پھیپھڑوں میں رطوبتیں  بھر جانے کو پھیپھڑوں  کا ورم کہا جاتا ہے۔۔مزید جاننے کے لئے یہ آرٹیکل پڑھئے۔

پھیپھڑوں میں رطوبتوں کا بھر جانا (پلمونری ایڈیما)

PNS SHIFA

Online Consultation

سید انتصار حسین

جائزہ

پھیپھڑوں میں رطوبتیں&nbsp; بھر جانے کو پھیپھڑوں&nbsp; کا ورم کہا جاتا ہے، یہ سانس لینے میں دشواری کا باعث بن سکتا ہے۔ نتیجے کے طور پر سانس کی نالیوں میں&nbsp; گیس کا تبادلہ کم ہو جاتا ہے اور مریض کو سانس لینے میں مشکلات پیش آسکتی ہیں ۔

آپ کے پھیپھڑوں کو سانس لینے پر ہوا کے ساتھ پھولنا چاہئے ۔ اگر آپ پھیپھڑوں کے&nbsp; ورم میں مبتلا ہیں تو، ہوا کے بجائے اندر سیال جمع ہوجاتا ہے۔ اس صورت میں آپ کے پھیپھڑوں کے ذریعے سانس کے ذریعے آنے والی&nbsp; ہوا&nbsp; کی آکسیجن آپ کے خون تک نہیں پہنچ سکتی، جہاں اس کی ضرورت ہوتی ہے، اس طرح&nbsp; سانس لینے میں ناکامی پیدا ہو جاتی ہے۔ایک اندازے کے مطابق ہر سال،&nbsp; 190,000 افراد کے پھیپھڑوں کو شدید نقصان پہنچتا&nbsp; ہے۔<a href="#accordion">[1]</a> 
&nbsp;

پھیپھڑوں کا&nbsp; ورم عام طور پر دل کے مسائل کا نتیجہ ہوتا ہے۔ اگرچہ اس کی شرح&nbsp; اموات ، ہسپتال&nbsp; اور علاقے کے لحاظ سے نمایاں طور پر مختلف ہو سکتی ہیں،&nbsp; تاہم پھیپھڑوں کا&nbsp; ورم دل کی شدید ناکامی کے&nbsp; سنڈروم (AHFS) کی دوسری سب سے زیادہ کثرت سے پیش آنے والی طبی صورت حال ہوتی ہے۔<a href="#accordion">[2]</a>

لیکن پھیپھڑوں میں سیال بننے کی اور بھی وجوہات ہیں۔ ان میں<a href="https://merisehat.pk/ur/disease/pneumonia"> نمونیا</a>، مخصوص کیمیکلز کی زد میں آنا،منشیات، سینے کی دیوار پر چوٹیں اور اونچائی پرجانا یا ورزش کرنا شامل ہیں۔

پھیپھڑوں کا شدید ورم جو جلدی ظاہر ہوتا ہے،یہ ایک طبی ایمرجنسی ہے جس پر فوری توجہ کی ضرورت ہوتی ہے۔ بعض اوقات، پھیپھڑوں کےورم کےنتیجےمیں موت واقع ہو سکتی ہے۔اس کا&nbsp; علاج فوراً شروع ہوجانا چاہئے۔ وجہ کےلحاظ سے، پھیپھڑوں کے ورم کا علاج عام طور پر دوا اور آکسیجن سے کیا جاتا ہے۔ 
&nbsp;

اس کی دَو بڑی اقسام ہیں قلبی اور غیر قلبی۔ 
&nbsp;

<ul dir="rtl">
	<li>
	<h5 dir="rtl">پھیپھڑوں کا ورم (قلبی)</h5>
	</li>
</ul>

یہ دل کی حالت کے نتیجے میں پیدا ہوتا&nbsp; ہے۔ سل کا بائیں جانب کا نچلا خانہ،پھیپھڑوں سے حاصل ہونے والے خون کو پمپ کرنے سے قاصرہوجاتاہے۔ نتیجے کےطور پر، دباؤ اور سیال پھیپھڑوں کی باریک نالیوں میں جمع ہوجاتے ہیں۔

دل کا بائیں جانب کا نچلا خانہ مختلف عوارض کی وجہ سے کمزور ہو سکتا ہے، جن میں&nbsp; شریانوں کا تنگ ہوجانا ،دل کے عضلات کو چوٹ پہنچنا ،دل کےوالوز کے مسائل، اور ہائی بلڈ پریشر ہونا شامل ہیں۔ 
&nbsp;

<ul dir="rtl">
	<li>
	<h5 dir="rtl">پھیپھڑوں کا ورم (غیرقلبی)</h5>
	</li>
</ul>

پھیپھڑوں کےاس قسم کے ورم کا قلبی مسائل سے کوئی تعلق نہیں ہوتا ہے۔ یہ پھیپھڑوں کی چوٹ کے نتیجےمیں پھیپھڑوں&nbsp; کی باریک نالیوں میں چھننے کے عمل میں اضافہ کا باعث بنتا ہے۔ اس کی عام وجوہات میں درج&nbsp; شامل ہیں:

<ul dir="rtl">
	<li style="text-align:right">سانس کے دیگرمسائل، جیسے،&nbsp; سانس لینےمیں شدید دشواری کا سنڈروم (ARDS)، نمونیا</li>
	<li style="text-align:right">خون کا انفیکشن</li>
	<li style="text-align:right">دماغ میں اعصابی خلیات کے افعال میں خرابی</li>
	<li style="text-align:right">زہریلی گیسوں&nbsp;کی زد میں آنا (سانس کے ذریعے خرابی پیدا ہونا)</li>
	<li style="text-align:right">بیکٹیریا یا وائرس کی وجہ سے انفیکشن</li>
	<li style="text-align:right">ہیروئن یا کوکین&nbsp; جیسی منشیات کی زیادہ مقدار</li>
	<li style="text-align:right">پھیپھڑوں کی نالیوں کی بندش 
	&nbsp;</li>
</ul>

علامات

پھیپھڑوں کے ورم کی علامات اچانک شروع ہو سکتی ہیں یا آہستہ آہستہ ظاہر ہونا شروع ہوتی&nbsp; ہیں۔ پھیپھڑوں کےورم کی شدت علامات کا تعین&nbsp;کرتی ہے۔ 
&nbsp;

پھیپھڑوں کے&nbsp; ورم کی اچانک ظاہر ہوجانے والی علامات

<ul dir="rtl">
	<li>سانس کی دشواری یا سانس کی شدید تنگی، جو چلتے پھرتے اور لیٹتے وقت بدتر ہوجاتی ہے۔</li>
	<li>لیٹنے پر دم گھٹنے یا ڈوبنے کا بڑھتا ہوا احساس۔</li>
	<li>دیگر کیفیات کے ساتھ&nbsp; کھانسی ( کھانسی کے ساتھ تھوک یا خون کا آنا)</li>
	<li>دل کی دھڑکن کا بے ترتیب اور تیز ہونا۔</li>
	<li>اضطراب، اشتعال، یا یہ احساس کہ کچھ منفی ہونے والا ہے۔</li>
	<li>چکنی، ٹھنڈی جلد۔</li>
	<li>سانس لینے میں سختی یا سیٹی جیسی&nbsp; آواز آنا 
	&nbsp;</li>
</ul>

<h4 dir="rtl">پھیپھڑوں کے ورم کی طویل مدتی (عرصے سے جاری)علامات</h4>

<ul dir="rtl">
	<li>کھانسی یا سانس بند ہونے کے احساس کے ساتھ رات کے وقت جاگنا ،جس میں&nbsp;بیٹھنے سےکچھ فائدہ ہوسکتا ہے۔</li>
	<li>سرگرمیوں یا آرام&nbsp;کرنے کے دوران سانس لینے میں دشواری ہونا۔</li>
	<li>تھکاوٹ ہونا۔</li>
	<li>ہلکی ورزش کے ساتھ سانس&nbsp;لینےمیں شدید دشواری ہونا۔</li>
	<li>کھانسی کا اچانک آغاز یا موجودہ کھانسی کا بگڑ جانا۔</li>
	<li>تیزی سے وزن بڑھنا۔</li>
	<li>ٹانگوں میں سوجن ہونا۔</li>
	<li>سانس لینے دوران سیٹی جیسی آواز کا آنا۔ 
	&nbsp;</li>
</ul>

<h4 dir="rtl">بلندی پر پھیپھڑوں کے ورم (HAPE)کی علامات اورنشانیاں</h4>

بالغ اور بچے جوزیادہ بلندی&nbsp; پر جاتے ہیں یا ورزش کرتے ہیں انہیں پھیپھڑوں کا ورم لاحق ہوسکتا ہے ۔ درج&nbsp; ذیل علامات اورنشانیوں کا ،پھیپھڑوں کےشدید ورم کے ساتھ موازنہ کیا جاتا ہے:

<ul dir="rtl">
	<li>سر درد، جو کہ ابتدائی علامت ہو سکتی ہے۔</li>
	<li>ورزش کے دوران سانس پھولنا، اس کے بعد آرام کے دوران سانس کی تکلیف ہونا۔</li>
	<li>شروع میں خشک کھانسی،اس کے بعد،&nbsp; جھاگ دار تھوک&nbsp; والی کھانسی ہوتی ہے ۔تھوک کا رنگ خون کی وجہ سے گلابی ہوسکتا ہے۔</li>
	<li>دل کی تیز دھڑکن (ٹیی کارڈیا)</li>
	<li>کمزوری ہونا ۔</li>
	<li>سینے کا درد ہونا ۔</li>
	<li>کم&nbsp; درجے کا بخارہونا۔</li>
</ul>

بلندی پر پھیپھڑوں کے ورم (HAPE)کی علامات&nbsp; میں خاص طور پر رات کے وقت شدت آجاتی ہے۔ 
&nbsp;

اسباب

<h5 dir="rtl">پھیپھڑوں کا ورم (قلبی)</h5>

پھیپھڑوں کا ورم (قلبی)،دل میں بڑھتے ہوئے دباؤ کی وجہ سے ہوتا ہے۔ یہ عام طور پر دل کی ناکامی کا نتیجہ ہے۔ جب بیمار یا زیادہ کام کرنے والا دل کا بایاں نچلا خانہ&nbsp; پھیپھڑوں سے حاصل ہونے والے خون کو کافی مقدار میں پمپ نہیں کر سکتا ،تو دل میں دباؤ بڑھ جاتا ہے۔ بڑھتا ہوا دباؤ ، سیال کو خون کی نالیوں کی دیواروں کے پار ہوا کے تھیلیوں میں داخل کر دیتا&nbsp; ہے۔ 
&nbsp;

درج ذیل طبی عوارض پھیپھڑوں کےورم (قلبی) اور دل کی ناکامی کا باعث بن سکتے ہیں:

<ul dir="rtl">
	<li>دل کی شریان کی بیماری</li>
</ul>

دل کےعضلات کو خون فراہم کرنے والی شریانیں وقت کے ساتھ چربی جمع ہونے کی وجہ سے سکڑ سکتی ہیں (ان میں پلاک جم جاتا ہے)۔ دل کی ان شریانوں کا تنگ ہوجانا ، دل کے بائیں جانب والے نچلے خانے کی&nbsp; کمزوری کا باعث بنتا ہے۔بعض اوقات شریان کے تنگ حصے خون کا لوتھڑا بھی بن سکتا ہے۔لہٰذا،خون کے بہاؤ میں رکاوٹ پڑتی ہے اوردل کا دورہ ، دل کے عضلات کے کمزور ہوجانے اور خون نہ پہنچنے کی وجہ سے پڑتا ہے۔دل کے خراب عضلات کی وجہ سے دل مطلوبہ مقدار میں خون پمپ نہیں کرسکتا ۔ 
&nbsp;

<ul dir="rtl">
	<li>دل کے عضلات کی خرابی</li>
</ul>

دل کے عضلات کی خرابی کی وجہ سے دل کو زیادہ محنت کرنی پڑتی ہے،جس کی وجہ سے دباؤ بڑھتا ہے۔ ایسی صورت میں&nbsp; دل&nbsp; وقت پر(مثلاً ورزش یا بیماری کے دوران)&nbsp; مطلوبہ مقدار میں خون کو مؤثر طریقے سے پمپ&nbsp; نہیں کر پاتااور&nbsp; بلڈ پریشر میں اضافہ ہوتا ہے۔ جب بھی&nbsp; دلا کے بائیں جانب والانچلا&nbsp; خانہ ضروریات کو پورا نہیں کرپاتا ہے تو ،سیال پلٹ کر پھیپھڑوں میں داخل ہوجاتا ہے۔ 
&nbsp;

<ul dir="rtl">
	<li>دل کے والو کے مسائل&nbsp;</li>
</ul>

دل میں خون کی گردش، شریان کی جانب والے والو یا&nbsp; دل کے خانوں کے والوز کے تنگ ہوجانے سے متاثر ہوتی ہے۔خون کی گردش، لِیک ہوجانے یا ٹھیک سے بند نہ ہونے والے(غیر فعّال) والو کی وجہ سے بھی متاثر ہو سکتی ہے۔ دل کا والو لِیک ہوجانے کی وجہ سے، پھیپھڑوں&nbsp; میں اچانک اور شدید قسم کا پیدا ہوسکتا ہے۔ 
&nbsp;

<ul dir="rtl">
	<li>ہائی بلڈ پریشر</li>
</ul>

علاج نہ کروانے کی صورت میں، ہائی بلڈ پریشربے قابو ہوجاتا ہے اوراس صورت میں دل کا سائز بڑا ہوجاتا ہے۔ 
&nbsp;

<ul dir="rtl">
	<li>دیگر مسائل</li>
</ul>

دل کی بعض پیدائشی کیفیات (مثلاً دل کے پیدائشے نقائص، دل کے عضلات کو موٹا اور کمزور ہونا اور ان میں سوزش ہونا،دل کی بے قاعدہ دھڑکن) کی وجہ سے پھیپھڑوں میں ورم آجاتا ہے۔ 
&nbsp;

<ul dir="rtl">
	<li>گردوں کی بیماری&nbsp;</li>
</ul>

پھیپھڑوں کا ورم،گردے کی بیماری میں سے سیال کے برقرا ر رہنے یا گردوں کی شریانوں میں تنگی کے باعث پیدا ہونے والے&nbsp; ہائی بلڈ پریشرکی وجہ سے ہوسکتا ہے۔ 
&nbsp;

<ul dir="rtl">
	<li>صحت کے طویل مدتی مسائل</li>
</ul>

دل کی خرابی اورپھیپھڑوں کا ورم،عرصے سے جاری رہنے والی طبی کیفیات مثلاً&nbsp; تھائیرائڈ کی بیماری، پروٹین یا آئرن کا جمع ہونا۔ 
&nbsp;

<h4 dir="rtl">پھیپھڑوں کا ورم (غیر قلبی)</h4>

پھیپھڑوں کا ورم(غیر قلبی )، کا سبب دل کے بلند دباؤ کی وجہ سے نہیں ہوتا۔اس کی وجوہات درج ذیل ہیں: 
&nbsp;

<ul dir="rtl">
	<li>سانس لینے میں شدید دشواری کا سنڈروم (ARDS)</li>
</ul>

یہ شدید حالت اس وقت ہوتی ہے،جب پھیپھڑوں میں سیال تیزی سے بھر جاتا ہے۔ متعدد کیفیات ،مثلاً شدید چوٹ، وسیع انفیکشن، نمونیا،اور بہت زیادہ خون بہنا، وغیرہ کے نتیجے میں&quot;سانس لینے میں شدید دشواری کا سنڈروم&quot; پیدا ہو سکتا ہے۔ 
&nbsp;

<ul dir="rtl">
	<li>ادویات یا منشّیات کا ری ایکشن یا ان کی زائد ڈوز&nbsp;</li>
</ul>

اسپرین اور بعض غیر قانونی منشیات مثلاً&nbsp; ہیروئن اور کوکین وغیرہ سے پھیپھڑوں کا&nbsp; ورم پیدا ہوسکتا ہے ۔ 
&nbsp;

<ul dir="rtl">
	<li>پھیپھڑوں میں خون کا لوتھڑا&nbsp;</li>
</ul>

ٹانگوں کی شریانوں سے خون کا لوتھڑا ، پھیپھڑوں تک پہنچ کر ان کے ورم کا سبب بن جاتا ہے۔ 
&nbsp;

<ul dir="rtl">
	<li>بعض زہریلے مادّوں کی زد میں آجانا</li>
</ul>

سانس کےذریعےپہنچنے والے ،زہریلے مادّے سانس کی نالیوں اور تھیلیوں میں شدید جلن&nbsp; پیدا کرتے ہیں۔ یہ صورت حال الٹی کے دوران سانس لینے سے بھی پیدا ہوسکتی ہے۔ دونوں صورتوں میں سیال جمع ہوجاتا ہے۔ 
&nbsp;

<ul dir="rtl">
	<li>بلندی</li>
</ul>

کوہ پیما، دوڑنے والے، پیدل سفر کرنے والے، اور بلندی(8000 فٹ یا تقریباً 2400 میٹر) پرسفر کرنے والے دیگر افرادکوپھیپھڑوں کا ورم لاحق ہوتا ہے۔یہ ورم عام طور پرایسے لوگوں کو متاثر کرتا ہے، جوبلندی سے ہم آہنگ ہونے کے لئے مطلوبہ دن یا ہفتے نہیں گزارتے۔ تاہم، سانس کی بیماری والے افراد میں بلندی تبدیل کئے بغیر بھی پھیپھڑوں کا ورم پیدا ہوسکتا ہے ۔ 
&nbsp;

<ul dir="rtl">
	<li>ڈوبنے کے قریب ہونا</li>
</ul>

سانس کے ذریعے پانی پھیپھڑوں میں پہنچ کر سیال جمع ہونے کا سبب بنتا ہے۔ 
&nbsp;

<ul dir="rtl">
	<li>منفی دباؤ سے پھیپھڑوں کا ورم ہونا</li>
</ul>

ہوا کے&nbsp; کافی بند بالائی راستے کے ذریعے سانس لینے سے پھیپھڑوں میں منفی دباؤ پیدا ہوتا ہے۔ عام طور پر، پھیپھڑوں کا اس قسم کے ورم کےمریض،علاج کے بعد تقریباً 24 گھنٹوں میں ٹھیک ہو جاتے ہیں۔ 
&nbsp;

<ul dir="rtl">
	<li>اعصابی نظام کی کیفیت یا سرجری&nbsp;</li>
</ul>

عارضی بے ہوشی،دورے، یا دماغ کی سرجری کے بعد،&quot;پھیپھڑوں کا اعصابی ورم&quot; پیدا ہو سکتا ہے۔ 
&nbsp;

<ul dir="rtl">
	<li>دُھواں سُونگھنا</li>
</ul>

آگ سے نکلنے والے دھوئیں میں کیمیکل باریک نالیوں اور ہوا کے تھیلیوں کو الگ کرنے والی جھلی کو نقصان پہنچاتے ہیں جس کی&nbsp;وجہ سے سیال پھیپھڑوں میں داخل ہو سکتا ہے۔ 
&nbsp;

<ul dir="rtl">
	<li>خون کی منتقلی&nbsp;سے پھیپھڑوں کو نقصان پہنچنا</li>
</ul>

خون کی منتقلی کے نتیجے میں،دل کے بائیں نچلے خانہ میں&nbsp; سیال کا&nbsp; زیادہ بہاؤ اور پھیپھڑوں کا ورم ہو سکتا ہے۔ 
&nbsp;

<ul dir="rtl">
	<li>وائرس&nbsp;سے لاحق ہونے والی بیماریاں</li>
</ul>

ڈینگی وائرس اور ہنٹا وائرس جیسے وائرسز،پھیپھڑوں کا ورم پیدا کرنے کا سبب بن سکتے ہیں ۔ 
&nbsp;

تشخیص

سانس لینے کے کوئی&nbsp; بھی مسائل&nbsp; ہوں تو ان کی فوری تشخیص اور علاج کیا جانا چاہئے ۔ ایک طبی پیشہ ور علامات، جسمانی معائنے،اور مخصوص ٹیسٹوں کے نتائج کی بنیاد پر پھیپھڑوں کےورم کی تشخیص کر سکتا ہے۔

جب مریض کی صحت مستحکم ہو جاتی ہے،تو ڈاکٹر طبی ہسٹری،خاص طور پر پھیپھڑوں یا قلبی مسائل کی ہسٹری&nbsp; کے بارے میں پوچھ سکتا ہے۔

&nbsp;درج ذیل ٹیسٹ پپھیپھڑوں کے ورم کی تشخیص یا پھیپھڑوں میں سیال کی جمع ہونےکی وجہ کی شناخت میں مدد کر سکتے ہیں:

<ul dir="rtl">
	<li>سینے کا ایکس رے</li>
</ul>

سینے کا ایکسرے سانس پھولنے کی دیگرممکنہ وجوہات کو مسترد کر سکتا ہے اور پھیپھڑوں کے ورم کی تشخیص کی تصدیق کر سکتا ہے۔جب صحت کےماہر&nbsp; کوپھیپھڑوں کےورم کا شبہ ہوتا ہے، تو یہ ٹیسٹ عام طور پر پہلا ٹیسٹ ہوتا ہے۔ 
&nbsp;

<ul dir="rtl">
	<li>سینے کا سی ٹی اسکین</li>
</ul>

سینے کا سی ٹی اسکین پھیپھڑوں کی حالت کے بارے میں مزید تفصیلات ظاہر کر سکتا ہے۔ ایک ڈاکٹر اسے پھیپھڑوں کا ورم ہونے یا نہ ہونے کی تصدیق کے لئے استعمال کر سکتا ہے۔ 
&nbsp;

<ul dir="rtl">
	<li>خون میں آکسیجن کی پیمائش</li>
</ul>

کان یا انگلی میں سینسر لگا کرروشنی کے ذریعےخون میں آکسیجن کی مقدار کی پیمائش کی جاتی ہے۔ 
&nbsp;

<ul dir="rtl">
	<li>شریانوں کے خون میں گیس کا ٹیسٹ&nbsp;</li>
</ul>

اس ٹیسٹ کے دوران خون میں کاربن ڈائی آکسائیڈ اور آکسیجن کی مقدار&nbsp; کی پیمائش کی جاتی ہے۔ 
&nbsp;

<ul dir="rtl">
	<li>خون کا بی-ٹائپ نیٹری یوریٹک(بی این پی)&nbsp; ٹیسٹ&nbsp;</li>
</ul>

بی این پی کی سطح میں اضافہ دل کے مسئلے کی جانب اشارہ ہو سکتا ہے۔ 
&nbsp;

<ul dir="rtl">
	<li>خون کے دیگر ٹیسٹ&nbsp;</li>
</ul>

اکثر صورتوں میں،پھیپھڑوں کے ورم کی جانچ اوراس کی بنیادی وجوہات جاننے کے لئے،مکمل خون کا شمار (سی بی سی)، گردے کے افعال کی جانچ کے لئے&nbsp; میٹابولک پینل، اور تھائیرائڈ کے فعل کی&nbsp; ٹیسٹنگ کی جاتی ہے۔ 
&nbsp;

<ul dir="rtl">
	<li>ای سی جی&nbsp; یا ای کے جی&nbsp;</li>
</ul>

اس ٹیسٹ کےدوران کوئی درد نہیں ہوتا ہے۔ اس میں دل کی تحریکوں کے وقت اور شدت کو ریکارڈ کیا جاتا ہے۔ اس میں&nbsp; چھوٹے الیکٹروڈ ز(سینسرز) استعمال&nbsp; کئے جاتےہیں جنہیں&nbsp; سینے پر اور بعض اوقات بازوؤں اور ٹانگوں پرچسپاں کیا جاتا ہے۔ سینسرز تاروں کے ذریعہ ایک آلےسےجوڑے جاتےہیں،جوریڈنگ کو دکھاتے ہیں یا پرنٹ کرتے ہیں۔ ای سی جی، دل کے گزشتہ دورے یا دل کی دیوار کے موٹے ہونے کی علامات کوظاہر کر سکتا ہے۔ ہولٹر مانیٹر جیسے پورٹیبل ای سی جی آلے کےذریعے گھر پردل کی دھڑکن کی مسلسل نگرانی کی جا سکتی ہے۔ 
&nbsp;

<ul dir="rtl">
	<li>ایکو کارڈیو گرام</li>
</ul>

الٹراساؤنڈ لہروں کو ایکو کارڈیوگرافی میں دھڑکتے دل کی تصاویر فراہم کرنے کے لئےاستعمال کیا جاتا ہے۔ یہ خون کے ناکافی بہاؤ،دل کےوالوز کے ساتھ مسائل، اوردل کے کمزور عضلات&nbsp; والےعلاقوں کو دیکھ سکتا ہے۔ دل کے سیال کی تشخیص ایکو کارڈیوگرافی (پیریکارڈیل فیوژن) سے کی جا سکتی ہے۔ 
&nbsp;

<ul dir="rtl">
	<li>دل میں کیتھیٹر لگانا اور دل کی شریان کا انجیوگرام</li>
</ul>

یہ ٹیسٹ اس وقت کیا جا سکتا ہے جب سینے میں کافی درد ہو، یا گزشتہ ٹیسٹ&nbsp; میں پھیپھڑوں کےورم کے ماخذ کی نشان دہی نہ ہوسکی ہو۔ اس کے ذریعےدل کی شریانوں میں رکاوٹوں کی نشان ہو جاتی ہے۔ خون کی نالی میں،عام طور پر نالی یا کلائی میں،ایک لمبی، لچک دار ٹیوب (کیتھیٹر) رکھی جاتی ہے اوراسے دل کی طرف لے جایا جاتا ہے۔ ایکس رے اور ویڈیو تصاویر&nbsp; میں شریانوں کے عکس کو بڑھانے کےلئے کیتھیٹر میں ایک رنگین مادّہ ( ڈائی) ڈالا جاتا ہے۔ 
&nbsp;

<ul dir="rtl">
	<li>پھیپھڑوں کا الٹرا ساؤنڈ</li>
</ul>

اس ٹیسٹ میں کوئی درد نہیں ہوتا ہے۔ یہ ٹیسٹ پھیپھڑوں میں خون کے بہاؤ کو جانچنے کے لئےآواز کی لہروں کو استعمال کرتا ہے۔&nbsp;یہ تیزی سے سیال کے جمع ہونے اور بہت&nbsp; سی رطوبتوں کے اخراج کی نشان دہی کر سکتا ہے۔ 
&nbsp;

علاج

صحت کی دیکھ بھال کرنے والے پیشہ ور کے ذریعہ آکسیجن کی سطح کی نگرانی کی جاتی ہے۔ بعض اوقات، سانس لینے میں مدد کے لئےمکینیکل وینٹی لیٹر یا ایسا آلہ جو مثبت ہوائی دباؤ پیدا کرتا ہے استعمال کیا جاتا ہے۔ بیماری کی شدت اور پھیپھڑوں کےورم کی وجہ کےلحاظ سےعلاج میں درج ذیل میں سے ایک یا کئی ادویات استعمال کی جا سکتی ہیں: 
&nbsp;

<ul dir="rtl">
	<li>پیشاب آور ادویات&nbsp;</li>
</ul>

دل اور پھیپھڑوں میں اضافی سیال کی وجہ سےپیدا ہونے والے دباؤ کو&nbsp; فیوروسی مائڈ (لاسکس) جیسی پیشاب آور ادویات کے ذریعے&nbsp;کم کیا جاتا ہے۔ 
&nbsp;

<ul dir="rtl">
	<li>بلڈ پریشر کی ادویات&nbsp;</li>
</ul>

پھیپھڑوں کےورم کےساتھ، بلڈ پریشرکم یا زیادہ ہوسکتا ہے،ان ادویات سےاسے کنٹرول کیا جاتا ہے۔مزید یہ کہ، ڈاکٹر، دل میں داخل ہونے والے یا اس سے خارج ہونے والےدباؤ کو کم کرنےوالی ادویات جویزکر سکتا ہے۔ نائٹروگلسرین(نائٹرومسٹ،نائٹروسٹیٹ،اور دیگر برانڈز) اور نائٹروپرسائیڈ ایسی ادویات کی دو مثالیں ہیں۔ 
&nbsp;

<ul dir="rtl">
	<li>دل کی دھڑکن کی شرح میں تبدیلی لانے والی ادویات</li>
</ul>

دل کی شدید ناکامی والےمریضوں کے لئےاس قسم کی دوانس کےذریعے دی جاتی ہے۔ یہ ادویات بلڈ پریشر کومستحکم کرتی ہیں جب کہ دل کی پمپنگ کو بہتر بناتی ہیں۔ 
&nbsp;

<ul dir="rtl">
	<li>مارفین (ایم ایس&nbsp; کون ٹِن،اِنفیو مارف، دیگر)</li>
</ul>

تشویش اور سانس کی تنگی کےعلاج کے لئےیہ نشہ آور دوا، نس یا منہ کے راستےدی جا سکتی ہے۔ تاہم، بعض طبی ماہرین کا خیال ہےکہ مارفین کے خطرات اس کےفوائد سے کہیں زیادہ ہو سکتے ہیں لہٰذا،وہ دوسری ادویات تجویز کرنا بہتر سمجھتے ہیں۔

نوٹ : اعصابی نظام یا دل کی خرابی کی وجوہات کے ساتھ کسی بھی مسئلے کی نشان دہی کرنا اور اگر ممکن ہو تو ان کا علاج کرنا بہت ضروری ہے۔ 
&nbsp;

<h4 dir="rtl">کسی بلند جگہ پرہونےسے،پھیپھڑوں کے ورم(HAPE)کاعلاج</h4>

اوّلین علاج میں عام طور پر آکسیجن دی جاتی&nbsp; ہے۔ آکسیجن دستیاب نہ ہونےکی صورت میں،ایک حرکت پذیر ہائپربارک چیمبر،کم بلندی کی تمثیل پیش کر سکتا ہےیہاں تک کہ محفوظ طور پر&nbsp; کم بلندی پر آیا جائے۔ 
&nbsp;

بلند جگہ پر پھیپھڑوں کےورم (HAPE) کےعلاج کے لئےدرج ذیل اضافی علاج دستیاب ہیں:

<ul dir="rtl">
	<li>کم بلندی سے تیزی سے اُترنا</li>
	<li>جس قدر جلد ممکن ہو،1,000سے3,000 فٹ(تقریباً 300 سے 1,000میٹر) نیچے جانے سے بلندی کی وجہ سے ہونے والے پھیپھڑوں کے ورم میں کمی آسکتی ہے۔ شدید صورتوں میں متعلقہ افراد کو&nbsp; مدد کی ضرورت پڑ سکتی ہے۔</li>
	<li>جسمانی سرگرمی کو روکنا اور سرد موسم میں&nbsp; گرم رکھنا اور ورزش کرنا، پھیپھڑوں کے ورم کو بڑھا سکتا ہے۔</li>
	<li dir="rtl">علاج:اس سلسلے میں، بعض&nbsp; کوہ پیما ، نسخےکی دوائیں مثلاً&nbsp; acetazolamide یاnifedipine (Procardia) استعمال کرتے ہیں۔وہ متعلقہ علامات کو روکنے کے لئےکوہ پیمائی شروع کرنے سے پہلے ہی ان ادویات کا استعمال شروع کر دیتے ہیں۔ 
	&nbsp;</li>
</ul>

اسباب وعلامات کےلحاظ سے پھیپھڑوں کے ورم میں کمی لانےمیں کئی پیچیدگیاں پیداہو سکتی ہیں۔عام طورپر، پھیپھڑوں کا ورم برقراررہنے کی صورت میں پھیپھڑوں کی شریان میں تناؤ بڑھ سکتا ہے۔(پلمونری ہائی بلڈ پریشر) آخر کار،دل اور پھیپھڑوں میں دباؤ بڑھ جاتا ہے،کیوں کہ دل کمزور ہو کر ناکام ہونا شروع ہوجاتا ہے۔ 
&nbsp;

پھیپھڑوں کے&nbsp; ورم سے ہونے والی پیچیدگیوں میں درج&nbsp; شامل ہوسکتی&nbsp; ہیں:

<ul>
	<li dir="rtl" style="text-align: right;">سانس کے مسائل۔</li>
	<li dir="rtl" style="text-align: right;">پاؤں، ٹانگوں اور پیٹ میں سوجن۔</li>
	<li dir="rtl" style="text-align: right;">پھیپھڑوں کی حفاظتی جھلیوں میں سیال کا جمع ہونا ۔</li>
	<li dir="rtl" style="text-align: right;">جگر&nbsp; میں مادّوں کا جمع ہوجانا اوراس کا سائز بڑھ جانا۔</li>
	<li dir="rtl" style="text-align: right;">پھیپھڑوں کےشدید&nbsp;ورم کی صورت میں،موت سے بچاؤ کے لئے فوری طبی امداد کی ضرورت ہوتی ہے 
	&nbsp;</li>
</ul>

پھیپھڑوں کےورم کا خطرہ ، دل کے دباؤ کو&nbsp; بڑھانے والےامراض سےدل کی ناکامی اوردل کے دیگر امراض کی وجہ سے بڑھ جاتا ہے ۔ 
&nbsp;

&nbsp;دل کی ناکامی کےخطرے کےاشارے میں درج ذیل شامل ہیں:

<ul dir="rtl">
	<li>دل کی بے قاعدہ دھڑکن&nbsp;</li>
	<li>شراب کا استعمال</li>
	<li>دل کی پیدائشی بیماری</li>
	<li>دل کی&nbsp; شریان کی بیماری</li>
	<li>ذیابیطس</li>
	<li>دل کے والو کی بیماریاں</li>
	<li>ہائی بلڈ پریشر</li>
	<li>نیند کے دوران سانس میں رکاوٹ ہونا</li>
</ul>

اعصابی نظام کی بعض خرابیوں اورمنشیات کے استعمال، تمباکو نوشی،خون کے لوتھڑے، ڈوبنے کے قریب، اور دیگر عوامل سے پھیپھڑوں کو پہنچنے والے نقصان سے خطرہ مزید بڑھ جاتا ہے۔

زیادہ بلندی جگہ پر پھیپھڑوں کاورم ان لوگوں میں ہونے کا امکان زیادہ ہوتا ہے، جو 8,000 فٹ(تقریباً 2,400 میٹر) سےزیادہ بلندی&nbsp; والےعلاقوں میں سفر کرتے ہیں۔ یہ عام طور پر ان لوگوں کو نقصان پہنچاتا ہےجو خود کو بلندی کےمطابق ہم آہنگ ہونے کے لئےکافی وقت نہیں دیتے ہیں جو&nbsp; چند دن سے ایک ہفتہ یا اس سے زیادہ ہوسکتا ہے۔

پہلے سے ہی دل کی بناوٹ میں خرابیوں&nbsp; اور پھیپھڑوں میں ہائی بلڈ پریشر والے بچوں کے لئے،اس بیماری کا زیادہ خطرہ ہوتا ہے ۔ 
&nbsp;

دل یا پھیپھڑوں کی موجودہ بیماریوں پر قابو پا کر اور صحت مند طرز زندگی گزارنے سے، آپ پھیپھڑوں کے&nbsp; ورم کو روک سکتے ہیں۔ مثال کے طور پر، بلڈ پریشر اور کولیسٹرول کی سطح کو کم کرنا دل کی بیماری کے خطرے کو کم کر سکتا ہے۔ دل کی صحت کو برقرار رکھنے کے لئے&nbsp; درج ذیل مشورے پر عمل&nbsp; کریں:

<ul dir="rtl">
	<li>صحت مند بلڈ پریشر کی سطح کو برقرار رکھیں:&nbsp;ادویات ہدایت کے مطابق لیں اور ہائی بلڈ پریشر ہونے کی صورت میں، اسے اکثروبیشتر چیک کرواتے رہیں۔ڈاکٹر آپ کے لئے مطلوبہ بلڈ پریشر کا تعین کرنے میں مدد کر سکتا ہے۔ 
	&nbsp;</li>
	<li>دیگر طبی عوارض کو کنٹرول کریں: بنیادی طبی مسائل کی شناخت اور ان کاعلاج کریں۔ ذیابطیس ہونے کی صورت میں گلوکوز کو&nbsp;مناسب حد میں رکھیں۔ 
	&nbsp;</li>
	<li>متعلقہ اسباب سے گریز کریں: اگر بعض ادویات سے پھیپھڑوں کا ورم ہوتا ہے، تو انہیں استعمال نہ کریں۔ اگر پھیپھڑوں کا ورم زیادہ بلندی&nbsp; کی وجہ سے ہے تو بلندی پر جانے سے گریز کریں۔ 
	&nbsp;</li>
	<li>تمباکو نوشی سے پرہیز کریں: ہمیشہ صحت مند رہیں اور سگریٹ نوشی ترک کردیں۔ اگر آپ کو اسےترک کرنےمیں مدد کی ضرورت ہو توصحت کےماہرسےبات کریں۔ 
	&nbsp;</li>
	<li>نمک کم استعمال کریں: نمک جسم میں سیال کو برقرار رکھنے میں مدد کرتا ہے۔ ایسے افراد جن کے دل کا نچلےبائیں خانے میں خرابی ہے،ان کے لئےنمک کےزیادہ استعمال دل کی ناکامی کا باعث بن سکتا ہے۔ ایک غذائی ماہر نمک کی مقدار طے کرنے کا حساب&nbsp; بتا سکتا ہے اور صحت بخش، لذیذ غذا&nbsp; کس طرح تیار کی جائے۔ لوگوں کو روزانہ 2,300 ملی گرام نمک (سوڈیم) سے زیادہ نہیں لینا چاہیے۔ ان سے معلوم کریں کہ کون سی خوراک آپ کے لئے&nbsp; محفوظ ہے۔ 
	&nbsp;</li>
	<li>صحت بخش غذا لیں: پھلوں، سبزیوں اور سالم&nbsp; اناج سے بھرپور غذا صحت بخش&nbsp; ہوتی ہے۔ سوڈیم&nbsp; کم&nbsp;مقدارمیں استعمال&nbsp; کریں،اوراضافی شکر اورسیرشدہ اور ٹرانس چربی کو بھی&nbsp;محدود کریں۔ 
	&nbsp;</li>
	<li>اپنا وزن کنٹرول میں رکھیں: زیادہ وزن کے ساتھ قلبی امراض کا خطرہ بڑھ جاتا ہے۔ خوش قسمتی سے، وزن میں معمولی کمی سے بھی&nbsp;بلڈ پریشر، کولیسٹرول اور ذیابیطس ہونے کے امکانات کم ہو سکتے ہیں۔ 
	&nbsp;</li>
	<li>باقاعدگی سے ورزش کریں: ایک صحت مند بالغ کو ہر ہفتے 75 منٹ کی مشقت والی ایروبک سرگرمی،150 منٹ کی معتدل&nbsp; ایروبک سرگرمی، یا دونوں کے امتزاج میں مشغول ہونا چاہئے۔ احتیاط سے شروع کریں اور آہستہ آہستہ اپنی ورزش کی شدت میں اضافہ کریں اگر آپ ابھی نوآموز ہیں۔ ورزش کا پروگرام شروع کرنے سے پہلے اپنے ڈاکٹر سے مشورہ کریں ۔ 
	&nbsp;</li>
</ul>

<h4 dir="rtl">بلندی پر ہونے والے پھیپھڑوں کے ورم (HAPE)سے بچاؤ</h4>

بلندی پر ہونے والے پھیپھڑوں کےورم(HAPE)سےبچاؤ کے لئے،آہستہ آہستہ بلندی پرچڑھیں۔ اگرچہ مشوروں میں فرق ہوسکتا ہے تاہم زیادہ ترماہرین کا مشورہ ہےکہ ایک بار جب آپ 8,200 فٹ کی حد کو پہنچ جائیں،تو آپ کو روزانہ 1,000 سے1,200 فٹ (تقریباً 300 سے 360 میٹر) (تقریباً 2,500 میٹر) سے زیادہ بلندی&nbsp; پر نہیں جانا چاہئے ۔

بلندی پر ہونے والے پھیپھڑوں کے ورم (HAPE)سے بچاؤ کے لئے، کئی کوہ پیما نسخہ جاتی کی ادویات&nbsp; مثلاً&nbsp; acetazolamide یاnifedipine(Procardia)۔استعمال کرتے ہیں ۔اس ضمن میں،بلندی پرجانے سے ایک دن پہلے دوا لینا شروع کریں۔ ایک بار جب آپ مطلوبہ بلندی پر پہنچ جائیں تو اپنے ڈاکٹر سے معلوم کریں، کہ آپ کوکب&nbsp; تک متعلقہ ادویات&nbsp; جاری رکھنے کی ضرورت ہے۔ 
&nbsp;

<h5 dir="rtl">کووِڈ-19کے مریضوں میں پھیپھڑوں کا ورم: طریقہ کار اور علاج کا امکان</h5>

کووِڈ-19 کےمریضوں میں علامات کی شدت اور اموات،جزوی طور پرپھیپھڑوں کے&nbsp; ورم اورجسم کے مدافعتی نظام میں تبدیلی کی وجہ سے ہوتی ہیں۔پھیپھڑوں کی متعدد غیرمعمولی سرگرمیوں کے نتیجے میںARDS اورپھیپھڑوں کا ورم ہوتا ہے۔اس سے،کووِڈ-19 کےمریضوں کےپھیپھڑوں کوشدید نقصان پہنچتاہے۔ موجودہ ادویات اورمزاحم عوامل&nbsp; کےحوالےسےمزید تحقیق کی جانی چاہئے جو ممکنہ کووِڈ- 19کےممکنہ علاج کےطور پر میزبان مدافعتی بائیوتالیف کے عناصر پر اثر انداز ہوتےہیں۔ مزید یہ کہ،قدرتی مادّوں اورعبوری نگہداشت کے انتظام (TCM) کی افادیت اور حفاظت پر تحقیق ضروری ہے،جس کے عام طور پر بہت سے اہداف ہوتے ہیں۔ کووِڈ-19کے مریضوں کے لئے، پھیپھڑوں میں جسمانی رطوبت کے جمع ہونے کو کم کرنے یا جسمانی رطوبت کو جذب کرنے کی حوصلہ افزائی کرنے سے پھیپھڑوں کےنقصان اوراموات کو کم کرنے میں مدد مل سکتی ہے۔ اینٹی باڈیز کے راستوں کو نشانہ بنانے والی ادویات،SARS-COV-2 کے انفیکشن کےخلاف انتہائی کامیاب ثابت ہو سکتی ہیں۔<a href="#accordion">[3]</a>

&nbsp;

<h5 dir="rtl">پھیپھڑوں کے سی ٹی اسکین میں پھیپھڑوں کے ورم&nbsp; اور کووِڈ- 19&nbsp; میں فرق کو واضح کرنے کے لئے کمپیوٹر ماڈل کی تیاری : EDECOVID-net 4</h5>

کووِڈ- 19سے متعلقہ پھیپھڑوں کو پہنچنے والےنقصان، پھیپھڑوں کےورم اورسی ٹی اسکین پر دیگر مثالوں کےدرمیان فرق کو کووِڈ وبائی مرض کے بعد سےخاصی توجہ ملی ہے۔ پھیپھڑوں کے ورم کی امراض سے متعلق&nbsp; تحقیقات، مؤثر عمل کا مطالعہ، اور پھیپھڑوں کے ورم کی بیماری پر قابو پانے کے لئے&nbsp; ادویات&nbsp; کا مطالعہ غیر مؤثر اور بعض صورتوں میں خطرناک بھی ہوتا ہے،جس سے کووِڈ کےمریض کو نقصان ہوتا ہے۔ لہذا، یہ نتیجہ اخذ کیا جا سکتا ہے کہ پھیپھڑوں کے ورم اورکووِڈ- 19کےدرمیان طبی مماثلت،جیسے ریڈیو گرافی میں&nbsp; دھندلاپن، خون میں آکسیجن کی شدید کمی،اور پھیپھڑوں کی ترمیم شدہ تعمیل کے بعد بھی، پھیپھڑوں کےورم اور کووِڈ- 19کے امراض اور اعضاء کے افعال کے طریقہ کاربنیادی طور پر ایک دوسرے سے مختلف ہیں،اوران دونوں بیماریوں کو یکساں قرارنہیں دیا جاسکتا۔<a href="#accordion">[4]</a>

ایک مطالعہ میں&nbsp; کمپیوٹنگ کےطریقوں اور پھیپھڑوں کے سی ٹی اسکین کی تصاویر کو استعمال کیا&nbsp; گیا، تاکہ پھیپھڑوں کے ورم کو،کووِڈ-19کی بیماری سے ممتاز کیا جاسکے۔ اس مقصد کے لئے،EDECOVID-net، جو خود بخود سی ٹی تصاویر کو الگ کرتا ہے، جس میں کووِڈ-19سے ہونے والےانفیکشن کو پھیپھڑوں کے ورم سےالگ ظاہر کیا جاتا ہے، استعمال کیا گیا تھا۔ مزید یہ کہ&nbsp; انہوں نے، ان دَو بیماریوں کی درجہ بندی کرنے کے لئے، &quot;مشین کےسیکھنے&quot;&nbsp; کے مخصوص طریقوں کواستعمال کیا۔

سی ٹی&nbsp; ڈیٹاسیٹ پر تجرباتی نتائج کےمطابق، EDECOVID-net، 0.98 درستگی کےساتھ کووِڈ-19 کے مریضوں اورپھیپھڑوں کےورم میں مبتلا مریضوں کےدرمیان فرق کر سکتا ہے۔ 
&nbsp;

اہم نکات

<ul dir="rtl">
	<li>پھیپھڑوں میں سیال جمع ہونے کو پھیپھڑوں کا ورم کہا&nbsp;جاتا ہے۔</li>
	<li>پھیپھڑوں کا ورم دَو&nbsp; قسم کا ہوتا ہے: قلبی اورغیر قلبی ۔</li>
	<li>ڈاکٹرعلامات،جسمانی معائنےاورمخصوص ٹیسٹوں کےنتائج کی بنیاد پرپھیپھڑوں کےورم کی تشخیص کر سکتا ہے۔</li>
	<li>دل یا پھیپھڑوں کی موجودہ بیماریوں پر قابو پا کر اوررہن سہن کےصحت مندطریقے اختیار کر کے آپ پھیپھڑوں کےورم کو</li>
	<li>&nbsp;روک سکتے ہیں۔</li>
</ul>

[1] Malek R, Soufi S. Pulmonary Edema. [Updated 2022 Apr 21]. In: StatPearls [Internet]. Treasure Island (FL): StatPearls Publishing; 2022 Jan

[2] Chioncel O, Collins SP, Ambrosy AP, Gheorghiade M, Filippatos G. Pulmonary Oedema-Therapeutic Targets. Card Fail Rev. 2015 Apr;1(1):38–45.

[3] Cui X, Chen W, Zhou H, Gong Y, Zhu B, Lv X, et al. Pulmonary edema in COVID-19 patients: mechanisms and treatment potential. Front Pharmacol. 2021;12:1444.

[4] Velichko E, Shariaty F, Orooji M, Pavlov V, Pervunina T, Zavjalov S, et al. Development of computer-aided model to differentiate COVID-19 from pulmonary edema in lung CT scan: EDECOVID-net. Comput Biol Med [Internet]. 2022;141:105172.

Trusted By