شامل ہے۔</li>
	<li>سرجری والے علاج میں فلیپ سرجری(خانے کو کم کرنے کی سرجری)، نرم بافتوں کے پیوند،ہڈیوں کی پیوند کاری، راہ نما اصولوں پر عضلات کی تشکیل، اور عضلات کو متحرک کرنے والے پروٹین شامل ہیں۔</li>
	<li>مسوڑھوں کی سوزش کو بڑھنےنہیں دینا چاہئے،کیوں کہ اس&nbsp; کی وجہ سےدل کی شریانوں کی بیماری سمیت سسٹیمیٹک بیماریاں پیدا ہوتی ہیں ۔ تاہم، اگر ایسا ہوتا ہے، تو یہ ہیلیٹوسس، کھانے میں دشواری اور یہاں تک کہ سانس کے انفیکشن جیسی پیچیدگیاں پیدا ہو سکتی ہیں ۔</li>
	<li>خطرےکےعوامل میں تمباکونوشی، عورتوں&nbsp;میں ہارمونز کی&nbsp; تبدیلیاں، نیفیڈی پائن جیسی دوائیں، اور مخصوص وٹامن کی کمی شامل ہیں۔</li>
	<li>مؤثر فلوسنگ اور ماؤتھ واش کے ساتھ دن میں دو بار اپنے دانتوں کو برش کرکے روک تھام کی جا سکتی ہے۔</li>
	<li>تازہ ترین مطالعات سے ثابت ہوتا ہے کہ ، مسوڑھوں کی سوزش اور آنتوں کے متاثرہ مائکرو بائیوٹا کے درمیان تعلق ہے۔ تھوک مائکروبیوٹا آنتوں میں 24 گھنٹے تک زندہ رہ سکتا ہے اور آنتوں کے مدافعتی ردعمل کو کمزور کرتا ہے۔</li>
</ul>

[1] Torabi S, Soni A. Histology, Periodontium. [Updated 2022 Mar 26]. In: StatPearls [Internet]. Treasure Island (FL): StatPearls Publishing;

[2] Saini R, Marawar PP, Shete S, Saini S. Periodontitis, a true infection. J Glob Infect Dis. 2009;1(2):149-150. doi:10.4103/0974-777X.56251

[3] Bui FQ, Almeida-da-Silva CL, Huynh B, et al. Association between periodontal pathogens and systemic disease. Biomedical Journal. 2019;42(1):27-35. doi:10.1016/j.bj.2018.12.001

[4] Bokhari SA, Suhail AM, Malik AR, Imran MF. Periodontal disease status and associated risk factors in patients attending a Dental Teaching Hospital in Rawalpindi, Pakistan. J Indian Soc Periodontol. 2015;19(6):678-682. doi:10.4103/0972-124X.156882

[5] Nazir MA. Prevalence of periodontal disease, its association with systemic diseases and prevention. Int J Health Sci (Qassim). 2017;11(2):72-80.

[6] Periodontitis: Treatment, home remedies, and symptoms. Medical News Today

[7] Periodontitis. Mayo Clinic

[8] Genco RJ, Borgnakke WS. Risk factors for periodontal disease. Periodontol 2000. 2013;62(1):59-94. doi:10.1111/j.1600-0757.2012.00457.x

[9] Nomura, Yoshiaki et al. “A new screening method for periodontitis: an alternative to the community periodontal index.” BMC oral health vol. 16,1 64. 2 Jun. 2016, doi:10.1186/s12903-016-0216-x

[10] Bao J, Li L, Zhang Y, et al. Periodontitis may induce gut microbiota dysbiosis via salivary microbiota. International Journal of Oral Science. 2022;14(1). doi:10.1038/s41368-022-00183-3