خارش کی بیماری

Online Consultation

اقراء مظہر

جائزہ

جلد میں سوراخ کرنے والاایک انتہائی چھوٹا سا کیڑاSarcoptes scabiei&nbsp; جلدکی خارش کی بیماری کا باعث ہوتا ہےجوسکیبیزscabiesکہلاتی ہے۔ کیڑے کے بِل کے قریب،شدید خارش ہوتی ہے۔ رات کےوقت خارش میں مزید اضافہ ہوجاتا ہے۔ خارش کی بیماری آسانی سے قابلِ علاج ہے۔خارش کی وجہ بننے والے کیڑے اور ان کےانڈے، جلد پرلگائی جانے والی ادویات سے ختم ہوجاتے ہیں۔ مگرعلاج کے بعد بھی کئی ہفتوں تک آپ کو خارش محسوس ہوسکتی ہے۔ ابتدائی علاج کے بعد، آپ یا آپ کا بچہ چوبیس گھنٹوں کے بعد کام پر یا سکول جاسکتے ہیں۔<a href="#accordion">[5] </a>سالانہ تقریباََ 300 ملین کیسز پر غورکیا جائے تو یہ دنیا بھرمیں بیماری کی شرح پر خاصا منفی اثر ڈال رہی ہے.<a href="#accordion">[8]</a>

سکیبیز کیڑے بستر کے کھٹملوں کی طرح انسانی بافتوں کو بطور خوراک استعمال کرتے ہیں۔ کھٹمل یہ کام آپ کے جسم سے باہر رہ کر کرتے ہیں جب کہ سکیبیز یہی کام جلد کے اندر جاکر کرتے ہیں۔ انتہائی چھوٹے کیڑے جو خارش کا سبب بنتے ہیں، آپ کی جلد کے اندر رہتے اور افزائش نسل کرتے ہیں۔ اگرچہ کھٹمل چھوٹے ہوتے ہیں، مگر آپ انہیں بغیر کسی خاص آلے کے دیکھ سکتے ہیں۔ 
&nbsp;

دنیا بھر میں کسی بھی وقت 200 ملین سے زیادہ سکیبیز موجود ہوتے ہیں۔ یہ ایک انتہائی متعدی بیماری ہے جو ایک سے دوسرے شخص کو جِلدی رابطے سے بآسانی منتقل ہوجاتی ہے۔ اس حقیقت کے باوجود کہ یہ قریبی رابطے، بستر اور کپڑوں کواکٹھے استعمال کرنے سے پھیلتی ہے، تاہم، یہ جنسی طور پر منتقل ہونے والا انفیکشن نہیں ہے۔ چونکہ جلد پر دانے شروع میں دیگر جِلدی بیماریوں سے مشابہ ہوتا ہے اس لئے خارش کی غلط تشخیص ہوسکتی ہے۔

خارش ایک کیڑےSarcoptes scabiei کے کاٹنے کا نتیجہ ہوتی ہے، جو براہِ راست جِلدی رابطے سے پھیلتی ہے۔ کپڑوں اور بستروں پر موجود بیماری پھیلاسکنے والی اشیا کے ذریعے اس کی منتقلی بہت کم ہوتی ہے کیونکہ یہ کیڑے کسی ممالیہ کی جلد سے باہر بہت کم عرصے(عموماََ24سے36گھنٹے)زندہ رہ سکتے ہیں۔&nbsp;

مادہ بالغ کیڑا جلد کی اوپری سطح epidermis میں داخل ہوکر انڈے دیتی ہے۔ لاروااوسطاََ دو سے چار دن میں&nbsp; نکل آتا ہے اور دس سے چودہ دن کے اندرپل کر بالغ کیڑوں میں بدل جاتا ہے.<a href="#accordion">[13]</a> 
&nbsp;

کیڑوں کی صرف ایک قسم ہے جو لوگوں کو سکیبیز میں مبتلا کرسکتی ہے، تاہم، یہ کیڑے کئی طرح کی انفیکشنز کا باعث بن سکتے ہیں۔ 
&nbsp;

<h5 dir="rtl">عمومی سیکیبیز یا کلاسک سکیبیز&nbsp;</h5>

کیسز کی اکثریت میں یہ قسم نظرآتی ہے۔ عام طور پر کلائیوں، ہاتھوں یا دیگر عام جگہوں پر ہونے والی یہ بیماری خارش زدہ دانوں پر منتج ہوتی ہے۔ تاہم، یہ آپ کے چہرے یا سر کی جِلد پر انفیکشن نہیں کرتی۔کلاسک سکیبیزکی علامت سخت خارش ہے جو رات کو مزید بگڑ جاتی ہے۔ اس انفیکشن کی عام جگہوں میں ہاتھ، کلائیاں،ہاتھوں پیروں کی انگلیاں،پاؤں اور ٹانگوں کا نچلا حصہ شامل ہے۔ جلد کی زخموں کے مقامات بِل(burrows)کہلاتے ہیں۔ یہ زخم مردوں کی خصیوں کی تھیلی اورعضوِ تناسل پر، اورعورتوں کے سینے، نپل کےگرد دائرے اور بغلوں میں بھی ہوسکتے ہیں۔ 
&nbsp;

<h5 dir="rtl">غیر عمومی یا نان کلاسک سکیبیز</h5>

سکیبیز کی تمام غیر عمومی صورتوں کے لئے2017&nbsp; میں&quot;scabies surrepticius&quot; کا لفظ تجویز کیا گیا۔ اس کی ضمنی اقسام میں یہ شامل ہیں:

<ul dir="rtl">
	<li>Nodular</li>
	<li>Crusted scabies</li>
	<li>Incognito</li>
	<li>Bullous</li>
	<li>scalp-related&nbsp;&nbsp; 
	&nbsp;</li>
</ul>

کچھ اور بیماریاں جو سکیبیز جیسی معلوم ہوتی ہیں وہ یہ ہیں :

<ul dir="rtl">
	<li>Ecchymoses</li>
	<li>Dermatitis herpetiformis</li>
	<li>Langerhans cell histiocytosis</li>
	<li>Prurigo nodularis</li>
	<li>Pityriasis rosea</li>
	<li>Systemic lupus erythematosus</li>
	<li>Urticaria pigmentos</li>
	<li>Urticaria</li>
	<li>Dermatitis 
	&nbsp;</li>
</ul>

<h5 dir="rtl">سکیبیز&nbsp;نوڈولر&nbsp;</h5>

اس قسم کی خارش ابھری ہوئی خارشی گٹھلیوں کی صورت میں نظرآتی ہے، خاص طور پر ٹانگوں کی تہہ دار جلد ، اعضائے تناسل یا بغلوں میں۔ گرہ دار سکیبیز خارشی، سرخی مائل بھورے آبلوں اور گرہوں کی صورت میں دکھائی دیتی ہے۔ مخصوص سکیبیز کے علاج کے بعد بھی یہ خارش اور مستقل گرہوں کی صورت میں کئی ماہ تک رہ سکتی ہے۔ 
&nbsp;

<h5 dir="rtl">نارویجن سکیبیز(Norwegian scabies)</h5>

خارش کے کچھ مریضوں میں نارویجن یا پپڑی دار خارش پائی جاتی ہے، جو ایک مختلف انفیکشن ہے۔&nbsp; اس قسم کی خارش زیادہ سنگین اور شدید متعدی ہے۔ جن لوگوں میں پپڑی دار خارش ہوتی ہے،ان کی جلد پر موٹے چھلکے بن جاتے ہیں جو کیڑوں اور ان کے انڈوں پر مشتمل ہوتے ہیں۔ 
&nbsp;

پپڑی دار خارش کی علامات میں یہ شامل ہیں

<ul dir="rtl">
	<li>موٹی ساخت</li>
	<li>سرمئی رنگت</li>
	<li>چھونے پر بآسانی ٹوٹ جانا 
	&nbsp;</li>
</ul>

پپڑی دار خارش عام طور پر کمزور مدافعت کے حامل افراد میں ظاہر ہوتی ہے۔ ان میں یہ شامل ہیں:

<ul dir="rtl">
	<li>کیموتھیراپی کروانے والے</li>
	<li>سٹیرائیڈز یا مخصوص ادویات (جیسے جوڑوں کے پتھرانے کی بیماری میں استعمال ہونے والی)کا استعمال کرنے والے</li>
	<li>ایچ آئی وی کے ساتھ زندگی گزارنے والے 
	&nbsp;</li>
</ul>

کمزور قوتِ مدافعت والے افراد میں سکیبیز کے کیڑوں کو، مدافعتی نظاموں پر قابو پانے اور تیزی سے افزائشِ نسل میں آسانی ہوتی ہے۔ پپڑی دار خارش بغیر پپڑی کی خارش کی طرح پھیلتی ہے۔ 
&nbsp;

علامات

اس کی سب سے عام علامت کھجلی ہے، جو بنیادی طور پر رات کو ہوتی ہے۔ کھجلی اتنی شدید ہوسکتی ہے کہ یہ کسی کو سوتے سے جگا سکتی ہے۔

<ul dir="rtl">
	<li>دانے: سکیبیز کے دانے اکثرلوگوں کو متاثر کرتے ہیں۔ دانوں سے چھوٹے چھوٹے مہاسے بنتے ہیں جو زیادہ تعداد میں ساتھ ساتھ ہوتے ہیں۔ یہ دانےمہاسوں، کیڑے کےکاٹنے کے نشان یا جلد کے نیچے گرہوں سےمشابہ ہوسکتے ہیں۔ کچھ لوگوں میں جلد پر چھلکے دار ایگزیما جیسے جگہیں بن جاتی ہیں۔</li>
	<li>زخم: کھجلی والے دانوں کوکھجانے سےزخم بن سکتے ہیں۔ یہ زخم متعدی بھی بن سکتے ہیں۔</li>
	<li>جلد پر موٹے چھلکے:&nbsp;جب کسی کو پپڑی دار خارش(سکیبیز کی شدید قسم) کا مرض ہو توجلد پر چھلکےبن جاتے ہیں۔ اس خارش کا ایک اور نام نارویجن&nbsp; سکیبیز بھی ہے۔ جلد میں سرنگ بنا کر رہنے والے بہت سے کیڑوں کی وجہ سے دانے اور کھجلی بگڑتی جاتی ہے۔ 
	&nbsp;</li>
</ul>

کیڑے اپنے بِل بنانے کے لئے جسم کے مخصوص حصوں کو ترجیح دیتے ہیں۔ دانوں اور کھجلی کے سب سے عام مقامات یہ ہیں:

<ul dir="rtl">
	<li>کیڑے ناخنوں کے پاس گوشت&nbsp;اور ہاتھوں کی انگلیوں کے درمیان&nbsp;جگہ میں گھس کربِل بنانا پسند کرتے ہیں</li>
	<li>کیڑے بازوؤں پر کہنیوں اور کلائیوں کو ترجیح دیتے ہیں۔</li>
	<li>عام طور پر کپڑے یا زیور جلد کو ڈھانپ&nbsp; کر رکھتے ہیں۔ چوڑی، گھڑی یا انگوٹھی کیڑوں کے لئے جلد میں گھسنے کی آسان جگہ ہوسکتی ہے۔ 
	&nbsp;</li>
</ul>

کیڑے زیادہ تر ان جگہوں کی جلد کے اردگرد جمع ہوتے ہیں:

<ul dir="rtl">
	<li>نپلز</li>
	<li>عضوِتناسل</li>
	<li>بیلٹ باندھنےکی جگہ</li>
	<li>کولہے</li>
</ul>

بالغوں میں یہ کیڑے شاذونادر ہی گردن سے اوپر جلد میں داخل ہوتے ہیں۔ 
&nbsp;

اسباب

سکیبیز کی بنیادی وجہ ایک چھوٹے سے، آٹھ ٹانگوں والے کیڑے کاکاٹنا ہے۔ اگرچہ آپ ظاہری آنکھ سے انہیں جلد پر کھوج نہیں سکتے کیونکہ یہ بہت چھوٹے ہوتے ہیں، مگر ان کے اثرات سے انکار نہیں کیا جاسکتا۔

زندہ رہنے اور کھانے کے لئے، یہ کیڑے جلد کی سب سی اوپری سطح میں سرنگیں بنا لیتے ہیں۔ مادی کیڑے افزائشِ نسل کے لئے انڈے دیتی ہے۔ جب کیڑے اور ان کے فضلات جلد کو چھوتے ہیں تو سرخ، کھجلی دار دانے نمودار ہو جاتے ہیں۔ 
&nbsp;

لوگ بآسانی ان کیڑوں کو پھیلا سکتے ہیں۔ بیماری کے پھیلنے کا عام ترین طریقہ براہِ راست جِلدی رابطہ ہے۔علاوہ ازیں، آلودہ سطحوں سے بھی کیڑے پھیل سکتے ہیں جیسے کہ،

<ul dir="rtl">
	<li>فرنیچر تبدیل کرنے سے</li>
	<li>کپڑے مل کر استعمال کرنے سے</li>
	<li>بستر مِل کر استعمال کرنے سے</li>
</ul>

جن جگہوں پر لوگ ایک دوسرے سے قریب رہتے ہیں، کیڑے زیادہ تیزی سے اوربار بار پھیلتے ہیں۔ نرسنگ ہوم یا طویل مدتی دیکھ بھال کے ادارے ایسی جگہوں کی اہم مثالیں ہیں۔ 
&nbsp;

<h5 dir="rtl">کیا جانور انسانوں میں سکیبیز منتقل کرسکتے ہیں؟ 
&nbsp;</h5>

&nbsp; (Centres for Disease Control and Prevention(CDCکےمطابق انسانوں کو متاثر کرنےوالی سکیبیز کی قسم جانوروں سے نہیں پھیلتی۔ آپ کے پالتو جانوروں کو سکیبییز کی ایک واضح قسم ہوسکتی ہے جو جلد کی خارش کی وجہ بنتی ہے۔

&nbsp;جب آپ کسی جانور کو چھوتے ہیں توکیڑے عارضی طور پرکھجلی اور جلد کی سوجن&nbsp; کا باعث بن سکتے ہیں مگر اس سے بآسانی نمٹا جاسکتا ہے۔ کیڑے بالآخر مرجائیں گے کیونکہ وہ آپ کی جلد پر افزائش نہیں کرپائیں گے۔ جب تک آپ اپنے پالتو جانور کا علاج نہیں کروائیں گے تو یہ بار بار آپ کو اور آپ کے جانور کو متاثر کرتے رہیں گے اس لئے پالتو جانور کا علاج کروانا بہت ضروری ہے۔ 
&nbsp;

تشخیص

بین الاقوامی اتحاد برائے کنٹرول آف اسکیبیز (آئی اے سی ایس)&nbsp; &nbsp; نے سکیبیز کی تشخیص کو آسان بنانے کے لئے ایک خاص معیار وضع کیا ہے۔ خارش کی اہم طبی تشخیص ابتدائی طور پرماضی میں ہونے والے خارشی دانوں&nbsp; کی بنیاد پر کی جاتی ہے جو بار بار رات میں بگڑتے ہوں۔ 
&nbsp;

اگرچہ جلد میں سوراخ یا بِل شازونادر نظرآتے ہیں،ان کی موجودگی سےدرست تشخیص میں بہت مدد ملتی ہے۔ خارش کی حتمی تشخیص کے لئےدوسرے طریقوں میں یہ شامل ہیں:

<ul dir="rtl">
	<li>بئروانک ٹیسٹ : زخم پر سیاہی ڈالنا۔ جب سیاہی کسی سرنگ میں داخل ہوگی تو وہاں نظرآئے گی اور عام آنکھ سے دیکھی جاسکےگی۔</li>
	<li>ڈرمو سکوپی اور&nbsp;اسکن اسکریپنگ: یہ طریقے جلد سے نمونہ لےکر( جلد کے عکس کوبڑا کر کے براہِ راست معائنہ) مائیکروسکوپ کے نیچے ان کے معائنےکے لئے استعمال ہوتے ہیں۔</li>
	<li>جسمانی معائنہ اورمتاثرہ جگہ کی جلد کا معائنہ</li>
	<li>کچھ حالات میں آپ کا ڈاکٹر تشخیص کی تصدیق کے لئے سوئی کے ذریعے آپ کی جلد سے کیڑا نکال سکتا ہے۔</li>
	<li>چھلکے دار ابھرے ہوئے آبلے یا سوراخ جو دو سےتین ملی میٹر کے ہوں، سکیبیز کے خاص زخم ہیں۔&nbsp; 
	&nbsp;</li>
</ul>

<h5 dir="rtl">انتہائی حساسیت کے ردِعمل</h5>

بیماری کےابتدائی حملےکے تقریباََ تین ہفتےبعد متاثرہ شخص کوکیڑے کےانڈوں یا فضلات سے رابطےکی وجہ سے حساس ردِ عمل محسوس ہوتا ہے۔ بالغوں میں بیماری کےحملے میں10سے15یا اس سے کم بالغ مادہ کیڑے شامل ہوتے ہیں.<a href="#accordion">[13]</a>معلومات کی کمی سکیبیز کی نشاندہی کومشکل بنادیتی ہےجس سےتشخیص میں تاخیر ہوسکتی ہے اوراس کا نتیجہ متاثرہ افراد اوران سےرابطےمیں رہنےوالوں کے لئے علاج کے غیر موثر ہونے کی صورت میں نکلتا ہے۔ 
&nbsp;

علاج

سکیبیز کے علاج کا سب سےعام طریقہ بیماری کے خاتمے کے لئے تجویز کردہ جِلدی کریم، لوشن اور مرہم ہوتے ہیں۔ منہ کے ذریعے لی جانے والی ادویات بھی دستیاب ہیں۔ 
&nbsp;

<h5 dir="rtl">&nbsp;خارش کے لئےمرہم، کریمز،اور لوشن</h5>

&nbsp;ڈاکٹر کی ہدایات کے مطابق ان کو استعمال کرنے کا بہترین وقت رات ہے، جب کیڑے سب سے زیادہ متحرک ہوتے ہیں۔ گردن سے نیچے نیچے آپ کو سارے جسم پر یہ لوشن وغیرہ لگانے ہوں گے۔ صبح کے وقت دوا کو پانی کے ذریعے (شاور یاغسل) ہٹایا جاسکتا ہے۔

ڈاکٹر کی ہدایات پر سختی سےعمل کو یقینی بنائیں۔ جِلدی علاج&nbsp; ایک ہفتےبعد دہرانے کی ضرورت پڑسکتی ہے۔&nbsp; پرمیتھرین کریم یا لوشن ( 5 فی صد کانسنٹریشن کےساتھ) گردن سے پاؤں کی انگلیوں تک لگائی جاتی ہے اورعام طور پر کئی گھنٹے تک یا رات بھر لگی رہنے دی جاتی ہے۔ یہ علاج کا بہترین طریقہ سمجھا جاتا ہے۔&nbsp;

چونکہ مخصوص مصنوعات کیڑوں کے انڈوں کو تلف نہیں کرتیں اس لئے انہیں ایک سے دو ہفتے کے بعد دوبارہ استعمال کرنا ضروری ہوتا ہے۔&nbsp; 
&nbsp;

ذیل میں خارش کے مرض کے علاج کے لئے طبی ماہرین کی&nbsp; تجویز کردہ کچھ عام ادویات دی گئی ہیں:

<ul dir="rtl">
	<li>5% permethrin کریم</li>
	<li>10% sulphur مرہم</li>
	<li>25% benzyl benzoate لوشن</li>
	<li>1% Lindane لوشن</li>
	<li>10% crotamiton کریم</li>
</ul>

ایک ہفتے بعد دوا کا دوبارہ استعمال اس کی افادیت میں&nbsp; اضافہ کرتا ہے۔ یہ جاننا ضروری ہے کہ زیادہ حساسیت کی وجہ سے مسلسل کھجلی ہوسکتی ہے یا کیڑوں کے خاتمے کے کئی ہفتے بعد تک رہ سکتی ہے۔ تاہم،یہ بذاتِ خود کسی مستقل انفیکشن کی علامت نہیں ہے۔ مزید برآں، نئے زخموں کو دوبارہ علاج کا تنیبہی اشارہ اور مستقل بیماریوں کی علامت سمجھ کران سے نمٹنا چاہئے۔ 
&nbsp;

<h5 dir="rtl">سکیبیز کی خارش کے لئے ادویات</h5>

سکیبیز کی کچھ اذیت ناک علامات سے نمٹنے کے لئے ڈاکٹر آپ کو اضافی ادویات بھی تجویز کرسکتا ہے۔ 
انٹی ہسٹامائنز،جیسے (diphenhydramine (Benadryl یا pramoxine لوشن خارش کے خاتمے کے لئے عام طور پر دیے جاتے ہیں۔

<ul dir="rtl">
	<li>سوجن اور کھجلی کو کم کرنے کے لئے سٹیرائیڈز تجویز کئے جاتے ہیں</li>
	<li>مزید برآں، جلد کو مستقل کھجانے سے ہونے والے کسی انفیکشن کے علاج کے لئے کچھ انٹی بائیوٹکس تجویز کی جاتی ہیں۔ 
	&nbsp;</li>
</ul>

اگر خارش شدید ہو یا زیادہ پھیلی ہوئی ہوتو زیادہ علاج کی ضرورت پڑسکتی ہے۔ منہ کےذریعے لی جانے والی ایک گولی(Ivermectin(Stromectolایسے مریضوں کو دی جاتی ہے جو:

<ul dir="rtl">
	<li>ابتدائی علاج کے بعد علامات میں کوئی واضح بہتری محسوس نہ کریں</li>
	<li>چھلکے دار خارش کے مریض ہوں</li>
	<li>جن میں خارش جسم کے زیادہ حصوں پر پھیلی ہوئی ہو 
	&nbsp;</li>
</ul>

سکیبیز کے لئے تجویز کردہ متعدد ادویات میں سلفر کا عنصر پایا جاتا ہے۔ اس کے علاوہ، آپ بغیر نسخے کے بھی مائع، مرہم، شیمپو یا صابن کی صورت میں سلفر خرید کر خارش کے علاج کے لئے استعمال کرسکتے ہیں۔

ہوسکتا ہے کہ علاج کے پہلے ہفتے کے بعد علامات بگڑتی ہوئی محسوس ہوں۔ تاہم، پہلے ہفتے کے بعد، آپ کوخارش میں کمی محسوس ہوگی اور علاج کے چوتھے ہفتے تک آپ مکمل صحت یاب ہوجائیں گے۔ 
&nbsp;

ایک مہینے تک مکمل طور پر ٹھیک نہ ہونے والی جلد میں بھی کیڑے موجود ہوسکتے ہیں۔ &quot;سکیبیز کے بعد کی کھجلی&quot; ایک ماہ تک جاری رہ سکتی ہے اس لئے یہ مدِ نظر رکھیں۔

اگر آپ کو محسوس ہو کہ چار ہفتے علاج کے&nbsp; بعد بھی علامات برقرار ہیں تو فوراََ ڈاکٹر سے رجوع کریں۔ 
&nbsp;

<h5 dir="rtl">&nbsp;سکیبیز کے لئےبغیر نسخے کی عام ادویات</h5>

یہ یادرکھنا انتہائی اہم ہے کہFood and Drug Administrationنے سکیبیز کی کسی بغیر نسخے کی دوا کی اجازت نہیں دی ہے۔ 
&nbsp;

<h5 dir="rtl">سکیبیز کا قدرتی علاج</h5>

عام طور پر دیکھا گیا ہے کہ کچھ مریض علاج کے روایتی طریقوں کو&nbsp; دواؤں کی مصنوعات پر ترجیح دیتے ہیں تا کہ ان اَن چاہے مضر اثرات سے بچ سکیں جیسے

<ul dir="rtl">
	<li>سوجن</li>
	<li>جلد پر جلن کا احساس</li>
	<li>جھنجھناہٹ کا احساس</li>
	<li>جلد کی بے حسی</li>
	<li>سرخی</li>
</ul>

تاہم یہ عارضی اثرات ہیں اور کچھ وقت کے بعد ختم ہوجاتے ہیں۔ خوش قسمتی سے، سکیبیز کے علاج کےکچھ قدرتی طریقے بھی ہیں۔ ان میں سے کچھ عام طریقے یہ ہیں: 
&nbsp;

1۔ چائے کے پودے کا تیل&nbsp; Tea Tree Oil

کچھ مطالعوں کے مطابق، چائے کے پودے کا تیل نہ صرف سکیبیز کے لئے موثر ہے بلکہ خارش میں راحت اور دانوں میں کمی بھی کرتا ہے۔ البتہ یہ آپ کی جلد میں چھپے ہوئ کیڑوں کے خلاف موثر نہیں ہوتا۔<a href="#accordion">[7]</a> 
&nbsp;

2. ایلوویرا

ایلو جلد کی سوجن بشمول جلن کو کم کرنے کے لئے مشہور ہے اور یہ خیال کیا جاتا ہے کہ اس میں انٹی بیکٹیریل اور انٹی فنگل خصوصیات پائی جاتی ہیں۔ 2009میں کیے گئے ایک مطالعے میں ایلوویرا سکیبیز کےعلاج کےلئےموثر پایا گیا۔ یہ یقین کرلیں کہ آپ کوئی ایلوویرا پر مشتمل فارمولاخریدنے کے بجائے خالص ایلو ویرا خریدیں.<a href="#accordion">[11]</a> 
&nbsp;

3. شملہ مرچ کے اجزا سے بنی کریم (Capsaicin Cream) 
یہ کریم طویل عرصےسے جلن والی درد کے علاج کے طور پر استعمال ہورہی ہے اور مرچ کے مسالے کا یہ جز درد میں کمی کی صلاحیت رکھتا ہے۔ مرچ کے اس جز سے بنی کریمز جوسرخ مرچ سے حاصل کی جاتی ہے، تکلیف دہ کیڑوں سے جلد کی حساسیت کو کم کر کےخارش اور درد کو کم کرسکتی ہے، تاہم یہ کیڑوں کو مارنے کےلئے غیر موثر ہے۔<a href="#accordion">[2]</a> 
&nbsp;

نباتی تیل

کچھ نباتی تیل، بشمول لونگ کا تیل کیڑے مارنے کے ممکنہ اثرات کے لئے جانے جاتے ہیں، جنہیں سکیبیز کے لئے استعمال کیا جاسکتا ہے۔2016میں کیے گئے ایکin-vitro(ٹیسٹ ٹیوب یا کلچر پلیٹ میں کیے گئے) مطالعے میں سکیبیز کے کیڑوں کے خاتمے کے لئے کئی تیلوں کی افادیت کی جانچ کی گئی۔ سائنسدانوں نے دریافت کیاکہ درج ذیل تیل سب سے زیادہ موثر تھے:

<ul dir="rtl">
	<li>پالماروسا کا تیل</li>
	<li>لوینڈرکا تیل</li>
	<li>جیرانیم کا تیل</li>
	<li>لونگ کا تیل</li>
</ul>

تاہم ، لوگوں میں ان کی افادیت جاننے کے لئے مزید مطالعے کی ضرورت ہے۔&nbsp; 
&nbsp;

5.صابن

سکیبیز کی وجہ بننے والے کیڑے نیم کے درخت کی چھال، پتوں اور بیجوں میں پائے جانے والے اجزا سے مرسکتے ہیں۔ یہ کیڑے نیم کے درخت کے اجزا سے بنے صابن، لوشن اور تیل سے مارے جاسکتے ہیں۔

سکیبیز کے گھریلو ٹوٹکے کیڑوں کے حملے کی علامات کو کم کرنے اور تکلیف دہ علامات کا سبب بننے والےان کیڑوں کو ختم کرنے کے کچھ&nbsp; امکانات رکھتے ہیں.<a href="#accordion">[6]</a> 
&nbsp;

<h5 dir="rtl">سکیبیز کے علاج کے لئے Mass Drug Administration (MDA) Method کیوں اپنایا جائے 
&nbsp;</h5>

ان جگہوں پر جہاں سکیبیز کم کم ہوتا ہے، علاج کا مرکز مریض اور اس کے گھریلو رابطوں پر ہوتا ہے اوراگر سکیبیز وبائی صورت اختیار کر جائے تو کمیونٹی میں سب کا علاج زیادہ موثر ہوتا ہے۔ اس طریقے کو mass drug administration کہا جاتا ہے اور یہ قومی سطح پر اور محدود گروہی مقامات جیسے سکولوں ، ہسپتالوں، جیلوں اور نرسنگ ہومز میں بھی استعمال کی جاسکتاہے۔ اس میں منہ کےذریعے لی جانے والی ، جِلد پرلگائی جانےوالی اور کسی نظام سے متعلق ادویات دی جاتی ہیں۔ اس تکنیک سے متعدد بیماریوں کا کامیاب علاج کیا جا چکا ہے، جن میں یہ شامل ہیں:

<ul>
	<li dir="rtl" style="text-align:right">Yaws(منطقہ حارہ کی ایک متعدی بیماری)</li>
	<li dir="rtl" style="text-align:right">Filariasis(طفیلی دھاگا نما کیڑوں کی بیماری)&nbsp;</li>
	<li dir="rtl" style="text-align:right">Trachoma( آنکھوں کے پپوٹوں کی سوزش)</li>
	<li dir="rtl" style="text-align:right">Soil-transmitted helminths(مٹی سے منتقل ہونے والے کیڑوں کی بیماری)</li>
	<li dir="rtl" style="text-align:right">Onchocerciasis(دریائی اندھاپن) 
	&nbsp;</li>
</ul>

سکیبیز اور دیگر خارشی دانوں بشمول ایکزیما،impetigo tinea corporis اور چنبل اکثرایک دوسرے سےالجھا دیے جاتے ہیں۔مثال کے طور پر، برازیل میں کی گئی ایک تحقیق میں دریافت کیا گیا کہ تقریباََ سکیبیز میں مبتلا آدھےبچوں میں ایکزیما کی غلط تشخیص کی گئی۔&nbsp; گروپ اے سے ہونے والی ثانوی بیکٹیریل انفیکشنزاورStaphylococcus aureusکی وجہ عموماََ کھجانا ہوتی ہے۔

<ul dir="rtl">
	<li>Impetigo</li>
	<li>Pyoderma</li>
</ul>

&nbsp;

خیال کیا جاتا ہے کہ سکیبیز کے خارج کردہ کیمیائی عمل کو روکنے والے عناصربیکٹیریل(streptococcal and staphylococcal)انفیکشنز کی وجہ بنتے ہیں جن میں یہ شامل ہیں:

<ul dir="rtl">
	<li>Cellulitis</li>
	<li>Abscesses</li>
	<li>Necrotizing fasciitis</li>
	<li>Ultimately septicaemia</li>
</ul>

&nbsp;

بیکٹیرل انفیکشن سے منسلک کچھ اورپییچیدگیوں میں یہ شامل ہیں:

<ul dir="rtl">
	<li>streptococcus بیکٹریا سے ہونے والی گردوں کی بیماری</li>
	<li>سماجی رسوائی</li>
	<li>دل کی بیماری</li>
	<li>ڈپریشن 
	&nbsp;</li>
</ul>

سکیبیز انتہائی متعدی ہے اور پوری کمیونٹی میں تیزی سے پھیل سکتا ہے۔ زخموں کے ساتھ بیکٹیریل انفیکشن بھی ہوسکتے ہیں۔ کمزور قوتِ مدافعت والے افراد میں بیکٹیریل انفیکشن سنگین مسائل پر منتج ہوسکتے ہیں جیسے:

<ul dir="rtl">
	<li>خون کے بہاؤ کا ایک بیکٹیریل انفیکشنsepticemia</li>
	<li>گردوں کی دائمی بیماری</li>
	<li>دل کی بیماری</li>
	<li>سکیبیز سے ہونے والی نہ رکنےوالی کھجلی نیند نہ آنے کی بیماری کا سبب بن سکتی ہے 
	&nbsp;</li>
</ul>

<h5 dir="rtl">Disability-Adjusted Life Years&nbsp; (DALYs )&nbsp;</h5>

یہ صحت مند زندگی کے ایک سال کو ظاہر کرتے ہیں،یہ بیماری کے بوجھ کو ناپنے کے لئے استعمال ہوتے ہیں۔Acute lymphocytic leukaemia, arrhythmias اوردیگر سنگین بیماریوں میں عمر سےمتعلق DALYs سکیبیز سے کم پائے گئے ہیں۔ جبDALYs کا جلد کی بیماریوں کے درمیان معائنہ کیا جائے تو سکیبیزچنبل اور سیاہ رسولیوں سےبھی زیادہ خطرناک ہے۔ گرم ممالک، اس کا اثر بچوں(ایک سے چار سال کی عمر)اور بزرگوں میں زیادہ ہے،جب کہ بلوغت کے دورانDALYs سب سے کم پائے گئے۔<a href="#accordion">[17]</a> 
&nbsp;

<h5 dir="rtl">چھوٹے بچوں میں</h5>

چھوٹے بچوں میں بڑے افراد کی نسبت سکیبیز کا خطرہ زیادہ ہوتا ہے۔ تاہم، یہ کمزور مدافعتی نظام والے افراد کو متاثر کرتا ہے۔ بچوں اور بڑوں میں سکیبیز کے براہِ راست موازنے پر آٹھ مطالعے ہیں اور ان سب میں بچوں میں سکیبیز کی موجودگی بڑوں سے زیادہ پائی گئی۔

<h5 dir="rtl"> 
دیگر عناصر</h5>

کچھ مقامی اور کم وسائل کے حامل گروہ سکیبیبز سے غیر متناسب طور پر متاثر ہوتے ہیں، کیونکہ اس کا تعلق غربت، ہجوم، بھوک اور صحت کی سہولیات تک محدود رسائی سے ہے۔ صاف، بہتے ہوئے پانی کی کمی ثانوی جِلدی انفیکشنز اور متعلقہ مسائل کے پیدا ہونے کی ایک وجہ ہوسکتی ہے۔ 
&nbsp;

مخصوص کمیونیٹیزمیں سکیبیز کم مسائل پیدا کرتی ہے اگرمعیارِ زندگی بہتر ہو اور پیشہ ورانہ طبی معلومات میں اضافہ ہو۔ خاص احتیاطی تدابیر میں یہ شامل ہیں:

<ul dir="rtl">
	<li>اوپر بیان کئے گئے علاج کے طریقوں میں سے کوئی خاندان کے سب افراد اور قریبی دوستوں کے لئے استعمال کریں چاہے علامات ہوں یا نہ ہوں۔</li>
	<li>تصدیق شدہ کیس کے ساتھ ساتھ گھر کے تمام افراد اور قریبی دوستوں کا بھی علاج کریں تاکہ&nbsp; دوبارہ انفیکشن کم سے کم ہو۔</li>
	<li>&nbsp;مریض کے بستر کی چادریں، تکیوں کے غلاف، کمبل اور جلد سے چھونے والا لباس ( جرابیں،&nbsp; جانگئے، ٹی شرٹ، پینٹ) گرم پانی سے دھو کر سکھانا چاہیئے۔</li>
	<li>&nbsp;اگر گرم پانی دستیاب نہ ہو تو تمام کپڑے اور بستر کی چادریں احتیاط سے پلاسٹک کے تھیلے میں ڈال کر بچوں ، دیگر افراد اور قریبی دوستوں سے پانچ سے سات دن تک دور رکھی جائیں۔ اگر کیڑا انسانی جلد سے دور رہے تو چار دن سے زیادہ زندہ نہیں رہ سکتا۔</li>
	<li>بچے علاج کے آغاز کے 24 گھنٹے بعد سکول یا ڈے کئیر جا سکتے ہیں۔</li>
	<li>کمیونٹی میں زندگی بسر کرنے کے&nbsp; حالات میں بہتری اور مقامی مدافعت بڑھا کرسکیبیز کی بیماری اور اس کے پھیلنےکا خطرہ کم کیا جاسکتا ہے۔</li>
	<li>علاج کے پہلے دن، گھر کے اندر تمام بستر اور کپڑے 50 ڈگری سینٹی گریڈ یا اس سے زیادہ پر دھوئیں۔ کوئی ایسے کپڑے جو نہ دھوئے جاسکیں، انہیں ایک بند تھیلے میں پانچ دن تک رکھیں جب تک کیڑے مر نہ جائیں۔</li>
	<li>بستر، کپڑے یا تولئے کسی سکیبیز کے مریض کے ساتھ استعمال نہ کریں۔ کسی جنسی یاقریبی جسمانی رابطے سے پہلےعلاج کے کورس کے مکمل ہونے کا انتظار کریں۔ 
	&nbsp;</li>
</ul>

<h5 dir="rtl">سکیبیز&nbsp; کے پھیلاؤ کو روکنے کے کچھ اور طریقے 
&nbsp;</h5>

<ul>
	<li dir="rtl" style="text-align: right;">بہت سی سپر مارکیٹس اور ڈیپارٹمنٹ سٹور مناسب قیمت میں سٹیم کلینر کرائے پر دیتے ہیں۔</li>
	<li dir="rtl" style="text-align: right;">اگر آپ کا گدا تبدیل ہونے والا ہے، تو اس پر زپ والا غلاف چڑھائیں اور اسے کچھ ہفتوں تک نہ اتاریں۔</li>
	<li dir="rtl" style="text-align: right;">اگرآپ تمام ریشمی نرم کھلونوں اور نہ دھوئے جانے والے کپڑوں کو کچھ ہفتے بند تھیلے میں رکھیں تو سکیبیز غائب ہوجائے گا۔</li>
	<li dir="rtl" style="text-align: right;">تمام سطحوں اور کپڑوں پر جراثیم کش سپرے کریں، بشمول وہ جن میں پرمیتھرین ہو۔</li>
	<li dir="rtl" style="text-align: right;">سخت سطحوں پر کیڑوں کو مارنے کے لئے لائیسول یا ربنگ الکوحل استعمال کریں۔</li>
	<li dir="rtl" style="text-align: right;">تمام کپڑوں اور بستروں کی چادروں تکیوں کو دھونےاور سکھانے کے لئے گرم پانی استعمال کیا جائے۔</li>
	<li dir="rtl" style="text-align: right;">اگر گرم پانی دستیاب نہ ہو تو چیزوں کو پلاسٹک کے تھیلےمیں ڈال کر پانچ سے سات دن کے لئے گھر سے دور رکھیں۔</li>
	<li dir="rtl" style="text-align: right;">اپنے جانوروں کو دھونے کے لئے خاص&nbsp; محلول جیسے سلفر کانسنٹریشن والا پیٹ ڈِپ استعمال کریں۔</li>
	<li dir="rtl" style="text-align: right;">بھاپ کے استعمال سے قالینوں کی صفائی کریں۔</li>
	<li dir="rtl" style="text-align: right;">ایک گھنٹے بعد بوریکس استعمال کر کے قالینوں کو ویکیوم کرلیں۔ 
	&nbsp;</li>
</ul>

سکیبیز سادہ لیبارٹری ٹیسٹ سے ثابت نہیں ہوسکتی۔<a href="#accordion">[4]</a>اس کا بہترین معیاری طریقہ مائیکروسکوپ میں کیڑوں، انڈوں یا فضلات کا معائنہ ہے۔ مائیکروسکوپ سے شناخت کی شرح10سے70 فیصد کے درمیان ہے جس سےسکیبیز کی تشخیص کے نئے قابلِ بھروسہ طریقے کی ضرورت بڑھ جاتی ہے۔

حال ہی میں مالیکیولر تشخیصی طریقوں بشمولloop-mediated iso-thermal amplificationاورPCR پر تحقیق کی جارہی ہے۔ روایتی مائیکروسکوپی کے مقابلےمیں، جوCOX1gene کے لئےصرف75فی صد حساس ہے،کیڑوں کے مسکن کاPCRسو فی صد حساس پایا گیا ہے۔

بد قسمتی سے،سکیبیزاورگھریلوگردوالے کیڑوں کی انٹی جنز میں آپسی ردِ عمل کی وجہ سےELISA assays کے ذریعےسکیبیز کی انٹی باڈیز کی شناخت عموماََ قابلِ اعتبارنہیں ہوتی۔ اس وقت ماضی یا حال میں سکیبیز کے سامنے کی شناخت کا کوئی انٹی باڈی ٹیسٹ دستیاب نہیں ہے۔ 
&nbsp;

&nbsp;Scabies: 2021&ndash;2030 World Health Organisation Tropical Disease Strategy, 
 
حال ہی میں عالمی ادارہ صحت نے سکیبیز کو ایک( NTD(Neglected Tropical Diseases قرار دیا اور اسےعالمی ادارہ صحت کی2021 سے2030 کی گرم علاقوں کی نظرانداز کی گئی بیماریوں کے لئے عالمی ادارہ صحت کےلائحہ عمل میں شامل کیا ہے۔ اضافی تحقیق کی ترجیحات میں اس کو سمجھنے اور مسائل کے حل، جیسے&nbsp; غیر حساس تشخیصی طریقے، متبادل علاج کے طریقوں پر بحث،اور ویکسینیشن کی مشکلات جو دنیا بھر میں اس پر قابو پانے کی کوششوں میں رکاوٹ کا باعث ہیں، شامل ہیں۔

درپیش مشکلات کے قطع نظر،&nbsp; اب عالمی سطح پر سکیبیز پر قابو پانا ممکن ہوچکا ہے۔ سکیبیز پر قابو پانے کے لئے عالمی اقدام عمدہ اور قابلِ عمل مقصد اور اہداف نظر آتے ہیں جو مستقبل قریب میں پائیدار اقدامات، مسلسل فنڈنگ، ایماندارانہ لگن اور تعاون، اور اہداف اور اشاریوں پر جن کی عالمی ادارہ صحت کےNTD 2021&ndash;2030کے منصوبے میں نشاندہی کی گئی ہے، توجہ دینے سے حاصل کیےجاسکتے ہیں۔<a href="#accordion">[3]</a>&nbsp; 
&nbsp;

1. وسیع پیمانے پر پھیلے سکیبیز کے خلاف ویکسین کے مطالبے 
&nbsp;

&nbsp; &nbsp; &nbsp; سکیبیز انسانوں اور جانوروں دونوں کے لئے خطرناک ہے اورS.Scabiei کی وجہ سے ہوتی ہے جو میزبان کی جلد کی اوپری تہہ کے اندر گھس جاتے ہیں۔ ویکسینز کیڑے مار دواؤں کا بہتر متبادل ہیں، جواب ان سے نمٹنے کے لئے استعمال کی جاتی ہیں۔

ارتقائی درخت ( evolutionary tree )&nbsp; کے مطابق،جو انزائمز اور پروٹینز کے پانچ سے زیادہ گروہوں پر مشتمل ہے،کیڑوں کی بیرونی سخت جلد کا ریشہ دار مادہ ( chitinases&nbsp; ) اور CLP پروٹین کا ایک مختلف گروہ بناتے ہیں۔ رپورٹس کے مطابق یہ انزائم اور پروٹین کیڑوں اور میزبانوں میں بیرونی جلد کے اترنے، ہاضمے، الرجک ردِ عمل، مدافعتی نظام اور انفیکشن کی مزاحمت میں اہم کردار ادا کرتے ہیں۔

تحقیق کے مطابق،SsCLP5 ( بیرونی جلد کے ریشہ دار مادے جیسی پروٹین جوS. scabiei bacterium میں ہوتی ہے)،بیکٹیریم کے خلاف پروٹین پرمبنی مشترکہ ویکسین کے لئے ایک اچھا انتخاب ہے۔ اس کام سے خرگوشوں کو دی جانے والی سکیبیز ویکسینیشن کے ماڈل کی افادیت پرتحقیق کے لائحہ عمل اور مزید طاقتور پروٹین کے امکانات کے نکتہ آغاز کی جانچ کا موقع بھی ملے گا۔(Nengxing Shen, 2018) 
&nbsp;

اہم نکات

<ul dir="rtl">
	<li>چھوٹے چھوٹے جلد میں گھس جانے والےSarcoptes scabiei کیڑے جلد پر کھجلی کا سبب بنتے ہیں۔</li>
	<li>علامات کی بنیاد پر سکیبیز کی دو اقسام ہیں: کلاسک اور نان کلاسک</li>
	<li>&nbsp;ا س بیماری کا کم حفظانِ صحت اور غذائیت کی کمی سے تعلق پایا جاتا ہے۔</li>
	<li>سکیبیز کا خطرہ بڑے افراد کی نسبت چھوٹے بچوں میں زیادہ ہے۔</li>
	<li>سکیبیز کے علاج کا سب سے عام طریقہ کیڑوں کے حملے کو ختم کرنے کے لئے جِلد پر لگائی جانے والی تجویز کردہ کریمز، لوشن اور مرہموں کا استعمال ہے</li>
</ul>

[1] Banerji, A., 2015. NIH. [Online] Available at:

[2] Chang, A., Rosani, A. & Quick., J., 2021. NIH. [Online] Available at

[3] El-Moamly, A. A., 2021. TMH. [Online] Available at:

[4] Emily Welch, 1. L. R. a. M. J. W., 2021. NIH. [Online] Available at:

[5] Fuller, L. C., 2013. PUBMED.GOV. [Online] Available at:

[6] healthline, n.d. healthline. [Online]

[7] Jackson Thomas, *. C. F. C. G. M. P. S. F. W. K. A. H. M. N. R. C. D. T. S. P. D. G. K. G. M. C. a. K. E. B., 2016. PUBMED.GOV. [Online] Available at:

Trusted By