آتشک جنسی طور پر منتقل ہونے والی بیماری ایک ہے، جس کا بروقت علاج نہ ہونا سنگین پیچیدگیاں پیدا کرسکتا ہے۔

آتشک

Dr. Saad Ullah Siddiqui Clinic

Online Consultation

سعد اللہ صدیقی

جائزہ

آتشک ایک جنسی طور پر منتقل ہونے والی بیماری ہے جو ایک طویل مرغولی جرثومےTreponema Pallidum(T. pallidum)کی وجہ سے ہوتی ہے۔ سپائروکیٹ بیکٹیریم کی شکل کو ظاہر کرتا ہے جوکارک کھولنے والے آلےکی مانند ہوتی ہے۔ آتشک&nbsp; مرحلہ وار(ابتدائی، ثانوی،پوشیدہ اورثلاثی) پھیلتا ہےاوریہ بہت اہم ہے کہ اس کی تشخیص کےفوراََ بعداس کاعلاج شروع کردیا جائے۔ ابتدا میں سمجھا جاتا تھا کہ آتشک اور گنوریا(<a href="https://merisehat.pk/ur/disease/gonorrhea">سوزاک</a>)ایک ہی مرض ہے۔تاہم، 1767میں کئے گئےایک تجربےکی بنیاد پرآتشک اورسوزاک کی مختلف خصوصیات کا تعین کیا گیا۔ اس بیماری کو بہت سے نام دیے گئےاورحتمی طور پر اسے&ldquo;Syphilis&rdquo;یعنی آتشک کا نام دیا گیا۔ اس سے پہلےاسےGreat Pox, Morbus Gallicus (French Disease), Leus Venereum (Venereal Disease) حتیٰ کہ&ldquo;The Great Mimicker&rdquo;بھی کہا گیا<a href="#accordion">[1][2]</a>۔&nbsp; 
 
&quot;جو آتشک کو جانتا ہے وہ طب جانتا ہے&quot;۔ سر ولیم اوسلر

جدید طب کے بانی، سر ولیم اوسلر، آتشک میں دیکھ گئی علامات کی وسعت و کثرت کی وجہ سےایسا کہا کرتے تھے۔یہ اتنی نمایاں بیماری تھی کہ انیسویں صدی میںSyphilologyکی ابتدا ہوئی تاکہ اس مرض کا بہتر علم حاصل کیا جاسکے<a href="#accordion">[6]</a>۔عالمی ادارہ صحت کی رپورٹ کےمطابق2012میں دنیا بھرمیں تقریباََ17.7 ملین افراد آتشک سے متاثر ہوئے،اوراس کے بعدہرسال 5.6 ملین کیسز کا اضافہ ہوتا گیا<a href="#accordion">[5]</a>۔ 
&nbsp;

2007 میں برطانیہ میں متعدی آتشک کے3,762تشخیص شدہ کیس رپورٹ کئے گئے۔ صرف برطانیہ میں سے2007کے دوران کیسز کی تعداد1200فیصد بڑھ گئی۔ عالمی ادارہ صحت کی9 جولائی،2021کی رپورٹ کے مطابق2020میں دنیا بھرمیں سات ملین نئے کیسزدیکھے گئے<a href="#accordion">[6]</a>۔

پاکستان میں بھی آتشک کےپریشان کن اعدادو شمارموجود ہیں۔رپورٹس بتاتی ہیں کہ2020میں آتشک کی وجہ سےاموات کی تعداد1,289تک جا پہنچی تھی<a href="#accordion">[4]</a>۔

ہم جنس پرست مردوں میں،خاص طورپر اعداد وشمار کامطالعہ کیا گیا۔رپورٹس ظاہرکرتی ہیں کہ جو مرد،مردوں کے ساتھ جنسی تعلق رکھتے ہیِ ان میں2000سے2020 کےدرمیان آتشک سے متاثرہونےکیشرح7.5فیصد تھی<a href="#accordion">[3]</a>۔ 
&nbsp;

آتشک انیسویں صدی سےہی ڈاکٹروں کے لئے دلچسپی اورچیلنج کا باعث مرض رہاہے۔ ایسا بنیادی طور پر آتشک میں ظاہر ہونے والی مختلف علامات کی وسعت کی وجہ سے تھا۔ ان نشانیوں اور علامات کی بنیاد پرآتشک کو ذیل میں دیے گئے مراحل میں تقسیم کیا جا سکتا ہے:

1. ابتدائی مرحلہ

2. ثانوی مرحلہ

3. پوشیدہ مرحلہ

4. ثلاثی مرحلہ 
&nbsp;

<h5 dir="rtl">۱۔ ابتدائی آتشک</h5>

بیماری کا یہ مرحلہchancresکی موجودگی سےمتعلق ہے۔ یہ وہ ناسور یا زخم ہیں جو الگ الگ یا گروہوں میں پائےجاسکتے ہیں۔ مزید برآں،ان میں درد نہیں ہوتا، یہ کھلے زخم ہوتے ہیں اور ان کی بنیسد صاف ہوتی ہے۔تاہم، اس علامت کی حساسیت صرف31فیصد ہےجب کہ پیپ بننا سب سےاہم علامت ہے۔ مطالعے سے ظاہر ہوتا ہے کہ بےحسی یا اکڑن سب سے خاص علامت تھی جو47 سے92فیصد مریضوں میں پائی گئی۔ بیکٹیریا کے داخلے کے مقام پر ناسور بنتےہیں۔ اس لیے،مردوں میں یہ عضوِ تناسل اور تناسلی اور مقعد کےمقام پر(ہم جنس مرد)بنتے ہیں۔ اس کےعلاوہ،انہی جگہوں پر لمفی گرہوں کی بغیر درد کے سوزش بھی بیان کی گئی ہے جہاں ناسور بنتے ہیں۔عورتوں میں یہ ناسور ان کےاندامِ نہانی کے کناروں اورمقعد کےآس پاس بنتے ہیں۔

ناسور تناسلی اعضا کے علاوہ بھی پائے جا سکتے ہیں مثال کے طور پر منہ پر۔ یہ ناسور تین سے چھ ہفتےمیں خود بخود&nbsp; ٹھیک ہوجاتے ہیں چاہے علاج شروع ہوچکا ہویا نہیں۔

یہ یاد رہے کہ ناسور ختم ہونےکے بعد بھی، آپ کوآتشک کے دوسرے مرحلے کے خلاف احتیاطی تدبیر کے طورپرعلاج جاری رکھنےکی ضرورت ہوتی ہے۔ تاہم، آتشک کی ابتدائی قسم کاعلم نہیں ہوپاتا کیونکہ زخموں میں درد نہیں ہوتا ہے۔<a href="#accordion">[1][2]</a> 
&nbsp;

<h5 dir="rtl">۲۔ ثانوی آتشک</h5>

ثانوی آتشک میں جلد پر دانوں کا بننا شامل ہے۔ یہ ابتدائی مرحلے کےٹھیک ہونےکے آٹھ ہفتےبعد بھی ہوسکتے ہیں مگرکچھ مریضوں میں یہ ان کے ناسوروں کے ساتھ ساتھ بھی بنتے ہیں۔ جلدی دانے مختلف قسم کے ہوسکتے ہیں، جیسے کہ:

<ul dir="rtl">
	<li>Macular: چپٹے اور سرخ زخم</li>
	<li>Maculopapular: چپٹے اور ابھرے دونوں طرح کے کنارے</li>
	<li>Follicular: جلد پر سرخ ابھار</li>
	<li>Pustular: پیپ سے بھرے دانے 
	&nbsp;</li>
</ul>

یہ سب آتشک میں انفرادی طور پردیکھے جاسکتے ہیں۔ جلد کے زخم کوظاہری خصوصیت کی بنیاد پر تانبے کے رنگ کا بتایا جاتا ہے اور ان میں کھجلی نہ ہونے یا کھجلی کی مختلف سطح ہوسکتی ہے۔ اس میں ہتھیلیاں اور تلوے بھی عام طور پرشامل ہوتے ہیں۔ ثانوی آتشک کے مریضوں میں تناسلی لعابی جھلی میں زخموں کے ساتھ تناسلی اور مقعد کے مقام پر مسے بھی پائے جاسکتےہیں۔ اس کے علاوہ،منظم علامات بھی ظاہر ہوسکتی ہیں جیسے: ہلکا بخار،جسم کےبافتوں کا ضیاع،جسے Cachexiaبھی کہا جاتا ہےاورکبھی کبھار الٹیاں۔ تاہم، پیشاب میں پروٹین کی موجودگی جسےproteinuria کہا جاتا ہے،ثانوی آتشک کی سب سی نمایاں علامت ہے<a href="#accordion">[1][2]</a>۔ 
&nbsp;

<h5 dir="rtl">۳۔ پوشیدہ آتشک</h5>

پوشیدہ آتشک بیماری کےبغیرعلامات کےعرصےکو کہاجاتا ہے۔یہ دراصل وہ وقت ہے جوثانوی آتشک کے ٹھیک ہونےاور تیسری یا ثلاثی آتشک کے ہونےسے پہلے کا ہے۔ اس کودوصورتوں میں تقسیم کیا گیا ہے،ابتدائی اورآخری۔ابتدائی پوشیدہ آتشک ثلاثی قسم کی علامات کےایک سال کےاندرہونے کو کہا جاتا ہے، جب کہ، آخری پوشیدہ آتشک علامات کے ایک سال کےبعد ظاہر ہونےکو کہتے ہیں<a href="#accordion">[1][2]</a>۔ 
&nbsp;

<h5 dir="rtl">۴۔ ثلاثی آتشک</h5>

اگر آتشک کا علاج نہ کیاجائے تو یہ آخری مرحلے یعنی ثلاثی آتشک میں تبدیل ہوجاتا ہے۔یہ واحد مرحلہ ہےجو متعدی نہیں ہے اورشاذونادر ہی ہوتاہے، مگر جب یہ ہوتا ہے،اس میں متعدد نظام جیسے دل اور دماغ شامل ہوتےہیں۔مزید برآں، ثلاثی آتشک میںgummas کی خاص علامت بھی پائی جاسکتی ہے جواصل میں ایک رسولی نماچپچپی افزائش ہے۔

جب یہ دماغ پر اثرانداز ہوتا ہے، تواس حالت کوNeurosyphilis کہا جاتا ہے، اوراس میں تھرتھراہٹ اورحرکت،عمل اور مقام کی حس میں کمی جیسی علامات پائی جاتی ہیں(اسےtabes dorsalisکہا جاتا ہے)۔ علامات میں یادداشت کے نقصان، فالج، اور رویے میں تبدیلی بھی شامل ہوسکتی ہے۔ 
&nbsp;

دل کو متاثر کرنے کی حالت کوCardiovascular Syphilisکہا جاتا ہے۔نتیجتاََ،Aortic Aneurysm(ایورا میں غبارہ نما ابھار)اورAortic ValveRegurgitation( ایورٹک والوکا ناقص کارکردگی کی وجہ سےخون کو الٹےرخ بہنے دینا) کی حالت دیکھی جا سکتی ہے۔

اگر آتشکGummatous یعنی ربرنما، چپچپا ہو، تو یہ عموماََ جلد،جگر اور ہڈیوں میں پایا جاتا ہے۔ تاہم، اگر یہ چپچپے پھوڑے دل یا دماغ میں نمودارہوں، توشفایابی کی امید کم رہ جاتی ہے۔ مخصوص علامات میں رات میں درد اور مقامی جگہ پر سوجن شامل ہیں<a href="#accordiob">[1][7]</a>۔ 
&nbsp;

<h5 dir="rtl">پیدائشی آتشک</h5>

پیدائشی آتشک ان ماؤں کے نومولود بچوں میں دیکھاگیاہے جن کا علاج نہیں ہوا۔ علاج نہ کئےجانے والےآتشک کا نتیجہ بھیانک ہوتاہےاور یہ حمل کے فوری ضائع ہونے، قبل از وقت پیدائش، اور پیری نیٹل موت یعنی بچے کی حمل کے 28ویں دن سے پیدائش کے ساتویں دن کے درمیان موت کا سبب بن سکتا ہے۔ پیدائشی آتشک سے متعلق اعداد وشماربھی تشویشناک ہیں۔ مطالعے سے معلوم ہوتا ہےکہ حمل کے دوران ابتدائی مرحلے میں ماں سے بچے کو مرض کی منتقلی کا70سے100فی صد، ابتدائی پوشیدہ مرحلے میں40 فی صد اور آخری پوشیدہ مرحلے میں10فیصد امکان ہوتا ہے<a href="#accordion">[1]</a>۔ 
&nbsp;

اسباب

اگرچہ آتشک بہت خطرناک بیماری ہے تاہم، اس کا انتقال محدود ہے یعنی یہ بنیادی طورپر جنسی رابطے سے منتقل ہوتی ہے۔ اس کے ہونے کی بنیادی وجہ ایک شخص کے آتشکی پھوڑوں کا دوسرے شخص سے سامنا ہے۔اس کا مطلب ہے کہ کسی بھی قسم کا جنسی تعلق، منہ، مقعد یا اندامِ نہانی سے، آپ کو آتشک میں مبتلا کرسکتا ہے۔

رکاوٹی طریقے جیسے کانڈم، رابطے کو محدود کرنے اوران زخموں کو چھپانے کے لئے استعمال کئے جاسکتے ہیں۔ تاہم، یہ مدِ نظر رکھیں کہ ایسی احتیاطی تدابیر کی افادیت محدود ہے کیونکہ پھوڑے بہت سی جگہوں پر ظاہرہوسکتےہیں۔&nbsp;اس لئے، منفی رپورٹ آنط تک یا علاج مکمل ہونے تک پرہیز کرنا ہی بہتر ہے<a href="#accordion">[13]</a>۔

اس کے علاوہ، پیدائشی آتشک کی وجہ حاملہ غیر علاج شدہ مریض ماں سے بچے میں منتقلی ہوسکتی ہے۔Vertical transmissionماں کی کوکھ میں ہونے کے دوران، ماں سے بچے کو کسی مرض کی منتقلی کوکہا جاتا ہے۔ 
&nbsp;

جیسے کہ پہلے ذکرکیاگیا ،آتشک کافی حد تک گمراہ کن اور خاموش ہوسکتا ہے۔ ابتدائی مرحلے میں عموماََ درد نہیں ہوتا، دوسرے کو اکثر جِلدی بیماری سمجھ کرغلط تشخیص کیاجاتا ہے اور پوشیدہ مرحلے میں اکثرکوئی علامات نہیں ہوتیں۔ ان حقائق کی وجہ سے آتشک کی سکریننگ انتہائی ضروری ہوجاتی ہے،کیونکہ پیچیدگیاں تباہ کن ہوسکتی ہیں۔ 
&nbsp;

سکریننگ میں آتشک کے خلاف بننے والی انٹی باڈیز کو چیک کیا جاتا ہےاوراگر نتیجہ مثبت آئےتوتصدیقی ٹیسٹ کیے جاتے ہیں۔ سکریننگ ٹیسٹ کےلئےجاتے ہوئے یہ ترجیح ہونی چاہئےکہ جب تک نتائج ٹھیک نہ آئیں،جنسی تعلق سے گریز کیا جائے۔ درج ذیل علامات کی صورت میں سکریننگ ٹیسٹ ضروری ہوتا ہے:

<ul dir="rtl">
	<li>چھوٹے بغیر درد کے پھوڑے جو تناسلی اعضا، منہ، یا مقعد کے مقام پر موجود ہوں</li>
	<li>کھردرے، سرخ دانے، جو عام طورپرہاتھوں کی ہتھیلیوں یا پیروں کے تلووں پر ہوں</li>
	<li>بخار</li>
	<li>گچھوں کی صورت میں بالوں کا گرنا</li>
	<li>سوجے ہوئے غدود<a href="#accordion">[9]</a> 
	&nbsp;</li>
</ul>

اگرآپ کو یہ علامات نظرآئیں،اورماضی میں آپکا جنسی رابطہ رہا ہو، تو آپ کو لازمی ڈاکٹر سے بات کرنی چاہئے، جس کے بعد یہ سکریننگ ٹیسٹ کروائے جاسکتے ہیں:

۱۔ Rapid Plasma Reagin (RPR) Test

۲۔Venereal Disease Research Laborator (VDRL) test 
&nbsp;

یہ ٹیسٹNon Treponemal testsکےگروپ کےتحت ہیں جو بافتوں کے زخم یا خلیوں کی موت کے لئے مخصوص ہیں۔ یہ بالواسطہ ٹیسٹ ہیں کیونکہ یہ ان بائیو مارکرزحیاتیاتی مالیکیولزیا بافتوں کی نشاندہی کرتے ہیں جو آتشک کے مرغولہ نما بیکٹیریم کی وجہ سے ہونے والی خلیاتی نقصان کے دوران خارج ہوتے ہیں۔ 
&nbsp;

<h5 dir="rtl">۱۔&nbsp; RPR</h5>

یہ دراصل خون کا ٹیسٹ ہےجو آتشک کی اینٹی باڈیز کی جانچ کرتا ہے۔ اس کی رپورٹ سات سے دس دن میں آتی ہے، تاہم یہ بذاتِ خود غیر حتمی ہوتی ہے۔ اس لئے، اسےصرف سکریننگ کے مقصد کےلئے استعمال کرنا چاہئے<a href="#accordion">[8]</a>۔ 
&nbsp;

<h5 dir="rtl">۲۔ VDRL</h5>

یہ ٹیسٹ بھی آتشک کے خلاف اینٹی باڈیز کی شناخت کے لئے کیاجاتا ہے۔ تاہم، آر پی آر کےبرعکس،نمونہ دماغ یا ریڑھ کی ہڈی کے سیال سےیاخون دونوں سے لیا جاسکتا ہے۔ یہ ذہن میں رکھنا چاہئےکہ یہ ٹیسٹ ثانوی اورپوشیدہ مراحل میں زیادہ حساس ہوتا ہے،اور بیماری کے ابتدائی یا تیسرے مرحلے میں غلط منفی نتیجہ ظاہر کرسکتا ہے<a href="#accordion">[10]</a>۔ 
&nbsp;

تشخیص

چونکہ اسکریننگ تشخیص کا نامکمل طریقہ ہے اس لئے، ایک تصدیقی ٹیسٹ ضروری ہے۔ آتشک کی موجودگی کی تصدیق کے لئے درج ذیل ٹیسٹ کئے جاسکتے ہیں:

&nbsp;

1.Darkfield Microscopy: جلد کے زخموں سے نمونے لئے جاتے ہیں اور مائیکروسکوپ کے نیچے دیکھےجاتے ہیں، جہاں حرکت کرتے ہوئےاسبابی جرثومے کی تصدیق کی جاسکتی ہے۔ یہ نمونے ہسپتال یا لیبارٹری میں لئے جاتے ہیں جہاں تشخیص کی تصدیق بھی کی جاتی ہے<a href="#accordion">[11]۔</a>

2.Direct fluorescent antibody staining for T. pallidum:&nbsp;منہ کے زخموں کے نمونے لئے جاتے ہیں مگر یہ نمونے جلد سے بھی لئے جاسکتے ہیں، ان میں ایک رنگ شامل کیا جاتا ہےجوT. pallidum specific antibodyسے خصوصی تعلق رکھتا ہے<a href="#accordion">[11]</a>۔

3۔Immunohistochemistry&nbsp;:&nbsp;یہ بھی آتشک کی اینٹیجن ست متعلق اینٹی باڈیز کو ظاہر کرکے کام کرتا ہے۔ نمونے جلد، لعابی جھلی اور بافتوں کے زخموں سے لئے جاتے ہیں<a href="#accordion">[11]</a>۔

4۔Polymerase Chain Reaction (PCR):&nbsp;یہ ایک ٹیکنیک ہے جس کے ذریعے آرگنزم کی افزائش کو بڑھا کر ان کی موجودگی کی تصدیق کی جاتی ہے۔ جلد، لعابی جھلی یا بافتوں کے زخموں سے&nbsp; نمونے لئے جاتے ہیں کیونکہ خون اوردماغ یا ریڑھ کی ہڈی کے سیالوں میں آرگنزم زیادہ تعداد میں نہیں ہوتے<a href="#accordion">[11]</a>۔

5۔Treponemal Tests:یہ سیالوں پر مبنی ٹیسٹوں کا گروہ ہے جوT.pallidumسے مخصوص اینٹی باڈیز کی شناخت کرتی ہیں اور تشخیص کی بنیاد ہوتے ہیں۔ ان میں یہ شامل ہیں:

<ul dir="rtl">
	<li>T pallidum Microhemagglutination Assay</li>
	<li>T pallidum particle Agglutination</li>
	<li>T pallidum Hemagglutination Assay</li>
	<li>Fluorescent Treponemal Antibody Absorbed (FTA-ABS) Test</li>
	<li>Chemiluminescence Immunoassays and Enzyme Immunoassays</li>
</ul>

ان ٹیسٹوں کے مثبت آنے سے انفیکشن کی تصدیق ہوتی ہے، مگر یہ معلوم نہیں ہوتا کہ انفیکشن کتنی مدت کا ہے<a href="#accordion">[12]</a>۔ 
&nbsp;

علاج

علاج آتشک کے مرحلے کے مطابق ترتیب دیا جاتا ہے۔ عالمی ادارہ صحت کا جاری کردہ علاج کی ترتیب یوں ہے: 
&nbsp;

<ul dir="rtl">
	<li>
	<h5>ابتدائی آتشک</h5>
	</li>
</ul>

Intramuscular benzathine penicillin Gکی ایک خوراک دی جاتی ہے جوکافی مفید اینٹی بائیوٹک ہے۔ اگر پینسیلین نہ استعمال کی جاسکےتوdoxycycline (a tetracycline: antibiotic)دس سےچودہ دن تک منہ کے ذریعے دی جاسکتی ہے یا ceftriaxone (3rd generation cephalosporin: antibiotic)عضلاتی انجیکشن کے ذریعےدس سےچودہ دن تک دی جاسکتی ہے<a href="#accordion">[5]</a>۔ 
&nbsp;

<ul dir="rtl">
	<li>
	<h5>تاخیری آتشک</h5>
	</li>
</ul>

Intramuscular benzathine penicillin Gتین ہفتے تک ہفتہ وار بنیاد پر دی جاتی ہے۔ ایسی صورت میں جب پینسیلین نہ دی جاسکتی ہو،منہ کےذریعے doxycycline تیس دن کے لئے تجویزکی جاتی ہے۔ 
&nbsp;

<ul dir="rtl">
	<li>
	<h5>پیدائشی آتشک</h5>
	</li>
</ul>

Intravenous aqueous benzyl penicillin چھ گھنٹے کے وقفے سے دس سے پندرہ دن کے لئے دی جاتی ہے۔

یہ یاد رکھنا ضروری ہے کہ doxycycline حمل کے دوران نہیں دی جاتی<a href="#accordion">[5]</a>۔ 
&nbsp;

آتشک ایک خطرناک بیماری ہے اور اس کا خطرہ جاننے کے لئےغیرعلاج شدی کیسز کو دیکھا جاسکتا ہے۔اگر یہ بیماری تیسرے مرحلے تک پہنچ جائےتو کئی منظم پیچیدگیاں پیدا ہوسکتی ہیں۔ تاہم، یہ پیچیدگیاں کسی بھی مرحلے میں دیکھی جاسکتی ہیںاگر علاج نہ کیا جائے۔ کچھ پیچیدگیاں یہ ہیں:

<ul>
	<li dir="rtl" style="text-align:right">آنکھوں کا آتشک: یہ بیماری بصارتی تبدیلیوں&nbsp; اور سرخ اور تکلیف دہ آنکھوں کا باعث بنتی ہے۔</li>
	<li dir="rtl" style="text-align:right">سماعت سے متعلق آتشک: اس سے کانوں میں گھنٹی بجنے یا بھنبھنانے جیسی آوازیں محسوس ہوتی اور سماعت میں کمی اور چکر آتے ہیں۔</li>
	<li dir="rtl" style="text-align:right">دماغ کا آتشک</li>
	<li dir="rtl" style="text-align:right">دل کا آتشک<a href="#accordion">[13]</a></li>
</ul>

آتشک ایک نقصان دہ بیماری ہے ثابت ہوئی ہے اورمتعلقہ علامات نظرآتے ہی اس کا جلد ازجلد شبہ دور کرنا یا تشخیص کرنا بہت ضروری ہے۔ ذیل میں وہ عناصر ہیں جوآپ کو آتشک کا زیادہ خطرہ لاحق ہونے کا باعث ہوسکتے ہیں:

<ul>
	<li dir="rtl" style="text-align: right;">غیر محفوظ جنسی فعل جس میں منہ یا تناسلی اعضا کی لعابی جھلی سے رابطہ شامل ہو</li>
	<li dir="rtl" style="text-align: right;">آتشک سے متاثرہ مریض سےجنسی تعلق</li>
	<li dir="rtl" style="text-align: right;">ایسےعلاقوں میں کسی سے جنسی تعلق جہاں آتشک کی بیماری زیادہ پھیلی ہوئی ہو۔</li>
	<li dir="rtl" style="text-align: right;">ماضی میں آتشک کا ہونا</li>
	<li dir="rtl" style="text-align: right;">متاثرہ ماں سےدورانِ حمل بچےکومنتقل ہونا<a href="#accordion">[14]</a>۔ 
	&nbsp;</li>
</ul>

سب بیماریوں کی نقال اس بیماری سے دور رہنے کے لئے، مخصوص احتیاطی تدابیر اختیار کی جاسکتی ہیں۔ اس کے انتقال میں سب سے بڑا عنصر جنسی تعلق ہے، اس لئے احتیاطی تدابیر اسی موضوع سے متعلق ہیں:

<ul>
	<li dir="rtl" style="text-align:right">محفوظ جنسی تعلق رکھیں۔ اس میں ٹیسٹ کیا گیا، غیر متاثرہ ساتھی، ترجیحاََ ایک فرد سے رابطہ رکھنے والا، شامل ہے<a href="#accordion">[15]</a>۔</li>
	<li dir="rtl" style="text-align:right">بالخصوص متاثرہ مریض کے ساتھ منہ کے ذریعے جنسی فعل میں پلاسٹک کا مستطیل استعمال کیا جائے</li>
	<li dir="rtl" style="text-align:right">اگر جنسی ساتھی زیادہ ہوں تو جنسی کھلونے بانٹ کر استعمال نہیں کرنے چاہئیں۔ کھلونوں کے اوپرہر بار ایک نیا کانڈم استعمال کرنا چاہئے۔</li>
	<li dir="rtl" style="text-align:right">حاملہ خواتین کو پہلی اور تیسری سہ ماہی میں ٹیسٹ تجویزکیا جاتا ہے تاکہ بروقت علاج ہوسکے<a href="#accordion">[16]</a>۔ 
	&nbsp;</li>
</ul>

اپریل 2021 میں شائع کیے گئےایک مطالعے میںpenicillin,doxycycline and ceftriaxoneجیسی انٹی بایئوٹکس کے علاوہ تین مختلف انٹی بائیوٹکس کی حساسیت کا ذکرکیا گیا۔T pallidumکی خرگوش کےانفیکشن کےساتھ افزائش کی گئی۔اس کلچر کوlinezolid, moxifloxacin and clofazimine سے ٹیسٹ کیا گیا جو کہ بالترتیبoxazollidinones, fluoroquinolones اورanti-tuberculous ادویات کے گروپ سے تعلق رکھتی ہیں۔

علاج کے بعدصحت یابی کے وقت اورانجیکشن کے مقامات پرtreponemes or treponemal mRNA کی عدم موجودگی، سیالوں کےمنفی ٹیسٹ اور دماغ اورریڑہ کی ہڈی کے سیالوں میں تبدیلی کی پیمائش کرکے جائزہ لیا گیا۔

اس تجربے میں Linezolid جلدی صحت یابی،اورعلاج کےتین دن بعد انجیکشن کے مقامات پرtreponemes کی عدم موجودگی کی وجہ سے سب سے بہتر انتخاب پائی گئی۔ مزید یہ کہ،linezolid&nbsp; کا علاج کم خرچ، زیادہ دستیابی اور منہ کے ذریعے دئے جانے کی وجہ سے خوراک لینے پر عمل کو آسان بنانے والا بیان کیا گیا<a href="#accordion">[17]</a>، 
&nbsp;

&nbsp;بد قسمتی سےجنسی طور پر منتقل ہونے والی بیماریوں پر بات کرنا اس قدر معیوب سمجھا جاتا ہے کہ لوگ ان کے بارے میں بات کرنے سے ڈرتے ہیں اور اس قیمتی معلومات سے محروم رہ جاتے ہیں جو انہیں کسی سے مل سکتی ہے۔

علاج کا عمل آپ کے ڈاکٹر کے پاس جانے سے بہت پہلے شروع ہوجاتا ہے، یہ تب شروع ہوتا ہے جب آپ بغیر شرمندگی کے علاج کی ضرورت کو تسلیم کرلیں۔اور اگر کوئی صرف ان وجوہات کی بنا پر مناسب علاج نہیں کروارہا تو آپ کی ذمہ داری ہے کہ روایتی سوچ کو بدلیں اور اس کی مدد کریں۔ 
&nbsp;

کسی کو اعتماد دلانے سےکہ ان کی پریشانی کی وجہ کا علاج ہوسکتا ہے، کئی صحت کے مسائل سامنے آسکتے ہیں جن سے بروقت نمٹا جاسکتا ہے۔ اعتماد میں لے کر گفتگو کبھی کبھار نہیں بلکہ معمول میں ہونی چاہئے۔

وقت کا تقاضا ہے کہ علاج کرانے کا راستہ،باخصوص جنسی انتقال سے ہونے والی بیماریوں کی صورت میں، ہر ایک کے لئے آسان بنایا جائے ۔ 
&nbsp;

اہم نکات

<ul>
	<li dir="rtl" style="text-align:right">آتشک ایک جنسی انتقال والی بیماری ہے جومرغولی ساخت کے بیکٹیریمTreponema Pallidum(T. pallidum)کی وجہ سے ہوتی ہے۔ یہ مرحلہ وار پھیلتی ہے۔(ابتدائی، ثانوی، پوشیدہ اور تیسری قسم)</li>
	<li dir="rtl" style="text-align:right">عالمی ادارہ صحت کی رپورٹ کے مطابق دنیا بھر میں2012&nbsp;میں تقریباََ 17.7ملین افراد اس سے متاثر تھے جب کہ اس تعداد میں ہر سال&nbsp;مزید5.6ملین کیسز کا اضافہ ہوا۔</li>
	<li dir="rtl" style="text-align:right">صرف برطانیہ میں1997سے2007 کے دوران&nbsp;کیسز کی تعداد 1200فیصد بڑھی اورعالمی ادارہ صحت کی۹جولائی2021 کی رپورٹ کےمطابق،دنیا بھر میں2020میں سات ملین نئے کیسز دیکھے گئے۔</li>
	<li dir="rtl" style="text-align:right">پاکستان میں بھی2020 میں آتشک کی وجہ سے1289اموات دیکھی گئیں۔</li>
	<li dir="rtl" style="text-align:right">اس بیماری کے ابتدائی مرحلے میں بغیردرد کے ناسوروں کی موجودگی پائی جاتی ہے جو الگ الگ یا گروہوں کی صورت میں نمودار ہوتے ہیں۔ یہ بیکٹیریا کے داخلے کے مقام پر بنتے ہیں۔ اس لئے، مردوں میں یہ عضوِ تناسل اور تناسلی اورمقعد کے گرد پائے جاتے ہیں۔(یہ ہم جنس پرست مردوں میں زیادہ دیکھے جاتے ہیں)۔ یہ پھوڑے تین سے چھ ہفتے میں علاج ہونے یا نہ ہونے دونوں صورتوں میں ختم ہوجاتےہیں۔</li>
	<li dir="rtl" style="text-align:right">ثانوی آتشک میں جلد پر دانے بن جاتےہیں۔ یہ ابتدائی مرحلے کے ختم ہونے کے آٹھ ہفتے بعد تک بننا شروع ہوسکتے ہیں۔ جلد کا زخم تانبے کے رنگ کا بیان کیا جاتا ہےاور بغیر خارش، یا خارش کی مختلف نوعیت کا ہوسکتا ہے، خاص طور پر ہتھیلیوں اور تلووں پر۔</li>
	<li dir="rtl" style="text-align:right">پوشیدہ آتشک بیماری کا بغیر علامات کا عرصہ ہوتا ہے۔ یہ دراصل وہ وقت ہے جب ثانوی آتشک ختم ہوچکا ہوتا ہے مگر تیسرا مرحلہ شروع نہیں ہواہوتا۔ فوری پوشیدہ آتشک ہو ہے جب ثلاثی مرحلے کی علامات ایک سال کے اندر ظاہر ہوں اور تاخیری قسم میں علامات ایک سال کے بعد ظاہر ہوتی ہیں۔</li>
	<li dir="rtl" style="text-align:right">ثلاثی یا تیسرے مرحلے میں بیماری متعدی نہیں رہتی اور اس میں&nbsp; بہت سے نظام جیسے دل اور دماغ شامل ہوسکتے ہیں۔</li>
	<li dir="rtl" style="text-align:right">پیدائشی آتشک بغیرعلاج والی ماؤں کے نومولود بچوں میں پائی جاتی ہے۔ علاج نہ کرائے جانے والے آتشک کے اثرات بھیانک ہوتے ہیں اورحمل کے فوری ضائع ہونے، قبل از وقت پیدائش یا پیدائش کے ساتویں دن تک موت کا سبب بن سکتا ہے۔</li>
	<li dir="rtl" style="text-align:right">آتشک سب سے زیاده جنسی تعلق یا آتشک کے زخموں سے پھیلتا ہے</li>
	<li dir="rtl" style="text-align:right">سکریننگ ٹیسٹوں میںRPR اورVDRLشامل ہیں۔</li>
	<li dir="rtl" style="text-align:right">تشخیصی طریقوں میںDarkfield Microscopy, Direct fluorescent antibody staining for T. pallidum, Immunohistochemistry, Polymerase Chain Reaction (PCR)اورTreponemalٹیسٹ شامل ہیں۔</li>
	<li dir="rtl" style="text-align:right">benzathine Penicillin G, ceftriaxone and doxycycline جیسی انٹی بایئوٹک ادویات علاج کا بنیادی جزو ہیں۔ تاہم، doxycycline حمل کے دوران نہیں دی جاتی۔</li>
	<li dir="rtl" style="text-align:right">آتشک کی کچھ پیچیدگیوں میں کانوں، دل، دماغ اور آنکھوں سے متعلق آتشک شامل ہیں۔</li>
	<li dir="rtl" style="text-align:right">خطرے کےعناصر میں متاثرہ مریض سے یا زیادہ خطرے والے مقام پر بغیرعلامات والے فرد سے جنسی رابطہ شامل ہیں۔</li>
	<li dir="rtl" style="text-align:right">بیماری سے بچاؤ میں کانڈم اور ڈینٹل ڈیم کا استعمال کسی حد تک کامیاب رہے ہیں۔ اس کے علاوہ نئے جنسی ساتھی کی جنسی امراض کی سکریننگ بھی آتشک کے امکان کو ختم کرسکتی ہے۔</li>
	<li dir="rtl" style="text-align:right">جدید مطالعےمیں بیماری سے لڑنے کے لئے Linezolid کو ایک بہترین دوا ثابت کرتے ہیں۔</li>
	<li dir="rtl" style="text-align:right">آتشک پاکستان میں ایک ترجیحی نوٹیفیکیشن والی بیماری ہے اور ایسے کیسز کی متعلقہ اداروں کوفوراََ اطلاع دینی چاہئے۔</li>
</ul>

[1] Singh AE, Romanowski B. Syphilis: review with emphasis on clinical, epidemiologic, and some biologic features. Clin Microbiol Rev. 1999 Apr;12(2):187-209. doi: 10.1128/CMR.12.2.187. PMID: 10194456; PMCID: PMC88914.

[2] STD Facts - Syphilis.

[3] HPS Website - High global prevalence of syphilis among MSM.

[4] What is an rpr test.

[5] Peeling RW, Mabey D, Kamb ML, Chen XS, Radolf JD, Benzaken AS. Syphilis. Nat Rev Dis Primers. 2017 Oct 12;3:17073. doi: 10.1038/nrdp.2017.73. PMID: 29022569; PMCID: PMC5809176.

[6] He who knows syphilis knows medicine” – the return of an old friend - The British Journal of Cardiology.

[7] Tertiary syphilis: What is it, Causes, Treatment, and More | Osmosis.

[8] Syphilis Tests: MedlinePlus Medical Test.

[9] RPR test: Why is it used, what to expect, and related tests. WebMD.

[10] VDRL test Information | Mount Sinai - New York.

[11] Syphilis in Pakistan.

[12] Henao-Martínez AF, Johnson SC. Diagnostic tests for syphilis: New tests and new algorithms. Neurol Clin Pract. 2014 Apr;4(2):114-122. doi: 10.1212/01.CPJ.0000435752.17621.48. PMID: 27606153; PMCID: PMC4999316.

Trusted By